جريـدة الريـاض تـرز (قناة الملحق) اليـوم

شليويح بيك · 30-09-2008, 12:39 PM

السلام عليكم

كل عام والجميـع بـالف خيـر

اليوم وانا اقرا الجريـده لقيت خبـر عن الحقوق الفكـريـه ويتكلمون عن اليوتوب

واشـوف ذيك الصـورة من قنـاة المـلحـق اللي نغطي فيها اهم البرامج والمسلسلات على اليوتوب

YouTube - Mal7aq's Channel

رابط الخبر من الجريدة

جريدة الرياض : حقوق فكرية "غائبة" للفضائيات العربية على الإنترنت وبلا ملاحقات قانونية!

youSsef · 30-09-2008, 12:46 PM

عمَــار يا ملحق عمَــار ..

ايه يا جريدة الرياض بعد لتس وجه ما تكتبين عنه .. ما يكفي صالح كامل غاثهم .. ولا لولا الله ثم [الملحق tv] تسان الحين نص المغتربين ذولي يسمعون بـ (باب الحاره / عيال قريه / بيني وبينك / صج حظوظ / خواطر / هوب تكاسي) .. شهادة حق أفضل من يُغطي باب الحاره وعيال قريه بين القنوات اللي تنقلها على الـ يوتيوب .. هي قناة الملحق لا من صفاوة ولا من صوت ولا من سرعة في تنزيل الحلقه .. شُكرا لـ كل الأبضايات اللي يرفعون الحلقات .. وصراحه ما لهم داعي الجريده عاد يوم حطوا صوره كان طقوا اعلان على دربهم

تستاهلون يا زكرت !

so-what · 30-09-2008, 02:05 PM

مايضيع حق وراه مطالب >>سلامات يابووو

قصدي لكل مجتهد نصيب

وانتم والله كفو وقدها وقدود

عااااد تدرون المفروض الموضوع ينزل بكره بصوره عسكيه في جريدة الرياض

ويحطون صورة موضوعك ياشليويح ويقولون المحلق يتطرق لجريدة الرياض في احد مواضيعه >>ابووووك يا الترييش

SweٌRa ,’ aL shjaٍ3aH · 30-09-2008, 02:29 PM

يـ9 يـ9 يستآهل المولحق =)

A S 6 O R H · 30-09-2008, 10:43 PM

اول شي هذا ردي كنت مجهزة الساعه 12:19 م .. يعني الظهر بس النوم لعب فيني ونمت غصبن علي

كل اللي اقدر اقوله وانا مواصل وحالة ام امي حاله .. ويعلم الله ان عيني جت تبي تغفي .. الا يطبون علينا موكب وش كثرهـ في مجلسنا .. اعنبو ابليس وشذا العيد اللي كلما طلعو ناس جووك قروب جديد غيرهم .. ومين اللي عاضن على شحمه ولا يقدر يحتسي ولا يقول ولا كلمه .. اكيد اللي يستقبلهم ولازم كشرته اقوى من هذا ( ) وهذا للي صار لي اليوم .. وانا ملاحظ اني شطحت برا الموضوع .

وبشطح زوود عن برا الموضوع وعن الحقوق الفكرية .. وفيه شي يقرقع في قلبي وبقوله

تغطيـات الملحق الحصرية جهود جنود مجهولة فيذا الملحق ولهم مني جزيل الشكر ع الاشياء اللي قدموها وهم منا و فينا .. وكلمة شكر عليهم شويه .. كل الشكر لـ ( برايفت ) اللي طرح الفكرة و اعتمدها وقام يشتغل عليها وما قصر بشرحه ولا بخل على اين كان وساعدهم بشرح كيفية تشغيل القطع من اللاب توب ع التلفزيون .. كل الشكر لـ ( شليويح بيك ) اللي كان طالب فيذا الشغله واخذ الاساسيات من برايف والحين الله لا يضرهـ معلم فيذا الشغله .. ايضا ً شكرا ً لـ ( آهات ) على مساعدتك لهم اول رمضان .. ولـ ( موافق عليها ) اشترى الوصله ولا عرف لها بس ان شاء الله مع الوقت يطلع ماهر فيها .. صح ان الوصلة اخذها شليويح عشان وصلته مدري وش بلاها بس تتعوض ونشري لك وصله جديده .

اخبر ان هذا ردي قبل لا انام وكنت بكمل عليه بس وش بكمل يا ربييه مدري نسيت .. خلوني اشوف وش انا عليه وارجع لكم ان شاء الله بردن جديد .

آتعبني الترحال · 01-10-2008, 01:44 AM

وصلتوووو جريدة الرياض يالملحق والله منتب سهلين ابد
مع انها وشسمة سرقة ههههههههههههههههههههههههه بس اهم شي اننا نوصل
لو توقف على قطع الارقاب

وبالتووفيق للملحق وعقبال مايطلع اسمي ,, < وش ناوي يالحبيب
تحياتي

qe9manji · 01-10-2008, 07:50 AM

وعليكم السلام ورحمة الله وبركاته ..

الف الف الف مبرووووووووووووووووك ..

تستاهلون يالملحق كل خير ..

لكل مجتهد نصيب يا شليويح ..

Private · 01-10-2008, 01:48 PM

الف الف تحية لشليويح صاحب المجهود الاكبر بالنقل وشكرا لجريدة الرياض اللي سوت لنا دعاية مجانية وهي تبي تسبنا

باخذ نسخة للتكية

طمبيـراه · 01-10-2008, 03:55 PM

أأخسس يا أنحن نطلع براجيد صرنا
توني قبل شوي فاتحه جريدة الرياض قاعده اهرول في الصحفات منب اقراء
شيء الا وشدني هالعنوان .. وخصوصن الصوره اللي فيه

عمّار يا االملحق

موافق عليها · 02-10-2008, 02:12 AM

شليويح ياكفو انت ماعليك منه ها الكاتب حق جريده الرياض مدري وش يحس فيه
بس برضو ترا التألق اللي طلعت فيه برمضان كان وراه قطعتي اللي معرفت لها
بس والله تفداك ياقلبي انت تسانك تبي تسجل لنا الدوريات زي ما انت مسوي
برايفت شلويح ماقصرتوا ,, كان ودي اساعدكم بس الشكوه لله

انتي قسيتي · 03-10-2008, 05:06 AM

الحين زارفين الوليد البراهيم , وزارفين قنوات خلق الله عيني عينك ومستانسين
سطير , كاتب ردك نشكر ونشكر ونكبت ربعك , انهم هم القائمين عليها
يعني اذا فكرت القنوات , تسوي عليكم عم ابو شسمه , بتقول شوفو ردي

بس الجد الجد , ماقصرو وخص نص شليويح وبنده , صرنا مانطق خبر للمسلسلات واوقاتها
وآخر الليل نحصله ع اليوتيوب

يعطيكم العافيه جميع ,

اللاذع · 05-10-2008, 11:19 AM

الف مبروك يالملحق والله تستاهلون الطيب لو هو تشهير

mbc · 06-10-2008, 04:26 PM

حركاااااااااااااااااااااات يالملحق عقبال ماتسوون قناة تنافس كل القنوات
ولو انها شسمه يقولون انكم تسرقون بس اول الغيث قطرة هالمرة تسرقون المرة الجايه مسروقين >>>>وش تبين انتِ

اتحداك · 06-10-2008, 06:43 PM

&
&&
&&&....................................&

تستاهلووووووووووووووووووون...

وربي يوفقكمـ .. وه بص لاصرتومشهورين . لا تنسونا <<رزه الفيس مشكله

امسكووووووووو يابرايفت وشلويح ..والكل ----->

والله الموفق ..,,

كابتشينو · 07-10-2008, 06:07 PM

مبروك للملحق

بصراحه افضل تغطيه شفتها منكم

يعطيكم العافيه والله

متكاملين الله لا يضركم

جريـدة الريـاض تـرز (قناة الملحق) اليـوم

تكية الملحق