يــــــــارب خل لنــــــا البنـــــــــــات ,,,!!

ولد الحكم · 18-05-2008, 10:24 AM

\
\
\
بدون ماطول وبدون مقدمات
المكتوب بين من عنوانه

ماقول الا

يارب خل لنـا البنــات
\
\
\
\
\

ممكن اعشق وبمزاجي
وممكن اخون بمزاجي
وكل شي بالدنيا ممكن
يا زمان اهل المزاج
ما بقى ومضة امل ...؟!
ما بقى حبة علاج...؟!
ما بقى كلمة غلا ...؟!
وين عذبات المشاعر ...؟!
وين احاسيس البنات ...؟!
وين احبك اللي تسبقها دموع
وحشرجة بين الظلوع
وبلع ريق ...؟!
وما اطيق
واللي يعقبها سهر
وليلها طوله دهر...!!
وتاليتها ينتهي كل الغلا
والله يا انه قهر
" كلها ماتت جميع مابقى منها شعرة ...؟! "

وين ذاك الوجد ... والحب العفيف ...؟!
ضاع كله ...؟!
يا عسى ربي يعوضه
صار حب اليوم موضة
وصار نزوة
وصار تقليد ...
بعد ماكان الهوى يحسب حسابه
انقلب
" من مصخرة في مصخرة ...!! "

وهذا هو حال الرجال
كلهم نفس الحكاية ... والرواية ... والموديل
حب كشخة
وحُب يعنني احب
وآخرتها
" كم يوم وبكرة نلقى غيرها ...!! "
ليش يعني ... هي من تكون ...؟!
آخرتها بس حي الله بنية
عقب ماكانت غلاه
وحلم عمر
وآخر آمآله
وكان يسهر ليل
ويبكي ليل
وكان يهذي ويحلف انها اغلى البشر
وان غلاها يبقى في قلبه الى يوم الحشر
وفجأة يصحى ويكتشف ما فيه حُب
بس نزوة وانتهت ...!!
وما صار شي
يكفي انه قد تسلى فيها ايام ومضت
ومات ذاك الحب
راح وين ...؟!
" راح المقبرة "

ليش مات الحب بقلوب البنات
ليش ذاب الصدق بقلوب الرجال
ليش انا قبل الزواج كنت اناديها " الغلا "
وكنت اناديها الغرام
و " بعد أُمي وابوي "
وضحكتي ... وابتساماتي ... وبلسم جرحي المفتوح وجروحي
وعقب ما ربي جمعنا
واجتمعنا
وصرنا أُسرة
وصرت انا واياها جميع
نصحى وننام
ونشرب بكاس الغرام
ويوم اناديها تجيني ما تأخر
وتقول " سم ...! "
و " لبي قلبك يا بعد قلبي انا "
صرت اناديها عقب ذاك الغلا " هيه... وينك يامره ...؟!"

ليش انا قبل الزواج كنت اكلمها
واسولف
واقضى ساعات وزمان
واحتريها
وحتى لو تأخرت ... او اخلفت ميعادها
ما ازعل عليها
لا
ولا حتى اعاتبها شوي
وكنت اشوف عيوبها بعيني جمال
ونقصها بعيوني هو معنى الكمال
ويوم صرنا مع بعضنا
لو حكت لي كلمتين
او سولفت ... او مازحتني وضحكت
قلت كافي ... بس ... ما ابي قلة ادب
" واعتقد يكفي كلام وبربرة ...!! "
يااااااااااااااااااااااه
بعد ماكان الحكي بشفاهها ينقط عسل
صار بتاليها حكي...؟!
لا...
وليته حكي ...
صار اسمه " بربرة ... أو ثرثرة ...!! "

ليش اراضيها منوّل يوم تزعل
وما آتحمل بس لو لحظة زعل
وكنت ادللها
واموت بضحكها
واقول " آسف يا غلاي "
واكتب اجمل بيت شعر لعينها لين ترضى
وعقب ما ربي جمعنا
من تزاعلني اقول لها
" في بليس ... طقي راسك بالجدار أنتي حي الله بقرة ...!! "

وربي احنا صدق مرضى عشق
واشواق
ومشاعر
وعشقنا من دحدرة في دحدرة
ماعرفنا وش معنى البنت
ولا عرفنا قدرها
ولا وفاها بصدرها
وما حكينا عن غلاها
ولا صفاها
ولا هواها
ولا دفاها
بس نتكلم على
ثرثرتها
وبربرتها
وحكيها السامج
ما نخاف الله يعاقبنا وهي
عطر دنيانا وهوانا
بدونها تظلم سمانا ... بدرنا في خدها
وصبحنا في قدها
وشمسنا بكفوفها
وربي وردة ... يا سعد من شمها
وغيمةٍ تمطر حنان ... والحلا في دمها
وشكل بسمتها جنان ... والكرز في فمها
وبن عمتها المطر ... وغيمة الشوق أُمها
و ولد خالتها الربيع ... والزهر هو عمها
وخصرها دنيا لحاله ... حظ صدرٍ ضمها
وريقها نكهة عسل ... والعطر في كمها
وشهي الدنيا اذا مابه بنات ...؟!
رجال ماتضحك ابد
وصحراء مافيها ربيع
وعيون كاسيها الوجل
و وجيه ما فيها امان
وطفل يبكي
وشيخ يشكي
ودنيا مافيها رفيق
وصحبة ما فيها وفاء
وقلوب ما فيها حنان
وما احدٍ يرحم احد
برحمتك يارب ... " خل لنا البنات "
بضحكهم
وهبالهم
وخبالهم
ودموعهم
وشموعهم
ويا حلو تدليعهم
ويا حلو تدليلهم
رحمتك يارب ... " خل لنا البنات "

تحياتي
لـ عبدالكريم المهنا

ولد الحكم · 18-05-2008, 10:27 AM

على فكره ,,

ترى ما انتبهت ان المنقول ممنوع ,,,

لكن لكم كامل حريه التصرف مع كامل الاعتذار للمشرفين بالقسم هذا ,,

اخوكم

ولد الحكـم

ابو فهد · 19-05-2008, 04:49 AM

ياشييييخ ابدااااااااااااااااااااااااااااااااااااااااااااااا اااااااااااع

وقسمن هل بعد هالكلااااااااااااااام شي ؟
لكن وين الناس اللي تسمع اللي قلت << قاعدن يلووووووم نفسه

الله يخليك لعين ترجيييييييييك
كلامك على الجررح

اللهم امييين ياااااااااارب

يــــــــارب خل لنــــــا البنـــــــــــات ,,,!!

نبض القوافي