صيفنا مع ملحقنا أحلى(موضوعي بتىع الفعاليه)

أبــ Jo$eph ــو · 19-07-2008, 03:55 AM

بآآآآكـ

السلام خير ما يبدأ به الكلام ، فـ السلام عليكم ورحمة الله وبركاته ،
أنا تهورت ، ولازم أتحمل ثمن تهوري ، شاركنا في الفعاليه ، وحفاظا على اسمنا في الوسط المحيط ، لازم نوفي بوعودنا ، رضاء المعزبين فوق كل أولويه ( لو أني من حكّام الفعاليه ان أفوزني ولا اناظر صوري

) ، واللي اوله شرط أخرهـ نور ، اذا الحكم على جودة الصور ، فـ نصيحة احذفوا الموضوع ، أصور وكني أبو 98 سنه ، أرتجف ،
ترا الكلام اللي فوق لا يمت لي بـ صلة ، نجي لزبدة الكلام :
نبدأ أول شي بالذكريات البريه :

الله يسلمكم ، هذي كانت في اجازهـ من الاجازات ، كان جو روعه ، وفي روايه خوقاقي ، امطار وخيرات الله يعيدها وينفع بها المسلمين وبهايمهم ، طلعنا انا ومعي أربعه من الأصدقاء الصدوقين ( نحتفظ بـ أسماءهم لأسباب أمنيه ) وأخذنا جوله على منطقة نجد ، يعني سوينا فيها ابن بطوطه بس على المستوى النجدي، وتم التقاط هذه الصوره في شلالات الداهنة ( ما تصف عندها شلالات نياقرا ) ، تقع بين المجمعه وشقرا ، حول نفود الفروثي يا راعين التطعيس

، لحقنا عليه اول ما بدا ينز ( يقطر ) ، بس الثور محاتسيكم ما امداه يلقط الصورهـ الا عقب ما وصل ذروته ،من الخبصه اللي جتني ودي ألحق عليه بـ الفيديو ،

هذي جهه ثانيه مب بعيده عن اللي قبل

هذي ان ما خانتني الذاكره ، فهي حول الزلفي ، طبعا الصوره هذي اقدم من الصوره الاولى والثانيه ، تقريبا بـ سنتين ، ايام الدمعه .

أما الآن ، ننتقل الى مناظر من خارج بلادي

هذي كانت في صلاله عطلة الصيف الماضي ،

وهذي من زاوية ٍ أخرى ، للي يحبون يشوفون اللقطة من جميع النواحي

،

ليبتون .. عدل مزاجك

شفتو سيلنا وشفتو سيل عمان ،يالله طلعو الفروق العشره

، خل بـ اساعدكم في وحده ، ان سيلنا عباره عن طين ، وسيلهم عباره عن مويه ،، الله يجيب الغيث يروي قلوبنا

،

نعود الى بلادي مرة ً أخرى ،

يالله جمع الجنة

مدري ليه يوم شفت الصورة اشتهيت زنجبيل وحليب وشابوره

، بس كان برد !! الله وكيلكم ، مواصير بيتنا اللي لها ثمان وعشرين سنه ما تأثرت ، جاها أجلها ذيك الأيام، وتكسرت الأكواع ( الكوع : توصيله تخلي الماصوره تلف يمين والا يسار ، بدل ما تبتل قدام ) ، وأزيدكم من الشعر بيت ، تسليك مواصير الدور الثاني خارجي ، يعني لو تشوف بيتنا كنك تشوف نافورة الملك فهد الله يرحمه بـ جدّهـ ، ( بعد كلامي هذا اتضح اني سبّاك ناجح ) ،

الله يذكر ذاك الكورس بـ الخير ، organic chemistry I ، كيمياء عضوية الجزء الأول ، كان احلى يوم في الاسبوع يوم الاثنين ، من الساعه وحده الظهر الى خمس العصر ، وحنا في هـ المعمل ، ما غير خلطات رايحه للثلاجه ، وخلطات جايه للفرن ، وخذ يا ألوان ، شي لون اقحواني ، شي لون ليلكي ، شي لون خمري ، شي لون قرطبي ( ستار & توتا ، كيف الحال

؟ ) ، وصار همّنا من يطلع أطلق لون ، بس كان من أمتع الكورسات اللي خذتها ، حسيت اني تعلمت منه من جد ( من شاف الألوان غسل يديه ) ، طبعا ً اليد اللي طالعه موب يدي ، يعني اللي ودّهـ يخق يراجع نفسه ،

لو نرجع بالذاكره كم سنة ورا ، ونوصل لأيام الثانوي ، راح نشوف :

والله الفرق بين معمل الثانويه ومعمل الجامعه ! ما غير ندخل ونطلع وحنا ندربي الدمجه ، ونناظر ذا الصور اللي على الجدران اللي يسمونها وسائل تعليميه ، ان ما تعلمت بيديك واشغلت ما يسمى تعلم ،،،( صورة طبق الأصل من موضوع لوزير التربيه والتعليم

) .

غرفة المدير ، الله من الدراهم في الدروج ---> تراه مدير مدرسه حكوميه موب مدير بنك !!

بما اني اطريت غرفة مدير المدرسه ، فلازم اوريكم غرفة عمال المزرعه

الغرفه ذي كاننت مخزن وقلبوها غرفه ، بيتهم كان فيه صيانه ، وحالتهم حاله ، كل يوم اروح لمهم العصر اضحك عليهم واجي

--> الا يكرفونك ويخلونك تشيل معهم

مثل ما يقال ، مواصل والعقل فاصل ، بعض الأحيان تمسك مع الواحد غلط وهو مواصل ،،، مثلاً مثلاً ، فيه نآس تمسك معهم يروحون لـ باريس في الاختبارات

، وفيه نآس تمسك معهم يسوون مغامرات ، هـ المره قلت بغامر بـ بطني ،، وأنا حطيت أول لقمه والا لا !! وأقوم احتك تقول جربآن ، ورآسي بدا يفوح ، يعني لو تحط عليه قدر كآتم استوى في اربع دقايق ونص ، الله يحلل شطّة كريستال عندها ،

دي صدور دقاق مسبّكه ، مع زر صيني بنكهه سعوديه ---> أنفع في برنامج المملكه هذا الصباح بدال الاشكال اللي تجي والا لا ؟

ما ناقص يصف معهم الا عصير ابو ثلاث جواهر وسنتوب والمذيع ماجد الشبل .

لازم عاد نوريكم ابداعات الثيران اللي مربينهم عندنا في البيت

:

هذا ما نعرفه ولا هوب ولدنا ، التقطت هذي الصوره قبل اربع سنوات وانا مسافر للشرقيه لأول مره للدراسه،،،، وانا اضب اغراضي ، جا ذا البثر وقام يحوس ، بغيت آخذه معي

،

هذا اللي استفدنا من الجمباز ، مرونه لأبعد حد

.

على بالهم مسوين نطحة زيدان

.

أما الحين ، ننتقل الى ذكريات سطرت على جدران مستشفى شهار

:

لو يدرون مستشفى شهار عن اللي رسمهن ان يسكرون ويطلعون اللي عندهم براءه ، احد يرسم سياره وجهية نيسان وخلفية جي ام سي ؟والا التوقيع لا يفوتكم ، ولا بيكاسو ..

ونختم الموضوع بـ برنتين ، يوم تروحون عني وتتركوني لحالي :

هذي بالثوب القديم للمنتدى ، وانا كنت بثوبي القديم بعد .

هذي بالثوب الجديد كلنا .

الحمد لله خلصت

، واعذروني ما قدرت احط صورة للكائن المتحول سطير باشا اللي كل يوم له صوره ،

اتمنى انكم استانستو وكل ابو شي زين ،
نرحب باستفساراتكم ، والدين ممنوع والعتب مرفوع ،

ستاربكس · 19-07-2008, 04:00 AM

ع البركة الموضوع ..

: مـثـبـت :

& لي باك ..

عصوووم · 19-07-2008, 04:37 AM

الحمدلله رجع الموضوع زي ماهو بس وين ردي ينعن اووم القهر اهم شي اللي بالخاطر عرفته يابعدي
بس ماجاوبتني الشاهي من مسويه خخخخخخخخخخخخخخ
ابوجوزيف تسلم هالديات بس انت خابر الوضع نصي نايم وفيه امر عسكري ارد <<لبو جوزيف

ناناغلاةاهلها · 19-07-2008, 05:17 AM

وعليكم السلام ورحمة الله وبركاته
أحلى باك لأحلى موضوع
محلاها هالشلالات من جد منظرها راااائع
مياه صافيه ومياه معكره انما منظر هالمياه وهي تتساقط من أعالي الجبال سبحااان الله
كلها جماااال ... وإلا منظر المكان اللي اخترتوا تقعدوا فيه هااااايل

صور جميله وزكريات اكيد رائعه بالنسبة لك ابوجوزيف
موفق ياااارب

V · 19-07-2008, 05:20 AM

هههههههههههههههههه
يا حليـله .. بسـم الله عليـه

.
.
يعطيـك العافيـه يبو جوزيـف
ويارب تفوز

ام غمازات · 19-07-2008, 06:39 AM

جووو الحمدلله على سلامة رجوع موضوعك

موفق ان شاء الله

A S 6 O R H · 21-07-2008, 05:36 PM

ابو جوزيف .. مدري ليه بديت اكرهك

<-- يعني من اول تحبه

.
هـ الحين ادز لك صورتي وانا ناطن محيفرة من فوق الشلال ولا تنزلها ليه

.. واذا ع الفروثي وش اخباره من زمان عنه .. للحين والزقرت فيذاك وسعة صدر

.. اتذكر واحدن مهوب صاحي كنت رايحن معه بس فك الله عيني وما ركبت معه مع الهبال ع المغرب والشمس بدت تغيب .. قلب بـ آخر النفود .. ورحنا له ركض وتخيل ترقى نفود بـ اسرع ما عندك ولا توقف اللين ما وصلتا عنده عشان تعدل الموتر والعالم يرقون من جمبك بمواتر ولا فيهم خير يوصلونا

.. الزبدة رحنا له ممكن 5 من العيال والباقين بمواترهم ويوم وصلنا له نبي نعدل موتره انبطحنا من التعب والعالم عدلو له موتره

.

ابو جوزيف : اول مكشات جاي لك ازهم علي حبيتك يا وحش

.

فالك اللي ودك فيه

صحن حمص · 23-07-2008, 05:50 PM

ابو جوزيف الحمد الله على سلامة المولود << قصده الموضوع

اقتباس:

زي ما قلت لك قبل ادميت قلبي بهالصور

الشتاء

يعطيك العافيه

شليويح بيك · 23-07-2008, 10:41 PM

واااوتس

ياصبر الارض على الكيمياء

وش ذا !!

ياملحه

الله يخليه لااهله

الله يعطيك العافيه على هيك موضوع رهيب

اُنشودة المـَطـَر · 28-07-2008, 09:40 PM

جو حسبي الله على الهكر بس برد مرتن ثانيه

اقتباس:


	(موضوعي بتىع الفعاليه)

هههههههههههههههههههههههههههههههههههههههههههههههههه هههه حسبي الله على بليسك حتى هنا
ههههههههههههههههههه

...
صورة ولدك تدننني<<<< تحب الاشاعات
بس الحين انتي صرتي مطلقه

<<<< بروض تحب الاشاعات

بسم الله على الصغير ماشاء الله

اما ابو اصبع ذا ذكرني ببنت كانت تسويها هالحركة زمان

بتىع....يعطيك العافيه التقرير روعه صراحة ما قصرت يلغالي<<< من جاب طاري اجتماعي

فالك الجائزة بتىعت المسابقه

سلمى · 02-08-2008, 07:00 AM

الله يخلي لك ولدك ان شاء الله,,,,, ماشاء الله تبارك الله كلة ملح وقبلة ,,,
واذا مليتو منه جيبوة لمي

وصورة حلووووة ,,,,
بس احسن شي صورة الصغنون ياحبيلة الله يخلية لوالدية ويجعلة من الصالحين ان شاء الله

فلــه · 02-08-2008, 11:07 AM

ياقلبي عليه وهـ ياملحه ماشاء الله خدود

ودي كيذا اركض اركض واطب من فووق لتحت

بس ترا حلوة المقارنة خخخخخخخخخخخخخخخ

الله يغفرله ويرحمه يارب ويطول بعمر ابو متعب يارب

تشكرات

ستاربكس · 13-08-2008, 08:47 AM

نـسـخـة لـ .. // .. ذهب الملحق .. // ..

19-07-2008, 03:55 AM	#1
أبــ Jo$eph ــو خبير ملحقاوي تاريخ التسجيل: Jul 2007 الدولة: في مخباتي تعال طلعها :$ المشاركات: 1,442 التقييم: 10	صيفنا مع ملحقنا أحلى(موضوعي بتىع الفعاليه) بآآآآكـ السلام خير ما يبدأ به الكلام ، فـ السلام عليكم ورحمة الله وبركاته ، أنا تهورت ، ولازم أتحمل ثمن تهوري ، شاركنا في الفعاليه ، وحفاظا على اسمنا في الوسط المحيط ، لازم نوفي بوعودنا ، رضاء المعزبين فوق كل أولويه ( لو أني من حكّام الفعاليه ان أفوزني ولا اناظر صوري ) ، واللي اوله شرط أخرهـ نور ، اذا الحكم على جودة الصور ، فـ نصيحة احذفوا الموضوع ، أصور وكني أبو 98 سنه ، أرتجف ، ترا الكلام اللي فوق لا يمت لي بـ صلة ، نجي لزبدة الكلام : نبدأ أول شي بالذكريات البريه : الله يسلمكم ، هذي كانت في اجازهـ من الاجازات ، كان جو روعه ، وفي روايه خوقاقي ، امطار وخيرات الله يعيدها وينفع بها المسلمين وبهايمهم ، طلعنا انا ومعي أربعه من الأصدقاء الصدوقين ( نحتفظ بـ أسماءهم لأسباب أمنيه ) وأخذنا جوله على منطقة نجد ، يعني سوينا فيها ابن بطوطه بس على المستوى النجدي، وتم التقاط هذه الصوره في شلالات الداهنة ( ما تصف عندها شلالات نياقرا ) ، تقع بين المجمعه وشقرا ، حول نفود الفروثي يا راعين التطعيس ، لحقنا عليه اول ما بدا ينز ( يقطر ) ، بس الثور محاتسيكم ما امداه يلقط الصورهـ الا عقب ما وصل ذروته ،من الخبصه اللي جتني ودي ألحق عليه بـ الفيديو ، هذي جهه ثانيه مب بعيده عن اللي قبل هذي ان ما خانتني الذاكره ، فهي حول الزلفي ، طبعا الصوره هذي اقدم من الصوره الاولى والثانيه ، تقريبا بـ سنتين ، ايام الدمعه . أما الآن ، ننتقل الى مناظر من خارج بلادي هذي كانت في صلاله عطلة الصيف الماضي ، وهذي من زاوية ٍ أخرى ، للي يحبون يشوفون اللقطة من جميع النواحي ، ليبتون .. عدل مزاجك شفتو سيلنا وشفتو سيل عمان ،يالله طلعو الفروق العشره ، خل بـ اساعدكم في وحده ، ان سيلنا عباره عن طين ، وسيلهم عباره عن مويه ،، الله يجيب الغيث يروي قلوبنا ، نعود الى بلادي مرة ً أخرى ، يالله جمع الجنة مدري ليه يوم شفت الصورة اشتهيت زنجبيل وحليب وشابوره ، بس كان برد !! الله وكيلكم ، مواصير بيتنا اللي لها ثمان وعشرين سنه ما تأثرت ، جاها أجلها ذيك الأيام، وتكسرت الأكواع ( الكوع : توصيله تخلي الماصوره تلف يمين والا يسار ، بدل ما تبتل قدام ) ، وأزيدكم من الشعر بيت ، تسليك مواصير الدور الثاني خارجي ، يعني لو تشوف بيتنا كنك تشوف نافورة الملك فهد الله يرحمه بـ جدّهـ ، ( بعد كلامي هذا اتضح اني سبّاك ناجح ) ، الله يذكر ذاك الكورس بـ الخير ، organic chemistry I ، كيمياء عضوية الجزء الأول ، كان احلى يوم في الاسبوع يوم الاثنين ، من الساعه وحده الظهر الى خمس العصر ، وحنا في هـ المعمل ، ما غير خلطات رايحه للثلاجه ، وخلطات جايه للفرن ، وخذ يا ألوان ، شي لون اقحواني ، شي لون ليلكي ، شي لون خمري ، شي لون قرطبي ( ستار & توتا ، كيف الحال ؟ ) ، وصار همّنا من يطلع أطلق لون ، بس كان من أمتع الكورسات اللي خذتها ، حسيت اني تعلمت منه من جد ( من شاف الألوان غسل يديه ) ، طبعا ً اليد اللي طالعه موب يدي ، يعني اللي ودّهـ يخق يراجع نفسه ، لو نرجع بالذاكره كم سنة ورا ، ونوصل لأيام الثانوي ، راح نشوف : والله الفرق بين معمل الثانويه ومعمل الجامعه ! ما غير ندخل ونطلع وحنا ندربي الدمجه ، ونناظر ذا الصور اللي على الجدران اللي يسمونها وسائل تعليميه ، ان ما تعلمت بيديك واشغلت ما يسمى تعلم ،،،( صورة طبق الأصل من موضوع لوزير التربيه والتعليم ) . غرفة المدير ، الله من الدراهم في الدروج ---> تراه مدير مدرسه حكوميه موب مدير بنك !! بما اني اطريت غرفة مدير المدرسه ، فلازم اوريكم غرفة عمال المزرعه الغرفه ذي كاننت مخزن وقلبوها غرفه ، بيتهم كان فيه صيانه ، وحالتهم حاله ، كل يوم اروح لمهم العصر اضحك عليهم واجي --> الا يكرفونك ويخلونك تشيل معهم مثل ما يقال ، مواصل والعقل فاصل ، بعض الأحيان تمسك مع الواحد غلط وهو مواصل ،،، مثلاً مثلاً ، فيه نآس تمسك معهم يروحون لـ باريس في الاختبارات ، وفيه نآس تمسك معهم يسوون مغامرات ، هـ المره قلت بغامر بـ بطني ،، وأنا حطيت أول لقمه والا لا !! وأقوم احتك تقول جربآن ، ورآسي بدا يفوح ، يعني لو تحط عليه قدر كآتم استوى في اربع دقايق ونص ، الله يحلل شطّة كريستال عندها ، دي صدور دقاق مسبّكه ، مع زر صيني بنكهه سعوديه ---> أنفع في برنامج المملكه هذا الصباح بدال الاشكال اللي تجي والا لا ؟ ما ناقص يصف معهم الا عصير ابو ثلاث جواهر وسنتوب والمذيع ماجد الشبل . لازم عاد نوريكم ابداعات الثيران اللي مربينهم عندنا في البيت : هذا ما نعرفه ولا هوب ولدنا ، التقطت هذي الصوره قبل اربع سنوات وانا مسافر للشرقيه لأول مره للدراسه،،،، وانا اضب اغراضي ، جا ذا البثر وقام يحوس ، بغيت آخذه معي ، هذا اللي استفدنا من الجمباز ، مرونه لأبعد حد . على بالهم مسوين نطحة زيدان . أما الحين ، ننتقل الى ذكريات سطرت على جدران مستشفى شهار : لو يدرون مستشفى شهار عن اللي رسمهن ان يسكرون ويطلعون اللي عندهم براءه ، احد يرسم سياره وجهية نيسان وخلفية جي ام سي ؟والا التوقيع لا يفوتكم ، ولا بيكاسو .. ونختم الموضوع بـ برنتين ، يوم تروحون عني وتتركوني لحالي : هذي بالثوب القديم للمنتدى ، وانا كنت بثوبي القديم بعد . هذي بالثوب الجديد كلنا . الحمد لله خلصت ، واعذروني ما قدرت احط صورة للكائن المتحول سطير باشا اللي كل يوم له صوره ، اتمنى انكم استانستو وكل ابو شي زين ، نرحب باستفساراتكم ، والدين ممنوع والعتب مرفوع ،

19-07-2008, 04:00 AM	#2
ستاربكس خبير ملحقاوي تاريخ التسجيل: Nov 2007 الدولة: قلبي تولع بـ الرياض .. المشاركات: 1,378 التقييم: 10	رد: صيفنا مع ملحقنا أحلى(موضوعي بتىع الفعاليه) ع البركة الموضوع .. : مـثـبـت : & لي باك .. التوقيع : توقيعي احلى توقيع في العالم .. ..

19-07-2008, 04:37 AM	#3
عصوووم خبير ملحقاوي تاريخ التسجيل: Feb 2008 الدولة: فنزويلا المشاركات: 764 التقييم: 2651	رد: صيفنا مع ملحقنا أحلى(موضوعي بتىع الفعاليه) الحمدلله رجع الموضوع زي ماهو بس وين ردي ينعن اووم القهر اهم شي اللي بالخاطر عرفته يابعدي بس ماجاوبتني الشاهي من مسويه خخخخخخخخخخخخخخ ابوجوزيف تسلم هالديات بس انت خابر الوضع نصي نايم وفيه امر عسكري ارد <<لبو جوزيف التوقيع : .. وبدأت رحلة الـ 90 يومـَاً أسعلني http://www.formspring.me/39ooom My Flickr http://www.flickr.com/photos/44361585@N08

19-07-2008, 05:17 AM	#4
ناناغلاةاهلها شادن حيله تاريخ التسجيل: Jul 2008 المشاركات: 158 التقييم: 10	رد: صيفنا مع ملحقنا أحلى(موضوعي بتىع الفعاليه) وعليكم السلام ورحمة الله وبركاته أحلى باك لأحلى موضوع محلاها هالشلالات من جد منظرها راااائع مياه صافيه ومياه معكره انما منظر هالمياه وهي تتساقط من أعالي الجبال سبحااان الله كلها جماااال ... وإلا منظر المكان اللي اخترتوا تقعدوا فيه هااااايل صور جميله وزكريات اكيد رائعه بالنسبة لك ابوجوزيف موفق ياااارب

19-07-2008, 05:20 AM	#5
V مراقب عام و قاضي الملحق تاريخ التسجيل: Aug 2006 المشاركات: 2,560 التقييم: 1597	رد: صيفنا مع ملحقنا أحلى(موضوعي بتىع الفعاليه) هههههههههههههههههه يا حليـله .. بسـم الله عليـه . . يعطيـك العافيـه يبو جوزيـف ويارب تفوز التوقيع : رحـمك الله يا أبا سهيـل 28 / 8 / 2009

دعوة للإنضمام لأسرتنا
اسم العضو كلمة السر تأكيد كلمة السر البريد الإلكتروني تأكيد البريد الإلكتروني هل انت موافق على قوانين المنتدى؟

19-07-2008, 06:39 AM	#6
ام غمازات خبير ملحقاوي تاريخ التسجيل: Feb 2008 المشاركات: 746 التقييم: 10	رد: صيفنا مع ملحقنا أحلى(موضوعي بتىع الفعاليه) جووو الحمدلله على سلامة رجوع موضوعك موفق ان شاء الله

21-07-2008, 05:36 PM	#7
A S 6 O R H مشرف عام تاريخ التسجيل: Aug 2006 الدولة: ㄨㄨ فيـذا ㄨㄨ العمر: 99 المشاركات: 12,956 التقييم: 1681	رد: صيفنا مع ملحقنا أحلى(موضوعي بتىع الفعاليه) ابو جوزيف .. مدري ليه بديت اكرهك <-- يعني من اول تحبه . هـ الحين ادز لك صورتي وانا ناطن محيفرة من فوق الشلال ولا تنزلها ليه .. واذا ع الفروثي وش اخباره من زمان عنه .. للحين والزقرت فيذاك وسعة صدر .. اتذكر واحدن مهوب صاحي كنت رايحن معه بس فك الله عيني وما ركبت معه مع الهبال ع المغرب والشمس بدت تغيب .. قلب بـ آخر النفود .. ورحنا له ركض وتخيل ترقى نفود بـ اسرع ما عندك ولا توقف اللين ما وصلتا عنده عشان تعدل الموتر والعالم يرقون من جمبك بمواتر ولا فيهم خير يوصلونا .. الزبدة رحنا له ممكن 5 من العيال والباقين بمواترهم ويوم وصلنا له نبي نعدل موتره انبطحنا من التعب والعالم عدلو له موتره . ابو جوزيف : اول مكشات جاي لك ازهم علي حبيتك يا وحش . فالك اللي ودك فيه التوقيع : منتديات الملحق // الاهمية بـ [ الكيف ] مهوب [ الكم ] PMiD : D97F0A48 مسن بس : t_1@w.cn أي عضو يجيه تقييم سيئ يراسلني

23-07-2008, 10:41 PM	#9
شليويح بيك مشرف عام تاريخ التسجيل: Aug 2006 الدولة: لبنان المشاركات: 7,227 التقييم: 1401	رد: صيفنا مع ملحقنا أحلى(موضوعي بتىع الفعاليه) واااوتس ياصبر الارض على الكيمياء وش ذا !! ياملحه الله يخليه لااهله الله يعطيك العافيه على هيك موضوع رهيب التوقيع : أجهلك .. ولي سنين اتخيلك القاك في بعض الوجيه .. ويمرني طيفك واجيه يا باكر اللي اجهله .. ارقتني الأسئلة وابطى العمر يستعجلك .. Ξ≈≈≈≈≈≈≈≈≈≈≈≈≈≈≈≈≈≈≈≈≈Ξ ومير يمسط خخخخخخخخخ Ξ≈≈≈≈≈≈≈≈≈≈≈≈≈≈≈≈≈≈≈≈≈Ξ تنبيه! لأي مشاكل ( ماسنجر + ايميل ) ShelWe7 Gmail.com

02-08-2008, 07:00 AM	#11
سلمى خبير ملحقاوي تاريخ التسجيل: Aug 2008 الدولة: معكمـ المشاركات: 2,924 التقييم: 622	رد: صيفنا مع ملحقنا أحلى(موضوعي بتىع الفعاليه) الله يخلي لك ولدك ان شاء الله,,,,, ماشاء الله تبارك الله كلة ملح وقبلة ,,, واذا مليتو منه جيبوة لمي وصورة حلووووة ,,,, بس احسن شي صورة الصغنون ياحبيلة الله يخلية لوالدية ويجعلة من الصالحين ان شاء الله التوقيع : " رحمك الله يا ابي واسكنك فسيح جناتة "

02-08-2008, 11:07 AM	#12
فلــه خبير ملحقاوي تاريخ التسجيل: Jan 2007 العمر: 23 المشاركات: 2,391 التقييم: 485	رد: صيفنا مع ملحقنا أحلى(موضوعي بتىع الفعاليه) ياقلبي عليه وهـ ياملحه ماشاء الله خدود ودي كيذا اركض اركض واطب من فووق لتحت بس ترا حلوة المقارنة خخخخخخخخخخخخخخخ الله يغفرله ويرحمه يارب ويطول بعمر ابو متعب يارب تشكرات التوقيع : اللهم اغفر لي ولوالديّ والمسلمين والمسلمات والمؤمنين والمؤمنات الأحياء منهم والأموات.. استغفرالله العظيم واتوب اليه

13-08-2008, 08:47 AM	#13
ستاربكس خبير ملحقاوي تاريخ التسجيل: Nov 2007 الدولة: قلبي تولع بـ الرياض .. المشاركات: 1,378 التقييم: 10	رد: صيفنا مع ملحقنا أحلى(موضوعي بتىع الفعاليه) نـسـخـة لـ .. // .. ذهب الملحق .. // .. التوقيع : توقيعي احلى توقيع في العالم .. ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: صيفنا مع ملحقنا أحلى(موضوعي بتىع الفعاليه)
الموضوع	كاتب الموضوع	المنتدى	مشاركات	آخر مشاركة
صيفنا مع ملحقنا أحلى(موضوعي بتىع الفعاليه)	أبــ Jo$eph ــو	برواز الملحق للصور و الفيديو	12	13-08-2008 08:47 AM

فعاليات ملحقية