الملحق يستضيف [ناصر القصبي] طوال أيام عيد الفطر المُبارك ..

youSsef · 30-09-2008, 11:22 AM

بسم الله الرحمن الرحيم

ملحوظه // العنوان لا يمت للموضوع بصله

أولا بأسمي ونيابة عن نفسي وأصالة عني أقدم أزكى وأطهر وأنقى وأكرم وأحمد ومصطفى أيات التهاني والتبريكات إلى مقام سيدي خادم الحرمين الشريفين (عبادي) وإلى عضده الأيمن وكتفه العلوي ورباطة جأشه ورباطه الصليبي هاهاها (ابو خلودي) كما لا أنسى أمير منطقة الرياض التابعه لها منتديات الملحق (يحسب ان الملحق ضمن فعاليات مدينة الرياض ) سلمان بن عبدالعزيز حفظه الله وأمده بشرشف الصحة والزراعه والمياه والعافيه .. بمناسبة حلول عيد الفطر المُبارك أعاده الله علينا وعليكم باليمن والمسرات وكل عام وانتم بخير وتقبل الله صيامكم وقيامكم ومنكم المال ومنه العيال وبالرفاه والبنين ..

ملحوظه أُخرى// جميع ما ذُكر اعلاه لا يمت للموضوع بصله

جمعنا الكريم .. تعلمون يا رعاكم الله ان اليوم هو يوم عيد وأكيد ما صار يوم عيد الا ان فيه احد شايف هلال العيد .. وأكيد انهم ما اعتمدوا هاللي شايف الهلال الا انه مصدر ثقه .. تتوقعون اننا بنتساءل نقول كيف طيب صار مصدر ثقه .. لا يا حلوين غلط عليكم مب هذا اللي نبغى نوصله .. اللي نبغى نوصل له ان هالرجال رجال أجودي ولا لولا الله ثم هو تسان الحين انتم والباكستانيين صايمين سوا .. طبعا تتوقعون ايضا اننا بدورنا نشكر هالرجال .. بس تتوقعون تسوى على واحد بحجمي وبمكانتي وبعنتريتي وأبضاييتي اني اشكره .. ما يخسى الا هو .. بس حبيت اعلمكم ان اليوم هو عيد والتاريخ كان 1/10/1429 وانه يوافق يوم الثلاثاء ..

ملحوظه // ان تسانك مليت تقدر تكمل

طقوس العيد عندكم تختلف من شخص لشخص ومن طقس لطقس (تراها ما تختلف من طقس لطقس الطقس هو واحد بس حبيت اقولها كذا يعني كاضافه) فيه ناسن يتعيدون من صباح الله خير .. وفيه ناس يروحون للقصيم وجده والشرقيه ومكه وشقراء والقويعيه وضرماء وصبياء وابو عريش (ما يخسون الا سدير اقول ان احدن رايحن لهم) .. وفيه ناسن يتعيدون عقب الظهر ما ادري وش يحسون به في القوايل مشتهين يشوفون بعض الله من زين الدبره واختيار الوقت السليم رغم انهم اهون من ربع الصبحيه اللي يجلدون في اللحم والرز الله من التسبود بعد .. وفيه ناس يتعيدون مع مسجدهم ولا يطلعون من المسجد الا حول الظهر .. وفيه ناس الآتيكيت يتعيدون في شاليه ولا استراحه في الليل وتسذا حركات وكشخه .. وفيه ناس يتعيدون ثاني العيد يعني كأن يوم العيد مب فاضين لبعض وكذا .. وفيه ناسن رخوم يتعيدون عند خوالهم حتى ابوانهم يتعيدون مع اهل حريمهم .. (عاد انا منب قايل لكم كل الناسات وش يسوون)

ملاحظه قبل الختاميه // ترانا على جريف ان تسانكم معزمين عزلنا

ففي جمعنا المُبارك هاهُنا نبي كل واحدن يجي ويعلمنا وش صار في عيده ووش هو عيده ومتى يروح لعيده ووش هي يوميات عيده (يا ناس عيده هذي وش تقرب للطيفه ) .. واللي عنده موقف في العيد وجميع ما يختص بـ ما يحدُث وما سيحدث وما يتوقع ان يحدث وما يحلم ان يحدث وما هو لن يحدث وما سوف يحلم ان لا يحدث وما يصيب حادث بـ العيد أو يوم العيد فترى رقبتي سداده (هذا اللي يسمع بالمرجله )

ملاحظه على السطر // ترى فطيرة الجبن حقت الفخار مب ذاك الزود

ولد قرية · 30-09-2008, 11:49 AM

فيه احد لاعب عليه وقايل له بكره رمضان ومتسحر على حبوب
انا رجال ابحث في قوقل عن ناصر القصبي وفجأه شفت استضافه قلت كفو خلني استلم سليم بهاك الاسئله اللي لا شاف طولها اعتزل مجال التمثيل الا هالرجال جارني على وجهي
وبما انك جريتني قلت عاد شينه اني اروح واخليك بدون ما ادون مشاركتي معك والصراحه مقلب العيد بالنسبه لي هههههههههههههههههههههههههههههههههههههههه

شف يا طويل العمر حنا عيدنا نقوم من النوم << تبي الصدق العب عليك اصلا ما ننام
يعني نصلي الفجر والقى اهلي مجتمعين في الصاله ومعهم قهوه وتمر ولازم تاكل تمرات فرديه يا 3 ولا 5 و7 << احد قايل لك انهم ما يعرفون الاعداد الفرديه بعد ما ناكل التمر
ما يمدينا نتواسى في جلستنا الا ونروح نصلي العيد اذا صلينا العيد تبدا مشاويرنا اول شيء تودي اهلك للاستراحه وعاد خذك يا ازعاج وقلق وصجه ولجه وسلام وكلام واحلام ونوال الزغبي
اذا افطرنا طبعا الفطور اللي قلته رز ولحم وجريش وقرصان وصفة النعمه الله يديمها ولا يحرمنا منها تلقط اهلك وتبدا تذبهم في كل بيت لمدة تتراوح ما بين ربع الى نص ساعه وانت في هالوقت تشغل fm وتستمتع الييين توصل اذان الظهر او عقبه بشوي واحيانا توصل للعصر ترجع بيتكم وتحط راسك لين المغرب او قبل العشاء بعدها تروح لجمعة خوالك وتجلس عندهم

طبعا العيد هذا استثنائي لان شفت ربعنا اللي قلت لك نروح لهم الصبح خلوها هالسنه في الليل عشان نصير اتيكيت ههههههههههههههههههههههههه بنشوف وش يصير ونرجع نعلمك ولا تنسى اذا كلمت عبدالله السدحان عطني خبر هههههههههههههههههههههههههههههه

مفحطه بسيكل · 30-09-2008, 12:31 PM

طبعا نكون سهرانين .. ونتضبط من الليل .. << شغل بنات ما تعرفه خخخخخخخ

المهم ..

ونجلس لين الفجر بعد الاذان نصلي ونعين من الله خير

المهم ..

و نلبس ونتكشخ على بال ما يطلعون من صلاه العيد ..

بعدين نسلم عليهم وكل شي بالحياه ونفطر ..

وننام وبس ..

و بعد المغرب نصحى عشان نلبس ونروح الاستراحه ..

ونروح وننبسط << احلفي

المهم ..

ونسهر بهالاستراحه ونوسع صدورنا و نرجع بالليل ..

وبس هذا هو عيدنا ..

عاد باقي الايام يا نطلع نتمشى او نروح المزرعه وبس

يا ملح عيدنا بسيط و وش حلوه

ملاحظه : كم مره قلت المهم

مشكوور خيوو ..

youSsef · 30-09-2008, 01:10 PM

بما اني لا استطيع تدعيم موقفي بالصور .. فأنا رجُل مضطهد ومُحارب في كلآ الوقت ..
للأسف أن عيدنا لا يمثل لي سوى (نفاق اجتماعي) - قسم بالله انه سامعها من واحد في الشات وأستهلك الكلمه بما فيه الكفايه .. خلاص يا يوسف غيرها قسم بالله طلعت ماصله من جد- حتى واصلت الاضطهاد مع نفسي واصبحت لا اتقبل ما تطرحه نفسي .. لله دُر نفسي كم هي دنيئه ،،

العيد كان يُمثل لي في السابق اننا ما نتعيد في الرياض .. كانت كذا غطرسة أبوي فأبي رجل متغطرس .. ما يمشي الا على رايه .. كنت أتوقع ان العيد حاجه كويسه .. ومتلهف للعيد لهفه غير طبيعيه .. لدرجة ان مرتن من المرارير .. أعطى ابوي الضوء الاخضر لأميمتي قال لها تسانكم تبون ترجعون للرياض مشينا عقب الختمه .. فأبت والدتي العزيزه اننا نرجع للرياض ويتضح لي أنها لأعذار شرعيه .. وحزنت حزن شديد وضاقت بي الارض بما وسعت وكرهت الدنيا وقمت العن واسبسب في مكه .. ايه نسيت أنوه لكم اننا كنا نمشي للرياض يوم العيد .. يعني لعانه ما نبي نحضر العيد .. فزي ما قلت لكم كنت متحمس بـ قوة للعيد في الرياض .. وفي أحد السنون شاءت قدرة الباري اننا في ذيك السنه نتعيد في الرياض .. ويآ لها من فرحة غريبه .. حيث اني كل هالسنين الي قبل ما كنت البس طاقيه .. يعني ما بعد حتى وصلت لمرحلة الشماغ .. ذيك السنه خربتها وشريت شماغ وطاقية وعقال .. الغريب اني من يومني يرقه ما كنت اعترف بالبدل من عرفت الدنيا وانا البس ثوب .. بس سر مقاطعتي للشماغ ما ادري وش سببه .. قد يكون عائد لأصولي اللبنانيه والله أعلم

كنت متوقع ان العيد هو (الفلوس) .. وش جاب لـ جاب ما ادري .. بس كنت اذكر عيال خالتي كل واحدن يجي وهو معبي الحزمه .. وانا ضعيف ما عمري جمعت عيديه لا عماني يعطون ولا خوالي يعطون آلا من بعض المرات كانت تشق علينا أُمي بـ 100 ريال حسب المزاج .. طبعا الـ ميه هذي ترجع للتجوري مره ثانيه بطريقة تزيد ولا تنقص .. فارتباط الفلوس مع مفهوم العيد عندي كان (حُلم) لا اقل ولا اكثر .. تعيدت ذيك السنه في الرياض ولا تعيدت عند عماني حيث اني كنت مسوي رجال ومسوي محرم ورايح مع أمي لاهلها <<-- خشة تناظر نفسها باستحقار .. رحت لهم لا بارك الله فيهم من جد قسم بالله قهر ما يستحون على وجيههم .. اول شيء متعيدين مع مسجدهم وشوله حاطين عيد ما ادري .. وعيالهم اللي يعني مفروض اني اصير صديقهم ونحب بعض كل واحد حط راسه ونام .. حتى تشخيصة الكوبرا كان مشخصها لي اخوي في البيت ومضبطها لي قسم بالله لين رجعت البيت وهي ما خربت في الاساس هي ما كانت كوبرا بقدر ما كانت (عُرف الديك) .. على فكره اخوي اللي مشخص لي في ذاك الوقت ما كان يلبس عقال

بعد هذاك العيد صراحه كان العيد بالنسبه لي (صدمه) يعني كنت متوقع العيد حاجه حلوه مره .. وأكون صادق معكم طاح (العيد من عيني) بس ما طاح لذيك الدرجه يعني كنت متأمل في عيد عماني انه بيكون افضل نوعا ما .. من عيد ملاعين الجدف اللي تعيدت عندهم أول مره .. للأمانه ما اذكر السنه اللي بعدها تعيدنا في مكه ولا في الرياض - انا مدري علمتكم ولالا ترى مكه ما يقرب لنا فيها احد بس نروح هناك نصلي العيد ونرجع للفندق نفطر وننام ثم نرجع للرياض - الزبده ان فيه سنين جت وصرت اتعيد عند عماني مب عماني اللي هم اخوان ابوي لا ناس شوي بعيدين .. حتى اذكر من احد القصص اللي صارت لي عندهم مره ما ادري وش كنت احس به بصراحه .. يعني كل ما تذكرت شكلي فقعت ضحك على نفسي .. تخيلوا رايح للعيد متلطم جاء واحد سلم علي وذاك عيااااار العالم اسلم عليهم يقولون لي كل عام وانتم بخير ومدري ايش وكذا مط حتسي .. هذاك سلم علي وقال احسن الله عزاك ..الخ من مصطلحات التعزيه ثم قام يتبيثر علي شوي لين قلت تقلع يا عبدالسلام الهليل .. طبعا كنت اتوقع اني ذبيت عليه ذبه صميميه من قوتها قام يتدحوس لكن يبدو انه قال لابوك بزر
بعد السلسله من الأعياد هذي .. بديت اقول زي ابو سدحان (يا زين مكه) .. لكن عنطزه ابوي ومزاجيته وحبه لقلب الاراء ما عاد صار ياخذنا لمكه ليش ما ادري يعني يوم اني كنت ابي عيد الرياض كنا نتعيد في مكه ويوم اهتويت العكس سحب علي

"بارجع مع برنامج العيد وعيدي هالسنه"

مـنـ س ـمـه · 30-09-2008, 06:00 PM

آآآآآآآآآآآآآآآآآآآآخ بسس .. قلبت المواجع يا يوسف ( فيس يتنهد )
شوف يا يوسف بقول لك قصت عيدي هالسنه مرض والعياذ بالله
يوم اني قاعدتن عند اهلي وعييت عليهم نسافر لم الشرقيه حيث اني ما احب ريحه البحر
وانزنق امس وقبله بلبس العيد لآلآلآ وازيدك من الشعر بيت .. ولدت خالتي امسس
وتوهقت زياده
الموهيم .. درت السوق اليييييييييييييييييين تكسرت رجولي كسره كسره
عشان عيدنا الصبح .. وبالاخير لقيت لبس ومشيت حالي بووه ..
يوم رجعت لم البيت .. وألقى مكيف غرفتي خرباااااااان وانطز بالصاله ونمت
واليهود حولي منهبلين .. وعصبت وطنقرت وطلعت ام العبيد
ومارحت .. سبحان الله .. مكتوب لي
" اللهم لآلآلآلآلآ إعترااااض اللهم لآلآ إعتراض "
إيه بسس والحين قاعده اكتب لكم رد ومهنا طلعات
خل الوشسمه ينفعني
شكلي طولت عليكم
بس اي احداث بمسط بها هنيا
بروح اشتري طرطعان خل بدردع بالحوش <-- شوفو الرقه والانوثه

آهلاً أهلاً بالعيد مرحب مرحب بالعيد

آتعبني الترحال · 01-10-2008, 12:46 AM

السلام عليكم ... وكل عام وانتم بخيـــر ...
ياهوووووة ياعالم ترانا عيد وش فيكم ....
انبسطووو وفلوها ... ومهب لازم يعني تتعيدون بفلوس شوفو انا عيديتي عشرة ريال وانا رجال وشنبات ولا زعلت ولا شي بالعكس اخذتها وباشرت بها على خوياي بركة بركة
وبعيدن عيد اول يختلف عن الحين ... اول كنا نجهز الملابس فوق السرير قبل العيد بأسبوع وكل مابغيت انام ضفيتهن على جنب ونمت ومن بكرة رجعت افرشهن على السرير مرة ثانية ..... حتى توصخن من كثر الحووسة
وكانت المراجيح والزحاليق وعيال الجيران
عاد اليوم وانا طالع من البيت اشووفهم صارو كبار مدري متى!!,,, بس سبحان الله نكبر والاشخاص الي لهم ذكريات معنا يبتلون بصورة وحدة < الحين وش تبي توصل له ؟.
........
ايه عيدنا هالمرة روتيني كالمعتاد ........ مواصلين وسهر ,,, ثم بعدها صلاة العيد وتلبس وتكشخ ,,, وحلا وقهـــوة .,,,وكل ماعيدت على احد توقف ساعه تناظرة يعني العيدية بس بتلميح خفيف
ونجتمع ببيت جدي ابو الوالد الله يبقية
وتجلس كل شي تطل على السعه نتظر يقولون يالله
حتى مابك حيل تسوولف وتجلس ساعه تدور سالفة تتناقش فيها بدال الصمت الذابح ... ونظطر نفتح سالفة المسلسلات والخرابيط الي ماتنتهي شفتوو وش صار بذاك المسلسل وشفتووو مدري وشو
وبعيدن ,,, نعُد لديار عبلة ,,,, ونجلس شوي نحش وش شفنا وماشفنا وهذا ذب وهذا لمح وهذا مدري لين تخلص كل الجهود الرمضانية في العبادة
ومن بعدة ( النوم ,,, )
وليتك تنام مثل العالم الجوال رسايل مالها فايدة ابببببد ,,, وياحظكم يالأتصالات
والحين انا معكم ,,, من بعد الكلبشات ... ( وتحية لهتلر قصدي سلفر )
واذا جد جديد باليومين القادمات سنوافيكم بالتفاصيل ....
مراسلكم من قناة العربية
وتحياتي يووسف على الموضوع خليتنا نعبر

***
والعنوان لاتعليق ..... مااقولك وش فكرت ...على طول قلت في بالي بصادق ناصر القصبي يمكن يخليني امثل برمضان الجاي مع فتاة احلامي اغدير السعيد
ودمت بخير ....

youSsef · 01-10-2008, 10:16 AM

عُدنا !!

برنامج العيد عندنا .. هو انك تروح في البدايه لبيت جدك لين يجتمعون البشكه المُباركه .. ثم يقررون الانطلاق للبيت المستضيف سواءا في بيته او استراحته وتجلس عنده تفك كشرتك وانت قافله معك من الحر أول شيء ومن خششهم الودره ثاني شي .. ومن بعض مصالتهم اذا جيت تسلم .. ألين ما يقلطونك على هذاك الشيء اللي تسبودهم تنطح فيه ولاهيب تخالف .. يرجعون يسولفون مع بعض مرتن ثانيه .. طبعا انا في هذي الاثناء اجلس في احدى زوايا المجلس .. منزبخ مكتئب أحس الدنيا مُظلمه أمام عيني .. وأقول آيييييييييييييه متى يخلصون .. بعدها تحدث الرجعةُ الكُبرى .. يعني نرجع لبيتنا تصقعها نومه ألييييين ما تقول آآآح اذا قلت آآح ولاك بعد العشاء تذهب إلى حيث يقطُن أخوالك في احدى أحياء مدينة الرياض العظيمه .. تجلس عندهم ألين تطقك الغلقه وترجع لبيتكم .. وبهذا يكون (إنتهى العيد) .. ما غير مرمره وضيقة صدر ،،

فـ أبيت ان استمر بهذه الحاله

قلت يا ابو يعقوب ما بدهاش رغم اني منب ابو يعقوب بس هيك يعني ودي اقول ابو يعقوب فيه أحد في راسه شيء .. مسألة اني باروح اتقضى واشتري للعيد فهي أبطت .. مع اني ودي افصل ثياب ولكن حقانتن في الأخ (عيد) قلت منب مفصل لين يخلص ثم باروح افصل عقبها <<--- واحد لاعب عليه قايل له ترى الاسعار تزود .. والله شفت واحد ذاك اليوم في محلات النعال على طريق الملك عبدالله .. المُهم يسأل اليمني بكم هذي قال له بـ 180 فق عيونه وقال هذي هذي اللي في يدي يعني يقال لك اني مستغرب من السعر قال له ابو يمن بـ 180 قال أخونا في الله وهو يبادره في سؤال يعنني انا الذكي اللي قافطكم قال كم كان سعرها قبل 4 أيام قال ابو يمن بـ 220 عاد انلقم وجهه وقال كانت بـ 90 ريال ودبلتوا الاسعار <<-- فاتضح لي ان واحدن قايله ان في العيد تتدبل الاسعار وهو فهمها بشكل حرفي أثابه الله المُه بقريح هو ونعلته .. فكنت أقضي كامل يومي متسمرا أما جهاز الحاسوب .. وادور بين طياته على أمل اني القى احد يوانسني في عيدي الالكتروني ،،

صليت الفجر رجعت مرتن ثانيه .. راحوا يصلون العيد وللاسف ما صليت .. عاد وقتها بديت اضرب اسداس في اخماس مع نفسي يا ابن الحلال رح سلم على جدك وارجع مب لازم تروح للعيد وكييذا .. فاستتبت نفسي ثلاثا وتبت في الثالثه وقررت اني اروح اسلم عليه .. سلمت عليه وهم بيتحركون بيروحون للعيد وبحركه عُكيفيه جحدتهم ورجعت للبيت .. رجعت لعالمي الالكتروني مرتن ثانيه على الساعه 7:30 .. توقعت كل العالم بيتعيدون .. لقيتهم كلهم فيذا حتى شيليويح يوم جت 9:00 لقيته داخل النت ومصيول ما تعيد بعد بينما انا كذلك على أساس اني ناوي ارجع انام لكني وبقدرة قادر رحت افطرت (حمص باللحم) وجه يناظر سطير ويلحس اصبعه .. يوم جت 12 الا شويتين صقعتها نومتن بالطريقه التي سبق آنفا ذكرها أليييييييييين بعد العشاء .. بعدها قمت وحسيت بفراغ عاطفي والنت ما ادري وش فيه رغم انه صاير سريع الا انه فاااضي ويشكو من الوحده .. ورحت لخالي حيث يجتمع الباقين .. وجلست عنده حتى شعرت بالغلقة مرتن أخرى ..

س / هل ولد عم ابوي قال لهم (سُبحان الله الحين لو تجيب رز ولحم وجريش وقرصان في يومن من الايام ما استسغتها لكن في العيد كلشن يجي) ولا لا ؟
س / هل العيد صدز العالم يستانسون فيه وانا انسان مضطهد ولانيب استانس فيه ولا كل الناس مثلي ؟
س / هل ثاني العيد يصير زي يوم العيد بالنسبه للناس اللي يستانسون فيه ؟
س / وش يسوون في الايام الثلاثه عشان يتممون مراسم الاحتفال بالعيد ؟
س/ الحين ناصر القصبي بيجي ولا هون

ستاربكس · 01-10-2008, 11:06 AM

مراحب .. ..
اول شي شفت العنوان قلت ورا يوسف مطيحن الميانة على ناصر القصبي ولا كتب الفنان ناصر القصبي .. .. وقلت هه فرصتي عشان اقول له لعد تعفط وجهك كثير وخلوا السدحان يعتزل اصرف ,, وإلا ارجعوا لطاشكم احسن من عيال قريه ..

ثاني شي كيبوردي مقلع انا قلت لكم وإلا لا .. ؟ <-- رزيته في التوقيع بعد ..
اي يعني تراني بـ اليالله اكتب وحالتي صعبه , مدري جرير يفتح ايام العيد وإلا محد عندهـ خبر ., ؟

ثالث شي عيدنا وش زينه ووش ملحة .. .. بس لا يصير علينا الدور .. احنا نمشي بـ الأدوار فـ كل سنه يصير على أحد الكبار وهـ السنة صارت علينا .. فـ ما حسيت بـ العيد , كنها عزيمه عاديه بس انها في الصبح .. ولا اكلت من حلاونا ولا عيد ولا شي .. رحت مواصلة وهذي ثاني مرهـ اسويها في عيد , عشانه عيدنا بس ولا ابي اتأخر على اهلي , ومن الحماس جت الساعة 5 ونص الفجر وانا خالصه كلش ..
ولا رجعنا البيت تسدحنا ونمنا لين المغرب , وبس قضى عيدنا في الليل كان احد من اخواني فاضي طلعنا تمشينا , ومن بكرا نمشي للديرهـ .. اللي مهيب جايزتن لك انت يا يوسف .. .. يومين ونرجع نسلم على الكبارين اللي هناك , خال امي وما شابهه , ومرات نسحب عليهم ولا يروح إلا ابوي , ونروح الشرقيه عند خوالي .. اربع ايام خمس ايام ونرجع .. وهـ السنة راحوا اهلي وما رحت انا .. ومدري عن الشرقيه فيه وإلا مافيه هـ السنه .. ح0 ..

ثاني وثالث ايام العيد هذي نسمع بها .. ومرات اروح مع اختي الكبيرة اسلم على حمولتها .. قاطه معها .. حمولتها ماشاء الله طول ايام العيد في استراحة وصبح وليل نفس الخشش .. الله من الطفش ..

وهه هذا عيدنا ., ..

اي اي صح , نسيت اقول إن كل سنة كل واحد من اهلي يعطيني عيديه .. .,. بس هـ السنة محد فاضي لي اصلاً .. عشان العيد عندنا , زين اني سلمت على ابوي وعايدته .. ولا شفته إلا بـ الإستراحة , واخذت عشرة ريال منه عيديه الصغارين .. ..

الحين بس صدق قضى عيدنا ..

A S 6 O R H · 01-10-2008, 11:39 AM

خخخخخخخخخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخخخخخخخخخ
على تبن يا شيخ .. اجل اللي مشخص لك الكوبرا كان ما يلبس عقال خخخخخخ .. يا رجال تراها للحين في قلبي يبي لنا يوم نحجر اللي شخص لك ونسئله عن الاسباب خخخخ .. معليش يوسف جد معليش خخخخخخخخ .. يعني انا قد شفتك بشماغ مره واللي هي كنت اعتبرك لابس شماغ .. ولا من اول ما كنت معتبرك شي لـ انك مجرد حشره في عيني وانت عارف اني كلما شفتك سحبت عليك وهشيتك قلت لك رح اللعب مع عيال القراوهـ ( اشوى اني قروي اكثر من يوسف بس ما ودي اقول عيال الاعراب همن اللعن من اللي فيذا ) يعني جد يوسف انت كنت تعتبر الشماغ مرجله .. بينما هو كان معتبرك حنان بـ النسبه له .. اجل لطمه وان غيرتها لعنتها ببنت البكار .. بس صدقي يا يوسف طلعتا رجال بعيني يوم اشوفك جاي للملعب وحنا نلعب مع المساطيل .. ولا دريت انك جاي الا بعد المباراة لـ اني ما كنت فاضي اشوف الجماهير لـ ان الفلاشات ملاحقتني وين ما اروح هل هو السر اني الوحيد اللي بين الملحق و المساطيل متراهنين انو من يلقط لي صورة وانا بوضع اباحي .. الشاهد اني شفت الكوبرا مقبله علي كنها محيسن الجمعان ( هاهاها <-- تفو عليك يا يوسف كله منك ) اشوف واحد رزهـ و رسمي الصدق والشهاده لله اني ما عرفتك تدري ليه .. لـ اني يوم اللتفت عليك بشوفك المصوريين قامو يصوروني ولا انت شيفتن تمشي لو من ريحتك المخنزه عرفتك .. بس الحق ينقال طال رزهـ يا كلب ما توقعتك رسمي .. يعني ينفع اكشخ فيك صدقني واقول ان خوي " صاحب سمو ملكي " لا ومن زين الطبع فيني يوم رجعت لكم بـ الاستراحه بعد ما قضيت من ابو يمن متفاهمين لبست البرمودا الجينز انا و خشتي و القميص الابيض والاستراحه كلهم ثياب و شمغ .. مير اسحب على مندوبكم واروح اتروش واحط من اللوشن عشان اذا قلطت الرجال للسحور اصير نظيف .. حسيت اني الدلوعه حقكم .. وفي روايه " الخكري " <-- المرجله صارت بـ اللبس اجل اهل العقول براحه .

مدري يا يوسف ودي اتكلم عن عيدنا بس كله قلته لك بموضوع عيدك مبارك اللي مسنترين فيه انا وياك يوم العيد .. بس الشاهد اني برجع لك واكمل لك وش صار بـ التفصيل الممل يومني فصخت شماغي وينكبون علينا موكب الليم والمجلس امتلى فل وانا في ريبتن من امري واجحدوها بقولتي ريبتن في امري
لي رجعه ع التعليق ع ردودكم ان شاء الله .

SweٌRa ,’ aL shjaٍ3aH · 01-10-2008, 04:13 PM

أحلاا تعيدون مثلنا وبعدين مع التقلييـد

لاا لا وش هالعيد يالي عيدنآهـ آنواع الوع <_ يآي

عيدنا مررـآ أي شي كلـ9 علشان رب أسرتناا عندهـ دوآم الله والدوآم عآد وآعلياا يعيد تحت الأرض <_ حشى حفآر منآجـم خخخ

يآرب يحترق بترولكم

تصدقون موآعدهـ عيال خآالتي وعيال جيرانا نسوي خنبقآن وكيذا بالألعاب النآريـ9 <_ شلون الفصحى
بس نسيت

العيد الي طآف جآ ولد جيراناا البخآري كبيير يمكن قدي أو أكبر قال ميد أخوي الصغير نآد أختك نلعب بالشسمـه معـهم زي كل سنـه مو مقدر إننا صرنـآ حريم ولاعد نطلع آخوي مع إنـه في رابع إبتدآئي إلا ويخلي وجـه الولـد وطـّــآيـه welcome خخخخ

طبعن عيد البنآات غير الصبيان إبتدآئن من خرابييط الإستقبال إلا العشيآات برا البيت

حسآافه مآصليت العيد بالمسجـد خوآتي الحقآرير مآصحوووني قآال إيش قآال منب نآقصين فضآيح

والله منيب أسوي شي بس هم خآيفين آمشي وأصور

آبـد أنواع الدجـه مع أمي يقالنا الحين مآقد رحناا بيت خالتي ولا كأننا نفطر برمضآن كل كم يوم عندهـم جد إستهبال سعودياات لا ودآقين الشيآكـه يعني حتى عيال كبآر مآ عندهـم <_ نعن وجهتس دويشرهـ

والليل قضيناه عالبحـر رقص وونآسـه وخرابيط بنآات بعدين كل وحـدهـ رجعت البيت يغمى عليها وتنآم

وبكـرـآ آبوي بـ يمشي للديـرهـ العظيمـ9 التي كم وكم أمقتهاا ( الغريف) <_ يعني الحين أنعرفت خخ

وحتى أخواني مسافرين يعني أنتوا يآأل شجآعـه أنسوا تروحون مشآوير بعد اليوم

يالله ودي أنزل كل الي صورتـ9 بس متعيجزهـ (فيس أمي تدعي الله يفطمتس عن التصوير)

لكل الي مـر من هيناا
7

يوسف بس بس يختـك دآيمــ9

الملحق يستضيف [ناصر القصبي] طوال أيام عيد الفطر المُبارك ..

تكية الملحق