خيمتنا * لمناقشة مسلسلات مالها تغطية خاصة..

Panda · 17-08-2008, 05:31 AM

السلام عليكم..

رمضان قرب ومسلسلاته قربت
وكل عام وانتم بخير قبل الزحمة

مع بداية شهر رمضان راح تبدا فعاليتنا الرمضانية في قسم السينما..
ألا وهي التغطيات عن المسلسلات..
يعني أي واحد يعجبة مسلسل ويبي يسوي عنه تغطية يقدر ينزل موضوع في آخر شعبان أو أول يوم من رمضان
والموضوع راح يشمل تغطية حلقات وصور وسواليف وكل شي يتعلق بالمسلسل..
واذا توفر روابط تحميل الحلقات يكون خير وبركه

هالفعالية مالها تسجيل..اللي يبي يشارك يقدر يشارك بكل أريحيه
سواء بأنه ينزل هو موضوع التغطية أو انه يتابع ويشارك بالتغطيات اللي نازله
وفي نهاية رمضان بشوف من أكثر الأعضاء نشاط ومشاركة في التغطيات
وسيستحق وبكل جدارة رتبة cinema star

---
وهنا أبغى كل واحد ينزل فكرة بسيطة عن المسلسلات اللي بتنزل..
عشان نقدر نقرر وش نتابع..
واللي قرر وش يتابع ويبي هو ينزل موضوع التغطية ..يقدر يحجزه هنا عشان محد ينزله من وراه ويسبقه

---

* بسم الله على أعضائنا ماقصروا نزلوا مواضيع وش زينها ووش ملحها
لكن مسلسلات رمضان وش كثرهاااا فبخلي هالموضوع لمناقشة المسلسلات اللي مالها تغطية خاصة

انطلقوا ,,

همآي أنا · 17-08-2008, 05:45 AM

عآد تدرين يابنده اني افكر فيه من شوي وقسم بالله
وجايه مدرعمه بنزل الموضوع , قلت خل اشارك باالفعآليه قبل ثم اشوف
وصارت الفعآليه موضوعي سبحآن الله ,

سجلي بآب الحآره / تغطيه , بأذن الله
برب شوي بس

Panda · 17-08-2008, 05:48 AM

^
^

وهـ خلاص صرتي صديقتي وأفكارنا صارت وحدة
وسجلنا باب الحارة لهماي أنا وياويل اللي ينزله عنها ترا بحذفه

Panda · 17-08-2008, 05:49 AM

أبوجعفر المنصور

مسلسل يتكلم عن الخليفة العباسي أبو جعفر المنصور..
سيرته حياته انجازاته

مسلسل تاريخي
وحلو الواحد يشوف مسلسلات من هالنوعية
عشان يتعلم التاريخ بطريقة ممتعة

***

بطولة : عباس النوري
تأليف : المأرخ الأردني محمد البطوش
انتاج : تلفزيون قطر
قناة العرض : MBC & قطر

وهالمسلسل بتابعه أكيد

همآي أنا · 17-08-2008, 05:56 AM

بنده توقعين عشان كذا صرنا نفس التفكير !
عشاننا اصدقاء وكيذا يعني

المهم خلص البرب
اقولك انا حاطه ببآلي سيلفيجن بدال كرت الفديو العله
فماادري شرايكم ! من قد جربه من ناحيه رفع الملفات !
سيلفيجن ابيه من ناحيه التسجيل لاني احتاجه كثير ومميزاته حلوه
مدري عاد وش ارسي عليه اوافيكم باخر الاخبار بعدين
المهم اللي عندهم سيليفيجن لايبخلون علي

Panda · 17-08-2008, 05:56 AM

صراع على الرمال

مسلسل بدوي وفيه أشعار للشيخ محمد بن راشد آل مكتوم

بطولة : تيم حسن
اخراج : حاتم علي
(يعني نفس البطل والمخرج اللي سوو الملك فاروق العالم )
قناة العرض : دبي & سما دبي

وهذا اكيدين بتابعه

موافق عليها · 17-08-2008, 06:07 AM

اني قايل ييبووون يسووون زي السنه اللي راحت
ويصير سواليف بالمسلالسات وتخلونا نتابع غصب
بالتوفيق بالتغطيات ماتقصروون يالابطال
والله لو اني راعي مسلسات وكييذا تسان سوينا لنا تغطيه لكم مسلسل
بس ان شاء الله راح نبثركم بالردود والمناقشات بالحلقات

نوده بالتوفيق

Panda · 17-08-2008, 06:33 AM

كلنا عيال قرية

مسلسل كوميدي بديل لطاش ماطاش

بطولة : عبدالله السدحان & ناصر القصبي
اخراج : موفق الصلاح
قناة العرض : MBC

ستاربكس · 17-08-2008, 06:33 AM

انا بس لمحت اسم فعالية وجيت اركض قلت بشارك على طول ..

بس تحطمت يوم اكتشفت إنها للمسلسلات ..

مالي فيها ابد .. إلا إن كان طاش ما طاش هذا شي ثاني .. بس الظاهر مافي هـ السنة , يعني مكتوبن علي ما اشارك معكم .. بس شسمو يمكن اصير زي موافق ارد وكذا واحط تعليقاتي .. واقول وش نظرتي للمسلسل وهل عجبني وإلا لا .,

ودام انه قسم بنودهـ أكيد لازم تشوفوني هوني .. ما اقدر اشوف لها ردود ومواضيع ولا اقراها ..

موفقين كلياتكون .. ..,

Panda · 17-08-2008, 06:37 AM

فووقه ان شاء الله نشوف نشاطك
والله الله بالتغطيات

ستااروو

يا حبيلك ياشيخة يكفي تتحفينا بمتابعتك وتعليقاتك ياخلفهم
نورتي

Panda · 17-08-2008, 07:18 AM

أسمهان

مسلسل يتناول حياة الفنانة المصرية الراحلة أسمهان..

بطولة : سلاف فواخرجي
تأليف : قمر الزمان علوش
اخراج : شوقي الماجري
قناة العرض : MBC - دريم - حكايات زمان

blue · 17-08-2008, 02:49 PM

موضوع حلوو كل سنه له طعم غيرر

صفيني يابنده مع فوقه وستار مالي بالمسلسلات

عساي اشوف باب الحاره و طاش بمسماه الجديد

مهيب عاقله · 17-08-2008, 03:55 PM

بنده ياكلبه قسم السينما كل ماله ويجوز لي
ابشري بالتغطيآت السنعه بس خلي آخذ لفه ع المسلسلات الى الان مافيه ولا مسلسل يستاهل من يسوي له تغطيه طبعاً ماعدا باب الحاره
ب/اختآآآآآآآآآي
انا اقول منتب قاويتن باب الحاره لحالتس , يبي لتس سند يعرفتس و يتناوب ع التغطيه معتس
(هذا في حال دوّرت مسلسلات تواجه و لالقيت)

بنده صادقيني تسانه بيطلع بنتيجه <-- يا وقحي خخخخخخخخخخخخخخخخ
لا جد والله بعاونتس و كلش و بصير لتس يدتس اليمين

Panda · 17-08-2008, 05:06 PM

بلو كان ودي تكون من المنافسين وتشارك بس يله خيرها في غيرها

مهيب التبنة وأنا كل مالي أحبك أكثر
فيه مسلسل اسمه الحوت احس من شكله يشبه باب الحارة واتوقع يصير أحلى عاد مدري
وكانك من راعين التاريخي اتوقع أبو جعفر بيصير بطل مالعب الدور النوري من فراغ
وكانك تحبين البدوي عندك صراع على الرمال ترااااه بطططل بططططل أبطل شي في الحياة
أنا العام شفت الملك فاروق وكان مستواه جداً عالي وهذا ميزانيته أكبر منه بكثيير فبيصير أبطل منه بعد يعني وش أقوى من كذا
والله ماودي امدح فيه واجد اخاف لين بدا يصير بايخ واتفشل
وبعدين ماعندنا أحد يقط مع اخته كل واحد ينزل موضوع لحاله عاد عقب تقاطوا وساعدوا بعض

Panda · 18-08-2008, 03:46 AM

الـحـوت

مسلسل سوري شعبي تتركز أحداثه في مدينة اللاذقية في عهد الاحتلال الفرنسي..

بطولة : بسام كوسا & سلوم حداد
تأليف : كمال مروة
اخراج : رضوان شاهين
قناة العرض : دبي

خيمتنا * لمناقشة مسلسلات مالها تغطية خاصة..

هوم سينما