يوم إني صرت بنت ..

ستاربكس · 26-05-2008, 11:09 PM

ذات يوم كنت نايمة في أمان الله .. وبعدها قمت .. !! <-- التعجب يقال لها عشان الأكشن ..

المهم نزلت لـ أهلي .. بشوفهم مشتاقة لهم .. لي أسبوع الظاهر ما شفت أبوي , وكني سمعت إشاعة إنه مسافر .. مدري عاد أنا منيب أحب الإشاعات ..

يوم إني نزلت ما لقيت حولي إلا وخيتي .. والباقين نايمين كـ العادة .. <-- ما قمتي إلا الفجر وتبينهم يحترونتس بعد ..

عاد جيت ابسولف معها وأقول لها .. ( أيوا يـا النيميرا , متى ح نروح لهذاكا الشي .. ؟ ) ..

النمرة : ستاروهـ تكفين لا بغيتي تحاتسيني أحتسي زين ..

أنا : والله يا عومري إني أحاكيكِ زين , ماراا تبيعي كلامي ..

النمرة : أقول بس ضبطي وضعتس .. بلا مصالة يرحم أمتس .. يكفي حقين النت ..

أنا : شفيكِ إنتي ليه ما تصدقيني وتقولين عني ماااسلاا , ليه كيذا إنتي شريراا ..

وبعدها قمت أراكض لـ غرفتي وانا اصيح ..

وأطب على السرير واخم قردي الجميل * وأقعد اشكي له .. ( والله يا كوكي مافي أحد فاهمني في هـ الدنيا إلا أنت .. ) ..

يوم شفت إن كوكي ساحبن علي ولا يرد , قلت ما بدهاش مالي إلا النت أدخل أفضفض لـ صديقتي الخكرية ..

<-- أقول كلي تبن أنتي وخويتس بس .. حامت كبدي مني ..

المهم بعد ساعتين ونص من القلوب والبوسات والحش سكرت النت وجا وقت الدوام ..
وقررنا أنا وصديقتي الخكريه .. إننا نلبس بلايز طقم .. تي شيرت وردي مكتوب عليه : I am beautiful no matter what they say <-- ترا ابد ما سرقتها من كرستينا ..
الترجمه : أنا حلوهـ مهما قالوا ..

وصلت للدوام .. والاقي صديقاتي .. ميمي وخوخه وسوسي وميشو ومزنـة .. <-- هذي بنت عم ميمي بس توها مستجدهـ ولا عندها صديقات ..
وهات عاد يا سواليف ..

يااااااااااي ستوري <-- ادلع روحي وش زودي عن سوسي والشلة ..
مااااراا لوككِِ يجنن , طالعة كانك حليمة بولند ..

يوووووووووء بنات فاتكم أمس , بغيت أموووووووووت من الموت .. <--
تخيلوا قاعدا بـ السيارا , وأسمع بوسيكات دولز ومنسجما مااراا بـ الأغنية .. تحزن .. <-- يسمعون بـ الحزن ..
المهم وتجي ذيكا السيارا وهي مسرعاااااااااا وأنا فاتحا الشباك عشان التان حقي قاعد يروح وابغا الشمس ترجعه .. ويمشي من جنبي والهواء طير أوراقي وتخيلوا تخيلوا وحدا من الأوراق جرحي أسبعي , حتى شوفوا ما أقدر أحركها يا ربي أخاف يجيها بهاق ويقطعون اسبعي ,, وااااي ماابي ماابي ..

واااااااااي بنات شفت لكم واحد في سنتيريا يخققققققـ .. ألخ
يشبه مهند مااااااااااااراا بس مهند أشقر و هذا لونه بني ..
وجلس يطالعني وأنا ما عطيته وجه ولا طالعته .. <-- دام إنتس ما طالعتيه ولا عطيتيه وجه , أجل وش دراتس عن الشبه ..

بنات شفتوا مهجة البويه .. ؟ ( مهيب عاقلة وش أخبارتس .. ) اليوم جتني وقالت أبيك تصيرين خويتي .. وااااااااااع تخيلوا أصير خويتها والله تزعل علي جيجي ولا تكلمني أبد ..

بعد ما رجعت من الدوام حسيت راسي ثقيــل .. قعدت أصارخ عند أبوي ..

باباي : وجع إن شاء الله , خير وش فيتس تزاعقين .. ؟

موا : دادي دادي .. راسي يعورني مااااااااراا , أحس إني بمووووووت , ودني المستشفى بشوف وش فيه ..

أبوي : مافيتس إلا العافية , روحي بس قولي لـ أمتس ترا بيجينا رجال بعد شوي ..

أنا : يا ربيـــــــــــــــــــة , ليه كيذا محد يحبني في هـ الدنيا .. أجل أنا أتألم و أصبح عندك وأنت ما همك , اصلاً انت منت أبوي الصدقي .. لو إنك أبوي الحقيقي كان وديتني وخفت علي وشفت وش فيني .. ابي دادي الصدقي .. وخــــــر عني أنت منت أبوي ..

طـــــــــــــــــــــــــــــــــــــــن .. <-- صوت فنجال صكني به ابوي ..

أنا : !! وش صار ..

أبوي : أبد والله , جتك الحالة البناتية الله يكفينا الشر , واشوا هـ المرهـ ما طولت . خلاص عرفنا لك من عقب تجاربنا فيك من قبل ..

أنا : وهـ بس يا يبه .. الله لا يخليني منك .. إلا ورا جبهتي مورمه .. ؟

أبوي : سـر المهنة ..

في النهاية مافي أحلى من الفطرة والطبيعة إللي أنخلقت عليها .. لحد يتفلسف ويغيرها .. ترا موب لايق ..

* صورة قردي الجميل ..

يا دافع البلاء · 27-05-2008, 12:02 AM

هههههههههههههههههههههههههههههههههههههههههه
هههههههههههههههههههههههههههههههههههههههههههههههههه هه
هههههههههههههههههههههههههههههههههههههههه

مخ مافيه هالبنت يالربع ... مااااش يا ناس اشك انها تفكر مثل حسين الحبشي لا جاء يرفع الكورنر ....

مادري وش طيحني بهالساعه على الموقع وعلى موضوعك ووجعاااااااااااااااه
ما نقصني وانا اقرى موضوعك الا هيلاهوب رجل زهري ورجل فسفوري <<< فرخ عبده تسمع بالكيوت

مشتهي تقبيص هالمرة ومنيب مكثر .. بس بدور ازين لحمة ونقبصها

اقتباس

وبعدها قمت أراكض لـ غرفتي وانا اصيح ..

هذا اللي لقيناه من دعايات صابون لوكس والله وش خليتي لموافق عليها يا بت

مع التحية لمجلس التعاون الخليجي ولكن شوري على اختتس تشري لتس عقب ذا المقطع شبك متر في متر انتي وخويتتس وتخليكم شهر
بذمتي بعدها تبي تلقى بيض يالكناري

اقتباس

في النهاية مافي أحلى من الفطرة والطبيعة إللي أنخلقت عليها .. لحد يتفلسف ويغيرها .. ترا موب لايق ..

جعلك ووالديك بالجنه .... عز الله انك صادقة وابصم بوجه المنقهره لك يا شيخه << بينجلد

بصراحه يا ستار موضوع خفيف وحلو الا خبال وفتاق بصراحه ... عساك على القوة والله

برايفت ستار وبس ستار

لو سمحتي بنصيحه بسيطة يا وخيتي .. فبقولك ابعدي عن الاسهم والكلام عن نفسك كثير ... فبداية الموضوع كثرتي منها حسيت انك بلشتي بالمقدمة مع ان مقدمتك بطله بطله بقوة
فنصيحة <<< هذي لا تكثرين منها جعل هالدنيا ما تبكيك

عوافي ستار

أبــ Jo$eph ــو · 27-05-2008, 12:30 AM

صباح الليل ! تغطين لك غطه ، همن تطلعين لنا بشي يخلي الواحد يقول كذا ،

هـ الصفحه من مذكراتك ، تعكس كثير من الحالات المشابهه لها في المجتمع ،

هذا كوم والعيال كوم ،، لا جا يمشي تقول على منصة عرض ازياء اسم الله عليه الله يحرسه بـ اسمه ، يؤبرني هـ القوام الممشوق والا البشره الناصعه ( نظافه، ريحه، وتوفير ) ،،

الحمد لله على الفطرهـ اللي فُطِرنا عليها ،،

برايفت لكـِ : سلّمي لي على صديقتك الخكريه ،،

النمرة · 27-05-2008, 05:26 PM

واتسبدي تسبداه عليتس انتي وصديقاتس

* للمعلومية الكلام اللي قالته أختي عن "لهجة" البنات خوياتها صحيح 100% للأسف ياعالم وشبلاهم البنات صاروا كذا ؟ ورا ما تتعظون وتتعلمون مني ومن صديقاتي اللي أنعم وحده فيهم ترجف اخوانها برجلها لا جت تقومهم

ياخي صيروا طبيعيين يااااخي

برايفت يادافع البلاء

اقتباس

مع التحية لمجلس التعاون الخليجي ولكن شوري على اختتس تشري لتس عقب ذا المقطع شبك متر في متر انتي وخويتتس وتخليكم شهر
بذمتي بعدها تبي تلقى بيض يالكناري

والله اني عجزت فيها هي وخوياتها الماصلات مافيهم إلا "ناريمان" اللي تبرد تسبدي مع انها اربع وعشرين ساعة معلقة الجوال - الله يعين اللي يسدد - هي واختي على (هاه وش قررتي تلبسين ... أقول وش رايتس أطلب همبرقر دجاج والا لحم ... وهلم جرا من السواليف الثرية )

أقول ستار ... لو مايجينا من ذا الموضوع الماصل أقصد اللي مليان سواليف صديقاتس الماصلات يعني إلا صورة قردتس الجميل خخخخخخخخخخخخخخخ الله يسلم ذوق اللي جايبة لتس

كان سجلتي صوت تصفيره الخطير ونزلتيه بعد خخخخخخخخخخخخ

إلا مار متى ماشاء الله نظفتي الطاولة اللي هو عليها خخخخخخخخخخخخخخخخخخ بجي أتأكد انتي منظفتها ومرتبتها صدق والا حاطة القرد في المجلس ومصورته خخخخخخخخخخخخخخخخخخخ

<--- مب فضيحه أبد

يامال الفانكس

النمرة · 27-05-2008, 05:32 PM

اقتباس

يوم شفت إن كوكي ساحبن علي ولا يرد , قلت ما بدهاش مالي إلا النت أدخل أفضفض لـ صديقتي الخكرية ..

منتب عاقله ياللي تهرجين على ولسون
<--- توها شايفه فلم cast away للمرة الخمسمية

تبطي عظم · 27-05-2008, 09:18 PM

ستاره

كلامك حلو وموضوعك وفكرتك احلى

صحيح البنت ما يصير ابداً تكون خشنه او مسترجلة او دفشه

لكن بنفس الوقت التصنع الزايد يصير امر مقرف للغاية
ياما وياما اشوف ودي احكي لولا ان الستر زين
ناسن مايليييق عليها التصنع

البنت بطبيعتها ناعمه ومهما كان فيها دفاشه لكن ترجع لطبيعتها الحلوه

حالات كثير يظهر فيها اننا ضعوف وخرطي مثل المرض ووقت الصيحه المفاجأه

وحالات كثير اشوفها
تكون البنت بتذوب من النعومه (طبعن مصطنعه) بس تعالي شوفيها لا هاوشت احد
انواع الكلام الوصخ الي ما يدل على الانوثة
ولا اول ما تقوم من النوم
تحلفين ان نظرات محمد نور انعم من خشتها
وصوت المفيدي الله يعافينا انعم من صوتها

لان التزوير والتصنع لابد يوم من الايام ينكشف

لكن الطبيعه زينه
اني اكون على طبيعتي ما اتصنع لاحد

وفيه نقطه مهمه ان النت مجال خصب للتصنع
تشوفينها كشتها مثل الشجره وخشتها تجيب السل
وبالمنتديات خذي ذرابه وكلام حلو
وخذي تواقيع فوشي وسماوي
شين يخقق
بس الذوق بالحقيقه من جنبها
طبعن اعني البعض وليس الكل ....اعني صاحبة التصنع الي بمجرد ما يصير موقف تظهر حقيقتها
او التعامل في وقت العصبيه والضيق تعامل وحده ما تربت على شي اسمه ذوق
وفيه ناسن بالنت دفاشه وهبال بس الصدق كذا >>>
لكن الي تعرف عمرها ما يحتاج تثبت للعالم اني انا نعومه انا ياي انا مره انثى
تخلي هالاشيا بينها وبين الناس بالواقع بطريقه تعاملها بالذوق ولبسها واحترامها لنفسها ولغيرها
اما تجيك وحده كلش وردي×وردي
واذا واحد نصحها نصيحه طلعت ام العبيد على حقيقتها هذي تنرحم
صدق اني الصراحه احب اخلي مواضيعي بالمنتدى زينه بالالوان لان الالون للجيمع وتوبيكاتي وكيذا
لكن من باب تحبيب الناس بالموضوع وجذبهم..مهوب مهايط

ستاره احس اني كثرت وتميصلت بزياده لكن موضوعك يجبر الواحد يقول اشياء كثير

سلام يا ستاره

تبطي

A S 6 O R H · 28-05-2008, 05:00 AM

هذا برنت تعبرو فيه اللين ما نفصفص هـ الموضوع صح ( ايقونتن تناظر يا دافع البلا وتمد له ورده حمراء ) <-- اكيد مقدر يا ابو ناصر .

* مثبت .. ونشوف محتوى الموضوع وهو يروح للذهب ولا وش وضعه ( ايقونتن تدور وخروا عني ووين رده وتقول عسى مهوب النظام " بزر يتعنقط في عباة امه " ) <-- مزدوجه يا كوتش .

موافق عليها · 28-05-2008, 10:55 AM

والله يا ها التكيه ماتجوز لي الا بالصبح مدري ليه

ستاره كاتبن لنا موضوع ماشاء الله

اشوا اني لحقت على موضوعك لان الموضوع يوم توضفين مارديت عليه وانقهرت ماااااااااره << مهب يقلد

المهم ادري اني ابحوقها بس تحمليني ياخطيبه ابو كرشه هذاك << ياشين اللي لاقط له طرف هرج

اقتباس

ذات يوم كنت نايمة في أمان الله .. وبعدها قمت ..

اما عاد قمتي

وش تحسين فيه بس احس دخله قويه للموضوع عشان تجذبينا يعني كاتبه شي غريب عشان الواحد يقرا ولا عاد يترك القرايه

اقتباس

وبعدها قمت أراكض لـ غرفتي وانا اصيح ..

لا تقولين وانتي لابسه قميص قصير لين نص الساق وحاطه يدينك على وجهك وانتي تركضين وجهك يروح يمين ويسار همن جيتي كيذا وطحتي على السرير بالحركه البطيئه مشهد مؤثر الصراحه <<< لا عاد تشوف يوقي يو

اقتباس

<-- أقول كلي تبن أنتي وخويتس بس .. حامت كبدي مني ..

بالله ذي محادثه ناس عاقلين وش تحسون فيه وانتم تهرجون بس ماش بديت اشك بوضعك انتي وصديقتك الخكريه الا صدق اذا جت عندك ماتناظرك نظرات غريبه كييذا يعني ماتحسين ان عيونها فيها دموع وكييذا

اقتباس

الترجمه : أنا حلوهـ مهما قالوا ..

تعتبنا معك ياسطير لازم كل ماكتبو شي بالانقليزي يكتبون معه الترجمه لها الدرجه داج بالانقلش
المره الثانيه ستاره لاتنزلين الترجمه خلينا نجتهد ونترجم حنا

ترا سناك معناها وجبه خفيفه << يلعن بليسك لاتحفظ شي خلاص فكنا

اقتباس

.. ميمي وخوخه وسوسي وميشو ومزنـة

ماشاء الله عصير ربيع منزل نكهات جديده

بس اصبري الاسم الاخير وراه كييذا خاطم طيب دلعيها زي الاولات قولي مزمز

اقتباس

وأسمع بوسيكات دولز

طلع شي الحين ازين من الاي بود ؟؟؟

اقتباس

ابي دادي الصدقي .. وخــــــر عني أنت منت أبوي ..

وخروا عني يالمصري النصاب لاعبن على البنت وقايلن لها انك ابوها طيب ياحمار اذا صرت ابوها ماتقددر تسوي شي اقصدى حد تاصل له انها تحب راسك قايلن لك انصب زين ياسبهه ستاره تراني بجامتك

اخيرا شفته

ام غمازات

يوم إني صرت بنت ..

تكية الملحق