وخروا عني !!

ااااااااااااه يا زمن

( فيس جالس بالدوام فاضي )

الاسطورة انا اشك وابصم انك تناظر الحين الموضوع وبجنبك قهوه عربيه ولا قهوة كفار من طخه ستاربكس ولا جوفريز .. ودك تمخمخ على موضوعي وتشوف كم يوم اتكلبش بعدها

------------

قد سمعتوا بالواسطات من اول .. اكيد سمعتوا لان الحين كل ابو شي بالواسطه .. حتى الطالب لا جاه حرمان ويعرف احد يعرف الدكتور ويمون عليه شال منه الحرمان .. ولو انك صادم واحد بالشارع يمشي وعندك واسطه حطوا الغلط على الميت

الدنيا كل ابوها واسطه في واسطه

وهذا هو الحاصل في منتدانا العزيز .. منتدانا العريق .. منتدانا اللي صار فيه فساد واضح < -- بدت الصراحه ..

هل سمعت في يوم موضوع ترحيب اعتبر من المواضيع المميزه في المنتدى وذهب الى الذهب ( اللي يعتبر واجهه المنتدى ) .. ابجاوب عنك .. اي نعم صارت مرتين .. يالهي .. اين صارت .. صارت في منتدى الملحق .. لماذا صارت .. صارت لان اللي كاتبين المواضيع اعتقد والله اعلم انهم صدقان الوشسمه ولا من الاقلاع

الاسطورة اتوقع انك انربشت و تربعت وحاط يدينك تحت فمك كاني قايل بوذا موب اقلاع

اااااااااااه يا زمن

ياليتني اول ما دخلت الملحق ( خنبقه ) قايل اني من الاقلاع .. حتى لو اني سامج وما عندي حس الفووكاهه كان بتجاملوني وبتقولون لي برافوو عليك والى الامام والى الذهب وما ادري وشو ولو الود ودكم سويتوا عزيمه علشان بس كتبت موضوع ..

خلني اعد كم موضوع كتبته ورد علي الاسطورة فيه ولا احد من الاداره الكرام ولا احد المراقبين الاشقاء .. صحيح ان في قله (يردون على المواضيع العامه اي كان كاتبها ) والكثره ( يردون على مواضيع الاصدقاء ) ..

لاتردون على مواضيعي ما عليكم انا ناشبلكم هنا بالمنتدى لو ان مافي احد رد عادي جدن جدن اهم شي اني اتونس .. ولكن االاعضاء الجدد ما ذنبهم .. او الاعضاء المميزين ما ذنبهم ايضا عندما لا يلاقون التشجيع من الاداره او من مسؤول رفيع المستوى

اووه صح نسيت شي

اااااه يا زمن

حتى الاشراف .. صار الحين بالواسطه .. انا اخبر المنتديات الجديده يحطون اي واحد يسجل جديد مشرف علشان المنتدى يترتب وكذا ويصير اوكي .. بس انا اللي شايفه هنا ان المنتدى لا جا واحد من الاقلاع ولا جا واحد ( صديق ) حطوه مشرف ولو مشاركاته 50 .. طيب العبوا علينا وادخلوا لوحه التحكم وغيروا في عدد مشاركاته وقولوا تراه مشارك بس مشاركاته مخفيه كود نصدقكم .. انت حطيت واحد مستجد مشرف .. طيب القديييم وش يحس به وانت ساحب عليه ومفضل واحد جديد .. اكيد انه بيسحب عليكم وبيطلع لان ما شاف فيه تشجيع .. بالعكس شاف تحبيط < -- كيف تحبيط ..


ما يحتاج زعل ولا يحتاج نرفزه .. ولا يحتاج كلبشه ( فيس خايف ) .. ولكن يحتاج اعاده نظر في سياسه المنتدى ..

هذا ما لدي الان

بتكلبشوني رجاءا لا تطولون المدة .. بتمشون موضوعي وبتتناقشون فيه اسألوا الاعضاء قبل الاداره عن سياستكم وبعدها راح تحصلون الاجابه ..

وفي كلا الحالتين .. اتمنى محد يزعل من صراحتي .. ولكن كلام في صدري يقرقع

اشوفكم على خير

موافق عليها

^^^^^
صدق من سماك صوت الحق انه ماغلط انه واحد ذيبان

صوت الحق يعني جايب كل المشاكل وكل شي في خاطر الاعضاء وكاتبه
بس ياخوفي يصير مصير ها الموضوع مثل موضعن اعرفه على طول تقفيل ولا كن فيه احد كاتب شي يعني سكر وانس وعلى قوله المثل العربي المشهور (مت ياحمار لين يجيك الربيع )
بعدين يا حبيبي من قايل لك ان الاسطوره يبي يجيب لك قهوه ويتكي على موضوعك والله لو انك جاين من الموقع اللي انت تقوله اقرب ماله يبي يحط لك قفل وينساك

الا على طاري الواسطات ماخبرت لي واسطه خابر اخوك الضعيف موافق عليها على وش تخرج

اقتباس:

هل سمعت في يوم موضوع ترحيب اعتبر من المواضيع المميزه في المنتدى وذهب الى الذهب ( اللي يعتبر واجهه المنتدى )

ياخي عادي ياخي وراه مايصير يروح للذهب ياخي جايك عضو مميز وحتى ترحيبه مميز وش تبي تسوي له ماتوديه لم الذهب خاصتن اذا كان موضوع شعر يعني تخيل واحد كاتب شعر من اربع ابيات بس مايروح لم الذهب انت ماتدري ان (خنبقه بالكيف وليس بالكم ) اوه صح نسيت حنا بالملحق اجل كييذا معك حق ما اقول شي

اقتباس:

صارت لان اللي كاتبين المواضيع اعتقد والله اعلم انهم صدقان الوشسمه ولا من الاقلاع

ياخي عادي انت اقرا الاقلاع يعني واحد دمه خفيف يعني واحد يعرف يذب يعني واحد لو يقول لك ياواطي صار خفيف دم بس لو يجي واحد عادي يقولك لك ياواطي ماش ما تنهضم يعني زي النكته اذا سمعتها من واحد غير الواحد الثاني << كني قلت سمعتها مهب قريتها

اقتباس:

حتى لو اني سامج وما عندي حس الفووكاهه كان بتجاملوني وبتقولون لي برافوو عليك والى الامام والى الذهب وما ادري وشو ولو الود ودكم سويتوا عزيمه علشان بس كتبت موضوع ..

خل عنك كل ذا كوووم واللي يجيك ويكتب موضوع طويل عريض ولا يحط لك شي موضوع همن تجي تحمس وترد ومش عارف ايه همن يسحب على موضوعه ولا كن فيه احد منزل موضوع طيب ليه انت منزل موضوع هماكم ماتبون ردود من نمونه (شكرا ) (الله يعطيك العافيه ) اكيد اجل ان اللي يبي يرد يبي يرد عليك ويناقشك بموضوعك تروح تسحب عليه ياخي طيب نزل موضوعك وقل ودي ان فلان وفلان يردون علي وخلاص ياخي سبحان الله ها المنتدى مليان متناقضات يعني فيه ناس تنزل موضوع تبي احد يرد عليها وفيه ناس تنزل موضوع نبيها ترد على موضعها ابوك ياللحسه

اقتباس:

حطوه مشرف ولو مشاركاته 50

تقدر تشيل الصفر وعلى مسؤوليتي

اقتباس:

ما يحتاج زعل ولا يحتاج نرفزه .. ولا يحتاج كلبشه ( فيس خايف )

<<< راح يصف جنب وخروا عني

وخروا عني !!

ماراح اعلق على كلامك لانه عين الصواب

الاسطورة

لاتفكر انا جالسين نستهبل وكذا .. هالكلام صحيح صاير بالمنتدى والاعضاء جالسين يتكلمون فيه وانتوا يالكبار ما تدرون عن شي

حبينا نوصل لكم صورة بسيطه بس حال المنتدى

واتمنى ما تاخذونها بـ حساسيه زايده

لانها بالاخير ترجع لمصلحه المنتدى

المنقهره

وخروا & موافق ..
أنتظرو يجيك دوركم وتجي فوزية الدريع تحل مشكلتكم <---- فاتحه مملكة المرأه وصار فيه شوية ألتباس

وراك خايف تتكلبش وانت ماسويت شي غلط ! هذا يعتبر زي الاقتراح والحتسي موب شكوى عشان تتكلبش <<--- افتت المنقهره (سلفر بالله وشرايك فيني وانا أأدي دور وعد بكل بجاحه )

اقتباس:

هل سمعت في يوم موضوع ترحيب اعتبر من المواضيع المميزه في المنتدى وذهب الى الذهب ( اللي يعتبر واجهه المنتدى ) .. ابجاوب عنك .. اي نعم صارت مرتين .. يالهي .. اين صارت .. صارت في منتدى الملحق .. لماذا صارت .. صارت لان اللي كاتبين المواضيع اعتقد والله اعلم انهم صدقان الوشسمه ولا من الاقلاع

موضوع ترحيب عن موضوع ترحيب يفرق .. فرق ياوخروا أني أجي أقول (رحبوووا فيني انا عضضضضو جدددديدددد رحبببببببو والا بزعلللللل) وفرق بين الترحيب اللي تحتسي عنه انت ;)

اقتباس:

حتى الاشراف .. صار الحين بالواسطه .. انا اخبر المنتديات الجديده يحطون اي واحد يسجل جديد مشرف علشان المنتدى يترتب وكذا ويصير اوكي .. بس انا اللي شايفه هنا ان المنتدى لا جا واحد من الاقلاع ولا جا واحد ( صديق ) حطوه مشرف ولو مشاركاته 50

هههههههههههههههههههههههههه عسى مهيب انا ذي ؟! وخروا هما قلنا حنا في الملحق الأهميه بالكيف مهوب بالكم (ايقونه تناظر مشاركات فوقه وتتفل عليه )

دوك انت وياه وننتظر القاضي والا أسطورة الحمش يجي يلعن خيّرك انت وياه
ياقلق ينعنكم ماعندكم اختبارات انتم ؟! شكل ماعندكم قرمر ان يو اس اي عشان تتعقدون وماعاد تكتبون مواضيع

وخروا عني !!

ااااح بو صالح رد

حي الله بنت الدريع

تراني متابع لك في مملكه المرأه والدليل شوفي توقيعي

اي بلاك ما تدرين .. قبل هالفتره نزلت زي كذا ونفس الكلام وبالاخير تلكبشت والسبب ( اثاره الفتنه بالمنتدى ) يحلفون اني اقرب حق ابو الاسود الدؤلي

اقتباس:

موضوع ترحيب عن موضوع ترحيب يفرق

بالاخير يبقى ترحيب .. سواء كان بـ ( رحبووو فيني انا عضوووو جدييييييد ) او كان ( اربع ابيات شعر ) او ( سالفه بين عضوة واختها واختيار بين الاسامي وبالاخير راحت للـ ذهب ) اعتقد الكل عارف انا عن وش اتكلم وليش اصلن راحت للذهب ..

وبامكاني الحين اجيب مواضيع حلوة ومواضيع ( حقها مهضوم ) كان المفروض انها تروح للذهب بدل مواضيع الترحيب ( اجل الزوار لما يجي يدخل اول شي يبي يروحله بيروح لم الذهب وبيشوف مواضيع ترحيب تعتبر من الذهب .. بيغسل يده من المنتدى وبيمشي .. تبين تتاكدين يا فوزيه ان المنتدى الواسطه ذابحته .. شوفي كم موضوع ينزل باليوم بالمنتدى .. وشوفي الردود .. وركزي على الردود .. شوفي هل فيه تمييز عضو عن عضو .. اذا انتي تقولين لأ انا ابقولك لا فيه .. واذا تبين بجيبلك الادله .. ترا المنتدى يعيش بحاله ركووووود .. والسبب معروف .. من بعد ما كان المنتدى فيه كتااب عيارين من الطراز الاول وفيه ناس تشتغل .. صار الحين المنتدى باليوم الواحد زين لا شفتي عشره مواضيع نازله

اقتباس:

عسى مهيب انا ذي ؟!

معليش بس انتي اول القائمه .. والبقيه تأتي وراك .. واذا على الكيف والكم .. هذي شماعه الاداره يعلقون عليها اخطائهم

اقتباس:

(ايقونه تناظر مشاركات فوقه وتتفل عليه )

على فكره ترا فوقه اول واحد يستاهل الاشراف .. وفي شي صار بس انا ماراح اتكلم عنه اخلي موافق هو اللي يتكلم عنه

اقتباس:

دوك انت وياه

شوووكرا

اقتباس:

وننتظر القاضي والا أسطورة الحمش يجي يلعن خيّرك انت وياه

اذا على لعنه الخير فـ متعودين من الاسطورة .. وبعدين انا عارف رد الاسطورة من الحين ومتوقعه بس انتظره يجي ..

الاسطورة قبل كل شي تذكر كلمتك

( العضو هو الاداره )

ادري ابلشتك فيها بس تحمل انت اللي قايل هالكلام

سلاااام

النمرة

(صورة وحدة لابسة جلد نمر وحاطة بكلة خضرا وتصفق بحرارة )

ياخي انت وراك غايرن مني هاه؟ صدق لا قالو (ما أعدل الحسد .. بدأ بصاحبه فقتله ) ايه انا مواضيعي حلوه و ردودي تخليك تشاهق من الضحك اسبوع ومن أقل حقوقي إن مواضيعي الثمينة تروح للذهب بما فيها موضوع أفتحه وأعطس فيه وأصكه ياخي يكفي البراند نيم ياخي .. هما كل الفنايل وحده بس الأولى مكتوب عليها ستكر الهرم والثانية مكتوب فيها إم تسعة (من قدكم يالنصراويين النمرة سوت دعايه لماجد يالله إفرحوا )

بصراحة يا وخروا عني .. إترك الهرج اللي فوق ذا كله وخلني أقول انك إني أحيي فيك شجاعتك وصراحتك لأن في حلقي حصقلة وانت قلت اللي كنت بقوله لكن كنت بأقوله في الخاص نظراً لأن الأجاويد مثلك وشرواك أكرموني بحفاوتهم وحسيت انها شينة لو كتبت بذبة بما يشبه المدح ان الموضوع ما يستاهل هذا والمشرف ناقله من ذوقه وتقديره بيقول هذا جزاي اللي حاشمها وهذا لايمنع شعوري بأنهم جاملوني بنقل موضوع الترحيب حقي للذهب واللي وإن كان مختلف عن مواضيع الترحيب من طقة (رحبوبي) إلا انه لا يعدو أكثر من سوالف بيني وبين إختي حتى أقدم فيها نفسي للي ما يعرف النمرة في الإقلاع قديما .. بس وش رايك في لا يعدو إحلف إنك ما نسختها حتى تكشخ بها عند كبار القوم

ولاهو بس مواضيعي اللي استغربت لما راحت للذهب .. حتى مواضيع ستار على مصالتها إلا إنها راحت للذهب (<<< وحده بتشب على إختها بعد) لأنه بالفعل الواحد يقول الحق ولو على نفسه .. أوكي صحيح ان المشرفين حابين يكسبون بعض الأقلام ولكن لو كان الشأن لي ؟ ولا موضوع من مواضيع الملحق بيروح للذهب (<<< هذي والله اللي قلبت على العالم كلهم) أقصد إن معايير الذهب مفروض تكون أعلى حبتين حتى يجتهد العضو في الكتابة ويتميز الحلو من العادي من الماصل مثل مواضيع العضو المجتهد وخروا عني

ختاما .. أشكر كل من جاملني في نقله أو طلبه لنقل أحد مواضيعي للذهب .. ومن القلب مقدره لكم إهتمامكم وحرصكم .. لكن العدل بين الأعضاء مطلوب واتركوا عنكم رصيدي الإقلاعي السابق وشوفوا الأقلام الواعدة هنا لأنهم أحوج للتشجيع والدعم

والسلام عليكم ورحمة الله ....... أقيموا الصلاة <<< قضت الخطبة


* إلا مار متى بتغيرون رتبتي لـ ( ملكة الخنبقة ) يا جماعة ؟ أجل النمرة على سن ورمح ومخلينها عضو طازه ؟؟



يا مال الفانكس

A S 6 O R H

السلام عليكم ورحمة الله وبركاتة
بما ان المووضووع فيه شوي عن المصالة وخفة الدم .. ما ودي استخدم اسلوبي بـ خفة الدم والشي هذا واضح من كيبوردي الخفيف هاهاها .. همن يقلبون علي واصير ماصل مثل ما صارت النمرة .. همن تخيلو ( الاسطورة & النمرة ) يشتركون بشي بينهم ( المصاله ) صدقوني هذي فيها حق للنمرة .. تخيلي يـ النمرة معي .. اني بصف عند يوزرتس ونصير مشتركين في شي واحد .. اجل تراي ماصل مثل النمرة مو ماصل مثل وخروا عني ترا فيه فرق ..

ارجو ان العضو اللي تتكلم عنه اللي هو ( وخروا عني ) تبعده بـ آمر مني من الادارة .. واعتبره قرار رسمي صادر مني .. ابي اشوف الادارة يوم انها تختفي عن الموقع مدة ( 4 شهور ) بدون لا تحط خبر عندي و عند شليويح انها تبي تغيب .. وما رجعت الا برد ع موضوع ( والد أخونا اللاذع إلى رحمة الله ) وهمن غطست من جديد .

اقتباس:

خلني اعد كم موضوع كتبته ورد علي الاسطورة فيه

عسى منيب امك ( تكرم امك ) مخلفك وناسيك .. وتأكد زي ما ان ( العضو هو الادارة ) اجل ترا ( الادارة عضو ) وترد ع اللي تبي .

اقتباس:

معليش بس انتي اول القائمه .. والبقيه تأتي وراك .. واذا على الكيف والكم .. هذي شماعه الاداره يعلقون عليها اخطائهم

معليش وخروا عني بديتا .. تدخل في امورن مالك فيها شغل .. حتى لو انك الادارة .. لـ انه في ادارة عن ادارة .. ومهوب كل من صار ادارة صار مسئول من ينزل مراقب او لا .. المنقهرة ما يختلف عليها اثنين انها من ابرز الموجودين بـ الملحق .. بعيدا ً عن الاطراء / خلك بـ اللي يعنيك واترك اللي لغيرك يتولونه .

اقتباس:

وبامكاني الحين اجيب مواضيع حلوة ومواضيع ( حقها مهضوم ) كان المفروض انها تروح للذهب

http://www.mal7aq.com/vb/d77b3717.html

اتوقع رد 19 كافي انه يرد ع الموضوع هذا كله ( باين ان المواضيع كلها عن اسطورة راس البلاء خخخخ ) <-- حتى وانت لااهين في اشغالك ملاحقينك .

اقتباس:

على فكره ترا فوقه اول واحد يستاهل الاشراف .. وفي شي صار بس انا ماراح اتكلم عنه اخلي موافق هو اللي يتكلم عنه

اووهـ .. كلام كبير .. ادارة تعرف تتعامل مع مراقبين الاقسام .. ادارة تحمس المراقب انه يبدع ويجتهد .. وااو كلام جدا ً حلو يا وخروا عني ( الادارة سابقا ً خخخخخ ) .. يعني تقول لي ان موافق عليها .. اشتكي لك من ظلم صاير له فيذا .. موافق عليها ممكن تقول لنا وش اللي صاير بما انك راعي الموضوع اللي وخروا يقوله .. ولا شكله زل لسانه بـ شي .. موافق اذا فيه شي صار ع قولت وخروا عني .. اتمنى تنزل الموضوع بـ المحكمة لـ ان هذا الموضوع للي لهم واسطه بس ع قولت راعي الموضوع ( الادارة سابقا ً خخخخخخ ) ومن الآن ورايح فيه ادارة تتم من قبل الاسطورة بدون واسطات .. تم ازالة الادارة السابقة .. وتم قفل الموضوع مثل غيره من المواضيع الطيبة اللي فيها حرص ع المنتدى وان شاء الله نآخذ بـ اراء الجميع ونحاول ناخذ جميع الاقتراحات و العمل بها .