بعدهمـ كلهمـ

مســاء الخـــير ...




وش اخباركم ؟ ...

وش علومكم ؟



وش اخبااااار الجوو الكاااايف ..
والمطر اللي انكب علينا كب ..


يالله من فضلك عساك راضي عنا


/

اليوم فلهـ .. غير شكل !


والجووو هبااااااااااال ...



نص دكتوراتنا من طقة (( الياي )) واللي ماتعودوا يدعسون بالخامس ويمشون بين هالسيوول اللي في الجامعة وحنا يالسعوديات وقسم كنا جيووب نرقى وننزل ونغرز ..
ونمشي اوضاعنا متعودين .. لو تبونا نرقى مبنى او آوادم ابد منب نخالف ..



واعتذروا الدكاترة ووشسمه وصار اليوم كشتة


حتى دكاترة الشبكة نصهم ماجو ع ذمة زميلتي ..
شكلهم طالعين للبر


مير مايلامون .. احد يشوف هالجوو ويفووت هالمناظر ..
قسم لو معي سيارة بروح عند الجسر المعلق اقل شي واشوف الاشياءات والمطر >>كفوك ويخب





نبدا اليوم الصبح ...

/


(1)

طلعت من البيت الساعة عشر ونص .. وماوصلت للجامعة الا 12 إلا
والواحد الود وده يعلق في الزحمات الين بكرة مع هالجوو والبروق والرعود والاكشن







حتى الاشارات صاكها بررد ..وضربت فيوزاتها ..
كل الألوان والاشكال شغاله " امش وتوكل "

/

(2)





كيف الحال بس
ياعميري يالله يوايدز من التنده وعساه يشوف طريقه .. احسه بحل بشكله

لا يفوتكم اللي طاب وموسعن صدره..

حبيته
احسه بايعها

/


(3)





وقسم يبي لك دباب بحري وتمتر ابو الشارع تمتيييييييير
اجل الناس تمشي ع الرصيف


لا وحولك اموااج ...



امواج مرتن وحدة وبوسط الرياض ..

سبحانه فهالديره كلش يصير



وقسم مالقاها الا راعي الجمس شكله بيمسك خط ..
وقسم موقعه استراتيجي يعطيك جوك



إلا آقوول ..

كيف التصريف والبلاوي اللي ينبش ابو جدها المطر ؟

ووينك يافلوس الحكومة اللي عطيتيها المنب قايله




/

(4)

واخيرا وصلت لجامعة عليشه


دخلت الجامعة من بوابة ( 6 ) وبتلت الين وصلت شارع الشانزليزيه >>وه تعوقت خشتي ..

ع قولة هالسعوديات ..
والله انا ضعوف رزوا لنا كم نخله ..
وطاروا بها ...

تراه اكشخ ممر عندنا ..

طبعا لازم امر من هناا عشان ادرعم لمبنى 12


( ملاحطة الصورة الحالية من سنة طع )





/
( 5)

وعلى يميني طبعا الكفتيريا اللي طقتنا الشهوة و ماطاعت تفتح الي يومكم





/

(6)



نهاية شارع الشانزليزيه







(7)

المراعي الخضراء وسفوح الجبال ماودك إلا ترعى فهالثيل






/

(8)


عاد جت حزة الفطور وبتلنا ( للسوق الكبير ) اكبر تجمع للفرم والتفريم

وهذي الصورة جنب السوق تقريبا ..

طبعا الحفريات موجودة بكل مكان .. وعندنا شيولات ورافعات وشغل مرستك وقسم

فهاللقطة بغيت انجلط من الجو ..

فتنه ياعالم







/


(9)




(No comment)

ووشسمه بس ترانا قحشة اوادم وشلة يعني مانتعامل الا بالجملة

/

(10)


وهاللقطة عاد من الدور المدري كم ..
في احد النواطح >> نطحك نعامة ..


بس








وبس


شسمه كم صورة من تصوير زميلتي >>> ياوسع ذمتك بعد


/




جعل الله امطار خير وبركه

youSsef

ام غمازات

صباح الخير ليون <<< من قدتس ادلعتس


شسمه هذا اليوم عندنا ؟؟؟؟؟؟


هذا شارع 5 ولا لا ؟؟ دخلت الجامعه وطلعت ماقد جلست فيه ابد

كله ترزز واستعراض


لا والله تطورت بعدي متى حطوا هالكراسي اذكر الكراسي ذوليك الطوال


مبنانا ترى هو ايقاله اكشخ مبنى بالجامعه

ليون كان صورتي ذيك الحوسه اللي عند المكتبه ودرج مبنى 4 مير ياهالدرج

ودي احد يرقى همن يسحبن خاصتن اول درجه

لينا قمت استرجع ايام الجامعه وانا اطالع هالصور والله اليوم اشتهيت اداوم مع

هالجو

تسلم يدينتس

فصفص

,
,


لينــــــاااااا

موضوعك خلاني اشم المطر من غرفتي

وحنا على قوله دكتورتنا فقراء جو

فتشوفين اذا جانا مطر ولا هب النسيم انواع الحركات

اللي مدري وش يسوي واللي ما اعرف كيف << قولي قسم

اهم شي ليوم بنات عندنا اول ماجا المطر يلعبون حبشه ويتلاحقون

واااخزياااه بس طالبه جامعيه وتلعب حبشه

فجت ذيك اللي تلحقها وتمسط على خشتها ساااد وش حدتس عالمراكض << قاعدتـ(ن) تراقبهم

وانا بشاركك بالصوراذا سمحتي يعني







هذي ليوم المغرب احلى جو واحلى كوفي واحلى اخوي يمشيني






وهوني الظهر اول ماطلعت من الكليه






لينا موضوعك رايق وبوقته وجامعتكم شي خنفشاري ماحصلشي

لذلك -->> مثبت

موافق عليها

زكرتي اليوكون انا اشهد انك ببطل

سنوي

WooooooooooooooW


mn jd mn jd Raw3aaah

> ma 3ndhm m6r fee al dammam


w al ta9weer 5'6eeer
w 3al fkra
tra al kleeh mraaaaa kash5'ah
a7sn mn elly 3ndna


tslm alayady

بعدهمـ كلهمـ

بعدهمـ كلهمـ

هلا والله وسلخيرات وسهلاوات بام غمازات وهالاشياءات

شكلك والله مبطية عن الجامعه ..
ياحليلك تطوروا عقبك حطوا كم مطب عند شارع خمسة كل ماريت لمه لازم ابصم عليه
وشالوا بوابه خمسة ... وصار ذاك الشارع للدوافير مب للسرابيت >> كبت عشاهم

حددي ايهم مبناكم لاتقولين الاداب ترا مايردني الا باب بيتكم يالكشخه

اقتباس:

ليون كان صورتي ذيك الحوسه اللي عند المكتبه ودرج مبنى 4

عسى مب ذيك الصندقة
قسم ان يصفرون الاوادم اللي فيذا .. ونطيح من عينهم حنا يالأوربيين
شكلك والله مخضرمة فهالجامعة وكارفتن فيها كرف وماخليت دعسوق من الدعاسيق الا وانتي راقيته مشالله عليك

ام غمازات .. يسلم لنا هالرد وتسلم لنا راعيته المفروض يحطونك في متحف

بعدهمـ كلهمـ

صف صف

قسم

ايه والله فقراء جو ... وقسم الثلاثاء ماجانا احد بس دكتورة وحدة ومشالله عليه ذي مناضلة ومكافحه ماتغيب ابد لو عليها جابتنا خميس وجمعه

اقتباس:

اهم شي ليوم بنات عندنا اول ماجا المطر يلعبون حبشه ويتلاحقون واااخزياااه بس طالبه جامعيه وتلعب حبشه

احمدي ربك حبشة ولا عين سين صاد


ووشسمه عليك صووور تشهوي الواحد اليمه تخليك تشتهين اشياءات يبي لها مقاضي >>شهاويها دسمه

وش بعد ايه .. تسلفيني اخوك يوم بس .. باخذه وارجعه سليم وقسم

فصفص لو مايجي من ردك الا التثبيت وش عليييييييك ياااعم كشختي بالبشت الاخضر والياقات الخضر
امشي وثبتي وذبيه لذهب الملحق بعد هماه ببلاش

فصفص محدن قالك انك ووشسمه تنحبين وكيذا

لاتصدقين واجد >> تتحسف ع الكلام الزين

بعدهمـ كلهمـ

موافق وش موقعك من الدنيا ذي وش تحس بهـ انت ويوكنك

بعدهمـ كلهمـ

شهري قصدي سنوي >> هاها ها تمزع المخلوق من الضحك


شسمه ارطن عربي واكتب لاهنت
محاتسيتك عندها صعوبات تعلم

الله يرزق الدمام مطر ويغيثكم >>> هذا اللي فهمته

تسلم على المروور وهالاشياءات اللي كتبتها

ستاربكس

.. // نـسـخـة لـ ذهب الملحق // ..