MţωlЗђ ƒέκ

الإربعاء الموافق .. مدري والله كم التاريخ مالها داعي احوس ..
كنا بنطلع رحله للبر انا والشجعان شرواي وكان وقت انطلاق الرحله بالتحديد الساعه 4 العصر والله يااأنا يغمرني الفرح يوم قالو بنكشت قمت ادق رقبه بـ السطح شافني ابو الجيران كان طالع يرمي الزباله وجاء وخطبني <-- فلم هندي
لاعاد اكمل لكم .. المهم انا من يوم الثلاثاء مجهزه عفشي ونايمه بدري علشان بسرعه يجي بكره [ كأني بزران اول ينامون بدري بليلة العيد علشان يجي بسرعه ] واصحى الساعه 1 الظهر .. واتغداء وادخل نت ابي اودع الل فيه وغنيت لهم
ماكان ودي بالــسفر لكـــن ظـــروف .. تحكم عـــلى الإنــسان بأول وتالـي <- اشوى اني طلعت ماقلت لهم باي من العجله ..

ونركب السياره الجميله الجديده .. < -- اول مره اشوف واحد سيارته جديده ويطلع بها للبر وبعدها ننطلق على بركت الله وقفنا واخنا لنا كوفي من الخط وكملنا وصلنا الساعه 9 اتوقع مدري ورانا تاخرنا مو بـ العاده بس اهم شي وصلنا
وانا اللي افتح الباب بسوووووووورعه وادخل للي بالمخيم واخمخمهم قلت لهم والله ودي ارقص احس ان فيني فرح مدري شلون خنقتني العبره تعبت ماوصلت لهم اللي بخاطري < -- اها وبعدين ؟!

شوفو عاد هذي الصوره التقطتها اول ماوصلت يعني علشان تكونون معي بالقصه السالفه لحظه بلحظه





اللي واضح لكم انها 3 خيام , والواقع انها 6
وتراني صورتها هنا وانا بسرعه اركض لاني خفت جانا مطر وأنا ماغطيت راسي

دخلت عند الحريم وسوالف وفصفص وشاهي واوريو < -- مشكلتي كيفك ؟ المهم اني صورت هِنا بس موب منزلتهم لاني اخاف تخقون ع اليدين اللي طالع طرفها وبعدين اتورط وتقولون المنتدى فيه مفسده وانا بحاول اميل للجانب الصالح
المهم ولا يكثر هرجي اتجهت لجلسه الرجال والله يـ الجلسه معلهم تفتح النقس بس البلا بهاللي اتغطى عنهم واجدين استحيت منهم صراحه < -- بعد ماقاومو واصور لكم نارهم اللي اهم مولعين [ يمديكم ع اللي بتطري اسمها بأي طريقه ]




وش رايكم اشتيتو تطلعون صح

بعد هالمشوار البسيط اللي رحت فيه للرجال رجعت للحريم وكملنا خرطي ( خبركم ل نسولف 24 ساعه مااضرنا )

تعشينا مكرونه بالبر هـ اللي سواها اشك ان فيه خلل ؟! احس ماينفع مكرونه ,, وبالبر بعد بس والله مابقى بالصحون ولا شي يمكن من الجوع

واتجه انا وبنت عمي ونقول لابوي نبي ننام ونخاف ننام ع الارض دبر لنا حل .. قال مالكم الا اليوكون اهو اللي بيكفيكم .. قلنا لو ننام ع الكبوت ,, اهم شي مانبي حشرات
زبط لنا المكان وهذا اهو ..




شفتو المكان وشلون وسيع .. ماكفا لنا انا اقول لكم ليش ..
بـ اول الامر عندي اختي صغيره .. ذبحتني بنام معكم بنام معكم وانا اكرشها واقول لها لا نامي مع امي مالي خلقك وتسوي نسفها زعلانه وانا من جد مالي خلقها خلصنا المهم وتفرش لها امي الفرش بخيمتهم وتنام في امان الله وبينما انا وبنت عمي جالسين نسولف .. اسمع شي طاح على السياره لا وبنت عمي اول مره تنام بالبر يعني الورطه واقول لها عاتي ياشيخه هذا هذا هذا !! ماعاد في بالي شي مافيه الا الحرامي .! قالتها اهي .. لايكون قطاع الطررق عاد انا هنا جاء دوري .. وحان وقت اني البس القناع الاخضر واتشقلب بالجو واشوف وش السالفه ييوم جيت افتح الباب الا والصور يزود وحبه حبه اكتشفنا انه برد .. ( اللي مثل الثلج للـ متطورين ) سكرت الباب في امان الله وراح الخوف .. وشو ونخاف مره ثانيه .. اختي الصغيره تطق الباب باقوى ماعندها تقول غرقنا ركبتها وصاحت وش فيكم قالت بسرعه افتحي الباب عماتي يقلون الخيام تقطر مااراح تتام فيها من وين نجيب لهم اماكن ؟ ! المهم سترها ربي هاك الليله وتراصينا اللي باليوكون واللي بالجيب واللي بالجمس واللي في.... باقي السيارات والرجال في عاشر نومه ماحسو باي شي ماشاء الله
قاية لكم طالعه مع ابطال وشجعان شرواي

نمنا واصبحنا الصبح الساعه 4 احلى وقت للصحوه بالبر

وخذت لكم هـ الصوره ..



صليت الفجر ورحت انا وامي للغدير اللي بجنبنا انتظر فيه فهد < -- تاثير صراع على الرمال ولقطت لكم هـ الصوره ..



وهذي صورة الشروق ..





بعدها رحت وصحيت الكل لاننا ماجينا ننام وطلعت للسياره ابي اسوق لي فتره والكل يوعدني يعودي نسوق قير عادي بس الى الان ماعرفت



::





افطرت وهذي صورت الفطور بعد ماخلص لانهم ماشاء الله تقل مجاعه .. 4 دقايق بالظبط وخلصت الكبده .. تفوووو ماشاءالله

خلصنا من الفطور واتجهنا للعب في الهوااا الطلق بس الله يقلعهم هـ الناس رايح جاي خربو علينا
وهذي صورة الشي اللي لعبنا به



والله يـ اهي وصخه .. بس ماعليه وش له الكشخه واحنا طالعين للبر < -- اشوى اني ممسحتها الف مره وكل ماحركتا اصور توصخت

رجعنا ادراجنا بعد التعب <-- ماتمزح سعد الحارثي [ تراني كتبت ياسر القحطاني بس بطلت سعد احسن كيفي احب النصر ]

دخلت الخيمه .. وصورة لكم اغراض الطلعه والاشياء اللي نستعين فيها للطبخ والمقادير



لحد يقول حوسه .. ارجع واقول لكم ترانا طالعين للبر

طلعت من بيت الشعر واتجهت للغدير فهد تأخر هـ المره مدري ليه اكيد ابوه عرف انه يقابلني بالغدير والا يبون يغيرون علينا << ها ها ها كيفي وانا سامجه !؟




طبعاً ماالي غنا عن خيام الرجال لابد اجلس معاهم شوي بس اذا العيال اللي مااكشف عنهم طلعو يطعسون والا راحو في عفريته .. اهم شي انهم موب فيه وهذي جلستهم



وبعدها رجعت للحريم والنميمه والحش والـ .... الخ

وصورة لكم الذبيحه واهي تطبخ .. طبعاً كانو ذبيحتين لأننا اوب شويين ماشاء الله وحده الرجال سووها والثانيه امي يالبى قليبها



في بر وبيطبخونها مفطح ؟!! مدري وش يحسون به

وهذي صورة القدر من برى




وجاء وقت الاكل والرم .. وهذي صوره للحريم واهم يحطون الرز .. الظاهر والله اعلم انهم يحطونه بـ صحن يعني مو بالملاس او مدري وش تسمونه



خلصنا غداء والجو خنفشاري قلنا مابدهاش نبي نسوق <-- وشسمهم وشافو بقره
وفي دربنا للرجال علشان نقول لهم بنسوق لقطت لكم سيارتنا اللي تفتح النفس <-- ايه هين




لحد يركز علشان ماتطلع العيوب
ركبنا الشروكي والبنات كل وحده تقول انا اللي بسوق , وبما ان السياره لولد عمي انا اللي سقتها اخواته معنا بس مايعرفون وجاء معانا ابوي لان فيه حولنا ناس كاشتين وصورة لكم وانا اسوق



واحنا في طريقنا نمشي .. مرينا من مكان فيه شوي مويه .. المهم هـ النقعه فيها شجره .. مو شجره كبيره لا صغيره مره .. مو شجره اصلاً بس شكلها من بعيد كاانها شجره صغييييييييره مره <-- الله يعلن بليس على هـ لشرح
الزبده .. عمي كان موقف هناك ونزلنا عنده وحط يده بجنبها وقال لي صوريها على فكره تراه خاطب لحد يحاول يحتك <-- يد ضب



رجعنا وكملنا يومنا بهنا وسعاده ونمت العصر كله لاني صاحيه بدري وحطو الفلله ومارفعو لي شي قمت طاقني الجوع وكلت لي معمول تمر يسد الجوع بعدها بشوي قلت لهم تراني جوعانه ارحموني وقامو يسوون العشاء واشتغلت معهم وهذي صورة اللحيم .. تبلناه وحطيناه بالقصدير ودخلناه تحت الجمر والله ياعليه طعم خنفشاري



تعشينا ونمنا في سلام وامان صحينا الصبح واليوم مثل امس يعني مافيه جديد يوم جات الساعه 3 العصر واحنا اللي نحرك السياره ونعود ادراجنا الصراحه ودي وماودي اني ارجع وهذي سيارتنا واحنا راجعين



واحنا بالخط شفنا شي يضيق الصدر بعد صورته لكم << ماعندها وقت شوفو



وفيه شايب ع الطرف .. معاه عصاء والله انه رايح فيها .. يصوت لهم يقول [ خل الورعان فوق التنده , والحديد بداله حديد ] هذا كله مشيناه ماعليه بس يصارخ واهو يصور هذا ماتمشي فاتني ماصورته والله

:


صوره لعصوم مدري وش اسمه اللي قال لي بموضوعه يعني تتحدين , .. انا بعير ماانسى هذي الصوره علشان يعرف ان ديرتنا جايها سيل واجد




ورجعنا الرياض بـ فرح يغمرنا وامطار غزيره وبحر من السيول <-- لابوتس لابو من علمتس الخواطر


ومُبارك علينا وعليكم هـ النعمه .. هـ العام وكل عام ان شاء الله وانترظوني بـ الصور الابداعيه اللي لقطتها وانا هناك .. هـ اللي فوق خربوطيه

youSsef

موافق عليها

اخير نزلتي يامتولعه الطلعه الخنفشاريه
كفو كفو وش ها الموضوع الصدز انه بطل ومن عندي يبي يروح لم الذهب سريع سريع
وق

يلعن ابو طلعه الخكاريا اجل كوفي على الخط وين ترمس الشاهي وين القهوه لامنكم وصلتوا هناك



الله تصوير خالع بالله متولعه وش نوع الكام حقك خقيت خقيت
بالله لاعمرتس تصورين مهب باين شي لا ومن سعه الوجه قاعده تشرحين كم خيمه
الصراحه مهب باين بالصوره الا اسمتس ويكفي عشان تطلع الصوره حلوه



اي والله اشتهينا
يازين شبه الضو بالبر وانتم حولها قاعدين تتسذبون على بعض
عاد ابد ربعنا مهب تسذوبين ابد ابد مهب كلن يطلع بالبر قرانديزر




هههههههههههههههههههههههههههههههه
هههههههههههههههههههههههههههههههه
اما نمتوا بالسياره
متولعه ياخبله وش تحسين فيه انتي وبنت عمك
كل ذا خوف خوف من وش اشوا ان الشتاء مافيه يعني حشرات ولا عقارب يعني وش خايفين منه
متولعه احس انك تمشين بالبر لابسه نعال



ياويليه
مدري ليه حسيت على ها الصوره يبيلها كاس حليب وشكشوكه



ماشاء الله بركم نظيف
لاتصير امكم زي امي لازم تنظف البر اول همن تجلس فيه وتلقى كيس زباله بكل مكان
عشان مايتوصخ



هلا بيك انا اشتهيته من هينا
بس واضح ان الملح ناقص كان
اجل اربع دقايق فرمتوه صدز بالبر تاكل كل شي مايهمك زين شين المهم اكل الدعوه جواعه



لا لا وش ها اللقطه
بنت كلب الصصراحه بطله بطله
متولعه بس شلون كنتي مسويه يوم تصورين

اقتباس:

تراني كتبت ياسر القحطاني بس بطلت سعد احسن

منتب كفو تكتبين ياسر القحطاني اصلا



سؤال سؤال كم طالعين انتم من يوم ؟
وشوله ها الرز كله والله لو انكم جالسين شهر
بس وراكم تسذا حوسه وين التظيم << ادعس شف من يهرج




الله الله تسلم يدين من طبخه
ايه ببر ويسون مفطح وش تبينهم يسووون يعني همبرقر مثلا ولا بريك فاست << سياشين اللي يقول كلام مايدري وشو



برب لي عوده طلعه مستعجله ابروح اجيب سياراتي << ياشين اللي توه شاري سياره وازعج العالم

MţωlЗђ ƒέκ

يوسف ..
الحين شُغل عدل بدل .. ولا علمتيهم وينكم كاشتين فيه ؟ ..

لا موب معلمتهم لاننا بنطلع الاسبوع الجاي واخاف يجي لنا احد والا شي <-- يرحم امتس

يعني اذا جيتوا تروحون للبر وذا تجيبون معكم بجايم نوم وكييذا

ايه اجل وش ننام به <-- خكريه وبعدين وش فيها طلعتنا يااخي كرهتني بعمري حسيت ان ابوي لابس جينز وحاط بشعره جل وبيده خاتم خخخخخخخخخخ واذا على البطانيات قول لي وين تشترونها منه يمكن احنا مثلكم
بعدين مع احترامي لكم ولعمانكم الرخوم اجل يوم جاء مطر تناقزتوا

علم عند عماني بخليهم يهكرون المنتدى اجل رخوم اجل ع الاقل طلعو طلعة زينه وبعدين موب مطر والله ذاك اليوم غرق يحق لهم يخافون ويتناقزون

ايه ع فكره ماش كاميرتس ما أدت زي العاده

لاني ماصورة بالكبيره معاي ثنتين كلهم 8.1 ميقا بكسل الكبيره تصويرها ادق واحسن
وان شاء الله تشوفون تصويري بـ كانون بموضوعي الجاي وتفرقون بين الصور
وتسلم على وصف مكاننا بالخاقوقي لانه صدق حلو وخاقوقي وخنفشاري
واذا على القدور ياابو لغاميس وش نطبخ فيه اذا مااخذناها !! والا انتم اوب مثلنا والبلاستيك ناكل فيهم يعني علشان مااانتعب الشغالات في الغسيل والحوسه


ورجاء خاص قول ماشاء الله وناخذك معنا .. بديت اخاف من عينك اجل علطول حادث واجل , اللهم ياكافي


تسلم ع الرد اللي مافهمت نصفه
دوك ازرعها اذا طلعت للبر

ستاربكس

وهـ وهـ وهـ .. ..

ابييييي بر وش ذا ,. .. ماشاء الله ..

ياربيه .. متى ربي يرزقني بـ اهل سعوديين زيكم ..

يالله يا كريم الويك إند الجاي نطلع البر .. لو الثمامة مايخالف انا راضية ..

: مـثـبـت :

MţωlЗђ ƒέκ

موافق .. حظك نحس كل ماكتبت رد لك تقفلت الصفحه

",",

شوف عاد قعدت اعيد بـ الرد 100 مره وانا اكتبه .. يعني لو مايروح للذهب يالويلك

,


ترا مافيه من اهلي احد يشرب قهوه عاديه الا امي علشان كذا ماناخذ معنا اهي تشرب معنا كوفي وبس


واذا على الكام هذي اهي
Casio - 8.1 m.p بـ 1400 بس ماانصح بها صراحه <-- كيفي وانا مصدقه !
اسمع عاد .. لاا تتطنز على التصوير , قلت لكم اني اركض وانا اصور علشان المطر وبعدين اشرح لانها موب واضحه لو واضحه ماشرحت


مهب باين بالصوره الا اسمتس ويكفي عشان تطلع الصوره حلوه

ماجبت جديد <--

قاعدين تتسذبون على بعض

متاكد انك موب معنا ؟! من جلست معهم وعماني كل واحد يمدح نفسه وطبعاً اللي ماتعرفونه ان ابوي حاقرهم كلهم شايف نفسه سوبر مااان ( يارب مايقرى هـ الرد )


اما نمتوا بالسياره

لا نمنا ع الارض وش فيها يعني اذا نمنا في السياره قلت لكم مانبي حشرات وبعدين مسوي على بالي ابضاي وتعرف ان الشتاء مافيه عقارب وحشرات وكيذا سلمني على امك


يبيلها كاس حليب وشكشوكه

الحليب اهم شي في البر مع زنجبيل والله انه شي

لاتصير امكم زي امي لازم تنظف البر اول همن تجلس فيه وتلقى كيس زباله بكل مكان

اي والله اول شي تجهزه بالعزبه اهو الزبايل اعوذ بالله وسوسه نظافه


صدز بالبر تاكل كل شي مايهمك زين شين المهم اكل الدعوه جواعه

اي والله اك صادز فيه اشياء كلتها ماكنت ادانيها اول بس على قولتهم الجوع اقشر وبالبر اي شي ينوكل مانقدر نتشرط



متولعه بس شلون كنتي مسويه يوم تصورين

عسى ماتبطي !!


منتب كفو تكتبين ياسر القحطاني اصلا

لا والله بس ماابي موضوعي يتشوه

سؤال سؤال كم طالعين انتم من يوم ؟

الاربعاء والخميس والجمعه بس والله اننا جيس حااااااااافل ماشاء الله

الله الله تسلم يدين من طبخه
تسلم

ولا عاد تسوي نفسك كشخه , قل شاورما والا اذا تطورت مره مره قول تورتيلااا

تسلم ودوك ازرعها عند بابكم

MţωlЗђ ƒέκ

ستار بكس

ياقلبي رحمتس .. تجين تصيرين اختي ؟

ياربيه .. متى ربي يرزقني بـ اهل سعوديين زيكم ..

عادي مافيه مانع احنا اصولنا تركيه .. او مدري هنديه ونكشت

يالله يا كريم الويك إند الجاي نطلع البر .. لو الثمامة مايخالف انا راضية ..
حنا بنطلع هـ الاربعاء تجيني معانا ؟

: مـثـبـت :

تسلمين والله وعقب هذي حلفت ان نمرتس وتطلعين معنا

دوتس

سلمى

f a m o u s

ابي كبدة
انا اشوف الكبده بالنص .. لكن اللي بالبلاستك هو كبده بعد
<- وش الفايدة من هالسؤال
انا اقولك لاني شكيت انها شوربه ع الصباح وكيذا




اجل مسحتيها وطلعت كذا .. اجل قبل المسح وش كان شكلها
صورة رهيبه .. بس كان ينقصها كوره نظيفة <- يا ليل




هذا البرد ؟
والله شكله نزل واجد ما شا الله




هيه
وقت غدا الحين ما لها داعي
بس اشك ان البصل متمردغ باتراب وكأني بنفسي متأكدا ً
ولا عمرك تصرفين اجل ذي تتبيله خخخخخخخخخخخ
اشوا انها متمردغه بالطين لين اذنت



ابي افهم وش الفايدة من النوم بالبر اذا بتنامين بالسياره
أومي تلحلحي يوم يومين بالخيمه ما بتفرق .. العالم نايمه جنبك يعني ما في الا انتي لحمك طري والدوآب تدور لك
بس بيني وبينك البطآنية تحمس للنوم .. نآقصك السرير تحملينه




صبه يا حبيبي ما شا الله صبه




خخخخخخخخخخخخخخخخخـ
والله احسهم يتسدحون ما يجلسون ع هالجلسه .. ونآقصها الربآبه وتكمل الجلسه <- عسى ما معكم ربابه احم

::
::

ما تلاحظين لي ساعه ما مدحت ولا شي
يالله نبدا نريش بك عاد ..



والله مكآن يفتح النفس والجو احلى واحلى والصوره اطلق واطلق بس لو الهآيلكس يستحي ع وجهه ويسفط




ما شا الله عدة كامله مكمله .. عزبة هنود لا .. عزبة بنقلآ لا .. عزبة زوله لآ .. <-- برآ
الا آغرآض كشته تجيب العآفيه <-- يريش ترآه الحين

::
::

متولعة فيك /
ما شآ الله .. والله كشته شكلها تفتح النفس ..
وشكلها نستك المدينة واللي فيها والنت معه هـع
يآلله ننتظر الكشتآت الجايه <-- على هالعدة والعزبة يبي لكم شهرين كشتآت

::

وموضوعك .. [ توب ] ما شا الله
لا من تنسيق ولا من تصآميم خاصه بالموضوع وكلش كلش

بالتوفيق الرحلآت الجآيه : (

فصفص

اهلن اهل متولعه
شفت موضوعك امس لكن يوم شفت ستارهـ ثبتته قلت ارد وقت ثاني اكون مروقه خبرتس البزنس والدراسه والمنصب


الصراحه طلعتكم تجيب الصياح والخقه
خصوصا اذا كنتي ماتقدرين تحكين راستس من الشغل وشفتي هالصور تتنهدين بعمق ومعد تتقبلين الواقع

يازينها اذا كانت برااااد وحولك بنات عمك وسمره سوالف بين مركا ومسباح






مكانكم خنفشاري ماشاء الله
بس اتوقع جا المطر عشان اختك عطتكم عين اجل مخلينها تنام بالخيمه ياويلكم من الله

اقتباس:

وبينما انا وبنت عمي جالسين نسولف .. اسمع شي طاح على السياره لا وبنت عمي اول مره تنام بالبر يعني الورطه واقول لها عاتي ياشيخه هذا هذا هذا !! ماعاد في بالي شي مافيه الا الحرامي .! قالتها اهي .. لايكون قطاع الطررق

خخخخخخخخخخخخخخخخخخخخخخخخخخخخخخخخخخخخخخخخخخخخ
تخيلت بس اشكاالكم انواع المناقز والرعب
تصدقين زي بنت عمتي يوم اني بشأرا جالسين في بيت جدتي واقنعت امها تنام معنا ويجيك ذاك المطر بنص الليل والبروق والرعود
والبنت قمطت العافيه ومتشنقطه فيني وانا اقولها يازلابه ياخوافه تعالي نشوف الجو تحت بالحوش وهي تسحبني تقول لا تكفين واقنعتها ونزلنا اول مافتحت باب الحوش ويجي ذاك البرق مدري الرعد قوووي وتطفا الكهرب
خفت على مشاعرها والصدز اني انا بعد خفت شوي بس مدري ليه جتني ضحكه بذاك الوقت
..



ماشاء الله رووووعه بس شكل الجو كان بااارد









مؤونه سنه موب طلعه يومين ماشاء الله عساتس بس ساعدتيهم في الطبخ







ونااسه جلستكم بس بسألك سؤوال محيرني من زمان ليه دايم الرجال ينحط لهم احسن شي والحريم لا



ياحبيلكم والله انكم رهيبين

وطلعتكم تهبل ماشاء الله عيشتينا جوها بكل تفتصيلها في صورك

وحسيت اننا خكاريه عقب طلعتكم نجتمع كلنا ونطلع الظهر وعلى طريقنا نجيب غدا من مطعم ونجلس الى الليل ونتعشا شابوره وحليب وكلن يدرعم لبيته ينام ومن بكره نفس الشي لمده اسبوع قسم بالله دوام موب كشته


متولعه الخنفشاريه موضوعك مميز لا تطولين علينا بالثاني تبع الصور الاحترافيه

يعطيك العافيه

ريمي

MţωlЗђ ƒέκ

سلمى
صديقتي الجديده
شوفي عاد تراني حسيت فيك يوم بردتي ونزلت هـ الصوره علشان تدفين <-- نصبه كبر الشمس وبعدين لاتولعين بالغرفه اخاف تحترق اوراق الخواطر والكلام الحلو حق موضوعنا المشرتك الوشسمه <-- ماتنعطى علم

عقب هالصورة تمنيت اصير لاعب
مثل ساعد الحارثي صح ؟ <-- تسمع به وناصبين عليها يورونها كاكا يقولون هذا سعد

صورة روعه بقوووووووووووووووووووة
مافيه اروع من ردك

الصورة ذي شاعرية والسماء مهب طبيعيه مره , اشتقت للكشتة
سلمى وين شاعريه معه !! شكلك ماركزتي ع الصوره فيها سياره غرقانه وشاعريه؟ ولعيونك تصير شاعريه كم سلمى عندنا

قال يابنيتي يحسبونك حدا هالبزران
عاد انتي ترجميها ع اللي تبين يمكن يقصد ان صوتك برئ ورقيق

سومه ..
منوره يااحلوه الموضوع
دوكـ حطيها بموضوعنا القادم <-- ياليل

مش ولا بد

MţωlЗђ ƒέκ

فيموس صاحب الرد المنلحس

وش كبدته يرحم امك لا وشوربه بعد اللي بالصحون عدس ركز ركز

صورة رهيبه .. بس كان ينقصها كوره نظيفة <- يا ليل
اقول لكم .. ماسحتها تراني وش ذنبي مامعاي كلوروس علشان تنظف مره ولو فكرتو يعني لو اهي نظيفه ماراح تطلع بـ هالروعه < -- ترقص لعمرها

والله شكله نزل واجد ما شا الله
ايه مره واجد الله لايوريك تفلقت روسنا خخخخخخخخخخخخخ

ولا عمرك تصرفين اجل ذي تتبيله
وراك انت فضحتنا !؟ خليني استمدح عندهم على بالي نعرف نسوي تتبيله وحركتات وصح عليك متبلينها بتراب ( مسوي ذكي وفطين ؟)

العالم نايمه جنبك يعني ما في الا انتي لحمك طري والدوآب تدور لك

وش اسوي اذا لحمي زين وبعدين انا ماتهمني لو تعضني بس ماابي احس فيها تمشي وعععع

صبه يا حبيبي ما شا الله صبه

اللي متعود يدين الارانب يخلي عنه يدين الاسود

يالله نبدا نريش بك عاد ..
زين حسيت <--
بس لو الهآيلكس يستحي ع وجهه ويسفط
اي والله ماداني شي اسمه هايلكس اعوذ بالله يقص الظهر <-- وش عندها بنت الملك

وشكلها نستك المدينة واللي فيها والنت معه
لا والله ماعاش البر اللي ينسيني المدينه والنت

على هالعدة والعزبة يبي لكم شهرين كشتآت
كأنك تشوف

,’

فيموس
وتسلم ع الرد الخنفشاري مثل موضوعي
دوك

ستاربكس

.. // نـسـخـة لـ ذهب الملحق // ..