|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
18-07-2008, 08:33 PM
|
#1 |
 
 |
شركة الاتصلات الأولى عالميا في !!
^
لاتشرهون على العنوان (باين أنه مالقى عنوان زين ) اجل مصدقين أن شركتنا الموقره بتصير الاولى عالميا ماودي أقول أن حلم أبليس في الجنه  الا في النصب والاحتيال طبعا  مقدمه :. دائما تتوافق الاحداث وتتلاعن الأمم  ويختلط الطيب بالحرام  دائما في هذا الزمن المخيس أي خبر زييين لازم بعده عشرين خبر مثل التبن وانتم بكرامه ..! دايم الأخبار الزينه تجي بعدها أخبار تقطع القلب  ! وبعد كل المصايب والمهازل نحن نؤمن بقضاء الله وقدره ونحمد الله ونشكره ، يلعن امها فاتورتي 1550 ..! والله لو اني اغازل خوية سطير الصوماليه واغازلها 24 ساعة ..! ماطلع المبلغ تسذا ..! بس وش نقول لابوكم من شركة اتصلات حرااميه مكان الحدث :- في سياره بالقرب من بقاله في شرق الرياض .! وأنا وواحد من العيال الزبده :-  في يوم من الأيام وأنا متكي انا وواحد من العيال في ذي الظهرية في عز القوايل في جو الرياض الحلو والممتع صراحتن ( ينفع يصير مسوق سياحي ) ومشتهي ببسي قلنا نوقف عند بقاله نرتوي (زمزم مهوب ببسي استغفر الله بس ) شوي توني بصكر الباب الا واسمع صوت مسج اسمع جوالي فيه رساله كنت متأكد الا وواثق وأراهن انها رسالة كولمي خبري بنص أخوياي تسلاب ومطفرين جيت أناظر إلا ومسج يضيق الصدر L من الاتصلات ويقولون عزيزي العميل سدد فاتورة جوالك ولا بنقطع جوالك وبنلعن امك  .! تصكني الغلقه وأشيل هم الفاتوره الله يلعن أمها وأناظر خويي .! إلا وهو مبسووط وساحبن علي ورايق على ذي الظهرية .! قلت عبيييييييد، عبييييد ولعنه ! قال هاه قلت وش بلاك قال ابد موبايلي يقولون انك عميل مميز وعندك نقاط ! وعطوني 100 ريال اكلم بها ! قمت أزاعق و اقوووول صديق ياصديق هات الديزل هات ديييييييزل ياصديييييق هات الديزل هات الولاعه هات المتفجرات .! يلتفت علي خويي !يقول محمد افا انهبلت وش بلاك أركد ياخوي أركد ! وش فييييك ! وراك انقلبت بتفجر العالم وبتصير إرهابي يا كافي .! قلت بنهبل ! بفجر شركة اتصالات توسع الصدر وشركه سعوديه ما ورآها إلا الهموم L قال وش فيك ! قلت فاتورتي 1550 ! قال ايييييه هذا حال الشباب السعودي مكافئات مقطوعه وفواتير ! L يقلت له لا ماينفع بنتحر بنتحر بنتحر قالي تسوي خير في المسلمين ! وماودي أقول بقرييح ! ،. اتصلت على 902 ابي اشوف السالفه اتصلت عليهم وليتني ما اتصلتوانرقعت نص ساعه ومن اللعانه يرقعوني ويخلون هالجهاز الآلي يهذر علي الين ماتورَم اذني !! حامت تسبدددددي قسمن بالله حفظت كلامهم وربي ! ون زود اللعانه محد رد علي ! قلت مالنا الا نروح ورا ذا الشموس ونشوف سالفتهم ! ، رحت وياليتني مارحت ! دخلت بعد وشو حول مايخبص الدوام ! ، دخلت على الموظف وقلت له تسذا وتسذا وتسذا وشرحت له الوضع ، قال سدد بالاول وهمن اعترض عليها !! قلت وشو العب غيرها معصي .! ، رحت وطلبت منه كشف للمكالمات الصادره وبمافيها الرسايل .! ، أشوف ياولد ارقام منب اعرفها ! ورسايل كثر قريح مع إني منب أرسل رسايل واجد ! قلا سلامات من وين طلعت ذي قال يا خوي سدد وهمن اعترض , طيب لو ماسددت ولا صلحتوا الغلط وش بيصير ؟! همس لي وقال ياحبيبي مهوب انت الي تنسرق بلحالك حتى حنا الموظفين وقال ماعندي إجراء ثاني أسويه وأخدمك والله ..! قلت ماقصرت يالذيب ويعطيك ألف عافيه حسبي الله على الحراميه ! ، .الوضع صاير مهازل ولعب ونهب! يعني بالعربي الاتصالات صايره زي الإرهابي اللي يقتل المسلمين ويفجر أرواح الأبرياء!!------> لا بعد تشبه يرحم أمك ! ) الاتصالات مابقى إلا يخلون معك واحد من المباحث يمشي معك وكل شهر ينط في وجهك ياخذ الفاتورة من ورا خشمك ولو تفكر تناقش وإلا تروح بفاتورتك قالوا لك أنثبر ! وصح ليييين بكره ! ،ولو تفكر تروح لهم يخلص الدوام وأنت توك ماوصلك الدور ! ويصرفون ويقولون السستم خربان يلعن أم السستم اللي ماقد اشتغل زي الناس ، يا عالموبعدين لو فيهم خير كان طبقوا هالنظام على الكبير والصغير مهوب بس على اللي الضعوف ! ولا الكباريه تجيهم الفواتر لبيوتهم مزخرفه ولا بمبالخ برخص التراب ! كل ذا عشان مايسحبون ! على الشركه ويفقدون اساميهم بالسجلات ! ،. مرت الأيام ومشينا السالفه .. ! ، وانا أتصفح الجريدة واقلب صفحاتها (مهوب عاقل المثقف ) شفت اعلان انك تشوف ..! التلفزيون بجوالك .! ولا بتسعه ريال فقط ولا من القنوات قنوات مشفره مثل art وطقتها ..! قلت أخس بصيييير كشخه .! وحركات وبهايط .! مرت كشك بسوق وكان الموظف سعودي ،سلمت وقلت يا بعدي أبي اركب دش بجوالي لاهنت قال بتلقاه في الحمامات اللي عند المسجد خخخخخخخخخخ -----> ملكع ابن الذين ، الموهم قام يهذر ويهذر وقال ان ذي قنوات تركب على الجوال قلت خل أرسالكم يجي لغرفتي وبعدين قل تلفزيون ، ويعطيني من الرخيييص وأنا مفهي ! وداري انه ينصب بس الشكوى لله ! ركبنا ذي القنوات ويا ليتنا ما ركبناها لعنبوا بليسهم كل دقيقه تقطع منتب تشوف شي تقول تناظر قنوات استغفر الله مهوب قنوات مثل العالم والمسلمين ! وكنت فرحان بعد وأحسب أنها بـ9 ريال مدري بـ10 ريال ! ويكلمني واحد من العيال يقولي ترا مهوب بـ 9 ريال قلت هاه وشو قال بـ 75 هللة للدقيقه وأدق على الاتصالات الا ويطلع كلامه صدز .! L والمشكلة ماشفت شي خخخخخخخ يا ليتها على شي L على تقطيع .. ! ،.طرا على بالي أن الشركه سعوديه 100 % قلت وهذي شركه سعوديه بعد وأنواع الزرف والنهب والاستغلال ..! L بدايه من شريحه أم 10 الاف وأسعارهم المرتفعه ! وخدماتهم الزفت وأنتم بكرامه ..! وخدمة العملاء الي ماتنبغى ولا بريال ..! ، وأنا الي ملعوبن علي من مبطي وأقول شركه سعوديه ووين الوطنيه يامحمد خخخخخخخ والسعودي أرحم أن يزرفك من غيره ! ، ثلاثة أرباع خدماتهم ماقد شفناها الا يوم طلعت موبايلي ولا أول نحلم فيها ! كل هذا ليييش لأن الشركة محتكره القطاع وتوهم يخلون الشركات الثانيه يدخلون في نفس القطاع .! بشكل طبيعي لو أن أي واحد مدير للشركه بيرفع الاسعار ويستغل بس مهوب بشكل بجييييح لذي الدرجه ! أجل أنا الي وقتي كله نت ،نوم ،آكل ، طلعات مع العيال فاتورتي 1550 ..! ياليت نشوف التوسع ومنع الاحتكار في كذا قطاع ..! آخر مثل الهاتف والـ dsl العالم وصلوا للقمر وحنا تونا على الاتصال الدولي والجيل الثاني عندنا زفت وتقطيع وأنتم بكرامه  ..! ، آه بس وش نقول ووش نسوي مافي اليد حيله ..! بس أوريكم ياعيال الذين أن ما رفعت الحد الآتماني لـ 10 الاف وقعدت اكلم كل دول العالم وبوصلها لـ10 الاف خخخخخخخخ وبعدها قابلوني اذا شفتوني مسددها .. ودكم أن مدير الاتصلات يشوف موضوعي ماودي أحلف أن بتصير فاتورتي 9550 |
|
    
|
|
18-07-2008, 10:00 PM
|
#2 |
|
رد: شركة الاتصلات الأولى عالميا في !!
وين رآح ردي أمس كآن فيه !
 |
|
|
|
19-07-2008, 12:51 AM
|
#3 | ||||||||||||
|
رد: شركة الاتصلات الأولى عالميا في !!
الله لا يربحهم كانهم ياكلون با السرق
 .. خخخخخختفوه على جيبونا اللي مفتوحتن لهم  خخخخخختفوه علي وعلى اشكالك ياحمار <-- تحمست .. ياخي ودك ان السعوديه كبر البحرين وفيها خمس شركات منافسه لها .. والله ان تعقب تكسب شيء الأتصالات وبتخلي اسعارها رخيصه تخليك تكلم مكالمه والثانيه مجاناً .. ماذبحنا الا اننا كثر التراب يا السعودين .. وكل واحد تبيه يتكلم دس في اثمه شريحه  .. يطلع الحكي اللي كان مدقر في بطنه وانت قدامه  الأنه مايحلا الحكي الا با الجوال وماحناب نصبر عن الجوال ومنلدين لهم مالنا غيرهم الأتصالات  .. و غبي وبقره وثور اللي يقول بترك الحراميه ووبروح لم موبايلي العبده اللي اللعن من الأتصالات خدمات زفت وكل اللي تدق عليهم جوالهم على الأتصالات يعني الفاتوره اغلى .. ( كنك طالبن ببسي في ملاهي تطلع العلبه بثلاثة ريال بدال مهيب بريال ) ..كلاب يا السعودين نحب الدراهم ونحب نفسقهن ونعطيهم ناس ما تستاهلها .. جعل الدارهم اللي ياخذونها با السرق ما تحدر في جيوبهم  .. ابداً مافيهم حنان مافيهم رجوله مافيهم نخوه وطيبه قلب <--- طرالي العرس 
والله لو يسمعك ابوي .. ان يقولك يا كوكه  ( هذا يعني انك خفيف عقل ) .. اللقب يعم مايخص ترى .. اللحين انا اشتركت في ماسنجر الجوال قلت خن اللعب عليهم شوي ثمن اكنسل الخدمه واستفيد ولا اعطيهم دراهمهم .. وانا وجهي وجهه دبشه طالع .. اشتركت وسحبو رصيدي مدري كم بس ان رصيدي راح منه كثير رحت اللغيها قمت دقيت على كم موظف وكم واحد يعطني رقم خربوطه ارسله ولا يصير شيء .. و ساعه اناشبه الموظف اقوله ياخي انت بنفسك اللغها مالي خلق اروح ارسل رساله لرقمكم ثمن مايصير شيء زي المرات اللي راحت تستهبلون علي انتم عاجبكم صوتي كل شوي ادق .. قال انتي سوا ما اقدر اتصرف قلت قسم بالله انكم واطين لي ثلاث ساعات احاول افك الخدمه معييه تنفك .. دراهمي قضن .. قالي وشهي الأرقام اللي قالولتس الموظفين ترسلينها .. غيري .. قلتها له قال كلهن خرابيط ماعليتس خذي هالرقم وبيزبط معتس ويالله زبط .. تسلاب انا عقبها عرفت انهم غرضهم مادي <---- معلومه جديده محمد .. تجي معي نصير فلبينين اصرف لنا محمد : اسلوبك مميز .. ومشوق .. ويخلي الواحد يحلف يرد ولو ماكان ناوي .. إلى الذهب بعد اكتمال الردود التعديل الأخير تم بواسطة طمبيـراه ; 19-07-2008 الساعة 12:56 AM. |
||||||||||||
|
|
|
||||||||||||
|
28-07-2008, 02:10 AM
|
#4 |
|
|
رد: شركة الاتصلات الأولى عالميا في !!
راجع لكم
|
|
|
|
|
01-08-2008, 07:37 AM
|
#5 | ||||||||||||
|
رد: شركة الاتصلات الأولى عالميا في !!
يعترف بعد الضعيّف الله ابوه .. ! <- يسلم فمك ما غلطت بحتسوه .. الأتصالات شر لابد منه .. زين / متى تجي ونجربها ونفتك من هالأتصالات النصابه .. اوووخص يا 905 ماعاد يردون بسرعه / يلطعونك على التلفون ربع ساعه خيير وين حنا فيه ترى راس ماله رقم وفوقه ريال لكل دقه .. ! وش بقّــو لـ : 902 اللي خطر احلف عليه يكلمني  .. الأتصالات لايكثــر  / .. محمـط كف يدك عن التلفون شوي  موضوع خفيف / ( F ) .. .. التعديل الأخير تم بواسطة أوووب صاحيه ; 01-08-2008 الساعة 08:07 AM. |
||||||||||||
|
|
|
||||||||||||
|
02-08-2008, 02:51 PM
|
#6 |
 
|
رد: شركة الاتصلات الأولى عالميا في !!
محمد
والله انك صادق بكل كلمه قلتها وتحايلي = موبايلي , والاحتيالات = الاتصالات , لو بيدهم خلوك تحوّل راتبك على حساباتهم على شان يصير الزرف والنهب سريع سريع ولا تعطّلهم ويمديهم ينقصون من موظفينهم على شان تقل الرواتب ويحلا لهم النهب على اصوله وياكلون هالجمر اللي يبي يبقى في بطونهم يوم القيامه ان شاء الله الله لايحللهم ولا يبيحهم ويلعن ابو مجناهم .. تدري وش وصلو له اخر شي ؟! وصلو انهم يبيعون ارقامك داتا لقنوات الجنس .. اي وربي يعني تخيل تجيني رساله خارجيه تقول لي انا هيفا وينك عني انا محتاجه لك ويبغوني ادق على هيفا وتصير الدعوى .... فون , انا ملكّع وفهمتها غيري متشفق ويبي يتصل وكل شوي يبي يروح ويشحن والا يزيد حسابه على شان يفتحون له الخط ويبي يدفع ماوراه ودونه على شان وحده تلقى منها بشارع الخزان ثنتين بعشره ريال .. الى هالحد وصل غباءنا وسماجتنا ؟! والى هالحد صارو يستخفون فينا هالحراميه ؟! خلاص الكلام هالحين علن وهم اطقع مايشوفون انا وانت لأننا ماراح نضرهم بشي وحتى لو تبي ترفع عليهم قضيه قالو سدد فاتورتك وراجعنا حتى لو ان مامعك جوال من الاصل ولا قد اخذ احد اسمك بس هالكلمه صارت عندهم سريع سريع محمد اسلوبك مميز ورايق وبيّح الخفايا كلها الله مير يقويك ويبيض وجهك |
|
|
|
|
03-08-2008, 01:41 PM
|
#7 |
|
|
رد: شركة الاتصلات الأولى عالميا في !!
طيب واللي نزلو له فاتوره برقم مهوب له متنازل به من 4 شهور يقولون سدد اقولهم ماعندي مشكله اسدد 500 بس على ايش طلع لي وش كلمت وش سويت مسوي تصفيه وكلش للرقم يقول ماطلع شي صح التسلاب فاصلين جوالي ولطعوني يومين الين ما اعترضت ورجعو الخدمه لي بس ترا ماينفع معهم الا العين الحمرا
دخلت عليهم وقلت لهم ترا ولد خالتي صحفي وراح افضحكم بجريده مشهوره واني باحط اسمك انت فلان الفلاني مدير الفرع وقمط ام العافيه قام يقهويني ويقول ابشر مالك الا اللي يرضيك وابد عقب يومين شايلينها عني ترا ماينفع معهم الا العين الحمرا وثاني مره ينزلون فاتوره مهيب لي التسلاب |
|
|
|
|
03-08-2008, 01:58 PM
|
#8 |
|
رد: شركة الاتصلات الأولى عالميا في !!
ما فيه شي جديد من طلعوا وهم يسووون هالحركات ، بس وش نقول الشكوى لله .. |
|
|
|
|
03-08-2008, 08:28 PM
|
#9 |
 
|
رد: شركة الاتصلات الأولى عالميا في !!
نصب × نصب ،،
ولا الثانيه زين خذ رقمك برونزي بـ 1000  هذا يقاله الزفت و الزين بـ 100000محمد  |
|
|
|
|
25-08-2008, 12:25 AM
|
#10 |
|
رد: شركة الاتصلات الأولى عالميا في !!
والله حــآله
ربّـي ينتقـم منهُـم النّصـآبينْ !! بس وش نسـوّي يـآخُـوك  مشكُــور ع الطّـرح  |
|
|
|
|
25-08-2008, 02:08 AM
|
#11 |
|
رد: شركة الاتصلات الأولى عالميا في !!
الله يعينك يا اخوي " مــ ح ـــمــد "
والله حــ ـالة والله نصابين !! الله يفضحهم ... وهي الاولى في النصب !! يلله هذي هي الدنياااااا  <<<<< برااااااااااااااااااااااااا Dمشكووور اخووي ع القصة ..... |
|
|
|
|
27-08-2008, 01:46 AM
|
#12 |
|
رد: شركة الاتصلات الأولى عالميا في !!
وراح يستمر مسلسل النهب و السرق حتى تنحل بعض العقد اذا شركة ( موبايلي ) وكل هذا التضييق عليها و إفرادها في مضمار ضيق جدا ً .. اصبحت تنافس وتقدم اشياء جديدة .. وكلنا نعلم بأن شركة الإتصالات مدعومة حكوميا ً وهي شركة حكومية وشئ طبيعي أن يكون حالات سرق ونهب لأن المجتمع لا يوجد لديه خيارات إما يتعرض للسرق من الإتصالات أو يتعذب من موبايلي ,
مصر وهي تعيش في حالة فقر كبيرة و مروعه تقريبا ً 60 % من الشعب المصري تحت خط الفقر 10 % نايمين على خط الفقر .. فيها ثلاث شركات ضخمة ( فودا فون , والإتصالات الوطنية وآخرى لا يحظرني اسمها ) .. بصراحة في ظل هذه الظروف ماينفع إلا ( شحنّ ) بمختلف الشركات اذا سمعت الشخص يقول ( رصيدك منخفض ) .. تبي تحس بلذعه .. وكل عام و السرق أخفَّ . |
|
|
|
العرض العادي
