تقرير مصور لمباراة .. " الملحق " Vs " غشمان "

ضب بدون عكره · 19-05-2008, 06:40 AM

بسم الله الرحمن الرحيم

. : مـــدخــل : .

ليس المهم في عالم الكورة ان تصول وتجول في ارجاء الملعب .. بينما المهم كيف تطوع الكورة من اجلك بالفكر

. : معلومات اللقاء : .

الفريقين : منتدى الملحق Vs منتدى غشمان كوم
التوقيت : يوم الاحد 12/5
المكان : احد استراحات الرياض
النتيجه : 5-3 للملحق

. : الاعضاء المشاركين : .

واليكم الفصفه بالترتيب

1- حارسنا ( وسيم ) .. ابدااع ابدااع .. صحيح خنبق مع اول كورة بالمباراة لكن بعدها استأسد عليهم .. وصد كم كورة خطيرره .. ويستحق لقب ابودعيع الملحق

2- المدافع الايسر ( تايقر ) .. المدافع الصلب والبرج العالي اللي انقذ كم كورة ..ونشب لهم نشبه .. كم انت كبير يا تايقر

3- المدافع الايمن ( مصيول بن جورج ) .. من اين لك هذا يامصيول .. وش اقول وش اخلي .. قتالية على الكورة وروح وانضباط تكتيكي .. وانطلاقات مساعده للهجمه .. يكفي تطليعتك اللي جت هدف ببداية الشوط الثاني

4- الجندي المجهول ( الاسطورة ) .. اول ما دخل سطير جلس يتلفت ويشوف احسن واحد يلعب فيهم .. ومير ينشب له نشبه .. انهاه من بعدها ما شفنا لاعبهم
كبيير يا سطيرنا
بس حسافة تضيعتك للهجمه اللي صلحتها لك انت وضميرك ..

5- ابودبل ( موافق عليها ) .. خلونا نبدا بالدبل اول شئ .. كورة عرضية صعبه .. ينط عليها دبل لكن قهر ماجت هدف .. ليتها بس مصوره كان تغطي على هدف رونالدينهو ..ابداع منقطع النظير .. يكفي انه صاحب احد الهدفين الحلوة .. ومثل ماهو واضح بالتشكيلة انا وموافق مدافعين مكملين في حالة الهجمه علينا .. وصانعين لعب في حالة الهجمة لنا .. بس تعبنا

6- ( ضب بدون عكره ) .. مدري وش اقول .. يالله اللي بعدوه

7- ( واحد من الناس ) .. يا عيني يا عيني .. الاعب اللي راهنت علييه بدع اليوم
صنع كم كورة خطيره ..وصنع كم هدف .. وقاتل على الكورة .. من بعد مباراة لمباراة جالس تبهرني

8- هدافنا ( زيدان ) .. ماشاء الله يشم الهدف شم .. سوبر هاتريك عظيم اليوم .. فان نستروي الملحق ..
وانت بعد حسافه تضيعتك للهجمه اللي صلحتها لك انفراده

برايفت للزيزو
اخرستهم بالاربع اهداف اللي سبوا ريال مدريد وزيدان

. : نقــاط في المباراة : .

* استمتعنا بمباراة مع فريق الغشمان .. اللي تشرفنا بمعرفتهم واللي احرجونا بكرمهم وطيبتهم .. نرفع القبعه احتراما لكم

* اهداف المباراة اتت باقدام .. زيدان 4 اهداف + موافق عليها هدف

* كانت طريقة لعب الغشمان شت الكورة من الباب للباب .. وهذا اللي سهل علينا حجرهم .. واتذكر ببداية المباراة قلت لمهاجمهم - عبدالملك اعتقد - بهالطريقة ما راح تفوزون

* فيه جمل تكتيكة تطبقت بالمباراة تدل على فكر كبير وراقي .. مسكنا افضل لاعب عندهم وانهاه سطير .. وكان فيه توازن دفاعي هجومي قمنا بهالدور انا وموافق ..

* اجمل هدفين .. 1- الدقه معنا بالشوط الثاني عطيتها لواحد من الناس انطلقنا انا وزيدان وسحبنا معنا كم مدافع .. مصيوول جااااااي مقلع من الطرف اليمين ويصلحها له واحد من الناس .. وعلى طول مصيول بلمسه وحده يعكسها لزيدان اللي ما تردد واسكنها الشبك
2- كورة قطعتها من وسط الملعب .. صلحتها لواحد من الناس بلمسه .. اللي برضوه بلمسه هيأها لموافق وسددها على الطاير وتنشب بالشبك

* مصيول + سطير اخذوا كروت صفر - يعني اذا فاتك الاعب لا تفوتك رجله -

* انشق سروالي من عند الساق بعد انبراشه عظيمه من واحد من لاعبينهم علي والشق وصل للركبه .. وربطت السروال وصرت الكابتن رابح

* فيه مباراة اياب وتحدد الوقت مبدئيا يوم الخميس ما بعد القادم

اعتذر لمصيول وموافق وسطير اللي كانوا ينتظرون الموضوع وتاخرت عليهم
بس انتم تعرفون السالفه
واعذروني بعد على الموضوع البسيط لنفس السبب

مصيوووول هااه نمت ؟! .. يالله المايك معك

مصيول بن جورج · 19-05-2008, 12:50 PM

بسم الله الرحمن الرحيم ..
اول شيء اهنيكم بالفوز يا اعضاء الملحق ..
وعلشان ما اطول وبي نومن عظيمن .. دوكم ها الصور على عجاله .. واعذرون على الحوسه بالصور .. لاني متكسر .. وما بي حيل افكر وش اسوي
1 - صورهـ فريق الملحق .. مكون من ( موافق عليها - ضب بدون عكره - وسيم - تايقر - واحد من الناس - زيدان - مصيول بن جورج - ومن خلف الكام .. سطير المنبرش)

2 - صورهـ للفريق المنافس .. والصراحه امتعونا بلعبهم ..

هذي صور الفريقين المتنافسين .. وانتهت بفوز الملحق بنتيجه 5 - 3

الحين نجي لصور تم لقطهن على السريع ..

هذا كما واضح امامكم .. ضب بدون عكرهـ
الصراحه .. اتعب اذا قلت عنك ماكينه الملحق لو منك اثنين .. كان البلنتي جاء اول المباراهـ بس الصراحه .. يكفي منك روحك المرحه .. مهما كان .. تبقى انت الافضل

هذا خلفهم .. موافق الحلو 11:
وش اقول بس .. اقول كابتن محنك .. اقول يكفي انك كرشت ابو شلحلح اقول انك نجم وهـ بس .. الله يخليك ذخر لنا وللامه الاسلاميه والملحق

هذا محدثكم من خلف الكيبورد .. مصيول..

* وسيم .. اسم يشارك معنا على ارض الملعب .. وفي حمايه المرمى .. والحمد لله . كان مستواهـ رااااائع ..
* تايقر .. يا حبي لك وانت قاعد معي بالمراكز الخلفيه ..
* زيدان .. صاحب الرجل الذهبيه .. يكفينا شرفا لعبك معنا ..
* واحد من الناس .. حركه وانت معصب على الحكم
* سطير .. الكلام يضيع اذا جاء طاريك ..

وبااس هذا اللي عندنا اليوم ..
تصبحون على خير ..

شليويح بيك · 19-05-2008, 08:02 PM

اوب معقووول ابد

رغم ان فريقهم فيه 4 مهاجمين " كاكا , روني , ايتو , راؤول "

واثنين ظهير ايسر " حسين عبدالغني وربرتو كارلوس "
والدفاع " المنتشري وبويول "
والوسط " نور "

لكن هزمتوهم هزيمه كويسه .. وعقبال ماتكرر النتايج اللي كذا

v e r s a c e · 19-05-2008, 08:11 PM

أما حسين عبد الغني .. ههههههههههههههههه

مبروك يا شباب الفوز والخماسيّـه ..

ويا لبّـى قلب ديل بييرو ..

رفعتوا روسنا ..

.
.

وأعيد وأكرر ..

شليويح ..

الملاعب كلّـها مشتاقـه لك

.
.

يعطيكم العافيـه يا ضب ويا مصيول على هالنقل الجيّـد والمباشر .. <<

وبالتوفيق في الإيابـ ..

المنقهره · 19-05-2008, 08:15 PM

انا مااشجعكم اشجع فرزاتشي ورى فرزاتشي مالعب .. والا خلاص بيعتزل ؟!
سلفر الحكم وينه ؟!
اللحين صدز وراكم تلعبون بثمنية لاعبين !؟

اصدقائي فيكم هزال ؟! فيكم كساح ؟! يلعن ام الأجسام المخيسه
المشعر ذا موافق صح ؟! <<------- طراه صورة الزايده
ضب بدون عكره .. عقب ماشفت أجسامكم هونت بعتزل التدريب المره الجايه نبي صورة سطير الشبهه

تبطي عظم · 19-05-2008, 08:30 PM

يسسسسسسس

يسسسسسسس

فريقنا فاز هيييي هييييه

بس ورا ما خليتوني دفاع <<<<تحلف انها ما عمرها لعبت الا دفاع

الف مبروك للملحق هذا العشم فيكم

هارد لك للغشيمين

ضب:عودتنا على التقديم الي يفتح النفس فـ شكراً لك

مصيول:عودتنا على الصور الاطلق شي فـ شكرا لك

تبطي ...

واحد فاضي · 19-05-2008, 09:07 PM

ع البركة .. نبارك للمخنبقين عيال الملحق !
و ننتظركم يوم الخميس الجاي

واحد فاضي

ام غمازات · 19-05-2008, 10:51 PM

الف مبروووووك

الحين الفريق الثاني موب عيال نت

كان ظللتوا الوجيه احسن اشكالكم طالعه خلفه بسم الله عليكم من هالروس

ماعرفت الا موافق ووسيم بس الباقين ابي اعرفهم

ضب ومصيول يعطيكم الف عافيه على التقرير والصور والله ماقصرتوا

تخلون الواحد كانه حاضر معكم

موافق عليها · 20-05-2008, 12:06 AM

فزنا فزنا

والله فريق الملحق ابهرنا في الليله الضلما اللي مافيها هوا معرقين قبل لانبدا نلعب

اولا خلوني اتغزل بحارسنا المبدع وسيم وسيم كم اشتقت اليك
وسيم ابدع ابدع بعكس المباراه الاولى واعتقد انه رجع لمود المبارايات يعني بسبب الانقطاع كان مش في الفورما

تايقر وش اقول وش اخلي يكفي اني دايم اراهن عليك

سطير غطيت على ستام في لعب مان تو مان ابداع ياكوتش اخاف احسد فريقنا عليك

ضب صح يالمحور صح ياللي رابط الهجوم بالدفاع صح يافضل لاعب العب بجنبه ابداااع حتى النغاع ياكفو انت

واحد من الناس مايستروا شويه عليك كلمه مايستروا ياخي وش خليت لغيرك يقلون لو طارق التايب امس شايفن المباراه كان يمكن يعتزل من فنك بعدين ترا عندي لك سالفه وفيها ادله وكييذا <<< واحد قاعد يناظر فرزاتشي

زيدان صدق اذا قالوا ان الهداف عمله نادره اهنيك على المستوا مدري وش اقول الصدز يعني لو اهرج فيك ماخلصت

فريق الملحق ونعم الابطال واحب اقولكم (لاتوقف )

اقتباس

المشعر ذا موافق صح ؟!

كلهم مشعرين بس انا دوري علامه الكبتينه وتلقيني

الطفشان · 20-05-2008, 12:59 AM

الحمدلله ان مالديني ونيستا مالعبو والا اعلوم مبرررررررررررررررروك الفوز

موافق عليها · 20-05-2008, 01:07 AM

مصيول تراني مانسيتك

بس لاعب بمثل امكانياتك لازم له رد خاص

يعني الصدز الاعب الكامل هو مصيول ماشاء الله قاطع المويه والكهرب عن هجومهم
وصانع لعب خرافي صاحب انطلاقات خطيره << بس انتبه لاتصبخ بالجدار المره الثانيه
لو مايجيك من المباراه امس الا التصليحه الكعب اللي نقشت الكوره وجاب زيدان هدف ابداع لامتناهي لفريق الملحق

انتي قسيتي · 20-05-2008, 03:58 AM

المكان: احد استراحات الرياض

بدايه قميله .. لفريقنا المطفر

ضب بدون عكره اقتباس

* مصيول + سطير اخذوا كروت صفر - يعني اذا فاتك الاعب لا تفوتك رجله -

وه .. ينآس .. ياحبي لحركآت احمد جميل

الف مـبروكـ ..
من فوز لفوز . ومن بطوله لبـطوله ..

تقرير مصور لمباراة .. " الملحق " Vs " غشمان "

طقها والحقها