mas3od

توّي راجع من العيال وداخل ل البيت ..

حسيت إنو ف البيت حريم جايات يزورن .. هو الإحساس بصراحه جاني وأنا عند العيال ..

لحد يسأل كيف ..؟ أنا بنفسي ما أدري كيف !!

أنا حمار في كلش .. إلا هالسوالف ..

ما علينا ..

الوضع تمام الحين .. ما باقي إلا أحد موقع تمركز وتواجد الليديز ..


إنبطحت بالحوش وحطيت إذني ع البلاطه .. قعدت إسمع طقطقه الكعووب ..

عرفت هم إنهم بالصاله اللي ع اليسار ..

سكرت زرارات ثوبي .. وشلت غترتي من كتفي ولبستها ونسفت وشخصت ..

دخلت البيت بطريقه ( مدرعم ويعننّي ع مدري ) ..


خشيت بالصاله ..

عاد أول ما خشيت الصاله يبدا شغل عقلي الباطن ..


تبدا الثانيه تمر علي كأنها دقيقه !!

تبدا الحركه تصير بطيئه حيييييييييييييييييييييييييييل !!

( زي بطئ حركة إنجلينا جولي لا جت ترمي بالمسدس ب فلم " ونتيد " )

وعاد يبدا شغل القزقزه وبحلقة العيون وتصفّح وجيه البنات بدقّه عاليه وبوضوح ال دي في دي ..

أول ما خشيت ع الصاله بديت أتمقل فيهن ..

إشي سمرا .. إشي بيضا .. إشي دبه .. إشي نحيفه ..

واللي توها بتشيل اللثام بتغطّي وجهها .. واللي حطّت الصينيه ع وجهها يقالها تسترت ..

واللي تنقّز حواجبها وعاجبها الوضع ..

الوكاد ما كملت دقيقه ع حساب عقلي الباطن .. وثانيه ع حساب الواقع ..

إلا ذاك البقس اللي جاني من " ذات البرقع الفتّان " .. أمّي

( زي بقس براد بيت يوم يمثل دور الملاكم الغجري ب فلم ستاتش ) < هذا اللي ركّب الشوتايم وإزعجنا ..

وقلت بيني وبين نفسي : ( أردها لك يا أم مسعود )

وأنا اللي أسوّي فيها منصرع وأطيح بالصاله ..

ويبدا بعدها الحساب بالتوقيت الواقعي ..

والبنات بدن يناقزن والحاله تنقلب فوق تحت ..

اللي تجيب ماي بترشه علي ,, واللي تبتسي ,, واللي تدق ع أبوها يجي ياخذها ,,

ما أدري إلا أمي جايبه طفاية الحريق ..

والبنات يبدن يقولن : حرام عليك راح يختنق إذا رشيتي عليه من الطفايه !!

وأمي تقول : من قال إني برش عليه ..؟ أنا بصقعه ع دماغه عشان يصحى !!

أنا سمعت هالحتسي من هنا .. ونطيت ع طولي وقمت من هنا ..

أخذت الغتره والعقال وحذفت الطاقيّه ع اللي تنقز بحواجبها لي ( يقال له تذكار )

دخلت غرفتي وسكرت الباب ..

وشغلت عقلي الباطن .. ورجعت التسجيل ع ورا وبديت أقزقز بهداوه وبتركيز

وأشغل زوايا عيوني من يمين ومن يسار ( ياهو يسوي شغل هالعقل الباطن )

والوضع آخر إنبساااط وفرفشه ..

ما دريت إلا اللي كاسر علي الباب ومعه ساطوره ..

ع طول طفيت عقلي الباطن وأشوف منهو إلا أمي ..

أمي والشرار يتقادح من ناظريها ..

قالت :

إعنبوك شسوي فيك أنا .. ؟

أذبحك وأفتك منك ..؟ أقطعك أوصال وريش وأرتاح من همك .. ؟

أنزل بالجرائد برائة ذمه منك .. ؟ ألفك بقماش أبيض وأحذفك عند مسجد .. ؟

رديت عليهأ وأنا أحاول اهدّي الوضع :

لا لا أهدا من كذا يا ست الحبايب .. أنا ولدك ودلوعك وحبيبك ولو ذبحتيني من راح يونسك ..

أبوي مثلا ..؟ تبطين والله اللي ما سولف معتس !!

بعدين ليه كل ذا .. ؟ تدرين إني مدري .. إي والله مدري ..


ردّت :

لعنبو حيك هذي المرّه المليون اللي تسويها فيني .. وياليت تدرعم ع العجز .. ؟

ماتدرعم إلا إذا جابو بناتهم ..

إنت عارف إن بعد شوي حريم الحاره يبون يسوّون مقاطعه لي ولا راح يزوروني ولا أزورهم ..

ليه ليه ليييييييييييييييييييييه قلي بس .. ؟

إنت لازم تاخذ جزاك وتفكني من شرّك وتغسل ذنبك !!

إتشهّد ع روحك

//

والله وهي تحذف الساطوره علي وأنا أنقر وأطب من الدريشه واركض ل الباب ..

وهي تطلع من الدريشه معها قوس وتبدا وتنبطني بالإسهم وأنا أتلافاها كما الغزال ..

طلعت برا وأتصل على " علاّوي " ..

ويمرني بسيارته ونبدا ناخذ لنا كم فرّه بالسياره ..

ونروح المطعم وناكل ..

وأنا قاعد أغمس الشيبس بالكاتشب بشفاحه وتجيني رسايل من " عقلي الباطن " مفادها ..

( إلحق إلحق إلحق .. جيران خوالك مسوين زياره ل جدتك .. وخبرك عاد فيهم كلهم مُزز )

وأنا اللي أناظر ل " علاوي " وأقول له :

عطني غترتك وعقالك أنا نسيت غترتي وعقالي بالبيت .. ونزلني ل بيت خوالي ..

إنتهى ..

مفحطه بسيكل

هااااا بشر وش صار ببيت خوالك ..

لا يكون صار مثل ماصار في بيتكم

يصلموو خيوو على هيك موزوع ..

ولا عاد تعودها ..

آتعبني الترحال

الطفشان

طيب متى الجزء الثاني لايصير برمضان اللي جاي

بس والله انك جريه تدخل كذا سلام سلام لا وفوقه مدرعم والله انك زاحف


ترى وش بيصير ابيت خوالك نصبر

mas3od

mas3od

mas3od