|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
|
|||||||
التسجيل السريع مُتاح
|
 |
|
|
LinkBack | أدوات الموضوع | انواع عرض الموضوع |
18-04-2008, 08:29 PM
|
#1 |
 
 |
:.. المرأة السعوديّـة والمجال الطبّـي ..:
بسـمـ اللـه الرحـمـن الـرحـيـمـ حكـي , يقال أنه مقدمـه : منذ قديـمـ الزمان , والإختلاف موجود في عالمنا البشري ! جميعنا نعلمـ كيف اختلف قابيل وهابيل - أبناء آدم - وكيف اختلف كل رسول مع أمتـه .. ! والإختلاف الذي كان بين علي ومعاويـه - رضي الله عنهما - .. ! والإختلاف بين الدولـة العبّـاسيّـه والدولـة الأمويّـه ! والإختلاف بين باكستان والهند !! والإختلاف الذي كان بين بوش وصدّام ! والإختلاف بين الفنانه شمس والفنانه الأخرى ساره ! الإقنـاع .. ! لا حل للإختلافـ سوى الإقنـاع ! بغض النظر عن نوع الإختلاف ! فللإقنـاع فن .. يجيده القلّـه ! والحوار هو وسيلة الإقناع .. والإحترام .. سيّد الموقف . ..: المرأة السعوديّـه .. و المجال الطبّـي :..  جميعنا نعلم أن المجتمع السعودي بشكل عام .. مجتمع محافظ ! والمرأه في مجتمعنا بالتحديد لها دائما .. \\ استثناءات \\ ! لكن هل هذه الإستثناءات والمحافظه على تعاليم الدين .. تحول دون المرأه السعوديّـه والعمل في المجال الطبّـي بشكل عام !؟ . . سمعنا الكثير والكثير عن القصص التي تدور حول عمل المرأه في المجال الطبّـي ! فلانه .. اجتمع عيال عمومتها و بعض من جماعتها وقرروا ان يحولوا بينها وبين دراستها للطب أو العمل فيه بالذهاب إلى ولي أمرها وابلاغه بقرارهم المصون ,وأحيانا بعض أولياء الأمور أيضا تراه طيلة فترة دراستها في المدرسه ومنذ نعومة أظفارها وهو يقول : " شدّي حيلك علشان تصيرين دكتوره " وبعد ذلك تفاجئ الإبنه برفض الأب الكريم لمحاولة دخولها إلى هذا المجال .. هل لهم حق في ذلك !؟ . . الإختلاط بين الجنسين .. ! هل هو السبب أو بمعنى آخر \\ الحجّـه \\ التي يستند عليها الرافضين لعمل المرأه في المجال الطبّـي .. ؟ أم هناك أسباب أخرى برأيكم .!؟ . . نظرة المجتمـع ! هل ينظر المجتمع للمرأه العامله بالمجال الطبّي نظرة شك وريبه !؟ أم ينظر لها بأنها تقوم بعمل نبيل .. وهو مساعدة المرضى على الشفاء .. ؟ . . الزواج .. ! هل العمل في هذا المجال .. يؤدي إلى العنوسه !؟ وهل هذه العنوسه - إن وجدت - سببها العمل في المجال نفسه .. ؟ أم طول فترة دراسة هذا المجال هي السبب .. ؟ أم ماذا .. ؟ . . الكثير والكثير من الأسئله .. في إنتظار من يجيب عليها .. أتمنى أن يكون نقاشنا بصراحه .. وبدون نظرة مثاليّـه ! \\ وبقياس على الذات \\ . . شكرا جزيلا ..  و إن كان موضوعي مكررا , أو مخالفا للقوانين اعتذر مقدمـا  |
|
    
|
|
18-04-2008, 09:30 PM
|
#2 | ||||||||||||||||||||||||
|
رد: :.. المرأة السعوديّـة والمجال الطبّـي ..:
من قال؟ أقول لا تكثرون هرج عن ذا الموضوع وتخربون سمعتنا عند أمريكا والدول المتقدمة
 هذاني دكتورة على سن ورمح ولاضرني (<<< اليمني اللي يبيع العبايات قايل لي انك دكتورة) وأبوي معه دكتوراه في تلقيح النخل  ومعرسة يومي توي مستجدة أذكر ملكتي كانت يوم اختبار البايو بس بايو إيش لاحد يسألني وعندي درزن عيال وبنتي حامل أبشركم وعن قريب بأصير جدة عمشا <<< هماتس مسعوده
يوم اقراها احسبها (الجحة) <--- ماهمها الا بطنها ان بغيت الجد ماعندهم ما عند جدتي .. لأن كل التخصصات فيها اختلاط .. عندك الطب والصيدلة والعلوم الطبية التطبيقية كلهم يمرون في مراحل يجلسون هم والدكاترة في كلاس واحد ويطبقون بالمستشفيات .. والكليات الثانية كلها تتضمن مواد مثل الرياضيات والاقتصاد مثلا اللي تتطلب الحضور في قاعة زجاجية بحيث تجلس الطالبات مع الدكتور في غرفة وحده بينهم زجاج عازل مع انه يقدر يشوف اللي جالسات قدام اذا كان لابس ثوب أسود <<< جربناها نتأكد هو يشوف والا لا  حتى مواد الدين يدرسونها دكاترة رجال وفيه تواصل بالصوت ممكن يتطور لإيميلات ولا تغركم اللحية
تقوم بعمل نبيل ؟؟؟؟ أجل نبيل وش يسوي اذا كان فيه غيره يقوم بعمله <--- هه هه هه يامصلي تبي الصدز محد بيشوف انها تقوم بعمل نبيل إلا بيشوفون انها تقوم بعمل مجزي الراتب $$ هذا اللي بيتزوج دكتوره أما نظرة المجتمع أشوف انها تحسنت عن اول كثير مع اني لا أنفي وجود ناس من هالنمونة اللي ما بيتزوجون دكتورة مو شرط لأنهم مرتابين فيها لكن لأنها مشغولة على طول وما تنفع تجمع بين بيت وعيال وزوج إلا كان بالمسيار  يامال الفانكس |
||||||||||||||||||||||||
|
|
||||||||||||||||||||||||
|
18-04-2008, 09:52 PM
|
#3 |
|
رد: :.. المرأة السعوديّـة والمجال الطبّـي ..:
  فيرزاتشي الموبدع بالكلمات والتنسيق والكتابه تحيتي مع كومة ورد صبار << عشان بوهـ شوك ( لعانه )  اخوي اكلمك بالواقع ولا بالعقل ولا وش بغتي خليني اتكلم عن كلها  قبل كل شي انا اعارض البنت تدخل هالقسم المشؤووم ( وانا حر في وجة نظري ) اولا شي بعرف لك الطب من تعريفي انا وفهمي له الطب هو علم يهتم بجميع الأعراض الحية اما تشريحيا او كشفيا(((((( عمليا ))) << مليون قوس حلو عرفنا انه عملي .. طيب طيب بتقول لي لي ليه تعارض هذا الشي وش فيها ؟؟ جواب بديهي ماحد يقدر يصير طبيب وهو يقراء او القاء لازم تطبيق عملي وهالتطبيق بيصير فيه اختلاط لان الأرقام العالميه تشير ان نسبة الدكاتره الرجال للنساء كبيرا جدا جدا يعني لازم البنت تطبق مع رجال ( نمبر ون ) فرضا جبنا دكاترهـ نساء يشرحن الخ .. يعني مافيه اخلاط ( حلو ياعيني عليك ) شرحنا لهن وخلصنا ..  البنت تبي تتوظف ماردست لعانه تبي الوظيفة ( الدراهم اهم شي ) وين نحطه ؟؟ مستشفى مختلط ؟؟ مهما سوينا لازم يصير فيه اختلاط ( نمبر تو ) طيب تقولولي نحط مستشفى نسائي متكامل من الف الى ياء .. ( يابعدي والله ) الرياض بكبرها ماشفت الا واحد وفاشل بعد وازود لك من الشعر بيت كل الموظفات اجنبيات لقينا مستشفى نسائي متكامل وكل شي مظبوط ( حلو عيني عليك باردهـ ) طيب الطب مو سواليف اخذت الشهادة داوم يوم وخذ قحشة فلوس .. انا اوجه السؤال لكل رجال !! وش تختار بنت طبيبه نصف اليوم بالمستشفى تشتغل وطول عمرها تدرس ( هذي قوانين الطب ) ولا بنت متعلمة سواء متوظفه مدرسة او ماتشتغل ؟؟ انا بقول ماتشتغل اطلق عشان تهتم بعيالي بكرا لو قدر الله وسافرت وعندي عيال ؟؟ ولا صار لي ظرف طاري ..  من اللي بيقوم بهالواجب ؟ ( سبب سؤالك عن العنوسة للطبيبات ) هذي اسباب مقعنه  اما لو تكلمنا على الواقع شوي المستشفيات طبيبات واطباء مع بعض ( مرقص الأحمر << اللي بدمشق  << داشر ))هذي وجة نظري فيرزاتشي التعديل الأخير تم بواسطة ابو فهد ; 18-04-2008 الساعة 10:06 PM. |
|
|
|
|
18-04-2008, 10:12 PM
|
#4 |
|
رد: :.. المرأة السعوديّـة والمجال الطبّـي ..:
كلام جمـيل بصراحة وفيه من الواقع الذي نراهـ الشيء الكثـير بالنسبة لعمل المرأة في المجتمع السعودي كان في السابق منحصراً بشكل أو بآخر على التدريس إما بسبب جهل أولياء الأمور او بسبب بعض التشدد الديني الذي كان للأسف في غير محله واستمر ذلك الى أن بدأ المجتمع يعي بأهمية العنصر النسائي في المجال الطبي فكـثير ممن كانوا يرفضون دخول المجال الطبي للنساء نراهم (( يتوسلون )) الى الأطباء المناوبين في أقسام الطواريء بحثاً عن طبيبة تقوم بالكشف العاجل على زوجاتهم فلو نظرنا بشكل سريع الى كليات الطب في المملكة في السابق وعلى سبيل المثال .. في جامعة الملك سعود نرى نسبة كبيرهـ جداً من الطالبات من أهل الشرقية وأهل الحجاز .. على الرغم من أن الكلية تقع في وسط نجد !! ويعود السبب في ذلك الى إنفتاحهم نسبياً على العالم وتشدد أهل نجد الزائد في ذلك الوقت اما في الوقت الحالي ونتيجة للتطور الفكري والانفتاح الخارجي فإن غالبية الطالبات من أهل نجد وضواحيها فالكل يتمنى أن يصبح طبيباً وعلى الرغم من ذلك .. نجد أن نسبة (( كبيرهـ )) من الطبيبات بعد تخرجهم من الكلية يبقون في منازلهم .. !! إمـا بسبب الزواج وعدم سماح الزوج لزوجته بالعمل .. (( وهذا قليل هذهـ الايام .. فالجميع يتمنى الزواج من طبيبة بسبب عوامل كثيره ومن أهمها الراتب !! )) او السبب يعود الى الفتاة نفسها .. حيث انها دخلت الطب من غير قناعة تامـة فأي طالبة تخرجت من الثانوية العامة بنسبة تجاوزت الـ 95 % على سبيل المثال لايوجد امامها الا مجالين فقط .. الحاسب الآلي .. والكليات الصحية وشـتــّــان بين المجالين .. !! وهذا ما دعى برفيسور وجراح قلب سعودي لدينا بالقول ان تدريس الطب للبنات (( مجرد تضييع وقت !! )) فالقليل جداً منهن من تواصل دراستها للحصول على درجة استشاري .. وعلى الرغم من ذلك أيضاً .. نجد أمثـلة مشرفة لـ طبيبات سعوديات نفخر جميعاً بتواجدها بيننا مثل الدكتورة خولة الكريع كبيرة علماء أبحاث السرطان في مستشفى الملك فيصل التخصصي ومركز الأبحاث في الرياض والتي فازت مؤخراً بجائزه من جامعه هارفارد للتفوق العلمي وايضاً الدكتورة سلوى الهزاع رئيسة قسم العيون بمستشفى الملك فيصل التخصصي ومركز الابحاث بالرياض وغيرهن من الطبيبات والجرّاحات السعوديات البارزات ممن لاتحضرني اسمائهن .. بالنسبة لحجة الإختلاط بين الجنسين .. ومن قال بأن هناك اختلاط في الدراسة في الكليات الطبية .. فهو كاذب وادعوهـ الى زياره سريعة الى كلية الطب ومستشفى الملك خالد الجامعي ليشاهد الكاميرات المنصوبة في كل زاوية وكأنك في ثكنة عسكرية امريكية وبإمكانكـ ايضاً ان تذهب الى اقسام التنويم النسائية لتشاهد أن 95 % من الطاقم الصحي هناك من الإناث .. اما نظرهـ المجتمع .. فلايزال ينظر الى الطبيبة نظرهـ تقدير وإحترام .. سواء من أهل البادية الى أهل المدن والحواضر فالطبيبة المحترمة المحتشمة تلزم الآخرين على إحترامها في كل شي .. والعكس قد يكون صحيح ! شكراً House ..!! التعديل الأخير تم بواسطة LORD ; 18-04-2008 الساعة 10:16 PM. |
|
|
|
|
18-04-2008, 11:06 PM
|
#5 | ||||||||||||
|
|
رد: :.. المرأة السعوديّـة والمجال الطبّـي ..:
اسييك بالخير
بصراحتن موضوع جيد له عدة اتجاهات تلحس مخك .. وبصراحتن توني متناقش فيه مع أخيّه تدرس بالسنة الثانية في الطب ولن أدعي المثالية وبقول نفس رايي المختصر اللي ما أعجب أخيّتنا الطبيبة وبغت تحذفني بسماعتها لولا إن بيننا الشاشة .. في الحقيقة شي جيد إننا نشوف طبيبة مسلمة تعالج بنات جنسها بدل من أن يعالجهم الرجال وتنكشف عوراتهم .. لكن المشكلة في المنكرات اللي تصير في هالمهنة .. كأبسط مثال .. الاختلاط
الاختلاط سبب رئيسي وليس حجة جعلك تحج بأمك وبصراحة اللي ماعنده مشكله في الاختلاط فهذا ماكلن خنزير وصاير عادي عنده أخته وإلا زوجته تجلس كل صبحية مع دكتور تناقش معه حالة المرضى .. والبلية لاصار هالدكتور سامج ويذب عليها مثل ذاك الدكتور اللي بقريز أناتوني .. وترى هذي مداخله بسيطه على السريع اذا عجبتك رجعت ثانية اكمل |
||||||||||||
|
|
|
||||||||||||
|
18-04-2008, 11:20 PM
|
#6 | ||||||||||||||||||||||||||||||||||||||||||||||||||||||||||||||||||||||||
 
|
رد: :.. المرأة السعوديّـة والمجال الطبّـي ..:
فرزاتشي موضوعك جبته ع الجرح ..
 و بدون مجاملات احسنت اختيار موضوع للنقاش بإختصــار/
ماله حق انه يمنعها تصير دكتوره حتى لو ما قاله !! وشلون يمنعها ابوها عن مهنة الطب و هي غير مخالفه للدين الاسلامي ؟! يقولك اطلبوا العلم من المهد الى اللحد <--- و ابوها مانعها تدرس في الديره؟
فـ وش المشكله اذا كان مجموعه من النساء و مجموعه من الرجال يؤدون عملهم ؟؟ ( و العمل رساله ) و يؤدون عملهم ايضا من غير انفراد او خلوه ؟!
خاصة اذا كانت تحمل شهاده عاليه كالدكتوراه مثلا او اعلى من ذلك !! فـ هذي يحق لها ولأهلها ولـزوجها و لأولادها ان يفخروا بما وصلت اليه .. ( بغض النظر عما ينظره المجتمع لها )
لا اظن انه يؤدي للعنوسه !! فمن الممكن ان تجد في العمل شخص درس نفس دراستها و امضى نفس السنوات التي امضتها هي في الدراسه .. و بذلك يكونان مناسبان لبعضهما في العمل و في العمر .. (و اتمنى انه يكون ثلاث ارباع بناتنا بروفيسرات و دكتورات و طبيبات و اذا مالقوا احد احد يرضى بهم تسذا ..مهوب لاااااااااااازم يتزوجون  )و على فكره للي معارضين عمل المرأه في مجال الطب .. ( و العمل مشاركه) !! و انا متأكده ان الرجال ماراح يعارض الا اذا كان مؤهله الدراسي اقل منها  فـ بهالحاله ما يعارض خوفن عليها بس ما يبيها تجي ازين منه خاصة هنا في السعوديه <--- ترا هذا حتسي امي مهوب اناااااا
ووش فيها اذا صار فيه اختلاط ؟ طيب ياخي فيه حريم متزوجات دكاتره و هالدكاتره يختلطون مع دكتـــــورات و ممرضـــــات و مريضــــات و مع ذلك زوجاتهم ما اعترضوا الى حدٍ ما !! ليش انتم بالرجال تعترضون ع الحرمه ؟ بـ تقولي بسبب انها بتلهى عن عيالها و بيتها و زوجها ؟... الدكتور واللي ما يرجع الا اخر الليل و يلقى عياله نايمين ؟.. وش تقول عنه؟.. ما لهى عن بيته ؟ عياله؟ وزوجته؟ هذا غير سفرهم الدائم للمؤتمرات الطبيه ..!! و بعدين اعظم المخترعين و المكتشفين الاجانب ما قعدوا معهم امهاتهم في البيوت برضعونهم و يحفظونهم  و انحن امهاتنا مقابلاتن عيالهم و ان جادوا خذوا الثانوي ولا انتم بس ما تفكرون الا في المرأه ؟؟ ووش تسوي في الدوام اذا راحت؟ يا ناس العالم تطوروا و صاروا يفكرون وش جديد الاختراعات و الصناعات و انتم الى الان في المرأه .. فرزاتشي .. وه يافرزاتشي قررت عقب موضوعك ذا اني بصير دكتوره و مناب معرسه مره ثااااانيه اختيار موفق لموضوع طلعت فيه حرتي واللي معارضين الحين وش اللي حارق رزكم انها تختلط؟؟ اللي تبي الفسقه مهيب قاعدتن تكلف روحها سنين تبقق عيونها في كتب و تشرّح  ( الفسقه لها دروب كثيره ) !! التعديل الأخير تم بواسطة مهيب عاقله ; 18-04-2008 الساعة 11:33 PM. |
||||||||||||||||||||||||||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||||||||||||||||||||||||||
|
19-04-2008, 08:57 AM
|
#7 |
 
|
رد: :.. المرأة السعوديّـة والمجال الطبّـي ..:
وعليكم السلام
موضوع دايما نتكلم فيه ومازلنا فيه نسبه من الاهل ترفض ان البنت تتخصص بالطب ومثل ماقلت بحجة انه اختلاط طيب انا ودي اسال سؤال للي يعارضون ليش الحين اذا بغت زوجتك ولا اختك تدخل على دكتور ترفض ؟؟ وتقولها ماتدخلين الا على دكتوره !!! شلون تبي دكتوره وانت وغيرك يرفض؟؟ بتقولي فيه دكتورات اجنبيات طيب لو لاقدر الله صار بهالبلد شي وراحوا من بيعالج زوجتك ؟؟ رجال !!! وليش نخلي هالاجنبيات هم اللي يعالجونا!! ليش يتفوقون علينا بكل شي وحنا ماناقصنا شي اذا على الاختلاط دام الشخص واثق في بنته الحمدلله بتشتغل وهي متستره ومحافظه على نفسها وسمعتها.. وبالنسبه لسؤالك ان ابوها يرفض هل له حق ؟؟ طبعا ماله حق لانه هي شايفه انها ماراح تتفوق ولا تبدع الا فيه يعني موب معقول بتتخصص بشي ثاني، كل شخص وميوله.. وانا اشوف ان اي اب بيمنع بنته من التخصص اللي هي تطمح له اسمح لي هذا ابدا موب مهتم بالدراسه ولا بمشاعر بنته وهذا من النوع اللي يقولون الدراسه والمستقبل للعيال موب للبنات. اما بالنسبة لنظرة المجمتع اكيد بينظرون لها انها تقوم بعمل نبيل.. والعنوسه موب سببها لاعمل ولادراسه انا اعرف كم وحده بالطب متزوجات وفيه بنات قاعدين ببيوتهم بتخصصات ثانيه عاديه بس ربي ماكتب انهم يتزوجون وهذا كله بارادة الله . بس الحمدلله انا اتوقع ان كثير من الناس الحين تغيرت النظره هذي عندهم وصاروا يفخرون ببناتهم وانا الصراحه اهني كل وحده اهلها من الناس الواعين المتفهمين وانا منهم اشكر ربي الحمدلله . اهنيك على هالموضوع الجميل ويعطيك الف عافيه بس ودنا نشوف رايك |
|
|
|
|
19-04-2008, 04:46 PM
|
#8 |
 
|
رد: :.. المرأة السعوديّـة والمجال الطبّـي ..:
|
