|
|
| |
 |
 فعاليات ملحقية |
|||
 |
 |
 |
 |
 |
 |
|
|||||||
| آخر 5 مشاركات |
|
|
LinkBack | أدوات الموضوع | انواع عرض الموضوع |
12-07-2008, 06:11 PM
|
#1 |
|
ملحقاوي فاصل  
تاريخ التسجيل: Nov 2007 رقم العضوية : 2872 الإقامة : غرفتي لاخلا ولاعدم
المشاركات: 494
التقييم: 10  |
حصريا عالملحق<<<مشارتسة بالفعاليه
 احم احم<<<  نعنبو ذا المقدمه لي اسبوع مجمعه الصور من المجلدات الالوف المؤلفه اللي بهاردسكاتي...ولا عرفت وش ابدا فيه ...واعيد وازيد بهالصور اخاف اغلط بشي ثمن اروح وطي...اخبركم دشير وتدققون بالصور. ..ويوم جيت انزل الموضوع الين سطير  سطر الله وجه العدو مسوي صيانه بالملحـ ــق وجايب عمال يخمون وساخته....<<بتتسطر مابي اطول بالحتسي وهو ورانا 20 صوره الله يعينكم علي<<<احمد ربك ياللي ببالي ماسمعت كلامك وحطيت 5 مليون  اول شي تراي مدلعتكم وجايبه لكم باص للمشوره بين الصور...لا والسواق رهييييييب وهذي صورته  مره تكرمت على هالبزارين وشريت لهم صوصات وصوصين<<<كاشفه عليهم عند دختور تناسليه  المهم البزران صاروا اعقل مني ماهبل بالصوصين الا انا ...وشغلتهم سواقين باصات <<<الا عالطاري ليش يموتون بسرعه ما امداني اتهنا فيهم جاهم وباء التسدح وفنقشوا وقعدت اعيط<<< الحمد لله عالعقلطااااااااااااااط طووووووووووووووط طيييييييييييييييييط.(ايقونه بوري تريله)....ياسيل اخرتنا....هاه ركبتوا بنوديكم برحله ببدا فيها بصور قديمه(طبعا فيه صور لو تحبون رجلي ماجبتها)<<<تدور حرش هيه انت وياها اللي يبي دورة المياه اثناء الرحله يرفع كراعه...وترا الفصفص ب4 ريال والفشفاش ب5<<مع الخيل ياشقرا كلش غلوه من اجل سلامتكم...نرجوا ربط الحزام واللي كرشته كبيره يعلمنا نعطيه حبل ...كما نرجوا قفل اجهزة الجوال وعدم التدخين والتشييش<<طراه سطيره ماغير متسدح بالاستراحات يعسلنمبر ون..  خالتي قبل تقريبا 25 سنه او اكثر...وه بس يازين الصبا.. ..لا وهالفستان تقول مهديه لها رجلها من الشام.....كله كوم والمزهريه كوم...معليش الصوره موب واضحه لاني مصورة الصوره بجوالي<<<مابعد عرفت للسكنرنمبر تو عندما بلغت سن الرشد<<<اشوا انك توك باللفه.....قرر اخوي يروح لموطنا الاصلي<<<حشا قطاوة... لاتسالون من وين بقول شرق اوروبا<<تبي تمدح...تدرون ليش بيروح؟؟ بيسوي لفه ويصور وبالفعل جاب معه صور خقااااااااااق. ..بوريكم منها بعضها هذا طال عمركم_على روايه احد الشيبان بالمنطقه_يقولون كان دكان لجدي(الله يرحمه)..من هالدكان طخطخ وصار من رجالات الاعمال<<تسمع بالعز....عاد لاينقز احد ويدق على الجوال اللي بالصوره تراه كان جوال جدي وجدي فنقش<<<ماتعرف تحترم الميت(الله يرحمه) نمبر ثري  هذا البيت اللي عاليسار (بيتنا)عشت فيه وانا ما اعرف شي يومن عمري من 3 الى 5...كل اللي اذكره أني عشان اروح للجيران اللي مقابلينا لازم اقطع الشارع...والحين ما اشوف شارع ولاش  ...اثاريني لبا قلبي من صغري احسهم بعيدهههههههههههه..لا والدرج كنت اطيح منه دايم<<<يقالي الحين عملاقهنمبر فور  خخخخخخخخخخخخخخخخخ جيراننا شالو الدرج.. ...الظاهر انهم مع التطور صاروا يفتحون الباب ويطيروننمبر فايف  هذا البيت اللي عشت فيه من عمري 5 سنوات الى رابع ابتدائي ...ثمن هاجرنا...تراه ماكان كذا بس مع الزمن انحاس النخل كبر<<احلفي  <<<تغارقت عيوني<<<تبي تسوي انها رجعت بالذاكره للورا  نمبر 6<<<اخبركم ملاعين ولاكتبتها  واحد من الجماعه مشلح سياره من قطر ثمن مات وتوهقوا فيها عياله <<<ابوجوزيف لاجيت بتروح للصناعيه دق علينمبر سفن اب  بنات اخوي ايام هالموضه<<حاطين علاق ملابس حديد خخخخخخخنمبر ايت  شغالاتنا في لقطه رومنسيه<<<تصوير باشين جوال ويخب بعد نمبر ناين  ازعجتني الشغاله وحنا بالاستراحه الا تصور صوره تجنن وبترسلها لاهلها...عاد انا مالي خلقها قلت يالله...وكانت هاللقطه<<الناس يمسكون ورد وهذي تمسك كوره وتطير عيونها ذكرتني بالمصري اللي درس معي بالتمهيدي نمبرتتن<<<قاصدتها ماهقيت ان البراقع يفتنني  عيال اخواني...لبا قلبه اللي عاليمين بعد الوسط<<توصيف حريم ....يحاول يسوي مثلهم...  والبنوته تقز امها وتحاول تتقن المهارهنمبر11<<<ماتعرف الا الين عشره بالعنقلش  اموت عالفن. ..ولد اخوي لقيته مرسم طلاسم الا وانط برقبته الين ترجم لي وكتبت الترجمهبالله يانواف ذاه رسم<<<اتدعي الفن وانت لاتفقه شيئا خخخخخخخخ <<بتحطم الولد الحين هذا سيكل ولا دولاب مطبخ بكفرات؟ اموت عالمره والرجال من كوكب ثاني راس ثمن يدين ورجلين لا والرجال حاط له خط سكسوكه كنها سكسوكه موافق عليها <<ماخلت احد ماجابت طاريهنمبر12  ولد خالتي بتركيا....حسيته بهالصوره فيه جرب والناس منحاشين <<<الله يفشله من ولد خاله انا لوشايفته كذا عطيته ريال خخخخخنمبر13<<اللي قلوبهم رهيفه لايشوفون (فيه دمامييييين)  بعد ولد خالتي<<<عاهات...مصحي اخوي من الفجور اخر يوم بعيد الاضحى يقول صورني مع الخروف يعني اني انا اللي ذابحه .....هالغبي ماضبط الدور المفروض يلطخ ثوبه دم <<<<مخ بس محد حاس نمبر14  قردني الله وجو بنات خالتي للرياض يتقضون لعرس اختهم....المهم كل يوم مشوره للاسواق...وكنا مستاجرين فان بس اخر يوم سحب علينا وكنا خمسه وتزاحمنا في ليموزين...فطسنا على اصغرهم من الضحك...ضامه المرتبه وجالسه على رجلين اختها...احس اللي برا يقولون ياطول هالبنت ماشافوا اللي تحتها نمبر15 اخر يوم مع بنات خالتي قلت خل نخربها ونروح مطعم تشيليز وليتني ماوديتهم فشلوني ماخلو شي ماصوروه   نمبر16  بنفس المطعم ...الطقاق على اخر حبة للي تحبه نمبر17  اخبر هذي طفايه مو لفرز البصل والخيار والفلفل والطماط<<<بس ياكلون الدجاج ناشف نمبر18  هذا سطير <<<شفت الكل حاط صورته قلت بعد انا بقط معهم نمبر19 اتمنى استانستوا مع موضوعي الابيخ...والعذر والسموحه عالاطالة...واتمنى التصويت لي<<تحلم تفوز يوم بجايزه لو من ابو ريالين وعاد ان ماصوتوا لي بفك عليكم حارسي الشخصي...ياكلكم.....النمر المقنع<<<توها قاريه موضوع منسمه مدري من تبع الكرتون...وهذي صورته  <<<قد شفتوا نمر بشراب ازرق<<<(فيس محشش يناظر موافق) هيه هيه لحظه انتي قلتي 20 صوره.... <<<<ايه ادري بس احسبوا الباص والصوص تطلع 20 <<تصريفه محبتكم ((( غرشرش)))<<<سلملمملاحظه:ايام قليله وبسافر ان شاء الله...ويمكن ما اقدر ارد عليكم...او اتابع وش صار عاد انتظروني ولا تشرهون.... |
|
    |
|
12-07-2008, 06:55 PM
|
#2 |
|
خبير ملحقاوي  
تاريخ التسجيل: Sep 2006 رقم العضوية : 128 الجنس: ذكر
المشاركات: 7,510
التقييم: 742  |
رد: حصريا عالملحق<<<مشارتسة بالفعاليه
*اولي
 ------------------- غرشه .. وش ها الموضوع الحركه  والوان تفتح النفس يعني تبي تلونين .. اثبتي على كم لون ما شاء الله .. انتي ونبض حاطين شغالتكم  وش سالفتكم مع الشغالات  .. وش ها الختم حررركه  صور روعه .. وذكريات حلوهـ ,  والله يعطيك العافيه .. اومسكي  |
|
|
|
12-07-2008, 08:45 PM
|
#3 |
|
خبير ملحقاوي  
تاريخ التسجيل: Nov 2007 رقم العضوية : 2827 الإقامة : قلبي تولع بـ الرياض .. الجنس: انثى
المشاركات: 1,378
التقييم: 10 |
رد: حصريا عالملحق<<<مشارتسة بالفعاليه
من طول الغيبات جاب الغنايم ..
هلاااا غروشـه ..  وش ذا الزين وش ذا الصور والحركات والبيوت القديمـة .. مدري ليه حسيتكم مننا .. وهـ بس حنيت ..  من جد وش سالفتكم مع الشغالات .. لو إني دارية كان جبت لكم صور أنيـتا .. وإلا كسريا .. <-- اسامي شغالاتنا تجيب المرض ..  حبيت بنات خالتك حسيتهم من النوع الفله اللي ماشاء الله اربع وعشرين ساعة أكل وحش واستهبال وضحك وسعة صدر ..  يا حبي لهم عيال أخوانك بسم الله عليهم .. وهـ أما اللي يسوي الحركة بيدينه الثنتين .. خخخخخخ اعذريني على الرد سريع سريع , بس وراي غرفة برتبها وإلا ما يوديني للي أبيه .. : مـثـبـت : |
|
|
|
|
12-07-2008, 09:43 PM
|
#4 | |||
|
ملحقاوي فاصل
تاريخ التسجيل: Nov 2007 رقم العضوية : 2872 الإقامة : غرفتي لاخلا ولاعدم
المشاركات: 494
التقييم: 10 |
رد: حصريا عالملحق<<<مشارتسة بالفعاليه
يعني تهقى نحبهم...لو بنصور هالشغالات ومواقفهم كان يبيلنا موضوع كامل ...يحشرن انفسهن بكلش يمديك بس هع هع هع هاه مسكت(فيس مدنق) ...... |
|||
|
|
|
|
12-07-2008, 09:47 PM
|
#5 | ||
|
ملحقاوي فاصل
تاريخ التسجيل: Nov 2007 رقم العضوية : 2872 الإقامة : غرفتي لاخلا ولاعدم
المشاركات: 494
التقييم: 10 |
رد: حصريا عالملحق<<<مشارتسة بالفعاليه
يمكن كلش جايز...وش اسمتس الصدقي!!! احسن من اسامي شغالاتنا<<<بس خلي الفضايح يسلمو ستاروه عالتثبيت ...ماتبين شغالتنا ترتب معتس<<<مصالح |
||
|
|
|
|
12-07-2008, 10:12 PM
|
#6 |
|
شادن حيله  
تاريخ التسجيل: May 2008 رقم العضوية : 6326 الإقامة : في قريح الجنس: انثى
المشاركات: 276
التقييم: 101 |
رد: حصريا عالملحق<<<مشارتسة بالفعاليه
هلا غرشه بعد سبدي
ذكرياتس فيها سعة صدر بذات بني خالاتس يعجبوني ماهمهن الا سعة الصدر اجل حاضتن المرتبه .. ولا اللي ساحبتن عينها وهي متنقبه هذي امطخيها جازتلي ودي انها صديقتي .. الا على طاري الصوص لا تشرين لتس صوص ابد اشتريلتس بطه .. قسم بالله تحسين كل امومتس تطلع في هالبطه .. اذكر شريت وقعدت عندي شهور حسيت اني امها واني مسؤلتن عنها واني ان بغيت اذبحها ذبحتها زي الأبو لا ذبح ولده محدن يسأله ليه قتلته .. بس ما أمداني استانس بها ابوي مسكها مع كراعينها وذبها في محطه يقول كبرت ومصلت وصختنا لكن ذكراها بقلبي بعدي والله غرشه ارشحتس تفوزين ويعطونتس جائزه |
|
|
|
|
12-07-2008, 10:38 PM
|
#7 | ||||||||||||
|
خبير ملحقاوي 
تاريخ التسجيل: Jul 2007 رقم العضوية : 2102 الإقامة : في مخباتي تعال طلعها :$ الجنس: ذكر
المشاركات: 1,442
التقييم: 10 |
رد: حصريا عالملحق<<<مشارتسة بالفعاليه
انا ابي اجلس عند الدريشه --> المشكله اذا ركبت الطيارة وتهاوشنا على الدريشه وطلعت على الجناح درجة سياحيه ،اجيب لك سكنر واعلمك عليه ، بس اهم شي تطلع الصوره واضحه ،وين ؟ مثلاً في المريخ ؟ مشالله عليكم متطورين ، ما عندكم حوش بس وين يلعبون فيه بزرانكم ووين تجلسون عقب المغرب تقهوون ؟ اطلق شي لا جا عداد الكهرب وجنبه ماصوره ، لا سمح الله وصار فيه مطارده والا شي والباب مسكر الاك تطمر للبيت على طول اول شي اللوحه مواريها انها مميزه ثاني شي القيب لو نبيعه قطع غيار بيجيب دبل قيمته --> اشتغل المخ الحضرمي ،ههههه ما ناقص الا واحد يعزف مزمار ويجلسون يتلوون --> كوبرا كله منتس يا نبض ، قامو الناس من عقبتس يحطون صورهم بس تصدقين يا غرشه فيتس من نبض واجد !! يخلق من الشبه أربعين سبحانه اشوا انك قلتي انها كوره صفرا ، والا باغي اعلق على انها حبة شمام مدري ليه تذكرت المصارعه اللي تجي في القناة الثانيه على هـ الوضعيه اللي هو مسويها !!اللي على يسار ذكرتني بـ ماروكو الصغيره وسعتي صدورنا الله يوسع صدرك بالأمان وطاعة الرحمن ، ونتمنى لك ذكريات سعيده ومنتازه ، والى مزيدا من الازدهار والتقدم ، وفالك البيرق  ،، |
||||||||||||
|
|
|
|
12-07-2008, 11:39 PM
|
#8 | |||
|
ملحقاوي فاصل 
تاريخ التسجيل: Aug 2006 رقم العضوية : 20 الإقامة : على تبن :) الجنس: ذكر
المشاركات: 401
التقييم: 32 |
رد: حصريا عالملحق<<<مشارتسة بالفعاليه
موضعك اكه ياكوتش
يافزحنا بكول حته هههههههههههههههههههههههههههههههههههههههههههههه الباظه ماكله منها حته دلع الاولين بريئئئئئئئ دهن سير ارخي القرشك ولعنبوه من صوت تروحين وترجعين بسلامه ان شاء الله فتكو بعافيه |
|||
|
|
|
|
13-07-2008, 12:35 AM
|
#9 | |||
|
ملحقاوي فاصل
تاريخ التسجيل: Nov 2007 رقم العضوية : 2872 الإقامة : غرفتي لاخلا ولاعدم
المشاركات: 494
التقييم: 10 |
رد: حصريا عالملحق<<<مشارتسة بالفعاليه
بعدي والله ....يحيا العدل ...هاتي راستس امطخه بالسطح ولا المنور<<<اكيد ماتعرفه <<<مت ضحك مش ولا بد.....ابدهن سيرك قبل عشان ترشحني ب7 اصوات |
|||
|
|
|
|
13-08-2008, 08:51 AM
|
#10 |
|
خبير ملحقاوي
تاريخ التسجيل: Nov 2007 رقم العضوية : 2827 الإقامة : قلبي تولع بـ الرياض .. الجنس: انثى
المشاركات: 1,378
التقييم: 10 |
رد: حصريا عالملحق<<<مشارتسة بالفعاليه
نـسـخـة لـ .. // .. ذهب الملحق .. // ..  |
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
|
المواضيع المتشابهه للموضوع: حصريا عالملحق<<<مشارتسة بالفعاليه
|
||||
| الموضوع | كاتب الموضوع | المنتدى | مشاركات | آخر مشاركة |
| حصريا عالملحق<<<مشارتسة بالفعاليه | غرشة عطر | برواز الملحق للصور و الفيديو | 9 | 13-08-2008 08:51 AM |
| توبيكات,كتب للتحميل,العاب قص شعر,منتديات, |
 |
العرض العادي
