[الملحق] يغرق فـ هلَا اسعفتموه بـ [ اللستك ]

youSsef · 28-06-2008, 05:21 AM

بسم الله الرحمن الرحيم

سجلت مطويات [ الملحق ] جملة ابثر بها الاسطورة من ابثر وسهر الليالي ليرددها حتى ان بعض الاقاويل أكدت بانه يواصل للصباح وما زال يصرخ بها وكل من ينظر اليها مستبديا رغبته في التحدث صرخ في وجهه قائلا :

الملحق بـ [ الكيف ] مو بـ [ الكم ]

فكان وقتها الملحق يزدهر بالاثنتان كما وكيفا وحتا - طبعا فيه واحد يقول وش هي حتا باقول له مب شغلك ودي اقول حتا - ودارت الايام ومرت السنون حتى الاشهر حجرت نفسها برفقة الاسابيع والملحق يفاحط في وجه كل من حاول الاقتراب منه والجميع يعيش في سبات ونبات ويخلف صبيان وبنات وحاجات مش كويسات ..

حتى جاء ذلك اليوم الموعود بالورع ابو خدود والبوز الممدود- الاحظ اني بديت اتميصل بزياده - المهم ان الملحق وصل الى مرحلة التشبع (كميا) حتى بدى العد التنازلي للتراجع فاصبح يتدحرج للخلف بلا حسيب ولا رقيب وما زال يتدحرج ويتدحرج حتى في روايه قيل بانه شوهد في احد دحديرات السويدي ماسك خط دحرجه ..

لا ضير في تلك الايام فقد كتب عليها الزمان وكُتبت مع حكايات كان يا ماكان ومشت بسرعة الزول عصمان فضربت احجار اللؤلؤ والمرجان ..الخ
المهم أنه بحسبة طقطقت بها رأسي وفجع بها قلبي رأيتها في تعداد الملحق :

الاعضاء : قرابة الـ 7000
المتواجدون الان : قرابة الـ 15 عضو - تقريبا - في فتره تُعد الاكثر حضورا في اليوم
عدد الاعضاء الذين تواجدوا لهذا اليوم : 60 عضو - تقريبا -

أي ان ما نسبته أقل من 1% هي نسبة الحضور اليومي لمنتديات الملحق .. الرقم هذا رقم مُفجع خصوصا اذا ما علمنا ان الملحق في وقت من الاوقات كان حضوره اليومي يزداد عن الـ 600 عضو .. قد تكون هناك اسباب ادت للضعف سواء اداريه او مشاكل مع الاعضاء لكن لا بُد ان هناك حلول لعودة الاعضاء - مجددا - فمنتدى الملحق بدى يضع له خطوه وبصمه قويه في سماء المنتديات .. فمن الخساره الفادحه ان يخسر الملحق تلك القيمه بهذه السهوله

- فاتني التنويه على أن عدد الزوار في - اللحظه - يصل إلى حوالي الـ 150 وهذه النقطه بالذات لم اجد لها تفسير واضح ولا سبب منطقي لذلك ساتجاوزها تاركها للزمان يلعن ابو جدها

أقترح ان يُفتح المجال لـ الاعضاء باسداء اقتراحهم .. وسوف أكون السباق لهذا الامر :
عدة اقتراحات تجول في دمجتي الصغيره الجميله الحقيره السافله الوضيعه

# الرسائل البريديه للاعضاء - دوريه سواءا شهريه او نصف شهريه - .. وهذه النقطه بالذات تخليك ترجع الاعضاء القديمين يعني بدال ما تفكر انك تجيب اعضاء جديدين .. الأولى انك ترجع الـ 99% هذولي .. بالاضافه الى ان فيه ناس كثار نسوا المنتدى ولو جتهم هالرسايل وشافوا المنتدى متحرك راح يتحمسون ويرجعون من جديد

# الرسائل البريديه للاعضاء <-- يا حقير خلاص قلتها

# فعاليات الصيف خصوصا انها بتتزامن مع الرسائل البريديه الدوريه <-- يا قلق تراك ابلشتنا

# صراحه ما ادري لكن عندي اقتراح بسيط لاني من خلال - بصه سريعه - شفت ان عدد لا يُستهان به من الاعضاء - مللقمين باند - فيعني تسوون عفو شامل .. وعفى الله عما سلف ومنها عوده قويه لسماء الملحق <--- يا قلق ام السماء حقه خخخخخ

* وفي الختام لا يسعني الا ان أشكُر من اتاح لي هذه الفرصه لاتقدم بجزيل الشكر والتقدير لسمو سيدي خادم الحرمين الشريفين الملك عبدالله بن عبدالعزيز وسمو نائبه ولي العهد - الامين - الأمير سلطان بن عبدالعزيز وأمير منطقة الرياض الامير سلمان بن عبدالعزيز وسمو وزير الداخليه الأمير نايف بن عبدالعزيز <-- بحوث الاخ خخخخخخخخخخخخ

ستاربكس · 28-06-2008, 05:40 AM

يا عيني يا عيني .. والله وكلامك عين الحق ..

فعلاً أنا أطالب بتحقيق طلبات الأخ يوسف .. <-- اهرجي زين يرحم أمتس ..

ايه يعني إني معك قلباً وقالباً وكلامك زين ,, و لازم تحققونه وإلا ترا أنا و يوسف بنطلع من الملحق .. <-- أطلعي من ماسكتس ..

وما عندي شي أضيفه من مقترحات .. لإنك ماشاء الله قلت كلش ..

بـ التوفيق لكم جميع ..

Panda · 28-06-2008, 06:38 AM

وأنا اطالب بعودتك بعد يا يوسف لسماء منتدانا العزيز يا القطوع
والله اقتراحاتك جازت لي خصوصن حق الرسائل البريدية

وعساك عـ القوة

المنقهره · 28-06-2008, 07:17 AM

أجل يقول قطوعين ويوم جت الأختبارات سحب على أمينا ياخي خلك زاحف مثل موافق جت الأختبارات والا ماجت الوضع عنده واحد والله ياهو مزلبن بأم الأختبارات
يوسف بشر هاه كم معدلك ؟! عساها بس السحبه جابت نتيجه ؟! والا غادين معدلك مثل وجه موافق ؟!
يوسف الموقفين اكثر مشاركاتهم على 70 و 50 فـ يرجعون بيوزرات جديده أطلق
اما من ناحية الرسائل البريديه خلاص أزهلهئ (ايقونه مرخيتن صوتها تحتك بسطير )
لا والله جد أحسها فكره بطله

موافق عليها · 28-06-2008, 08:00 AM

^^^^
كولي تبن انا حالفن اني ما اشوف نتيجتي الا قبل النهائي بربع ساعه
عشان انسى على طول واندمج بالمباراه

الا صدز شلون رسايل طيب حنا تجينا رسايل من الموقع اذا احد نزل موضوع جديد
بس صدز انهم ماعمره ارسلوا لموضوع لي بس دايم يرسلون عن اليورو يكفي

طيب انا عندي اقتراح ليش ماتسون حلفه للي يبون يتخرجون وكييذا
لا لا صدز عندي اقتراح ليه مافيه فعاليات وكييذا بما اننا في الصيف ورا ما نستأجر ملعب صابوني
الصدز اقتراحي يعني نسوي زي دبي مهرجان التسوق يعني نخلي فعاليتنا لمده ثلاث شهور تمشي على المنتدى كله مثلا نحط اسبوع التكيه واللي بعده يصير اسبوع البرواز وبعدين نحط طقها والحقها شهر ونزف المشاعر يومين يكفي

الزبده المثل يقول : ( من جاء فله حب ومن راح فله حبين )

ودمتم

مهيب عاقله · 28-06-2008, 09:59 AM

اخيرننننننننننن فيه احد يحس بمعاناتي ؟!
السلام عليكم

اقتباس

- فاتني التنويه على أن عدد الزوار في - اللحظه - يصل إلى حوالي الـ 150 وهذه النقطه بالذات لم اجد لها تفسير واضح ولا سبب منطقي لذلك ساتجاوزها تاركها للزمان يلعن ابو جدها

وش اقول بس؟!
قسماً بالله اني اكثر من استغرب من الناحيه هذي !
والله الزوار يتعدون الـ300 بالرااااااحه
هذا و المنتدى في وضع هاديء وش لو اننا اجل في جو فعاليات و حركتات و كييذا ؟!
و على طاري الفعاليات
قلوبنا تقرقع ودنا بها والله ولا عندنا اي مانع نبادر بـ مسكها و متابعتها بـ استمرار
بس ارجع و اقول .. اعداد المتواجدين و حضورهم و اقبالهم ع المواضيع ضعيف ما يشجّع
ياليت نستفيد يا جماعه من تعب يوسف لكتابته هالموضوع ..
و خل نرجع لأيامنا المتواجدين على 4 سطور
و الحضور اليومي يشجّع

يعطيك العافيه يوسف

المنقهره سبحان الله ماهنا شيّن مفيد بـ ردّتس الا هالسطر

اقتباس

يوسف الموقفين اكثر مشاركاتهم على 70 و 50 فـ يرجعون بيوزرات جديده أطلق

يختي ذولي مريضين
كلوا تبن ياأانتم غير مأسوفاً عليكم

موافق ماعليك من احد دامك تصلّي و تطيع امك و ابوك ازهل الباقي <<-- وش تبي ذي ؟!

برب مهجت تدق

آخر كلام · 28-06-2008, 03:34 PM

اهلين صراحه انصدمت بذي المعلومه

اقتباس

المتواجدون الان : قرابة الـ 15 عضو - تقريبا - في فتره تُعد الاكثر حضورا في اليوم
عدد الاعضاء الذين تواجدوا لهذا اليوم : 60 عضو - تقريبا -

معقول وين راحوا طيب

youSsef · 28-06-2008, 04:31 PM

ستاربكس //
مفروض انا ما ارد عليتس يا اخي واحد يقول لي ان ستاربكس راعيه دنماركي مدري يهودي ليه بس تسذا .. غيري اسمتس وصيري القهوه العربيه خخخخخخخخخخخ .. وشوفوها مساندتني قلبا وقالبا

بنده //
ربنا يسامح اللي كان السبب انا مزلوووم يا بيه .. واهم حاقه ان اقتراحي القوي جاز لتس

المُنقهره //
والله اني ما انقطعت عن النت يوم واحد .. اصلا من زين هالمعدل عشان ازينه راس ماله 2.2 اكثر طموحي المحافظه عليه عشان ما يقولون يوسف تلحط ما معه مكافاه .. بس كل ما سجلت دخول يقول السلام عليكم ورحمة الله يا يوسف ثم ما يدخل اسمي .. كل ما جت لـ سطير في المسنجر اقول له اهلا حبيبي .. يا حياتي .. باحاول اغريه عشان يرد علي .. مار ساحبـ(ن) علي قلت خلني باسفهه كودهم يحبوني مرتن ثانيه .. ويوم سحبوا علي .. قلت خلني احاول عن طريق شخص غير سطير لانه مب يرد علي شكله ما يحبني .. وها أنا بشحمي ولحمي .. وعلى الطاري ترى اختباراتي خالصه من يوم الاحد قبل اسبوعين ..

لا انا شايف موقفين واجد شكلهم كانوا محركين المنتدى <--- واحد منلقم باند ويحاول يوزع عمره .. انا ما ادري صراحه عن ذوليك بس مره كنت اتفرج على اكثر الاعضاء مشاركه وهيك لقيت واجد مللقمين فقلت هيك فرصه عشان يتحرك المنتدى مع الصيف ..

موافق //

الصراحه ما ادري احس انك تسب لذلك باقول لك (الحقران يقطع المصران) <--- يا ناس امسكوه لا يتفلت ذا وش يبي من الحياه

مهيب عاقله //
شفتي شفتي ان اقتراحاتي زينه .. ترى عقب شوي باروح اكتب اقتراح تحمست

آخر كلاام //

الحمد لله على السلامه .. <-- متاثر بالصدمه حقتس

--- لن أبدأ باكثر مما بدأه المغفور له الملك فهد بن عبدالعزيز عند افتتاحه أحد الدورات الرياضيه بالخليج حينما قال كلمته المأثوره (إبدأو) .. فلذلك انثروا اقتراحاتكم لـ(سماء) الملحق ---

youSsef · 28-06-2008, 04:33 PM

... مكرر

سلفر · 28-06-2008, 05:08 PM

فيه فعاليات مقترحه حاليا .. طبعا هي مو كل ما نملكه من اوراق .. لكن فترة الاختبارات حنا حبينا نبعد كل الناس ونخليهاا تبدع عشان في الصيفيفه تجينا مبسوطه ما في بطنها شي يضيق صدرهاا

بس اللي يحس عنده فعاليه جيده يتوقع لها النجاح .. يراسل مشرف القسم .. او يراسلني شخصيا .. او يضيف سطير على ايميل المنتدى .. وما راح نقصر معه ..

تبطي عظم · 28-06-2008, 05:15 PM

اقتباس

الصيفيفه

الصيفيفة؟ كدينا خير

اشكر هالمبادرة من سمو الاخ عريف اول ويسف <<اذكرني ماكنت اعرف اقول يوسف صح

وما ازيد على اقتراحاته شي خصوصا ان الصيفيفة مثل ما قال سلفر جت
وفعلن اقتراحات ويسف ممتازة خصوصا ان يصير فعليات في الصيفية وكذا
وياليت زود على الي قاله موافق بالنسبة للملعب الصابوني ان كان تسوون مسابقات يعني كراسي او تفقيع بلالين وبالاخير توزعون هدايا مواعين ولا فشار له سنة مسوينه

شكرن اخ ويسف على هالمبادرة <<<ماعندها الا ذي
واكيد الادارة ماراح تقصر

تبطي كاشف الغطاء <<<خربتها
قصدي تبطي عظم

[الملحق] يغرق فـ هلَا اسعفتموه بـ [ اللستك ]

المحكمة و الاقتراحات