|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
03-05-2008, 01:32 AM
|
#1 |
 
|
انا صرت ( ابله ) ياماما
صباحكم // مساكم ورد ومسك وكادي انا صرت ( ابله ) ياماما ها أنا اكبر عاما عاما مجرد مجاراه لــــ انا صرت ( سمينا ) ياماما هاأنا اكبر عاما عاما  <<< فاهمه المجاراه غلط  ,, 1427 / 1428هــ من اروع سنوات حياتي  عشت فيها تجربه جديده ..مغامره راائعه رغم مافيها من صعوبات سنه كامله مارست فيها دور ( الأبله ) _ استاذه _  .. هالدور اللي كنت اتعايشه بسنوات طفولتي  كنت اقلد اي معلمه تعجبني .. سواء بأسلوبها او لبسها او حتى تسريحة شعرها باأبتدائي خقيت مع ابله بدريه لأنها دايم تشجعني وتحط لي شريطه حمرا على مريولي لأني متفوقه وبنفس المرحله كرهت ابله منيره  لأنها عصبيه ودايم تقول : اللي مايحفظ جدول الضرب بضربه عاد ليومكم ماني حافظه جدول الضرب كله  المــــهـــــم << وركزوا على هالكلمه لأنها بتنقال كثير بالموضوع  // الصغار صاروا كباار  ودخلنا الجامعه ,, وجا فترة التطبيق العملي  ..يعني انتِ الحين ( استاااذه ) تحضرين الدرس وتدخلين على طالبات صدقيين ماهوب زي يوم كنتي صغيره تحطين لك كراسي فاضيين وتشرحين الدرس وتهايطين على الكراسي كان تقولين بأمك خير .. هايطي على هالطالبات اللي قدامك ياماااامي شعووور لايوصف  .. // الفرق بينك وبين المعلمه الصدقيه : ان المعلمه مترسمه وتاخذ راتب وانتي قيد التجربه وتاخذين درجات وتقييم من هالمعلمه الصدقيه  ,, رجــــاء لاحد يرد هذا مجرد تمهيد يعني مابعد اخلص خنبقتي << الشرهه على اللي يدري عن موضوعك اصلا |
|
    |
|
03-05-2008, 02:01 AM
|
#2 |
|
|
ذكريات من عبق الماضي << تسمع بالتشويق هع
قم للمعلم ووفه التبجيلا كاد المعلم ان يكون ( مسخره ) ,, ابله اسمك حلو .. تدرين ليه ؟ اول يوم لنا بالتطبيق العملي رحنا المدرسه اللي اخترنا نطبق فيها جيت وانا كااااشخه يقاااالي آآآبلــــــه وأدخل اول حصه ( كانت بصف ثاني متوسط ) قبل ماأدخل كنت قووويه ومتمكنه من نفسي وحافظه الدرس دخلت وسلمت واسندت اللوحه على جدارالفصل التفت على الطالبات ألا تصكني ام الركب وش ذاا  ؟وقسمن وحده منهم قامت يقالها بتساعدني وبتكتب عني اليوم والتاريخ ع السبوره اللي يشوفني جمبها يقول : هي الأم وانا بنتها <<  ماشاءالله مليااانه وعملاقه الله يحفظها لأهلها قامت الثانيه وقالت : ابله وش اسمك ؟ انا : جلسوا امكانكم وصيروا هاديين عشان اعرفكم على نفسي << يقالي ابله مثاااليه عاد هي بنت اللذينا ماسمعت كلام ابلتها  خذت دفتر تحضيري وفتحته وقالت بكل ماأوتيت من وقاااحه : ابله عرفت اسمك  ياربيه على اسمك ياأبله .. اسمك حلووو ماااره تدرين ليه ؟ انا :  << طبعا محد درا اني معصبه ابله لأنه مثل اسمي >> يعني ماهوب لسواد عيوني ياللهيسه  انا : طيب ممكن تهدون شوي ؟يالبى قلبي مرررره خايفه منهم << خاصه ان اشكالهم ماتهيأ ان الواحد يرتاح نفسيا عرّفت بنفسي وسميت بالرحمن وبديت الدرس وتفاعلت معه لدرجة اني حسيت اني ابله صدقيه  << كفوووالله يعني الخوف اللي بأول الحصه مدري وين راح // ومازالت الذكرى تجرّ المواقف // بلح الشام .. وش مكوناته ؟ ومازال التطبيق العملي مستمر ومازلت اعيش دور البطوله << يعني اني آ آ آ آبله ,, وضحى ( وكيلة المدرسه ) _ لو سمحتي ياأستاذه كنت انا امشي قدامها فأكيد كانت تقصدني مع اني مو مستوعيه وقتها اني ( استاذه ) طالبة تربيه عملي ويخبّ انا التفت : تقصديني ؟ ابله وضحى : انتي من بنات التطيبق مو ؟ انا : هالله هالله هي : عندك حصص اليوم ؟ انا : لا عندي الحصه الأولى وخلصتها هي : طيب الله يعافيك روحي اخذي وحده من زميلاتك ودخلو على صف اولى ثانوي ( انتظار ) يعني الطالبات فاضيين وانا ادخل اضبطهم .. اكششششششششششخ انا : قدااام دخلت انا وخويتي الأبله زيي  على الفصل والصراحه كانوا حلوين ومؤدبين وكلش يمكن لأن وقتها رمضان والناس من الجوع يهجدون وكعادة الحريم سوالفهم برمضان : وش طبختي ؟ وش طريقة الطبخه الفلانيه ووو الخ المهم انا كـــ آ آ آ بله مثاليه تحاول تضبط الفصل وبدل مايسولفون سوالف جانبيه خلت السوالف معها يعني بدل ماكل وحده تسولف مع اللي جمبها خليتهم كلهم يسولفون معي انا بديت اخذ واعطي وسوالفنا كانت عن==> الطبخ المهم انقزت وحده منهم وقالت : والله شكلك ياأبله مو حوول الطبخ كللش انا اسشطت غضبا واحمرت وجناتي من الأحراج << تمسكي بس طبعا البنت اللي قالت هالكلمه ماتجرأت وقالتها قدامي وانما من تحت لتحت << ركزوا على ( انما ) طبعا يوم سألت عنها تستروا عليها  انا كوحده واثقه من نفسها وكأستاذه مثاليه << تراك صجيتي امنا ياااا آبله انتفش ريشي مثل الطاووس وقلت بلغة الغرور : انااا لو تسأليني عن اي طبخه قلت لك مقاديرها كلها  << طبعا من بعد ماطلعت هالجمله وانا متورطه بعمري الطالبات : مااشاءالله عليك ياأبله مايدرون ان ابلتهم ماوراها الا الدجه بعدها عـــمّ السكوووت انحاء الفصل << امووت على الفصحى وسمعت صووت خافت ورا بنت تسأل اللي جمبها : سأليها كيف طريقة بلح الشام انا : << يعني متوهقه ترد عليها زميلتها : استحي انا سأليها انتي وينتقل السؤال للبنات اللي قدامهم ( بــُـغيه ) ان يصل للشيف ســويــّـر انا سمعت طراطيش هالحكي .. واحط رجلي عند الباب وادعي ان يرُن الجرس قبل مايوصلني السؤال والحمدلله .. استجاب ربي دعاائي ورن الجرس وانا اللي افلت بجلدي لغرفتنا قبل لايلحقوني متعمده اني اجزأه عشان ماتعبون بالقرآءه فـــ بليز لحد يرد مابعد اخلص << لو انك ساكته ابرك |
|
|
|
|
03-05-2008, 02:14 AM
|
#3 |
|
|
نهاية المطاااف ..
ربي زد من يحبني جنونا بي واعطي من يكرهني العقل حتى يحبني // // يوم الخققان والتواقيع هذا اخر يوم لنا ( للقروب اللي معي ) بالمدرسه اللي طبقنا فيها بجد كانت اياام حلووه .. تعودنا على البنات عن نفسي الحمدلله أديت زين وراضيه عن اللي قدمته وشرحي كان ممتاز بشهادة طالباتي والمعلمه اللي قيمتني والدرجه اللي انرصدت بالشهاده الجامعيه يعني اليوم يوم الوداع .. خلاص ماراح نشوف سور هالمدرسه الا اذا الله كتب لنا انا نتوظف بهالمدرسه  يوووووه .. وقسمن وقتها حسيت نفسي ( كوندليزا رايس ) لا وش كوندليزا هاللي ماغسلت عيونها خلنا نقوووول ( نوال الزغبي ) انظف وقسمن عظمن ان الطالبات كل وحده بتواغرافها عشان نوقع عليه وقتها صدق خنقتنا العبره  لدرجة اني ودي ابصم بدل ماوقع عشان ماينسوني << خوش ابله ايييه هذا غير الهدايا والرسايل والورود .. صدق بنات مراهقات لا واكثر شي ضحكني .. رساله من احد الطالبات اعطتها زميلتي اللي معي بالتطبيق المشكله انها مو حافظه اسمي اجل شلووون تقول انها تحبني عاد وش اسمه اعطت زميلتي الرساله وقالت لها اعطيها ابلة الماده الفلانيه اللي لابسه تركواز وساعه سودا  اعطتني اياها الا مكتوب فيها ( لو قلت يمه حنان الأسم يكفيني .. وشلون ضمة يدينك يابعد راسي ) بغيت ارد عليها الورقه واكتب وراها ( طيب انا وش دخلني ؟ لايكون انا امك وانا مدري )// خــــــتــــــامـــــــا فترة التطبيق على قد ماكنت متعبه .. على قد ماكانت ممتعه وعرفت وقتها ان مهنة التدريس مهنه مو سهله يكفي المواقف الي تواجهه مع الطلاب بأصنافهم المؤدب والمشاغب :: الحين خلصت يالله سفأوو لي  ,, للمتواجدين هنا =>  |
|
|
|
|
03-05-2008, 03:34 AM
|
#4 |
 
|
رد: انا صرت ( ابله ) ياماما
سوير اولا مبرووك انك صرتي ابله تطبيق
 عقبالي ما اصير وزير ان شاء الله  << يسمع بالطموح المهم موضوعك مرتب الصدز يعني شلون انتي ترتبين وكييذا وتحيطن الوان انا اذا بغيت احط الوان ماعندي غير الاحمر ينقالي كاشخ <<< اصلا انت ينقال لك اصلا تحط مواضيع من الاساس  المهم سوير عن قوله انك يوم انك دخلتي على الطالبات وكييذا وحاولتي تسكتينهم ولعنوا خيرك وهبلوا فيك ترى الضحك مع الطلاب والمزح معهم بالبدايه مهب زين يعني اتوقع اول ماتدخل على الطلاب مايشفون سنونك الا بعد شهر من تدريسهم ولازم اول ماتدخل يصير فيه ضحيه اول واحد يستبثر امسكه العن خيره بعدين صدقني بحترمونك مره بس اتوقع ان التدريس ممتع يعني من كثر ما اجلس مع مدرسين بس بنفس الوقت فيه تعب غير طبيعي يعني قبل امس كان فيه مجموعه من اخوياي مدرسين ماطلعوا من المدرسه الا الساعه 11 بالليل عشان عندهم اجتماع اباء ما الله حد ان الواحد يتعب ها التعب بس برضوه عندهم اجازات غير طبيعيه وما اقول الا ياسوير مبروك التخرج مقدما اتوقع ان ها الترم اخر ترم ولا لا ؟ ابشرس ان شاء الله اذا صرت وزير اني لا اتوسط لك وانقلك لم الرياض تراني مدري وش قاعد ابربر بس قلت خلني ارد صايرن هرجي واجد حسبي الله ونعم الوكيل على اللي صايرن امشي معه في الايام الاخيره بيخليني قرقه زيه |
|
|
|
|
03-05-2008, 04:16 AM
|
#5 | ||||||||||||||||||||||||||||||||||||||||||||||||
|
|
رد: انا صرت ( ابله ) ياماما
يا صباح التماسي يا ورد آآآعد ع الكراسي ..
ســـــــــاره .. حيث أن القلم أمانه وحيث إني أمين (أمين زياد مدني) فبخش بالموضوع دوغري (واحد ملحوس)
وصرنا كبار مثل ما كنا نتمنى .. والغريب وش صار؟؟ رجعنا نتمنى (لو إنا بس بقينا صغار) <== وجه وده يبتسي ==> فارقنا يرحم امك
أجل انتي مدرسة تربية فنيه؟ <== تكفى لعد تسوي ذهين
استغفري بعدين وش اسوي بعمر ي أنا <== برا
الجزء هذا بحط عليه خطين .. بصراحه يا ساره أنا إنسان بريء امشي جنب الحيط واقول يا ستير (وفي الفترة الأخيرة أحس الحيط ما يبيني أمشي جنبه من برائتي) فالخلاصة ... ما كنت اعرف الحاجات هذي في مدارس البنات أبدا وأحس إنك خربتيني وفتحتي عيوني (اقول انثبر بس) إلا أي مرحله هذي؟ .....موضوع إكــّــــــــه |
||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||
|
03-05-2008, 12:45 PM
|
#6 |
 
|
رد: انا صرت ( ابله ) ياماما
لو قلت يمه حنان الاسم مايكفي
.. .. .. وشلون ضمة يدينك يابعد راسي . . لو ماجاتس من مهنة التدريس كلها الا هالبيت والله ان يكفيتس  عنبو اصلكم مدري وشلون معقولياتكم يالبنات تخقون مع مدرساتكم انا اذكر ان المدرس مايجيه مننا الا الشر والقشر حتى لو انه اكوس واحد بس يالله عقبال ماتصيرين مدرسه صدزيه مادام اسلوبتس تسذا .. وقسمن بالله ان يصيرون يجون لمتس بالبيت تدرسينهم لا غبتي ختفووووووو عليتس ما شاء الله لا انضلتس |
|
|
|
|
03-05-2008, 05:43 PM
|
#7 |
|
رد: انا صرت ( ابله ) ياماما
ماشالله عليك سوير مواضيعك مميزة مثبت ،، ولي باك ان الله اراد الليلة |
|
|
|
|
04-05-2008, 12:11 AM
|
#8 |
 
|
رد: انا صرت ( ابله ) ياماما
ليس من عادتي المرور من هنا ..
مررت فأجبرني المرور .. على قراءة اول سطر .. ووجت نفسي امام سيناريو رائع .. حتى انتيهت وانا انتظر المزيد .. لم اتوقع النهايه ! .. سوف اكون متابعا دائم لـ قلمك .. فلا تتأخري  |
|
|
|
04-05-2008, 04:53 AM
|
#9 | |||||||||||||||||||
|
|
رد: انا صرت ( ابله ) ياماما
مـــوافق عليها .. ياخي انا اذا شفت يوزرك تصير خشتي كذا ==> واذا قريت ردودك تصير خشتي كذا ==> شلون لكان الرد بموضوع لي وقسمن يشرفني انك اول الردود بموضوعي .. مراااحب مليووون والله 
الله لايقوله سمعت انك غااوي نووم وشلون تبي تصير وزير اجل كان الناس تموت جووع وتروح بخرايطها
| |||||||||||||||||||
