آتعبني الترحال

الحب اللي كان

هلا والله صديقي مبروووك الف الف مبروووك .. وعقبالنا يارب ... ومنك المال ومنها العيال
اسمع ياصديقي .. اذا تملكت كلمها وفلها وانبسط..وسولف خلها تاخذ عليك وتاخذ عليها..
واذا تملكت لاتحرص على الطلعه رح لها انت بالبيت .. حتى لو تجلسون لحالكم
بس انتبه تسوي شيء منا ولا منا هههههههه .. علشان تحس بالونااسه اذا طلعتوا سوا بعد العرس .. وشد حيلك خلك دايم مزيون ودايم تحلق ههههههههههههههههههه



وطبعاً بالهدايا لاتقصر .. ياخي هي شريكه حياتك .. وهي عمرك كله ..اما من ناحيه الملكه كلها عزيمه ... واذا طلعوا الناس تشوفها مره ثانيه ... وتكلمها شوي اما كيك وخرابيط وتقطعونها سوا ماعرفها ذي ههههههههههههههههه
ويالله بالتوفيق ...
ياطويل العمر

طمبيـراه

يااااه انت كبرت

هاه عساها طلعت زي مواصفاتك اللي كنت تبيها !

الله يوفقكم ويجعلها عيشة الهناء

~~ لو انت ولا انتي بمكاني , تأيدون المكالمات بعد الملكة ولا لا/ وليش .؟!
ايه أأيد بيديني ورجليني .. هماه رجلي حلالي .. بعدين ابي ابخصه واشوف شلون حكيه .. فرضاً طلع الرجال مايناسبني ابداً ولا فيه عيب .. اكيدنه في هالفتره الا مايخرخر علي عيوبه .. وبعرف .. قبل لا يدخل علي ليلة الدخله ويفك قراطيسي .. اصير مطلقه بقراطيسي اهون .. بعدين هي سعة صدر وفي هالفتره يمدي يصر بينا حب وشوق .. خن نلهف اعمارنا وشو بعد وراه مانلهف انفنسا لبعض عشان ليلة الدخله نصير مشتاقين لبعض مهب تونا نعرف علوم بعض .. وه بس الله يجيب هالباصق واكحل عيوني به

2~~ كل واحد يقول وش يتمنى من الطرف الثاني هداياء بالفترة ولاحد يقول مابي كلنا نحب الهداياء ؟

الا ودي يجبلي اللماس أأأ اقصد يجبلي دبله من نفسه ويزينها زي هالدبدوب اللي حاطه .. ولا يجيبلي ساعه ولا سلسله مممم اي خنبوقه بس لا يجي يدينه فاظيه

3~~ وش تحبون طقوس ومراسيم الملكة .... يعني كيك وماكيك وشربها وتشربك ..!!

ودي انا ورجلي وقدام عايلتي وعايلته بس .. يشغلون اغنيه هاديه ونرقص انا وياه لحالنا ويشيلني .. بعدين اقص الكيكه انا وياه ويأكلني وأكله واشربه ويشربني .. همن مدري وش نسوي اهم شيء انه قدامي وه

4~~ هل انت مع المقابلات والخروج اثناء الملكة ولا تفضلها بعد حفل الزواج !

الا انا هالشيء .. خن نطلع سوا يوديني كوفي رومنسي اضوائه خافته همن نقعد نشرب قهوه ونوكله بعض كيك .. كل شيء حلاته في الملكه قبل الزواج عشانه شفاقه

5~~ ( اي اضافات من عندك عن فترة الملكة وكذا )

معروف ان الملكه احلى ايام الزواج والغالبيه يقولونه .. مع إني سمعت ان فيه ناس ينصحون انه مايكلمها في الملكه عن تجربه .. بس خل عنك ووسع صدرك .. وبعدين خلها ذكريات ترى كل شيء في الملكه يبقى لكم طول العمر ذكريات



وبحكم صغر سني منب قادره اعطيك علم مفيد

unique

السلام عليكم

اللاااااااااه تزوجت ..
مبروك منك المال ومنها العيال ..

هذولا لا تاخذ بكلامهم .. ما ودانا بستين داهيه إلا هاللي يتفلسفون ..
انا مع اللي يقول كلمها وشفها قبل يطيح الفاس بالراس ..
من جد يعني اعرفها زين دامكم على البر ..
المُهم نجي لأسألتك

اقتباس:

لو انت ولا انتي بمكاني , تأيدون المكالمات بعد الملكة ولا لا/ وليش .؟!

إلا أأيد .. عشان اعرفه ويعرفني واصير امون عليه وكذا .. ادري وش انا ماخذه مو اصير على عماها

اقتباس:

كل واحد يقول وش يتمنى من الطرف الثاني هداياء بالفترة ولاحد يقول مابي كلنا نحب الهداياء ؟

اقتباس:

لو علي اخليه يهديني شنط على الداخله والطالعه .. او خواتم ..
لا جد اي شي عادي اهم شي انه يجيب واحسه انه مفكر يعني انه يجيب بحسه ذوق ..

اقتباس:

وش تحبون طقوس ومراسيم الملكة .... يعني كيك وماكيك وشربها وتشربك ..!!

ايه ايه .. كل شي بسويه ابي احس اني ملكت صدق .. طبعن الملكه صوغيره .. ما احب الملكه الكبيره وكذا

اقتباس:

هل انت مع المقابلات والخروج اثناء الملكة ولا تفضلها بعد حفل الزواج !

اقتباس:

امممممم هذي ما ادري .. يعني تفرق من شخص لشخص على حسب زوجك وشو احس .. ما ادري احس اني اتفلسف خخخخخ .. بس الطلعات عادي يعني ما بقول لا ..

اقتباس:

وادعوا لي بالتوفيق وياكم

الله يوفقك ويرزقك الذريه الصالحه ..
وعقبال شباب وصبايا الملحق ..
يعطيك العافيه

ستاربكس

1~~ لو انت ولا انتي بمكاني , تأيدون المكالمات بعد الملكة ولا لا/ وليش .؟!


لو يحصل مكالمات قبل الملكة بعد يا سلام .. احسن واحسن .. عشان لو في شي ماجاز لكم من البداية تتكنسل قبل لا تصير ملكة ولا يصير الناس دارين ولا هم يحزنون .,
وبعد الملكة لازم تكلمها خير إن شاء الله ما تكلمها .. زوجتك خلاص .. لازم يصير فيه وقت بينكم تعرفون بعض وتنسقون مع بعض وحركات التأثيث وما التأثيث وهيك يعني .. ..

2~~ كل واحد يقول وش يتمنى من الطرف الثاني هداياء بالفترة ولاحد يقول مابي كلنا نحب الهدايا ؟


لاب توب .. اول شي اسئلها هي وش ناقصها , أو إذا زرتها اعرف وش جوالها , إذا قديم , جب لها جوال جديد , أو إذا هي من النوع اللي يحب الحلق , جب لها حلق من ذوقك , أو عطور ., اي شي من ذوقك بيعجبها ..

3~~ وش تحبون طقوس ومراسيم الملكة .... يعني كيك وماكيك وشربها وتشربك ..!!

كيك ومعجنات وخرابيط .. بس شربها وتشربك خير إن شاء الله مصاريا .. اصلاً هذا وجهي إن اكلتوا شي ..

4~~ هل انت مع المقابلات والخروج اثناء الملكة ولا تفضلها بعد حفل الزواج !!

قلت لك بعد الملكة هي زوجتك وحلالك . <-- عصبت ..
ولازم لازم على الأقل إذا أهلها رافضين سالفة الطلعة مع بعض , تروح لهم زيارات للبيت , وتوريها مثلاً صور أثاث عشان بيتكم الجديدي .. ., يعني أهم شي لازم تشركها معك في كل اختيار تختارهـ , وتأخذ رأيها فيه .,

5~~ ( اي اضافات من عندك عن فترة الملكة وكذا )

على قولة اغلبية المعرسين ( أيام الملكة هي أحلى أيام المتزوجين , فـ حللوها من أولها لـ أخرها .. )
وحاول تحسسها إنها أهم إنسانه في حياتك , بعد أهلك طبعاً , ولها رأيها الخاص , وشاورها في كل صغيرهـ وكبيرهـ , حسسها إنها شخص مهم وانك تثق برأيها , وبين كل فترهـ وفترهـ أمدحها .. عشان تطيحها في غرامك من البداية وتصير تشتاق لك دايم , وكل يوم تتحمس أكثر للزواج .. .,

اي صح نسيت أقول ..

ما عليك من كلام خويك فلان , وخويك علان .. لا قالوا لك الحرمه ما تنعطى وجه ولا تسوي لها كذا , ولا تفعل كذا ..
أنت سو اللي تحس انه الصح , انت إنسان عاقل وتعرف تقيم الصح من الغلط , وتعرف الشخص اللي قدامك كيف يفكر او وش طريقة تصرفاته .,

وكثر قراية الكتب اللي تتكلم عن الزواج من جميع النواحي , أو اللي تتكلم عن شخصية المرأهـ , وعندك كتاب النساء من الزهرهـ والرجال من المريخ مدري العكس .. كـ مثال عن الكتب اللي تعلمك كيف تتعامل مع الطرف الأخر .,

عشان لو صارت لك مشكلة تعرف كيف تحلها بدون ما تروح لـ إي طرف ثالث عشان يحلها لك .,

موفقين كل أبوكم ..

se.no.ri.ta

MţωlЗђ ƒέκ

ع البرررررررركه
والله حـركتـات كبـرت وبتـصير رجـال وبـيزفـونك وانـت لابـس بشـت

( مبـروك ومنـك المـال ومنـها العـيال والله يـوفـقك ويـسعدك وتـكون بعيـونك اكـوس زوجـه بالعـالم )

نـجي للأسـئله ..

1~~ لو انت ولا انتي بمكاني , تأيدون المكالمات بعد الملكة ولا لا/ وليش .؟!

لا
خـله يـفرح اول مـايـزوجـها كـل شـي جـديد مـوب يـصـير عـارف كـل شـي عـنها
علـشان يـكون اول شـهر العـسل ( تعـارف ) ويكـون كـل واحـد يقـول للـثاني الاشـياء اللـي يحـبها وكيـذا يعنـي

2~~ كـل واحـد يقـول وش يتمنـى مـن الطـرف الثـاني هدايـاء بالفـترة ولاحـد يـقول مـابي كـلنا نحـب الـهدايـاء ؟

الا ابـي
وابيهـا زيـنه وغالـيه الـثمن لان اللـي تجـي بـاول الـعرس مـاعـاد تـجي بـ اخـره فـ اخـذ منـه مـن الأول احـسن مـن ولا شـي بـعديـن والـهدايا مـثلاً ( جـوآل , عقـد , سـاعه , حـلق ) وبـالاول لـو تعـرف وش ميـولـها يـكون احـسن واذا ماعندها لاب توب اشتر لها

3~~ وش تـحبون طـقوس ومـراسيم المـلكة .... يعـني كـيك ومـاكيك وشـربها وتـشربـك ..!!
شـوف الكـيك شـي لابـد مـنه ولازم مـعه شـي تـدزون بـه عـن الغـصه

~~ هـل انـت مـع المـقابلات والـخروج اثنـاء الـملكة ولا تفـضلها بعـد حفـل الـزواج !!
امممـمم علـى حـسب البنـت اذا اهـي مـيولها تـبي تطلـع وتـحب هالـحركتـات ابـد طلـعها

5~~ ( اي اضـافـات مـن عـندك عن فـترة الـملكة وكـذا )
وسـع صدرك بهالايـام , لانـك بيـجي يـوم وتـقول يـاازيـنها ويـاليـتها ترجـع

اتعـبني .
لـك فقـده والله , واتـاري السـالفه عـرس وحـوسـه يالله مـوفق وأن شـاء الله يكـون هـالزواج الاول الاخـير < = ياكـافي

دوك
وللمدام

احبك لو تكون فاغر

ام غمازات

ماشاء الله الف مبروووووووووك وانا اقول وين الرجال اختفى حتى
حطيت لك نداء بموضوع المفقودين اقصد ذاك موضوع وينك فيه

شف انا بقولك نصيحه من اخت لك ولكل من قرا كلامي لاتبدون حياتكم مثل
مايبون الناس يعني فلان قالك سو كذا ولاتسوي كذا ، لاتسمعون من الناس وتمشون
على تجاربهم سووا اللي انتم تشوفونه مناسب.

انا رايي يمكن الاغلبيه ماتأيده ، لكن انا اشوف ان المكالمات قبل الملكه افضل
اصلا المكالمه ليش ؟ عشان كل واحد بيعرف الطرف الثاني ، يعني فرضا لو
ماكلمته انا الا بعد ماتملكنا واكتشفت انه موب هو الشخص المناسب وقتها وش
بصير؟ بصير مطلقه !! انا ماشوف فيها شي ان الواحد يكلم قبل الملكه
وموب لازم الناس يدرون ،اللي يدري اهله واهلها وبس لاشافوا انهم مناسبين لبعض
خلاص تعلن الخطبه والحمدلله واذا ماناسبوا لبعض كل واحد يروح بطريقه
والله يستر عليهم ، بعض الاهل الله يهديهم مايفكرون زين وانا اقصد اهل البنت
يرفضون انها تكلم قبل الملكه واذا سالتهم وش افضل لكم ان بنتكم تكلم قبل
الملكه ولو ماحصل نصيب كلن راح بطريقه ولا ماتكلم الا بعد ماتتملك ولو مارتاحوا
لبعض بتصير مطلقه ؟ وتتفاجا بالرد ان هذي موب عاداتنا وتقاليدنا
اكيد بيجيني احد من المعارضين لرأيي وبيقول يمكن لو كلموا قبل الملكه وعرفوا
بعض وارتاحوا لبعض ممكن انه بعد الزواج يتطلقون ، اوكي انا معكم وكل شي
مكتوب لكن الواحد يفعل الاسباب
كلامي هذا كله قد قلته لوحده من صديقاتي وكانت تقولي ان اهلها يرفضون
تخيل وش صار؟ اختها انخطبت وماكلمته الا بعد الملكه تقول يوم انها كلمته
مارتاحت له وتطلقت منه ، صراحه المظلوم هنا البنت.

اقتباس:

~~ كل واحد يقول وش يتمنى من الطرف الثاني هداياء بالفترة ولاحد يقول مابي كلنا نحب الهداياء ؟

صراحه مافيه شي معين ببالي بس ممكن عطر، جوال ، سلسال

اقتباس:

3~~ وش تحبون طقوس ومراسيم الملكة .... يعني كيك وماكيك وشربها وتشربك

لاوش يشربني واشربه عساي امسك عمري عشان امسك كاس واشربه

اقتباس:

4~~ هل انت مع المقابلات والخروج اثناء الملكة ولا تفضلها بعد حفل الزواج !!

ايه عادي بس ماتكون الطلعات كل يوم ، يعني مرتين ولا ثلاث وبس

اقتباس:

5~~( اي اضافات من عندك عن فترة الملكة وكذا

انا من رأيي ان فترة الملكه ماتكون اكثر من شهر ، لانه اذا كانت اكثر بتكثر
الزيارات والطلعات وبكذا ماراح يشتاقون لبعض

اتعبني الترحال اسفه على الاطاله والله يوفقكم ويسعدكم ويسخركم لبعض ويرزقكم الذريه الصالحه ان شاء الله

youSsef

لو انت ولا انتي بمكاني , تأيدون المكالمات بعد الملكة ولا لا/ وليش .؟!



لو موجّه لي هالسؤال قبل أسبوع كان قلت لك أيه .. بس الحين لا معصي .. تبي تقول وش فرق الحين عن قبل اسبوع ؟!

باقول لك يا اخي كان فيه عرض بعد خمس دقايق ببلاش

كل واحد يقول وش يتمنى من الطرف الثاني هداياء بالفترة ولاحد يقول مابي كلنا نحب الهداياء ؟


أول شي اسمها (هدايا) مب (هداياء)
والله دامها عند اهلها خل ابوها اللي جابها يجيب لها هديه .. منب أكد على عميان قال هدايا قال .. لا جت في بيتي تبشر بعزها .. بس دامها للحين عند ابوها وتطبخ له وملعون الجدف للحين ياخذ راتبها .. يجيب لها هو لا العن وخريبنخهقخثبي <--- وش رايك فيني وانا احسسك اني عصبي ؟

وش تحبون طقوس ومراسيم الملكة .... يعني كيك وماكيك وشربها وتشربك

..!! ودي بمرقوق يا اخي من جد ودي استهبل عليها واشوفها وهي تلحس اصابعها وافرك الحبحبر في منتسبها

هل انت مع المقابلات والخروج اثناء الملكة ولا تفضلها بعد حفل الزواج !!


يا اخي الجزئيه هذي ما حبيتها بالمره معليش اسمح لي والله ما حبيتها .. حسيت اني مطلع بنت مب حرمتي .. العجله مب زينه تركد تركد ..

<-- هالمره حسستك اني حكيم

5~~ ( اي اضافات من عندك عن فترة الملكة وكذا )

كم دفعت فيها ؟!

سلمى

فلــه

Q U E E N