A S 6 O R H

السلام عليكم ورحمة الله وبركاته

يوم الخميس : 21 / 8 / 2008 م ..
لقاء بين : فريق الملحق vs فريق المساطيل
واللقاء راح يكون بـ ( ضيافة المساطيل ) اللي ما قصرو بشي وعيو علينا لا نسوي اي شي وتكفلو بجميع الاشياء .. وان شاء الله نعوضها لهم بـ لقاء جديد يجمعنا معهم .. وكل الشكر لـ اخوي : تريلة شوق ( رئيس الاقسام الرياضيه بـ المساطيل ) .

<-- ذب اللاب توب ع موافق .

موافق عليها

اول شي احب اني اشكر فريق المساطيل على الفرصه اللي قدموها لنا اننا نلعب مع فريقهم
خاصتن اننا من زمان مالعبنا لكن ان شاء الله فريق الملحق راح يكون ند لفريقهم
واسماء الاعبين اللي يبون يلعبون هي كا التالي :
1- هاكونا (GK)
2- شليويح بيك
3- as6orh
4- مصيول بن جورج
5- هرقل
6- واحد من الناس
7- موافق عليها (c)
8- zidan
9- ضب بدون عكره
10- بندول مصدع
11- نازل على فوق
12- خارج الخدمه
13- وسيم

youSsef

Panda

يااااهووووووه


عاد الله الله بالتغطيات...حطوا أحد خاص يصور ويغطي..
نبي تغطية بطلة نحس ان حنا حاضرين معكم

وبالتوفيق للملحق

سلفر

اهم شي التنظيم في الوسط .. واتملاك الكوره .. والباقي الاخلاق اهم شي

m!sS.HiEDi

ياسلااااااام ..

يالله يالملحق شدوا الهمه ..

عاتي وشسمه اصير انا المدرب <<- - عزالله جت الدجه من جد

عاد لانوصيكم نبي تغطيه زي الجزيره واطلدز

تريلة شوق

سلام عليــكم

مقابــلة الوجيـه الطيبـه تزيدنـا فوق شرفـنا شـرف وهذا المـهم لأن سالفة المباراه هـذي شايلين نتيجتها من راسنا من يوم شفت فريـقكم مافيه ولا إسم يأهل انه يكون لاعب كـوره غير الي اسمه زيدان أجل بالله فيه لاعب يوزره وسيـم ههههههههههه مهوب عاقل خليفة ياسر القحطاني خصوصا اني حاس انه من زود التميلح ماهوب حاط رقم واحد على فنيـلته من ورى الله يسـتر لا يرص رقم الجوال كامل ..معليش بس من يوم شفت راعي ذا الاسم وانا جايني في يدي عليه حتسـّه مير يعذرني ولا يشره

اللـّه يحييــكم في محلـّكم وإن فزنا فـهذا المتوقع وإن فزتو فـ ترى حتى الاحتياجات الخاصـّه جابو كاس العالم

13\1 لا تآكل حق سبورت فور ايفر لو سمحت

A S 6 O R H

^
^^
وعليكم السلام ورحمة الله وبركاته
اعنبو ابليس لو اني داري اني بشوف يوزرك فيذا تسان رميت الشورت والكدايس و معهم الكسارات عليك من زمان وقلت هـ الحين بباري المساطيل لو لحيلي .. ومثل ما قلت انت ذوي الاحتياجات الخاصه جابو كاس العالم وش زود الملحق ما يفوزون ( ايقونتن معها عذرها من الحين ) .. بس اهم شي اللي بعد اللعب .. و التصوير بس وقت اللعب .. لـ اني بجيب شي خصيص لك ولا ابيه ينتشر بلوتوث وتوه نازل السوق وما ابي احد يشوفه غيرك ( وذا اللحوج اللي وش كثرهم موجودين وين راحو ؟! ) <-- نبي نزبن ورا المزرعه
ودي اشوف مدى قوة الاغراء فيذا البرازيلي .. تريلة يكفي شوفتك وذكرني اخمك بقوة

موافق عليها

وعليكم السلام
تريله شوووق والله حنا اللي لنا الشرف بمقابلتكم
واللعب معكم والاستفاده من خبرتكم
بس برضوه ترا الاسماء مهب كل شي ووسيم ذا عساك ماتشوفه لامنه انبرش عليك
بس صدقني ترا فريق الملحق ماينتسهان فيه لو مايجيك منهم الا كبتنهم

A S 6 O R H

^
^^
هو لو الله يفكنا من هـ الكابتن وينسى ( الكبتنيه ) تسان حنا بخير .. بس صدقني الكابتن يلعب دور في توجيه اللعيبه واحتوائهم والترييش فيهم .. دمتى كابتن للملحق يا كوتش <-- وشو ترييشه

مهيب عاقله

وعليكم السلام ,
اووووووووووه !!
المساطيل
نشوووف الحوسه هناك والصجه هنا خخخخخخخخخخخ
حنا في وضع حماس×2 تقسيم 4 الكل تحت الجذر تربيييييييييييع
ننتظركم بالعماريّه واللي يبي الوصف يأشّر لي
الله اكبر الحين صارت الأسامي تحكم اللاعب؟ , (كاكا) الله يخليك ذخر
فهد الوايلي ههههههههههههههههههه ياخي هذا البريستيج مقطّعه تقطيع اخاف يلعب بالشّمآغ و العقال
بثر كود نلمحك في حدآ هالصور منّآ ولا منّآ
ولاعه ياسفابه كنا نبي نشوف هو فعلاً لا صار حارس يصدّ الكوره بخدوده ولالا ؟!
فرزاتشي انت بس لاأوصّيك ادعم سطير بالحتسي الحلو ياحنون وكلّش يصير زين
فوقه السبهه و مصيول يداً بيد تفوّزون الملحق

الله الله بالتقرير تكفون
منتدى المساطيل يعطيكم العافيه ع استضافة عيالنا
بالتوفيق للجميع

qe9manji

موافق وراك ما حطيتني معكم ..

موافق عليها

ضب بدون عكره

باذن الله راح نكون بالموعد

وان شاء الله راح نرفع راس الملحق عااليا يعني حتى لو ماكانت باللعب رااح تكون بالاخلاق <-- يدور صرفه

وحنى اصلا ماهمنا الا مقابلة الوجيه الطيبه

موافق عليها

شباب نسيت اقول لكم
لاتنسون الطقم

تي شيرت ازرق



وشورت ابيض



وشراب ابيض بعد







تنويه
الطقم هذا انا اللي مصممه