|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
|
|||||||
التسجيل السريع مُتاح
|
 |
|
|
LinkBack | أدوات الموضوع | انواع عرض الموضوع |
24-07-2008, 06:45 PM
|
#1 |
 
|
فاااص فاااص ما احلى فااص فااص ( مشاركه )
بسم الله الرحمن الرحيم اهلن اهلن بالبرواز واهله  يالله تحييكم  في البدايه قبل اضع موضوعي بين يديكم احب اني اشكر الاسطوره وستار اللي كانوا معي خلف الكواليس واللي سوو انعاش وتنفس صناعي لموضوعي لين مارجع للحياة بعد ماكان بيموت الى الأبد  سطير يسلم راسك اشكرك ,,, ستاره كفيتي ووفيتي ماتقصرين ونقول للي كان السبب جعلك للفايروس اللي يدخل جسمك ومعد يطلع الا وانت عارف ان الله حق , وتايب توبه نصوحا ..  ذيك الساعه بنقولك الله يصلحك ويعفو عنك ..  مير جت خيره عشان اعدل موضوعي وارممه شوي  ------------------------------- بسم الله الرحمن الرحيم قبل نبدا بقولكم ان موضوعي عباره عن ملف اخضر علاقي  بتقولون كيف يا فصفص ملف اخضر علاقي ؟؟  انا اقولكم .. كان يامكان اول ما عرفت اني بشارك بالفعاليه انبطحت افكر وافكر وش احط موضوعي ؟ وش الصور اللي اختارها؟  بديت ادور صور من الارشيف وقلت في نفسي ياكثرها كثرااااه وش اسوي الحين  ومن كثر ما انا محتاره خنقتني العبره ورحت اصيح عند امي وقلت لها قسم بالله ما اشارك قسم بالله ما اشارك  قالت تشاركين بايش ؟ قلت : هاااه .. ولا شي ..  طلعت بالحوش وجلست بالدكه احك راسي ياربيه وش اسوي وعدت الرجاجيل اني انزل موضوع << الرجاجيل = ستارهـ  فجأه تذكرت ان الوالد كان دايم يحتفظ بشهاداتي واشياءى وطواعيني كلها يوم كنت صغيره في ملف اخضر علاقي  نقزت لغرفت امي وفتحت الدرج الحديد وطلعت ملفي الاخضر حقي نفضت الغبره اللي عليه وفتحته وانصعقت  تبون تشوفون وش لقيت؟ .. ووش شفت!! .. هيا بنا .. نشوف صور الملف الاخضر  مع اني ابصم بالعشر مافيه مواطن ولا بزر ولا ارمله سعودي الا يعرفه بس تضامنا مع اخواننا من الجنسيات الاخرى حطينا الصوره ( فيس يناضر بتاع وعصوم )طيب نكمل .. اول مابديت قلت خن اشوف ملفي الصحي وش فيه فتحته لقيت  تكاليف ولادتي 4364 دولار 16365 ريال << على قوله اللي منب قايله هالمبلغ يجيب سياره كحيانه   وطيات رجليني ومبين الاعاقه في اصبع رجلي الصغير( رجلي اليسار) مدري وراه منعفط على برا  حتى حاطين سهم عليه وكاتبين خنبقه بالانقلش شكل السستر ماعطتني بقوه لابوها ذا الحقيره اصبروا اشوف للحين منعفط ولالا بــآآك .. لا اشوا زين  قذلتي  انااااه هذا اللي يقصون شعر المولود ويوزنونه ويتصدقون بوزنه ذهب << اتوقع ( فيس يقول اشوا ان النفقه على الابو ) مير لافكرت اجيب عيال ما اشيل هم كله على ظهر الضعيف جوزي << -- فيه بعد شي نسيت اصوره ( مدري وين امي لافزته فيه )اللي هو هديه من الممرضه اللي بالمستشفى شافتني واعجبت فيني واهدتني هديه ملعقه صغنونه مدري يمكن لان عيوني ممطعه ومنتفخه من الولاده وغاديه تسني فلبينيه هالهديه الى يومك وهي في علبتها مافتحتها .. انتهينا من الملف الصحي .. نروح لشنطه ملابسي وانا ورعه  وتراي تعبت وانا ادورها واطلعها لان كان المخزن بالشكل هذا  نشوف وش داخل الشنتايه  فساتيني وانا << بالله مهوب انا لقيتني وانا في الشنطه لالا هذا وشسمه الفستان يومه في الشنطه وانا يومي لابسه  لبسات كثيرات ومايوهات اما اللبس اللي عاليمين يهبل طوله شبر مدري وراي تهيضت يوم شفته  لبس لي يوم كبرت شوي وصوري وانا لابسه اللبس زاتو اذكر اني كنت احبه ودايم اكرفه  فساتين اوخرى وتنوره مع شنطه طقم ( ياحليلي ماكنت البس بناطيل )وجزمه مالقيت الا وحدهـ انتهينا من الشنطه .. نجي لملف الخنبقه وهالملف عباره عن رسايل بخط يدي من عام الف واربع ميه وخشبه وهالرسايل كانت مقتصره على بابا وماما  اول شي قابلني هالضرف المزبرق نفتحه ونشوف وش داخله ..  هههههههههههههه كم مرهـ ذكرت كلمه جميله ؟ الجواب = 6 مرات كنت اشوف الحياة كلها جميله  بس ولو باين ان فيني مشاعر حب كبيره تجاه الماما وماعرفت اعبر اللي بعدو ..  خخخخخخخخخخخ بس يالله نفتش الصفحه ونشوف  وهـ الله يرزقني ببنيتن مثلي يومني بزر يامهجت القلبي .. يا منبع الحبي  رساله مزبرقه وفيها ستـكر باين اني ارجي شي من وراها ومكتوب عليها التاريخ لان ابوي قايلي لابوتس لابو رسايلتس مره ثانيه اكتبي عليها التاريخ نفتحها نشوف وش فيها ..  لقيت فيها ورقتن اخرى << ياشين اللي يلف ويدور نفتح الورقه الاخرى ..  هههههههههههـ اها بان المستـور واشكر لك جزيل الشكر وانتي جميله جداً جداً وشكرا ههههههههههـ ياللللللله وش ذا والالوان , والستكر، وعلم السعوديه ... ياالاهي مستحيل والله ياني متكلفه عليها الورقه تسنها خرقه يالله اني تكيتها عالجوال والكمره عشان تبان بصورتها الطبيعيه  جانب من ابداعي في الرسم  يالليل ام الرسايل .. .. نفتحها ونشوف ..  اهم شي صورة الام وهي خامتن بنتها   وفي هذي الرساله كان خطي صغير لاني جتني عقده نفسيه يوم بنات المتوسطه يتحرشون فيني وبتكلم عن هذه القضيه نهايه الموضوع .. عام 1417 التاريخ بخط الوالد باين انه مهتم لرسايلي  نفتحهـا  مدري وش قصه الاعلام مدهره الوطنيه فيني اهااا نجي لقضيه بنات المتوسطه .. هذا طال عمركم ما اذكر السالفه مرهـ مرهـ لاني ساعتها كنت في ثالث او ثانـي ابتدائي يعني أوطه مغمده  كان شله بنات في المتوسطه يتحرشون فيني وفي الطلعه اذا نادا اسمي يسرقون شنطتي وينحاشون واذا شريت بطاطس ياخذونه وياكلونه قدامي وانا اتشهوا ومره حاولت اني اقاومهم وما حقرت عمري الا مادريت وهم يقبصوني ويمشخوني وطلع دمان من يدي رحت للبيت وذبيت شنطتي عند الباب وانا معصبه قلت شوفوا مدرسه منب دارسه  ماابي ادريس والله آآآوههوو << بدت تتعبر  وقلت لامي السالفه وان هالبنات من زمان وهم يحتكون فيني  يوم شافت المخوش اللي في يدي وهي اللي تنهبل اول ما جا ابوي من العمل وتقوله وبدوا يعصبون وكذا وابوي بغا يتحمس ويروح مشي للمدرسه ويصفق المديره من باتسر ارسل خطاب للاداره وامي كلمت على امهات البنات وقعدت تتلاقط معهم وكان هذا رد الاداره علينا ..  ----------------------- انتهينا من الخنبقه .. نجي عاد للوشسمه ( قصاصات السواليف بين الحصص ايام المدرسه )محتفضه فيهم الى اليوم ايييييييه يالدنيا قبل نبدا خل نبوص لفصلي اللي كنت ادرس فيه  ___________  هذا ختم الوكيله استغفلتها في لحظه وختمت في ورقه فاضيه لعلها انها تفكني من ازمه والخنبقه اللي تحت خنبقت وحده من الشله ( الله يذكرها بالخير ) الازرق = فصفص الاورنج = خويتي اهم شي خويتي يوم حشت وقضت قالت : انا بجاهد نفسي في المعصيه ومعد اني حاشه ههههههههههـ يقطع بليسها احبها اذا صارت تتكلم جد  هذي وحده ( الله يذكرها بالخير ) كنت اهرب اشرطه فديو انا وياها في كراتين مناديل  وهنا بطاقتي يوم اشترك في حملة الفتاتو العفيفة رازتن هالبطاقه بصدري واهرب اشرطه عشان ما اصير شبهه  هذي صقيقتي .. مشكلتها اذا عصبت يخونها التعبير اجل عنوان الدرس : اليوم طفش ولا حصه الفسحه وشي حصه الفسحه سالفه الورقه ان البنات الله يهديهم كانوا يطقوه ويرقصون وجت المديره دخلت علينا في عفلتن من امرنا  وكانت مطنقره عالآخر وقالت ابستدعي كل امهاتكم وابدق على ابوانكم و و و ... الخ رحت لها قلت خير خير انا ماسويت شي ترا قالت خلاص انتي منب مسويت لك شي والبنات حقدوا علي -------------- تعرفون اذا جتكم حاله ضحك في مكان غلط وفي وقت غلط ذاك اليوم جتني حاله غريبه ونشاط مفرط فجت خويتي ولفت ورقه فيها ريال وجدعتها علي  باين الورقه تسن ماضغتها بقره لاني عرفطتها ورميتها بوجهها  وه يا تاز المشاكس هذه الرساله يوم كنت امر مرحله التحور من الذكوريه الى الانوثه وكانت الهرمونات تفجر مشاعري المهم اني الظاهر اني كنت زعول فارسلت لي هذه القصاصه خويتي الله لا يخلينا مع اني كنت زعلانه يوم ترسلي بس يوم قريت رسالتها ضحكت مدري ليه  خويتي القصمنجيه وهذا كتابي النصوص ثالث متوسط بس خطها حلو ماشاء الله على طاري القصمان مره وانا في طريقي للجامعه شفت هالسياره وصورتها .. اجل يحول ياللي ماله بريده نجي عاد للتخرج من الثنويه كان هذا الكتاب مخصص للخريجات فيه كلماتهم وكلمات معلماتهم والاقسام بالجامعات ومن هذا القبيل  اخيــراً زاويتي وكلمتي في كتاب الخريجات  وتخرجنا بس قضيت .. انقلعوا لااا امزح حبيت اطرح لكم الموضوع كقصة حياتي او كروايه من يوم ما انولدت الى هذه اللحظه اللي اكتب لكم فيها استمتعت فيها كثيراً وانا استرجع تلك الذكريات اتمنى انكم استمتعتم ولو قليلاً شكراً لكم  |
|
    
|
|
24-07-2008, 07:43 PM
|
#2 |
|
رد: فاااص فاااص ما احلى فااص فااص ( مشاركه )
أوليييييييييييييييييييييييييي
وأخيررررا موضوعك وصورك فصفص طلعوا للنور الحمدلله عسلامة المنتدى وكمان موضوعك وصورك من جد ملف علاقي شاااامل وكاااامل ماشاااااءالله انا مااحب انسخ الصور إنما دي حاااااجه تانيه يختشيييييي عليكِ فصفوصه وكتكوووووته والا هالفساااتين كأنهم حق لعبه مو طفله طبعاً كل الصور والاوراق تحكي عن نفسها موفقه فصفوصه ومن الفايزين  التعديل الأخير تم بواسطة ناناغلاةاهلها ; 24-07-2008 الساعة 07:45 PM. |
|
|
|
|
24-07-2008, 08:22 PM
|
#3 | ||||||||||||||||||||||||||||||||||||||||||||||||||||||||||||||||||||||||
|
|
رد: فاااص فاااص ما احلى فااص فااص ( مشاركه )
,
, اهلن اهلن نانا
اي والله واخيرا الله يسلمك ان شاء الله ويخلي لنا المنتدى سالم
والله انتي اللي حاجه تانيه يالبي قليبتس
البسهم بناتي بالمستقبل ان شاء الله
من العايدين نانا ردك فرحني وغرف قلبي من الوناسه لاهنتي |
||||||||||||||||||||||||||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||||||||||||||||||||||||||
|
24-07-2008, 08:58 PM
|
#4 |
|
رد: فاااص فاااص ما احلى فااص فااص ( مشاركه )
خخخخخخخخخخخخخخخخخخ وراه الحين ذاك المصبع زعلان وناقز لحاله يالله  ياقديمه انتي ذا الشنطه اتذكرها كانت مع المصاريه والامع الدوافير عاد شوفي اي النوعين انتي منهم سؤال الحين اللي بالزاويه تحت على اليمين وشو قطو كلب حيوان كائن حي ؟؟؟  |
|
|
|
|
25-07-2008, 05:41 AM
|
#5 |
 
|
رد: فاااص فاااص ما احلى فااص فااص ( مشاركه )
فصفص موضوعتس يبي له روااااااقه ..
 وأنا أبد منيب في هـ المود الحين .. فـ : مـثـبـت : ولي باك .. |
|
|
|
25-07-2008, 02:12 PM
|
#6 |
 
|
رد: فاااص فاااص ما احلى فااص فااص ( مشاركه )
الحين ورا ما تترجمين الحتسي اللي في الاوراق .. يعني على أساس ان الخط واضح
ويحرئ حريشك شو هاض القُصاصات اللي من عام الفيل .. وين تجمعينها فيه .. ما ادري ليه بديت احس انتس تمشين وتلقطين اوراق .. كان الله في عونك انت وذكرياتس بس فكرة الملابس خوقااااقيه .. بافكر اسويها ان شاء الله اذا صغرت .. موضوع كآآآيف ينقصه "الترجمه" وللحين منب مقتنع ان فيه وحده ترجم عليتس ورقه تروحين تحطينها في الشنطه ثم تحطينها في درج الذكريات <-- جاب اجلتس عقب هالجمله .. انا وقسم بالله مضيع شهادات مب ذكريات ..  * وش نوع الدرج اللي تزبنين فيه اوراقتس |
|
|
|
|
25-07-2008, 02:43 PM
|
#7 |
|
|
رد: فاااص فاااص ما احلى فااص فااص ( مشاركه )
لوست  |
