شرح بالصور / التسجيل بموقع فعاليه الكورة السوداء ..

مصيول بن جورج · 31-07-2008, 09:32 AM

السلام عليكم و رحمة الله وبركاته

بالخير يا جماعه الربع .. بمناسبه ها الفعاليه .. اللي كنت اتمناها من زمان .. اليوم جايبن لكم وشلون تسجلون بالموقع .. وشرح بالصور وعلشان ما اكثر الحتسي .. نروح للشرح سوا ..

بسم الله .. بالبدايه .. ادخل على الرابط حق الموقع ..http://www.gamezer.com/billiards

تفتح لك الصفحه زي ما انتم شايفين .. بالصورهـ ..

ارعص على رقم 1 ( Registration ) التسجيل .. اذا رعصت عليه .. يبي يفتح لك نافذه جديدهـ ,. شوفوها معي .. والشرح بعدها ..

1- الايميل المسجل .. ومهب شرط يكون صحيح .. بس احفظه اهم شيء
2- الباسوورد .. ومهب شرط يكون صحيح .. اقصد يعني مهب لازم يكون نفس باسوورد الايميل اذا كان صحيح ..
3- تأكيد الباسوورد ..
4- الجنس ( ذكر - انثى )
5- تاريخ الميلاد ..
6- الدوله ..
7- اليوزر اللي يبي يظهر للشعب .. (يفضل زي يوزرك بالمنتدى) واللي تحته .. تختار صورهـ رمزيه ..
8- يعرض ايميلك بالبروفايل ..
9- السماح بعرض العمر والجنس ..
10- يعرض الدوله والعلم ..
* اللي تحت يمين .. رمز الصورهـ من 3 حروف .. نسيت احط له رقم ..
وبعدها .. تحط اوكي .. يفتح لك نافذهـ .. به خياران .. اضغط اللي يسار .. همن يفتح لك نافذه ثانيه .. حط اوكي .. وخلاص تم الحين التسجيل ..

بعد التسجيل .. نجي للصفحه الرئسيه ..

1- الايميل اللي تو سجلت به ..
2- الباسوورد ..
3- هذا يحفظ لك اسم المستخدم وكلمه المرور .. اذا الذاكرهـ دمار .. حط حفظ
4- الدخول للشسمه ..

هذي اذا دخلت تجيك الرومات بهذا الشكل .. شوفوا روم 123 تراي انا اللي رسمت القلب

اللي يمين صندوق المحادثات .. واللي يسار الموجودين ما يلعبون .. واللي بالنص غرف اللعب ..

1- هذا اضغطه .. ويطلع لك النافذه اللي بالنص ..
2- هذي اللعبه اللي عليها الفعاليه .. اللي يكون واحد له الكبير .. والثاني صغير ..
3- اللعبه من 9 كور بس .. عاد انتم جربوا ..
4- هذي دخل اي 8 كور وتفوز .. كبار ولا صغر ولا السودا اهم شيء 8
5- سنوكر .. اللعبه المفضله لي جربوها .. حلوهـ
6- اذا تبي الروم مخفي .. شل الصح
7- استخدام القايد .. اللي هو المساعد .. الخط اللي يوضح لك مسار انطلاق المضرب

همن اوكي .. والله يوفقكم .. ان شاء الله تفوزون كل ابوكم ..

في الختام .. اعذروني على القصور ..
كان معكم من خلف الشاشه / مصيول الاطخم

احسنت يامصيول

موافق عليها · 03-08-2008, 09:00 AM

مفتوح للاستفسارات فقط

احُوبني · 05-08-2008, 12:02 PM

صباح الخير

مدري وش اقول صراحه بس في جعبتي استفسارات لاحصر لها

اول شي حبيت استفسر عن موعد المسابقه متى راح يكون ان شاء الله ؟

لاني الخميس مسافره الله يعقل علينا .. واذا ميمديني كلش انسحب وترك مقعدي لناس افضل مني ..

شاربة · 05-08-2008, 12:24 PM

وانا بعد مثل احوووبني .. ودي اشوف اترك مكاني لأحد او لا .. لأني بسافر بكرا

الربوع انشالله والخميس والجمعه بالليل راجعه ..

لو راح تبدون هالحزة قولو لي .. اخاف يصير القرعه علي بذا اليومين لو بديتو وتحسبون اني ساحبه وماخبرت احد وتخسروني ...

بس اتوقع يامصيول او فوووقة السؤال موجه لأهل المقام السامي ...

وعلى اساس الشرط الخامس اللي حطه : الاخ المدير اسطورة

اقتباس

5- يحق للاعب تأجيل مباراته بالاتفاق مع الخصم و ابلاغ اللجنة ووضع رد في الموضوع اللي راح يفتح للفعالية هذي .

اقدر اتفق مع الخصم اللي معي اننا نأجل اللعبه لوقت ثاني صح,,,!!!

من الحين يااخلق لو بديتو ذا الويك اند وصار اسمي في البداية انا راح أجل لعبي لين ليلة الجمعة تكفووون تكفوون ..

والله على ما اقول شهيد ..

>>> فيس يقول يارب ماتصييرين من البداية

مشكلتي بس هاليومين ياجمااعه

ابي احد يرد علي لو سمحتو وينور وجهتي .. واكون شاكرة حيل ...

سلفر · 05-08-2008, 01:39 PM

الجدول اليوم بينزل العصر .. بعد ما ينزل الجدول اللي يبي يقدم مبارياته او يأجلها يراسلنا على الخاص هو والخصم ..

المـ ل ـك · 05-08-2008, 02:40 PM

ياخي والله عيت تفتح معي اذا جيت اسجل واخلص ابدخل مايدخلني وش الحل

سلفر · 05-08-2008, 03:14 PM

(القائمه النهائيه )

1 - دغو
2 - أبــ Jo$eph ــو ( أبو جوزيف )
3 - ستاربكس ( starbucks )
4 - ضب بدون عكره
5 - مصيول بن جورج
6 - طمبيراه
7 - ولد الحكم
8 - منسمه
9 - bule

10 - عصوم
11 - محمد
12 - انتي قسيتي ( FARs ) - لازم تغير اسمك بحيث يكون قريب من اسمك بالمنتدى او نفسه -
13 - مهيب عاقله
14 - FORZA ITALIA
15 - شاربة قاز
16 - مشكلتي إني حلوه
17 - هماني أنا
18 - بكيراوي
19 - احوبني
20 - Zidane
21 - خنبوووق
22 - AS6ORH

23 - موافق عليها ( f o 8 a h )
24 - جاسم
25 - الطاسه
26 - mobd3
27 - كابتشينو ( Cappuccino )

28 - d7ooome

29 - Panda
30 - هوبي
31 - أنا هوني
32 - برعي

العصر راح تنزل مواعيد المباريات -

في صمتي جروح · 05-08-2008, 03:58 PM

يمدي اخش معكم .. بس تراني ما اعرف العب

مهيب عاقله · 05-08-2008, 06:12 PM

اقتباس

ياخي والله عيت تفتح معي اذا جيت اسجل واخلص ابدخل مايدخلني وش الحل

انا كنت مثلك .. و غيرت الباسوورد خليته 8 ارقام .. اتوقع انه لازم يصير طويل !

همآي أنا · 05-08-2008, 07:52 PM

سلفر هههههههههههههههههههههههههههههههههههههههههه اجل هماني انا
بروح اطالب بتغير اليوزر لهماني انا

الساعه تبي تجي 6 والجدول مانزل عجل الله يرضى عليك
وشكرا لجهودك انت ترتب المباره وتمسك المحمكه كم انت شاب صبورون فعلا

االمهم عاد هاذي اسالتي ..
1 - وش تبي النجمه اللي بجمب اسمي !
2- وش يبي الرقم اللي بجمب اسمي !

3 - وش تفرق الجملتين اللي فوق فيه !

مصيول بن جورج · 05-08-2008, 08:18 PM

همآي أنا اقتباس

االمهم عاد هاذي اسالتي ..
1 - وش تبي النجمه اللي بجمب اسمي !
2- وش يبي الرقم اللي بجمب اسمي !

3 - وش تفرق الجملتين اللي فوق فيه !

دوتس الاجوبه
1- تبين مستوى اللعب يعني كل ما يزود فوزك بالمباريات .. يتغير عدد النجمات
2- الرقم ذا .. كل ما زاد اللعب .. وزاد مستوى الفوز على عدد اللعب .. يزود الرقم .. يعني الخبرهـ
3- ما فيه خيارات

<< تراي ما رديت الا علشان احط ها الفيس انبح حلزي وانا اقول لسطير يحطه

youSsef · 05-08-2008, 08:27 PM

اقتباس

1 - وش تبي النجمه اللي بجمب اسمي !

هذي النجمه يعني نسبة فوزك لهزايمك .. مثلا لعبتي 100 مباراة فزتي في خمسين يصير لك 3 نجمات ..

اقتباس

2- وش يبي الرقم اللي بجمب اسمي !

الرقم هذا نسبة لعدد مرات فوزك .. مثلا فزتي في 50 مباراة .. يحطون جنبك رقم 5 ،، وهلم جرى

شرح بالصور / التسجيل بموقع فعاليه الكورة السوداء ..

طقها والحقها