|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
12-07-2008, 01:48 AM
|
#1 |
 
|
عندما لاادري وش احط عنوان....(مشارك)
السلام عليكم وبعد السلام آ آ آ يحلا الكلام آ آ آ===ياقدمتس بعد  وشلونكم وش اخباركم   باديء ذي بدء===يلعن يومي شلون جبتها  احب اعتذر لكم على التأخير...  ..بس بصراحه كان النت عندي خربان ومااشتغل الا تو وشفت العالم مدهرين ومنزلين مواضيع على بالهم صدز فيه مسابقه وجوايز مساكيييين  ===بتطلع اشاعه كود هي الوحيده اللي تفوز عاد لما شفت المواضيع...قلت الحق عمري وانزّل موضوعي قبل لاتخلص المده... رحت احوس في جوالي ولقيت شوية صور وش رايكم نشوفها مع بعض؟؟ يلاّ... شلخ ملخ بلخ هووووبّاااااااا===مهيب عاقله مشعل الشايع  شغّالتنا وهي في حالة انفصام شخصيه مسويه في امها قطوه .. نجي للصوره ثانيه والا اقول...بحط لكم مقطع فيديو شغّالتنا اللي قبل شوي ونفسل حالة الانفصام لكن هالمره متلبّسه شخصية وائل كفوري الاغنيه الاصليه هنا والآن مع المطربه الجديده والصاعده..ايمي كفوري نجي للصوره الثالثه صوره مؤثره  لحظه وداعي للبحرينوانا شايله العفش وانتظر اخوي عشان يجي وياخذني لحظات تملؤها الحزن والدموع والآهات والسيل الظلام والاسطوره والمنقهره وموافق عليها وكلّبو اعضاء الملحق===هاهاها ظريفه  اذكر ذاك اليوم حمّلت اغنية وداعيه ياآخر ليله تجمعنا عشان اذا جو صديقاتي الغرفه اشغّلها لهم قبل لااروح ونقعد نبتسي شوي وكيذا عاد وش اللي صار؟؟ قبل لايجون بدقايق كنت ارقص على اغنية خليلو ..حلو؟؟وطفا اللاب توب مافيه شحن....وعقبها دق الباب وفتحته لقيت صديقاتي يبتسون وحالتهم حاله تذكّرت الاغنيه اللي حملتها عشانهم((وداعيه))...وقعدت افرك عيوني لين طلعت كم دمعه وقلت لهم راح اسمّعكم اغنية اهداء...شغّلت اللاب توب مااشتغل...تذكّرت ان مافيه شحن...جبت الشاحن وماامداني احطه بالكهرب الا واسمع بأعلى صوت ((خليلو خليلو...خليلو خليلو...عاااشو ورى ورى))يلعن يومي نسييييييييييييت ههههههههههههههههه صديقاتي قامو يطالعوني وانا منزله راسي واعصّر في عيوني كود تنزل دموع بعد واطلع من هالموقف اللي طحت فيه واقول لهم الله يلعن ذا البنات ماادري مين اللي فاتح لاب توبي قبل اجي الغرفه والله احراج من جد ==طيب لايكثر هذا الله يطول بعمركم كلب===صدز؟؟ على بالي بطه طبعا هذا كلب صديقتي...جايبته معها في شطنتها في الجامعه...انا مادريت عنه الا لما كنا في المحاضره وسمعت صوت في شنطة صديقتي..واقوم اقول لها اعوذ بالله شنطتس مسكونه ودّيها مكتبة جرير يقرون عليها قالت لي ياحماره هذا تسلبي...وفتحت الشنطه وورتني اياه...قلت لها سبحان الله...شلون تكلّميني وانتي واقفه وبنفس الوقت انتي بالشنطه؟ ....عاد مايحتاج اقول لكم وش جانيوالحين ابحط لكم صور امس صورتها وانا طالعه مع اختي رايحين معرض السيارات المعدّله اللي في الظهران مدري وش اللي خلانا نروح طبعا امس كان مخصص للعائلات...يقال للعائلات ...وانا بصراحه ماشفت الا حرمتين غيرنا انا واختي والا الباقي كلهم شباب..نمل نملوالصور عالسريع لأني ماقدرت آخذ راحتي في التصوير مع هالشباب مايخلون الواحد براحته  طبعا ماراح اعلق عليهم عشان مااجيب العيد زي امس ...ركبت سياره همن قلت لصاحبها ماشاء الله جنوطها مريحه مسويه فهيمه انا ووجهي على بالي الجنوط يعني الجلد اللي عالكراسي وكذا قام يضحك علي ويقول تبون تسوقون سيارات بعد؟!!! وناسه وقسم   ياهوووو   عاد مع ستايل هالسياره احس استغفر الله هالبزر اللي قاعد فيها صاير صدز تسنه عنكبوت وراه مكشّر ياكافي؟ شكله اول ماركبها قعد يدوّر وين الفتحه اللي يحطون فيها الفيشه على باله جاي هابي لاند الاخ  هالسياره بغيت اروح اسلّم عليها على بالي قرندايزر وهو قاعد يتحوّل ===لاعبه فيها سبيس تون  ام خماس  احيييييييييه الدبّابات   عاد وانا اصوّر لمحت شئ لونه بني وبرتقالي على واحد من الدبابات وقلت خل اقرّب واشوف وش ذا  استغفر الله  بالله شوفو ابو كشه اللي ورى...يلعن يومه انا اللي قمت احكحك شعري قسم بالله  سطير شفته في المعرض وقلت لازم اصوّره اموت في الوقفه ياناس دقّقو في الرجول من تحت...واضح انه حسران هذا واحد الظاهر داسو عليه يوم الافتتاح وللحين مااحد شاله مسكين ===ليت من داستس بداله وفكّنا منتس ومن بقارتسوهـ بسم الله علي  وطبعا آخر شئ قبل لانرجع البيت مرينا مطعم موندو ...وحنا نتعشا جا واحد ووزّع علينا شامبوهات مدري شامبوات انا واختي مدري وش قصده ترى مهما كان ماتوصل لهالدرجه واخيرا وليس آخرن...اعذروني عالمصاله وعالاطاله وعلى دقة الصور وشعار حفظ الحقوق اللي تسنه شعار فش فاش ...ترى كل شئ جا السريعوالحين استأذنكم بروح انام عن اذنكم تحياتي نبض |
|
    |
|
12-07-2008, 02:22 AM
|
#2 |
 
|
رد: عندما لاادري وش احط عنوان....(مشارك)
*اولي
 ----------------- وعليكم السلاااام .. من طول الغيبات جاب الغنايم .. الحمد لله حنا بخير .. وش اخبارك انتي وانتي توك تشوفين المدهرين .. فيه ناس توهم قاعدين يحوسون اول شيء قبل ادخل بالموضوع .. شغالتكم حركهـ .. ما تجيبونه عندنا اسبوع بدال العجيز اللي هنا ..  تعالي تعالي ,.. الحين اللي راكبه السيارهـ الخضراء .. وجزمات حمر .. من تكون  .. وباااس .. خلص كلامي .. نبضه التسلبه .. ذكريات كويسه .. وكلام كويس .. وموضوع اكوس شيء .. بس ماش .. تسن التنسيق شغل مرت ابو حواق الله يخلف عليك << نشوف وش تبي تسوي  نبض .. امسكي  |
|
|
|
12-07-2008, 02:28 AM
|
#3 |
 
 |
رد: عندما لاادري وش احط عنوان....(مشارك)
ثانيي .. ( فيس رافع اصبعه )
نبض .. اطلعي برا .. <-- من اولها تحطيم ..  يختي حبيت خدامتكم خخخخخخخخخخ .. الصورة الأولى شي شي يا عمري على قشك .. وداعية يا آخر ليلة تجمعنا .. معلية نبض بقول لتس شي .. وش هـ الذوق ., ؟ لابستن لي جزمة حمراء وشنطة تايقر .. ! ما هقيتس كذا .. أنا خبري المصممين والمصورين ذويقين .. <-- لعد تخبرين ..  عاد إلا إن كان ذي صورة أختس هذا شي ثاني .. أما السيارات .. خطيرررررررهـ .. من جد تشهي الواحد يسوق .. ايييييه الله يرزقنا .. نبض الله يهديتس انتي واختس فشلتونا عند الناس .. أجل يجي المندوب يعطيكم شامبوات .. ما تحسونها قوية في حقكم .. ما أقول إلا .. : مـثـبـت : |
|
|
|
|
12-07-2008, 02:41 AM
|
#4 |
|
رد: عندما لاادري وش احط عنوان....(مشارك)
مهبوله يومك تحطين صورتك وانت فوق الثلاجه !! الناس تصور في استدوديو وانت ما لقيتي الا المطبخ ؟ بس هذا يدل على انك ضفره ، الهمر أليييم  ، ودي انام فيه ،بالتوفيق ، وفالك البيرق |
|
|
|
|
12-07-2008, 02:04 PM
|
#5 |
|
رد: عندما لاادري وش احط عنوان....(مشارك)
هههههههههههههههههههههههههههههههههههههههههههههههههه ههههه وراها خدامتكم .؟!؟ ماشاء الله صور .. تهبل ووش زينها .. ومآلت عليكم تسآن امس آخر يوم للمعرض وقالو لنا عوائل ومافي الا انتي واختك .؟! كآن درعمناا ولو ان اغلب الي هنآك زلايب <= يعني من طقه وش دااا بعد ..  يعطتس العافيه ع الصور .. وفالك البيرق .. |
|
|
|
|
12-07-2008, 03:07 PM
|
#6 | ||||||||||||||||||||||||
|
رد: عندما لاادري وش احط عنوان....(مشارك)
ياكرهي له :| ياملحها
ههههههههههههههههههههههههههههههههههههههههه الخ الخ من هنا لين الشرقيه وه بس فديته هو وام خماس وربيعاتها موضع رايق عوافي ياوليه |
||||||||||||||||||||||||
|
|
|
||||||||||||||||||||||||
|
12-07-2008, 07:07 PM
|
#7 |
|
رد: عندما لاادري وش احط عنوان....(مشارك)
ماشاء الله سلميلي على شغالتكم باللهي
 شكل نظامها فلللللللله  Dاعترف اني خقيت بهالصوره بس مع ايش الله اعلم يعطيك العافيه وسعتي صدري صراحه |
|
|
|
|
12-07-2008, 07:33 PM
|
#8 |
|
رد: عندما لاادري وش احط عنوان....(مشارك)
نبض
.. تأجرون لنا شغالتكم هاالرمضان الجاي والله من شفتها فوق الثلاجه وانا باغيتها هديه لأمي في رمضان تطبخ لنا وترقى فوق ثلاجتنا تمسحها اللي إلى يومتس الظاهر ماقد مساحناها .. اهم شيء انها حليله .. وتعرف عربي اجي اسولف معها وش موديتس بس معرض ترهيم مدر وشو .. اخبر هالمعارض لشنبات بس مهيب لنا يا البّني ولا حناب نفهم شيء ولا ندبر شيء .. با القليل لو اننا نسوق كان ما اللومتس تبين تاخذين خبره نبض .. عوافي على سعة الصدر وهالصورعقبال النجاح والجوائز |
|
|
|
|
13-07-2008, 04:01 AM
|
#9 |
|
رد: عندما لاادري وش احط عنوان....(مشارك)
هلا هلا نبض
وش ذا الزين وهـ بالله اصطريا لي على هالحبتين خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخ عليهـآ شكل وهي متعنقطه تقل قرد وش تزين فوق بالله يقالي انظف وإلآ وشوو ؟ انا للحين مو مستوعبه هع تسلم يدينش يا بت |
|
|
|
|
13-08-2008, 09:50 AM
|
#10 |
|
|
رد: عندما لاادري وش احط عنوان....(مشارك)
نـسـخـة لـ .. // .. ذهب الملحق .. // ..  |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
المواضيع المتشابهه للموضوع: عندما لاادري وش احط عنوان....(مشارك)
|
||||
| الموضوع | كاتب الموضوع | المنتدى | مشاركات | آخر مشاركة |
| عندما لاادري وش احط عنوان....(مشارك) | نبض | برواز الملحق للصور و الفيديو | 9 | 13-08-2008 09:50 AM |
| عندما تحوم كبدك عزيزي المشاهد (مشارك بالفعالية) | lost soul | برواز الملحق للصور و الفيديو | 11 | 13-08-2008 08:47 AM |
| عندما تحوم كبدك عزيزي المشاهد (مشارك بالفعالية) | lost soul | ذهب الملحق | 11 | 13-08-2008 08:47 AM |
العرض العادي
