نتائح فعالية الذكريات ..

مونتاج البرواز · 13-08-2008, 10:01 AM

السلام عليكم ورحمة الله وبركاته
اسعد لله صباحكم / مسائكم .
فعالية الذكريات .. من اروع المواضيع اللي شفناها بـ البرواز .. مواضيع شفنا فيها البساطه لكل عضو .. شفنا صور تتعلق بـ ماضي كل واحد فينا وللحين الصور محتفظ فيها عشان يتذكر ماضيه الحلو ( سطير وراك ما نزلتا ماضي لك ولا كل ماضيك اسود ولا يهون برايفت اللي مشترك ولا نزل موضوعه ) صور الواحد لمنه شافها يبدأ يحن للماضي ولـ أشياء اللي سواها وصارت له .. حلوهـ الحياة وهي بسيطه وانت بزر وعلى نياتك وما تدري وين ربي حاطك .. بس فيه بعضكم من يومه صغير وهو جني بثر شيطاني والحمد لله ان موافق عليها ما نزل صورته وهو معه الجحه والصورهـ الثانية وهو ناط من فوق الكنب وجنبه سيكل عشان ما تكرهون هـ الفعالية لمن احد بزارينكم شافها .. الصراحه ما قصرتو معنا بقسم البرواز يوم تنحذف الـ 8 مواضيع منه .. ورجعتو من جديد نزلتوها وهذي شي مهوب غريب عنكم يا اعضائنا .. وما قصرت مشرفة القسم ( ستاربكس ) وإلا سيل الظلام مسكين مشغول للحين ما ينلام ولدنا الشايب .. الكل منكم فايز و منتدى الملحق هو الفايز الاول فيكم .. قسم البرواز الفايز الثاني بـ وجود اعضاء مثلكم .. مراقب اقسام المشراق الفايز الثالث بوجود مشرفين جبارين .. وخلاص بس قضينا .. يالله فمان الله بفعالية جديده

ما ننسى ان فيه اعضاء سجلو انهم مشاركين بـ الفعالية .. اخذو خانات وتركوها فاضيه .. يعني الى متى شغل الواسطات يمشي فوق النظام .. قالها قالها .. قالها الله يرحمه .. الملك فيصل .. " كل شي استطعنا القضاء عليه الا الواسطه " <-- وش دخل الواسطه هـ الحين .

واحد فيذا الفعالية اللي اشترك وانسحب وقدم انسحابه من بدري للمشرفة : ستاربكس
مش ولا بد .. اول شي شارك معنا .. ولا قدر يكمل لظروف خاصه فيه .. والأهم انه اعتذر

اما الاعضاء اللي ما اعتذرو هم :
سديراويه .. سيل الظلام .. احمد السكران .. برايفت .. انتي قسيتي .. فورزا ايتالي

والحين خلونا نرجع لـ محور حديثنا

واذا تبون الجد : احترنا من نختار منكم لـ انكم كلكم ابدعتوا .. بس طبقنا شروط الفعالية واُجبرنا اننا نطلع بـ ثلاث مواضيع كانت مميزة من ناحية ( ذكرياتهم القديمة ) بغض النظر عن كمية الصور او جودة الصور .

**

المركز الاول
الكاتبة : فصفص
الموضوع : فاااص فاااص ما احلى فااص فااص ( مشاركه )
الجائزة : سوبر لمدة أسبوع في التشات

**

المركز الثاني
الكاتبة : فله تلعب سله
الموضوع : . . ~ زكريات ايام سعيدهـ ..لحزااات بعيدهـ عالئلب ئريبة ( l ) × مشاركـة . .
الجائزة : رتبة في برواز الملحق للصور والفيديو

**

المركز الثالث
الكاتب : آهات
الموضوع : ~ مـرتـنـ ـي الذكـ ـرى ~ ( مدرعم )
الجائزة : ولاشي , ويحمد ربه ..

مونتاج البرواز · 13-08-2008, 10:04 AM

برضو ابداعاتكم بـ المواضيع ما تركت لنا مجال الا اننا نرد عليكم حتى فيذا الموضوع ونعلق ع موضوعكم واحد واحد

**

محمد
يالله صباح خير ..! (مشارك بالمسابقه )

ابو حميد مدري وقتها وانت منزل الموضوع كنت وش تحس فيه ؟!
هل الاحساس اللي انت فيه كنت في كامل قوات العقلية ولا شمن لك صمغ بتكس
وقريتا موضوع فعالية وقلتا هه هذي صور ونزلتها لكم وتسد بعد
ابو حميد موضوعك ليته جاي في غير الفعالية .. لـ ان الفعالية تتكلم عن ( ذكريات )
ربي يسعدك وينور دربك وما قصرت

**

غرشة عطر
حصريا عالملحق<<<مشارتسة بالفعاليه

موضوعك فيه ذكريات وبرضو فيه صور مالها شغل بـ الذكريات
بس ما يمنع ان الموضوع حلو .. بس لو شطحتي بـ التعليقات اكثر
وشطحك فيها مهوب بـ الضرورة طول التعليق لا .. يعني ليتس
مبعده عن ادق التفاصيل بـ الصور وعلقتي ع الصور بطريقة بسيطه مره
ربي يسهل دربك ويوسع صدرك

**

نبض
عندما لاادري وش احط عنوان....(مشارك)

متوقعين نشوف موضوع لك ازين من كيذا بكثير بكل صراحه
موضوعك اعتمد ع الصور الاقرب للحصريه .. وابعدتي مره عن القديم
الود ودي اني اشوف لك ذكريات قديمه عشان اشوفتس
يومتس صغيره وانتي حاطه الريحان فوق راسك
ربي يسعد ايامك ويخلي لتس كل غالي

**

مشكلتي اني حلوه
امحق من ذكريات ( مشاركة )

مهبوله ابدعتي بـ التعليقات اكثر من الصور بكثير .. ليتك جمعتي الثنتين
يطلع موضوعك جبار ولا تهون المواضيع الباقيه للاعضاء
صورك ليت فيها اكشن ذكريات اكثر من كيذا
ربي يخليك لعينن ترجيك ( توهقت ام حجوز بها الدعوه خخخخ )
ويخلي لك قطوتك اللي منتب مفطره فيها

**

بلو

تلك ,, من اروع اللحظات ..!! [ مشاركـ (( تجديد ))]

ياخي تسلفني كيبوردك شوي وانزل موضوع بـ نبض القوافي واطلع
وشلون تحتسي لغة عربيه وكيذا تحس انك امريكي مسلم يتكلم عربي
بلو تعليقاتك توسع الصدر بس ليتك زايدن عليها بشوي شطحات
ربي يعطيك العافية ويخلي لك من تحب

**

تبطي عظم

للإبداع عنوان هو:تبطي عظم-×-{مشارك في الفعالية}

موضوعك يكفي انه اول مووضووع ينزل بـ الفعالية ع ذمة ستاربكس
المرات الجايه نبيك تنزلين موضوع بـ البرواز يعتمد ع ذكريات لك وانتي بيبي
واشياء وانتي بمدرستك وارمكو يقولون فري مهوب يخالفون لو صورتي بناتهم خخخ
ربي يعطيك ع قد نيتك واكثر ويوفقك بـ دراستك

**

ستاربكس
ذكرياتي الجميلة .. ( مشارك في الفعالية )

قهوتن دايمه اول شي .. وابعدي التشوكليت وقربي لنا القدوع ( التمر )
ما شاء الله ما شاء الله وشذا السكري الطيب .. من اي نخلتن خارفينن منها
موضوعك جبار من صور وتعليقات بس ليتس ما كثرتي من هذرت اختس النمرة
بس مشكلتس مشرفة وبرا الفعالية .. ومدخلينك عشان ما تصيحين علينا
ربي يخلي لك كل غالي ويسعدك ويوسع صدرك يومتس مسكتي الفعالية لـ اعضائنا
ولا ننحرم منتس بـ البرواز

**

مهيب عاقلة
عسى ما تصكوني عين على ذكرياتي بس [مشاركه بالفعاليه]

انتي خبلة واشك ان في عقلتس مخ .. تعليقاتك لا يعلى عليها جباره بمعنى الكلمة
اتحفتينا بـ تعلقياتك وسحبنا ع صورك لـ اني جوعان وانا اكتب هـ الرد فغمضت عيوني
عن الاكل .. مهيب عاقلة نبي منك وعد موضوع بـ البرواز وموضوع بوشسمه
اللي فيرزاتشي وفوزرا ما ننحرم من كيبوردك اللي مكبوب عليه كل شي يلزق
وللحين صابر عليك ومتحملك والله يصبره عليك اللين ما تسوين الثنتين اللي قلناها لك
ربي يخلي لك واللدينك ويرحمهم برحمته وجميع المسلمين

**

مـــنــــســــمـــة

Ya Zmany~[ مشـآآركـ, ركـ, ركـ, ركـ,,

منسمة .. وسعتي صدورنا بـ صورك .. وصور دفاترك ..
اجل كل الدفاتر تغزل بـ أبلتس .. يالله انك لا تبلانا ..
بس خلي عنك , يا عندك حس فني خطير .. ادخلي قسم فنية وإلا
خياطه احسك بتبدعين فيه .. مشكووووورهـ على صورك
.. يالله لا تخلينا منك ..

**

Lost soul
عندما تحوم كبدك عزيزي المشاهد (مشارك بالفعالية)

لوست سول .. صورن وش حنطها .. بس ليتك مكثر حبتين صور
تطلع يا سلاام .. .. وكله كوم والايسكريمات كوم ثاني ..
اجل قعدنا شهر انا واهلي نتشهوى على ذا الصور ..
نورتنا بـ صورك ,, وإن شاء الله ما تحرمنا منها ..

**

شليويح بيك
ذكريات نيوزلنديه - ( مشارك )

شليويح .. شقول ووش أخلي .. صور لا يعلى عليها الصراحة ..
دقه بـ التصوير , وتركيز .. الله يسلم هيك كاميرا .. إلا وش
كاميرتك .. ؟ ناوية اجيب لي وحدهـ وش تنصحني به .؟
<-- كنك طلعتي عن الموضوع ..
من جد تشكر على هـ الصور والتعليقات .. منورنا ..

**

ناناغلاةاهلها
سلحوفاتي وأرنوباتي وزكرياااتي :: مشاركه في الفعاليه ::

نانا .. يختي يكفيني شرف إن اول
موضوع لك نزلتيه في قسمي .. وش ابي زيادهـ ..
وإلا صور ارانبك وسلحفاتك .. مدري ليه حسيت كذا اني اليس في
بلاد العجائب .. وإلا صورة الحرم .. يا عيني ع اللقطة ..
ياليت نشوف لك صور ومواضيع ثانية يا نانا
احسك بتبدعين فيهم ..

**

موافق عليها
اسم ذكريات (اذا امداني تراني مشارك)

فووووقه .. ابو ملحق مخطط .. اول شي وين هديتي حقت
السفر .. ثاني شي وش ذا الغبار اللي انت جايبه معك ..
الله يرحم جدتك ويغمد روحها الجنة وجميع اموات المسلمين ..
بس قهر ليتك مكثرن لنا جرعة صور ..
تعليقاتك الصراحه حلت الموضوع ..
فلا تحرمنا من مواضيعك وردودك ..

**

مصيول بن جورج
ذكريات مصيوليات . .:{تابع الفعاليه}:.

مصيووول .. ما يحتاج أعلق الظاهر كلش واضح ..
تصوير مبدع .. لقطات حلوهـ .. تركيز رائع .. , صور من جد متكاملة
يعني لو مسوين مسابقة إحترافية أتوقع محد بيفوز فيها غيرك
وهذا شي أجمع عليه الأعضاء ما جبت كلام من عندي ..
من جد الله لا يضرك على هيك صور .. سحرتنا فيها

**

ضب بدون عكرة
مشاركة مال انا . . . [ تابع للفعاليـة ]

ضب الدافور .. ماشاء الله .. صورك قمة برضو .. تكفي صورة القطوهـ ..
بالله ما تسلفوني اياها يوم واحد بس .. .. اشوا انك بس
ما سويت إللي في بالك وهونت عن الموضوع , وإلا كان جد بزعله
منور الحته يا بووي ..

**

أبـ Jo$eph ـو
صيفنا مع ملحقنا أحلى(موضوعي بتىع الفعاليه)

جو جو .. م16 ..ابو العطاس .. لك لك شو هيدا الموضوع ..
ياخي ليه كذا , ليه حارمنا من مواضيع اسلوبك بطل ..
من جد اخر مرهـ تسويها اوكي .. ؟ كل دايم نزل لنا موضوع ..
ووش هـ الصور السنعة , ويقال لك يعنني ما تعرف تصور ..
إلا تغلى علينا ..
فرحتني كتير كتير بموضوعك ومشاركتك ..
والله يرجعك لـ أهلك بـ السلامة , وأنت شايل معك أعلى شهادهـ
بـ إذن واحد أحد ..

ستاربكس · 13-08-2008, 10:04 AM

وفي الأخير لا يسعني غير الشكر لجميع المشاركين في الفعالية .. من جد كان شي قوي ..

واحترنا من نختار .. كل موضوع يقول للثاني أنا احسن منك صور وخر بس ما عندك سالفة ..

ولو الود ودي .. كان خليتكم كلكم المركز الأول .. ما عدا مــحـــمـــد .. أجل مهكرين قناة المجد .. يالله لا تبلانا بس ..

الشكر كل الشكر لـ أعضائنا الرهيبين .. إللي ما ضرهم تهكير المنتدى ذيك الفترهـ ورجعوا نزلوا مواضيعهم ولا كأن شي صار ..

وشكراً لي أنا لإني تعبت وأنا اراكض وراكم .. الله يخليني لكم ولا يحرمكم مني ويخليني لـ عينن ترجيني .. اللهم آميـن يا ربي .. واحمدوا ربكم عندكم أنا .. وإلا لوكم في مكانن ثاني كان ضعتوا .. <-- أقول لا يكثر بس , تراتس مصختيها ..

خلاص بس شكراً لكم وش تبون زود .. اللي عندهـ شي يحاتسي برايفت انا خلاص طلعت منها ..

A S 6 O R H · 13-08-2008, 10:12 AM

وعليكم السلام ورحمة الله وبركاته

مجهود واضح مثل وضوح الشمس في عز الظهر الساعه 2 و العالم قيض .. اعضاء الملحق ( ) وش هـ الجهود الجبارة منكم .. وش هـ المواضيع اللي ابدعتو فيها من جد .. ووسعتو صدورنا ربي يوفقكم .. الاشياء هذي مهيب غريبه عليكم .. مبدعين كلكم بمعنى الكلمة .. صح ان البعض منكم ابداعه يغطي شعب كامل .. بس الله يهديه ما يطلع هـ الابداع الا لمننا سوينا فعالية وقلنا له يا فلان ورنا همتك .. ليه ما نشوف هـ الابداعات الجهنمية دايم .. مو شرط يكون فعالية عشان نشوفكم كلكم تبدعون .. والشكر الاول و الاخير لـ مشرفين القسم للي ما قصرو ولكم انتو يا اعضائنا ( )

سيل الظلام : راعي الفكرة ..
وستاربكس : اللي مسكت لنا الفعالية ..

مصيول بن جورج · 13-08-2008, 10:17 AM

وعليكم السلام ورحمه الله وبركاته ..

محجوز

----------------------------
اسعد الله صباحك بالخيرات والمسرات ..
الصراحه .. مدري وش اضيف على الكلام اللي قلتوهـ وكيذا .. بس اللي اقدر اقوله .. ان الفعاليه كانت روووعه الى ابعد درجه .. يكفي ان الجميع كان متفاعل .. ويكفي الهواش على الحجز اول رد .. بس كانت فعاليه حلوهـ .. به فضايح . وبه اشياء حلوهـ .. وذكريات روعه .. واشكر من اعماق قلبي على القائمين على ها الفعاليه .. وما قصرتوا .. وكفيتوا ووفيتوا .. واللي مشاركين .. وهـ بس .. احبكم كلكم .. واللي مسجلين ولا شاركوا .. ما احبكم ..

فصفص .. الف مبروووك .. تساهلينه وبكل جدارهـ . موضوعك من اطلق المواضيع ..

فله .. الف مبرووك .. تستاهلين المركز الثاني .. صحيح ان موضوعك ما اخذ حقه بالردود .. بس انك جبتي ذكرياتك القديمه

اهآت الزلابه .. يكفيك شرفا انك تاخذ الثالث على اللي كانوا مشاركين كل ابوهم <<

الباقين .. اصدقاي اللي مشاركين وهـ بس .. احبكم كلكم .. يكفي مشاركتكم .. وتفاعلكم .. ويكفينا من المشاركه السلام على المعزّب .. والهدر سيل .. والدبيه ستار ..

امسكوا كلكم ..

برب صياح .. ما فزت

فله تلعب سله · 13-08-2008, 10:23 AM

اللااااااااااااااه فزت فزت

هيييييه هييييه هيييييه

والله المسابقة حلوة وتجنن وانبسطنا كلنا سوا .. كل واحد موضوعه اتحف من الثاني هههههه

الله يعطيكم العافية كلكم والله امتعتونا

وشكرا لمشرفين البرواز ( برايفت / ستاربكس / سيل الظلام )
وطبعا ما ننسا سطير الذي كان خلف الكواليس

لو ماجا من المسابقة كلها الا اني افوز على آهات هذا احلى واهم شي
والله وتحقق منايا واشوفني فزت عليك

وايه صح مبروووك فصفص تستاهلين يابطه

مش ولا بد · 13-08-2008, 11:03 AM

فوص & اهات & فله

الف مبروك تستاهلون كل خير

العيال الباقين p: يعطيكم العافيه وماقصرتو

سطير & ستار& سيل

لاهنت متشكرين يابهاوات

( قلب منفضخ )

في صمتي جروح · 13-08-2008, 11:52 AM

الف مبروك للفائزين وحظ اوفر للي ما حالفهم الحظ

P!XEL · 13-08-2008, 11:55 AM

فوص & اهات & فله
الف الف مبروك .. تستاهلون والله !

ستار
انثبري ترا للحين انا افكر اني اهكر بيتكم

تَمَـآزُجْ · 13-08-2008, 11:58 AM

مششششششالله مششالله وشذا الزين
فصفص مبروك تستآهلين والله < خآقه على ذكريآتك
فله & آهـآت .. مبروك تستآهلون ,
والله يديـم عليكم ذكريآتكم الحلوهـ .. وبآقي المشآركين وأنآ وكلنآ ,
ستآربكس , سيل , برآيفت , أسطورهـ . . . جهود كبيرهـ مآقصرتوآ

نتائح فعالية الذكريات ..

برواز الملحق للصور و الفيديو