|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
21-08-2008, 03:05 AM
|
#1 |
 
|
السروق منكم يعترف ,,,؟؟؟
السلام عليكم
 كيفكن واخباركن ان شاء الله مناح > تميلح  وانا اتصفح جريدة الرياض الغراء ... لقيت هالموضوع ....< وش عندهـ http://www.alriyadh.com/2008/08/20/article368638.html يحول ضايقتن صدورهم ... ان السلحفاة المعوقة مسروقة ويخافون تموت وهي مااكلت لانه متعوده تاكل باليد مدلعه > ليتني سلحفاة عندهم  ... جاء في بالي سلحفاة نانا المدللة ... وحبيت اوصلة سلامي ....  عاد هالي سارقن هالسلحفاة ... يوم قدر الله عليه ويذنب وراه ماسرق شين يسوى بنك ولا محل ذهب ... مهب يسرق سلحافة لا وبراسين بعد  يالله مانقول الا لناس فيما يعشقون مذاهبُ  *** وبعد هالمقدمة البسيطة .... حبيت اسوي استفتاء وسؤال صريح ... والقصد هُنا ابراء الذمة وليس البحث عن الفضائح السؤال .... من منكم سرق شيء طبعا ... في الطفولة .. مهب وانتم كبار ...؟؟؟؟  لانة في الطفولة ان شاء الله لا حرج < افتت  بس وانتم كبار تقطع ايديكم تسمعون < كلام المامي *** انا بقولكم عن نفسي بكل صراحة علشان ما تستحون ولا تفشلون ...  وكل واحد يدلو بدلوة انا كم مرة اسرق من بقالتنا .....  اكثر شي اسرقه العلوك لانهن سهلن تغبيهن بالمخبات ولا يوضحن ...  لاني مرة سرقت فشار وصار مخباتي صغير وكفشن ابو هنود والله لا يوركم وصلة السالفة ابوي ... وصارت فضيحتي بجلاجل وللحين لقبي الحركي واعيارتي السروقة وبعد كثير ادفع للهندي ريالين واخذ بأربعة ولا بخمسة ..... كنت منول احس اني بطله ... ... بس كل السبب اهلي مايكثرون المصروف وانا بنت تعشق الحلويات عاد يوم كبرت بريت ذمتي ودفعت للبقالة عاد يالله انتظر ردودكم ولا حد يسوي فيها الملاك الي ماعمرة سوى شي .. حتى لو ماسرقتو .. اكذبو وقولو سرقنا ماله داعي اصير بس انا اسروقة بأنتظاركم ....  التعديل الأخير تم بواسطة سلمى ; 21-08-2008 الساعة 03:11 AM. |
|
    
|
|
21-08-2008, 03:20 AM
|
#2 |
 
 |
رد: السروق منكم يعترف ,,,؟؟؟
خخخخخخخخخخ ليه ليه تفضحيننا ليه .. خخخخخخ ..
يووووووووء عاد امس متكلمه عن هـ الموضوع .. كنت أقول اخوي فلان حبيب إني اسرق منه حلويات وهو نايمن بـ الغرفه ويشوفني ادخل عليه ولا يقول لي شي .. وفلان الثاني لو اسرق منه يا ويلي يهاوشني .. وامي كنت ادخل غرفتها , واخذ مالذ وطاب من الثلاجة , ومن بكرا اقول لها يمه ترا اخذت كذا وكذا , وتقول حلالتس يا بنيتي ..   .. ( وللحين أسويها .. ) وإذا ابي اطلب وإلا ابي مصروف بس ما معي قرقنش وش اسوي ., ؟ اخذ من شنطة أمي .,. وبعد ما ارجع من الدوام وإلا طلبت وقضيت اقول لها اكرمتس الله .. مرهـ بس سويت نفسي ذوق ودقيت عليها وهي في عرس قلت لها يمه ترا بأخذ منتس 30 عشان الطلب .. قالت الحين داقتن علي عشان كذا بس .,. ومن هنا استنتجت إنه عادي اخذ متى ما بغيت .. آآمممم اذكر مرهـ قد سرقت من محل عطار في طيبة .. حلاو جيلي اللي يجيك كذا شريحة ليمون وشريحة برتقال وعليها سكر .. للحين في بالي ما نسيتها .. شبعد شبعد شبعد آآممممممم .. معد اذكر من كثر ما سرقت نسيت .. بس اغلب سرقاتي من البيت يعني .. وكلها اكل .. .. وكلها يكشفوني فيها , وبيرب اشتهيت اوريو في ثلاجة أمي بروح اسرقها .. |
|
|
|
21-08-2008, 03:37 AM
|
#3 |
|
|
رد: السروق منكم يعترف ,,,؟؟؟
ستــــارهـ كم احب ان اسميكِ
نورتي موضوعي وشكرا ً على الرد الاول والله انتس تستهلين الاشراف < وش رايتس بالجملة متعوب علية بس حلوة سرقاتس كلة بالبيت .... بس الي بالبيت ان شاء الله انه حلال دايم انا اذا حط احد بالثلاجة شي يبرد .. امر علية مافية اي مشكلة ... واذا قالو من شربة ولا اكلة اقمط وكأني مهب انا ... لين مرة اختي الكبيرة شافت قرطاسة العسكريم بزبلة الغرفة وعرفت اني انا الي مسوية الجريمة  وعقبة بديت اخفي كل الاثار < وينك ياجمس بوند بس حلوة ياستارهـ تتصلين على امك تستأذنين ... من شاور ماعطى .. لاتشاورين احد خوذي بس << قلبة المقولة وستارهـ حلو ان هواية السرقة معتس للحين مستمرة .. انصحتس انتس تنمينة لين نشوفك مرة بالقائمة السوداء وتحت اسمك مكتوب مطلوبة حية او ميتة < برى وشكرا لتعليقك المملوح مثلك |
|
|
|
|
21-08-2008, 06:24 AM
|
#4 |
|
|
رد: السروق منكم يعترف ,,,؟؟؟
موضوع ختيييييير جحه صراااحه هالموضوووع انواع الفضايح من جد .. اكثر ما كثر الله بهالدنياا السرقات بس الواحد يروح ويسرق شي يستاااهل بس انا مثل حق السلحفاااة كنت اسرق محااايااات تقل عندنا فقر محاااياات لا وازيدك من الشعر بيت كانت ايااام اجازه يعني اسرق محااياات ليش؟؟؟ ( فيس يحك راسه ويفكر ليش ) .... وكمااان علووك لاني كنت اقدرهااا مره مع ان امي تشتري علوك بالكراتين بس لازم الجريااات والحركات النص كم هذي ... وبس ياحوووبي لك تحياااتي وورده كمان |
|
|
|
|
21-08-2008, 08:11 AM
|
#5 |
|
|
رد: السروق منكم يعترف ,,,؟؟؟
عسولا
ههههههههههههههه تعليقك رهيب هههههههههه ذكرتيني بصديقتي تسرق الطباشير من الفصل وانتي تسرقين محايات هههههههههههههههههه شكلكن بكن عرق مصري ومرورك عسل يا عسل |
|
|
|
|
21-08-2008, 08:29 AM
|
#6 |
 
|
رد: السروق منكم يعترف ,,,؟؟؟
’
’ اهلن بالزرقا اهلن اهلن بالسوبرهـ الحنونه الحين يومنتس سوبر ورا ماتطردين خلق الله .. ولا بس متمسكتن بالمنصب ولا تهشين ولا تنشين << قلبها يفرك يختي خلتس حمشه مثلي ماينفع تسذا .. الله ع ذيك الايام << انبطحت تتذكر  كنت اطردهم عشان يصلون الله يجعل ثوابهم لاميمتي وابيي بس احلى شي بالسالفه اني افتتحت الطرد فيك وختمته فيك << ياحمارهـ لا تذكرينها تراها سوبر الحين تتسلط عليتس << لالا يختي جحه قلبها روهيف ماتقوا << داريه اصلن لوما قلبها روهيف ماكتبت هالروايه الخاقوقيه تسني نسيت الموضوع اللي جايتن عشانه اجل كنتي تسرقين << تراي منب بعيدتن عنتس الموقف اللي صدق اذكرهـ الي يومك كنت توني طالعه من المستشفى ووداني ابوي لاقرب بقاله قال اشتري اللي تبين بمانسبت شفائتس ومحاكيتك دلخه .. تصوري احد يوديك البقاله يقول اشتري اللي تبين وتقومين انتي تسرقين  مدري ثوارتن فيني ولا بقاره شريت لي حلاو ورحت عند المصاقيل ( يارب انك تعرفين وشو المصقال  ) ومنظرها اغراني ورحت لمهن وكانن في زي الشبكه حمرا كانتس تذكرين يجي عشر حبات مع بعض .. قمت شقيت الشبكه واسرق لي واحد واحطه في جيبي وانحاش يقالي اناظر الحلاو بعدين ارجع اناظر المصاقيل من بعيد ولا كأني سويت شي ولا كأن في جيبي مصقال مسروق وآخر سرقاتي قبل اسبوعين زارفتن شمبو اخوي << طراه انها للحين بزر وماعليها شرهه جحتي ياجحتي اشكرتس بعنف يابعد نخاشيش وعروق قلبي << عروق نجد  واشكرك بعنف ايضن لانك سوبر واشكر لتس اخلاقتس العاليه اللي ماخلتك تفكرين تنتقمين مني فتك بعافيه التعديل الأخير تم بواسطة فصفص ; 21-08-2008 الساعة 09:35 AM. |
|
|
|
|
21-08-2008, 09:23 AM
|
#7 |
|
|
رد: السروق منكم يعترف ,,,؟؟؟
فصفص
ههههههههههههه يوم انتس منول تشوتين الصراحة تمنيت سوبر  بس يوم اخذت السوبر والله يوفق الي عطاني اياه ولي سوا المسابقة وكل العائله المالكة للملحق < يوم جيت ابطردتس ماش قلبي يقول لا لا ياجحه وانا اقول الا الا وهو يقول لا لا اخر شي قررت اني مااطردتس *** اما موضوع سرقتس صدز انتس بنت فقر ههههههههههههه  الحين يقول اشري تروحين تسرقين انتي الواجب تقطع يدتس من الطفولة *** والمصاقيل ان نعرفهن هههههههههههه ياما سوينا عليهن دوريات يازينهن بس كان يوم قسم الله وسرقتي سرقتي كل الشبكة واحد يالبخيلة فصفص اشكرتس يالسوبرة المُقالة ... وشكرا لتس لانتس تخليتي عن المنصب لي < ادري مهب بكيفتس كني اشوف دموعتس تبطبط قبالي التعديل الأخير تم بواسطة سلمى ; 21-08-2008 الساعة 09:43 AM. |
|
|
|
|
21-08-2008, 09:55 AM
|
#8 | ||||||||||||
|
رد: السروق منكم يعترف ,,,؟؟؟
عليكم السلام ورحمة الله ، هلا مامي
، اخيرا قدّر الله اني ارد عليك ،
، بس ما يخالف بأقولكم :اكيد لا تخلو السالفه من العلك والشوكولاطات الخفيفه والثمينه ، واذكر مره كنا محتاجين كورة جلد ، وتمت سرقتها بمساعدة شخصين آخرين ، وفيه حاجه أخذتها بس ليه اخذتها ما ادري ؟ كان عمري اربع او خمس سنين ، كل ما تذكرت الموقف اضحك ، شكل لونه اعجبني ! اول علبته ! او لأني جربت أخذ كل شي الا هو ، اخذت معجون طماطم السعوديه ، المشكله اني اخذته وبعد ما طلعت استوعبت اني ما اقدر استفيد منه ، فـ رميته ، وبس .حجه ، سويتي خير فينا خل نفضفض وكذا ، الله يخليك لنا ولا شسمه . |
||||||||||||
|
|
|
||||||||||||
|
21-08-2008, 10:23 AM
|
#9 | ||||||||||||
|
|
رد: السروق منكم يعترف ,,,؟؟؟
هههههههههههه الصراحة شكلك ودك تسرق بالي هوبة ... اجل احد يسرق صلصة شكل المستقبل <<طباخ بخاري ومضبي والله اني تقطعت ضحك عليك هههههههههههههههههههههههه بس اهم شي بريت ذمتك  وشكرا لتعليقك بطعم الصلصة |
||||||||||||
|
|
|
||||||||||||
|
21-08-2008, 02:06 PM
|
#10 |
|
رد: السروق منكم يعترف ,,,؟؟؟
يانهار أسود
شوفي جحه انا يوم فكرت اصرق انصرقت وفوق هذا جاني طراق تعرفين حلاو الساعه ؟ الي كل حلاوه لون وكذا كان معي ولد اختي اول مانزل هلحلاوه شفناه بقالة جوهره وجواهر 11:شفت لود اختي الحقير صرقه وحطه بجيبه سويت زيه الهنددي ابن سته وستين كلب خلى ولد اختي وجاني انا ويلتني بطراق :| << من حينه ملطشه وطلعت كل قروشي ابن الكلب الحلاو بريال خذ عشره وفوقها كف وبعدها حرمت وصارت لي مرا بعزيزه بنده امشي وافك اقطع وقت ونسيت احاسب بالعاده القراطيس اجمعها واعطيهيا يحاسبهم وللحين افكر فيها :| طيب موب معقوله اروح لمهم واقول انا قبل كلت ونسيت احاسب ان شاء الله انهم مسامحيني دوك |
|
|
|
|
21-08-2008, 04:04 PM
|
#11 |
 
|
رد: السروق منكم يعترف ,,,؟؟؟
يعني هذا موضوع تبريه ذمه يعني محد جاي يحاسبني بعدين
جحه والله انتس تبي تفضحينا لكن ماخالف هذا طال عمرتس يوم كنا صغار كنت انا واثنين من العيال مسوي شله .. وكل يوم نروح لم السدحان وننتشر بالمحل .. والواعد بعد خمس دقايق عند المصعد واذا ركبنا المصعد .. سبحان الله العربه كانت مليانه بساكيت وحلويات .. فجأه يصير مافيها شي فاضيه مافيه الا قوة تزبين .. لا تقولين شلون نزبن .. لاننا كنا بعد نسرق شطرطون همن خذ تلصيق ياساق تلقاه مليان لين فخذك واذا جاب بطنك مانقول لا .. يعني تطلع من السدحان مخباتك مافيه شي ولا ومن زين الطبايع كل واحد اخر شي يروح لم الثلاجه وناخذ ببسي والحساب كل يوم على واحد يعني نطلع من السدحان حسابنا 3 ريال ... واللي حنا قاشينه يجي في الميات .. وياليتها تاقف على هينا لاننا كنا نرووح لم الحاره ونبدا نبيع على العيال باقل من سعر البقاله يعني ابو ريالين يصير بريال نمشي على قوله ( اي شي ببلاش ربحه بين ) يعني اتوقع اننا كنا نسوي ها الحركه كل اسبوع تصدقوون عاد ماعمرهم دروا عننا بس اذكر مره سرقنا ليفه مواعين الى الحين مدري ورانا سرقناها جحه لاتشرهين |
|
|
|
|
22-08-2008, 03:12 AM
|
#12 | |||||||||||||||||
|
|
رد: السروق منكم يعترف ,,,؟؟؟
الله يحييك  ياخي السرقة مهارة وابتكر شي جديد خل عنك التقليد .. والمشي بنظام مع الخيل ياشقراء مايفيد ...ياحليلة الهندي طلع اذهن منكم وهو الي سرقك كفو والله 
| |||||||||||||||||
