|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
|
|||||||
التسجيل السريع مُتاح
|
 |
|
|
LinkBack | أدوات الموضوع | انواع عرض الموضوع |
30-06-2008, 10:37 PM
|
#1 |
|
التفلة التي دخلت موسوعة غينيس .. وحطمت الأرقام القياسية ..
بما ان وجهي صبّة ما شاء الله علي .. داخلة التكية طوّالي وما مريت على المقلط .. يعني تبوني ما تبوني ما علي
 ..! تحملوني .. وتحملواااااا سماجتي وإذا فيه ذبّه ماصلة فيذآ .. سكروا عيونكم وسوو نفسكم ما شفتوها .. لأني موآآآصلة .. وحالفة أنزل هالموضع اليوم .. فاسترووو ما واجهتووو تكفون >> إنتي تطرّين ولا تبين تنزلين موضوع ؟! يلعن ام المقدمة الفاااشلة .. ------------ صوت مدوي يهز الآفآق .. أميمتي الله يحفظهآ رافستن برجولها باب غرفتي .. وتقعد تهزأ فيني ..! ألحين انتي ما تشبعين من نتنتة أربعه وعشرين ساعة نت ؟! أنا أبي أفهههههم انتي في الحياة وش فايدتس .. في الكون كلّه وش فايدتس ؟ يالله قولي .. والله لا تعرفين تطبخين ولا تعرفين تكنسين .. ولا تعرفين حتى تبرين بوالديتس؟ .. وانا اللي أقولها أولاً : انتي تعرفين شي اسمه الإستئذان ؟ ثانياً : فيه يد ربي أعطانا اياها .. ليش ؟ طيّب انا بقولك ليش عشان في اليد خمس أصابع وكل أصبع فيه بالوسط عظمة هذي العظمة لو طقينا فيها الباب يطله صوت وهذا يسمى طرق الباب عند الدخـ .... وما أمداني أكمل .. إلا ويدها مطبوعتن بوجهي .. ألحين انتي يا مطفوقة ما تشوفين الحنا اللي بيدي .. عميآآآ .. بسرعه قومي جيبي لي قفاز أحطه بيديني على الحنا .. ومير اقوم بسررررعه مو عشان أجيب لها الـقفاز .. عشان أشوف وش سوت بوجهي أمي .. واروح لم المراية واناظر بوجهي اشوف يد مطبوعة .. وأقوم آخذ لي صابون واغسل بوه وجهي .. وماراح .. الله يلعنتس يا أم سعد كانتس قاصة على امي ومعطيتها هالحنا السوداني .. قلت مالي إلا الكلوركس وما أمداني أحطه إلا وامي مناديتني : مطفوووووووووقة يا مطفووووووووقة .. وانا اللي أفززززز .. واجيب لها كيس زبالة واقسمه نصين واعطيها هاه يمه خذي .. قالت يا اللـ ... .. ما أمداها تكمل إلا انا اقولها يمّه شوفي انا عطيتس كيس الزبالة مو عشاني حاقرتس ؟ ولا عشان القفازات بعيده ومافيني أجيبها ؟ لا أنا جايبتها عشان لونها سوداء وبتعكس على الحناء وبيصير لونه أسود اللون اللي تحبينه .. تهز أمي راسها مستسلمة للأمر الواقع .. وأقعد أربط لها الكيس وتطلع ..! شوي إلا خواني البزران جايين وفاقعين ضحك .. مير انا اللي أسوي نفسي شخصيّة واقولهم خير انت وياه بسرعه برّا .. ويقعدون يذبون على وجهي .. لا عاد من زينكم انتو ؟ واحدن طرده المدير من المدرسة عشان الأستاذ يسأله عرف الطاقة يقول بوم بوم .. والثاني أعمى يقوله ابوي جيب سكر يجيب ملح .. واطنقررر خير ما ناقص إلا ذولي يذبّون على وجهي .. وش تسوين يا مطفوقة والناس كلهم تافلين بوجهتس ؟! مالتس إلا السوّاق .. والبس العباية والملفع واطلع عالسيارة ..واركب قدام .. عاد لما شافني السواق .. قال وش هذا اللي في وجه أنت ؟! هذا موضة جديد ؟ أقول بس لا يكثر واركب ويالله وصلني بسرررعه .. قال وصل انتِ ..؟ قلت يعني مين مثلاَ ايه انا .. قال طيب اصبر شوي .. ويركب السيارة همّن ينبطح على ظهره ويشوتني إلا وأنـا في رصيف الشارع .. ولمّا قضا قعد يصفق بيدينه .. كنّه يقول ما ناقص إلا ذي تركب جنبي .. مير أصلح ملفعي وعباتي .. وأسب في سواقنا الله ياخذك يا عمو شنبو كانك انت الثاني تفلت بوجهي مثل الباقي .. واركب ورآ أفكررر ألحين وين تروحين يا مطفوقة ؟ وانتي مالتس احد كلن معطيتس أشكل ..! دام الدنيا خرباااانه مالتس إلا تدخلين السجن كود تلاقين أحد يضفتس انتي وكماختس .. طيب شلون أدخل السجن ..؟! مالي إلا خويّاتي الصيّع ما شاء الله عليهم من يوم ما عرفتهم وانا اتصل عليهم واقولهم وينكم يقولون احنا بهيئة الأمر بالمعروف يحلفون ان بن باز وصّى عليهم قبل ما يمون .. وأتصل على وحده فيهم .. - نويّر أبي أدخل السجن شلون ؟! - تدرين توني طالعة من عند الشرطة ومانيب رايقتن لتس وطلعوا علي إشاعة انهم بيجلدوني 50 جلده .. فكلي تبن وانقلعي .. - تكفين فكري .. أي شي سويته ودخلتي السجن .. - والله اني رحمتس يا مطفوقة شكل صايرتن لتس سالفة ماهيب هينه - اييه خليها على ربتس بس .. المهم يالله قولي لي وش أسوي ؟ - مالتس إلا تمرني ألحين .. وأنا بعطيتس حشيش .. وأقرب سيّارة شرطة بيعي لها هالحشيش .. وأببببد ما تلاقين نفستس إلا وانتي مكلبشة وقاطينتس بالسجن .. - كفووووو والله يا نويّر .. هذا العشششم فيتس هذي الصديقة ولا بلا .. عاد مريت عليها وخذت الحشيش وقلت لعمو شنبو وقف عند الإشارة أي سيّارة شرطه قلّي وانا بنزل على طول .. قال طيّب .. وننتظر ماش مافيه أحد جااا .. ماشاء الله خبركم أمن وأمان في بلدنا والدوريّات في كل مكان .. ليييين ما جت سيّارة ويقوم عمو شنبوووو .. يقولي يالله شوفي هذي سيارة دوريات .. وانا اللي أفتح الباب وانزل .. وأطق شباكهم .. - فيه هنا حشيش .. تبون تشترون ؟ - قال واحدن منهم : لا كان عندي في البيت حشيش وشلته حطيت بداله تراب أزين لي .. - لحظـ .... مير يصكر الشبّاك ويروح .. وارجع لعمو شنبو وانا متحطمة ..ويقولي هاه ما فيه يشتري ؟! واركب السيارة واقول يالله امش .. مير يقولي هذي سيّارة واحد ثاني يالله بسرعه روحي .. وافزز للمرة الثانية .. واطق شباكهم .. - لو سمحت عندي حشيش يعني مخدرات .. يعني هذاك اللي خليك كذاااا وامثلّه تبي ؟! - ويناظرني بنص عييين .. لا وجاية لسيارة دوريّات تقولين اشتروو - هاه يعني أركب ؟! ويكلبشني ويدخلني السيّارة .. وعمو شنبو يناظرني ويصيح .. وارفع يديني الثنتين واشر لعمو شنبو .. واحنا بالطريق .. كلن ساكت .. قلت ترا فيه اختراع اسمه راديو .. وفيه جنبه وفي رواية انه معاه مسجّل .. هذا المسجل تقدر تحط فيه شريط لعبدالمجيد عبدالله ويطلع لك صوته وهو يغني وانت تسمع .. ويعدل الشرطي المراية بوجهي .. يبي يشوف انا صاحيه ولا استهبببل ؟! بعدين قال : أقول انزلي بس .. لا ارتكب فيتس جريمة وينزلني ويقطني عند وحده .. دخلتني مركز كله نساء .. قلت حسافة السجن موب مختلط .. والله لو اني أدري ما تعنيت بس يالله .. مير تقطني عند عبده عصلا .. وتقولها ودي هذي للسجن .. وتمسكني هالعبده ..قلت لها : هيه انتي بشويش .. بتكسرين عظامي .. عاد هي سكتت قلت ألحين ورا ما يحطون السجن مختلط على الأقل الوحده يصير معاها بوي فريند .. عصبببت علي العبده وفتحت خشمها .. وانا بلعت العافيه .. قالت والله لو ما تسكتين لأوديتس بزنزانة معزولة .. قلت اخس حتى السجن يدلعونه زنزانه .. وشكلها ما صدقت على الله نوصل للزنزانة على قولتها .. وتفتحها همن تسوي حركة تكواندو وتمد رجولها وترفسني إلا وانا صاقعتن بشي يتمطط وبعدها صكرت الباب وطلعت .. استانست انا قلت والله مدلعينهم حاطين لهم نطيطا .. ينطون على كيفهم .. والبنات اللي بالجسن قاعدين يناظرون وانا اقولهم شفيكم تعالوا ألعبو .. مير أطالع فوق إلا وهي وحده ماشاء الله الله يزيدها وزنها حول الـ 300 .. وانا قاعدتن ألعب بكرشتها .. احسب انها نطيطا .. وانا اكعها ضححححكة نعنبوتس ترا فيه شي اسمه الرابح الأكبر ورا ما تشاركين فيه ؟! والبنات يناظروني .. قلت طيّب طيّب ما عجبتكم عندي وحده ثانيه .. ألحين هذي لا قامت تتروش شلون تتروش ما تخاف عيونها تغرق بخدودها هاهاهاها .. ما احد ضحك .. هنا قلت وش فيهم ذولا لهدرجة انا ماصلة .. هنا شكل البنت ما تحملتني ومسكتني من شعري وقالت شوفي يا بنت اللذين ان ما تعلمتي السنع فأنا اللي بعلمتس وإذا ما أحد رباتس انا أربيتس .. وانا اللي أقولها لا تكفين وقسم بالله ما أعيدها .. والله لأرجع لتس كل القدور اللي خذتها منتس .. واعطيتس حنا يا خذ العقل يخلي يدتس سوداء .. لأني عرفت انها لو تدخلني بشعرها وقسم بالله ما أطلع لو يسوون لها عملية نتف شعر .. قالت تستخفين دمتس انتي ووجهتس ؟ ومير تتفل هذيك التفلة بعدها حسيت اني اسبح في بحيرة من كبرها .. حتى تفلتها كبر جسمها .. وتدفني عند المكيف .. انتي اليوم بتنامين هنا عند المكيييف .. حاضر وعلى امرتس .. بعد هالتفلة لو تقولي نامي وانتي واقفة انام ما عندي مشكلة ..! وآخررر الليل المكيّف يقوطر علي ومع كل قطره قفزة خخخخخ .. وتوني أبصكر عيوني .. إلا اشوف ظل رجول قدامي .. قلت لا شكلي اتوهم .. إلا اسمع صوت الدبه تقولي والله لو ما تقومين ألحين اني لأطبع بوجهتس رجولي .. مثل ما انطبعت لتس هاليد .. واقول لها ايه ابشرررري .. وتقعد تاكل والعالم يناظرونها واقوم آكل معاهاااا .. ما دريت إلا وهي صاقعتني بالطاسة .. والحمدلله جت العبده العصلا اللي عند الباب وتداركت الوضع .. وقالت مطفوقة .. يبونتس .. واركضضض بسرعه تكفين طلعيني وأقول للعبده.. الله يلعنتس يانويّر .. ما قلت لي انه فيه هنا تفلات تسنها برك سباحة .. مير تقول العبدهـ شوفي تراني عطيتس وجه .. والله لو ما تسكتين لألزختس بالسلك .. عاد هالمره سكت لأن فيها تكواندو وخرابيط .. وضميري طلع لي وقالي يا بنت اسكتي .. ترا أحسن لتس .. وتوصلني عند الشرطيّة .. وانا اللي ابوّس راسها .. واقولها تكفيين طلبتس طلعيني الله يدخلتس الجنه .. الله ياخذتس إلى جنات الخلد .. الله لا يجلعتس من النامصات والمتنمصات الملعونات يارب >> ؟! - قالت انتي متأكده انتس بنت ؟ - وقسم بالله واللي خلقني اني بنت - طيّب دامتس تبين تطلعين من السجن ليش تبيعين حشيش ؟ - ألحين انا وجهي وجه وحده تبيع حشيش ؟! بالله قولي لي .. انا ما اشتغلت في عمري إلا شغلتين الأولى أبيع شباشب في مكة والثانية بساطة بالكورنيش أبيع المصاصات للبزارين والمشكله أني ارحمهم واعطيهم مجانا كل شي وارجع البيت عند امي وتلعن جدفي وذي حالتي - اييه هين - ما صدقتيني ؟! طيّب وش رايتس انا اعرف سكرتير الملك عبدالله وهو صديقي الروح بالروح .. واذا تبين طلعيني واتوسط لتس عنده يخليتس عميده السجن .. احسن من وظيفتس ذي المعفففنه - نقزت واستانست .. ونادت العبده وقالت هاذي ألحين تطلعينها من السجن ألحين ألحين شكل العبده ما صدقت وفكت كلبشتي وقالت يالله روحي .. مع السلامة .. جت الشرطيّة اللي طلعتني وقالت شوفي ان ما سويتي اللي قلتي لي عليه .. لأرجعتس واخليتس طُعم لأم 300 رطل .. قلت ابشرري افا عليتس .. وأحط رجلي على الباب وآلاقي عمّو شنبو حبيب الشعب .. ينتظرني .. همن فتح لي الباب .. وركبني .. السيارة وقالّي الحمدلله على السلامة حسسني ان توني جايّة من مطار لندن .. ويوصلني للبيت وعودي يا حليمة لعادتس القديمة ..! الخاتمة / راجع المقدمة ...! التعديل الأخير تم بواسطة M 6 F O Q H ; 30-06-2008 الساعة 10:46 PM. |
|
    
|
|
30-06-2008, 11:21 PM
|
#2 | ||||||||||||||||||||||||||||||||||||||||||||||||||||||||||||||||||||||||
|
رد: التفلة التي دخلت موسوعة غينيس .. وحطمت الأرقام القياسية ..
ولكم ولكم
 هلا والله مطفوقه صراحتن انتس مبدعه بسم الله عليتس  تراي بي شئ من الطفاقه اللي يركدنا انا وياتس مدري متى بركد 
امتس تحتسي عن ثلاثة ارباع البنت مامنهن فايده وقسم والله ينرحمن >>تكفين ارحمينا انتي 
فاتحين جمعيه لحقوق العماله بالسعوديه وماتبينوه يتفل عليتس يعني مدري مين اللي نهبنا
وش مسويه الله يكفينا الشر 
وين انتي رايحه اللحين الحشيش ينباع بكل مكان وبرخص التراب ماش صديقتس ماتوصت فيتس
لو مايجي منتس الا عبدالمجيد عبدالله
لا تكفين ونسي امتس ووسعي صدره لاترجعين مطفوقه اللي يطمنتس باسموه صراحه امتعتين عاد وش سموه دعواتس لي انجح بالمحمول >> مابقى احد مادرا |
||||||||||||||||||||||||||||||||||||||||||||||||||||||||||||||||||||||||
|
|
||||||||||||||||||||||||||||||||||||||||||||||||||||||||||||||||||||||||
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
|
المواضيع المتشابهه للموضوع: التفلة التي دخلت موسوعة غينيس .. وحطمت الأرقام القياسية ..
|
||||
| الموضوع | كاتب الموضوع | المنتدى | مشاركات | آخر مشاركة |
| قمة من (نار) ... الأهلي لتأكيد الانتصار والاتحاد يطالب بالثأر | *عبــســي* | طقها والحقها | 0 | 22-03-2007 02:28 PM |
| ^الأخبـــــــ الــيـومــيــه ـــــــار^ | *عبــســي* | طقها والحقها | 139 | 03-03-2007 10:25 AM |
:: الغاز :: بنات :: شات :: العاب :: بلوتوث :: مركز تحميل :: برامج :: افلام :: زكرت :: طبخ :: توبيكات ::
 |
 |
|||||
 |
|
|
|
|
|
|
العرض العادي
