سـَـكـَـرْنا ولم نشرب من الخمر جرعةً _ <ما قلدت موافق وستار ابد>

تبطي عظم · 28-04-2008, 07:57 PM

بسم الله

حيث انني < < < تكفون لعد تخلونها تقول مقدمات

اولن قصة اني قلدت موافق وستار هذي قاضين منها وخن نروح للمهم < ما تصرف ابد

كلنا لنا ماضي...والسعوديين ما ضيهم غير

خصوصاً بدايات اقتحام الحياة < < والله ان يمشي حالي بالتعبير ولا؟ ؟

عدت للخزائن الي امي مخبيه فيها الاشياء القديمة : (ملفاتي - دفاتري - ......الن <<<يعني الى النهاية زي الخ الى اخره )

ووجدت ما لم تر العين مثلة

جاني شهيق من الضحك وفتاق واشياء اخرى
وشد عضلي في خدودي و..... انتهى الكلام so

LET'S START

هالحين اذا البقر ما شاء الله عندنا جميل يا القراءة والكتابة اجل حنا وش بنطلع يا كافي ؟ !!!

بالله هذا تعليم؟؟؟ هذا تأسيس؟؟؟؟ اجل حمار وكبير بعد؟؟؟؟ ويقولون ليه ما يطلع عندنا بالسعودية نوابغ
بلا والله من هالتأسيس الي زي وجيههم .

والله يا موافق اني دايم اقول لهم ارفقوا به ارفقوا به تراه يحس ويتألم لكن ماش
موافق شفت كيف انت غالي حتى وزارة التربيه والتعليم يوصون بك

ايه عادي عادي

ولد خالتي كاتب لي رسالة يوم حنا صغار.....صح ابد ما فيه ولا خطأ املائي في رسالته لا بارك الله فيه حتى التوقيع غلط فيه ورجع صلحه وحاط اكس تحت التوقيع الغلط
هذا يوم كنا بثالث ابتدائي

هذا قبل كم يوم 17 - 4 في حصة الادب وكنت مواصلة

صدق ليه كيذا ؟

ومابعد اكتمل التحميل في ايام الاختبارات (نفسية)

صرت رومنسية فجأه ليلة اختبار التوحيد

وسبحانو وقدروا عليك

عشان اخذه المدرسه ما انسى

ميدالياتي

(فنوني):

^
^
أمحق والله لو انك بيكاسو ولا مايكل انجلو:

سكنيه من بنات افكاري <<<< يمديكم على خيالي الواسع

اوستاز سليم

زوجة موافق

خطيب ستار

هالحين بعد ان انتهيت من البلاوي حقتي دلفت <<< كيف الفصحى؟

دلفت الى غرفة اخي الذي يبلغ من العمر 11 خريفاً <<< أها عاد زودتيها اخلصي

وحيث ان الجميع يعلمون_او لا يعلمون <<<كولي تبن

انه اتحادي على قولته اتحادي حتى الموت حتى الضياع حتى الغرق <<<

وجدت بعضاً من البلاوي:

يا ويلك من امي يا الفراعنه كانك خليت اخوي يخرب دفتره الاملاء

اهم شي البالون الاتحادي

^
^

ما هذا يا اخي العزيز

انظروا يا رعاكم الله

هذي لما سألته وش هي ذي قال بمناسبة رمضان يعني قديمة

وش احكي عنه
عن الاالوان وتناسقها؟؟؟

ام عن الدلة والمصحف الي بالهوا طايرين؟؟؟؟

ام عن يد الدلة الي ملون الهوا الي داخلها؟؟؟؟

ام عن الستمية ترليون نجمه وضياع الهلال بوسطها؟؟؟؟

تأملوا الفن والجمال

أتعب أتعب أتعب أتعب عشان اعلق على هالصورة أتعب مقلوبين الحروف هذا قبل الروضة

في الصيفية الماضيه
هو وعيال خوالي سووا مخطط وعلقوه في بيت جدي ولا سووا منه شي

المخطط:

1- الضهر سوني او كورة

الضهر
2- اونو

العصر
واحد وعشرين

المغرب: جماد حيوان

مونوبلي العشاء

هذا الله يسلمكم كتاب فيه 555 نكته وكل وحده امصل من الثانيه
لا صرنا جايين للرياض يمسكه اخوي ويقعد يتلو علينا مما في هذا الكتاب من مصالة والمشكله ان ابوي يعطيه وجه

يحطون في كتب اخواننا الصغار الاطفال احباب الله هالفيسات وما يبونهم يقولون لبعض: كل تبن يا زلابه

بعد هذي البلاوي سيرنا على بيت جدي
تذكرت ان عندي خالن عنده مثل هالبلاوي

فاستغليت غيابه

وتلقفت ودخلت غرفته فوجدت: <<<<<وراي ماصلة كذا

من زود الفلاحه كاتب إلاما إما ..........امحق<<<دفتره يوم كان بالثانوي

فتحت درجن به اشياءات قديمة وكذا ولقيت الاشرطة الي يشغلونها بالمسجل الي تنفرط :

اموت يا عبادي

لقطت لكم برادة مدرستنا بجوال ابلتشي

وفي الاخير لا يسعني الا ان اقول لكم عذرا ثم عذرا على المصالة ولكنها حالة تقليد + شئ ينتاب كل فرد سعودي وشكراً

kwe7h · 28-04-2008, 08:31 PM

اقتباس

جاني شهيق من الضحك وفتاق واشياء اخرى
وشد عضلي في خدودي و..... انتهى الكلام

وهـ يازيـن الذكريـات ,
في البيـت اذا طقـتنا حـالة كـآبة طلعـنا شي من القـديم, والله يانفـلها فـلة

اقتباس

حتى التوقيع غلط فيه ورجع صلحه وحاط اكس تحت التوقيع الغلط

هههههههههههههههههههههههههههههههههههههههههههههههههه هههههههههههه
آآآه يابـطني ههههههههههههههههههههههههههههههههه

ههههههههههههههههه
ياحليـله
يختـي أغلبـنا يـومنا صغـار نكتـب كـذا , بالمقـلوب

اقتباس

هو وعيال خوالي سووا مخطط وعلقوه في بيت جدي ولا سووا منه شي

باللهي مصـدقة طفـل سعـودي بيـخطط ,
حتـى لو يخـطط مايـنفذ

فدنيـاك يـوماً صـدوداً , ويـوما وئـامـآآ

الله يـقطع عـدوك كانـك خليتـني أكركر ومحـد جنـبي

قـلدي كل دايـم باللهي
ومب فـكرة شيـنة أقـلدكم بـعد

موافق عليها · 28-04-2008, 09:54 PM

تبطي يافاهيه وش ذا الخبال اللي مهب لم سنع وش تحسين فيه بالله حالتكم والله حاله انتم ميؤس منكم اول كنت احسب اني مريض بس من يوم شفت خبالكم دريت اني اعقل واحد على وجه المعموره ( مهب بس انتي تفلسفين حتى انا قلت المعموره ) بالله ابعدي شوي خلينا نشوف وش انتي مخنبقه يالزاحفه

اجل بقرنا جميل وحمارنا جميل ومدري وشو بالحيوان بعذرك طلعتي متخلفه طلعتي مافيتس عقل بعدين وش تحسين فيه بالله هذا خط شوي شوي لا ينكسر قلم الرصاص احس انك ضاغطه على القلم وكل شوي تبرين

اجل انا حيوان يالهيسه على الاقل انا محطوط لي عنوان وش كبره مهب زيك محطوطه على طرف السطر <<يتذكر البقر جميل

شوفوا تحت موقع توقيعين واحد غلط والثاني صح يعني تمويه ذا ولا وشو بس الصدز ان الثاني خطير

يلعن ام الروقان وش تحسين فيه وانتي قاعده ترسمين عاد اقولك شي اول ماشفتها صبرت عندها شوي قاعد احتريها تاصل ميه ابشوف وش تصير

ابدي اعجايبي بالثانيه على اليمين اللي فيها اي لوف فوت بول وكذلك مفك العجل مايهون علينا بالله وش تحسين فيه وانتي معلقه مفتاح اربع طعش على رقبتسس تقولين سباكه الا بعدين ليه مافيه واحده اي لوف ارسنال

وهـ بس خققان
شعر كيرلي وحاطه تقويم بعد وعيون خضر زي عيوني وش تركنا لعيالنا
تشبه مريام
(اول مره احط قلوب وانا خاق صدز )
بس الخشم وراه حرف L

ستار شوفي سنه طايح نفس سن بعض ناس

بس عيونه وحاجبينه كنهن بيت يعني يقصد احطك بعيني

شوفوا النجوم بالسماء يعنني باليل طيب بالليل ماقلنا شي بس وش جاب الدله

اروح تخطيط واجي تخطيط

كل الخطه العاب بس اهم شي واحد وعشرين

بس ماعليك ترا كل الالعاب اللي كاتبهن اخوك افت فيهن يعني لو العب معه هزءته

الا المنبولي ماش عجزت اهضمها عجزن افكر

زينا اثركم براداكم تقعدون تصفون فيه طابرو مهن تجون اذا بغيتوا تشربون ترصون اللي يطلع الماء لين تطلع تسنها نافوره همن تمد لسانك

تبطي ياحيوانه وش ها الموضوع السلس <<يسمع الصدز اني اليوم اقول من زمان مارديت ابي موضوع ارد عليه بغيت اتهور واطب ببملكه الحريم بس اشوا ربك ستر تبطي شكرا عشانك ضحكتينا عليك

QasseimY · 29-04-2008, 03:27 AM

ههههههه..والله ابداع
اعجبتني بقرونا جميلون ههههههههه..
حلوه الذكريات..

والله انتس صادزه (تبا يا ثالث ثانوي)..

و بعد توني مختبر (قياس) اللي مدري وش يبي

آآه بس..الله يوفقنا..

شكــرا..

ستاربكس · 30-04-2008, 12:04 AM

تبطاااي ..

اقتباس

اولن قصة اني قلدت موافق وستار هذي قاضين منها وخن نروح للمهم < ما تصرف ابد

خخخخخخخخخخ ابد ابد دامتس بتطلعين بذا الهبال , كل يوم قلدي ..

خخخخخخخخخخخخخخ الله من الصدز , اجل بقرنا جميل ..
وش قصدهم يعني .. يعني إذا احد قال يا بقرهـ , افرح لا تزعل , لإنه يمدحك ..

هههههههههههههههههههههههههههه , هـ الصورة ذكرتني بـ السدحان يومه يقول للقصبي مدري لـ الحيان , إنتا صرصور كاابير ..

خخخخخخخخخخخخخخخخ يا حليله ولد خالتس ..

قسم إن توقيعه ازين من توقيعي ..

يوووووووووء ذي عندنا منها بـ الكراتين ..

يا ناااااس , اتعب أنا ع الفن ..

مقدر مقدر .. خخخخخخخخخخخخخخخخخخخ وش ذا الزين ..

اما الدلة عالم ثاني خخخخخخخخخخخ ..

.. وهـ بس يا زين الزين .. ..
واهم شي الأخلاق .. موب الشكل ..

اقتباس

ستار شوفي سنه طايح نفس سن بعض ناس

شغالتنا .. ؟

اقتباس

بس عيونه وحاجبينه كنهن بيت يعني يقصد احطك بعيني

خخخخخخخخخخخخخخخخخخخخخخخخخخخ , الظاهر كذا ..

خطيبة موافدز ..

VS

بـ الله , ما فيها من الرسمة شوي .. ؟؟

ترا الرسمة مهيب أنا .. ولا صديقتي إللي راسمتها ..
وتراها ما تشبهني .. , بس لون البريسز يوم إنها ترسمني هو اللي يشبهني .. <-- حمارهـ فضحت روحها ..

يوم شفت الصورة , حنّيت للبريسز ..

انتي قسيتي · 01-05-2008, 03:17 AM

حاجز كررسي ... لي عوده

أبــ Jo$eph ــو · 01-05-2008, 05:37 AM

تبطي النفسيه .. لو يطبقون عليك زرع المخ ما عقلتي !! طيحتي سمعة ثالث ثانوي في الحظيظ ..

نقول .. تبون فن ..تبطي .. تبون ابداع .. تبطي.. تبون متعه .. تبطي ---> تبطي يعني بعيد عليكم موب العضوهـ المفهيه راعية الموضوع ..

شكل زبدة لورباك مستوحية الدعايه منك .. بقرنا جميل .. وبقرهم مدلع ..

يا ربيه يا ربيه !! وين انا قاري مثل هالكلام فيه !؟ .. الظاهر انها في جريدة India Today ..

عندكم بطاقة عائله مثلنا ؟ يعني انت سعوديه ؟ اشك في هذا عقب لغة ولد خالتك ..

تبطي .. الله لا يحرمنا من هالعقليه .. والى مزيدا من التقدم والاختلال ..

° زمـآن و طـآف ‏° · 01-05-2008, 01:04 PM

ستـآر يعني وش لون تشبهـآ ؟
تبين توضحين إنتس إنتِ نفسهـآ خطيبته < أخرسيييي
تبطي وش ذآ آلهبــــــآآل
توقيع ولد خآلتس وقسمً فلـــــه
وشو بطآقه عآئله بعد ؟

ذكرتني بذآك آلتوبيك يآقلودآآ آللي جآري تحميل حبك إظآهر

يانبييييييييييه يآحلو أيآم آلإختبآرآت
بآقي عليهـآ شهر < نكد نكد
بس وآلله تطلع موآهبنـآ يختشي
خذي [ ]

رمش العيون · 01-05-2008, 09:43 PM

رووووووووووووووعه ويعطيك الف عااااااافيه

سـَـكـَـرْنا ولم نشرب من الخمر جرعةً _ <ما قلدت موافق وستار ابد>

ذهب الملحق