إيــه نــ ع ـــم قلت / شـــاعر ,, وأنت شـــاعر وراعـــيـهـا

شاربة · 05-08-2008, 11:41 AM

بسم الله
7
7

الزمآآآن / 05-08-2007م

(( بالضبط باقي 10 ايام لأحداث القصة وتكمل لها سنة ))

المكآآآآن / يلعن ام اللقآآفة ,,,, الاكيد ان السالفه كانت قدام الخلق والمسلمين يمكن كذا مدري شلون يعني 4 انفآآر

الاحدآآث / كانت اول هبوووب طفة شاعر المليون والانبثااقة اللي تفجرت من ذا البرناامج

>> فيس فاقن الخشة ويقووول

* حبتيييين ياعبدالرحمن الشمري *

يوم صارت كل ابو المجالس والمقلطات والملاحق تحكي عن ذا البرنامج .. الشياب والشباب والكبير والصغير خآآٌق للنعلة ويصوووت وكل ابو الرصيد ملعوونن سلسبيله ... حتى الشغالات والسواقين لهم نصيب بالتشجيع والخققآآن الأليم على معجبينهم خقتن على الخشة مهوب على الكلام اللي ينقال

بكل مكان اروح له انشالله بطابور الصرافات الكل يحكي

>> بو جروح كيف الحااال يابعد حيي انت ..!!

تقل ربي ماخلق هاللسان الا عشان ذا البرنامج ..

ومير يجي يحكي لساني أنا ..

طراه واحدن من اللي 4 انفار حاضرين المشهد .. لاحول ولاقوة الا بالله ماشالله عليه توه في عز شبابه ويمكن اصغر مني بشوي ماهوب بواجد عقله ولسانه وقلبه شاااااعر انسااان حياته كلها شعر في شعر .. كان ماشالله ماتجي سالفه يحكيها الا ويمحط له بيتين بمناسبه القصة .. ابد تسنها اسباب حدوث المعاارك والوشسمها .. واحيانا هالابيات تكون ارتجالية كان صدره وسيع وسع صدر الشمالي .... الا مرتن وحدة اذكرها كان عاقد النونة وضايقن صدره مير اسدح له المثل الشهير

(( الا ياشاكي الهم لا باس ... فل الحجاج وخل صدرك شمالي ))

>>>> حبتييييين

يعني تقدرون تقولون ان الناس خاقتن مع شاعر المليون وانا خاقتن مع شاعر الوشسمه .. وبما ان لي صولات وجولات بخنبقات الشعر واعتبر متذوقة يجي مني في الشعر بس محد يدري عني .. ما اقول الا سقا الله بشير شنان يوم غنى في نرجسيتي الشعريه وقال ..

من كثر ما احبه يساوي ناظري.. واشوف رايه لو غلط معقول
اوافقـــه ان المربــــــع دائــري .. وان ابن سينا جاهل و مهبول

مير تجي سالفة الشعر مع شاعري الوشسمهعن شاعر المليون والساحة الشعريه هالحين .. ومير اقول له ترا موب انت شاعر في نااس ضعووف تشعر بس على الصامت وتخاف من العين او تطلع شعرها وتخرب ام السالفه بس براسي

* محاورة شعريه * بيني وبينك يالشاعر ..

ماشالله لاحول ولاقوة الا بالله ما امداني اقول له بالشاعر الا ويكسر خشمي سريع سريع ويصكني بذا القصيدة قدام الخلق اللي هم 4 انفار

ياللي تقولين شاعر ماني بشاعر .. لكني احفظ قصايد مع معانيها

وان كان تبغين انا بصير لتس شاعر .. وادلعتس بالقصايد في معانيها

بس انا شعري وصفها من الخاطر .. ولعيون بنت الـ(.......) جيت اغنيها

ما اكرهتس يابنت والله الخابر .. قدرتس سكن روحي في معانيها

>> بالله تخيلو ياخلق كيف شكلي يوم اشتهيت اخق على ذا الابيات وجتني ام الركب وصارت لي ربكة ملعونة صلايب ((خاقه وخايفه ))كيف اني ابي ارد عليه الحين واكون قد كلمتي ..

من جد هالسالفه ماراح انسااها ابد .. الله يذكره بالخير ذا الشاعر بعد 10 ايام تكمل له سنة على ذا السالفه

طبعا شي اكيد هو منتظر الرد قدامه الحين قدام الـ4 انفار ..

ولازم اكون قدها وانا بنت ابوي

انا خاقتن حد النعلة بس اسوي نفسي البنت التي أقوى شي ومايهزها ريح وماتخق بسرعه

>> مهيب عاقله كيف حالتس يابعدي ..

وبين اني ارد رد يسوى شامل الوزن والقافيه والمعنى اللي يواجه و عليه الكلام ..

يعني باختصار بأبسط شكل ,, كانت خشتي تسذا بكل الاحوال

واتوكل على ربي واسمي وامشي على نفس القافيه واقول

اكتب وامسح وارجع اكتب خواطر .. للشاعر اللي حروفه جزلة معانيها

ادور في لغات الكون فالمعجم والمساطر .. ابي لو كلمة تنقل المعنى قوافيها

شاعر وتسوى الف شاعر وشاعر .. والافكار تاهت مدري كيف ابديها

لو تموت الاماني ماتموت المشاعر .. الصمت طبعي والنفس بيحت خوافيها

الدنيا اخذ وعطا ومخفي وظاهر .. اعطيتك ابياتي شفها جتك تسبق خطاويها

حظي اللي ابتسم وصار عاطر .. ايه نعم قلت شاعر وانت شاعر وراعيها

وقسمن بالله واللي خلق هالكون ان هذا كان ردي له والله يعلم ان هذي الاحداث صدز في صدز .. مع اني زودت خمس ابيات وهو قايلن اربع بس دعست ومسكت خط اقولكم وربي كنت خااقتن للنخاااآآع على كل ابو شي وحسيت اني اقدر اكمل

هذي القصيدة كانت اول ظهور للعيان بموهبتي قدام الناس اللي هم 4 انفار >>> ابلشتينا فيهم ياحرمة (( تراهم وربي حرمتين ورجالين في مكان لو تفحطون ماني بمعلمتكم وين وأي واحد يحمل الجواز الاخضر السعودي يخلي النية صاافيه وزينة ))

الشاعر انصفق والظاهر خق وقلبه بدا بنبض بأقوى شي .. وقال لأهله بعد هالسالفه بكم شهر.. ابي اخطب هالبنت ونسوي لنا بيت شعري ونجيب عيال ويشتركون بشاعر المليون ..

انا بعد هالسالفه مالي وجه اقابله لأنه احمد ربي الرجال طار ومدري وين اراضيه الحين .. والله يا انه كان وسيع بآآل ربي يسعده

ويسعدكم ان تساني اسعدتكم بسالفتي ذي ..

** اول مرة انشر هالشي حصريا بالملحق ... رايكم يهمني كثير .. **

في صمتي جروح · 05-08-2008, 12:27 PM

اقتباس

>> بو جروح كيف الحااال يابعد حيي انت ..!!

انا بخير

اقتباس

اكتب وامسح وارجع اكتب خواطر .. للشاعر اللي حروفه جزلة معانيها

ادور في لغات الكون فالمعجم والمساطر .. ابي لو كلمة تنقل المعنى قوافيها

شاعر وتسوى الف شاعر وشاعر .. والافكار تاهت مدري كيف ابديها

لو تموت الاماني ماتموت المشاعر .. الصمت طبعي والنفس بيحت خوافيها

الدنيا اخذ وعطا ومخفي وظاهر .. اعطيتك ابياتي شفها جتك تسبق خطاويها

حظي اللي ابتسم وصار عاطر .. ايه نعم قلت شاعر وانت شاعر وراعيها

امشششش يابنت والله منتي سهله ومافيه الا قوة قصيد
وين المتنبي عنك بس

اقتباس

**اول مرة انشر هالشي حصريا بالملحق ... رايكم يهمني كثير .. **

هههههههههههههههههههه

يالبى الحصري والله

بصراحه دورت رد يناسب الموضوع ماحصلت شي .. ما اقول الا صح لسانك وفالك المليون

تحياتي

شاربة · 05-08-2008, 12:39 PM

في صمتي جروح
صقيقي الذي اكوس واحد

صبحه بالخير عسى طيبانك شيبين مدري شيبانك طيبين

يالبا اللي يردوووون أولي
تفووووو عليهم من لجنه قال المريخي المغرور قال وابو لغابيب استاذ حسن الدب
يازينك يبو جرووح يا احسن راعي لجنة تحكيم..
وش المتنبي انت .. جيت تبي تكحلها عميتها الله يهديك ههههههه
انا شاربة قاز وبس .... انا اللي محد ابد يشبهني
انا اللي كلي حس .. واعسف بالقصيد اللي يعسفني
عطوها جوها تكفووون
يسلم راسك اخوووي

مش ولا بد · 05-08-2008, 12:45 PM

اقتباس

خاقه وخايفه

هذا يمونه انفصام احاسيس
يعني انتي منفصمه مشاعيرك وكذا

نخلي خنبقتك وارابع نفرات ع جنب ونجي لخولاصة الموضع

والله منتب هوينه مشاء الله عليك

لو تموت الاماني ماتموت المشاعر .. الصمت طبعي والنفس بيحت خوافيها

صح السانك ولا هنتِ

أنا هوووني · 05-08-2008, 12:52 PM

والله انك منتي سهلة يا بت ، أقول وين شاعر المليون والله انهم ما يعرفون الشعر ..
بعدين تعالي أنتي من بر قصدي من أي قبيلة ، ما يطلع هالأبيات أي واحد ..
والله ما شاء الله عندك موهبة في الشعر ولازم تسحبين عليها قصدي تهتمين بها ..
أنا جيت ورديت وكل أبو اللي عندي قلته هووووووووني ، تقبلي شخبطتي بين روعة ابياتس ..

شاربة · 05-08-2008, 01:04 PM

مش ولابد

اقتباس

هذا يمونه انفصام احاسيس
يعني انتي منفصمه مشاعيرك وكذا

ايه والله يمونه انفصام ..منفصم عندي كل ابو شي ومنتفق عندي كل ام شي بطني مصدع وراسي يمغصني

اذكر وقتها شوي واغني لبو نورة ..
المشاعر كلها منفصمة لــك ..

اقتباس

نخلي خنبقتك وارابع نفرات ع جنب ونجي لخولاصة الموضع

يالبا اللي يحبون الاختصار سريع سريع عشان ماتكتب اغلاط مطبعية

اقتباس

والله منتب هوينه مشاء الله عليك

صح السانك ولا هنتِ

ماتقصر مش على الدفعه المعنوية .. ابي اقوى اقوى >> من قدي مش ولابد ردان عليها

مش ولابد حيااك في صفحتي ماعندي مشكلة حياك بكل اغلاطك المطبعية بس منوور وربي

شاربة · 05-08-2008, 01:13 PM

أنا هوووني

أبو واوات

اقتباس

بعدين تعالي أنتي من بر قصدي من أي قبيلة ،ما يطلع هالأبيات أي واحد

الاخ جوازه اخضر؟؟

ابد الله يسلمك انا من قبيلة الوشسمها .. الاكيد ان اصولي رومانيه على اغريقية والعهدة على الراوي

كل واحد قبيلي على روحه

مالي شغل في السياسة

اقتباس

والله انك منتي سهلة يا بت ، أقول وينشاعر المليون والله انهم ما يعرفون الشعر

والله ما شاء الله عندك موهبة في الشعر ولازمتسحبين عليها قصدي تهتمين بها ..

أنا جيت ورديت وكل أبو اللي عندي قلتههووووووووني ، تقبلي شخبطتي بين روعة ابياتس ..

....

خلهم يعطوني جوي ويفتحوون لي قناة شعرية لحالي وش حيثه راشد الماجد عندة قناة ونآآسة >> انقلعي

لاهنت اخوي على الترييش .. تراي فتاة ضعيفوونة و غلباانا

غلبانا بالكورة السوداء 7-4

منور الصفحة تعال كل ابو داايم

اللاذع · 13-08-2008, 01:00 PM

شاربه
صح بوحتس ياخيه

إيــه نــ ع ـــم قلت / شـــاعر ,, وأنت شـــاعر وراعـــيـهـا

نبض القوافي