|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
27-07-2008, 09:45 PM
|
#1 |
 
|
مشينا .. خن ننبسط في الثنتين
مسكم با الرضى والسرور  ماتحسون ان ودكم تنبسطون اللحين وتنبسطون في الثانيه  ! .. يعني ودكم نبسط هينا ثمن نبسط هيناك على سنع بسطه صح  .. اصبرو خن اعلمكم السالفه صح عشان تفهمون  .. وانا جالسه مع امي واخواتي انا متروبعه اقحن شاهي وشاطحه بتفكيري  .. لكن شدني كللمات تكررت مع امي  .. اسمعو السالفهامي : يوووه يافلانه ذيك ماتت انا : هااه كبيره ولا صغيره !امي : لااه كبيره انا : ايه اشووه ارتعت  ثمن تكمل حكيها .. ايه هذوليك الحريم ماتو ورا بعض .. انا : هااااه ماتو طيب كبار ولا صغار !امي : لاااه كبار انا : ايه اشوه ارتعت امي تكمل حكيها .. وفلان ذاك يوووه اندعس في الشارع . ..... إلخ وكل سالفه وسالفه تقول ايه فلان هذاك اللي يرحمه .. قلت في نفسي انامب متقبله الموت وكن الموت لهم مب لي .. اوكي ابي اتقبله  .. <--- كيف الأسلوب  فكرت اني ميته ميته .. مب لازم اضيق صدري بس خن انبسط في الثنتين .. يعني الله يسعدني ورا ما إذا بغيت اطلع لسوق وجاء في نفسي اكحل عيوني اقول بلااها يابنت خليها لثانيه .. وكل شيء يمر في بالي غلط بسويه (اقول بلاها خليينا نسويها في الثانيه ) .. <--- يجي وجهاا وحده تسوي محاظره ولالا عشان اكمل ؟ المهم .. بديت افكر فعلياً في أول شيء بيساعدني اني انبسط في الدنيا وانبسط في الأخره .. يعني وشوله انبسط فيذا وفي جوف الأرض نكد! .. ليه انبسط فيذا واغضب ربي .. شوية قوة قلب اتغلب على الشيطان واكسب الثنتين .. الأذكآر : حآولت اني ادخل خاشع بجوالي  .. وحلو ظبط معي صار ينبهني إذا جاء وقت الأذكار .. ما اخفي عليكم في نفسك يجي انك تظغط اي زر يروحها .. بس شوية جهاد واقرها .. وتلقى نفسك تعودت .. وقسم بالله انها زينه اولاً : حماية من العين والسحر والجن ثانياً : يعطيك ضمان انك إذا مت وانت قاري الأذكار بيقين انك تدخل الجنه بإذن الله ثالثاً : تكون شكرت ربك على كل النعم رابعاً : تكون دعيت لنفسك با الخير والحياة السعيده والرزق وبا العافيه في الدارين خامساً : تكون الملائكه شغاله بس تكتب الأجر اللي حصلته من الذكر واكثر من تسذا بس انتم جربو .. والله يثبتني على هالشيء لأنه مره جازلي النقطه الثانيه اللي فكرت فيها .. صلاتي الخبط واللزق .. ليه اخبطها واللزقها خير وينا فيه .. يعني قمت افكر شوي اني قاعده اقابل ربي في هالخمس دقايق ولازم اني اخشع .. وفكرت اكثر انها خمس دقايق يعني مانيب قادره اخشع ولا اسهى في الصلاة ولو لمدة خمس دقايق  !الفائده : غير ان الصلاة تنهى عن الفحشاء والمنكر .. انك تحس انك مبسوط سويت شيء حلو بها الحياة وتحس ان ربك راضي عليك والراحه النفسيه اللي تخليك ضحوك ودك بس تكي وتسولف من سعة الصدر اللي فيك جاء في بالي شيء ! .. الأغاني يعني لزوم اسمعهآ ! با القليل خن اتركها وبا الشهر اسمع مره .. لين اقلع عن هالعاده المخيسه  وترى ترك الأغاني شيء مب صعب .. بس انت خرب سماعاتك حقة الجهاز ولاعاد يصير لك نفس تسمع <--- لا أبو من علمتس المواضيع الدينيه شلون تجيوطبعاً لا انسى ان من ترك شيء الله عوضه الله خير منه وفيه حركه جت ببالي اللحين وانا اكتبلكم .. في صفحة قرآن عندي في النت ممكن اني اخشها بس دقيقه واقرا كم آيه عشان بس لا أهجر القرآن حطوها في المفضله وخشوها بس شوي اقرو .. قسم بالله مب صعبه حتى انا بجاهد نفسي واسويها وانتم بعد جاهدو http://www.al-eman.com/quran/ النهآية : زبدة كـلامي التدين مايجي مرا وحده .. و لازم نظبط روحنا وننبسط في الدارين .. وحبه حبه ماندري الا اننا مرضين ربنا تماماً  آسفه على حوسة الموضوع تقبولها زي ماهي |
|
    
|
|
28-07-2008, 01:11 AM
|
#2 |
 
|
رد: مشينا .. خن ننبسط في الثنتين
يا هلا و الله و غلا .. بـ طمبيراه راعية الابداع و القلم العيار .. تعجبني ردودك واعجبني كثير موضوعك اللي بـ التكية .. بس الظروف ما خلتني ارد
 .. عاد مهوب حلا الظروف تمنعني من الرد .. هه الحين جيتس وانا رامين بعرض الحائط جميع الظروف و الاشغال اللي تواجهني وتصادفني <-- اقعد يـ البزنس مان ( اني واي ) .موضوعك مميز بفكرته لـ درجة اني انلخمت وقلت هـ البنت تشبهني بـ التفكير وكلنا تقيين انا وياها ( افلقني يا سطير ) ونحب نعمل الخير دايم عشان نناله بـ الآخرة .. صدق الواحد ينهبل و يدشر و يفسق .. بس ما يترك الصلاة ولا ينسى ربه ( وشلون يدشر ولا ينسى ربه ) وشسمه انا اقصد اني بتفرع شوي بـ الرد وبنحرف عن مسار الموضوع بعد اذنتس يا طمبيراه .. صحيح حنا نعمل اغلاط ونفعل اشياء ما ترضي ربنا .. بس بـ الاول و الاخير كل واحد مننا مهما سوا ومهما فعل لو يستمع شوي لـ عقله ويحدد الوجهة اللي هو يبيها بـ اللي يرضي ربه صدقيني يقدر يسوي الشي هذا .. وفيه نقط مهمة اللي هي الشي ما يجي من مرة وحده .. ( اكل العنب حبه حبه ) الواحد المفروض يمتنع عن الاشياء اللي تغضب ربه مثل سماع الاغاني وملهيات الحياة كثيرة بدون لا نتطرق لها .. بطريقة حلوه وايجابيه .. لـ اني لو بمتنع مثلا ً عن التشيش بيوم وليلة ومن الباب للطاقه .. وبقول هه وهذا اللي ورميته والشيشة وكسرتها ما راح اتم اسبوع او اسبوعين الا انا راجع لها .. واكبر خطاااء اللي النا تطيح فيه انها تجيها الرغبه عن الامتناع من افعال الاشياء بيوم ليلة وينهيها مرة وحده بدون لا يتدرج لمنعها .. لـ انه لو منعها مرتن وحده ممكن ربي يسهل امره ويخليه يسلك الاتجاه الصحيح .. بس لو امتنع عنها بدون لا يتدرج ورجع لها .. صدقيني الرجعه لها راح تكون اعنف من اول .. وراح يتزعزع ثقته في نفسه .. تبي تقولين لي شلون تتزعزع ثقته في نفسه .. اها اقول لتس يا طويلة العمر وانا انصحتس بـ كاس اوميييهه وبنادول اكسترا .. الحين الواحد اذا حط ثقه في نفسه انه راح يمتنع عن شرب الدخان وفعلا ً امتنع عنه ومع مرور شهر او اقل رجع لها .. هذي تعتبر عدم ثقة في قدرات نفسه .. لـ انه وثق انه يقدر يترك الشي هذا بس الشيطان يلعب دوره .. فـ الشي الجميل بـ سردك للموضوع انه ننبسط بـ الثنتين .. ننبسط في دنياانا ونعمل لـ آخرتنا .. وترا مهما الواحد ملعون خير ومليعين ترا برضو يبقى فيه جانب من الخير بس هو ما ترك الفرصه انه يطلع هـ الجانب .. وعلى طاري الاغاني ياهي تقلب جو و مزاج الواحد قلبة جو الله لا يوريكم .. ممكن اشغل الحين ( سامري ) وابداء اردح واتنكس ومحد قدي .. شوي ظهري عورني من كثر التنكس ( ايقونتن هازعتن ويالله تصلب ظهرها ) ينقلب جوي ع اغاني هاديه وتعالي شوفي بعصت الجو وضيقة الصدر .. صدقوني الاغاني ما فيها خير مع اني اسمعها <--الحين يقالك جايب جديد موضوع يستحق القرايه والتمعن فيه بقوة ..  .. واعذرينا ع الرد المخيس والافكار اللي مهيب مرتبه فيذا الرد .. اجل اقول سالفة واقطمها في نصها وادخل فـ اللي بعدها .. والله لو اني ادف روش ما صرت منلحس كثر كيذا مثبت و نسخة للذهب بعد اكتمال الردود |
|
|
|
28-07-2008, 09:07 AM
|
#3 |
 
|
رد: مشينا .. خن ننبسط في الثنتين
طمبيــــرآآه دايما تعجبينآآآن ماشالله تحت فوق يمين يسآآآآر  طمبيرااه في قلووبنا موضعتس بطران مع ذا الصبحية خاصتن ان لون كي بووردي فآآتح وقسم مير اول ما لقطت موضوعتس معلق بالدبوووس فووق قلت اكيد شي خوورافي وراح يستااسع صدري وراح ادعي لذا البنية اللي احس اني وياها صقيقات جد وراح نتقايس فسااتين بعضسبحان الله وانا اختس موضوعتس حلو وسهل ومايبي له وبسرعه يخش صماامات القلب بطين واذين وكل ابو شي  ..بقوولتس وانا معتس بكل جملة كتبتيها ربي يكتب لتس الاجر فيها .. اغاني طرب ونااسة فلة لعب سلة لهو خنبقة مزح هرج مرج تنكس ملاهي  بالوجه المقااابل حزن تفكير ضيقة صدر كأأبة سكووت هدووء تقيلة مزااج احيان الدنيا تسذا حلوة ومرة مد وجزر طاعة ومعصية خير وشر صديق وعدو بس عندنا وقت وعقل متى مافكرنا صح وحددنا وقتنا كل هالامور اللي فوق راح تصير صح وبالنطاق المحدووود كلنا بشر .. محد معصوم من الذنووب والخطاايا بالدقيقة يموت كم واحد وينولد وااحد وحنا عايشين حياتنا ... دقيقة وحدة ماهيب تكلفنا شي بس شوية تفكير حنا بالدنيا وين موقعنا بالاعراب كم عشنا ..!! وكم رااح نعيش؟!! محتااجين شي يكفر ذنوونبا ويواجهنا قدام ربنا بنفس رضية حتى بأقل الذنووووب كل هالكلآآآآم من تجربة وانا اختك كنت مدمنة اغاني ونت وهبااال وقتي كله ما احس به ابد واخر الليل اقوول طفش وهلم جراشوي شوي بديت استفيد من ذا النت بديت اجمع الاذكااار الصباحية والمساائية واحطها ملاحظات بجوالي رتبتها وصرت بعد كل صلاة اقرا لو شوي صح في البداية انسى وماتعودت لكن مع الوقت بديت اتعود وقلبي يرتاااح بالرغم اني لساتني اسمع اغاني الاغاني شوي شوي صرت اقلل منها سماعة الجوال من الله انقطعت وقلت بقريح احسن والحمدلله صرت ما اسمع اغاني قليل مرة مرة الدش .. كل القنواااآآت بس سويت فكرة اني احوس قنوات الاغاني مع الافلام مع الاخبار يعني خلطت دباس على عباااس ماحطيت رصة الاغاني مع بعض عشان اتعنى لا جيت اقلب واتكااسل ادور قناة وقنآآة الحمدلله .. حسيت اني صرت اسوي شي كويس وهو اللي الحمدلله اني مع كل صباح وانا رايحة الجامعة افتح جوالي وادعي ربي والمغرب كذلك مع وقت المغرب ادعي واقول اذكااري حسيت بقرب الله واني انشالله قاادرة اتحمل اي شي هالفكرة قلتها لأختي بالثانوي وصرت ارسل لها ملاحظة بجوالها الادعية وخاصة انها لسا ماخلصت فترة مراهقتها وعن جد حبت هالفكرة طمبيــــــــــرآآه ربي يسعدك وين ماتكووونين احبتس يالشينة  التعديل الأخير تم بواسطة شاربة ; 28-07-2008 الساعة 09:31 AM. |
|
|
|
|
28-07-2008, 03:30 PM
|
#4 |
 
|
رد: مشينا .. خن ننبسط في الثنتين
طمبيراه
موضوع من جد جميل وفيه تذكير لقلوبنا الغافله وحنا نحتاج للتذكير لأننا في زمن فتن وزمن كل شي فيه يشهي ولذيذ حتى لو انه قرف .. تبعنا طريق الشيطان وصار يزين لنا الشين ويشين لنا الزين وحنا مثل البهايم وراه ونسينا ان ورانا قبر واخره وحساب وعقاب عن كل حركه وكل كلمه وكل شي نسويه بالاخره .. هالحين البعض يقول ان المطوع حياته ضيقة صدر وهم ولا يستانس ولا يسمع اغاني ولا يناظر مسلسلات ومدري ويش وانه ماعنده شي يستانس فيه .. بالعكس المطوع اذا ضاق صدره فتح القران وقرى لين ينشرح صدره وقام يستغفر ورزقه الله وفرج عنه كبرته وارتاح وكل شي يسويه يرضي به وجه الله يحس انه مبسوط وملك الدنيا ومافيها .. بعكس العاصي اللي اذا ضاق صدره لو من اغنيه سمعها اربع مرات ومل منها فكر ينتحر ويرتاح من هالحياة الكئيبه .. الايمان وطاعة الرحمن نور في الدنيا والاخرهـ طمبيراه من اجمل المواضيع اللي قريتها .. بيض الله وجهك والله يجزاك خير وجعل ماكتبتِ لنا من نصح وتذكير بميزان حسناتك امين يارب العالمين |
|
|
|
|
28-07-2008, 03:41 PM
|
#5 |
|
|
رد: مشينا .. خن ننبسط في الثنتين
(هالرد بمثابة المفتاح اللي يخليني اشوف الردود اللي ماتطلعلي .. عذاب
) |
|
|
|
|
28-07-2008, 04:22 PM
|
#6 | ||||||||||||||||||||||||||||||||||||||||||||||||
|
|
رد: مشينا .. خن ننبسط في الثنتين
اهلاً اسطوره
يالله عاد يا ابو ظروف خلني اشوفك في موضوعي الثاني .. مهب تشوفنك رديت علي هينا انك سويت الواجب وطاح عنك الرد ... خن اشوف لمستك الأبداعيه اللي بتزين موضوعي .. وخلاص بس لا تريش الموضوع جاي سريع سريع  .. يعني حوسة ويالله ترتب وحتى لو قعدت تناظر فيه زين يمكن تلقى قراطيس منطله ولا مناديل لأني ابتسي ثمن امسح ثمن اذب .. مع تفاعلي وانا اكتب ... وحياك على قل الكلافه
سطير اخاف انا اللي منحرفتن عن المسار .. اشوفك انت بصلب الموضوع .. وانا اوافدزك الكلام قلباً وعقلاً
صادق والله .. مدري ليه تجي اعنف من اللي قبلها تسني ذابحتن ام الشيطان عشان يتليعن ويخليني ادبلها .. قل الحياء وقل الدين في هالشياطين استغفرالله
وشوله الكلافه الله يحيك .. يكفي انك منورن الموضوع .. وترى كل حكيك في الصميم واتفق معه .. يعني كلن فيه خير بس مالقى وقت يستعرض الخير اللي فيه شكراً اسطوره |
||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||
|
28-07-2008, 04:41 PM
|
#7 | ||||||||||||||||||||||||||||||||||||||||||||||||||||||||||||||||||||||||
|
|
رد: مشينا .. خن ننبسط في الثنتين
شاربه
صدق .. بتعطيني فستانس اقوسه .. ثمن اعطيه صديقتي في المدرسه تقوسه وتلبسه ثمن يدور على بنات فصلي .. ثمن ارجعه لتس
اوافقتس كلامتس .. نبي نستعمل العقل نخليه يرتبلنا كل هالأمور تمام وننبسط في كل الحوال
تبين نصيحتي دوريلس برنامج زي ( خاشع ) هو بنفسه يغصبتس تقرين الأذكار لين تعودين وتحسين انتس ناقصه بدونه وانتس مايصلح يمر وقتس ماقريتيه .. حلو تفكيرس كل يوم تعجبيني اكثر واكثر
تبين الصدز انا ادخل اغاني بجوالي بس من ارقد بفراشي وتطفى اللمبه ابدا احسني .. وامسح كل الأغاني .. وخلاص ما أرتاح واقدر انام الا إذا عزمت اني ما اسوي شيء غلط
آمين الله يتقبلها منتس .. من جد احسني محتاجه هالدعوه شكراً لتس يااحلى شيء |
||||||||||||||||||||||||||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||||||||||||||||||||||||||
|
28-07-2008, 04:48 PM
|
#8 | |||
|
|
رد: مشينا .. خن ننبسط في الثنتين
احمد السكران
|
