مهيب عاقله

مشاكلي حالياً /
جوالي احترقت الشريحه و ذلك بسبب اني من الصبح ادخّل باس المسن و اقول (هااااااو وراه ماطاع يفتااااااح؟؟)
المكيف بااااااااااااارد و سبلتّ و رموته ضااايع
المبزره اللي عندي شافوني و انا فاتحه منتدىالملحق و عرفوا ان يوزري (مهيب عاقله) والللللله ثم واللللللللله ما يخلون زول ما يقولون له
رجلي داعسها التكروني اخوي بالسياره و من السباهه يوم صرخت وش سوّاااا ؟ .. رجع على ورا و دعسها مرتن ثانيه و هو يقول (وش فييييييييتس؟) ..... بس الحمدلله جت سليمه و خذت اشعه



^ ^
لحد يقولي تسنها حوافر ثور



احس ودي اكتب لكم وش انا قاعده اسوي الحين <-- موب منتس من هالهولستن اللي انتي شاربته



^ ^
عيشوا جوّي غصب





للمعلوميه الكلام اللي قبل كله مقدمه
اول شي السلااااااااااام عليكم
وش اخباركم وش علومكم؟ .. حتى انا بعد طيبه و بخير الحمدلله

شوفوا صدقوني لو اني كاتبه مقدمه زي الناس كان كل من دخل الموضوع طلع بسبّة هالمقدمه فـ أحسن شي ما اكتب مقدمه عشان مايروح تعبي ع الفاضي و لا احد يناظر الصور
و طبعا اهم شي عشان مايظيع وقتكم وانتم تقرون مقدمتي فـ أنا ابي مصلحتكم حبايبي
نبدا في صور الذكريات





^ ^
مدري من اللي جوّا بنت ولا ولد بس متأكده انها بنيه والله يا انا تقابعت معي اهلي في هالصوره قلت يمااااااااه بالله درب درب اخذ لسيارة باربي صوره وحد من اخواتي صكّتني مع دمجتي و وحده طقتني مع ظهري و امي تقول انتي ابلشتينا انتي الحين حنا متراعصين في هالتكسي بالله تشوفين الوضع يسمح انتس تصورين يعني؟
قلت ايه و ألتقط الصوره .. بعدها بـ4 ثواني ألتقطت كف من امي





^ ^
مهرجان جده في Red Sea مول كان مهرجان خققققق يشغلون اغاني و يحركون النافوره على نغمات الموسيقى <-- اتعب يا نغمات





^ ^
مكااااااااانك غلططط يالحبييييييييييب (اصلا من انت عشان تساوي نفسك بالببسي؟ ) <-- تراه حليب





^ ^
أُلتُقِطَت هذه الصوره في كوفي Totte Coffe
حيث سبقت نية دخولنا له 10 دقايق لا أكثر وذلك بسبب ان المدينه المآئيه اللي كنا فيها حدّهم الساعه 11 و يصكّون فـ يا بخت هالكوفي فينا اللي دخلناه <-- بلاهم ماشافوا شكلي يوم وصلني الصحن قلت ظربه وش هالأخضر؟! ليّاه خمر





^ ^
وعدتكم اصوّر لكمـ بيت نور و مهند و انا بـ تركيا و أنا عند وعدي و كلمتي و انا بنت ابوي وش تبون اكثر من كذا دلع؟ <-- اوما عاد نور و مهند عندهم نخل
الصوره في جده - البحر الاحمر





^ ^
الغرفه ضيقه





^ ^
انا اقولكم القصه <-- لا بنت الجيران
هذي (عطر الرومنسيه) خااااااااقه مع (ملسون) خااقه خااقه للنعله



^ ^
يلعن يومتس ملسون ما درى عنتس تظهرين ولا ما تظهرين
بظهر = بطلع



^ ^
هههههههههههههههههههههههههههههههههههههههههههههههههه هههه جاء ذا و برد قلبي فيها ولا كنت ناويه ارسل تهزيء بيوزر(مهيب عاقله بالنيابه عن أعضاء الملحق جميعا)
هذاك اليوم كنت سهرانه مع اخواتي المتزوجات و حايمتن تسبدي منهم كل وحده تمسك الثانيه و يقعدون لهم في زاويه يااااااالله لك الحمد و الشكر و يقولون لبعض كل وحده وش سوّت لرجلها مرض مرض الله لاااا يبلانا
فـ لا تشرهون ع فضاوتي و انا قاعده اصوّر التشات





^ ^
الكفر
أُلتُقِطَت هذه الصوره في مطعم فدركرز و عجزت اكمّل ربعه و ترا المطعم ذا شييين شييين مهوب طعم ابد ابد برابيس





^ ^

أُلتُقِطَت هذه الصوره في الطياره و قد كان هذا الملل نتيجة ان اهلي كالعاده ينسون ان لهم بنت اسمها مهيب و حجزوا لهم كلهم الا انا بعد اسبوعين استوعبوا انهم ما حجزوا لي فـ عشان كذا طلع مكاني في الطياره بعيد عن اهلي و ما جنبي مع اليمين الا واحدن من ركب و هو يشخر و يعاطس و يكح و مع اليسار فلبينيّن من ركب مااااا خلّا احدن في الطياره ما صوّر معه
منكم لله يا أهلي
اقدع هي اللي اقترحت اني انزل الصوره هنا انا مالي دخل





^ ^
أُلتُقِطَت هذه الصوره في مطار الملك خالد و كنا ننتظر اعلان الرحله الللللله ياااخذهم قايلين لنا تعالو من الساعه 6 ولا اقلعنا الا 9 لو ان مافيه نت في المطار كان انجلطت <-- اشوا انتس من دخلتي و انتي تبلعين



خِلِص قظينا
ما ودي اهرج واجد عشان ما تحم تسبودكم مرررره مرررره توصل لدرجة الغثيان ثم عاد يمكن يصير فيه عندكم سِرا ع الحمام <-- ياحبني لي و انا افكر في غيري
موضوع صعنطوط و خفيف و سامحونا ع القصور ..
ما يجي شي عند مواضيعكم




خلووووووووووووووووووووووني بكشخ بـ قلمي

ستاره (تسلم يديك ع النسخه ) & سيل
دمتمـ للملحق
يعطيكم العاافيه

:

:


* برايفت اعضاء /
ياجعلي ما أبتسيكم .. الردود اللي شفتها تكفي و محفوظه عندي مافيه لزوم الرد مره ثانيه (اذا كان يتعبكم ) .


:

:

مصيّول بن جورج

* أووولي
-=-=-=-=-=-=-=-=-=-=-=-=-=-

مهيب عاقله .. ماش انا منول اقول اني منب راد على اللي رديت عليهم .. بس مواضيعك غير . .. الصز اني متوقع ان موضوعك يبي يجي بالصورهـ ذي .. معودتنا على الابداع .. بس ما عودتينا على الانقطاع ..

تسلم يدينك على هيك ذكريات .. وتصويرك حووولوو وفالك المليون .. واتعبتي من كان بعدك .. لو انا شايفق موضوعك قبل موضوعي كان هونت عن المشاركه .

امسكي سلام ..

ستاربكس

طيب طيب شفتي ردي .. ؟ ع العموم سواءً شفتيه وإلا لا .. برد عليك أقين .. بس موب الحين .. <-- توها قايمة و وزززز طع على الجهاز ..

لامني تقهويت وتغديت وعينت من الله خير وخلاص صرت مافي زيي في العالم .. رجعت أرد ..

: مـثـبـت :

صحن حمص

مهيب عاقله

شليويح بيك

بسم الله ماشاء الله لاتعليق خخخخخخخخخخخخخ




وش يبي ذا خاش عرض




صدق وشو ذا ؟؟



الله لايضيق علينا



حركاااات يالخط والصورة والزاوية المايله وكلششش

موضوع روعه كعادتك " مهيب عاقله " موضوع مجنوووون فالتس الثاني .. " عقبي يعني "

موافق عليها

انا اذكر اني راد قبل كييذا بس مدري وين راح ردي
احس انه استحى يجلس بها الموضوع اللي مليان عاهات
مهيب عاقله هذي ذكريات ولا نشر غسيل



منب قايل شي عجزت اهرج
غطيتي على مصيول بطول الاصابع بالله هذي رجلك ولا هذاك الشي اللي يجي بالبحر زي الاخطبوط الصغير اللي لونه ابيض



اي والله وش جاب لجاب بالله وش يبي ذا اللي يحتك مع ان الببسي حقكم مهب زين طعمه لا بعد دايت المهم بس عساه بارد وفيه شاورما بدون مخلل



لاحول الله انا قد شفت ناس مدمنين اكل بس زيك ماشفت
ابد تمشين وتاكلين لاحول الله جراده ماتركتي شي <<< تراه من الشماسيه



وش عندا

حركات الصدز اهنيك على ها الصور ومبروك القلم احس عاد خطير لتواقيع



مهيب على تبن لو سمحتي ممكن

مهيب عاقله

^ ^
لا والله ما كنتَ مشرّف موضوعي بس الحين ؟ يآدي النور يآآآدي النور (تكفى لاتصدق ) موافق وجهك وجه شؤم علي هذي المرره الثالثه اكتب الردود وتنمسح ! و أبشر منب كاتبه لك الا بالأسود (يعني اني اعرفك من زمان يالسبهه )

بــــآك ░▒▓ ~

●●●●✿
موش ولابد/

اقتباس:

كله اصاابع وين الباقي ؟ تشبه ييدك

وشسمه اناجيت بكتب في الموضوع يدي اصلا يبس خانني التعبير و كتبت رجلي

اقتباس:

اييييييييييييييييييييه بقوه لسى من قريب فتحواواحد بالرياض عبالي زي حقون مصر يختلف كثير حتى في وجبات موب فيه هنا

مصر مافيه منها
انا هذا اللي يرفع ضغطي و يجيب لي السكر يآنآس فيه وجبات مهب موجوده عندنا بالرياض بس موش يقولون الزين مايكمل

اقتباس:

فحزي شوي < يدزها عصوم هي تحكي عن فرايديز موب يختلف عن فدركرز بس سعيد اخو مبارك اذا تبي فاست فود رايقه عند ابل بيز بس موب كل الوجبات و عندك كيرباوي و اسعارهم تقارب لبعض

عاد حظك اني انا اللي ابأرد
بدوّخك شوي بس من رأيي :
ابل بيزاحلى من فرايدرز , و فرايدرز احلى من فدركرز ..

اقتباس:

بس فدركرز (تحووم كبددي من الناس اللي تآكل منه!!!) من جد خخخخخخخخخ مرا كنا بوفاد سنتر بشرقيه وجالس اتفرج ع بنات يطلبون منه اناظرهم مستنكر خويي يقولوراك منقرفمنهم تعرفهم قلت لا شلون ياكلون من فدركرز

لكل شيّ أوّل مره انت وشلون عرفت ان فدركرز موب طعم ؟ ذقته ! طيب و هم وشلون يعرفون عن طعمه ؟؟؟؟؟

اقتباس:

تعالي فيذا خطيره يابت دوك

خخخخخخخخخخ من قالك اني رحت ؟؟


✿✿ مووش .. , مرورڪ ع الموضوع له نكهه خاااصه (ياراعي المطاعم) , سمّ

●●●●✿
FORZA ITALIA /

اقتباس:

خخخخخخخخخخخخخ الله يستر عليك تصلحيين فيي النصرر تشوتين و تمزعينها يالسرمديه الله يرجك كيف انولدتي بهالقوائم حاولت أخذ قات و استوعب ولحد الان الاستيعاب ما استوعب هالشكل رجولك تذكرني ببدكتور يشررح لطلابه على البرجكتير في قسم التشريح رجولك يصلح دعايه لديدداس كمشروع حذاء ناجح

لحظه لحظه بس تسني بك تبي رجلي وهي في الاشعه باين عليها طبقة دوف ومناكير احمر و منكيور ؟ اندري عنك و تقول بعدد ابستوعب ماقدرت ؟! لعنبو مخك تسانه يعرف يفكّر فـ هو زين سؤال محيّرني الحين .. وشلون عرفت ترد ؟! ع هالمخ اسم الله عليك

اقتباس:

خخخخخخخخخخخخخخخخخخخخخخخخخخخخخ وشذا الرجول كنها رجول حنش قسم توي شكيت انك خارج ففصية الاناث .. انتي رجل على هيئة انثى

انت آآآآآخر واحد يتكلم عن الفصائل و الجنس الخشن او الجنس الناعم
اصلا من عقب ما قفطنآك بـ ممكلة الحريم صار لك عقده من بعدها و تبي تمسك علينا شي
بس على غيري هاه

اقتباس:

اهب وش هالخط بدون ما ترفعين القلم خطيتيها صدق انك مهوب عاقله مادام رجولك مثل الحنش اكيد يدك مثل يد السباك الافغاني نجاتو

يعرف يمدح , لعنبو حيّك قل ماشاء الله طيب عز الله راح فنّي وش بسوّي لاقالت امي اكتبي المقاظي لأبوتس ؟
انا و يديني و رجيلاتي نصطلحوش يلقّفك انت ؟

اقتباس:

موضوعك فيه تنويع و ممتع .. بس كثرتي الصور اللي في المطار ..كان استغليتي طبتحك في البيت و صورتي رجولك و بدون اشاعات أكس عشان نقارن بينهم و نزيل الشك انك من القورااض

مرورك الممتع
وعلى طاري صور المطار فيها شي غريبه ما علّقت عليه <== فااااطسه ضحك
اي نعم انا من القوارض حلو ؟!

اقتباس:

لاهنتي اختي ع الموضوع و فالك الوصافه

✿✿ فورزا .. , الله يحييك .. وجودك بالمواضيع فلّه بس للأسف نادر و دائماً النادر كذا ., سمّ و تراك ما تستاهل ورده بس منب مخرّبه التنسيق عشانك! <== ياذالتنسيق

●●●●✿
مصيول( بعد تُستأنف النعومه هنا )
هههههههههههههههههههههههههههههههههههههههههههه تدري بغيت اسوي حركه غبيه ؟
ههههههههههههههههههههههههههه يوم رحت أبأرد عليك بموضوعك حق مصيوليات و مدري وشللون كذا اقتبست ردك علي هنا و رحت ارد عليك بـ موضوعك بسس ما قلت لك شي هناك دلاخه تناكه سباهه سمّها اللي تبي

اقتباس:

مهيب عاقله وش اخبار امك اللي تبي تذوق قهوتي

امي طيبه و تسلّم عليك و تقول وه ياملحهم بزران هالقصمان (شايفتن الصور رحت لها قلت يووومآآآآه ترا مصيول منزّل موضوع صور .. مادريت الا و شطحت قالت ابي لاب توب .. منك لله مصيوول)

اقتباس:

الا الحين وش به رجلك انتي التكرونيه اللي جايه عند السياره اجل تبون تسوقون بعد اقضبي ارضك و ادهني رجلك بفقس

ففكوني عليه وشوله يمشي وحنا مابعد ركبنا ؟! و بعدين من قايل لك اني ابي اسوق ؟ انا ما أسوق أانا ينسآق بي <== برا طيب , وش زود ام سياره ورديه عني ؟!

اقتباس:

ماش وراك ماخذه تفاح ورا ماااخذتي رمان ولا منقا < ايقونه تشوف ابو شلحلح يتتفرج على فلم

احب التوووفاااح بس بجرّب المنقا ابو شلحلح وش يصلح من الافلام مع المنقا ؟!

اقتباس:

اول صوره ححقت اللي بالسياره ام لون كويس ...تراه حقت ولد بس انا اعلمك ليش تحسبينه بنت لان راعي السياره كأنه بنت لابسه عبايه (يعني نفس اللون< ضب وش اخبارك) بس اهم شي لا يضحك و ماتدرين ان ولد

الظاهر السياره مظلّله

اقتباس:

ننقز الحين لصور الاكل بفدركرز الحين وش تبين حاطه الثلج بالطفايه

ههههههههههههههههههههههههههههههههههههههههههههه
وين احطه الببسي بااارد!

اقتباس:

مهيب عاقله موضوعك حلو وفالك البيرق و اجحديه عاد ردييت عليك و انتي مارديتي علي

و حضورك احلى
اما سالفة الرد خلها على ربي سحّبتني فيها الييييييين قلت بس ,كل تبن

اقتباس:

و قربي اذنك بقولك شيي .. ترا بالصوره اللي قبل الاخيره .. حقت الطياره .. شوفي الزاويه اللي تحت ع اليسار .. انتبهي اكثر المرات الجايه .. اومسكي

لا تخاف منب حاطه صوره الا و انا مفصفصتها

✿✿ مصيول .. , مرورڪ يكمّل الموضوع , سمّ

●●●●✿
ستار بكسسسسس يابعدهم ( يُستأنف يُستأنف ) <== كل الموضوع إستأنف

اقتباس:

لا اله الا الله .. وش ذا كله شكل كان عندكم عشاء ولا شيي <-- عشاء و يحطون لهم دايت ببسي

ههههههههههههههههههههههههههههههه لا واللي يقولتس انه ماكان عشاء ولا هم يحزنون ؟!
هاللي تشوفينه يخلّص في 4 ايام .. ببسي دايت دُمتَ حبيبي11:

اقتباس:

و دمتي لنا عضون مجتهده شهيتيني اروح لجده و انا عااد ع الريحه لا شفت صور حنيت الله يعافيتسس على هيك موضوع وسعتي صدورنا بـ اسلوبتس و صورتس الخطيره و عن اذنتسس بروح عاد توني مخلصتن عشاي , و حاطه زبادي و قهوه على شعري طريقه سحريه علمتني اياها وحده من البنات .. اوم غمازات وش اخبارتس ..؟ و بروح الحين اتحمم بشوف وش يطلع شعري الجميل ..

آمين
لالاتروحين حر حر فطيسه اجازة صيف وجده ؟ عز الله رحتي فيها
خليتس في اميركا هههههههههههههههههههههههههههههههههههه
الشعر و ماأدراك مالشعر حاله مستعصيه عند البنات .. ستاره هنيئاً وتراتس ماعلمتينا باالنتيجه
ام غمازات صدز وش اخبارتس ؟!

اقتباس:

فالتسس التوفيق

إن شاء الله


✿✿ ستاره .. , يعطيك الف عافيه .. جهد مستمر , سمّي

برب تعبت ..

:

:

ستاربكس