شطيط

youSsef

يا مرحبا بـ (شطيط) يا مرحبا الساع *** الملحق يحفظ للبن آدم وقآره

يا شيخ تباً لك أُخرج من نفسك .. قم اطلع برا قم .. لعنبو بليسك ماتوا اخر واحد واحد قال هالجمله .. صلوا عليه قبل أمس في جامع فيصل بن فهد يعني مب مسألة انك تدخل من دايل أب .. تفتح الصفحات وتسكرها بسرعه في خلاص نص ساعه .. ثمن تفصل الفيش وتقعد تقرا بـ(العمل دون اتصال) تحسب كل العالم مثلك .. يا حبيبي حنا من حرب السبله وحنا ندخل من اوربت .. وش تحسب يعني .. يا حبيبي حنا قمة الخقق عندنا <<-- اقول ورا ما تدزها هذا اللي ما لقى له شي يهايط فيه ..

اقتباس:

كيف لا وانا لم أرى الإبتسامه ترتسم إلا على الوجوه ذات الشوارب الكثيفة

آلا لعنةُ الله على من لُعن .. يا قليل الأدب يا معدوم الرجوله .. يا اللي كل اصحاب الشوارب الكثيفه يتبسمون في وجهه .. يا اللي تنقز في كل سياره يفحط في وجهك .. يا اللي اذا كنت في البر خقيت مع الهلي ولا رجعت للزفلت خقيت مع الكامري عيب عيب اذا صاروا العالم يتبسمون في وجهك أعرض عنهم .. إلى متى وكل الناس يجون عندك ويقولون لك (انا سامع انك مطلع كلام عني) .. شتيت إن شاء الله أكون فاهم غلت

اقتباس:

ولكن سرعان ما وقع كوب الحلبة

الحلبه ولا السوده هاهاها

اقتباس:

كانوا يرتدون العباءة قبل ركوبهم الطائرة كن ربهم في السعودية بس

وش تناظر .. من جدك انت الحين ؟! .. شتيت يا حكير .. شف انا قاري خنبقة سطير تحت يقول ضيف وما ضيف .. لا حنا بجيحين ما عندنا ضيوف .. دامك دخلت خلاص نبي ننشب لك واحتمال من زود البثاره ادخل يدي في ظهرك .. يقال لي اتميصل عليك وان تسانك مشعر في ظهرك سويت جدايل فيه أو انتف لي كم شعره وادخل منديل في خشمك بعد صدز صدز وش تحس به وانت مدخل الجمله الدعويه ذي هنا .. أجل كن ما يعرفون ربهم الا فيذا وانت جايب الطعه تحت <<--- هذا السبهه اللي قايلين له ترى القصه قويه ومن زود السباهه حسب انها صدز صايره

اقتباس:

التي أصبحت تقربني مقدار عكرة ضب

ههههههههههههههههههههه الله يرجك يا ابو شطه - بالله منب اكثر عفه من سطير .. حتى في الكُنيه - .. الله يجزاك بالجنه ضب اللي عندنا ما له عكره .. حتى لو انك شايفه في الفعاليه كاتب اسمه بالانقليزي ضب ويذ آوت عكره لله دره كاتبن هالكلام مع السبهه موافق .. ذيك الفتره تحسب بينك وبين موافق شي .. فبراي لله انها بسبة هالكلمه .. لان موافق فاهم انها سبه له .. بس الحين فهمت يعني عكرتك فقدتها لانها راحت عند شطيط والسبايك اللي معه <<---

اقتباس:

فليحمىء الوطيس .. فليحمىء الوطيس !

تُضحكني للمره الثانيه على التوالي يا معالي الشيخ // شطيط قدس الله سره .. الحين انت تقول فليحمئ الوطيس على وزن حمي الوطيس .. لكن أهات وربعه ما فهموها على كذا .. اذا سمعوا طاري التحميه معناها (حمي الطار) أجل بالله عليك قد شفت ناس يتعيدون الظاهر يعني لو قال لي ان عيدهم في الغاله مثلا باكذبه عيب عليك يا آهات عيد والظهر .. بالله لو تشرح لنا شعورك يوم قريت جزئية (حمي) انا داري انه ما همك هو وطيس ولا طار لانكم تستخدمون مصطلحات كثيره للامور هذي نُكمل من حيث وقفنا

اقتباس:

دعتني ( كريستينا ) لتناول وجبة الغداء برفقتها مع أبيها الكهل

شف يا مستر شتيت عشان اكون صادق معك .. صح انك اسمك ما ادري وش يبي من الحياة .. ومسألة اني اناقشك في مسألة الاسماء .. كأني اطبق المثل اللي يقول (فاقد الشي لا يعطيه) .. لكن لو لا سمح الله وتحدثنا في موضوع الخشوم صدقني أن أول رجل راح اناقشه هو أنت يا رعاك الله .. انا منب يم قصتك اقرا سطرين منها وارد في روايه ثانيه .. يا اخوي قصتك طويله مره وش اسوي لك اجل سطير مسوي يغريني يقول القصه طولك مرتين .. الزبده الحين (الكهل) و (الكنهل) حق ما دريتآآآآ في رابط مشترك بينهم ولا يتهيأ لي

اقتباس:

وكبرت مصيبتي

أشوى ما كبر شي ثاني <<--- يا كلب يا وقح يا حقير .. الصدز قفلت معي وش ذا الروايه اللي كلها خثاره في خثاره - خثاره على وزن خاثره - .. يعني وش ذنبي انا اجلس اندب حظي .. ترا انا من النوع اللي اذا واحد قص لي قصه حتى لوها نصبه .. تالي الليل لازم اعيش على ذكراها يا اخي بالتذكر بس مب شيء ثاني ..



* اما ما جاء في الجزء الاخير من رسالتك يا شيخ شطيط - شف يا حلو صرت احترمك واقول لك شيخ - .. أولا وش هالايدز اللي جلس لك عجز يخليك تموت ادري اني سبهه ولا ادري وش الايدز .. بس دايم في التمثليات الكويتيته ما يطول .. يجي شوي ثم خلاص ينهون ارتباطهم ويحاسبونهم ويصفون حقوقهم .. اما الجزء الثاني من الجزء الاخير .. فطالبك ذا مب مضبوط واصلا شاك في علاقتك معه من البدايه وش ذا الطالب الخاثر على وزن علاقتك مع كاثرينا هاللي حتسيه من السر للركبه .. عاد تبي الصدز مدري ليش حاس ان (حفص) هو نتاج ما جاء بينك وبين كاثرينا .. الا كاثرينا معطبة ابوها اصلا فما ادري هو حفص جاي منك ولا من اليهودي ملعون الصلايب ولا من خويك جليغم <<--- ياربي اني ما اخطيت في اسماءكم .. اما في الجزء الثلاث ارباعي من جدك انت مضيف سطير وسلفر .. اما سطير فهو رجل خدوم لعوب دعوب .. اما سلفر فهو لعين حقير سافل واطي صدقني ان معرفتكم ما بُنيت الا على مصلحه .. إذهب الى الجحيم يا سلفر واللعنةُ عليك يا نصراوي قريح .. بس حلوه رسالة بريديه غير مقروءه من ضمن مجموعة رسايل خخخخخخخخخخخخخ يا شيخ شطيط ادري بتقول لي يعني ما دقرت الا على ذي .. باقول لك ايه ما دقرت الا على ذي عندك شي


- بارك الله فيك يا شيخ شطيط يعلمُ الله اني رأيت موضوعك الساعة الرابعه .. وهممت بأن اقراها لأجل ان أرنح نظري بها خصوصا ما ادري ايش .. ولكنني فوجئت باتصال يقول لي (يا كلب لي نص ساعه ادق عليك وادق على اخوك يقول والله مشوار اناديه انزل الله يلعنك ويلعن من يجيك ) فنزلت ولم يقلب وجهه حفظه الله الا في حوالي الساعه 10 .. فرجعت اكمل ما (تعسر) لي من قصتك المُباركه ولكن يا شيخ شطيط سألقنك كلمات إن لم تلتزم بها فاللعنة عليك والجحيم مصيرك وتبا لك بالمعنى الثاني

* شف ان قطعتنا وسحبت علينا نبي نلعن خيرك ترى ما عندنا مزح واحتمال نطلع الصور اللي ماسكينها عليك وننشرها في أرجاء الشبكه العنكبوتيه .. وبقريح انت وكارثينا حقتك .. وش تحسب انت الدعوه فوضى

* ثاني مره ان سكرتوا الخاص عن ريما محمد ترى مب من صالحكم يا اخي كنت بأسالها سؤال وجيه .. وش لون متحمله مصالة عبدالعزيز القحطاني وعندي مشكله ما ودي اعرضها على الرأي العام فممكن نتواصل على الجوال

* قل لولد خالتك الدُب .. ان ما رجع يحبني زي أول تراني باصير ما احبه وقل له أعلم يا رعاك الله ان سبب اللعنه اللي انت عايشها هو جراء ما اقترفته يدك وسحبتك على يوسف المملوح الذي وش زينه وانقل له على لساني يا رفع الله قدرك : ان حين ميسره الجزء الثالث متوفر معي لكن بترجمة استديوهات (بانكوك)

سبقني بها (سطير) .. وإلا أنا اقدر أقول انه مب مثبت .. ومصيره في أحد دهاليز (الذهب) .. شطيط يا صاحب الإسم الرباعي "انشترنقح"

A S 6 O R H

شطيط يا متخلف يا راعي صور الفيس بوك والصور الماجنه و الواطيه .. ابو شطيه لبى قليبك .. انا في حال يرثى لها واكبر دليل اني جالس ادلعك واناديك بـ كنيتك ( ابو شطيه ) واللي يبي يروح باله لشين بعيد بقول له بلا قلة ادب منك له .. الرجال ضيف علينا ولا تفكرون كيذا خلوكم مثلي تفكيري حلو .. خلو على كل حركات الحروف الحركه اللي تعجبكم ما عدا حرف الياء لا تشدون على حرف الياء لو سمحتو واذا ما عرفتو هاتو ارقام جوالاتكم ادق عليكم اعلمكم .. ورجائن العيال لأحد يعطيني رقمه لـ اني متفق مع اهات العيال يدقون عليه عشان يسوون تعارف مع بعض .. شطيط صدقني راح اقوى انساك وانسى مندوبك بعد حركت البلوك لي تدري ليه بقدر انساك لـ اني خلاص قدرت اضيف كريسيتنا مسن منك .. يعني ما عاد بتذكرك لـ انها صارت معي مسن .. يعني تبي تنسيني ايام الملحق وايام التبطح انا وياك جمب بعض ونشوف قنوات ( هل الحب حرام ؟! : اذا اتصل بي ) شطيط الايام تغير الواحد .. منيب سطير اللي على خبرك اللي يجلس جمبك ويشوف وش قاعد تسوي ع المسن وهو كمخه ما يعرف وش اللي انت داخل عليه وكلما سئلتك وش تسوي تقولي هذا خالي مسافر لبرا يدرس وقاعد اكلمه .. اعنبو خيرك مع وين خالك وانت تصرفني اناظر التلفزيون وتتلحف بـ الشرشف وتنزل المكيف عليك واسمع انفاسك توصلني واحس خامني بقوة من قوة انفاسك .. ولمني اللتفت عليك اشوفك تناظري وتقول لا لا بس طف زقارتك كتمتني .. شطيط نلعب على بعض .. يعني خالك يخلي صدرك يبداء يطلع زفير و شهيق بصوت قوي .. تسن دكتور مصري جبهته ونص راسه ما فيها شعر ماتفرق بين ظهره وراسه اللين آخر الظهر من عند المطبات يجي الشعر .. قاعدن يقول لك بوووص حزرتك يا استاز شط شط .. انت هتعمل تنفس قامد وانا هكشف على صدرك .. ياخي معليش ما تمشي ما تمشي ودي اصدق انه خالك بس قويه قويه مره .. صدقني انت اللي خليتني ان شطيط وراه شي اجل كل يوم على ذا الحاله ولمنه اذن الفجر رحتا تتروش وهمن نروح نصلي صدقني انا اخذت ايميلها منك يوم تروح تتروش وغلطة عمرك انك تركتا المسن لي مفتوح .. يا رجال انت سويتها او لا .. رفيدزك مهوب السبهه اللي انت خابره قمت اخذت الايميل والله وكيلك على طول طلعت النوته من الصديريه وسجلت الايميل ومن اللخمه اللي فيني والدباشه سجلت حتى توبكها خخخخخخ .. اعنبو خيرها متمرسه انقليزي اجل حتى التوبيك انقلش <-- من النوع اللي اذا شاف انقليزي سحب على المعنى والاسم وقال يا ابو انقليزي .
شطيط احب اصفق لك بكل قوتي واقول دام يوسف ردان قبلي مقدر اقول الا يوسف يبي يبيضها ويبي يفتح لنا مستشفى بـ ذهب الملحق ونجدع موضوعك فيه لا ينتشر الايدز على باقي المواضيع همن تعال دور مواضيع الملحق والله ان تشوفها غازيتن المواقع الاسلاميه وجالسين يلقون محاضرات .. شطيط جد جد انا مواصل من امس اوكي .. واليوم انهبلت انهبال الله العالم فيه .. واتوقع المسن اللي صار بيننا يخليك تجزم اني منيب في وعيي الحين .. فـ ارجوك اقبل الرد هذ كـ نوع من المصاله الزايده فيني وارجوك ارجوك ااابيك تحط صورتك الشخصيه ابو خشم .. ودي اتمقل في خشمك الطويل المنتصب الصلب الجبار اللي لو يدرون عنه شركة فياقرا وسنافي ان خذوه لـ اعلاناتهم وسحبو على الشفاطات حقتهم خخخخخخخ .

شطيط انا راجع لك بعد نومتي ان قاله لله عشان افصفص موضوعك .. وارجوك لا تضيفني ع ايميل الموقع ولا تحاول ترجع ايميلي المحذوف من عندك خخخخخ .. لـ انك لو رجعتني تبي تلقى صورة العرض اللي عندي لـ كريستينا فماله داعي تقلب المواجع عليك .


وبما ان يوسف ما كمل اقتباسات فمن عندي ولعيون اللباس الشفاف اللي تبقق له العيون وطلعت كريستينا من الحمام وهي لابسته .. مثبت و نسخة لـ ذهب الملحق بعد اكتمـال الردود

كابتشينو

VLADiMiR

هلا والله وغلا
شطيط عندنا صب القهوه للضيف

موضوع بطران واحسن شئ فيه من كل شئ من العظه،، ومن قلة الادب.. ،،ومن الاستهبال
بصراحه انا اعجبت بك يا اخ شطيط واعجبت بسلوبك الراقي في كتابه القصه ..

اعجبني فيها ابداعك في سرد القصه بالتدرج الصحيح والساخر
بس تراك نسيت اسم الكتاب حق كرستينا يوم جلست جنبها في القاعه << يرحم امك لاعد تعلق

مستر شتيت بالعنقليزي...
وشطيط بالعربي ..

شطيط ابدعت فأنرت المنتدى بتواجدك معنا
واتمنى تطل علينا كل يوم ..
دمت بود اخ شطيط

انتي قسيتي

A S 6 O R H

شطيط لبى روحك رجعت لك واحس اني للحين ما ودي اقتبس احس اني بدري ع الاقتباسات .. مثل روعة موضوعك صدقني تبطحت عنده مع العلم اني مثل انتي قسيتي .. بس اللي يفرق اني ما رديت عليك وهذا اهم شي اني سحبت عليك وانت كنت تنتظرني ارد عليك ويق ويق كسحتك عندهم وطيحة وجهك وحتى خشمك انعفط وانا اقول انه صلب <-- اشوا انه افتك منك وتوهق فيك فيذا .
شطيط موضوعك بكل ما تعنيه كلمات الوصاخه و الدشاره والخيانه و النفاق والكذب و الظلم و الاجحاف موضوعك روعه صدقني خخخخخخخخخخخخ .. تمنيت انه اطول من كيذا لـ اني احب الطويل .. و صدقني ما اقولها مجاملة لك او لخشمك الانيق .. بل اقولها لـ اني اتمتع بـ الطويل خخخخ .. يعني لو انك مطول موضوعك كان ماا عندك مشاكل بل ازين لك لـ انك تبي تتعبني من طوله وبعدها بصفق لك بقوة .. الموضوع فيه من اللكاعه مالله به عليم .. الموضوع لحال يا رجال و كريستينا لحال .. يعني صف موضوعك كله بكفه وارمه بـ الزباله واترك كريستينا بكفه تبي تطغي على موضوعك .. وهـ ليتني عروتن بيدك يا شطيط طايحتن ع الارض وتتفرج عليك انت وكريستينا .. ما ابي اصير طماع واقول جعلي اصير شطيط .. لـ اني مهوب ابطي عظم الا لو تقوم الدنيا فوق وتهبد حدر ما نيب قادرن اوصل لها حتى لو هي بموضوع وصير البطل بدالك تدري ليه ؟! مهوب والله شطارتن فيك ولا جمالن فيذا الخشه اللي ما حلاها ربي .. الا لـ اني لا اعرف من اللغة لكفار غير كم كلمة وما انصحك اني اقولها فيذا الموضوع لـ انه يبي ينحجب الموقع بكبره ويبي يدعون عليك هـ الاعضاء كلهم والزوار وحتى امي الله يطول في عمرها ويمدها بـ الصحه و العافيه تبي تدعي عليك وتبي تسفل فيك وتبي تتزاعل مع امك والسبه اني علمتك وش الكلمات الانقليزيه اللي اعرفها زين خخخخ .. من اول كنت قبال وجهها ومبثرها في عيشتها لدرجة انه اذا جوها حريم وبنياتهم امهات عشرينات و عشرطعشات ويعنني يترززون مع امي فيذا المطبخ عشان امي تخطب وحدتن لـ اخواني .. اني اجيك طاير بدون لا احم ولا دستور ادخل مع باااب المطبخ واسحب سطل الزباله البرتقالي اللي عند باب المطبخ من برا ع الحوش .. يعنني توي كابن الزباله وانا الولد اللي ما يعصي امه ولا وده يتعبها في شين ابد .. عاد ما اشوف الا مقامز هـ البنيات والصرااخ قبالي تتوقع انو بكل ادب اعطيهم ظهري واطلع .. اقعد اقامز معهم واقرب لمهم ويعلون اصواتهم اقوى واحسب ان اللعبه جازت لهم ولا ادري الا الملاس معلم في نص جبهتي وانا طايحن ع حجر اقرب وحده قامت تقامز ولا صار عندها توازن وانكسرت ساقها وهبدت ع الارض الا انا هابدن في حضنها ( ايقونتن رافعتن رويسها ويديااتها لربها وتقول يا رب كل يوم امي تفلقني ويصير لي موقف سطير ) الا يا شيخ اشوفهم يقامزون واشوف وهم يقامزون تقامز التي شيرتات اللي عليهم زود .. انا مدري ليه الولد اذا قمز يقامز صرواله هل العيال ما يربطون الربزده بقوه ولا وش الوضع والبنت تي شيرتها يقامز يعني تتوقع دايم يشرون تي شيرتات وساع مره .. هل يعني الجاذبيه الارضيه تختلف من الرجال للمرأة <-- برا يا كلب .
بس احب اقولك يا شطيط اذا طردتني امي من المطبخ اروح اويدز من حدر عتبت باب الحريم لو ما شوف الا جزمهم تجوز لي احس بـ حنان و عطف وتعامل كيوت مهوب مثلك لمني اقبلت ع ملحقكم شفت الزبيريات مقطعه دار ما دار جوات الملحق لا وحتى زبيريات اهات فيها قطع لونها بني على اسود اكتشفت انها وصاخه تطلع من بين اصابع رجلينه <-- لـ انك نكرة وحقير تشوف الجزم يا جزمه خخخخخخخخخخ .
ومن يوم ما جاء النت عندي وفتحنا الملحق وانا كافن خيري شري بـ النسبه لـ امي ولا هيب تشوفني اذا جوها الحريم ومعهم بناتهم .. فـ انت تتوقع امي تدعي عليك مره وحده بس لو علمتك وش الكلمات اللي انا اعرفها او لا <-- خلاص يا ثور فكنا ما عاد نبيك تقول اي كلمه انقليزيه .


شطيط الهقوة ان لي تعقيب ع الموضوع بعد ما اشوف ردودك ع الموضوع .. ولو تأخرتا ما رديت تراك تبي تثقل على رويحتك وبزود الردود لـ انه بزعمي امون عليك وبتبطح فيذا الموضوع .. وصدقني ممكن ارد عنك على الاعضاء خخخخخ

ستاربكس

اللي يقول إن الموضوع طويل يقابلني بعد الفسحة اتفاهم معه .. .. لا والله إنه وش زينه ليته أطول من كذا بعد .. ..
شطيط او مستر شييت .. .. الصراحة ما ادري شقول لك , الموضوع بطرااان ما عليه كلام .. من النوع اللي تقراهـ مرهـ مرتين ثلاث .. وما عندك مشكلة .. بس اكثر من ثلاث مرات معليه اسمح لي بصير حافظته ومالتن منه ..

تيب نشوف الإقتباسات مع بعض .. ؟ يلاااااااهـ .. ( فيس بزران يراكضون والمذيعة تراكض معهم وماسكتن البلوزهـ .. )

طيب واللي مخفف شواربه كيف وضعه .. ..

اقتباس:

وبعد محاولات عديدة لترويض ( جليغم ) اقترحت عليه ان نخرج للنزهه فذهبت كي ابدل ملابسي وإذا بي أشم رائحة كريهه جعلتني أشك بـ ( جليغم ) ولكن ما إن اقتربت من حقيبة ملابسي إلا و اشتدت الرائحه خياساً و عفناً .. ففتحت الحقيبة و رأيت سندوتش بيض ملفوفه بكيسة ( مخابز الإيمان ) بجانبها مطـّارة و قلم رصاص مع برّايه ودفترين ابو اربعين و فوقهم ورقه صغيره مكتوب فيها ( رجع الكيسه معك وانا امك ) .. هنا حدثت نفسي ضاحكاً: الله يرفعتس بالعافيه يا ام شطيط .. اقولتس بروح ادرس في الخارج موب لمدرسة الفاروق الإبتدائية ... مشكلة اللي ينظرون للدراسة بمنظور واحد

قلب الأم .. ما همها إلا ولدها لازم يأكل ويتغذى حتى لو هو جحش وابو عيال..

اقتباس:

قطع ضحكاتنا صوت ( شمعون ) وهو يجلس بجانبنا قائلاً: عجباً لأمركم يا أصدقائي .. فمنذ أن قدمتم إلى هنا وانتم تسخرون مني و تقضون الليالي في السكر والمجون مع الحسناوات الشقراوات .. أو هل هذا دينكم الذي تدعون له ؟؟ .. تداعت النحنحات والكحكحة بيني وبين ( جليغم ) في محاولة فاشلة لتصريف السؤال ولكن ( شمعون ) أصر على توجيه السؤال مراتٍ عديدة مما عكر مزاج ( جليغم ) الذي محطه بللي المعسل على وجهه حتى وقع مغشياً عليه <<< امحق واعظين

بعدي والله شمعون .. اي ما يمشي معاكم إلا كذا .. ناس قليلة أدب .. استحوا على وجيهكم هـ الكافر يعرف لدينكم اكثر منكم .. <-- تحمست

اقتباس:

هدوء تام .. صمت مريب .. سكون شاحب .. هذا ما كان عليه مسكننا الجامعي عندما دخلت أنادي على ( جليغم ) .. وفجأه أصابني الذهول و بدا العرق يتصبصب من جنبات دمجتي و دقات قلبي تتسارع و أنفاسي تتلاحق بعد أن رأيت ( شمعون ) ممدداً على الأرض والدماء تسيل من جسده بغزارة .. ركضت إلى الغرفة المجاورة فوجدت ( جليغم ) مستلقياً على فراشه وماسك الجوال يلعب الدوده .. فقلت له بصوت مبحوح: وش سويت !! .. وضع الجوال جانباً ثم اردف مبسوطاً: يا سلااااااام .. اخيراً هم وانزااح .. يا ذا الشمعون كان فاقعن مرارتي يا شطيط .. ياااخي غثيث ما قلنا شي .. ديانته يهودية في جهنم إنشاء الله .. لكن التسلب يتوضى بمناديل هذي اللي ما ينسكت عنها ابد .. يعنبوه من عرفناه والمويه ما لمست مقعدته لو اشوتها تكسرت من اليبوسة خخخخخخخخخخخ !!

خخخخخخخخخخخخخخخخخخخخخخخخخخخخخخخ يا بردهـ ذا الإنسان .. أجل الدودهـ .. بس باين جواله قديم .. من طقة العنيد ورهيب الفين .. , وسالفة المناديل والتوضي اخبر ناس لا سافروا برا وبغوا الحمام دخلوا ترامس مويه معهم .. من جد شلون عايشين بـ المناديل ..

اقتباس:

وبعد أن أنهيت مهمتي السامية و محوت ذلك الذنب العظيم , انتقلت بالماوس لأيقونة (Sign Out ) ولكن لفتت نظري رسالة بريدية غير مقروءة من ضمن رسايل القروبات الإباحية و المواقع الماجنه و دعايات الهوتميل في إيميلي الذي لم أدخله منذ سنوات طويلة فدفعني الفضول لفتح الرسالة وإذا بي أقرأ التالي:

ماشاء الله ما دخلت ايميلك من سنوات وقاعدن لك ماراح عليك .. ! <-- قضينا من يوسف جينا لذي ..

ادري ردي موش ولا بد .. <-- كني اسمع يوسف يقول موش ولا بد وإلا سلفر هاهاها
بس نقول دليل إعجاب بـ الموضوع .. ..

منورنا ..

كاشت بالمريخ

أحح .. !؟
وانا اللي احس إن راعين هالاسلوب بالمواضيع ماتوا .. !؟
توي أدري إنّ فيه ناس عندهم مثل هالاسلوب .. لا أجل الدنيا بخير .. !

شطيط لي كم سنه ما شفت مثل موضوعك بهالاسلوب والاستدراك والشغل ذا كله ..
وبعدين وش اللي الموضوع طويل ومادري وش .. أحس إني قريته بخمس دقايق ويمكن أقل .. ! << خابرين له دورات ترييش !؟

هههههههههههههههههههههههههههههههههههههههههههههههههه هههههههههه
قسم بالله هج بي الضحك مع هالجملة .. !
قسم بالله تصوير خوورافي .. أجل اخرجت عبس الزيتون .. !!؟

بالاخير أقول الله يتسفينا وياكم الشر .. والايدز وما الايدز ..
فتّك بعفية ..

منصفق

الاسم العياري القذر والذي تصدّر عرش العياره بمصالته وحقارته وسوء خلقه وقلة ادبه وجعل الجميع يتقززون منه ناهيك عن خشمه الذي ادخل موسوعة قينيس للأرقام القياسيه ليتصدر اول خشم بالعالم <-- وش فيني على يتصدّر
والله وجيت للنار برجليك وجيت لحتفك ياشطيط يابوخشم ومسوي فيها انك مهم وحاط لك موضوع ومنحاش ومتوزي بقسم الترحيب تقول يارب ما اشوف احد اعرفه هنا غير سطير على شان اخذ راحتي وافلها واسوي عليهم قوي وافرد عضلاتي مادريت اننا لك بالمرصاد ووالله مانخليك لا شفناك
شطيط
اهلا بك في عالمن يبي يلعنون ابو مجناك ويطلعون كل الكربون اللي بصدرك من اثار التتن والشيشه والخمر والباتكس وكل المخدرات اللي سمعنا عنها واللي ماسمعنا الا انك تستعملها يا استاذ الزحف والهياط والعياره هذي والله ساعة الصفر وساعة الخراب والدمار والزفت اللي شفناك فيها وحنا ننحاش عنك وانت تلاحقنا من محل الى محل تقل بليس شطيط عاد شسمه تكلم صدز صدز صدز لا تجلس تسذب .. خشمك كبير والايذبون عليك ؟ <-- صوت شطيط وهو من بعيد يقول لا قسمن بالله خشمي سلة سيف بس امر الله شق الدزربه
هذا ترحيب لا يليق بك يا شمبانزي يافرس النهر ولكن اعذرنا وان ماعذرتنا بقريح ترى ماقمت عندي ولا قعدت<-- اجل وشوله تريش فيه

نجي للأقتباسات

من السباهه اللي بالاصمعي طفّى الواير لس وجلس يقرى شطيط وش تشرب انت ؟ قسمن بالله لو تشرب قاز على الصبح وديزل بين عشوين ان ماتقول هالكلام عنبو اصلك قصتن لها من الـ 6 سنوات واكثر وجايبها تخف علينا فيها الله مير ينعل هالوجه يخي دوّر ناسن غيرنا اسحب فيهم وتسان سطير الكلب قايلن لك اننا سبايك تراهـ ملعون صير ويبيك تطيح ويدري انّا متابعينك اكثر من اهلك ياحبيب قلبي <-- طرّاه ان شطيط اخر علمه بأهله يوم يمسكونه بقضية تحرّش ويرحّلونه للحبشه

اقتباس:

انتابني شعور الفرح وأنا احتسي الحلبة على متن الطائرة المتجهة لإستراليا برفقة صديقي الحميم ذو الوجه المقيت ( جليغم ) .. نظرت إلى الرياض عبر النافذة وإذا بذاكرتي تعود إلى الوراء حيث معاناتي كداشر لا يدري ماهي السالفه فأرتمى بغباءه وبلاهته في أحضان التعليم العالي حتى حضي بالضمان المالي و أبتـُعث للخارج

اجل انتابك شعور ونت تحتسي الحلبه ورايحن لأستراليا هذي طوّل الله عمرك لا رحت بمنتدى بنقاليه يردون عليك ويقولون لك شكراً اخي قصه رائعة والا يعطيك العافيه تكتب كيذا اوما تجي عند ناس من اهل ديرتك خابزينك وعاجنينك ياحيوان وعارفين ترحيلك للحبشه وتسذبك على السوريين اللي كانو يدرسون معك وتقول لهم انا رايح لأستراليا يوم سألوك ليه ماتجي تلعب كوره بالروضه وانت مسفّر وجاي تهريب وحنا اللي متسترين عليك ومزورين لك بطاقة احوال لاعاد تسذب الله يصلحك التسذب مهوب زين <-- قل والله

اقتباس:

إلى ان وصل إليهم مستفحلاً ولكن ما إن رفع الطفاية عليهم حتى توالت على جسده صعقات الأسلحة الكهربائية فطقته النفاضه وخرّ متلوياً على البلاط

تسني بخويك وهو يركض قلبه يرجف من الوناسه وطايرن لم هالضعيفين اللي مايدرون وش السالفه يبي يمحطهم بالطفايه وشوي الا قلبه يرجف من الخوف والتصفيق اللي جاه عنبو اصله يعني الواحد اذا شاف بنات يروح يضارب هذا والله اللي شكله مركبن عقله بمكانن ماهوب المكان اللي مطلوب انه يركب فيه العقل وصايرن عقله يتحكم فيه بقوه وقلبه ميت ولا عاد ياصله دم كل الدم ياصل للعقل <-- لا احد يفهم غلط ياوصخين
شطيط المره الثانيه وانا اخوك اذا اخذت خوي مثل هذا ترى الاجانب عندهم التسلاب يربطونهن بسلسله ويمسكونهن بيدينهم على شان مايهجمن على احد انت خلك ذكي وقل لخويك تخيل انك تسلب اجانب ومربوط بسلسله وحركات ويشوفنك البنات وكيذا يعني عطه جوّه واربطه على شان تتحكم فيه

اقتباس:

1- ذيل الكلب عمره ما ينعدل

ماقلت تسذب عز الله واكبر دليل ذيلك هاللي من خبرتك وهو اعوج عنبو اصلك انت لو ماتتنيذل تسان ماتعرف تعيش بالدنيا ابد اي والله ذيل الكلب عمره مايتعدل ابد ابد ابد <-- لقطه لشطيط وهو يتصدد ويقول الله يلعنك ياسطير ويلعن اللي يوجبك والا يحط لك اعتبار مرتن ثانيه
.
.
شطيط الحقير
ماجيت هنا بشيد بلعانتك وحقارتك ياحيوان لا والله حشا وصاختك وعارفينها ونتعلم منك الوصاخه وانا اخوك بس جيت اعجاب واستذكار لما مضى لك وانت تخطو الخطوات الاولى الى عالم اللعانه والبثاره والمصاله وحتى بالرد ماقدرت اجاري هالقصه اللي قد قريتها وهالحين قريتها وتسني اقراها اول مره مير الله يبارتس فيك والا ياخذك وياخذ عمرك ياتسلب <-- وراك قلبت عليه
شطيط دوك وحطها في ... مخباك

آهات

خخخخخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخخخخخ

قسم بالله انك مريض

يا مستر شيت اهنيك على اسلوبك المنسم
والذي ان دل على شي فإنما يدل على التخلف العقلي اللي تعاني منه
الله يشفيك بس يالمريض

بعدين وش هالقصة اللي نصها دشارة ونصها نصايح يلعن ام جوك يالفكوك
يا حلالاة من سوا لها برنت وصورها ووزعها على طلابك

موضوع من عينة الكتاب الكبار
تحياتي للفتق اللي بمخك

youSsef

فيتو