ركبة سوداني

العنوان واضح

يالله ستارررررررررررررت

๑°مشـــــاعل°๑

ابلهـ عطيات

ركبة ..
غريبه تعرف شي اسمه طفوله ...
والله الي يشوف صورتك الشخصيه ..يوق لذا طالع من بطن امه و هو حجمه كذا

والله الطفوله <<يازينهاااااااااااا و يازين ايامها بس
بس عاد الموضوع يبي له قعده ..و انا اللحين مرتزه من فجر العالمين ..
اصبر اذا رجعت من الجامعه سدحت لك طفولتي الشيقه <<نصابه الا والله خايفتن منه لا يقضي على حياتس يا شيخه

๑°مشـــــاعل°๑

ركبة سوداني

انا طفولتي كانت جميلة جدا بس مااتذكر منها الا المصايب :

- وانا عمري خمس سنين رايح مع الوالد لمصر , استغليت نومة الوالد وطلعت الشارع ومادريت الا وانا في العناية المركزة هههههههههه صدمني مصري راكب دباب وهرب (ومازلت اتذكر شكل المصري حسبي الله عليه وهو يهرب).

- كان فيه بيت يبنى بجنب بيتنا وكان فيه كومة رمل كبيرة بجنب البيت , كنا نطلع فوق السطح ونقفز على كومة الرمل, كان فيه واحد معنا في الحاره دب مرررره , كنا نبي نضحك عليه واقنعناه يغامر معنا , الولد لما جاء يقفز من فوق البيت تردد في آخر لحظه وطاح في الحوش هههههههههههه لاتعليق!! .. ولا تتفاجؤا اذا عرفتوا انه ما جاه شي ابدا ابدا

- أيام حرب الخليج كنت في خامس ابتدائي وكنت عريف الفصل وكل الكلاس سعوديين وكويتيين , وكنت متساهل معهم جدا جدا وتذكرون هذيك الايام ماندرس الا ساعتين من 2 الظهر الى 4 العصر ومايجون المدرسين وماناخذ الا نص حصه في اليوم وباقي اليوم سعة صدر , فكنت متساهل مع الطلاب كثير واسمح لهم يطلعون برى الفصل وخصوصا اثنين مازلت اتذكر اسماءهم (عادل وماجد) اكثر اثنين غثيثين شفتهم في حياتي , بدون مايطلبون انهم يطلعون كنت اطلعهم عشان ارتاح , وفي يوم من الايام طالعين في الشارع يلحقون بعض وصدمت ماجد سياره ههههههههه ونزل الرجال راعي السياره وشال ماجد للمستشفى بسرعه , الاهبل عادل رجع وقالي يووووه فيه واحد راعي سياره بيضاء خطف ماجد (بدون مايقول لنا انه صدمه الظاهر خاف يقول لنا) المهم صارت قضية اجتماعية كبيرة والحي كامل يتكلم عن قضية خطف ماجد ,لكن في النهايه وصل الخبر مديرالمدرسة انه الولد بخير وانه في المستشفى , وثاني يوم في الطابور وقفوني قدام المدرسة كلها وجلدوني انا وعادل الدب (24 جلده ماانساها الى الان والطلاب يعدون بصوت عالي ...واحد اثنين ثلاثه ...الين وصلوا اربعه وعشرين)....المهم بعد اسبوع قاعد اتفرج على التلفزيون القناة الاولى كان فيه برنامج نسيت اسمه( الظاهر أمن وأمان او سلامتك) كان المذيع يروح يسوي مقابلات مع الناس في المستشفيات ,,,, الا هذا ماجد يقول قضة الحادث ... الكذاب اخترع قصة خرافية عظيمه انه كان يبي ينقذ اخته الصغيره وهي طالعه الشارع وصدمته سياره وضحى بنفسه عشان اخته الصغيره ( مع العلم انه ماعنده خوات) ههههههههههههههه بعد 15 سنة قابلت ماجد والحين صار نائب مدير فرع احد البنوك في الرياض

- كان يجي على التلفزيون كل يوم خميس الصباح الساعه 10 الصباح مسلسل كرتون (عدنان ولينا) , وكنت ومازلت من اشد المعجبين بعدنان ولينا وحبيبي عبسي طبعا وهذاك اليوم صحيت الساعه 12 الظهر وانقهرت وضايق صدري , والله وأطلع من البيت على رجولي في الحررررررررر من بيتنا الى بيت عيال عمي ابي اسألهم وش صار اليوم في عدنان ولينا هل مسكوا عدنان ولا لأ
.....(الى هنا أوكي عادي) ...
لكن اذا عرفتوا انه بين بيتنا وبيت عيال عمي 10 كيلو ومشيتها على رجولي وانا عمري وقتها 8 سنين تقريبا ومسافة الطريق اخذت مني 4 ساعات متواصله , وماأمداني اوصل بيت عمي الا والدنيا دنـــــــيــــــــــــــا والشرطه شرطه والبحث جاري على الولد المفقود ههههههههههه ماانسى هذيك اللحظه ابدا.



- نسيت اقولكم ,, لما كنت صغيركنت اخاف من سناء يونس ,, كل ماامشي في شارع مظلم اتخيل انها تلحقني واتخيل انها تاكل عظام الناس هههههههه


اكيد بتقولون شف وجهك اول بس هذي من جد تخوف هههههههههههههه

الله يرحمها اعتقد انها توفت

********
المواقف كثيرة وهذي بعضها واذا سمح لي الوقت اكتب غيرها راح ارجع لكم مره ثانية ان شاء الله

تحياتي لكم

شليويح بيك

هذا واحد من العيال ..

يقولي يوم كنت صغير ..

- كان يدرس بكندا من اولى الى سادس ابتدائي -

يقول بالابتدائي كان صديق الوالد سوداني .. عاد مره جاء للبيت عند الوالد الله يرحمه ..

المهم .. يقول دخلت عندهم بالمجلس قالي ابوي سلم على الرجال ..

يقول قعدت الحسه

والحس فيه

وش السالفه?? ..

خوينا بالله يحسب ان الرجال صابغ نفسه شوكلاته خخخخخخخخخخخخخخخ والله محشحش ..




---------------------
رجاء لايرد احد الا كاتب موقف له او سمعه من احد واللي بيكتب ويستلكع .. الباند يشتكي .. وقسمن مايردني الا غوانتنامو

miss SDEER

اهلا ...


تراني داخله وقلبي يدق بسرررعه بسررررعه من ها الزول واللي رازوه يممممممممه .....


لا وبعد راز حبيبتك خديجه ياحبي لها سلم عليها بسسس لووووووووووووووووول..


____________________
خلاص بدينا با الجد ....


يا زيييييييييييين طفولتي تزنن

مرررره كنا في بيت جدتي وجمعه العيييييييييييييييييييييييد والمبزرره كل واحد يتميلح بفلوسه ولبسه وخرابيط الا جتهم وخيتكم مسس سدير الاموره تتميلح عند البنات والاولاد كلهم تعالووو اطلعو با الحوشش بسوي لكم حرررررررررررركه خطيررررره واجمعهم وحاله حاله يمكن صاروا 8 كلهم بيناظررررررون شجاعتي


الا الحركه الله يسلمكم حنا عندنا مرجيحه اخبرها اول عند جدتي وحركتي هي انووو اركب فوق المرجيحه وانا واقفه وادفها بقووووووووووه فهمتوا علييي ..............!



تخيلووا وانا طبعا ركبت المرجيحه وكلهم يناظروووني وابشركم بعد الخدامات سطروا يبوون يشوووفوون على بالهم بسوي لهم حركاااااات جنبازيييييييييييه ...



المهم بديييييييييييييت ادف بقوووووه الا ومسسسس سديررر طارت با الهوى هههههههههههههههههههههههههههههه وطاحت على الارض لا والمصيبه وش صاااااااار فيها اغمى عليها لووووووووووووووووووووووووووووووووووووووول



وللللللللللللللللللله من جد موقفي فلللللللله وحفله بعد ....



الحييييييييييين تجني رجفه من المرجيحه كرهتها كره العمى لوووووول


طبعا الاغماااااااااء طوووول معي 6 ساعااااات لووووووووووووول من اثاار الصدمه





يسلمو يا سوداني على هيك موضووووع ....

bye

c ya

بئا تسذا..!!

الله مير يسلمكم انا واختي وبنات عمتي كنا من اشد المعجبين بنقطه التفيش

ونتميلح ونستعرض عند هـ الطعووس

مره من المراير..كان العيد بالجبيل عند عمي..

الموووويهم ..قمنا واصبحنا وكشخنا وتزيننا وهبطا شوشنا

يوووم قضينا ونرتز بالشارع حنا يالبنات<<الله من الدجه.. والعيال بالبيت<<<انقلبت الايه

وصرنا نستهبل ونضحك

المويييهم كل مامرت سياره وقفنا قدامها ونعكر سيرها...واذا وقف ..جينا طقينا دريشته قلنا لو سمحت الرخصه والاستماره<<متأثرين بالتفيش

جت هذيك المره شايب معه جمس..ونقعد قدااااااااامه..

جت بنت عمتي كانت ماعليه بسم الله عليها مليانه شوي..حجرت لـ ابوالشايب..

والشايب خايف بغى يصدم ريم بنت عمتي..يوم وقف شكل الله والعالم ان الشايب يتحمد على السلامه ويتحمد انه ماصار شي..

جت بنت عمتي وانا وراها ..<<الدفاع حقها

طقينا دريشه الشايب قلنا لو سمحت الرخصه والاستمارهـ..

الشايب خشته تسنه واحد صافقه كف

ومير يعطينا النظره اللي هزتنا انا وريم وحنا بمكاننا..<<اشوا فيه احساس

تحسبونه سكت على النظره الشايب..

لااااااااااااااااااااااااااااااااااااااااااع..
ويعطينا ذيك التفله اللي الى الحين افرك خشتي ابيه تروح

والله ياهي بصمه بعد على وجيهنا انا وبنت عمتي

والى يومك كل ماطق عود ..قالت امي وين الشايب يتفل يوجهتس عشان تتأدبين

.................


ونفس الطلعه ..كنا معنا مسجل..(((وهـ كل ماتذكرت هـ السالفه اقول يالملغنا اول<<اشوا عارفه نفسك)))

المويهم كانت بنت عم ياللي ساكنه بالجبيل طلعت مسجلها بالشارع..

وكان وقتها توها طالعه مكرينا<<هي كذا تنقال

وكل مامرت سياره رقصنا على الاغنيه..وهـــــــــــ<<حامت تسبده

المهم مااجتمعوا علينا الا الهنود..<<مدوخييينهم على الرقصه

وماغير نستعرض عندهم

عاد اهلي قالوا نبي نطلع نتمشى

وبهذي اللحظه اللي كانوا اهلي يخططون للطلعه حنا نرقص وخاشين جو

يوم اتفقوا ولبسوا عبايتهم وطلعوا

وش يشفووون..!!!!

بنات يرقصن عند هنود

احنا يوم شافونا اهلينا اشكالنا كذاd<<<ابد نفسووووهـ بالضبط

ومير الهنود حسبي الله عليهم سحبوا على ابونا

وتجي امي تمعط اذني انا واختي..والله ياهي معطه للحين اذكرها

وترفسنا بالغرفه قالت لو تنقزن مهنا طلعه معنا..

غرفتنا بجنب غرفه عمتي ..

وعمتي نفس الشي حابسه بناتها

عاد ايقالنا ماهمنا طلعتهم
ونقعد نلصق خششنا عند الفتحه اللي تحت اللي عند الباب..

ونقعد نسولف انا وبنات عمتي ونصيح<<هذا اللي ماهمن

يوم شافتنا امي وعمتي اانا نسوي كذا..

تحسبوونهم رحمونا

لا ابد ولافكروا..والله ياهم رجفوا الباب رجفه من الوحشه قعدت فوق السرير ما اتسوعبت

وامي وعمتي يضححكون علينا..<<ماعندهم احساااس ابدن<<اعرفي وش مسويه يالهدره

بعد ساعه من رجفه الباب قعدنا نصيح<<بدرررررررررررري

جت امي رحمتنا وطلعتنا ..

وعمتي رحمت بناتها وطلعتهم

يووم شفنا بعض نا وبنات عمتي.قلنا وشلون كنا نرقص عند هـ الهنود<<توهن يستوعبن


وووووووووووووبس هذي بعض من مواقفي اللي مثل وجهي

مفلوقه بقدر

واكمل مع اختي مواقفنا اللي مثل وجيهنا<<<اشوا معترفه

ومره كان جدي الله يرحمه بـ اندونيسيا.قاعد مرتز هناك

ويووم قضينا اختبارات لحقنا جدي الله يرحمه حنا وخوالي..

المويييييهم ..اول ماجينا كان اذكر على وقت العصر او الظهر..يعني بالعربي بالنهار

عاد جدي الله يرحمه فرحان فينا عطانا 100 ربيه كل واحد..

100 ربيه بالسعوديه تساوي نص ريال

ومير يغشى علينا انا وخواني وخالي كبرنا كان..

وماغير ماكسينهن بـ ايدينا عشان يشووفوونهن الناس

<<<يحسبونه 100 ريال

المهم..

قدام فلتنا اللي هناك..فيه سوبر ماركت..

ونروح ندخل فيه..

هم اللي يشتغلوون شافوا الكشخه وخشووومنا مهب فنسا زيهم..يحسبونا طاغين بالفلوس

ومير واحد يمسك العربيه وواحد يعلمنا وين اكلات الزينه

وحنا خاشين جو نشتري..

يوم جاء عند المحاااسب..

ونحط كل اللي عندنا من الاكل اللي شريناهـ

يوم قال المحاسب السعر..عاد تعرفون مهنا لغه...وبالاشاره نتكلم

ويورينا الرقم بالاله

قال خالي ايه اشوا باقي لنا فلووس<<ومازالوا يحلمون ان كل واحد معه 100ريال

جاء خالي قال بما ان انا اكبركم عطون فلوس انا احاسب..

ومير انقز انا وختي واخوي قلنا لا..<<بالله

قال عطون لان مايصير يدفعون الحساب اكثر من واحد..لانه يحطونهم بالسجن..تحسبون زي هناك بالرياض..ومير نخاف حنا<<والله يالعقوول سباايك

وجاء خالي رافع خشمه..ويدفع فلوووسنا

جاء الراعي يشووفنا يهز براسه يقول لا ..باقي فلووس<<بما معنى الهزه اللي هزهـ لنا

جاء خالي اقله ايه ايه هذا هن ورجع لنا الباقي وهو يمد يدهـ<<تعرفون الحركه لامنك بغيت تاخذ الباقي

النحاسب درا ان ماعندنا الا الدجه.
ومير يجووون هو واللي كاننوا وفد معنا اللي ماسكين السله واللي يعلمنا وين الاكلات الزينه..

ويمسكون كل واحد من بلوووزته ورا..

ويشلونا ويرجفوونا برا السوبر ماركت

حنا يوم شفنا الحركه قعدنا نصاااااااااارخ ونصيح..ونقول ونغز نقول هذولا سرقوا فلووسنا<<ومازالوا يحسبون 100 ريال

الناس مافهمونا كلهم فوقهم عشرين الف استفهام..

يوم لحظنا ان محد فهم لنا ونورح لفلتنا وكان جدي الله يرحمه قاعد بالبلكونه ونركض.والدموع اربع اربع

ونقول المحاسب سرق فلووسنا.

قال جدي الله يرحمه هووووو وشلون<<كان يعطينا جونا

ونقووله السالفه .

جدي الله يرحمه بهذي اللحظه عجز يمسك نفسه..مااااااااااااات ضحك مشغي عليه..

وينادي امي يقول شوفي عيالتس..

ويوم شافت امي تسدحت ضحححححك علينا

وحنا فوق راسنا عشرين الف استفهام..

قلنا الحين مسرووقه فلوسنا وتضحكون..
جاء جدي الله يرحمه قال اصلا اللي عطيتكم اياه يمكن يجي هنا نص ريال..

حنا <<كذا اشكالنا

قلنا يعني مافيه فلووس يبي ياخذهن المحاسب قال جدي ايه..يكفي تعبتووه بالحساب

الأمبراطور

مره يوم كان عمري حوالي 6 سنوات يقولي ابوي انه ماخذني معه للمحل
ويوم دخل المحل راح للمكتب ونادى السوداني يوم جاء السوداني سلم علي
وحبني وبعدين رحت للمراية اشوف هو طبع في وجهي شي اسود والا لا
هههههههههههههههههههه

ma 7olik

ياااااااااحو,,,بي للي ثبت الموضوع وبعود لكم ان شاء الله
موضوع متميز اخ ركfة بن سوداني
الى الأمام وقرب جبهتك اللزق لك فيها نجيمتن صغيره