|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
02-09-2008, 07:02 AM
|
#1 |
 
|
صيامنا ايام الطفوله
السلام عليكم ورحمة الله وبركاته..
مبارك عليكم الشهر للي ماباركت له.. والله يجعلنا واياكم من صوامه وقوامه خلونا نرجع ورا لسنوات راحت نتذكر فيها كيف كان صيامنا وحنا صغار  طبعا الكثير منا مر بمواقف وقتها  اللي كان صايم قدام اهله وامه هالمسيكينه طول اليوموهي تمدح فيه قدام الكل  وهو من وراهم ياكل ويشرب  واللي طاحوا عليه اهله وهو متغبي ورا الثلاجه يبلع <<< هذا بيمسكونها عليهاخوانه كل رمضان  ويجيك عاد اللي يقهر كل اليوم وهو صايم واذا بقى ساعه ولانص ساعه راح يفطر  <<<< لو هو ولدي ربطته لين يأذن انا بقولكم موقف صار لي بالابتدائي كنت جالسه مع صديقاتي بالفسحه نسولف عن صيامنا قلتلهم وبكل ثقه انا اصوم الى الظهر بعدين اكل قالولي مايعتبر صيام هذا قلت الا ابوي يقوله  مادريت الا اللي يضحكون علي يقولون ابوك يلعب عليك  وانا مصممه ابوي يقوله يعني يعتبر صيام  والله رحمت نفسي اصدق على طول  ياحبيله ابوي قالها لنا كلنا صوموا واذا جا الظهر تغدوا عادي يالله الحين كل واحد منكم يذكرلنا مواقف صارت له برمضان وهو صغير  بس لاحديفقش علينا نبي مواقف صدزيه تفاعلكم يدل على اعجابكم بالموضوع   |
|
    
|
|
02-09-2008, 07:14 AM
|
#2 |
 
 |
رد: صيامنا ايام الطفوله
اهلن اهلن بيكي ..
 .. اول شي حركة أصوم نص يوم وافطر ما قد سويتها ابد .. اللي كنت اسويه يوم اني في سادس كذا على اول متوسط .. .. اني أصوم في البيت , ولا رحت المدرسة فطرت .. يعني بـ العربي العب على اهلي .. ولا الفشيلة أجي عند البياعة حقت المقصف .. <-- بغت تقول الكاشير .. أم محمد .. واقول لها بكل ثقه ابي كذا وكذا ,, تقول لي ما صمتي انتي .. ؟! اقول لا ..  تقول اجل منيب بايعة لتس ..  ونقعد نطر لنا وحدهـ من البزارين عشان تشتري لنا .. برايفت ناريمان .. تذكرين يوم إننا نتوزى ورا المقصف ونقعد نبلع في الزاوية ..  ونقعد نتخيل إن فيه قطوهـ تطيح علينا من فوق خخخخخخخخخخخخخخخخخ .. <-- براااا انتم وخيالكم البايخ .. .. |
|
|
|
|
02-09-2008, 07:52 AM
|
#3 |
 
|
رد: صيامنا ايام الطفوله
صراحة غميزة موضوع رايع ذكرني بأيام اول كنت اصوم الين الظهر ابوي يقولي ذا صوم الدجاج<< لاقيس ابوس المهم القصة اللي بقولها كانت صوم بس مو رمضان كان صوم عرفة وكنا ببيتنا وكل اهلنا مجتمعين عمتي وبناتها وعمتي الثانيه وعيالها وبناتها وعمتي الثالثة << اخلصي المهم كان كل ابو بيتنا صايمين وكان الوقت قد انه شارف على اذان المغرب واستغل انا فرصة انشغالهم كلهم بالمطبخ واتوجه نحو حبيبتي ثلاجتنا واببدا بالتأديب من جميع ماهب ودب << فاهمتها غلط وخذ لك تأديب من كل جهة المهم وانا بوسط صولاتي وجولاتي اكتشفت شي غريب في ام قمة الثلاجة ببسي بجيك والله ياهلي وش هالتطور بس هي وحدة من الثنتين يا انه تأثير الصوم يا انه صرنا عيال عز المهم وابدا لك بالتهور والجهاد في سبيل اني اوصل للقمة واتسلق الثلاجة وانا ادعي على اهلي ليش فوق مرة حاطينه يبون يوزونه عني انا ادري المهم بعد مدة من الزمن وصل وامسكلك هالجيك بقوة وامانه تقول فيه قلب لعمليه قلب << لا عاد تناظرين غريس اناتومي المهم مالكم بالطويله << بدري امسك الجيك واطمر طمرة لا زورو ولا بات مان ولابعد جابته امه اللي يجيب هالطمرة واوصل لارض الديار بسلامة مع رضه بالجبهه بسبب رف الثلاجة المهم يالجميلين ومن االفرحة اولن والخوف ثانين والحماس ثالثن ابي الحق عالفطور معهم افتح عالجيك واخذ لك جغمة كبيرة << جغمة مرادف قضمة بس للسوايل وبعدها تأتي المصيبه عرفت ليش اهلي مخلينه فوق وعرفت ليه موهوب بقواطي تدرون وش صار هالببسي اه لوتدرون كان تتبرعون عشان تعالجون مشكلتي النفسيه صار الجيك صار صار صار صار صار موية جراد لااااااااااااااااااااااااااااااااااااااااااااااااا ااااااااااااااااااااااااااااا< ردة فعلي الاوليه مويه جراد الله يهديس يمة منير ماخليتي عنس حركاتس << جدتها كانت من المعجبين بالجراد ومن بعد هذي الحادثه المأساويه عرفت انه كان عقابن من ربي و ان الصوم له فوايد محد يعرفها ومن يومها اكره الجراد وصرت اعذبه اذا شفته واكره الببسي واكره امي منير وبس هذي مأساتي وارجو ان تستفيدو برايفت ستارة ايه اذكر بالعلامة كنا نشرب عصير مطاوعة بعد اه ياذيك القطوة الين اليوم اذكرهاالتعديل الأخير تم بواسطة ناريمان ; 02-09-2008 الساعة 07:55 AM. |
|
|
|
|
02-09-2008, 10:42 AM
|
#4 |
|
رد: صيامنا ايام الطفوله
هلا غميــزة حلو موضوعك ماشاء الله وله ذكريات  يازين الطفولة بس انا اذكر اني برمضان اروح الصبح وخشتي كلها توت الظاهر اني مااعرف اشرب زين واغسلة بالصابون ولا يروح فضيحة وغير كذا كنت على اني صايمة واذا دخلت المطبخ وامي تلف السمبوسة اجلس جنبها كني قطوة انتظر اي تصريفة تطلع من المطبخ وعلى طول اكل لا وبالدراسة والابتدائي كنت اصوم من قلب والله واشوف البنات الي اكبر مني ياكلون وانا متحملة واتعذب اتسغفر الله يوم كبرت عصبت على روحي ... بس وش اسوي طبعي سنعه ان شاء الله على اجر  وتسلمين على الموضوع الحلو ... ( ناريمان هذا شغلتس اجل يامدمنة الجراد ... < بمسكها عليها )ورمضان يجمعنا |
|
|
|
|
02-09-2008, 06:16 PM
|
#5 |
|
رد: صيامنا ايام الطفوله
<= كآن يقوله جده صوم لين اذن الظهر ياولدي وافطر .. من ثم صوم لأذان العصر وافطر .. وبعدين صوم عقبها لأذن المغرب وافطر معنى  هاه يمديكم .؟ يعطيك العافيه اوووم .. وصياما مقبولاً وافطار شهياً نتمناه للجميع |
|
|
|
02-09-2008, 07:22 PM
|
#6 |
|
رد: صيامنا ايام الطفوله
موضوعتس شي مررااا
 أذكر آنآآ يوم اني بالمتوسط قبل ماارجع للبيت امر على البقاله واشتري بطاطس نسمه اذا تعرفونه <=- ياقدمتس بعد واذا وصلت للبيت احطه بدروج مغاسلناا همين اروح اغير مريولي هومين انزل ازرطه بالحمام الله يكرمكم عشان محد يشوفني ... بس يااني رحمت نفسي عاد مدري وراه بالحمام الله لايضيق عليناا رحمت نفسي مير ودي اخمني  واذا جا الفطور وافطر معهم تسني صايمه واقول (اللهم اني لك صمت ... الخ ) يقالي عند اهلي صايمه وتسذا يووه احس اني بربرت  يعطيتس العافيه  خووووووووووذي |
|
|
|
|
03-09-2008, 06:33 AM
|
#7 |
|
رد: صيامنا ايام الطفوله
هذا شسموو وراكم انت مقلوبين تسذا
والا حنا اللي منكوسين انا هذا شسموو اهلي كانوو يقولون لنا صومو صوم الدجاجه والديتس <<<مثلتس يا ناريمان لاقينا اهلنا قوووه بس صوم الدجاجه والديتس عندنا كان يبدا بعد الظهر اذا رجعنا من المرسه وينتهى معهم بعد المغرب مو مثلكم ينتهى الظهر الموهم ان اهلي لو عليهم كان ماصمت للحين اشتهيتهم مآآره قالولي صومي غصب مير اخبر يوم قررت اصوم صيام كامل بدل هالدجاجه والديتس قالولي وشوله مايحتاج تووتس صغيره ام غمازات وهـ بس ياملحتس كان صدز عندتس غميزات لموضوع ـك |
|
|
|
|
03-09-2008, 10:19 AM
|
#8 |
|
رد: صيامنا ايام الطفوله
عليكم السلام ورحمة الله وبركاته ،
اول شي رمضان مبارك ، عساكم من عواده ، بالصحه والعافيه ، اكيد الوجبه ما تكمل الا بأكل وشرب  ، ويقولون اذا سرقت اسرق جمل ، يعني اذا افطرت افطر على شي يسوى والا لا تفطر ،الأكل : يا تسالي كتشب ، والا خبز وجبن ، اجلس اترجآ الشغاله تسويها لي ، وان ما سوت لي دورت باقي الفطور امس وكلته ، طبعا مكان الفطور يعتمد على وضع البيت ، اذا كان الوضع مستتب ، افطرت في الغرفه ، واذا كان الوضع مشكوك في امره وان فيه احد بيطب علي ، دورت لي مكان آمن ، يا في السطح ( اذكر ان الجو كان حر ، بس لأجل عين تكرم مدينه) ، والا في مجلس الرجال ، لأن ما فيه امل احد يمر مع ذيك الجهات في نهار رمضان ،اما الشرب كنت اشرب من موية مغسلة جنب الملحق ، مع انها كانت نار ٍ تلظّا ، الا انها تفك ازمة ، على الطاري ، مره تهاوشت انا واخي الي اكبر مني ، طبعا مزح ( مزح صعايده ) ، كنت الظاهر ابو 8 او 9 سنين ، ومسكني ودخلني المطبخ وقعد يوكلني لقيمات غصب ، يقالك بيخرب صيامي ، ما درا اني انتظر ذا الفرصه من الله ، وجتني على طبق من ذهب ، ومره طاحو بي اهلي وانا توي فارم ٍ في تسالي الكتشب ، طلعت من الغرفه ورحت اغسل ، وشافوني قبل ما اخفي ادلة الجريمه ، عاد وش صار بعدين هذا مشفر ما اقدر اقوله م3 ،جعلكم الله من صموامه وقوامه ، اللهم آمين ، غمازا م9 ، التعديل الأخير تم بواسطة أبــ Jo$eph ــو ; 03-09-2008 الساعة 10:26 AM. |
|
|
|
|
05-09-2008, 03:58 AM
|
#9 |
|
رد: صيامنا ايام الطفوله
اذكر ان امي تقولي انه مهب واجبن عليتس الصيام .. الا إذا بلغتي  .. وتقولي صومي لين العصر ثمن افطري هذا صومكم يا الصغار .. بس مانب اقتنع بها الحكي وشو اللي اصوم لين العصر وهم يصومون لين المغرب .. واذكر بعد ذيك الأيام ابي اصلي التراويح .. قلت لمي يممماه اصبعي منجرح ويطلع دم يعني انتقض وضوئي صح .. قالت لاء .. قلت الا حنا دارسين ان منقضاة الوضوء خروج الدم .. قامت تضوحك ثمن قالت لاء مهب كيذا ماعليتس مهب ينقض وأأأها بسه عن كثرة الأسئله ورغم كل الحكي .. يومني جيت لم خامس وسادس صرت اصوم زيي زي اهلي .. وش ناقصني عنهم لازم اني ابلغ عشان اغدي زيهم اصوم وافطر واقوم بواجباتي زي خلق الله ?! فكرتس حلوه ام غميزه .. بس ما اذكر قصص كثيره عن رمضان بصغرتي ولا كان تكيت عندتس .. ياحبيلتس |
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
المواضيع المتشابهه للموضوع: صيامنا ايام الطفوله
|
||||
| الموضوع | كاتب الموضوع | المنتدى | مشاركات | آخر مشاركة |
| . . ~ زكريات ايام سعيدهـ ..لحزااات بعيدهـ عالئلب ئريبة ( l ) × مشاركـة . . | فله تلعب سله | برواز الملحق للصور و الفيديو | 2 | 13-08-2008 09:46 AM |
| . . ~ زكريات ايام سعيدهـ ..لحزااات بعيدهـ عالئلب ئريبة ( l ) × مشاركـة . . | فله تلعب سله | ذهب الملحق | 2 | 13-08-2008 09:46 AM |
توبيكات :: الغاز :: شات :: العاب :: بلوتوث :: مركز تحميل :: برامج :: افلام :: زكرت :: طبخ :: فوتوشوب :: تصوير
 |
 |
|||||
 |
|
|
|
|
|
|
العرض العادي
