|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
25-06-2008, 05:47 AM
|
#1 |
 
|
خربطة نمرية والأجر على الله
ذاك اليوم جالسين في صالتنا العامرة حنا يا أفراد العائلة الكريمة أنا وأبيّي وأميمتي وأخيتي ستاربكس الله لايخلينا نتقهوى ونقشم حب ونتفل القشام
 ونحش في الشغالات ونرجف البزارين بالمخدات ونتهاوش على القناة كأي عائلة عطوفة مترابطة مالهم من الشيطان طاري .. وبينما حنا في قعدتنا الحميمية ذيك إلا ويرن جرس الباب : - أنتم تحترون أحد؟ - لا والله محد قال بيجي - ايه اكيد احد عيال الجيران مسطح عندنا كورته  - أجل اصبروا لا تفتحون بروح ادورها وافقعها <--- طبعاً عرفتوا هذا صوت مين... صوت ستار وتروح الشغالة تفتح .... وتجي تركض : فيه هورمه إيجي سوا سوا بيبي .... نمره أنتي روهي شوفي مين! >>> والله وصارن الشغالات يتأمرون عليك يالنمرة  وأطمر أشوف من ذا الحرمة .. والاها بنت عمي اللي في الديرة جايتن تسيّر علينا هي وبزرانها يالله حيها يالله حيها ارررررررررحبي ... وأدخل بسرعه أعلمهم - وخزياه وشلون نقلطها في ذا الحوسة - قايلن لكم لا عمركم تجيبون حب ماغير نمشي على القشام همّين يجي بزر ويلقطه ويبلعه <--- صوت أبوي (L) - وديها للمجلس لا تجيبينها هنا - لا وشوله المجلس ميب أجنبيه - أجل تبينا ندخلها هنا وكلش وصخ - ايه ما يخالف وراها زاد ما اتصلت قبل <--- هذا صوت "قلب" الشغالة (يسمعون بـ حسن الضيافة)وبينما حنا نتهاوش وين نستقبلها فيه .. إلا وهي قالطة مير ويالله حيها وش هالمفاجأة الحلوة هذي والله الساعة الأديداس اللي شفناك فيها بس خلوا عنكم البنت رهيبة وتوسع الصدر ولاهيب راعية تكاليف وخنبقة .. حتى انها جت وجلست على القشام بدون ما تتقرف منه وحتى ما تحرجنا لأننا ما كنسنا قامت وقشمت الحب اللي منتثر على الأرض ولا عليها ونقعد نسولفتقول ان زوجها عنده دورة في الرياض وقالت فرصة أجل أسيّر على عمي منها صلة رحم ومنها نروح نتقضى كن السوق ما يوجد إلا في الرياض قلنا حياك الله ..المهم .. نغزت ستار قلت لها تروح تجهز لها غرفة الضيوف لا بغت تريّح والا تنوّم ولدها قالت طيب .. وأقعد أسولف مع بنت عمي .. وش أخبارتس يا موضي عساتس بخير .. وش ذا القطاعه ياكافي من العيد ماشفناتس .. ومن ذا السواليف والمجاملات اللي نعيد نفس السؤال واحنا عارفين جوابه وش اخبارك .. الحمدلله بخير .. وشلونكم .. طيبين .. وإن بغينا نغير قلنا تمام ولو اننا مصاخين ومنصكة فينا الدنيا لكن هي هي نفس الإجابات ونفس الأسئلة .. المهم يوم قامت عنا أمي وصرت أنا وياها لحالنا .. مير تمسكني :  - نمرة .. تبين الصدز .. أنا ماجيت عشان أسلم على عمي >>>تسمع بالأسلوب موضي ذي- هاه ؟ أجل وشوله جاية وخابّـتنا - واعدت وحدة بأشتري منها شي .. - وشو شيّه ؟ - شي خطير .. يطير العقل <<< انا ابتديت اشك بالحرمة  - أقول .. يا تعلميني يا موضي الصدق .. والا والله وبالله إني لأعلم أبوي أنتس ما جيتي تسلمين عليه - لالالالالالالالالالالالالالا تكفين يا لنمرة أنا في عرضتس شوفي أنتي بس كلمي الحرمة ووصفي لها البيت وبعلمتس كلش- اممممم والله مدري عنتس يامويضي .. بس خير إن شاء الله .. وترى أبوي قريّب وتخش علينا ستاربكس وتسكت موضي ولا كن فيه سالفه .. مير نطت علينا تحشون فيني من زينتس نكسب فيتس آثام حنا نحش فيتس قدامتس موب وراتس  أجل وراكم سكتوا يوم دخلت هااه <<< ياشين البزران بس قلت أها بس مافيه إلا العافية ولايكثر.. شوفي موضي تقول شافت محل فيه دباديب وقرود تهبل بصفتس مهتمة بهالأموروقمت عنها بروح أغسل يدي بعد التكلسات الملحية اللي سببها الحب ويوم شفت خشتي واثرها شفافة تجاوزت مرحلة البياض وبينما كنت أتمعن في خشتي في المراية واثر باب غرفة الضيوف مفتوح .. قلت خل أروح أدخنها خابرة ستار مادخنتها ان مسكت المدخنة حرقت لنا البيت وأشوى اني دخلتها قبل تدخل الضيفة الله لا يخزينا ... ستاررررررررررررررروه !! وش ذا ؟ هالحين يقال لتس مرتبة الغرفة ومجهزتها حتى ينامون فيها؟ لا ومن زين الطبايع مجهزة كافة اصناف الرفاهية من لاب توب وعصيرات ومخدات وخلافه منتب عاقلة يالانتر كونتننتال صورة للتوثيق والإطلاع v v v   وتجي على صراخي: خير؟؟ وش فيتس تصارخين؟ خير؟؟ خير أنتي الله يفشل عدوتس بلا .. أجل هذا منظر مرقد بتحشمين ضيفتنا به؟! <<< بلا من شاف غرفتس عرف أنك في وادي والترتيب والنظافة وادي ثاني لا وتاركة السرير اللي كبر جدي وفارشة لهم في الأرض !! وأقعد أنفض في المفارش وأعيد هيكلة الغرفة وأبخرها وأرتب المكان والحمدلله صارت تبيض الوجه ..صورة للتوثيق والإطلاع v v v   نادتي موضي .. قالت أن ولدي مبلشني ودي أنومه قلت أجل تعالي أوديتس لغرفتس ... وجبتها للغرفة والا تتصل على البياعة .. وتقول : يالله بعطيك الوصف الحين بس لا ترنين الجرس دقي علي وانا بفتح لك الباب .. (الظاهر انها خافت يفتح لهم أبوي ويدري إنها ماجت عشان تسلم عليه ) مير وتعطيني الجوال أكلم الحرمة..والاها ذيك اللي ماتفك الحرف مدري وش لغتها الأصلية  .. أوصف لها البيت بالعربي ماتفهم .. بالانجليزي ماتفهم ! .. بالاشارات وفهمت وأنا مرتابة مدري وش تبيع ذي ..وبالفعل جت وجابت منها الشي اللي تقول عليه ... وانا قاعدة لها بالمرصاد ... وما أمداها تصك الباب إلا وأنا طابة على الكيسة بشوف وش فيها ... ووش فيها ؟؟ ؟ ؟ ؟ لقيت حبوب ! أنا بصراحة قاب قوسين أو أدني من الإنهيار ! <<< بشويش على التعجب حبوب ؟ حبوب في بيتنا يا موضي كبتاجون والا هلوسة ؟ وأقعد أهوش ... ياللي فيك يامالا فيك .. ماهقيتها منك يامويضي .. وانا اللي كنت احسبك بنت عمي<<< على غرار كنت احسبك صديقتي وهي تهدّي فيني : وش جاك يابنت الحلال اسكتي لا يدري عمي والله قصدي شريف! وش دعوى تشكين فيني وأرد عليها : وش قصدتس يعني ؟! تهريب مثلاً .. يقال لتس أهون من الادمان ! اي والله انها هزلت !! وخري بس خل أتصل على حقين المخدرات ................ وخرررررري مناك ... وأدق الرقم وتوخر عني الجوال هييييييييييييه انتي وش جاك!!! اصبري خل نتفاهم .... تراك فاهمتني غلط! امشي ندخل داخل وتسحبني سحب وانا اللي اتواسى واناظرها بنظره كنها طلقة المسدس اللي قتل جون كيندي (<<<وش دخل السياسة في الموضوع) .. يالله نشوف وش قصتك .. مشينا .. بس ترى هااه .. أنا متصلة عليهم متصلة الله لا يعوق بشر  وهي تقول يهديك الله يابنت الحلال..وندخل داخل وتقعد تقص علي: - هذي الله يسلمك لا مخدرات ولا هم يحزنون .. وش بلاك انتي قبيتي مرة وحده! - أجل وراك أنتي ويا ذا المهربة شغلكم كله بالدسدسه ! وخليتيني أوصف لهم بيتنا بعد خليتينا حنا الشبهة .. وراهم مايبيعون حبوبهم في الصيدلية وتروحين تشرينها من ديرتكم ! <<< تبريت من الديرة كلها خخخخخخخخخ- الموضوع بإختصار هذي ساحرة والحبوب هذي إذا كلتيها تخليك .. .. .. تطيرين ...- إيه بسسسسسسسسسس بس بس يكفي !! وتقولين ميب مخدرات ! إلا تبين تطيرين عقلي أنا بعد!!! وخررررررررري بس خل أكلمهم ... وأمسك الجوال ....... وفي هالأثناء مير تدخل ستاربكس على صراخي وش فيكم تزاعقون؟!!! وتناظرني موضي نظرة كلها حسرة ومسكنة إجلسي خل أفهمكم جميع وتقول لستار سكتي إختس ذي لا تفضحنا عند أبوتس ... - أبوي ؟! وراه وش اللي ما تبون أبوي يدري عنه حتى أعلمه <<< حسودة ذا البنت مفروض ماينقال للبزران شي قالت تكفون والله إن درى بتكبر السالفة وعمي ماودي أزعله قلنا طيب إخلصي بس وش قصتس؟قالت إني تعرفت على وحدة عطتني رقم هالساحرة .. وتقول إنها مجربة حبوبها وتحلف بالله إنها ما تسوي شي غير إنك لا كلتيها صرتي تقدرين تطيرين لمدة ثلاث ساعات! وبس لا هي إدمان ولا تسبب آثار جانبية ولا شي.. قلت لها وأنا للحين ماسكة الجوال بأتصل: - وش يضمن طيب إن ساحرتس ذي ميب خراطة مشمش؟ - أبد نجرب ومحنب خسرانين شي ردت ستار : وشو ؟! صاحية أنتي نجرب؟! والله لو أطير ما جربته قالت وشلون تطيرين وانتي مابعد كلتي الحبة ياذكية يالله يا ستار قولي بسم الله وخذي حبة نشوف وش بيصير فيتس ..قلت : أسمعوا بس أنتي وياها .. أنا وحدتن وراي مصالح ودنيا .. ووراي تسدح ومتابع توم وجيري وتقشيم حب .. وبيفقدوني اللي معي في المسنجر ووالله مابعد بعت عمري .. وستار إنسانة توها مابعد عاشت عمرها ووراها منتدى الصور تشرف عليه وحلال ناس .. أما أنتي ياموضي فعز الله انتس مفصّلة لهالموقف .. ما وراتس إلا رجل و خمس عيال أصغرهم يرضع منتس .. يعني ماهنا شي ٍ يسوى عادي مافيها شي لو صار في الحبوب شي وفطستي .. والا وش رايتس يا ستار؟قالت ستار إي والله أنا اشهد انتس جبتيها يا بنت أبوي أجل ويش .. جاية تبي تلعب على أخيتي يوم شافتها حبيبه لا تهش ولا تنش كان جربت في حدى بزرانها لوهي صادقه <--- قلبوا على بنت عمهم ناظرتني وقالت .. يابنت الحلال جربي وأنا أضمن لتس انها مافيها شي .. قلت معصي والله ما أذوقها قبل ما اشوفتس ماكلتها .. والا ترى ترى هذا ابوي قريّب والجوال أقرب هه <<< وأوريها اني بضغط على الزر الأخضر  يوم شافت ان الواقع يحتم عليها إنها تجرب هي أول وحدة .. قالت خلاص أمري لله .. بس هاتي الجوال لا تدقين على أحد وتفضحينا يابنيت عمي .. وتمعطه منيومير تضحك؟ قلت وش يضحكك .. ؟؟ قالت وش ذا الرقم اللي بتدقين عليه؟ قلت وشو وش فيه 905 بأتصل على الاستعلامات وأقول لهم يعطوني رقم حقين المخدرات عادي إلا هم وش يقال لهم صدز؟ قالت الله يخلف على امتس قلت المهم بس يالله كلي الحبة ولا تغيرين الموضوع .. قامت وسمّت بالرحمن وقالت لي : عاد ما أوصيتس على عيالي الله الله فيهم قلت ايه وين راح كلامتس انها ما تضر وانها وانها ؟؟ طسي بس عيالتس ماعلي منهم ان جاتس شي ذبيتهم على ابوهم ناقصنا بزران بعد بلعت الحبة الأخت في الله .. وانا وستار مطيرين عيوننا فيها نحتري اللحظة الحاسمة .... شوي مادرينا إلا و رجولها ترتفع ! واختل توازنها مير وتطيح بس موب على الأرض! تتمايل كنها في حالة إنعدام جاذبية ياسلالالالالالام وناسةوكل طرف من اطرافها عايم بلحاله خخخخخخخخخخخخخخخخ واحنا ميتين عليها ضحك ونقول عليمية اول مره تطير  الله يقلعتس ياموضي وهي تحرك رجولها كنها بزر مجدوع في مسبح عمقه مترين وتطافش في الهواء وترتفع اكثر واكثر<--- ملاحظين انها صدقت السالفه من كثر الاندماج هههههههههه مار وتجوز لستار هالحركة وتصجني : أبي حبة وش زودي أبي أطير قلت ووش رادك خذي قالت بس فيه مشكلة صغيرة ماعرف أبلع الحبوب أستغفر الله العظيم .. وش تبين طيب؟ .. لحظه بس وراحت تجيب النجر النحاس ذاك القدييييييييييييم اللي كنه جرس كنيسة نوتردام من كبره بتدق الحبة خخخخخخخخخخخخخخخخخخ إنا لله .... وآخرتها مع ذا البزران يختي هذا كبرتس ماتعرفين تاكلين حبوب .. أجل لا اعرستي عسى ماتفشلينا عند رجلتس وتطحنين حبوب منع الحمل والا ناوية تشكشكين هالبزراين كل سنة واحد عشانك ماتعرفين تبلعين حبوب وتجيبين لنا حمولة زودن على هالحمايل اللي عندنا (اللهم زد وبارك واحفظهم لايجيهم شي ويقول احد اني ناظلتهم )قالت مالتس دخل فيني انا وبزاريني (L) وه بس ياحبيلهم هم وأبوهم <<< ياشين الفراغ العاطفي بسالمراد البنت طحنت الحبة وخلطتها مع عسل وأكلتها هنيئاً مريئا .. مير وبدت تطير هي الثانية قلت ما بدهاش وأبلع حبتي انا بعد وأقعد أفحط معهم في الغرفة هههههههههههههههاي بس ماش ماغير نتصاقع ماتكفينا الغرفة للطيران قلنا خل نطلع للحوش نطير على السعة والله اثر الطيران فلة وكل وحدة عاد تتفنن بطيرانها .. اللي تطير كنها صاروخ بشكل رأسي بسرعة واللي تطير بزاوية على جنب ولافه عليها شرشف يقال لها سوبرمان واللي مسوية فيها تطير كنها ضفدع يطامر واللي توصل لين خزان السطح وتغرف منه وتكبكب علينا مويه يقال لها مطر <--- أطفال ُ ُ نخرج للدنيا  لا وذا الخبلة ستار تاركة السما كلها ولازقة تطير جنبي الله يصبرني بسلا وأحلى شي لما تطير في حديقة تحس انك عصفور من جد يالله بخليكم تعيشون معنا الجو وتطلون على حديقة بيتنا الجميلة اللي صورتها لكم في النهار تطلع أحلى ..صورة حديقتنا للتوثيق والاطلاع v v v   اها عاد لوسمحتوا يالمشافيح قولوا ماشاء الله محنب ناقصين حسد .. <--- عادي ترى لو ما سمحتوا موب لزوم مره يعني المهم قررت موضي أنها تروح تشتري لنا بيرة باربيكان من باب إننا نشرب نخب الطيران >>> بنت عمهم ذي خطر على الأمةوتقعد تقول رايكم أطير بعباتي والا بدون أخاف الناس تستغرب وش هالعباة اللي طايرة همن عاد نجيب لنفسنا الشبهات قلت انتي انهبلتي ؟ تبين تطلعين أجل بدون عباة !! والله وكملت هذا وانتي أم عيال وحرمة ٍ راكزة .. وبعدين تبين تفتـّحين علينا العيون وحنا مابعد رخـّصوا لنا نسوق في الارض وانتي تبين تطيرين قدام الناس ! وخري بس خليني أنا اللي أطير محدن داري عني بيحسبوني صقر <---- قولي ذبانة من كبرك عاد مير وتطير علينا ستار قالت بس انتي وياها لا تتهاوشون أنا اللي بطير اجيب لكم اللي تبون قلت مابقى الا هي تروحين لحالتس في هالليل بعد! قالت لا أنا اقول لتس فكرة .. بصراحه أنا جوعانة بعد .. وش رايكم بطير لين بيت ناريمان صقيقتي في راس الحارة تخبرين بيتها .. ونتصل على هرفي يوصلون لنا وجبات .. ونقول للبقالة يجيبون لنا الباربيكان لبيتهم.. و بعدين أجي أنا واخوانها يوصلوني ويشيلون عني المقاضي موضي : ماشاء الله وش هالذكاء الخارق ياستاره خطرن انظلتس .. طيب ورا ما تطلبين من هرفي وتقولين لهم يوصلون لبيتكم !! - بلا أبوي يعيي نفتح الباب لحقين التوصيل وش فهمتس أنتي؟؟ - ايه صح معه حق .. - طيب على الأقل كلمي البقالة وقولي لهم يجيبون الباربيكان هنا وأخلي ولدي الصغير يفتح له.. - أجل وش استفدنا من حبوب الطيران حقتس يالخبلة لا أبي أطير لخويتي خليها تشوفني وأنا أطير وأسوي خطتي وإلفقيه بس ..- طيب .. طارت ستاربكس وطارت معها قلوبنا بعباتها في ظلمة الليل وبين السطوح والحواري حتى ما ينتبه لها أحد ...وبينما ننتظرها في الحوش .. مير ويطلع لنا ... مين؟؟ ....... أبوي ماشاء الله اليوم الجو حلو صح يا موضي ؟ - هه .. إلا صح يازين برادكم يا عمي في الرياض .. إلا وش مقومك هالحزة عسى ما ازعجناك بس؟ - لا أبد يا بنيتي بس اني قمت بروح للحمام وشفت باب الحوش مفتوح خفت لا اكون ناسيه والاش .. ومتى ان شاء الله بتنامين يا لنمرة؟!  هماه لا تسهرون بس ووين اختس ماشوفها؟؟قلت هه . ايه ستار نايمة يبه وانا بروح أنام هالحين تصبح على خير ... وندخل أنا وياها وعلى طول أرسل مسج : "ترى أبوي قايم وشافنا بالحوش .. تعالي بسرعه .. خطة ب  "و يوم قرت ستار المسج مير هي اللي تطير وتوقـّع على السطح .... واخوان ناريمان جابوا لنا الاغراض ومن الدباشه رنوا الجرس ويطلع لهم ... مين؟؟ ..... صح عليكم .. ابوي برضو .. - وش تبون جايين في نص الليل  ؟!قال اخوها الصغير : جايبين لكم طلبــ ــ ا <<<< وينغزه اخوه يسكـّته وقال : - لا بس حنا مسطحين عندكم كوره اليوم اقول ماشفتها ؟ (ياحبيله يعرف يرقع ههههههههه سلمي لي عليه يا ناريمان واصفقي اخوتس الصغير بغى يفضحنا عند ابوي  )تمت بحمد الله مايستفاد من القصة:- 1- إذا صار عندك دورة في ديرة غير ديرتك إستأجر لك شقة تضفك أنت وعيالك ولا توهق الناس فيكم 2- مفروض يكون فيه رقم واحد سهل ومميز لكل أشكال الطوارئ بدل ما كل جهة لها رقم بعد الشر لو صار للواحد حالة طارئة موب فاضي يتذكر كم رقم الإسعاف والا الشرطة والا الدفاع المدني والا حقين المخدرات وش حيث أمريكا عندهم 911 واحنا لأ 3- هالنقطة مكانها أول الصفحة .. بس تعيجزت أنقلها واحطها هناك : ترى الموضوع طويل يا حقين الدايل أب .. افتحوا الصفحة واذا اكتمل التحميل افصلوا الخط <<< الله يرحم ذاك الزمان يا مال الفانكس |
|
    
|
|
25-06-2008, 10:39 AM
|
#2 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
رد: خربطة نمرية والأجر على الله
 صباح الئشطه يامعلمه
سعوديات 
<< بيتسطر
وش يعني
متخدرات مثلن ؟
الا صدق وش سالفة القروده؟ بزعمها البنت الكيوت الياي الحين ماعلينا ايون اسلمي  طرا ع بالي اشياء قلة ادب  المسبح وبعدين كذا واشياء عاطفيه 
قلت لك متخدراااااااااات
لاقيتنا ؟ ماش ماش انا بديت اشك فيك تتعاطين انتي ؟ <<
مكافحة المخدرات الله يفكنا من شرهم
ههههههههههههههههههههههههههههههههههههههههههههههه فهاوه يعني الشغاله وينها بزرانكم الي تقولين عليهم وينهم << عاش الدور
فطينه الحين حنا لادقينا ع رقم واحد بطقاق يجون :| تبينهم كلهم برقم واحد امريكا موظفينهم سنعين امها هنا اكل ونوم وقلة صنعه << صنعه ولا عدن ها ها ها << يرحم امك كل تبن ايه وكذا
هههههههههههههههههههههههههههههههه وش عوقبه بس من جد كان زمان يلعن امها حاله :|كل شوي فاصلين شابكين فتك بعافيه ياقميل  |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
25-06-2008, 11:10 AM
|
#3 | ||||||||||||||||||||||||||||||||||||
|
رد: خربطة نمرية والأجر على الله
سعوديات ماعليكم شرهه
أبوكم يالدلوووخ حتى رقم مكافحة المخدرات منتم تعرفونه طيب افرضي طب عليكم محشش في البيت وش بتسووون خخخخخخخخخخخخخخخخخخخخخخخخخ
أنا اصلن ما استاجر لي الا قصر ===> مهوب يمزح أبد النمره الله يوصع صدرتس بالعافيه |
||||||||||||||||||||||||||||||||||||
|
|
|
||||||||||||||||||||||||||||||||||||
|
25-06-2008, 12:43 PM
|
#4 |
|
رد: خربطة نمرية والأجر على الله
موضوع خنفشاااااااااري وابن كلب
لي رجعه غدا ان شاء الله  بعد ما اجي من البحرين  |
|
|
|
|
25-06-2008, 03:12 PM
|
#5 | |||||||||||||||||||||||||||||||||||||||
|
|
رد: خربطة نمرية والأجر على الله
ياحي الله مش ولابد .. هلا هلا
| |||||||||||||||||||||||||||||||||||||||
