|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
12-06-2008, 06:56 AM
|
#1 |
 
|
أبي حل .. يا أذاكر ,, يـآ اجهز ؟؟
السلام عليكم ياقوم مقبحين من الإلـه  ياجماعه الخير علموني دلوني وش ازين بعمري انقسم نصين وافتك يعني وإلآ وشووو ؟؟  قصتي ومافيهـآآ آنـآ طالبتـ(ن) بثالث ثانوي اي ثاااالث وأدبي بعد <-- يقال اني كاشخه ماعلينـآآ  يا جماعه الملحق خنبقه سابقاً  يومن من الايام جـآآ خالي خلخله حنوكه وقال يبيله بنت يعني يعرس  وهالرجال الله يهداهم ما يهمهم شي تعرفون اهم شي يوصل للمره بأسرع وقت عاد تيسرت الامور وخطبنا له وتملكووو يعني من السنه اللي راحت وهو يخطب ببنات خلق الله ومحدن راضي يعطيه الله يخسسه كل ما قلنـآ انه يصلي وكلبو شي يقولون يدخن عاد تجي جدتي تتفرعن تقول ما احب التسذب وتقول ايه يدخن وهمن يكرشونـآ كرشه محطرمه  يعني وش نسوي معانـآآآآهـ المهم ويدخل خالي ذاك اليوم <-- يعني عقب الملكه ويقول اني حجزت قاعه للرجال بشهر 7 والحريم بيسوون لهم زواره عقب عرس الرجال وعقب ما يدخل به ووشسمه اي عاد <-- عاش مصرف واللي يقرون ( فيس يصفق بحراره ) عاد مشا الحال ويقول لآمي عاد امي ما صدقت خبر واستانست ودار هالحوار بينهم :-خالي : اقول يا ام عبدالرحمن <-- اي هين يقولهـآآ اقول تراني حجزت قاعه للرجال بشهر 7 والحريم قالوو <-- يعني حرمته الهيس ان عرس الحريم بعد الزواج بشهر هآآ كذا زين جدتي : انت وش بلاك يا وليدي انت ولدي الوحيد ابي افرح بك وتسوي تسذا <-- بهالوقت برطمت جدتي ولفت خشتهـآ يقالي زعلت حركات عجز وش نزين امي : اقول يا يمه الله يهديتس الحين هماتس بتفرحين بوه خلاص يكفي انه اعرس جدتي : لآ ابي اونس الناس وابي اشوفكم ترقصن وطق ونستانس وفرحه مابعدهـآ فرحه <-- والله وصاروا يعرفون يتكلمون هالجدات امي : يا أميمتي هماهم بيزينون زواره عقب زواجهم وفيها طق ووناسه لآ تخافين جدتي : يختي انا ابي الوناسه بوقتهـآ وراتس علي خالي : ( ماسك فنجان القهوه ويقحن بهالترمس وبجمبه قدوع وماغير يطلع هالعبس ) وراكن ما تسكتن يقالكن تتشاورون خلاص حجزت القاعه . جدتي : كيفك ( لفت وجههـآ وبرطمت اكثر ) امي : زين سويت <-- بيني وبينكم امي ما تبي عرس عشان مالهـآ خلق اسواق وفساتين وخيط وجاهز ووشسمه طلع خالي وتنكدت جدتي وحنـآ رحنا لبيتنا . . . . بعد مروور اسبوع واحد فقط .. . . . . بيتنـآ والجده عندنـآ .. خالي : ( توه داخل ويلهث لهثه التسلب ) السلام عليكم امي + جدتي + والجميع : وعليكم السلآم  خالي : اقول ترانا الغينا العرس جدتي : بعد مافي عرس رجال خالي : لآ ستانسي يبون عرس حريم وبروح احجز قاعه حريم ورجال جدتي : الله يبشرك بالخير يا وليدي ( ضحه جدتي المعتاده ) امي : وراكم يا كافي تتمرجحون بنـآ وش نسوي الحين ذبحتونـآ ( طنقرت ) <-- للمعلوميه طنقرت = عصبت لغير الملمين بلغه العبنده خالي : يختي مدري عنهم بس تراني علمتكم .. يلا مع السلآمه جدتي : تعال خذلك فنجان قهيوه خالي : بعدين بعدين امي : افففف يعني فينـآ فينـآ الفستاين انـآ : ماما بكرى بنروح السوقامي : وراتس ما تاكلين تبن انـآ : طيب <-- يالبي قليبي مطيعه  شخصيات متوهقه بالعرس :- خالتي ( إ ) --> هذي حاله خاصه كانت بأمريكـآ 9 سنوات وعندهـآ بنتين يرطنن عنقريزي ولا يعرفن عربي ولهـآ سنتين مستقره عندنـآ وللحين نظامهـآ امريكي بالنومه وبالطلعه تصدقون ماتجي الساعه 8 وإلآ البيت كله مظلم  المهم ماعلينا دخلت فستانهـا عند الخياط عشان تكشخ علينـآ وخرب اليوم وماتدري وش تزين <-- تستاهلين محد قالتس تسمعين كلمه اختس الكبيره ( يعني امي ) خالتي ( م ) --> هذي خلت حيلي مغتربه بالخارج ومو اي خارج بل بالـــــــ ( سودااان ) كل يوم تتصل علينـآ وتصيح وعندهـآ ولدين ماشاء الله عليهم ملمين باللهجه السودانيه <-- سبحان الله الفررق ( امريكـآ x السودان ) .. الله يخارجكم هذي الحين تختبر وماتدري وش تزين يعني معقولآ تجيب فستان من السودان اخاف بكرى تجينا بلبس الزوله عاد اقوم عليها بالنعله واهاوش الحارس اقوله ليه تدخل بدون بطاقات <-- تصير عمتي ( ن ) --> هذي سواقهـآ بين يدينـآآ كبر امي وماكملت دراستهـآ والحين تكملهـآ بثاني ثانوي ادبي منازل وكل روحاتهـآ معنـآ ومالقت شي هع بدت اختباراتهـآ وتوهقت والحين قعدت به المهم بدينـآ بالدوران عشان نختار فساتين امي : شفتي خلاص بنسوي عرس عمتي (ن) : ايييييه وناسه زين تصدقين احسن امي : الله يعنني بس على هالمصاريف عندي بنتين وانا افف بس عمتي (ن) : ماعليتس اليوم نروح لم عمارات السيليكون ونشوف الفلبان اللي هنـآك امي : اي صح هم اللي خيطو فستاني بعرس اختي --> تقصد خالي ( إ ) عمتي (ن) : خلاص يلا تجهزي عقب المغرب امي : زين ( سكرت التلفون وإتجهت لي بالغرفه ) امي : اقول تجهزي عقب المغرب بندزهـآ للسوق انـآ : ليه ؟؟ امي : يعنني ناسيه عشان عرس خالتس ياجعل ضروستس للخلخله انـآ : طيب <-- ما تلاحظون الهدوء الزايد عن حده المهم رحنـآآ ومالقينـآ إلآ غبار وفلبينين وغثـآ مرينا بطريقنا لمطعم غوار واخذنـآ سمبوسه ورجعنـآ من بكرى قررو العمات الذهـآب إلى ( حياهـ مول )  وما ادراك ما حياهـ وناسه + فله + إزعاج + طخووووووووم المهم رحنـآ خمسطعش مليون الف مره وشريت فستان ابشركم وشرت امي ابشركم وشرت اختي ابشركم بعد واليوم شرينـآ لجدتي يعني حـآآآآآآآآآآآآآآآلهبعد كل هذا مو هنـآ المشكله المشكله ومـآآآآآآآآآ فيهـآآآآ موعد العرس يعني الحين شريت فستان طيب يبيله اغرض صح ؟؟ يبيله نعله و شنطه و طقم الماس و حركات بشعري عشان التسريحه وخرابيط واجد الحين هذولا متى بشتريهن السبت هذا اختباراتي والعرس العرس بتاريخ 21 / 6 يعني يوم الاربعاء يعني آخر يوم اختبار لي ياربي شقد اعاني ليه يعني ليه النحاسه يعني زوجته بالكليه وتخلص بدري حنـآ ننكب خلاص مانيب رايحه لا تقنعوني مافي روحه واذا عرس خالي مانيب رايحه خلاص لا تناقشوني طيب بكيفي <-- ودي اجلدني عاد من ضمن حوساتنا رحنا لم قاعه مواعدين الطقاقات نبي نحجز يعني تعرفون يمكن طقها اوب زين عاد توقعت القى المنقهره هنـآك بس ماش ماعرفتهـآ لآني رحت عرسين وحضرت لطقاقتين يعني خربطت بينهم حاولت اثبت بس مالقيتهن يشوتن كوره بالهوا <-- ماعليكم بسس مايستفاد من الموضوع :- 1- للرجال لآ تعرس بوقت حرج وتقول مالي دخل ترا ناس يتوهقون 2- لآ تستعجل العرس المره موجوده ومالهـآ جنحان تطير 3- حالتي المستعصيه اللي وصلت لهـآ إلى الان > قوم > غدا > كتاب > سوق > كتاب> نوم <-- وتمضي الحياه 4- فضاوه > منسمه < القاتله تؤدي إلى مواضيع جنونيه 5- لآ عمركم تروحون عروس عشان تشوفون المنقهره اقصد الطقاقات ترا يكرشون هالايام مهنـآ حيا مثل اول <-- اقول لآ يكثر . , , إنتهى قبل اسجل خروج لآ تنسوني من دعائكم ترا اختبااراتي السبت وكانكم نسيتو هذا جدولي بتوقيت قرنتش السبت : بلاغه الاحد : نحو <-- مطقمين ا(حـ)ـد - نـ(حـ)ـو الاثنين : E الثلاثاء : فقه الاربعآء :تاريخ السبت : جغرافيا الاحد : توحيد الاثنين : علم الاجتماع الثلاثاء : أدب ونصوص الاربعـآء : حديث وثقافه <-- هذا صامته تدرون عرس خالي جعله يعرس ويخلصنـآ والسلام خير الختـآآم بقلم : مــنــســمــه <-- لآ تخربون بينـآ فيه منسمتين هنـآ وحده طويله والثانيه وسط أحس إني ما أحس إني احس تشـآآآو التعديل الأخير تم بواسطة مـنـ س ـمـه ; 12-06-2008 الساعة 07:24 AM. |
|
    
|
|
13-06-2008, 10:03 PM
|
#2 |
 |
رد: أبي حل .. يا أذاكر ,, يـآ اجهز ؟؟
وش ذا الحزن والكأبه . الله يهديهم بس وش هـ الأختيار , ضاقت الأوقات مالقى يعرس إلا على اخر يوم .. شوفي وانا امتس , دام انتي ادبي يعني انواع الوناسه ..  <-- علمي و تقول على وشو بنات الأدبي مسوين زحمه .. المهم .. اي يوم يكون عليك من بكرا مادهـ سهله , وإلا ذاكرتيها من اول .. اطلعي فيها للسوق من الصبح ليييييييين الليل .. وقولي في نفسك أنا بخلص اغراضي كلها اليوم .. أو وصي أمك او احد فاضي يروح يجيب لك اشياءك الناقصه .. الحين وش باقي لتس ؟ علميني وانا اقول لك وين تروحين تلاقينهم ..  |
|
|
|
|
14-06-2008, 02:46 AM
|
#3 |
|
رد: أبي حل .. يا أذاكر ,, يـآ اجهز ؟؟
منسمه لي باك بكرة
 ما ودي اقرا الموضوع لان بكرة الدوام طفش وكذا وبرد عليك بكرة سلاام |
|
|
|
|
14-06-2008, 11:50 AM
|
#4 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
 |
رد: أبي حل .. يا أذاكر ,, يـآ اجهز ؟؟
انتِ داريه انه غش والا لا  والله غش ياغشاااااشين ليش كذا  >> كاتبتن رد ورااااااااااااح هباء منثورا  يالله لاجل منسمه تكرم مدينه نبدا من جديد  >>الله واكبر يالرد لايكثر
وانا اشهد انك بتـأخذين 100% في النحو  قصدي وعليكم القبحه 
هـآآآهـ !! اصبري خل افكر واستخييير واشووف وش الله يكتب واعلمك  >>
الله يرجك تسنك وحدتن من هالبني اللي يحطون اعلاااااااااان بيعرسن مسيار
يالبــــى العجز ياناااااااااس وهـ اغدي كشنه وبعدين يختي وشو شفيكم عليها يعني يعني لووو ان ولدك هو اللي بيعرس كان برطمتي مثلها والعن بس استغفرالله كششششش  >> محد خش جوو بعمق
يالييييييييييل المتوهقين خخخخخخخخخخخخخخ بس يختي وشذا تلاحظيين الرجااال استغفرالله داايم يلخمونااا ويحطونا بموقف محرج >> انطمييي بس >> لا والله انا صادزه هوو الاخ مهووب متكلف بيطق له هالثووب والشماغ وانك تكلف وتهور لبس كبك  >>
ميته ضحك  اتخيييييييل شكل خالتك وهي داخله عليكم بكل ثقه هي ولبس الزوله اللي كنها لافتن جلال صلاااااااة لاااا كااشخه الاوخت وخروا عن طريقها خلاص عشرة عمر بالسودان >> يالبيييييييييه يالسودان احبكم >> شجاها
هههههههههههههههههههههههههههههههه ماهقيت ان هالهدووووء جايتس كذاا من باب لطاقه الااااا منفجعه ياقلبي قلبك// لما الان اثار صدمة زواااااااااج خالك والاختبارات ماثرتن فيك ومـأكلتن تبن وصايره شحليلك تفووووووو ماشاء الله  >>
 +  مقاديرر ياقلب العناااااااا مقادير ... >> برااااااا
يـآآآآآآآآآآآآآهوهـ  >> محد تحمس
آآآآآآويلاااااااااااهـ ياقلب تلاوين قلبـآآآآآآآهـ شهاااالوهقه وشذااا يااااربي .. تدرين شالحل مااالك الا انك تشخطيييييييين للسوق يوم الاربعاااء وتقضين كل اشغالك مهووب الاربعاااء يوم الزواج لااا الاربعاء اللي قبله يعنيي لاتذاكرين خذيه يوم للراحه  هاه وش رايك قولي تم !؟
لاتكفييييييييييييين يالمنسمه مايصيررررر بيتحطم خالك وبتدهور نفسيته والزواج بيصير زباله لو ماحضرتي لالالا تكفيييين تجيييين >> تعطييييييك جوك اقووووووووول لايكثر اساسا بتروح غصبن عليك ورجلك فوق رقبتك ماعندنااا بنات يدلعن  >> قلبت عليك
 مهوب النااااااااس الا الحريم العلل ماااكثر حوستهم 
يالبييييييييه الله يوفقك ويوفقني معتس // ويرزقك ان شااء الله ويجعل زواج خالك فاتحة خير للخطااابة >>
الله يشفيييييييييك ام النسااااااااايم >>يقالك تدلع ترا // فدييتك ياليت كل يوم تتأزم حالتك وتكتبين مثل هالفضفضه وقسم وسعتي صدري وخليتيني اتنحش عن المذاكررررررره .. بالتوووووووووووووفيق يارب .. } التعديل الأخير تم بواسطة تـــلآوين ; 14-06-2008 الساعة 11:54 AM. |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
14-06-2008, 01:24 PM
|
#5 |
|
|
رد: أبي حل .. يا أذاكر ,, يـآ اجهز ؟؟
هلا بتس منسمه وش اخبارتس وش مسويه
كيف اختبارتسوالله من زمان وانا اطلطل في مشكلتس بس خبرتس اختبارات الله ياخذهن >> ماسوت زين عاد بكره ان شاءالله اخر يوم >> تبي تقهرتسالمهم من وجهة نظري انتي شريتي الفستان وهو أهم شئ خلاص الكماليات امتس تجيبهن لتس والله خليتس مع دراستس أبرك والاترى تتحسفين بعدين اذا جا يوم الربوع ان شاءالله روحي السوق او امتس او خالتس يمكنهن مذوقات ألف مبروك لخالك والله يوفقه وعقبالك ان شاءالله  |
|
|
|
|
17-06-2008, 05:27 PM
|
#6 |
|
رد: أبي حل .. يا أذاكر ,, يـآ اجهز ؟؟
يوووووووه وجعتي راسي
 موفقه باختباراتك  |
كل يوم تتصل علينـآ وتصيح وعندهـآ ولدين ماشاء الله عليهم ملمين باللهجه السودانيه