|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
|
|||||||
التسجيل السريع مُتاح
|
 |
|
|
LinkBack | أدوات الموضوع | انواع عرض الموضوع |
15-05-2008, 04:44 PM
|
#1 |
 
|
وشلون تطلب الحكومة من تاجر الرز يخفض الرز ؟؟ الدعوه عبط يعني ؟
سـلام ياشطـار .. سلخيـر على الجميع قبل كم يوم جاء ببرنامج في الدائرة على قناة المجد عضو مجلس الشورى زين العابدين الصراحة من أول الحلقة إلى آخره وانا قافلتن الاخلاق منه لأنه يتكلم بواقع غير واقعنا يعني زين اللي خلص البرنامج قبل أكسر التلفزيون وأبقولكم أهم النقاط اللي لفتت انتباهي وابيكم تناقشونها أولاً : تكلم عن سبب معارضة مجلس الشورى لبدل عاطل يقول مايصلح نعطي الشاب السعودي الف بدل عاطل لأنه يبي روح لشارع التحلية ويجلس بالمقاهي وبكذا نزيد من تضخم البطالة عندنا يعني الحين ما فيه شباب الا بشارع التحلية طيب الشاب من وين له فلوس علشان يتنقل بين مدن مملكتنا الحبيبة ويجدع ملفاته لعل وعسى يلقى وظيفة ؟!! الشاب له احتياجاته الخاصة من وين له فلوس علشان يستوفيهن ؟!! وبعدين كل الشباب على الشاكلة هذي ؟!! ليش التعميم بالشكل هذا ؟! طيب وأنتم معارضين أو مؤيدين لها الفكرة ؟!! ثانياً : نجي للوظايف وما ادراك مالوظايف حضرته يقول لاتطالبون وزير العمل بزيادة الطلب لأن اصلاً الحين اللي موجودين بالدوائر الحكومية عددهم كبير والمفروض نشتغل بنصف العدد هذا ؟!! >>>> لاحظوا اعوذ بالله يبي يقلل الوظايف طيب فيه سؤال نقز براسي الحين مجلس الشورى 150 عضو وظيفتهم يجتمعون يوم الأحد من كل شهر ويتشاورون والراتب 45الف هذا مايزيد من نسبة التضخم على قولته ؟! وليش كل هالعدد الكبير يكفون 50 عضو ايه نرجع لمسألة التوظيف يقول ليش الشاب مايسوي له مشروع ويدخل بالقطاع الخاص طيب القطاع الخاص فيه تفرقة بين السعودي والأجنبي السعودي ماله بدل سكن ولا معيشة وراتبه أقل هذا بالنسبة للقطاع الخاص واذا حصل وظيفة فيه اما المشاريع ياعمي وشلون تبيهم يسوون مشروع والحين كل شيء غالي من وين له رأس المال الشاب اللي ماعنده وظيفة عساه يلقى قوت يومه علشان يزين مشروع لاويقول ليش الشاب مايشتغل براتب ألف ؟!! وش الفايدة اننا دولة غنية وبعدين وش تسوي له الف ؟!! هي فاتورة كهرب ولا ماء والا جوال والا مستشفيات والا ....... بس اعجبتن مداخلة واحد من الشباب قال تقبل ان ابنك يشتغل بمرتب الف ؟!! هو يقول عادي ولده يبي يكسب من عرق جبينه وانا اقول ولدك من الحين مجهزة له الوظيفة وأنتم وشو تعليقكم على رأيه بالمسألة هذي ؟! ثالثا: نجي عاد لغلاء الأسعار ورأس سعادته فيها يقول ليش تطالبون الحكومة بتخفيض الأسعار ؟!! ليش التطاليون ان الحكومة تطلب من تاجر الرز يخفض الرز لاننا لو خفضنا الأسعار يبي يخسر التاجر لان التاجر تابع للسوق وانا اقول طيب ليش ماتحددون الاسعار للتاجر بحيث انكم تضمنون ربحه وتحمون المستهلك يعني بدل مايصير مكسب التاجر بالكيس 100 خله خمسين لا وأزيدكم من الشعر بيت يقول ايه غلاء الاسعار لمنع التضخم لأن السعوديين مايرضيه بيت صغير يبي بيت كبير لاحظوا عمركم شايفين شاب سعودي صغير بهالوقت ساكن قصر لاوالله اغلبهم شقق على كبر عيني واسعارهن نار وش رايكم بكلامه كيف نستطيع حماية المستهلك ؟!! المهم انا كلامه قهرن بس اعجبن واحد يوم قال وشلون تستضيفون واحد راتبه 45 الف يتكلم عن غلاء الأسعار ؟!! صدقت والله ( اللي ايده بالمويه موب مثل اللي ايده بالنار ) ويالله عاد تفاعلوا وعطون رايكم وسلامتكم |
|
    
|
|
16-05-2008, 04:12 AM
|
#2 |
|
رد: وشلون تطلب الحكومة من تاجر الرز يخفض الرز ؟؟ الدعوه عبط يعني ؟
موضوع حلو بصراحة واشكرك عليه
تدري وش المشكلة؟ المشكلة ان كل أعضاء مجلس الشورى .. يا رجل أعمال وبالتالي ما يعرف معاناة المواطن البسيط، او مسؤول سابق (مستشار، وزير، إلخ) ونفس الوضع ماراح يلمس معاناة أي مواطن سعودي، وهذي مصيبة .. تعودنا على التعيين المسبق والسمع والطاعة وسياسة ( لا أريكم إلا ما أرى ) .. لو أن الشورى بالانتخاب بدل التعيين هل سيكون وضع المجلس بهالشكل اللي يفشل؟ لدرجة ان قناة MBC جابت تقرير لأعضاء الشورى وهم نايمين واللي يتثاوب واللي ما جا من أساسه، والأعضاء رفعوا قضية ع القناة .. هل تصدق ان فيه أعضاء من صارو اعضاء ما وطت رجولهم عتبة المجلس؟ وبعد فضايحهم فكروا يستصدرون قرار يمنع ويجرم أي وسيلة اعلامية من الكلام عن عضو بالمجلس .. حصانة يعني !! يبن الحلال خلها على ربك !! هي وقفت على مجلس النوم؟ اجل مزعجيننا ربعنا حقين الشورى والمسؤولين (واولهم حمد السياري) والاقتصاديين (المدفوع لهم) بسالفة ان فك الارتباط بالدولار ماراح يفيد بمعالجة التضخم .. شوي ويبكون من الحماس عشان يثبتون ان فك الارتباط بالدولار وتعويم الريال أو ربطه بسلة عملات راح يسبب مشاكل للاقتصاد ويزيد نسبة التضخم .. وجا الرئيس السابق للبنك المركزي الأمريكي جرينسبان في مؤتمر جدة الاقتصادي وفجرها بوجيهم، وقال انكم اذا تبون تخففون من التضخم لازم تفكون ارتباطكم بالدولار اللي طايحة بالأرض قيمته والحل للتخفيف هو التعويم الحر للعملات يا حبيبي تكلم مين ولا مين .. تتوقع ان عضو مجلس الشورى الموقر طق لك خبر؟ اهم شي رضا أسياده ولا انت بقريح .. والشي المضحك ان مجلس الوزراء مخلي مجلس الشورى مجرد وسيلة لتمرير قراراته اللي يبيها .. اذا بغى يستصدر قرار خلى مجلس الشورى يناقشونه ويرفعون التوصيات اللي يبيها له ويعتمدها .. واذا ما بغى يعتمدها خلاهم يرفضون الاقتراح من أصله .. يعني طال عمرك الشورى مجرد ديكور .. شفت مسرح العرائس وتحريك العرائس بالخيوط من فوق .. هذا هو مجلس الشورى بالضبط !! |
|
|
|
|
17-05-2008, 04:49 PM
|
#3 | ||||||||||||||||||||||||||||||||||||||||||||||||
|
|
رد: وشلون تطلب الحكومة من تاجر الرز يخفض الرز ؟؟ الدعوه عبط يعني ؟
اسسيكم بالخير
يعني ألف ريال كافيه لأن تغني العاطل وتخليه يستغني عن الوظيفة إن حصلت له؟ (يستغبون هذولا وإلا يستهبلون!) طلاب الجامعات يصرف لهم مكافآت حول الألف ومع ذلك كثير منهم توظفوا في أوقات الفراغ ولا أكتفوا بالألف رغم انشغالهم بأمور الدراسة .. عندما يقيس المتحدث عن استهتار ابن أو قريب له (وسرحانهم في شوارع الرياض من مقهى إلى مقهى) فهذا لا يعني أن جميع الشباب مثلهم .. وبالنسبة لي بدل من أن تناقش مسألة بدل عاطل وتضييع الوقت عليها (والتمنن فيها على العاطلين) فالأجدر والأولى أن يبت في قضية توظيف العاطل ووضع حد أدنى للرواتب تتناسب مع الأوضاع الاقتصادية وغلاء المعيشة بحيث لا يقل راتب السعودي عن 5000 آلاف ريال سواء كان سكيورتي أو كاشير في سوبرماركت أو غيره من أجل أن تحد البطالة إن أرادو فعلا الحد من تضخمها .. وأنا هنا لا أطالب بـ بدل عاطل .. أطالب بـ بدل مواطن لكل مواطن .. وليس ألف أو ألفين .. أطالب بأرض يملكها في وطنه .. سكن يملكه لا أجار يدفع قيمته كل سنه ..
كل ما جا طاري وزير العمل تذكرت مشروعه مشروع السعودة اللي أول شي سعوده سوق الخضار ..! ترك المصانع والشركات وشارع التخصصي اللي كل محلاتهم أجانب مشخصين على مكاتب وقهوجي رايح جاي عليهم وراح لسوق الخضار والبسطات في عز القوايل لأن السعوديين حمير مايحسون بالشمس  ولا تهون فكرته الجديدة سعودة الخادمات .. مدري ذا من وين يفكر 
وأزيدك من الشعر بيت فيه ناس يتقاعدون براتب كامل 30000 ثم يرجعون يتعاقدون من جديد بـ 30000 صار الراتب 60000 .. بس ترى هذا ماله علاقة بالتضخم لأنه مبلغ بسيط ولا له بعد علاقه بالبطالة لأن هالشايب يستاهل هالوظيفه عنده خبره أحسن من شاب توه متخرج .. عرفت ..؟
غلاء الأسعار حدث ولا حرج .. بترك الرز لأن ما عندي علم فيه وبعلق على الحديد .. مصيبة الموسم .. قبل سنة كنت شاري طن الحديد بـ 2000 وقبل ثلاث شهور بـ 2900 والآن بـ 3700 لاحظت معي كيف السعر ..؟ بغض النظر عن كثرة طلب دول الخليج اللي لها علاقة كبيرة بإرتفاع الأسعار .. واللي المفروض لهم سعر غير سعر الداخل ... وبغض النظر عن حديد سابك اللي اصبح نادر بالسوق ومن حق الدول الخليجية .. يجيك تاجر ويشتري الحديد المتوفر بالسوق ويحتكره الرجال ويضرب سعره فوق .. وإذا عندك شي يالمواطن طلعه .. وإذا تبي تبني يالمواطن كل تبن واشتر غالي مالك غير الله ثم احنا .. أخيراً .. اللهم أحفظ بلادنا وولي أمرنا وأرزقه اللهم البطانة الصالحة التي تدله على الخير وتعينه عليه التعديل الأخير تم بواسطة نمبر ون ; 17-05-2008 الساعة 05:12 PM. |
||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||
|
19-05-2008, 05:22 PM
|
#4 |
|
|
رد: وشلون تطلب الحكومة من تاجر الرز يخفض الرز ؟؟ الدعوه عبط يعني ؟
يارجال خلها على ربك بس
الله يرزق ابو متعب البطانه الصالحه ,, وتتعدل الامور,,, هذا من الناس الي يسبب الصداع والهم للمواطن السعوودي مدري شايف نفسه على ايش الله يعطيكم العافيه ياشباب ماقصرتوا |
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
|
المواضيع المتشابهه للموضوع: وشلون تطلب الحكومة من تاجر الرز يخفض الرز ؟؟ الدعوه عبط يعني ؟
|
||||
| الموضوع | كاتب الموضوع | المنتدى | مشاركات | آخر مشاركة |
| من يفرقعها ( قصه مقرقعه) | مصيول بن جورج | تكية الملحق | 4 | 02-10-2007 02:36 PM |
| جـمـيــع جــداول الـدوريــات الأوروبيـــه ،، | خنبوق سعينون | طقها والحقها | 6 | 15-02-2007 03:12 AM |
:: الغاز :: بنات :: شات :: العاب :: بلوتوث :: مركز تحميل :: برامج :: افلام :: زكرت :: طبخ :: توبيكات ::
 |
 |
|||||
 |
|
|
|
|
|
|
العرض العادي
