اتحداك ماتضحك من قصة فليسكو

مصطفى ثنين شاهي · 07-12-2008, 08:45 PM

فـي مـطــار الملك خــالد بالريــاض .. انطلـــق أبــو فليسكـــو وأمـــه لإستقبـــال إبنهـــم الحبـيــب فـليسكــــو اللـذي كان في رحلــة للنــدن.. ووقفــوا عـنــد بــوابـــة دخــول المســافـريــن .. وكانــت نـظراتهـــم متعلقـــه فــي وجــوه المســافـريــن شــوقــاً لــرؤيـــة وجـــه ابنهـــم وكبــدة فلـذتهـــم <<أقــول ماودك تخلــص علينــا مـن هالمقـدمــه يانجيــب محفـوظ << قـال ايــش قــال كبــدة فلـذتهــم ..!! ... وأخيــراً ظـهـر فليسكــــو .. نـعــم لقــد ظـهــر بـعــد أن اخـتـرق الصـفـــوف .. (( صــلاح الـديــن الأيــوبـي ذا مــوب فليسكـــو ..!! )) .... ولكـــن ياللهـــول ..!! لمــاذا فليسكــــو يجلــس علــى كــرســي مـتحــرك .. ويـدينـه ورجلينــه مقطــوعـه وخلفـــه صــديقــه الكنــدره يــدفــع الكــرســي وبجـانبهـم فــتاة ... مــا الــذي حــدث لــه فـي لـنــدن وجعلــه مقعــداً .. ومـن هـذه الـفتـاة اللتـي معهــم .. ولمـاذا جـاء ابنهــم فليسكــو فـي طــائـرة إخــلاء طـبــي .. وقـبـل ذلك كلــه .. لمــاذا ذهــب إلــى لنــدن مــن الأســـاس ....؟؟؟؟؟؟

ولكــي نجـيــب عـلى هــذه الأسئلـــه دعــونـا نــرجــع بالزمـــن إلـى الــوراء .. وبالتحـديـد قـبــل تسـعــة أيــام فـي يــوم الأثـنيــن ميــلادي المــوافــق يــوم الخمـيـس هـجــري .. (( يـلععععععـن أم التــاريــخ اللـي تعــرفــه ياشيــخ ..!! )) ... كـان فليسكــو جـالــس فــي الملحــق الخـارجــي لبيتهـــم يتـابــع التلفــزيــون .. وفـجــأه سمــع صــوت جــرس البــاب يــدق .. وبعــد لحظــات دخــل عليــه أبــوه وقــال لــه : يافليسكـــو .. صــديقــك الكنـدره عـنــد البــاب .. تبينــي أدخلـــه ..؟؟؟
رد عليــه فليسكـــو : لااااااااا فـكنــي مـنــه هالغبــي وقــل لــه إنـــي مـانـــي فـيـــه ...!!!
... طـلــع أبــو فليسكـــو عـشــان يـصــرف الكنــدره .. وبعــد لحظـــات رجــع لفليسكـــو ومـعــاه الكنــدره ... !!!! طـالـع فليسكــو فـي ابــوه وقــال لــه : أنــا وش قـلــت لك ..!!!!
قـال ابــو فليسكـــو : والله قـلــت لــه انــك مانتــب فـيــه بــس هــو صـمـم إنــه يـدخــل يحتــريــك إلـيــن تــرجــع ..!!!!
وانتقـلــت نـظــرات فليسكـــو إلـى الكنــدره وقـال لــه : ياخـــوي نشبـــه إنــت .. هاللحيــن يابــن الكلــب ماقلنــالك إنــي مـانــي فـيـــه ..؟؟؟
رد الكنــدره : عــادي يافليسكـــو خــذ راحـتـــك وانــا باحتــريــك هـنــا إليـــن تــرجــع .. وبعـديـن أنـا ضيفــك والمثــل يقــول إكـرام الضيــف دفـنــه ...!!!
عــض فليسكـــو يــده مــن القـهــر وقــال : مـاودك تـآكل طفـايـة سجـاير وتنثبــر فـي آخــر المجلــس ومـابي أسمــع صــوتــك .. قـال ايـش قـال إكـرام الضيــف دفـنـه ....!!!!

كان فـليسكــو عـصبــي لـدرجــه كبيــره .. أمــا الكنــدره فـكان غـبــي لـدرجــه ماحــد يتخيلـهــا وكان قـزم لـذلك سـمـــوه الكنــدره أي كنـادر وفـي روايــه الجـزمـه ...!!

وفـي الملــحق كان فليسكـــو مشغــل قـنــاة فـيهــا أغنيــة الأمــاكـن للفـنــان الكبيــر رابــح عــلامــه .. (( والله مـن زيـن الثقـافـه الفنيــه عنـدك ..!! )) .. وكان فليسكـــو داخــل جــو مــع الأغنـيــه .. وفـجـأه قـطــع الكنــدره الجــو عـلى فليسكـــو وقـال لــه : إلا عــلى طـاري الأمـاكــن يافليسكـــو . تصــدق إن مـافيــه جــريمــه كاملـــه ...!!!!
طـالـع فليسكــو فـي الكنــدره بـحقــد وقـال لــه : هاللحيــن يالملعـــون وش دخــل الأغنيـــه فـي المثــل اللـي قلـتـــه ...!!!
قـال الكنــدره : يافليسكــو لا تــدقـق أنــا ودي أســولف معــاك بــس .. المهــم سلمـك الله يافليسكـــو إنــي أمــس كـنــت راكــب سيـارتــي وأتمشــى .. وفـجـأه ولعــت لمبــة البنــزيــن وانــا كـنــت طـفــران .. فـخــطرت فـي بــالـي فـكــره إنــي أجــرب نـفـســي فـي الإجــرام واعـبــي سـيارتــي بـنــزيـن وانحــاش ....!!!
وقــام فليسكــو وصـفــق الكنــدره علـى راســه وقـال لــه : هاللحيــن ياليهــودي تسمــي اللــي ســويتــه إجــرام ..!!!!
قـال الكنــدره بعــد أن لبــس شمـاغــه اللـي طـار بسبــب صفقــة فليسكـــو : طـيـب اصبـــر خلنــي أكمــل لك المغـامــره .. المهــم سلمــك الله إنــي عـبيـت بنـزيــن بخمســـه ريــال وانحـشــت بـدون مـا أدفــع الحســاب .. وعـلى طـول رحــت وقـفــت السيــاره بعـيـد عــن بيتـنــا ومسحــت بصـمــاتـي مــن الـطــاره _ الدركسـون _ ودخلــت بيتنــا بشـويـش عـشــان اتـأكـد إن مافيـــه أحــد يـراقبنــي ..........!!!
وفـي هاللحـظـات كان وجــه فليسكـــو أحمــر مــن العصبيــه والقهــر وقــام يـرفــس الكنـدره ويقــول لــه : الله يلعــنك ويلعــن مـخــك ويلعــن الإجـرام اللـي تعـرفــه .. اللـي يسمعــك هاللحيـن يقــول إنــك قــاتـل صــاحب محطــة البنـزيـن .. بعـدين يالحمــار مادامــك نـاوي تنحـاش ليــش ماعبـيـت باربعيــن ولا بخمسيـــن ..!!!
قــال الكنــدره وهــو يلبــس شمـاغــه اللــي طـار بســبـب التـرفيــس اللـي جــاه : يافليسكــو أنــا ماكان ودي أكــون طـمـاع فـي أول جـريمــه لــي .. المهــم سلمـك الله إنــه فـي ذاك اليــوم ماصــار شــي .. وفـي اليــوم الثـانــي ركبــت سيـارتــي وتـوجهــت للمحطــه عـشــان أشــوف فـيــه أحــد اكتشــف الجــريمــه ولا لاااا ... ولاااحظــت إن المحطــه تشتغــل عــادي والنــاس رايحيــن جـاييــن عــادي والهنــود اللـي فـي المحطــه نفسهــم مـاتغيــروا عــادي .........!!!
قــال فليسكــو بعصبيــه : وأنـــا بالعــــن والـديـــك عــادي ......!!!
قـال الكنــدره : لا تقـاطعنــي يافليسكـــو واسمــع المغـامـره للآخــر ... المهــم إنــي وقـفــت عـنــد محطــة البنـزيــن عـشــان أشـــوف بيعـرفــونـي ولا لاااا ... ومـا أمــدانــي أوقــف إلا والهنـــود مجتمعـيـــن علــي ونــزلـونــي مــن السيــاره وأنــواع الطــق فـينــي .. وبعــدهـا اتصلــوا عـلى الشــرطــه .. وجــت الشـرطــه ومسكتنــي وسجنـونــي ثــلاثــه أيـــام ......!!!!
قـال فليسكـــو وهــو يضحـــك : أحـسسسسسسســن .. بـس ماقـلـت لـي وش لــون عـرفـــوك الهنـــود ...؟؟؟
رد الكنــدره وهــو يطـالـع السقــف ويفــكـر : يـقـولــون إن الهنــود سـجلــوا رقــم لــوحــة سـيـارتــي ... بــس اللــي قـاهــرنــي وش لــون شـافــوا رقـــم اللــوحـــه مــع إنــي كـنــت مـتلـطـــم ...!!!!!!!!!!!!!......:
وفـي هاللحظــه أغـمــى عـلى فليسكـــو مــن القـهــر وقـام يـرافــس فـي مكــانــه .... ونــادى الكنــدره أبــو فليسكـــو وأمـــه وركبـــوا فليسكـــو فــي السيــاره وتــوجهـــوا للمستشفـــى ...

وفـي المستشـفــى .. كان فليسكــو مـمــد عـلى الســريـر الأصفــر بـعــد مارجــع لــه وعـيــه ... وطبعــاً الســريـر كان أبيــض قبــل ماينــام عليـــه فليسكــو .. ولكــن لأن فليسكـــو فقــد التحكــم فــي عضــلات المثــانــه تحــول لــون الســرير مــن الأبيــض الـى الأصـفــر بسـبـب عــامل الرطــوبــه ..... المهـــم إنـــه بـعــد مافـحــص الدكتــور فليسكـــو التفـــت عـلى ابــوه وأمـــه وصـديقــه الكنــدره وقــال لـهــم .. للأســف ولــدكــم فـيــه حـالــه نفسيـــه ....
وفـي هاللحظـــه قـامــت أم فليسكـــو تبكــي وتقــول : يـعنــي خــلاص مـاعــاد بيشـوفـنــي ولــدي .. وقـربــت مــن وجــه فليسكـــو وقـامــت تـأشــر بيــدها قــدام عـيــون فليسكـــو وتقـــول : فـليسكـــو أنــا أمـــك ,, تـشــوفنــــي ....!!!!!!
وكان الدكتــور ينـاظر فـيهــا ومنهبـــل ... وفـجــأه قــام أبــو فليسكـــو ومســـك الأم وجلسهــا وهــو يقـــول لـهــا : هــبــلا إنـتــي ... فشلـتينـــا قــدام النــاس .. الدكتـــور يقـــول لك فـيــه حــالــه نفسيـــه مــاقــال لك إنــه صــار أعـمـــى ........ والتـفــت ابــو فليسكــو عـلى الدكتــور وقــال لــه : طـيــب يادكتــور يـعنــي فــيــه أمــل يــرجــع يمـشــي ولــدنــا مـثــل أول .....!!!!!!!!!!!:
قــام الدكتــور ينـاظر فيهــم وهــو مـايدري وش يقـــول .... وفـي هـذه الأثـنــاء كان الكنــدره منــزل راســـه بعــد ماسمــع كلام أبــو فليسكــو وأمـــه .... وقــال الكنــدره : يادكتــور لا تــدقـق فـي كــلامهــم لأنهــم مـتأثـريــن مـن الصــدمــه ......
قـال الدكتــور : لا ماعليـــك أنــا مـقـدر حـالتهــم ......
رد عليــه الكنــدره : طـيــب يادكتـور مـتـى تـتــوقـع يـرجــع لــه السـمـــع ...!!!!!!!
وبعــد ســؤال الكنـدره قــام الدكتــور يصيــح ويلعــن فـيهــم وطــردهــم مــن العـيــاده ..... وقبــل مايطلعـــون ســأل أبــو فليسكـــو الدكتــور : طـيــب يادكتــور كـيــف نعـالجــه ...؟؟؟
قــال الدكتــور : مــاله إلا عــلاج واحــد .. وهــو انــه يســافــر بــرا المملكـــه يغيــر جــو ويــريــح أعـصــابــه ........
قــال ابـو فليسكـــو : يعـنــي يادكتــور نــوديـــه الدمـــام مثــلاً .....!!!!!
قــال الدكتـور وهــو بينفـجــر : هاللحيــن يابـن الكلــب الدمــام بــرا المـمـلكــه .. ياااااخـــي ودوووه لـنـــدن وخلــوه يفلهــا هـنــاك ويطلــع مــن حــالتــه النفسيـــه ...!!!

بـعــد مارجــع فليسكــو وابــوه وامـــه والكنــدره للبيــت .... قــرروا إنـهــم يرسلـــون فليسكـــو للـنـــدن لمــدة اسبـــوع ... وجــاب الكنــدره رقــم الخطــوط السعــوديــه عـشــان يتصــل عـليهــم ويحجــز .... دق الكنــدره الـرقــم ....
الكنــدره : الســلام عليكــم ..
المـوظـف : وعليكــم الســلام .. آمــر ..
الكنــدره : الأخ الخـطــوط السعــوديـــه ...!!!!!
المـوظـف : الحمـد لله والشكــر .. طوط طوط طوط طوط ...
التفــت الكنــدره عـلى فليسكــو وابــوه وقـال : شكلــه زعــل وقفــل فـي وجهــي ...!!! رد عليــه ابـو فليسكــو : والله مــن دلاختـــك .. هاللحيــن يالثـور متصــل علـى الخطـوط السعــوديـه وتقــول لهــم الأخ الخطــوط السعــوديــه .. والله ماعنــدك اسلــوب أبــد .. وخــر بـس هنــاك وخلنــي أكلمهــم أنـــا .............. أخــذ ابــو فليسكــو التلفـــون ودق رقــم الخـطوط السعــوديــه ....
ابـو فليسكـو : الــو السـلام عليكــم ..
المـوظـف : هــلا وعليكـم الســلام .. آمـــر ..
ابـو فليسكـو : بالله يالغــالــي بـغـيــت أكـلــم الأسـتــاذ الخــطوط السعــوديــه ..!!!!
المـوظـف : طوط طوط طوط طوط ...
التـفـت ابـو فليسكــو عــلى الكنــدره وقــال : ماعليــش ظلمتــك لأن الرقــم طـلــع غلـــط .... طـبعــاً فليسكـــو كان يـراقــب المـوقــف وعــروقــه بتـتـفـجـر مــن القـهــر عــلى الــدلاخــه اللـي يشــوفـهـا قــدامــه ...

فـي اليــوم الثـانــي كان فليسكــو حجــز لنفســه تـذكــره للـنــدن .. وكانــت رحلتــه فـي نـفــس اليــوم فــي الليــل ... وجـهــز أغــراضــه وشـنـاطــه استعــداداً للسـفــر ... وقـبــل الرحلــه بســاعــات طــق جــرس البــاب ... ولمــا فـتــح فليسكــو البــاب لـقــى الكنــدره عـنــد البــاب ومـعـاه شنطــه وتـذكـرة سـفـر .... قـال فليسكــو للكنـدره باستغـراب : خــيــر يابــو الشبــاب وش عـنــدك ...؟؟؟؟
قــال الكنــدره : باروح مـعــاك ...!!!!!
رد فليسكــو : والله لـو انـي رايــح لصــالـة بليــاردو عــشان تــروح مـعــاي .. تـرانــي باروح لـنــدن ....!!!!
قـال الكنــدره : وانـت تحسبنــي غـبـي يافليسكــو .. أنــا عــارف انــك بتــروح لنــدن وعــارف بـعــد إن عــاصمــة لـنــدن هــولنــدا .. تحسبنــي ما أفهــم أنــت ..!!!!!!!!
طـالع فليسكــو في الكنــدره وهــو وده يمحطــه كــف وقــال : يـعنــي يـقــالك إنــك بتقنعـنــي هاللحيــن انــت وخشـتــك .. اقــول اقـلـب وجـهــك قبــل مـا ألـعــن والـديــك ..!!
وفـي هاللحظــه تـدخــل ابـو فليسكـــو واللـي كان واقـف ورى البــاب وقــال : يافليسكـــو مـانـتب رايــح للـنــدن إلا والكنــدره مـعــاك لأنــك مـريــض مـاتقــدر تتكلــم انجليــزي ..!!!!
قـال فليسكــو : ياخــوي بتجـنـنـي أنـت ويــااااه .. وش دخــل مـريــض فـي الانجليــزي .. وبعــدين أنــا باســافـر عـشــان أنحــاش مــن هالغثيــث وانــت تبيــه يســافــر مـعــاي .....!!!
وتـدخـل الكنــدره وقــال : يافليسكـــو اسمــع كــلام ابــوك ولا تـزعلــه ولا تنـســى إن الجنــه تـحـت أقــدام الأمـهــات ...!!!!
قـال فليسكــو : يااااااااااااليــل .. ياخــوي خـبـل أنـت .. وش دخــل أبــوي فـي الأمـهــات هاللحيــن ...؟؟؟؟
رد الكنــدره : يافليسكــو لا تــدقـق .. ولا تحــاول تتهــرب مـن الموضــوع ...!!!!!
وتـدخــل ابـو فليسكــو وقــال : مـاعليــه يافليسكــو .. أنــا الغلطـــان .. لـو انــي ذاك اليــوم تعــوذت مـن الشيطــان ونـزلــتـك وانــا اتفــرج عـلـى سميــره تـوفيــق مـثــل بـاقـي اخــوانــك اللـي وصــل عــددهــم ثلاثميــه وخمســه وستيــن واحــد ...!!!!!!!!
طـالع فليسكــو فـي ابــوه وقــال : وانــت فــاضــي تحسـّــب أنـت ووجـهــك ...!!!!!
وتـدخـل الكنــدره وقــال : يافليسكـــو لا تصــرف الموضــوع .. يـآخـي اعتبـرنـي مثــل أبــوك الصغيــر وخلنـي أروح معــاك ..!!!!!!
قـال فليسكـــو : سكــران انـت .. وش اللـي أبــوك الصغيـــر ..؟؟؟
قــال الكنــدره : مــدري بــس باروح معــاك يعنــي باروح ..!!
قــال فليسكــو بعــد أن نفــذ صبــره : خـــلااااااااااااااص بتــروح بــس فـكنــي مـن غـثــاثتــك .....!!!

فـي الطيــاره .... ركــب فليسكــو وجنبــه الكنــدره .... وبعــد ما أقلعــت الطيــاره كان فليسكــو طــول الوقــت ســاكــت ... الـتفــت الكنــدره عـلى فليسكــو وقــال لــه : وش فـيــك سـاكــت ياخــوي ..؟؟؟
قـال فليسكــو : ياخـــوي مابــي أســولـف معــاك خــلك ســاكــت أحـســن .......
رد عليــه الكنــدره : يافليسكـــو لا تيــأس مــن الحيــاة .. تصــدق أنــا يافليسكــو كـنـت مضطهــد بيــن النــاس ومـاحــد يحبنــي .. لكنــي صـمــدت واجتهــدت ودرســت إليــن كــونــت نفـســي .. وهــذا أنــا هاللحيــن طـيـّــار فـي كليــة الطــب ولله الحمــد ...!!!!
التفــت فليسكــو عــلى الكنــدره وقــال : مـجنــون أنــت ولا تستهبــل .. وش اللـي طيــار فـي كليــة الطــب .. بـعـدين ياخــوي أنــا اللـي أعــرفــه إنــك ماكملــت حـتـى الابتــدائـي ..!!!!
قال الكنــدره وهــو منحــرج : هههه هههه صـدقتنــي .. عــاد انــت لا تــدقــق ياخـــوي أنــا بــس حبيــت أعطيــك أمــل فـي الحيــاة ........
قــال فليسكـــو : طـيـب كل تــراب وخــلك سـاكــت ...

وفـي هـذه الأثنــاء دخـلـت المضيفــه ومعهــا طــاولــه فـي مشـروبـات وجــرايــد ..... قــال الكنــدره لفليسكــو : فليسكــو فليسكــو جــت البيــاعــه ....!!!!
قـال فليسكــو : ياخــوي ماودك تـآكـل تــراب .. وش اللـي بيـاعــه فــي الطيــاره .. هــذي اسمهــا مضيفــه يالحمــار ....!!!
.... قـربــت المضيفــه مــن فليسكــو والكنـدره وقـال لهــم : شــو بـدكـووون ...؟؟ أخــذ فليسكــو عـصيــر أمــا الكنــدره فـكان مـطيــّــر عـيـونــه فـي المضيفــه .... طالعــت فـيــه المضيفــه وقـالـت لــه : شــو بيــك ..؟؟؟
قـال الكنــدره : شـوبيــك لبـيــك ..!!!!
ضـحكــت المضيفــه عـلى الكنــدره وتـوجهــت لبـاقـي المسـافـريــن ....... التفـت الكنــدره علـى فليسكــو وقـال : تصـدق يافليسكــو أحــس إن صـاحبــة الطيـاره حبـتـنـي ...!!!!
رد عليـه فليسكــو : وش اللـي صاحبــة الطيــاره يالثــور .. اسمـهـا مضيـفــه .. بعـديـن وش دراك انهــا حبتــك يالسـاحــر ..؟؟؟
قـال الكنــدره : ياحبــك للتـدقيـق يافليسكــو .. خــلاااااص قلـت لك أحــس وش فيــك منقهـــر انــت ...!!!!!
قـال فليسكــو : طيب طيب تحبــك بـس خـلك ســاكـت ..!!

وبعـد فتــره رجعــت المضيفــه تــدور عـلى المسـافــريــن ... وناداهـــا الكنــدره وسألهــا عـن إسمهــا ...
قـالـت المضيفــه : إسمــي نــاديـن ..
وقـال لهــا الكنــدره : طـيب صــح انـتــي تحبينـــي ..؟؟؟؟
قـالـت المضيفـــه : لا تكلــم هـيــك لأن أنــا آسـيــا مــع المســافــريــن .......
رد عليهــا الكنــدره : إنـتــي آسيـــا مــع المســافـريــن وأنــا افـريـقـيـــا مــع المضيـفـــات ...!!!!!!
ضحكــت المضيفــه وراحــت تكمــل جولتـهــا .... والتفــت فليسكــو علـى الكنــدره وقــال لــه : الله يلعــن هالوجــه يالفضيحـــه .. هــي تقــول آسيـــا تقصــد قــاسيـــه بــس لأنهــا لبنـانيـــه .. وانــت مســوي نفســك فـاهــم ....!!!!
قـال الكنــدره : يافليسكـــو لا تـدقـٌق .. أهـم شــي انـنــا نحــب بعــض ...!! وقـام فليسكــو وخـنــق الكنــدرة وهــو يصيـــح باعلــى صــوتــه ... انــت بتجـنـنـــي .... وفـي هالاثنــاء دخــل مضيــف ومضيفــه وتوجهــوا لفليسكــو والكنــدره ...... قـال الكنــدره لفليسكــو : اسكــت اسكــت المضيفــه جـابــت أخــوهــا ....!!!
قـال فليسكــو وهـو مستغــرب : وش دراك انــه اخــوهــا طـيــب ...؟؟؟
رد الكنــدره : واااضــح ماتشــوف لبسهــم مـثــل بـعــض ....!!!!!
ورجــع فليسكــو يكــمـل خنــق الكنــدرة مــن العصبيــــه اللـي سببهــا لــه ...............
وجـاهــم المضيــف وقـال لهــم : ياشبــاب أنتــم مســوين ازعــاج فـي الطيــاره ولازم نفـرقكــم عــن بعــض .....
قـال طـبيــش : واللي يرحــم والـديــك فـرقنــا قبــل ما انهبـــل .........
ونقــل المضيــف فليسكــو لمقعــد قــدام وجلـّــس واحــد ثـانــي جـنـب الكنــدرة ... وكان الكنــدرة طــول الوقــت يدق اللـي جنبــه ويقــول لــه خــلك وراهــم ولا تضيعـهــم ... (( يحســب نفســه فـي تكســي الأخ ..!! )) ...

وفـجــأه قـامــت الطيــارة تـهتـز وتتمــايــل .. وأعلــن كـابتـن الطيـارة أن الطيــارة تمــر بمطبــات هــوائيـــة .. وأن علــى الركاب إلتــزام أمـاكنهــم حـتــى تتخـطــى الطيــارة المطبــات ... ونــط الكنـدره وجلـــس جنــب فليسكــو وقـال لــه : تـصـدق يافليسكــو إنـنــا هالحيــن جـنــب مـدرســة ..!!!!
رد فليسكــو باستغــراب : محــشش أنــت .. وش اللـي جـاب المـدرســة فـي الجــو ...؟؟؟
قـال الكنـدرة : ماتشــوف الجـرسـون حـق الطيـارة يقــول مطبــات .. وبالعـاده هــم مايحطــون مطبــات إلا عنـد المــدارس ......!!!
رد فليسكــو بحقــد : أول شــي ياملعــون الوالـديــن سـواق الطيـارة إسمــه كابتـن مــوب جـرســون .. ثـانـي شــي ياوصــخ هــو يقصـد مطبــات هـوائيــة مــيب مثـل اللـي في الأرض .....!!!! انحــرج الكنــدرة مـن رد فليسكــو وســوى نفســـه نــايــم .........!!!

وفيمــا كانـت الطيـاره تحــاول تخطــي مرحلــة الخطــر .. فـقــد كابـتـن الطيــارة السيطــرة عليهـــا وأخـذت الطيــارة طريقهــا للسقــوط ... وحــدثـت ضجــة كبيــرة بيــن الركــاب وتعـــالــت الأصـــوات والصيحـــات .... وفـي هاللحظــة التفــت فليسكــو عـلى الكنــدرة وهــو خــايـف ويقــول : وش الســالفـة ياولــد ..؟؟؟؟
رد الكنـدرة ببــرود : الظــاهر إننـــا بنشــرنــا ...!!!!
قـال فليسكــو : ياخــي أنــت ثــور .. وش اللـي بنشـرنـا .. والله لـو اننــا راكبيـــن هــايلوكــس ....!!

وانقــطــعـــــت الأصـــوات فـجـــاة ......................... !!!!

طـاحــت الطيــارة فــي جــزيــرة مـهـجـورة .... وقـــف فليسكــو وســط الركــام ينفــض عنـــه الغبــار ويتحـسـس جــروحــة ... وكان حــولـه بعــض الجـثـث
متـراميــة ... وبينمــا هــو يفكــر وش يســوي هاللحيـــن فـي هالمصيبـــه .... طلــع الكنــدرة مــن بيـــن الركـام وهــــو يسحــب جثـــة ....... تــوجـه فليسكــو مســرع إلـى الكنــدرة ومشـاعــره مختلطـــة بيـــن خــوف وفـرح وحــزن ورعـــب ..... حـضــن فليسكــو الكنــدرة ... وتحمــد الله علــى ســلامتـــه ... وســأل فليسكــو الكنـدره : وش هالجـثــة اللـي تسحبـهــا ..؟؟؟
رد الكنــدرة وهــو يلـهـث مــن التعــب : هــذي جـثــة المضيفـــه اللبنــانيـــة نـاديــن ...!!!
ورد فليسكــو باستغـراب : طـيـب ليــش تسحبهــا وهــي ميـتـــه ..؟؟؟
قــال الكنـدره : داري إنـهــا ميتــه .. بــس يمكـــن نستفيــد مـنهـــا ....!!!!
رد فليسكــو وهــو معـصــب : وش اللـي نستفيــد مـنهــا يـالمنحــرف .. والله لــو إنهــا كـشـَــاف .. ياخـــوي هـذا بــدال ماتتحمــد الله إنــك حــي ..
قـال الكنـدرة بعنــاد : لــو سمحــت يافليسكــو لا تـدخــل .. بعـديــن هــي تبـرعــت لـي بأعـضــائهــا قبــل ماتمــوت .. بعـدين لاتنســى إنهـا عـذراء قلـقـه تنتـظـر رجــل جبــار .....
رد فليسكــو : إنـت ماضيعـك ولعـب فـي مخــك إلا هالقنـوات اللي مثـل وجهــك .. المهــم خلنـــا مــن هالســالفـة وقــول لــي ماشـفــت أحــد حــي مــن الركــاب ...؟؟؟؟
رد الكنـدرة : إلا كان كابـتــن الطيــارة حــي .. وحـاولـت أنقــذه لكـنـــه مــات ......
قــال فليسكــو : وش لـــون مــات طيــب ....؟؟؟ قــال الكنــدرة : بعــد ماطــاحــت الطيــارة تأكــدت مــن نفـســي أنــا مـتــت ولا لااا ... وبعــد ماتـأكــدت إنــي عــايــش سمعـــت صــوت الكـابتــن يطلـب المســاعــدة .. ويــوم قــربـت مـنــه لقيــت راســـة محشــور بيـــن ركــام الطيــارة .. وحــاولــت إنــي أطلــع راســة لكـــن ماقــدرت ... ولقيــت جنبـــي منشــار وقطـعــت راســـه وسحبـت جسمــه بــرا ... والحمــد لله كان جسمـــه سليـــم ومافيــه شــي بـس إنــه بـدون راس .. أنـا تـوقعــت إنــه فـاقــد الوعــي يــوم شفتــه مايتحــرك .. وانــت عــارف يافليسكــو إن فـاقــد الوعــي لا يـعطـيـــه ..... لكنــي إكتشـفــت بعــد هالتعــب كلـــه إنـــه مـــات ..... والله إنـــه قـهــرنــي مــن جــد .. مادامــــه بيمـــوت إبــن الكلــب ليــش يطلــب المســاعـدة ويتعبنــي وانـــا أقطـــع راســـه واسحـبـــه ... بــس ماعليــــه هــذا قــدره .....................
مـــارد فليسكــو علــى الكنـدره وجلــس يبكــي علــى قــدره اللـي جمعـــه مــع الغبـــي الكنــدرة ............ أمــا الكنــدرة فكـــان منشـغـــل مــع جـثــة نـــادين وجــالـس يســوي لـهـــا تنفــس صـنــاعــي .....
ومـرت سـاعــات وهــم علــى هــذي الحــال .. فليسكــو يفكــر فــي مصيبتهـــم والكنـدرة مشغــول بالتنفــس الصـنــاعـي ... والتفــت الكنــدرة علـى فليسكــو وقـال لــه .. يـافليسكــو ليــش ماتســولــف معــاي ...؟؟؟
قــال فليسكــو : ياخـــوي مابـي أســولـف بالغصــب الدعــوه ........
قـال الكنــدرة : أنــا عــارف إن فـيـك مـرض الحــاله النفسيـــه لكــن إنـت لازم تــوقـف فـي وجــه المــرض .... تصــدق يـافليسكــو إنــي أنــا واخــوانــي كنــا عــايشيــن فـي عــذاب وكان ابــو وامـي دايــم يضربــوننــا ... لكنـنــا صـمدنــا فـي وجــه الحيــاة .. وحـتــى بـعــد ماطلــق ابــوي أمـــي ما تـأثـرنــا أنــا واخـوانـــي ......
قـال طـبيــش : والله بعـذره أبـوك يطقــك انــت واخــوانـك .. نعــن ابــوك انـت واخــوانك كلكــم تتشــابهــون كنكـــم ذبـــاب ... بــس ماقلــت لـي ليــش ابـــوك طـلــق أمــك ...؟؟؟؟
رد عليــه الكنــدرة : طـلقـهــا لأنـهــا ماتـجيــب عـيــال .....!!!!!!
وقـام طـبيــش يبقــس الكنــدرة ويقــول لــه : الله يلعــن هالوجــه بتجننــي أنــت .. مـن ويـن جـيـت أنـت واخـوانــك إذا أمــك ماتجيــب عيــال ... سكــراااان أنــت ....!!!!!!
رد الكنــدرة وهــو يمســح الدم مـن خشمــه : هههه ههههه الله ياخـذك صـدقتنــي مــره ثـانيــه ... يــاحبــك للتـدقيــق .. أقــول لك تعـــال خــذ لـك حبتيـــن تنفــس صـنــاعــي مــع الجثـــة ووســـع صــدرك .............
رد فليسكــو وهــو يقــوم مــن مكانـــه : إنــت خـلك مــع الجثــة يالمـريــض وانــا باخــذ لــي لفـــه علــى الجــزيـره يمكـــن ألقـــى شــي يســاعـدنــا ...
قال الكنـدره : خــلاص انـت خـذ لك لفــه .. واذا مالقيــت شـي يسـاعــدنا في الجــزيره خـذ لك لفــه علــى العربيــه يمكن تلقـى عنـدهـم ..!!!!!
قـال فليسكــو : تستخــف دمــك أنـت و***ـوكتــك اللي ماصلحتهــا إلا بترخيــص مـن البلـديــه ......................... ............ وترك فليسكــو الكنــدره مـع جثــة نــاديـن وراح ...

ومــرت فـتــرة مــن الزمـــن كـان فليسكــو يستكـشــف الجـزيــرة .. وعــرف أنهــم فـي مــوقــف محــرج لأن الجـزيـرة فـاضيـــة ومـافيـهـا شــي يمكــن يسـاعـدهــم .. ورجـــع فليسكــو لمكــان حـطــام الطيــارة .. ولـقــى الكنــدرة يــدور بيــن حطــام الطيــارة وفـيــه صـــوت صيــاح جنبــــه ... اقتـــرب فليسكــو مــن الكنــدرة وســألــه : وش الســالفــة .. وصــوت ميــن هــذا ...؟؟؟؟
رد الكنــدرة : بعــد مـارحــت أنــت سمعــت صــوت صيــاح .. ويــوم قـربــت لقيـــت واحــد مــن الركـــاب محشـــور ويبينــي أســاعــده .....
قــال فليسكــو : طيــب انــت وش ســويــت ..؟؟؟
قــال الكنــدرة : ولاشــي .. حــاولـت أســاعــده ومـاقــدرت لأنـــه محشــور بيـــن كـومــة حــديــد وكــل ماحــاولـت أسحبـــه يـتــألــم ويصيـــح ... وبغيــت أقطـــع راســـه واسحبـــه لكنـــي خـفــت إنـــه يمـــوت مثــل الكــابتــن الوصـــخ .. عـشــان كــذا قــررت إنــي أدور المنشــار أو أي شـي حــاد واطعـنـــه عـشــان يمـــوت ومـا يـتــألــم إذا سحبـتـــه ......................... .................... وقــام فليسكــو وبطـــح الكنـــدرة وصفقــــه الليـــن عــض الأرض ....

وبعـد ماخلـص فليسكــو مــن طــق الكنـدرة تــوجـه للمصــاب وأنقــذه وسحبـــه بعـيــد عــن الطيـاره بمسـاعـدة الكنــدره .. وطلـع المصـاب شـاب مصـري قصـيـر ودب إسمــه مـصـطـفـى .. وأول مـاطلـع قـال .. بتصــدئـوا يـارجـاله .. أنـا كنـت أئـدر أطلــع بـدون مسـاعـده .. لكــن أنــا حبيــت ينــولكـوا ثــواب لأنكــم ساعـدتـونـي ............ وقـام فليسكــو يضــرب كــف بكــف ويقــول : لاحــول ولاقــوة إلا بالله .. كنــا فـي غبــي وصـرنــا فـي غبـي ونصــاب ....!!!
أمــا الكنــدره فكـانـت دمـوعــه علـى خــده إعجــابـاً وتقــديراً لمـوقــف الشـاب المصــري اللـي عــرض حيــاتــه للخطــر في سبيــل إنــه يخلــي غيــره يـآخــذ ثـواب إنقـاذه ....... وكان واضـــح إن الكنــدره معجــب بـمصطفـى ..

ومــر وقــت علــى وجــود الشبــاب الثـلاثــه فـي الجــزيره .. وخيــم عليهــم الليــل وأصــابهــم الجــوع .... وقــال الكنـدره لفليسكــو : يـاخــوي شـف لنــا شــي نـآكلــه تـرى ذبحـنــا الجــوع ........
رد عليــه فليسكــو : والله لــو إنــي أمكـــم .. بعــدين هالجـزيـره مافيـهـا شـي ينـوكــل إلا سمـك أو جــوز هـنــد .. وطبعـاً مانقـدر نصيـد سمــك لأن مامعــانا أدوات صيــد .. عــشان كــذا مالنــا إلا نآكــل جــوز هـنــد ............
قــال الكنـدره باستغـراب : يـافليسكــو استــح علـى وجهــك .. صحيــح إنـنـا ميتيــن مــن الجــوع .. بـس مـاتـوصــل إن نـآكــل جــوز هـنــد المسكيـــن .. طيــب إفـتــرض إنـنــا متـوحشيــن وعيــال كلــب وأكلنــا جــوز هـنــد .. وش ذنـب هـنــد المسكينـــه تعـيــش بـدون جــوز ..... بـعــديــن جــوز هـنــد هــذا وش إسـمـــه ....!!!!!!!
سكــت فليسكــو شــوي فـي محــاولـه لتمـالك أعـصـابــه .... وقــال بعــد فتــره مــن الصمــت : يـاخــي انــت حمــار .. وش اللــي متـوحشيـن وهنــد مسكينــه ووش إســم جـوز هـنـد .... يآخــي أنــت متــى بتصيــر رجــال ....
وهنــا تــدخــل مصطفــى فـي محــاوله لإحتــواء المــوقــف بيــن فليسكــو والكنــدره وقــال : خليـــه يافلكســـو أنــا حافهمـــه المـوضـوع ...!!
رد عليـه فليسكــو : يالله فـهمــه يانيــوتــن .. مــع إنــي مــن شفتــك تقــول فلكســو وانا غـاسـل يــدي منـــك ...
اقتـــرب مصطفــى من الكنــدره وقــال لــه : بــص يابنـــي .. إنـتــا حــاول تشــوف المــوقـف مــن زاويــه إيجـابيــه .. دا المـوضــوع فيــه حـاقــه حلـــوه أووووي .. وهــي إنـنــا حـانـآكـل جــوز هـنــد وبعــدهـا نـنـــام مــع هـنــد ..............
واقتنـــع الكنــدره بكــلام مصطـفــى بينمــا فليسكــو كان منهمــك فـي البحــث عــن لــوح عــشــان يلعـــن والــديـن هالحميـــر إللــي تـورط معــاهـم ..... أمــا الكنـدره ومصطفــى فكملــوا ســوالفهــم .... وقـال الكنـدره لمصطفــى : إلا علــى فكــره يامصطفــى .. وجهــك فــي أي شـهــر ..؟؟؟؟
قـال مصطفــى : إزاي يعنــي .. مافهمتــش ســؤالك ..؟؟
قـال الكنــدره : أقصــد يعنــي متــى بيــولـد وجـهــك .. لأنـي ما أعتقــد إن فيــه وجــه منتفــخ زي كــذا إلا إذا كان حــامـل ..!!
قـال مصطفــى : لا والله دا وجهــي طبيعـي كــدا .. بـس تصــدق ياكنـدوره إن دمــك شـربــات .. عـشـان كــدا أنــا باحــب السعـودييــن وباحــب السعــوديــه أوي أوي ودايمـاً بازورهــا .......
قـال الكنـدره : حـتـى انـا أحبهــا ودايـم أزورهــا ...!!!
ســألــه مصطفــى : إزاي تـزورهــا وانـتا سـاكـن فيهــا ...؟؟
قـال الكنـدره : لا أنـا ساكـن فـي الريـاض بـس إنـي زرت السعـوديـه مرتيــن ........
رد مصطفــى : آآآآه فـهمــت دلـوئتـي .. تـصـدق ياكنـدوره إن اللـي خـلانـي أحـب السعــوديـه زيــاده إن خـالـي مــن السعــوديــه ........
جـاوبـه الكنـدره : مـاشـاالله وانـت بعـد تصـدق إن اللـي حبـبنــي فـي مصــر إن خـالـي مـن الكـوليستـرول ...........
رد مصطفـى باستغـراب : وهــو فيـه مكـان إسمـه كـدا ..؟؟؟
جاوبـه الكنـدره : إيييـه هــو مكان عـنـد جمهـوريـة الولايـات المتحــده الفـرنسيــه .....!!
قـال مصطفــى : آآآآآه يعنــي خـالك يبقــى اسـتـرالـي ...!!
وفـي هـذي اللحظــه كان فليسكــو جايهــم يـركـض ومعــاه جــذع شجــره فـقـَـع وجيهـهـم فيــه إلليــن نــامــوا ....!!!!

جلــس فليسكــو لحــالــه يطــالـع القمــر ويفكـر فــي مصيــرهـم الأســود .. منقطعيــن في جــزيـره فـاضيـــه مايعـرفــون حـتـى ويــن مــوقعهـا .... وبينمــا فليسكــو جــالـس قــام الكنــدره مــن نــومــه وجلــس جنــب فليسكــو يطــالع القمـــر .... قــال الكنــدره : تــصدق يافليسكــو إننـــا قريبيـــن مــن بيتنـــا .............!!:
رد عليــه فليسكــو : وش دراك طيــب ..؟؟
قــال الكنــدره : لأن نـفــس هالقمــر أشــوفــه وانــا فــي بيتـنــا .. وهــذا يــدل إن بيتنــا قــريب ..............!!!
التفــت فليسكــو على الكنــدره وقــال : واللــي يرحــم والــديك يالكنـدره لا تجننـــي .. ياخــوي فـي أي مكــان فـي الدنيــا تشــوف نفــس القمــر .. كـل العــالم يشــوفــون نــفس القمـــر ..
قــال الكنــدره : غــريبــــه .. يعنــي كل العــالم قــريبيـــن مــن بيتنـــا ...!!!!!!!!!!!!
رد فليسكــو والدمــوع في عيــونــه : تكفــى تكفــى اسكــت .. أنـــا ألاقيــــها مــن دلاختـــك ولا مــن الوضــع اللــي احنــا فيـــه ........

وســادت لحظــات مــن الصمـــت .... وبعــدهـا قــال الكنــدره : فليسكــو .. انــت جــربــت الحـــب ..؟؟؟
قـــال فليسكــو : للأســـف ماجربتـــه ...........
قــال الكنــدره : آآآآآآه يافليسكـــو .. يــازيــن الحـــب .............
قــال فليسكــو : اخـسسسسس يالكنــدره والله إنــي أحسبــك ثــور وماعنــدك إحســـاس .. أثــاريــك رومــانســـي .. يالله علمينـــي مــن حبيــت وكيــف ..؟؟؟؟
قــال الكنــدره : أنــا حبيـــت بنــت جـيراننـــا ... المسكينـــه مــريضـــه وكــل يــوم تــروح للمستشفـــى ... أنــا في البــدايــه كنــت أحبهــا مــن بــاب التعــاطـف مــع حالتهـــا .. وبعــديــن تطــور المــوضــوع وصــرت أحبهــا مــن جــد ... تـصدق يافليسكــو إنهــا المسكينـــه تــروح المستشفـــى كــل يــوم مــن الســاعــه سبـعــه الصبــح ولا تــرجــع إلا الســاعـه ثنتيــن الظهـــر .. ومــره مــن المـرات ضبطـت نفســي وكشخــت ومشطــت شعـري علــى جنـــب و دخلــت وراهــا المستشفــى ...
قـال فليسكــو : ياخــوي وش اللي مشطــت شعـرك علــى جنـب .. والله لـو انــه قـاطـع إشــاره شعـرك ... بعــدين مـن زيـن شعـرك .. تـرى كلهــا شعـرتيـن اللي فـي راســك .. قســم بالله طـالع شعــرك فـي راســك كنــه مكــرونـة فلسطـينييــن .. يحطــون شــويـة مكــرونــه فـي صحــن كبيــر يعنـــي ثــلاثــة أربــاع الصحــن فـاضــي .. مثــل راســك بالضبــط ..!!
قـال الكنـدره : يـافليسكــو خــل عنــك الحقــد تــرى الجمــال مـن الله ..!!
قـال فليسكــو : طيـب طيـب كمــل سـالفتـك خلنــا نشــوف آخـرتهــا ..
قـال الكنـدره : المهــم إنـي دخلــت وراهــا المستشفــى ولقيتهــا لابســـه لبــس أبيــض وجــالسـه في غــرفـــه والنــاس مجتمعيـــن بـرا الغــرفــه وكـل شــوي الممـرضــه تنــادي واحــد منهــم ويــدخل عنــدهـا .. الظــاهر انهــم جــاييــن يـزورونهــا ويسلمــون عليهـــا .. والله مسكينـــه الله يشفيهـــا ...!!
وانفجــر فليسكــو في وجــه الكنــدره وقــال : الله يلعـــن مخــك ياشيـــخ .. ياخــي أنــت نــاوي تـذبحنــي يابــن الكلــب ....!!
رد الكنــدره باستغــراب : وش فيـــك عصبـــت طيــب ...؟؟؟
قال فليسكــو : ياخــوي وحــده تـروح كل يــوم للمستشفــى مــن سبــع الصبــح الليــن ثنتيــن الظهــر ولابســـه أبيــض وعنــدها غــرفــه وممــرضــه ونــاس يراجعــونهــا ... يعنــي حتــى الحمــار لــو سألتـــه بيعــرف إنهــا تشتغــل في المستشفـــى ...........

رد الكنــدره بلهجـــة حــاده : لــو سمحــت يافليسكــو لا تستهــزيء هـمــن يبــلاك الله ... يعنــي بالله وش تشتغــل في المستشفــى .. تشتغــل مريضـــه يعنــي .. يعنــي بيــوضفـونهــا مــريضــه بالزكــام كبــدايــه وبعــدين يرقــونهــا ويخلــونهــا مريضــه بسـرطـان الثــدي .. عـــاد إذا أثبـتـت نفسهــا مــع الوقــت وثــابرت وتعبــت يحطــونهــا مريضـــه بالإيــدز .. استغفــر ربــك يافليسكــو بـــس ... ولــو افتـرضنــا إنــي سـايرتــك في تفكيــرك الغبــي وافتــرضـت انهــا تشتغــل في المستشفــى .. وش اللـي يــوديهــا كــل يــوم طــيب .....!!
قــال فليسكــو : تـدري يالكنــدره إن المشكلـــه ميــب فيــك .. المشكلـــه فينـــي أنــا الملعـــون اللــي معطيــك وجـــه وجــالس أســولف معـــاك ........................ وقــام فليسكــو ينـــام .. أمــا الكنــدره فكــان مستغــرب مــن كــلام فليسكــو ومــوب مستــوعــب الســالفــه ............

وفـي صـبــاح اليـوم التـالـي .. قــام فليسكــو والكنـدره مــن النــوم وكان مصطفــى سبقهــم فـي ذلك وجـالــس يتمــرن تمــاريـن ســويـديـه ..... قـال الكنــدره مـوجــه كـلامـه لمصطفــى : مـاشــاالله عليــك صـاحـي بــدري .......
رد عليـــه مصطفــى وهـو منهمـــك فـي التمــريـن : أصــلي مانمــتـش طــول الليـــل .........!!!
وتـدخل فليسكــو وســألـه : يـاخـوي مســوي نفسـك رشيــق أنـت وخشـتــك .. قســم بالله لــو تـآكـل مــدرب ليــاقـه إنــك ماتنحــف أبــد انــت وجســمـك هاللـي كـنــه ثـلاجـة عـزوبيــه .. تعـال إجلــس وعلمنــا ليــش مانمــت ...؟؟؟
قـال مصطفــى وهــو رافــع يدينــه فــوق ويثنــي جسمــه يميـــن ويســار : أصــل إمـبـارح حـصـل مـوقــف مخـيــف وانتــو نايميـــن بــس أنــا تصــرفـت لـوحــدي ومـاحبيتــش ازعجـكـــوا .............!!
رد الكنــدره وفليسكــو بصــوت واحـــد : وش صـــــار ............؟؟
رد عليهــم مصـططفــى : أصــل الســالفــه يـاللـي أعمــاركـو طـويلــه .. إنــه بعــد مانمتــوا سمعــت صــوت غـريـب .. فحــاولـت أطنـش الصــوت وأنــام .. لكـــن الصــوت كـل شــويــه يقــرب ... وفـجــأه سمـعــت صــوت عيــون تلمـــع فــي الظــلام ..........
وتـدخل فليسكـــو وقـال : ياخــوي تســولف علــى بـزران أنــت .. وش اللـي أعمـاركو طويلــه وسمعـت صـوت عيـون تلمــع تلعــب علينــا أنـت وجهــك اللـي كـنــه مفـتــاح كـامــري ......................... .
ورد الكنــدره بعصبيـــه : يااااااااااااااااااااافلبي سكــو خلــه يكمــل .... ياخــي عنــدي إحـســاس إنــه صــادق .. بــس خلــه يكمـــل ولا تقـاطعــــه .......
رد فليسكـــو بقهــر : ماودك تـآكلك تبــن .. والله لــو انــه جبنـــة بــوك عـشــان أقـاطعــه .. يالله كمــل كمــل خلنــا نشــوف آخــرة هالنصبـــه اللـي علـى الصبـــح ...!!
ورجــع مصطفــى يكمــل سـالفتــه وهــو منبطــح علـى بطنــه علـى الأرض ويحــاول إنــه يســوي تمـريــن الضغــط لكنــه ماقــدر لأن ايـدينـــه ماتــوصــل للأرض عـشــان بطنــه أطــول مــن يـدينـــه .... وحـاول إنــه يصــرف مـوضــوع التمـريـن ورجــع وقــف على رجلينــه وعــاد نفـس التمـريــن الأول : المهــم يالمـربعيــن إن صــوت العيــون اللـي تلمــع كل شــوي يقــرب مـنــي .. وفـجـأه طلــع لـي مــن الظــلام أســـد علــى هـيـئـة حيــوان ........
وتـدخل فليسكــو وقـال : والله بـديــت أشــك إنــك تـتعـاطـى .. أكيــد الأســد بيكــون علـى هيئــة حيــوان .. يعنــي بالله عـمــرك شـفــت أســد عـلـى هيئــة سـيكــل .. بعـدين وش هالأســد المضيــع ووش جــابـه للجــزيره .......
وتكلــم الكنـدره بعصبيــه واضحــه : يافليسكــو يافليسكــو يافليسكــو خــلــه يكمــل يـاااااااااااخــي .....................
ومصطفـى كان منبطــح علـى ظهــره ويحـاول إنــه يســوي تمـاريـن البطــن لكنــه ماقــدر يرفــع راســه .. وحـاول إنــه يقــوم ويكمــل تمــرينـه الأول لكنــه ماقـدر برضــه وكمــل ســالفتــه وهــو منبطــح وقــال : ويــوم قـرب منــي الأســد وشــافنــي وقــف مكــانــه ســاعــه يبــص فـي عـينيـّـه وانــا ابــص فـي عينيـــه .. وبعــدها خــاف الأســد وجــري مــن قــدامــي وتــوتــه تــوتــه خلـصــت الحتــوتــه ...!!!
وقــام فليسكــو معصــب وقــال : وش اللــي تــوتــه تــوتــه .. بتنــومـنـــا أنــت .. بعــدين والله بعــذره الأســد يــوم شــاف وجهـــك وقــف مكــانـــه .. نعــن ابــوك أنــت مــن شيــن وجهــك حـتــى أمـــك تـتغـطـــى عـنـــك .. أقــول يامصطـفــى أقســم بالله لــو ماتتــرك عـنــك النصـــب إنــي لأدفـنــك في هالجــزيره فـاهــم ولا لاااا ..........
وتـدخــل الكنــدره وقــال : والله انـــك صــادق يافليسكــو .. أنــا بــديت أشــك إن مصطـفــى نصـــاب .. ولا بالله وش هالأســـد اللـي طـالع في الليـــل .. واضـــح انهــا نصبـــه ......!!!
ورد عليــه فليسكــو بعصبيـــه : مــاودك تآكـل تبــن أنـت الثــاني .. يعنـــي تــركــت النصــب اللــي فــي السالفـــه كلـــه ومـادققــت إلا فــي هالكلمـــه .. لكــن الشــرهـه ميــب عليكــم .. الشـرهـه علــي أنــا اللــي ما مـتـت مــع النــاس وافتكيــت مــن غــثاثتكـــم ..........!!!:
وقــام فليسكــو وجلــس بعيـــد وتـركهــم .. بينمــا الكنــدره رجــع لجـثــة نــاديـن وانبطـــح فــوقهــا يســوي لهــا تنفــس صـنـاعــي .. أمــا مصطفــى فتــوهــق ماقــدر يقــوم عــشان كـذا صــرفهــا ونــام مكــانـــه ...

آآآآآآآه هـــيلـــــب مــــي ........ صـــوت أتــى مــن تحــت ركـام الطـائـره .. انتبــه الكنــدره للصــوت وقـام يبحــث عـن مصــدر الصــوت ... ووســط الركـام شــاف الكنـدره شـايــب أمريكــي يصيــح ويقــول : داااااااادي دااااااادي .... اقتــرب منــه الكنــدره وشـاف يــده عالقـــه تحــت الركـام .. رفــع الكنــدره الركام مــن فـوق يــد الشــايب في أول تصــرف صحيــح للكنــدره مــن يــوم طاحــت الطيــاره ... وسحــب الكنــدره الشــايب بعيــد عــن الركام ..... وكان الشــايب يصيــح مــن قــوة الألــم في يــده ويقـــول : داااااااادي دااااااادي ............. قــال لــه الكنــدره في محــاولــه للتخفيــف عنــه بعــد مامسـك رجــل الشـايـب وجلـس يقلبهــا : يارجــال داااااادك مافيــهــا إلا العافيــــه .. بس كـدمـه بسيـــطـه بتـروح مــع الوقــت وتــرجــع دادك مثــل أول واحســـن ..........
طــالع الشــايب في الكنــدره باستغــراب وهــو مايفهــم وش يقــول أصـــلاً لكــن شــدة الألــم افقــدتـــه التــركيــز وواصــل الصــراخ : داااااااادي دااااااااادي .....
وقــال لــه الكنــدره : يارجــال تــراك أزعجتنـــا بــدادك .. تــرى كلنــا داداتنـــا تعــورنــا .. تصــدق إن حتــى أنــا دادي تعــورت بس إنــي ماســك نفســـي ....
وفـي هالحظـه جـاهـم فليسكــو بعــد ماسمــع صــوتهـم .. وقـرب فليسكــو مـن الكنـدره وسألـــه وش الســالفــه ...
قـال الكنـدره : أبــد يافليسكــو هـذا واحــد جــديد أنقـذتـه والظـاهر إنــه أمريكــي .. بــس أزعجنــا لأنه يصــايـح دادي دادي .. الظاهــر إن رجلــه تعـوره .......
قـال فليسكــو : وش دراك انـت إن رجلــه تعــوره ..؟؟
قــال الكنـدره : مايبيلهــا تفكيـر يافليسكــو لأنــه معــروف إن داد بالانجليــزي يعنــي رجــل بالسعــودي ..........
رد فليسكــو بنرفــزه : ياخــوي انت مســوي فيهــا متــرجـم انـت وخشتــك .. هاللحيــن الرجــال قـدامـك يــده تنــزف ومـجروحــه جـرح كبيــر وتشـوفــه يصــايـح وانت يالثـور تقــول داد يعنـي رجــل ...!!
قـال الكنــدره : هــذا اللي أنــا مستغــرب منــه .. هاللحيــن يــده مجــروحــه وهـالحمــار يصيــح ويقــول رجــلي .. شكلــه غبــي ...!!!
قـال فليسكــو : والله مالحمــار غيــرك يالملعــون .. الرجــال يقــول مـن الألـم دادي يعنــي يابــوي .. مثل أنت إذا خفــت أو تعـورت وقلــت يماااااااااااه ولا يبــاااااااه ... وانت مســوي فيهـا فـاهـم ...!!
قـال الكنـدره : آآآآآآهـاااا تصــدق إنـي لخبطـت بيــن دادي اللي معناها يـبـه وبيـن دادو اللي معنـاها رجــل ......
قـال فليسكــو : على بـالك تصـرف يابـن الكلـب .. قـم بـس شـف لنــا شـي نطهــر فيـه الجـرح وخـل عنـك النصــب .........
قـام الكنـدره وهـو يكلـم نفســه ويقــول : صـدق إن مافيـه شـي يجلـس على حـاله .. الله يالدنيـا أول كان دادي معنـاها رجـل وهاللحيـن صـار معنـاها يبــه .. آآآآآه يازمـان العجـايـب بــس .............!!!!

رجــع الكنـدره بعــد ماجـاب شنطــة إسعـافـات أوليــه لقــاها بيــن حطــام الطيــاره ... وضمــدوا جــرح الشــايب جــورج اللـي علمهــم بـإسمـــه .. والكنــدره كان ماسـك الشــايب ويقـول لـه خــلك زيــدان لا تصيــر رونالدينهــو ........... وفليسكــو كان منشغــل بالتضميــد ووقـف وقـال للكنـدره : وش قـاعـد تقــول لــه هاللحيــن ..؟؟؟
قـال الكنـدره : أكلمــه إنجليــزي واقـول لــه خلـك زيــدان يعنــي خــلك هــادي .. ولا تصيــر رونالدينهــو يعنــي لا تتحــرك واجــد ...!!
قـال فليسكــو : يـاخــوي أنت من شكـلك متعلـم انجليــزي وانـت منبطــح .. ماودك تـآكل تبـن وتمسـكـه وانــت سـاكـت ....!!
سكــت الكنــدره أما فليسكــو فواصـل عمـل العـلاجـات الأوليــه لجــورج .. وكـان فليسكــو يحــاول يســولف مــع جــورج عــشـان مايغمــى عليــه وهــو يضمــد جــروحـه ... أمــا جــورج فكــان يســولف شــوي ويبكــي شــوي مـن شــدة الألـــم ... وبيـنمـا فليسكــو يســولف مـع جــورج كان الكنــدره يطــالع جــورج بنــظرات حـقــد ... وانتبــه فليسكــو لنـظرات الكنــدره وســأله : وش فيــك تنــاظر كــذا ..؟؟؟
جـوابـه الكنـدره : ياخــوي قـاهرنـي هالشــايب إبـن الكلــب .. مســوي نفســه يعــرف انجليــزي ..!!!
قـال فليسكــو : ياخــوي وش اللي مســوي نفســـه .. هــو مايعــرف يتكلــم عـربي .. يتكلـم انجليــزي لأنهــا لغتــه ..
رد الكنــدره : يافليسكـو لاتصيـر مخفــه .. وش اللي مايعــرف يتكلــم عـربـي وهــو قبــل شــوي يـوم بكــى كان يبكــي بالعــربــي ..!!!
قـال فليسكــو بعصبيــه : تــرى بالعــن أبـو ابــوك يالتبــن لـو ماتسكــت .. قـال ايــش قـال يبكــي بالعـربــي ..!!
وكمــل فليسكــو العــلاج لجــورج وســط مراقبــه مــن الكنــدره ... وفجــأه قـال الكنــدره لفليسكــو : ماعنــدك ثلــج يافليسكــو ...؟؟؟
قــال فليسكــو : لاااا .. بـس ليــش ..؟؟؟
قــال الكنــدره : ماتشــوف وجــه الشــايـب ذايــب .. الظـاهر إن وجــه ذاب مــن الحــر ...!!
قـال فليسكــو : ياحمــار هــذي تجـاعيـد لأنــه كبيــر في الســن ....
قـال الكنـدره : وش هالتجـاعيـد يافليسكــو .. ماتشــوف جبهتــه سايحــه علـى عيـونــه وخـدوده واصلــه كتــوفـه .. شـوف يافليسكــو هـي وحــده مـن الثنتيــن إمــا إن وجـهــه ذايــب مـن الحــر أو إن وجــهـه كبيــر عليــه ويبـي لــه تضييــق ...........
قـال فليسكــو : ياخــوي إنــت ماتعــرف تسكــت .. مـآكل حبـوب أنـت .. ولا شكـلك مـآكل بيــّـاع بكبـره .. اسكــت ياخــوي تكفــى اسكــت الله يلعــن أمـــك ....!!

بعـد ماخلــص فليسكــو والكنــدره مـن عــلاج جــورج الشــايـب سـدحــوه فـي الظــل جنــب جثــة نــاديــن .. وراحــوا يشـوفــون يشــوفـون مصطفــى وش سالفتــه لأن لــه فتــره منبـطـح ولا قــام .... وسألــه فليسكــو : وش فيــك يامصطفــى لك فتــره ماقمــت ولا تحــركت من مكانــك ..؟؟
قـال مصطفــى : ولا حاجــه بـس أنا متعـود على التمـريـن ده ..
قـال الكنــدره : وش هالتمـرين ياخــوي .. والله لـو انــك مصــدوم فـي الشــارع ما انبطحــت كل هالوقــت ....
قـال مصطفــى في محـاولـه لتصـريـف المـوضــوع : انتــوا مــادريتــوش إيــه حصــل إمبــارح ..؟؟؟
رد فليسكــو والكنـدره : وش حصــل ..؟؟؟
قــال مصطفــى : إمبــارح لمــا كنتــوا نايميــن سمعــت صــوت فـي الظــلام .. وفــجـأه طلــع لــي كـلـب علـى هيئــة حــرامــي ............
وقبــل مايكمــل مصطفــى سالفتــه رفـســه فليسكــو برجلــه علــى بطنــه وقــال لـه : ياااااااااااخــوي تستعمــل مخــدرات أنــت ... اتــرك النصــب عنــك انــت وخشمــك الأحمــر اللي كنــه طفـايــة حريــق معلقــه في وجهــك وعلمنـــا ليــش لك كــم يــوم منبطــح مكانـــك ..؟؟؟؟
قـال مصطفـى : بصــوا ياشبــاب .. أنـا وزنـي كبيـر .. وحـاولـت أنزلــه لكن ما قـدرتــش .. وجـربـت كل الطــرق ومانفعتــش .. تصـدقـوا إنــي مـره شـريـت كتـاب تمــاريـن إسمــه تمـاريـن تخفـض وزنــك في اسبــوع .. وجلــست كل يــوم أقـراه أكثـر مـن مـره فـي اليــوم .. أقـراه أول ما أصحــى مـن النـوم وبعـد الفطـور وبعـد الغــدا وبعــد العشـا وقبـل ما انــام .. وجلـست علـى الحلــه دي شـهــر ومـانزلـش وزنـي ولا كيلــو .. بالعكــس زاد .. عــشان كـذا تأكــدت إن كـتـب الريجيــم والتمــاريـن كـذب واهـدافهــا تجــاريــه عــشـان كــذا قــررت أتمــرن بنفســي .. وانا منبطــح لأن دا واحــد مـن التمــاريـن اللي اختــرعتهــا ........
قــام فليسكــو مـن مكـانــه وقـرب مــن مصطفــى وقــال لـه : أجـل جلسـت تقـرى الكتــاب شهـر ومـانـزل وزنــك هــااااااااه ..؟؟

قـال مصطفـى : اااااااااوالله زي مابــؤلك كــدا ............
ودعــس فليسكــو علـى بطــن مصطفــى وقـال : الله يلعــن والديكـــم ياعيــال الكلــب .. جننتــوووونـي ..!!
وراح فليسكــو عنــد الطيــاره يـدور أي شـي يسـاعـدهم على الاتصــال وطلــب النجــده ...... بينمــا مصطفــى والكنــدره استغــربــوا مـن تصــرف فليسكــو مـع مصطفــى .. وقــال مصطفــى : مــاله صـاحبــك زعــلان ..؟؟؟
قـال الكنــدره : يمكــن إن زعــل علـى حــالك يـوم انـت تقــرا كتــاب التمـاريـن شهــر ولا نقـص وزنـك .. قســم بالله لـو انــي مكانــك كان انتحــرت مـن القهـر .....!!!!!!!!!!!!!!!!!!!! !!!!!!!

وبعــد مرور وقــت قصــيـر سمــع الكنــدره صـوت فليسكــو يصيــح .. انطلــق الكنــدره ناحيــة الصــوت ولقــى فليسكــو ممــدد علـى الأرض وطـايح فـوق يــده كـومــه مـن الحـديد .. وفليسكــو كان يصيــح مـن شــدة الألــم .. سـأل الكنــدره فليسكــو : وش الســالفــه ..؟؟
قـال فليسكــو وهـو يأن تحــت وطــأة الألــم .. << مــايمـديكم علـى هالكلمـه .. أصـلاً القصــه كلهـا ماكتبتهـا إلا عشــان هالكلمــه ..!! <<خخخ : كـنت أدور علـى جهـاز إتصـال .. وحـاولـت أبعـد كـومـة الحـديد عـن الطريـق .. لكنهـا طـاحـت فـوق يــدينـي ......................... .....
وبعـد ماخلـص فليسكــو كـلامـه أغمــي عليــه مـن شــدة اللألــم ..... وفـي هالحظــه انطلــق الكنـدره نحــو فليسكــو لينقــذه ...

بعـد فتـره كان فليسكــو ممــد علـى الأرض بعيــد عــن حطــام الطــايره ... وجنبــه صــديقــه الصــدوق الكنــدره اللـي أنقــذه مــن المــوت ...... ومـاهي إلا لحظــات حـتـى إستــرد فليسكــو وعيــه .. وفتــح فليسكــو عيــونــه وشــاف الكنــدره جـالس عنــد راســه ... ابتســم فليسكــو ابتسـامـة رضــا للكنــدره اللـي أنقـذه .... قـال الكنــدره : هــااااه يافليسكــو انشــاالله إنــك أحســن هالحيــن ..؟؟؟؟
قــال فليسكــو : الحمـد لله أنا أحســن والفضـل لك بعـد الله .. بصـراحـه يالكنـدره أنا كنـت قـاسـي معــاك .. وأدري إنـي غلـطـت عليــك كثيــر لأنـي كنــت أحسبــك غبــي .. لكـن بعـد ما أنقـذتنــي عـرفـت إن الرجــال مـواقـف .. وانــك رجــال عـن ألــف رجــال ................ وسكـت فليسكــو ودمـوعـه تنــزل مـن عينــه ......!!
قـال الكنـدره : لا تبكــي يافليسكــو .. انـت أحســن صـديـق عنــدي مهمــا صــار .. وانا ماقـدرت أشــوفك تعــاني وانا أتفــرج ...!!
ابتســم فليسكــو وحــاول إنــه يحــرك يــدينه عـشــان يحضــن الكنــدره .. لكنــه اكتشــف إن يــدينــه مـاتحـركت .... نــزل فليسكــو عيــونــه باتجــاه يـدينــه عـشـان يشــوف ليــش ماتحــركت .. لكنــه مالقــى يدينــه مــكانهـا ... التفــت فليسكــو بســرعـه ناحيــة الكنـدره وقــال لــه باستغــراب وذهــول : كنــدره ويــن يــدينــي ..؟؟؟؟؟؟؟؟؟؟
نـزل الكنــدره راســه وقــال : بصــراحـه يافليسكـــو كــومـة الحــديد كانــت ثقيلــه وماقــدرت أشيلهــا عــشان كــذا اضطــريـت أقطــع يـدينــك ....!!
قـال فليسكــو : آآآآآه يالكنـدره طيـب ليـش استعجلــت .. كان طلبــت مـن مصطفـى والامــريكي يسـاعـدونـك ....
قــال الكنـدره : يافليسكــو انـت صـديقــي .. عـشان كـذا ماحبيــت أحــد ينقـذك غيــري .. بعـدين يافليسكــو تـرى اليـدين ميـب ضـروريـه .. واذا كان علـى الأكــل فتقـدر تآكـل بـملعــقه .....!!!!
قـال فليسكــو : يعنـي هـذي فـايدة اليديــن الوحيـده اللي انـت تعـرفهـا .. وبعـدين حتـى لو بآكــل بملعقــه وش أمسكهــا بــه يالذكـي .. أمسكهـا بــسـرّي ... وعلـى العمــوم يكفــى انـك انقـذت حيــاتـي والحمـد لله انهــا جــات علـى اليديــن بــس وهاللحيــن خلنــا نقــوم نجلــس عنــد الشبــاب ......................... ..... وحـاول فليسكــو يقــوم لكنــه ماقـدر ... ونــزل نـظـراتــه ناحيــة أرجــولــه واكتشــف إن رجلينـــه مقطــوعـه بعــد .....!!!
رجــع فليسكــو نـظراتــه ناحيــة الكنــدره وقــال لــه : ويييييييييييييـن رجلينـــي ..؟؟؟؟؟؟؟؟؟
قــال الكنــدره بحيــاء : تبـي الصــدق يافليسكــو .. أنـا لمـا قطعــت يدينــك فكــرت إنــك بعــدين لمــا تمـشـي وفجــاه تطيــح عـلى الأرض فأكيــد انــك بتطيــح علـى وجهــك لأن ماعنــدك يــدين تســاعـدك إنــك تحمــي نفـسـك .. عـشــان كـذا قطعــت رجلينــك عـشـان ماتمــر فـي مثـل هالمـوقـف البــايـخ ....!!
قـال فليسكــو بعصبيــه : الله يلعــن ابــوك ياالغبي والله أنك ثور .. هاللحيـن قطعــت يدينــي ومشيتهــا لك .. لكـن تقطــع رجلي عشــان ما أطيـح على وجهــي يابـن الكلــب هـذي اللي والله مــا تخــش المـــخ .. هــذا وانـا أغمــي علـي نـص سـاعـه قطعــت يدينـي ورجلينــي .. أجــل لـو أغمــي علـي ساعــه وش بتســوي يالكلــب .. الظـاهر ما بيبقــى فينــي إلا حــواجبـي بــس ..................
قـال الكنـدره : يافليسكــو لا تتضــايـق وتــراك بتنســى مـع الوقـت لمــا تتــوظـف وتتـزوج ............
رد فليسكــو بقهــر : ياخـــوي أنــت حمــار .. وش اللي تنسـى مـع الوقــت .. والله لـو إنـي مضيـّـع خمسيــن ريــال .. بعــديـن وش لـون أتــوظـف وأنــا بـدون رجليــن ويـدين .. إلا إذا كان باتــوظــف شـنطـــه ..!!
وبينمــا فليسكــو وكنـدره يتكلمــون سمعــوا صــوت طيــاره ... ورفعــوا روسهــم وشــافــوا طيــارة إنقــاذ ... ونـــط الكنــدره وفصــخ فنيلتــه وقــام يلــوح ويأشـــر للطيــاره اللـي انتبــه ركابهــا للكنــدره ونــزلـوا في الجــزيـره لإنقــاذ الكنــدره واخــوياه ......

وتــم إنقــاذ الشبــاب .. وبعــد إجــراء الإسعــافـات الأوليــه تــم إرجــاع مصطفــى المصــري وجــورج الإمـريكي لبلــدانهــم ..... أمــا فليسكــو ونــاديـن فدخلــوهم غــرفـة العنــايـه المـركـزه .. وطبيــش كان معــاهم كمــرافــق .......... واكتـشـف الأطبــاء إن المضيفــه اللبنــانيــه نــاديــن حـيـّــه وانهــا تنبـض نبضــات خفيفــه وانهــا كانت في غيبــوبــه .. وإن الكنــدره لمــا كان يســوي لهــا تنفــس صنــاعــي كل فتــره ســاهــم في إبقــاؤهــا علـى قيــد الحيــاة ............. وأيضــاً إكتـشـف الأطبــاء إن نــاديـن حــامــل فـي أيامهــا الأولــــى ..!!!!!!!!!

دخـل الكنــدره علـى فليسكــو اللي كان علـى السريـر بعـد إن تــم إيقــاف النــزيـف اللي كان يعــاني منــه .. وعلــم الكنــدره فليسكــو بســالفـة نــاديــن ..... واستغــرب فليسكــو والكنــدره مــن حمــل نــاديــن ... وحلـــف الكنــدره بأغلــظ الأيمـــان إنــه ماســوى أي شــي لـنــاديــن .......!!!

رجــع فليسكــو والكنــدره ومعــاهم نــاديــن اللـي قــرر الكنــدره إنــه يتــزوجهــا .......... ورجـــع فليسكــو مــع أهلـــه .. أمــا الكنـدره فأخـذ نــاديـن معــاه لبيــت أهلــه فـي انتــظار أن تضــع حملهــا ويتــزوجهــا ................ وبعــد مرور التســع شهــور أخــذ الكنــدره نــاديـن وتوجـــه فيهــا للمستشفــى بعــد ماحســت بأعــراض ولاده ...... دخلــت نــاديـن لغـرفــة الولاده .. بينمــا الكنــدره كان واقــف عنــد البــاب في انتظــار خــروجهــا ...... وبعــد لحــظات سمـــع الكنــدره صـــوت طفـــل يبكــي ويقــول : دااااااااااااادي ...!!!!!!!
دارت الدنيــا بالكنــدره وجلــس على أقــرب كــرســي وتــذكــر إنـه هـو فليسكـــو لمــا عالجــوا الشــايب جــورج ســـدحـوه جنـب نــاديــن وراحــوا يســولفـون مــع مصطفــى وكيــف بعـدها صـار الحـادث لفليسكـــو وسـاعده الكنـدره وبعـدها جـات طيـارة الإنقــاذ .... وان هالمــده كلهــا كان جــورج جنــب نــاديــن لحــالهـم ........ !!

حــط الكنــدره راســه بيــن يـدينــه وقــال بـقهــر : والله لألعــن والديــــك يافـليسكـوووووووووووووووو ووووووووووووووو ..!!!!!!!!!!!!!!!!!!!!!!! !!!!!!!!!!!!!!!!!!!!!!!!!

youSsef · 07-12-2008, 08:53 PM

لا تنقل (الموضوع) يا المملوح
يروح لـ (الطفايه) يا الغالي

07-12-2008, 08:45 PM	#1
مصطفى ثنين شاهي طـازهـ	اتحداك ماتضحك من قصة فليسكو فـي مـطــار الملك خــالد بالريــاض .. انطلـــق أبــو فليسكـــو وأمـــه لإستقبـــال إبنهـــم الحبـيــب فـليسكــــو اللـذي كان في رحلــة للنــدن.. ووقفــوا عـنــد بــوابـــة دخــول المســافـريــن .. وكانــت نـظراتهـــم متعلقـــه فــي وجــوه المســافـريــن شــوقــاً لــرؤيـــة وجـــه ابنهـــم وكبــدة فلـذتهـــم <<أقــول ماودك تخلــص علينــا مـن هالمقـدمــه يانجيــب محفـوظ << قـال ايــش قــال كبــدة فلـذتهــم ..!! ... وأخيــراً ظـهـر فليسكــــو .. نـعــم لقــد ظـهــر بـعــد أن اخـتـرق الصـفـــوف .. (( صــلاح الـديــن الأيــوبـي ذا مــوب فليسكـــو ..!! )) .... ولكـــن ياللهـــول ..!! لمــاذا فليسكــــو يجلــس علــى كــرســي مـتحــرك .. ويـدينـه ورجلينــه مقطــوعـه وخلفـــه صــديقــه الكنــدره يــدفــع الكــرســي وبجـانبهـم فــتاة ... مــا الــذي حــدث لــه فـي لـنــدن وجعلــه مقعــداً .. ومـن هـذه الـفتـاة اللتـي معهــم .. ولمـاذا جـاء ابنهــم فليسكــو فـي طــائـرة إخــلاء طـبــي .. وقـبـل ذلك كلــه .. لمــاذا ذهــب إلــى لنــدن مــن الأســـاس ....؟؟؟؟؟؟ ولكــي نجـيــب عـلى هــذه الأسئلـــه دعــونـا نــرجــع بالزمـــن إلـى الــوراء .. وبالتحـديـد قـبــل تسـعــة أيــام فـي يــوم الأثـنيــن ميــلادي المــوافــق يــوم الخمـيـس هـجــري .. (( يـلععععععـن أم التــاريــخ اللـي تعــرفــه ياشيــخ ..!! )) ... كـان فليسكــو جـالــس فــي الملحــق الخـارجــي لبيتهـــم يتـابــع التلفــزيــون .. وفـجــأه سمــع صــوت جــرس البــاب يــدق .. وبعــد لحظــات دخــل عليــه أبــوه وقــال لــه : يافليسكـــو .. صــديقــك الكنـدره عـنــد البــاب .. تبينــي أدخلـــه ..؟؟؟ رد عليــه فليسكـــو : لااااااااا فـكنــي مـنــه هالغبــي وقــل لــه إنـــي مـانـــي فـيـــه ...!!! ... طـلــع أبــو فليسكـــو عـشــان يـصــرف الكنــدره .. وبعــد لحظـــات رجــع لفليسكـــو ومـعــاه الكنــدره ... !!!! طـالـع فليسكــو فـي ابــوه وقــال لــه : أنــا وش قـلــت لك ..!!!! قـال ابــو فليسكـــو : والله قـلــت لــه انــك مانتــب فـيــه بــس هــو صـمـم إنــه يـدخــل يحتــريــك إلـيــن تــرجــع ..!!!! وانتقـلــت نـظــرات فليسكـــو إلـى الكنــدره وقـال لــه : ياخـــوي نشبـــه إنــت .. هاللحيــن يابــن الكلــب ماقلنــالك إنــي مـانــي فـيـــه ..؟؟؟ رد الكنــدره : عــادي يافليسكـــو خــذ راحـتـــك وانــا باحتــريــك هـنــا إليـــن تــرجــع .. وبعـديـن أنـا ضيفــك والمثــل يقــول إكـرام الضيــف دفـنــه ...!!! عــض فليسكـــو يــده مــن القـهــر وقــال : مـاودك تـآكل طفـايـة سجـاير وتنثبــر فـي آخــر المجلــس ومـابي أسمــع صــوتــك .. قـال ايـش قـال إكـرام الضيــف دفـنـه ....!!!! كان فـليسكــو عـصبــي لـدرجــه كبيــره .. أمــا الكنــدره فـكان غـبــي لـدرجــه ماحــد يتخيلـهــا وكان قـزم لـذلك سـمـــوه الكنــدره أي كنـادر وفـي روايــه الجـزمـه ...!! وفـي الملــحق كان فليسكـــو مشغــل قـنــاة فـيهــا أغنيــة الأمــاكـن للفـنــان الكبيــر رابــح عــلامــه .. (( والله مـن زيـن الثقـافـه الفنيــه عنـدك ..!! )) .. وكان فليسكـــو داخــل جــو مــع الأغنـيــه .. وفـجـأه قـطــع الكنــدره الجــو عـلى فليسكـــو وقـال لــه : إلا عــلى طـاري الأمـاكــن يافليسكـــو . تصــدق إن مـافيــه جــريمــه كاملـــه ...!!!! طـالـع فليسكــو فـي الكنــدره بـحقــد وقـال لــه : هاللحيــن يالملعـــون وش دخــل الأغنيـــه فـي المثــل اللـي قلـتـــه ...!!! قـال الكنــدره : يافليسكــو لا تــدقـق أنــا ودي أســولف معــاك بــس .. المهــم سلمـك الله يافليسكـــو إنــي أمــس كـنــت راكــب سيـارتــي وأتمشــى .. وفـجـأه ولعــت لمبــة البنــزيــن وانــا كـنــت طـفــران .. فـخــطرت فـي بــالـي فـكــره إنــي أجــرب نـفـســي فـي الإجــرام واعـبــي سـيارتــي بـنــزيـن وانحــاش ....!!! وقــام فليسكــو وصـفــق الكنــدره علـى راســه وقـال لــه : هاللحيــن ياليهــودي تسمــي اللــي ســويتــه إجــرام ..!!!! قـال الكنــدره بعــد أن لبــس شمـاغــه اللـي طـار بسبــب صفقــة فليسكـــو : طـيـب اصبـــر خلنــي أكمــل لك المغـامــره .. المهــم سلمــك الله إنــي عـبيـت بنـزيــن بخمســـه ريــال وانحـشــت بـدون مـا أدفــع الحســاب .. وعـلى طـول رحــت وقـفــت السيــاره بعـيـد عــن بيتـنــا ومسحــت بصـمــاتـي مــن الـطــاره _ الدركسـون _ ودخلــت بيتنــا بشـويـش عـشــان اتـأكـد إن مافيـــه أحــد يـراقبنــي ..........!!! وفـي هاللحـظـات كان وجــه فليسكـــو أحمــر مــن العصبيــه والقهــر وقــام يـرفــس الكنـدره ويقــول لــه : الله يلعــنك ويلعــن مـخــك ويلعــن الإجـرام اللـي تعـرفــه .. اللـي يسمعــك هاللحيـن يقــول إنــك قــاتـل صــاحب محطــة البنـزيـن .. بعـدين يالحمــار مادامــك نـاوي تنحـاش ليــش ماعبـيـت باربعيــن ولا بخمسيـــن ..!!! قــال الكنــدره وهــو يلبــس شمـاغــه اللــي طـار بســبـب التـرفيــس اللـي جــاه : يافليسكــو أنــا ماكان ودي أكــون طـمـاع فـي أول جـريمــه لــي .. المهــم سلمـك الله إنــه فـي ذاك اليــوم ماصــار شــي .. وفـي اليــوم الثـانــي ركبــت سيـارتــي وتـوجهــت للمحطــه عـشــان أشــوف فـيــه أحــد اكتشــف الجــريمــه ولا لاااا ... ولاااحظــت إن المحطــه تشتغــل عــادي والنــاس رايحيــن جـاييــن عــادي والهنــود اللـي فـي المحطــه نفسهــم مـاتغيــروا عــادي .........!!! قــال فليسكــو بعصبيــه : وأنـــا بالعــــن والـديـــك عــادي ......!!! قـال الكنــدره : لا تقـاطعنــي يافليسكـــو واسمــع المغـامـره للآخــر ... المهــم إنــي وقـفــت عـنــد محطــة البنـزيــن عـشــان أشـــوف بيعـرفــونـي ولا لاااا ... ومـا أمــدانــي أوقــف إلا والهنـــود مجتمعـيـــن علــي ونــزلـونــي مــن السيــاره وأنــواع الطــق فـينــي .. وبعــدهـا اتصلــوا عـلى الشــرطــه .. وجــت الشـرطــه ومسكتنــي وسجنـونــي ثــلاثــه أيـــام ......!!!! قـال فليسكـــو وهــو يضحـــك : أحـسسسسسسســن .. بـس ماقـلـت لـي وش لــون عـرفـــوك الهنـــود ...؟؟؟ رد الكنــدره وهــو يطـالـع السقــف ويفــكـر : يـقـولــون إن الهنــود سـجلــوا رقــم لــوحــة سـيـارتــي ... بــس اللــي قـاهــرنــي وش لــون شـافــوا رقـــم اللــوحـــه مــع إنــي كـنــت مـتلـطـــم ...!!!!!!!!!!!!!......: وفـي هاللحظــه أغـمــى عـلى فليسكـــو مــن القـهــر وقـام يـرافــس فـي مكــانــه .... ونــادى الكنــدره أبــو فليسكـــو وأمـــه وركبـــوا فليسكـــو فــي السيــاره وتــوجهـــوا للمستشفـــى ... وفـي المستشـفــى .. كان فليسكــو مـمــد عـلى الســريـر الأصفــر بـعــد مارجــع لــه وعـيــه ... وطبعــاً الســريـر كان أبيــض قبــل ماينــام عليـــه فليسكــو .. ولكــن لأن فليسكـــو فقــد التحكــم فــي عضــلات المثــانــه تحــول لــون الســرير مــن الأبيــض الـى الأصـفــر بسـبـب عــامل الرطــوبــه ..... المهـــم إنـــه بـعــد مافـحــص الدكتــور فليسكـــو التفـــت عـلى ابــوه وأمـــه وصـديقــه الكنــدره وقــال لـهــم .. للأســف ولــدكــم فـيــه حـالــه نفسيـــه .... وفـي هاللحظـــه قـامــت أم فليسكـــو تبكــي وتقــول : يـعنــي خــلاص مـاعــاد بيشـوفـنــي ولــدي .. وقـربــت مــن وجــه فليسكـــو وقـامــت تـأشــر بيــدها قــدام عـيــون فليسكـــو وتقـــول : فـليسكـــو أنــا أمـــك ,, تـشــوفنــــي ....!!!!!! وكان الدكتــور ينـاظر فـيهــا ومنهبـــل ... وفـجــأه قــام أبــو فليسكـــو ومســـك الأم وجلسهــا وهــو يقـــول لـهــا : هــبــلا إنـتــي ... فشلـتينـــا قــدام النــاس .. الدكتـــور يقـــول لك فـيــه حــالــه نفسيـــه مــاقــال لك إنــه صــار أعـمـــى ........ والتـفــت ابــو فليسكــو عـلى الدكتــور وقــال لــه : طـيــب يادكتــور يـعنــي فــيــه أمــل يــرجــع يمـشــي ولــدنــا مـثــل أول .....!!!!!!!!!!!: قــام الدكتــور ينـاظر فيهــم وهــو مـايدري وش يقـــول .... وفـي هـذه الأثـنــاء كان الكنــدره منــزل راســـه بعــد ماسمــع كلام أبــو فليسكــو وأمـــه .... وقــال الكنــدره : يادكتــور لا تــدقـق فـي كــلامهــم لأنهــم مـتأثـريــن مـن الصــدمــه ...... قـال الدكتــور : لا ماعليـــك أنــا مـقـدر حـالتهــم ...... رد عليــه الكنــدره : طـيــب يادكتـور مـتـى تـتــوقـع يـرجــع لــه السـمـــع ...!!!!!!! وبعــد ســؤال الكنـدره قــام الدكتــور يصيــح ويلعــن فـيهــم وطــردهــم مــن العـيــاده ..... وقبــل مايطلعـــون ســأل أبــو فليسكـــو الدكتــور : طـيــب يادكتــور كـيــف نعـالجــه ...؟؟؟ قــال الدكتــور : مــاله إلا عــلاج واحــد .. وهــو انــه يســافــر بــرا المملكـــه يغيــر جــو ويــريــح أعـصــابــه ........ قــال ابـو فليسكـــو : يعـنــي يادكتــور نــوديـــه الدمـــام مثــلاً .....!!!!! قــال الدكتـور وهــو بينفـجــر : هاللحيــن يابـن الكلــب الدمــام بــرا المـمـلكــه .. ياااااخـــي ودوووه لـنـــدن وخلــوه يفلهــا هـنــاك ويطلــع مــن حــالتــه النفسيـــه ...!!! بـعــد مارجــع فليسكــو وابــوه وامـــه والكنــدره للبيــت .... قــرروا إنـهــم يرسلـــون فليسكـــو للـنـــدن لمــدة اسبـــوع ... وجــاب الكنــدره رقــم الخطــوط السعــوديــه عـشــان يتصــل عـليهــم ويحجــز .... دق الكنــدره الـرقــم .... الكنــدره : الســلام عليكــم .. المـوظـف : وعليكــم الســلام .. آمــر .. الكنــدره : الأخ الخـطــوط السعــوديـــه ...!!!!! المـوظـف : الحمـد لله والشكــر .. طوط طوط طوط طوط ... التفــت الكنــدره عـلى فليسكــو وابــوه وقـال : شكلــه زعــل وقفــل فـي وجهــي ...!!! رد عليــه ابـو فليسكــو : والله مــن دلاختـــك .. هاللحيــن يالثـور متصــل علـى الخطـوط السعــوديـه وتقــول لهــم الأخ الخطــوط السعــوديــه .. والله ماعنــدك اسلــوب أبــد .. وخــر بـس هنــاك وخلنــي أكلمهــم أنـــا .............. أخــذ ابــو فليسكــو التلفـــون ودق رقــم الخـطوط السعــوديــه .... ابـو فليسكـو : الــو السـلام عليكــم .. المـوظـف : هــلا وعليكـم الســلام .. آمـــر .. ابـو فليسكـو : بالله يالغــالــي بـغـيــت أكـلــم الأسـتــاذ الخــطوط السعــوديــه ..!!!! المـوظـف : طوط طوط طوط طوط ... التـفـت ابـو فليسكــو عــلى الكنــدره وقــال : ماعليــش ظلمتــك لأن الرقــم طـلــع غلـــط .... طـبعــاً فليسكـــو كان يـراقــب المـوقــف وعــروقــه بتـتـفـجـر مــن القـهــر عــلى الــدلاخــه اللـي يشــوفـهـا قــدامــه ... فـي اليــوم الثـانــي كان فليسكــو حجــز لنفســه تـذكــره للـنــدن .. وكانــت رحلتــه فـي نـفــس اليــوم فــي الليــل ... وجـهــز أغــراضــه وشـنـاطــه استعــداداً للسـفــر ... وقـبــل الرحلــه بســاعــات طــق جــرس البــاب ... ولمــا فـتــح فليسكــو البــاب لـقــى الكنــدره عـنــد البــاب ومـعـاه شنطــه وتـذكـرة سـفـر .... قـال فليسكــو للكنـدره باستغـراب : خــيــر يابــو الشبــاب وش عـنــدك ...؟؟؟؟ قــال الكنــدره : باروح مـعــاك ...!!!!! رد فليسكــو : والله لـو انـي رايــح لصــالـة بليــاردو عــشان تــروح مـعــاي .. تـرانــي باروح لـنــدن ....!!!! قـال الكنــدره : وانـت تحسبنــي غـبـي يافليسكــو .. أنــا عــارف انــك بتــروح لنــدن وعــارف بـعــد إن عــاصمــة لـنــدن هــولنــدا .. تحسبنــي ما أفهــم أنــت ..!!!!!!!! طـالع فليسكــو في الكنــدره وهــو وده يمحطــه كــف وقــال : يـعنــي يـقــالك إنــك بتقنعـنــي هاللحيــن انــت وخشـتــك .. اقــول اقـلـب وجـهــك قبــل مـا ألـعــن والـديــك ..!! وفـي هاللحظــه تـدخــل ابـو فليسكـــو واللـي كان واقـف ورى البــاب وقــال : يافليسكـــو مـانـتب رايــح للـنــدن إلا والكنــدره مـعــاك لأنــك مـريــض مـاتقــدر تتكلــم انجليــزي ..!!!! قـال فليسكــو : ياخــوي بتجـنـنـي أنـت ويــااااه .. وش دخــل مـريــض فـي الانجليــزي .. وبعــدين أنــا باســافـر عـشــان أنحــاش مــن هالغثيــث وانــت تبيــه يســافــر مـعــاي .....!!! وتـدخـل الكنــدره وقــال : يافليسكـــو اسمــع كــلام ابــوك ولا تـزعلــه ولا تنـســى إن الجنــه تـحـت أقــدام الأمـهــات ...!!!! قـال فليسكــو : يااااااااااااليــل .. ياخــوي خـبـل أنـت .. وش دخــل أبــوي فـي الأمـهــات هاللحيــن ...؟؟؟؟ رد الكنــدره : يافليسكــو لا تــدقـق .. ولا تحــاول تتهــرب مـن الموضــوع ...!!!!! وتـدخــل ابـو فليسكــو وقــال : مـاعليــه يافليسكــو .. أنــا الغلطـــان .. لـو انــي ذاك اليــوم تعــوذت مـن الشيطــان ونـزلــتـك وانــا اتفــرج عـلـى سميــره تـوفيــق مـثــل بـاقـي اخــوانــك اللـي وصــل عــددهــم ثلاثميــه وخمســه وستيــن واحــد ...!!!!!!!! طـالع فليسكــو فـي ابــوه وقــال : وانــت فــاضــي تحسـّــب أنـت ووجـهــك ...!!!!! وتـدخـل الكنــدره وقــال : يافليسكـــو لا تصــرف الموضــوع .. يـآخـي اعتبـرنـي مثــل أبــوك الصغيــر وخلنـي أروح معــاك ..!!!!!! قـال فليسكـــو : سكــران انـت .. وش اللـي أبــوك الصغيـــر ..؟؟؟ قــال الكنــدره : مــدري بــس باروح معــاك يعنــي باروح ..!! قــال فليسكــو بعــد أن نفــذ صبــره : خـــلااااااااااااااص بتــروح بــس فـكنــي مـن غـثــاثتــك .....!!! فـي الطيــاره .... ركــب فليسكــو وجنبــه الكنــدره .... وبعــد ما أقلعــت الطيــاره كان فليسكــو طــول الوقــت ســاكــت ... الـتفــت الكنــدره عـلى فليسكــو وقــال لــه : وش فـيــك سـاكــت ياخــوي ..؟؟؟ قـال فليسكــو : ياخـــوي مابــي أســولـف معــاك خــلك ســاكــت أحـســن ....... رد عليــه الكنــدره : يافليسكـــو لا تيــأس مــن الحيــاة .. تصــدق أنــا يافليسكــو كـنـت مضطهــد بيــن النــاس ومـاحــد يحبنــي .. لكنــي صـمــدت واجتهــدت ودرســت إليــن كــونــت نفـســي .. وهــذا أنــا هاللحيــن طـيـّــار فـي كليــة الطــب ولله الحمــد ...!!!! التفــت فليسكــو عــلى الكنــدره وقــال : مـجنــون أنــت ولا تستهبــل .. وش اللـي طيــار فـي كليــة الطــب .. بـعـدين ياخــوي أنــا اللـي أعــرفــه إنــك ماكملــت حـتـى الابتــدائـي ..!!!! قال الكنــدره وهــو منحــرج : هههه هههه صـدقتنــي .. عــاد انــت لا تــدقــق ياخـــوي أنــا بــس حبيــت أعطيــك أمــل فـي الحيــاة ........ قــال فليسكـــو : طـيـب كل تــراب وخــلك سـاكــت ... وفـي هـذه الأثنــاء دخـلـت المضيفــه ومعهــا طــاولــه فـي مشـروبـات وجــرايــد ..... قــال الكنــدره لفليسكــو : فليسكــو فليسكــو جــت البيــاعــه ....!!!! قـال فليسكــو : ياخــوي ماودك تـآكـل تــراب .. وش اللـي بيـاعــه فــي الطيــاره .. هــذي اسمهــا مضيفــه يالحمــار ....!!! .... قـربــت المضيفــه مــن فليسكــو والكنـدره وقـال لهــم : شــو بـدكـووون ...؟؟ أخــذ فليسكــو عـصيــر أمــا الكنــدره فـكان مـطيــّــر عـيـونــه فـي المضيفــه .... طالعــت فـيــه المضيفــه وقـالـت لــه : شــو بيــك ..؟؟؟ قـال الكنــدره : شـوبيــك لبـيــك ..!!!! ضـحكــت المضيفــه عـلى الكنــدره وتـوجهــت لبـاقـي المسـافـريــن ....... التفـت الكنــدره علـى فليسكــو وقـال : تصـدق يافليسكــو أحــس إن صـاحبــة الطيـاره حبـتـنـي ...!!!! رد عليـه فليسكــو : وش اللـي صاحبــة الطيــاره يالثــور .. اسمـهـا مضيـفــه .. بعـديـن وش دراك انهــا حبتــك يالسـاحــر ..؟؟؟ قـال الكنــدره : ياحبــك للتـدقيـق يافليسكــو .. خــلاااااص قلـت لك أحــس وش فيــك منقهـــر انــت ...!!!!! قـال فليسكــو : طيب طيب تحبــك بـس خـلك ســاكـت ..!! وبعـد فتــره رجعــت المضيفــه تــدور عـلى المسـافــريــن ... وناداهـــا الكنــدره وسألهــا عـن إسمهــا ... قـالـت المضيفــه : إسمــي نــاديـن .. وقـال لهــا الكنــدره : طـيب صــح انـتــي تحبينـــي ..؟؟؟؟ قـالـت المضيفـــه : لا تكلــم هـيــك لأن أنــا آسـيــا مــع المســافــريــن ....... رد عليهــا الكنــدره : إنـتــي آسيـــا مــع المســافـريــن وأنــا افـريـقـيـــا مــع المضيـفـــات ...!!!!!! ضحكــت المضيفــه وراحــت تكمــل جولتـهــا .... والتفــت فليسكــو علـى الكنــدره وقــال لــه : الله يلعــن هالوجــه يالفضيحـــه .. هــي تقــول آسيـــا تقصــد قــاسيـــه بــس لأنهــا لبنـانيـــه .. وانــت مســوي نفســك فـاهــم ....!!!! قـال الكنــدره : يافليسكـــو لا تـدقـٌق .. أهـم شــي انـنــا نحــب بعــض ...!! وقـام فليسكــو وخـنــق الكنــدرة وهــو يصيـــح باعلــى صــوتــه ... انــت بتجـنـنـــي .... وفـي هالاثنــاء دخــل مضيــف ومضيفــه وتوجهــوا لفليسكــو والكنــدره ...... قـال الكنــدره لفليسكــو : اسكــت اسكــت المضيفــه جـابــت أخــوهــا ....!!! قـال فليسكــو وهـو مستغــرب : وش دراك انــه اخــوهــا طـيــب ...؟؟؟ رد الكنــدره : واااضــح ماتشــوف لبسهــم مـثــل بـعــض ....!!!!! ورجــع فليسكــو يكــمـل خنــق الكنــدرة مــن العصبيــــه اللـي سببهــا لــه ............... وجـاهــم المضيــف وقـال لهــم : ياشبــاب أنتــم مســوين ازعــاج فـي الطيــاره ولازم نفـرقكــم عــن بعــض ..... قـال طـبيــش : واللي يرحــم والـديــك فـرقنــا قبــل ما انهبـــل ......... ونقــل المضيــف فليسكــو لمقعــد قــدام وجلـّــس واحــد ثـانــي جـنـب الكنــدرة ... وكان الكنــدرة طــول الوقــت يدق اللـي جنبــه ويقــول لــه خــلك وراهــم ولا تضيعـهــم ... (( يحســب نفســه فـي تكســي الأخ ..!! )) ... وفـجــأه قـامــت الطيــارة تـهتـز وتتمــايــل .. وأعلــن كـابتـن الطيـارة أن الطيــارة تمــر بمطبــات هــوائيـــة .. وأن علــى الركاب إلتــزام أمـاكنهــم حـتــى تتخـطــى الطيــارة المطبــات ... ونــط الكنـدره وجلـــس جنــب فليسكــو وقـال لــه : تـصـدق يافليسكــو إنـنــا هالحيــن جـنــب مـدرســة ..!!!! رد فليسكــو باستغــراب : محــشش أنــت .. وش اللـي جـاب المـدرســة فـي الجــو ...؟؟؟ قـال الكنـدرة : ماتشــوف الجـرسـون حـق الطيـارة يقــول مطبــات .. وبالعـاده هــم مايحطــون مطبــات إلا عنـد المــدارس ......!!! رد فليسكــو بحقــد : أول شــي ياملعــون الوالـديــن سـواق الطيـارة إسمــه كابتـن مــوب جـرســون .. ثـانـي شــي ياوصــخ هــو يقصـد مطبــات هـوائيــة مــيب مثـل اللـي في الأرض .....!!!! انحــرج الكنــدرة مـن رد فليسكــو وســوى نفســـه نــايــم .........!!! وفيمــا كانـت الطيـاره تحــاول تخطــي مرحلــة الخطــر .. فـقــد كابـتـن الطيــارة السيطــرة عليهـــا وأخـذت الطيــارة طريقهــا للسقــوط ... وحــدثـت ضجــة كبيــرة بيــن الركــاب وتعـــالــت الأصـــوات والصيحـــات .... وفـي هاللحظــة التفــت فليسكــو عـلى الكنــدرة وهــو خــايـف ويقــول : وش الســالفـة ياولــد ..؟؟؟؟ رد الكنـدرة ببــرود : الظــاهر إننـــا بنشــرنــا ...!!!! قـال فليسكــو : ياخــي أنــت ثــور .. وش اللـي بنشـرنـا .. والله لـو اننــا راكبيـــن هــايلوكــس ....!! وانقــطــعـــــت الأصـــوات فـجـــاة ......................... !!!! طـاحــت الطيــارة فــي جــزيــرة مـهـجـورة .... وقـــف فليسكــو وســط الركــام ينفــض عنـــه الغبــار ويتحـسـس جــروحــة ... وكان حــولـه بعــض الجـثـث متـراميــة ... وبينمــا هــو يفكــر وش يســوي هاللحيـــن فـي هالمصيبـــه .... طلــع الكنــدرة مــن بيـــن الركـام وهــــو يسحــب جثـــة ....... تــوجـه فليسكــو مســرع إلـى الكنــدرة ومشـاعــره مختلطـــة بيـــن خــوف وفـرح وحــزن ورعـــب ..... حـضــن فليسكــو الكنــدرة ... وتحمــد الله علــى ســلامتـــه ... وســأل فليسكــو الكنـدره : وش هالجـثــة اللـي تسحبـهــا ..؟؟؟ رد الكنــدرة وهــو يلـهـث مــن التعــب : هــذي جـثــة المضيفـــه اللبنــانيـــة نـاديــن ...!!! ورد فليسكــو باستغـراب : طـيـب ليــش تسحبهــا وهــي ميـتـــه ..؟؟؟ قــال الكنـدره : داري إنـهــا ميتــه .. بــس يمكـــن نستفيــد مـنهـــا ....!!!! رد فليسكــو وهــو معـصــب : وش اللـي نستفيــد مـنهــا يـالمنحــرف .. والله لــو إنهــا كـشـَــاف .. ياخـــوي هـذا بــدال ماتتحمــد الله إنــك حــي .. قـال الكنـدرة بعنــاد : لــو سمحــت يافليسكــو لا تـدخــل .. بعـديــن هــي تبـرعــت لـي بأعـضــائهــا قبــل ماتمــوت .. بعـدين لاتنســى إنهـا عـذراء قلـقـه تنتـظـر رجــل جبــار ..... رد فليسكــو : إنـت ماضيعـك ولعـب فـي مخــك إلا هالقنـوات اللي مثـل وجهــك .. المهــم خلنـــا مــن هالســالفـة وقــول لــي ماشـفــت أحــد حــي مــن الركــاب ...؟؟؟؟ رد الكنـدرة : إلا كان كابـتــن الطيــارة حــي .. وحـاولـت أنقــذه لكـنـــه مــات ...... قــال فليسكــو : وش لـــون مــات طيــب ....؟؟؟ قــال الكنــدرة : بعــد ماطــاحــت الطيــارة تأكــدت مــن نفـســي أنــا مـتــت ولا لااا ... وبعــد ماتـأكــدت إنــي عــايــش سمعـــت صــوت الكـابتــن يطلـب المســاعــدة .. ويــوم قــربـت مـنــه لقيــت راســـة محشــور بيـــن ركــام الطيــارة .. وحــاولــت إنــي أطلــع راســة لكـــن ماقــدرت ... ولقيــت جنبـــي منشــار وقطـعــت راســـه وسحبـت جسمــه بــرا ... والحمــد لله كان جسمـــه سليـــم ومافيــه شــي بـس إنــه بـدون راس .. أنـا تـوقعــت إنــه فـاقــد الوعــي يــوم شفتــه مايتحــرك .. وانــت عــارف يافليسكــو إن فـاقــد الوعــي لا يـعطـيـــه ..... لكنــي إكتشـفــت بعــد هالتعــب كلـــه إنـــه مـــات ..... والله إنـــه قـهــرنــي مــن جــد .. مادامــــه بيمـــوت إبــن الكلــب ليــش يطلــب المســاعـدة ويتعبنــي وانـــا أقطـــع راســـه واسحـبـــه ... بــس ماعليــــه هــذا قــدره ..................... مـــارد فليسكــو علــى الكنـدره وجلــس يبكــي علــى قــدره اللـي جمعـــه مــع الغبـــي الكنــدرة ............ أمــا الكنــدرة فكـــان منشـغـــل مــع جـثــة نـــادين وجــالـس يســوي لـهـــا تنفــس صـنــاعــي ..... ومـرت سـاعــات وهــم علــى هــذي الحــال .. فليسكــو يفكــر فــي مصيبتهـــم والكنـدرة مشغــول بالتنفــس الصـنــاعـي ... والتفــت الكنــدرة علـى فليسكــو وقـال لــه .. يـافليسكــو ليــش ماتســولــف معــاي ...؟؟؟ قــال فليسكــو : ياخـــوي مابـي أســولـف بالغصــب الدعــوه ........ قـال الكنــدرة : أنــا عــارف إن فـيـك مـرض الحــاله النفسيـــه لكــن إنـت لازم تــوقـف فـي وجــه المــرض .... تصــدق يـافليسكــو إنــي أنــا واخــوانــي كنــا عــايشيــن فـي عــذاب وكان ابــو وامـي دايــم يضربــوننــا ... لكنـنــا صـمدنــا فـي وجــه الحيــاة .. وحـتــى بـعــد ماطلــق ابــوي أمـــي ما تـأثـرنــا أنــا واخـوانـــي ...... قـال طـبيــش : والله بعـذره أبـوك يطقــك انــت واخــوانـك .. نعــن ابــوك انـت واخــوانك كلكــم تتشــابهــون كنكـــم ذبـــاب ... بــس ماقلــت لـي ليــش ابـــوك طـلــق أمــك ...؟؟؟؟ رد عليــه الكنــدرة : طـلقـهــا لأنـهــا ماتـجيــب عـيــال .....!!!!!! وقـام طـبيــش يبقــس الكنــدرة ويقــول لــه : الله يلعــن هالوجــه بتجننــي أنــت .. مـن ويـن جـيـت أنـت واخـوانــك إذا أمــك ماتجيــب عيــال ... سكــراااان أنــت ....!!!!!! رد الكنــدرة وهــو يمســح الدم مـن خشمــه : هههه ههههه الله ياخـذك صـدقتنــي مــره ثـانيــه ... يــاحبــك للتـدقيــق .. أقــول لك تعـــال خــذ لـك حبتيـــن تنفــس صـنــاعــي مــع الجثـــة ووســـع صــدرك ............. رد فليسكــو وهــو يقــوم مــن مكانـــه : إنــت خـلك مــع الجثــة يالمـريــض وانــا باخــذ لــي لفـــه علــى الجــزيـره يمكـــن ألقـــى شــي يســاعـدنــا ... قال الكنـدره : خــلاص انـت خـذ لك لفــه .. واذا مالقيــت شـي يسـاعــدنا في الجــزيره خـذ لك لفــه علــى العربيــه يمكن تلقـى عنـدهـم ..!!!!! قـال فليسكــو : تستخــف دمــك أنـت و**ـوكتــك اللي ماصلحتهــا إلا بترخيــص مـن البلـديــه ......................... ............ وترك فليسكــو الكنــدره مـع جثــة نــاديـن وراح ... ومــرت فـتــرة مــن الزمـــن كـان فليسكــو يستكـشــف الجـزيــرة .. وعــرف أنهــم فـي مــوقــف محــرج لأن الجـزيـرة فـاضيـــة ومـافيـهـا شــي يمكــن يسـاعـدهــم .. ورجـــع فليسكــو لمكــان حـطــام الطيــارة .. ولـقــى الكنــدرة يــدور بيــن حطــام الطيــارة وفـيــه صـــوت صيــاح جنبــــه ... اقتـــرب فليسكــو مــن الكنــدرة وســألــه : وش الســالفــة .. وصــوت ميــن هــذا ...؟؟؟؟ رد الكنــدرة : بعــد مـارحــت أنــت سمعــت صــوت صيــاح .. ويــوم قـربــت لقيـــت واحــد مــن الركـــاب محشـــور ويبينــي أســاعــده ..... قــال فليسكــو : طيــب انــت وش ســويــت ..؟؟؟ قــال الكنــدرة : ولاشــي .. حــاولـت أســاعــده ومـاقــدرت لأنـــه محشــور بيـــن كـومــة حــديــد وكــل ماحــاولـت أسحبـــه يـتــألــم ويصيـــح ... وبغيــت أقطـــع راســـه واسحبـــه لكنـــي خـفــت إنـــه يمـــوت مثــل الكــابتــن الوصـــخ .. عـشــان كــذا قــررت إنــي أدور المنشــار أو أي شـي حــاد واطعـنـــه عـشــان يمـــوت ومـا يـتــألــم إذا سحبـتـــه ......................... .................... وقــام فليسكــو وبطـــح الكنـــدرة وصفقــــه الليـــن عــض الأرض .... وبعـد ماخلـص فليسكــو مــن طــق الكنـدرة تــوجـه للمصــاب وأنقــذه وسحبـــه بعـيــد عــن الطيـاره بمسـاعـدة الكنــدره .. وطلـع المصـاب شـاب مصـري قصـيـر ودب إسمــه مـصـطـفـى .. وأول مـاطلـع قـال .. بتصــدئـوا يـارجـاله .. أنـا كنـت أئـدر أطلــع بـدون مسـاعـده .. لكــن أنــا حبيــت ينــولكـوا ثــواب لأنكــم ساعـدتـونـي ............ وقـام فليسكــو يضــرب كــف بكــف ويقــول : لاحــول ولاقــوة إلا بالله .. كنــا فـي غبــي وصـرنــا فـي غبـي ونصــاب ....!!! أمــا الكنــدره فكـانـت دمـوعــه علـى خــده إعجــابـاً وتقــديراً لمـوقــف الشـاب المصــري اللـي عــرض حيــاتــه للخطــر في سبيــل إنــه يخلــي غيــره يـآخــذ ثـواب إنقـاذه ....... وكان واضـــح إن الكنــدره معجــب بـمصطفـى .. ومــر وقــت علــى وجــود الشبــاب الثـلاثــه فـي الجــزيره .. وخيــم عليهــم الليــل وأصــابهــم الجــوع .... وقــال الكنـدره لفليسكــو : يـاخــوي شـف لنــا شــي نـآكلــه تـرى ذبحـنــا الجــوع ........ رد عليــه فليسكــو : والله لــو إنــي أمكـــم .. بعــدين هالجـزيـره مافيـهـا شـي ينـوكــل إلا سمـك أو جــوز هـنــد .. وطبعـاً مانقـدر نصيـد سمــك لأن مامعــانا أدوات صيــد .. عــشان كــذا مالنــا إلا نآكــل جــوز هـنــد ............ قــال الكنـدره باستغـراب : يـافليسكــو استــح علـى وجهــك .. صحيــح إنـنـا ميتيــن مــن الجــوع .. بـس مـاتـوصــل إن نـآكــل جــوز هـنــد المسكيـــن .. طيــب إفـتــرض إنـنــا متـوحشيــن وعيــال كلــب وأكلنــا جــوز هـنــد .. وش ذنـب هـنــد المسكينـــه تعـيــش بـدون جــوز ..... بـعــديــن جــوز هـنــد هــذا وش إسـمـــه ....!!!!!!! سكــت فليسكــو شــوي فـي محــاولـه لتمـالك أعـصـابــه .... وقــال بعــد فتــره مــن الصمــت : يـاخــي انــت حمــار .. وش اللــي متـوحشيـن وهنــد مسكينــه ووش إســم جـوز هـنـد .... يآخــي أنــت متــى بتصيــر رجــال .... وهنــا تــدخــل مصطفــى فـي محــاوله لإحتــواء المــوقــف بيــن فليسكــو والكنــدره وقــال : خليـــه يافلكســـو أنــا حافهمـــه المـوضـوع ...!! رد عليـه فليسكــو : يالله فـهمــه يانيــوتــن .. مــع إنــي مــن شفتــك تقــول فلكســو وانا غـاسـل يــدي منـــك ... اقتـــرب مصطفــى من الكنــدره وقــال لــه : بــص يابنـــي .. إنـتــا حــاول تشــوف المــوقـف مــن زاويــه إيجـابيــه .. دا المـوضــوع فيــه حـاقــه حلـــوه أووووي .. وهــي إنـنــا حـانـآكـل جــوز هـنــد وبعــدهـا نـنـــام مــع هـنــد .............. واقتنـــع الكنــدره بكــلام مصطـفــى بينمــا فليسكــو كان منهمــك فـي البحــث عــن لــوح عــشــان يلعـــن والــديـن هالحميـــر إللــي تـورط معــاهـم ..... أمــا الكنـدره ومصطفــى فكملــوا ســوالفهــم .... وقـال الكنـدره لمصطفــى : إلا علــى فكــره يامصطفــى .. وجهــك فــي أي شـهــر ..؟؟؟؟ قـال مصطفــى : إزاي يعنــي .. مافهمتــش ســؤالك ..؟؟ قـال الكنــدره : أقصــد يعنــي متــى بيــولـد وجـهــك .. لأنـي ما أعتقــد إن فيــه وجــه منتفــخ زي كــذا إلا إذا كان حــامـل ..!! قـال مصطفــى : لا والله دا وجهــي طبيعـي كــدا .. بـس تصــدق ياكنـدوره إن دمــك شـربــات .. عـشـان كــدا أنــا باحــب السعـودييــن وباحــب السعــوديــه أوي أوي ودايمـاً بازورهــا ....... قـال الكنـدره : حـتـى انـا أحبهــا ودايـم أزورهــا ...!!! ســألــه مصطفــى : إزاي تـزورهــا وانـتا سـاكـن فيهــا ...؟؟ قـال الكنـدره : لا أنـا ساكـن فـي الريـاض بـس إنـي زرت السعـوديـه مرتيــن ........ رد مصطفــى : آآآآه فـهمــت دلـوئتـي .. تـصـدق ياكنـدوره إن اللـي خـلانـي أحـب السعــوديـه زيــاده إن خـالـي مــن السعــوديــه ........ جـاوبـه الكنـدره : مـاشـاالله وانـت بعـد تصـدق إن اللـي حبـبنــي فـي مصــر إن خـالـي مـن الكـوليستـرول ........... رد مصطفـى باستغـراب : وهــو فيـه مكـان إسمـه كـدا ..؟؟؟ جاوبـه الكنـدره : إيييـه هــو مكان عـنـد جمهـوريـة الولايـات المتحــده الفـرنسيــه .....!! قـال مصطفــى : آآآآآه يعنــي خـالك يبقــى اسـتـرالـي ...!! وفـي هـذي اللحظــه كان فليسكــو جايهــم يـركـض ومعــاه جــذع شجــره فـقـَـع وجيهـهـم فيــه إلليــن نــامــوا ....!!!! جلــس فليسكــو لحــالــه يطــالـع القمــر ويفكـر فــي مصيــرهـم الأســود .. منقطعيــن في جــزيـره فـاضيـــه مايعـرفــون حـتـى ويــن مــوقعهـا .... وبينمــا فليسكــو جــالـس قــام الكنــدره مــن نــومــه وجلــس جنــب فليسكــو يطــالع القمـــر .... قــال الكنــدره : تــصدق يافليسكــو إننـــا قريبيـــن مــن بيتنـــا .............!!: رد عليــه فليسكــو : وش دراك طيــب ..؟؟ قــال الكنــدره : لأن نـفــس هالقمــر أشــوفــه وانــا فــي بيتـنــا .. وهــذا يــدل إن بيتنــا قــريب ..............!!! التفــت فليسكــو على الكنــدره وقــال : واللــي يرحــم والــديك يالكنـدره لا تجننـــي .. ياخــوي فـي أي مكــان فـي الدنيــا تشــوف نفــس القمــر .. كـل العــالم يشــوفــون نــفس القمـــر .. قــال الكنــدره : غــريبــــه .. يعنــي كل العــالم قــريبيـــن مــن بيتنـــا ...!!!!!!!!!!!! رد فليسكــو والدمــوع في عيــونــه : تكفــى تكفــى اسكــت .. أنـــا ألاقيــــها مــن دلاختـــك ولا مــن الوضــع اللــي احنــا فيـــه ........ وســادت لحظــات مــن الصمـــت .... وبعــدهـا قــال الكنــدره : فليسكــو .. انــت جــربــت الحـــب ..؟؟؟ قـــال فليسكــو : للأســـف ماجربتـــه ........... قــال الكنــدره : آآآآآآه يافليسكـــو .. يــازيــن الحـــب ............. قــال فليسكــو : اخـسسسسس يالكنــدره والله إنــي أحسبــك ثــور وماعنــدك إحســـاس .. أثــاريــك رومــانســـي .. يالله علمينـــي مــن حبيــت وكيــف ..؟؟؟؟ قــال الكنــدره : أنــا حبيـــت بنــت جـيراننـــا ... المسكينـــه مــريضـــه وكــل يــوم تــروح للمستشفـــى ... أنــا في البــدايــه كنــت أحبهــا مــن بــاب التعــاطـف مــع حالتهـــا .. وبعــديــن تطــور المــوضــوع وصــرت أحبهــا مــن جــد ... تـصدق يافليسكــو إنهــا المسكينـــه تــروح المستشفـــى كــل يــوم مــن الســاعــه سبـعــه الصبــح ولا تــرجــع إلا الســاعـه ثنتيــن الظهـــر .. ومــره مــن المـرات ضبطـت نفســي وكشخــت ومشطــت شعـري علــى جنـــب و دخلــت وراهــا المستشفــى ... قـال فليسكــو : ياخــوي وش اللي مشطــت شعـرك علــى جنـب .. والله لـو انــه قـاطـع إشــاره شعـرك ... بعــدين مـن زيـن شعـرك .. تـرى كلهــا شعـرتيـن اللي فـي راســك .. قســم بالله طـالع شعــرك فـي راســك كنــه مكــرونـة فلسطـينييــن .. يحطــون شــويـة مكــرونــه فـي صحــن كبيــر يعنـــي ثــلاثــة أربــاع الصحــن فـاضــي .. مثــل راســك بالضبــط ..!! قـال الكنـدره : يـافليسكــو خــل عنــك الحقــد تــرى الجمــال مـن الله ..!! قـال فليسكــو : طيـب طيـب كمــل سـالفتـك خلنــا نشــوف آخـرتهــا .. قـال الكنـدره : المهــم إنـي دخلــت وراهــا المستشفــى ولقيتهــا لابســـه لبــس أبيــض وجــالسـه في غــرفـــه والنــاس مجتمعيـــن بـرا الغــرفــه وكـل شــوي الممـرضــه تنــادي واحــد منهــم ويــدخل عنــدهـا .. الظــاهر انهــم جــاييــن يـزورونهــا ويسلمــون عليهـــا .. والله مسكينـــه الله يشفيهـــا ...!! وانفجــر فليسكــو في وجــه الكنــدره وقــال : الله يلعـــن مخــك ياشيـــخ .. ياخــي أنــت نــاوي تـذبحنــي يابــن الكلــب ....!! رد الكنــدره باستغــراب : وش فيـــك عصبـــت طيــب ...؟؟؟ قال فليسكــو : ياخــوي وحــده تـروح كل يــوم للمستشفــى مــن سبــع الصبــح الليــن ثنتيــن الظهــر ولابســـه أبيــض وعنــدها غــرفــه وممــرضــه ونــاس يراجعــونهــا ... يعنــي حتــى الحمــار لــو سألتـــه بيعــرف إنهــا تشتغــل في المستشفـــى ........... رد الكنــدره بلهجـــة حــاده : لــو سمحــت يافليسكــو لا تستهــزيء هـمــن يبــلاك الله ... يعنــي بالله وش تشتغــل في المستشفــى .. تشتغــل مريضـــه يعنــي .. يعنــي بيــوضفـونهــا مــريضــه بالزكــام كبــدايــه وبعــدين يرقــونهــا ويخلــونهــا مريضــه بسـرطـان الثــدي .. عـــاد إذا أثبـتـت نفسهــا مــع الوقــت وثــابرت وتعبــت يحطــونهــا مريضـــه بالإيــدز .. استغفــر ربــك يافليسكــو بـــس ... ولــو افتـرضنــا إنــي سـايرتــك في تفكيــرك الغبــي وافتــرضـت انهــا تشتغــل في المستشفــى .. وش اللـي يــوديهــا كــل يــوم طــيب .....!! قــال فليسكــو : تـدري يالكنــدره إن المشكلـــه ميــب فيــك .. المشكلـــه فينـــي أنــا الملعـــون اللــي معطيــك وجـــه وجــالس أســولف معـــاك ........................ وقــام فليسكــو ينـــام .. أمــا الكنــدره فكــان مستغــرب مــن كــلام فليسكــو ومــوب مستــوعــب الســالفــه ............ وفـي صـبــاح اليـوم التـالـي .. قــام فليسكــو والكنـدره مــن النــوم وكان مصطفــى سبقهــم فـي ذلك وجـالــس يتمــرن تمــاريـن ســويـديـه ..... قـال الكنــدره مـوجــه كـلامـه لمصطفــى : مـاشــاالله عليــك صـاحـي بــدري ....... رد عليـــه مصطفــى وهـو منهمـــك فـي التمــريـن : أصــلي مانمــتـش طــول الليـــل .........!!! وتـدخل فليسكــو وســألـه : يـاخـوي مســوي نفسـك رشيــق أنـت وخشـتــك .. قســم بالله لــو تـآكـل مــدرب ليــاقـه إنــك ماتنحــف أبــد انــت وجســمـك هاللـي كـنــه ثـلاجـة عـزوبيــه .. تعـال إجلــس وعلمنــا ليــش مانمــت ...؟؟؟ قـال مصطفــى وهــو رافــع يدينــه فــوق ويثنــي جسمــه يميـــن ويســار : أصــل إمـبـارح حـصـل مـوقــف مخـيــف وانتــو نايميـــن بــس أنــا تصــرفـت لـوحــدي ومـاحبيتــش ازعجـكـــوا .............!! رد الكنــدره وفليسكــو بصــوت واحـــد : وش صـــــار ............؟؟ رد عليهــم مصـططفــى : أصــل الســالفــه يـاللـي أعمــاركـو طـويلــه .. إنــه بعــد مانمتــوا سمعــت صــوت غـريـب .. فحــاولـت أطنـش الصــوت وأنــام .. لكـــن الصــوت كـل شــويــه يقــرب ... وفـجــأه سمـعــت صــوت عيــون تلمـــع فــي الظــلام .......... وتـدخل فليسكـــو وقـال : ياخــوي تســولف علــى بـزران أنــت .. وش اللـي أعمـاركو طويلــه وسمعـت صـوت عيـون تلمــع تلعــب علينــا أنـت وجهــك اللـي كـنــه مفـتــاح كـامــري ......................... . ورد الكنــدره بعصبيـــه : يااااااااااااااااااااافلبي سكــو خلــه يكمــل .... ياخــي عنــدي إحـســاس إنــه صــادق .. بــس خلــه يكمـــل ولا تقـاطعــــه ....... رد فليسكـــو بقهــر : ماودك تـآكلك تبــن .. والله لــو انــه جبنـــة بــوك عـشــان أقـاطعــه .. يالله كمــل كمــل خلنــا نشــوف آخــرة هالنصبـــه اللـي علـى الصبـــح ...!! ورجــع مصطفــى يكمــل سـالفتــه وهــو منبطــح علـى بطنــه علـى الأرض ويحــاول إنــه يســوي تمـريــن الضغــط لكنــه ماقــدر لأن ايـدينـــه ماتــوصــل للأرض عـشــان بطنــه أطــول مــن يـدينـــه .... وحـاول إنــه يصــرف مـوضــوع التمـريـن ورجــع وقــف على رجلينــه وعــاد نفـس التمـريــن الأول : المهــم يالمـربعيــن إن صــوت العيــون اللـي تلمــع كل شــوي يقــرب مـنــي .. وفـجـأه طلــع لـي مــن الظــلام أســـد علــى هـيـئـة حيــوان ........ وتـدخل فليسكــو وقـال : والله بـديــت أشــك إنــك تـتعـاطـى .. أكيــد الأســد بيكــون علـى هيئــة حيــوان .. يعنــي بالله عـمــرك شـفــت أســد عـلـى هيئــة سـيكــل .. بعـدين وش هالأســد المضيــع ووش جــابـه للجــزيره ....... وتكلــم الكنـدره بعصبيــه واضحــه : يافليسكــو يافليسكــو يافليسكــو خــلــه يكمــل يـاااااااااااخــي ..................... ومصطفـى كان منبطــح علـى ظهــره ويحـاول إنــه يســوي تمـاريـن البطــن لكنــه ماقــدر يرفــع راســه .. وحـاول إنــه يقــوم ويكمــل تمــرينـه الأول لكنــه ماقـدر برضــه وكمــل ســالفتــه وهــو منبطــح وقــال : ويــوم قـرب منــي الأســد وشــافنــي وقــف مكــانــه ســاعــه يبــص فـي عـينيـّـه وانــا ابــص فـي عينيـــه .. وبعــدها خــاف الأســد وجــري مــن قــدامــي وتــوتــه تــوتــه خلـصــت الحتــوتــه ...!!! وقــام فليسكــو معصــب وقــال : وش اللــي تــوتــه تــوتــه .. بتنــومـنـــا أنــت .. بعــدين والله بعــذره الأســد يــوم شــاف وجهـــك وقــف مكــانـــه .. نعــن ابــوك أنــت مــن شيــن وجهــك حـتــى أمـــك تـتغـطـــى عـنـــك .. أقــول يامصطـفــى أقســم بالله لــو ماتتــرك عـنــك النصـــب إنــي لأدفـنــك في هالجــزيره فـاهــم ولا لاااا .......... وتـدخــل الكنــدره وقــال : والله انـــك صــادق يافليسكــو .. أنــا بــديت أشــك إن مصطـفــى نصـــاب .. ولا بالله وش هالأســـد اللـي طـالع في الليـــل .. واضـــح انهــا نصبـــه ......!!! ورد عليــه فليسكــو بعصبيـــه : مــاودك تآكـل تبــن أنـت الثــاني .. يعنـــي تــركــت النصــب اللــي فــي السالفـــه كلـــه ومـادققــت إلا فــي هالكلمـــه .. لكــن الشــرهـه ميــب عليكــم .. الشـرهـه علــي أنــا اللــي ما مـتـت مــع النــاس وافتكيــت مــن غــثاثتكـــم ..........!!!: وقــام فليسكــو وجلــس بعيـــد وتـركهــم .. بينمــا الكنــدره رجــع لجـثــة نــاديـن وانبطـــح فــوقهــا يســوي لهــا تنفــس صـنـاعــي .. أمــا مصطفــى فتــوهــق ماقــدر يقــوم عــشان كـذا صــرفهــا ونــام مكــانـــه ... آآآآآآآه هـــيلـــــب مــــي ........ صـــوت أتــى مــن تحــت ركـام الطـائـره .. انتبــه الكنــدره للصــوت وقـام يبحــث عـن مصــدر الصــوت ... ووســط الركـام شــاف الكنـدره شـايــب أمريكــي يصيــح ويقــول : داااااااادي دااااااادي .... اقتــرب منــه الكنــدره وشـاف يــده عالقـــه تحــت الركـام .. رفــع الكنــدره الركام مــن فـوق يــد الشــايب في أول تصــرف صحيــح للكنــدره مــن يــوم طاحــت الطيــاره ... وسحــب الكنــدره الشــايب بعيــد عــن الركام ..... وكان الشــايب يصيــح مــن قــوة الألــم في يــده ويقـــول : داااااااادي دااااااادي ............. قــال لــه الكنــدره في محــاولــه للتخفيــف عنــه بعــد مامسـك رجــل الشـايـب وجلـس يقلبهــا : يارجــال داااااادك مافيــهــا إلا العافيــــه .. بس كـدمـه بسيـــطـه بتـروح مــع الوقــت وتــرجــع دادك مثــل أول واحســـن .......... طــالع الشــايب في الكنــدره باستغــراب وهــو مايفهــم وش يقــول أصـــلاً لكــن شــدة الألــم افقــدتـــه التــركيــز وواصــل الصــراخ : داااااااادي دااااااااادي ..... وقــال لــه الكنــدره : يارجــال تــراك أزعجتنـــا بــدادك .. تــرى كلنــا داداتنـــا تعــورنــا .. تصــدق إن حتــى أنــا دادي تعــورت بس إنــي ماســك نفســـي .... وفـي هالحظـه جـاهـم فليسكــو بعــد ماسمــع صــوتهـم .. وقـرب فليسكــو مـن الكنـدره وسألـــه وش الســالفــه ... قـال الكنـدره : أبــد يافليسكــو هـذا واحــد جــديد أنقـذتـه والظـاهر إنــه أمريكــي .. بــس أزعجنــا لأنه يصــايـح دادي دادي .. الظاهــر إن رجلــه تعـوره ....... قـال فليسكــو : وش دراك انـت إن رجلــه تعــوره ..؟؟ قــال الكنـدره : مايبيلهــا تفكيـر يافليسكــو لأنــه معــروف إن داد بالانجليــزي يعنــي رجــل بالسعــودي .......... رد فليسكــو بنرفــزه : ياخــوي انت مســوي فيهــا متــرجـم انـت وخشتــك .. هاللحيــن الرجــال قـدامـك يــده تنــزف ومـجروحــه جـرح كبيــر وتشـوفــه يصــايـح وانت يالثـور تقــول داد يعنـي رجــل ...!! قـال الكنــدره : هــذا اللي أنــا مستغــرب منــه .. هاللحيــن يــده مجــروحــه وهـالحمــار يصيــح ويقــول رجــلي .. شكلــه غبــي ...!!! قـال فليسكــو : والله مالحمــار غيــرك يالملعــون .. الرجــال يقــول مـن الألـم دادي يعنــي يابــوي .. مثل أنت إذا خفــت أو تعـورت وقلــت يماااااااااااه ولا يبــاااااااه ... وانت مســوي فيهـا فـاهـم ...!! قـال الكنـدره : آآآآآآهـاااا تصــدق إنـي لخبطـت بيــن دادي اللي معناها يـبـه وبيـن دادو اللي معنـاها رجــل ...... قـال فليسكــو : على بـالك تصـرف يابـن الكلـب .. قـم بـس شـف لنــا شـي نطهــر فيـه الجـرح وخـل عنـك النصــب ......... قـام الكنـدره وهـو يكلـم نفســه ويقــول : صـدق إن مافيـه شـي يجلـس على حـاله .. الله يالدنيـا أول كان دادي معنـاها رجـل وهاللحيـن صـار معنـاها يبــه .. آآآآآه يازمـان العجـايـب بــس .............!!!! رجــع الكنـدره بعــد ماجـاب شنطــة إسعـافـات أوليــه لقــاها بيــن حطــام الطيــاره ... وضمــدوا جــرح الشــايب جــورج اللـي علمهــم بـإسمـــه .. والكنــدره كان ماسـك الشــايب ويقـول لـه خــلك زيــدان لا تصيــر رونالدينهــو ........... وفليسكــو كان منشغــل بالتضميــد ووقـف وقـال للكنـدره : وش قـاعـد تقــول لــه هاللحيــن ..؟؟؟ قـال الكنـدره : أكلمــه إنجليــزي واقـول لــه خلـك زيــدان يعنــي خــلك هــادي .. ولا تصيــر رونالدينهــو يعنــي لا تتحــرك واجــد ...!! قـال فليسكــو : يـاخــوي أنت من شكـلك متعلـم انجليــزي وانـت منبطــح .. ماودك تـآكل تبـن وتمسـكـه وانــت سـاكـت ....!! سكــت الكنــدره أما فليسكــو فواصـل عمـل العـلاجـات الأوليــه لجــورج .. وكـان فليسكــو يحــاول يســولف مــع جــورج عــشـان مايغمــى عليــه وهــو يضمــد جــروحـه ... أمــا جــورج فكــان يســولف شــوي ويبكــي شــوي مـن شــدة الألـــم ... وبيـنمـا فليسكــو يســولف مـع جــورج كان الكنــدره يطــالع جــورج بنــظرات حـقــد ... وانتبــه فليسكــو لنـظرات الكنــدره وســأله : وش فيــك تنــاظر كــذا ..؟؟؟ جـوابـه الكنـدره : ياخــوي قـاهرنـي هالشــايب إبـن الكلــب .. مســوي نفســه يعــرف انجليــزي ..!!! قـال فليسكــو : ياخــوي وش اللي مســوي نفســـه .. هــو مايعــرف يتكلــم عـربي .. يتكلـم انجليــزي لأنهــا لغتــه .. رد الكنــدره : يافليسكـو لاتصيـر مخفــه .. وش اللي مايعــرف يتكلــم عـربـي وهــو قبــل شــوي يـوم بكــى كان يبكــي بالعــربــي ..!!! قـال فليسكــو بعصبيــه : تــرى بالعــن أبـو ابــوك يالتبــن لـو ماتسكــت .. قـال ايــش قـال يبكــي بالعـربــي ..!! وكمــل فليسكــو العــلاج لجــورج وســط مراقبــه مــن الكنــدره ... وفجــأه قـال الكنــدره لفليسكــو : ماعنــدك ثلــج يافليسكــو ...؟؟؟ قــال فليسكــو : لاااا .. بـس ليــش ..؟؟؟ قــال الكنــدره : ماتشــوف وجــه الشــايـب ذايــب .. الظـاهر إن وجــه ذاب مــن الحــر ...!! قـال فليسكــو : ياحمــار هــذي تجـاعيـد لأنــه كبيــر في الســن .... قـال الكنـدره : وش هالتجـاعيـد يافليسكــو .. ماتشــوف جبهتــه سايحــه علـى عيـونــه وخـدوده واصلــه كتــوفـه .. شـوف يافليسكــو هـي وحــده مـن الثنتيــن إمــا إن وجـهــه ذايــب مـن الحــر أو إن وجــهـه كبيــر عليــه ويبـي لــه تضييــق ........... قـال فليسكــو : ياخــوي إنــت ماتعــرف تسكــت .. مـآكل حبـوب أنـت .. ولا شكـلك مـآكل بيــّـاع بكبـره .. اسكــت ياخــوي تكفــى اسكــت الله يلعــن أمـــك ....!! بعـد ماخلــص فليسكــو والكنــدره مـن عــلاج جــورج الشــايـب سـدحــوه فـي الظــل جنــب جثــة نــاديــن .. وراحــوا يشـوفــون يشــوفـون مصطفــى وش سالفتــه لأن لــه فتــره منبـطـح ولا قــام .... وسألــه فليسكــو : وش فيــك يامصطفــى لك فتــره ماقمــت ولا تحــركت من مكانــك ..؟؟ قـال مصطفــى : ولا حاجــه بـس أنا متعـود على التمـريـن ده .. قـال الكنــدره : وش هالتمـرين ياخــوي .. والله لـو انــك مصــدوم فـي الشــارع ما انبطحــت كل هالوقــت .... قـال مصطفــى في محـاولـه لتصـريـف المـوضــوع : انتــوا مــادريتــوش إيــه حصــل إمبــارح ..؟؟؟ رد فليسكــو والكنـدره : وش حصــل ..؟؟؟ قــال مصطفــى : إمبــارح لمــا كنتــوا نايميــن سمعــت صــوت فـي الظــلام .. وفــجـأه طلــع لــي كـلـب علـى هيئــة حــرامــي ............ وقبــل مايكمــل مصطفــى سالفتــه رفـســه فليسكــو برجلــه علــى بطنــه وقــال لـه : ياااااااااااخــوي تستعمــل مخــدرات أنــت ... اتــرك النصــب عنــك انــت وخشمــك الأحمــر اللي كنــه طفـايــة حريــق معلقــه في وجهــك وعلمنـــا ليــش لك كــم يــوم منبطــح مكانـــك ..؟؟؟؟ قـال مصطفـى : بصــوا ياشبــاب .. أنـا وزنـي كبيـر .. وحـاولـت أنزلــه لكن ما قـدرتــش .. وجـربـت كل الطــرق ومانفعتــش .. تصـدقـوا إنــي مـره شـريـت كتـاب تمــاريـن إسمــه تمـاريـن تخفـض وزنــك في اسبــوع .. وجلــست كل يــوم أقـراه أكثـر مـن مـره فـي اليــوم .. أقـراه أول ما أصحــى مـن النـوم وبعـد الفطـور وبعـد الغــدا وبعــد العشـا وقبـل ما انــام .. وجلـست علـى الحلــه دي شـهــر ومـانزلـش وزنـي ولا كيلــو .. بالعكــس زاد .. عــشان كـذا تأكــدت إن كـتـب الريجيــم والتمــاريـن كـذب واهـدافهــا تجــاريــه عــشـان كــذا قــررت أتمــرن بنفســي .. وانا منبطــح لأن دا واحــد مـن التمــاريـن اللي اختــرعتهــا ........ قــام فليسكــو مـن مكـانــه وقـرب مــن مصطفــى وقــال لـه : أجـل جلسـت تقـرى الكتــاب شهـر ومـانـزل وزنــك هــااااااااه ..؟؟ قـال مصطفـى : اااااااااوالله زي مابــؤلك كــدا ............ ودعــس فليسكــو علـى بطــن مصطفــى وقـال : الله يلعــن والديكـــم ياعيــال الكلــب .. جننتــوووونـي ..!! وراح فليسكــو عنــد الطيــاره يـدور أي شـي يسـاعـدهم على الاتصــال وطلــب النجــده ...... بينمــا مصطفــى والكنــدره استغــربــوا مـن تصــرف فليسكــو مـع مصطفــى .. وقــال مصطفــى : مــاله صـاحبــك زعــلان ..؟؟؟ قـال الكنــدره : يمكــن إن زعــل علـى حــالك يـوم انـت تقــرا كتــاب التمـاريـن شهــر ولا نقـص وزنـك .. قســم بالله لـو انــي مكانــك كان انتحــرت مـن القهـر .....!!!!!!!!!!!!!!!!!!!! !!!!!!! وبعــد مرور وقــت قصــيـر سمــع الكنــدره صـوت فليسكــو يصيــح .. انطلــق الكنــدره ناحيــة الصــوت ولقــى فليسكــو ممــدد علـى الأرض وطـايح فـوق يــده كـومــه مـن الحـديد .. وفليسكــو كان يصيــح مـن شــدة الألــم .. سـأل الكنــدره فليسكــو : وش الســالفــه ..؟؟ قـال فليسكــو وهـو يأن تحــت وطــأة الألــم .. << مــايمـديكم علـى هالكلمـه .. أصـلاً القصــه كلهـا ماكتبتهـا إلا عشــان هالكلمــه ..!! <<خخخ : كـنت أدور علـى جهـاز إتصـال .. وحـاولـت أبعـد كـومـة الحـديد عـن الطريـق .. لكنهـا طـاحـت فـوق يــدينـي ......................... ..... وبعـد ماخلـص فليسكــو كـلامـه أغمــي عليــه مـن شــدة اللألــم ..... وفـي هالحظــه انطلــق الكنـدره نحــو فليسكــو لينقــذه ... بعـد فتـره كان فليسكــو ممــد علـى الأرض بعيــد عــن حطــام الطــايره ... وجنبــه صــديقــه الصــدوق الكنــدره اللـي أنقــذه مــن المــوت ...... ومـاهي إلا لحظــات حـتـى إستــرد فليسكــو وعيــه .. وفتــح فليسكــو عيــونــه وشــاف الكنــدره جـالس عنــد راســه ... ابتســم فليسكــو ابتسـامـة رضــا للكنــدره اللـي أنقـذه .... قـال الكنــدره : هــااااه يافليسكــو انشــاالله إنــك أحســن هالحيــن ..؟؟؟؟ قــال فليسكــو : الحمـد لله أنا أحســن والفضـل لك بعـد الله .. بصـراحـه يالكنـدره أنا كنـت قـاسـي معــاك .. وأدري إنـي غلـطـت عليــك كثيــر لأنـي كنــت أحسبــك غبــي .. لكـن بعـد ما أنقـذتنــي عـرفـت إن الرجــال مـواقـف .. وانــك رجــال عـن ألــف رجــال ................ وسكـت فليسكــو ودمـوعـه تنــزل مـن عينــه ......!! قـال الكنـدره : لا تبكــي يافليسكــو .. انـت أحســن صـديـق عنــدي مهمــا صــار .. وانا ماقـدرت أشــوفك تعــاني وانا أتفــرج ...!! ابتســم فليسكــو وحــاول إنــه يحــرك يــدينه عـشــان يحضــن الكنــدره .. لكنــه اكتشــف إن يــدينــه مـاتحـركت .... نــزل فليسكــو عيــونــه باتجــاه يـدينــه عـشـان يشــوف ليــش ماتحــركت .. لكنــه مالقــى يدينــه مــكانهـا ... التفــت فليسكــو بســرعـه ناحيــة الكنـدره وقــال لــه باستغــراب وذهــول : كنــدره ويــن يــدينــي ..؟؟؟؟؟؟؟؟؟؟ نـزل الكنــدره راســه وقــال : بصــراحـه يافليسكـــو كــومـة الحــديد كانــت ثقيلــه وماقــدرت أشيلهــا عــشان كــذا اضطــريـت أقطــع يـدينــك ....!! قـال فليسكــو : آآآآآه يالكنـدره طيـب ليـش استعجلــت .. كان طلبــت مـن مصطفـى والامــريكي يسـاعـدونـك .... قــال الكنـدره : يافليسكــو انـت صـديقــي .. عـشان كـذا ماحبيــت أحــد ينقـذك غيــري .. بعـدين يافليسكــو تـرى اليـدين ميـب ضـروريـه .. واذا كان علـى الأكــل فتقـدر تآكـل بـملعــقه .....!!!! قـال فليسكــو : يعنـي هـذي فـايدة اليديــن الوحيـده اللي انـت تعـرفهـا .. وبعـدين حتـى لو بآكــل بملعقــه وش أمسكهــا بــه يالذكـي .. أمسكهـا بــسـرّي ... وعلـى العمــوم يكفــى انـك انقـذت حيــاتـي والحمـد لله انهــا جــات علـى اليديــن بــس وهاللحيــن خلنــا نقــوم نجلــس عنــد الشبــاب ......................... ..... وحـاول فليسكــو يقــوم لكنــه ماقـدر ... ونــزل نـظـراتــه ناحيــة أرجــولــه واكتشــف إن رجلينـــه مقطــوعـه بعــد .....!!! رجــع فليسكــو نـظراتــه ناحيــة الكنــدره وقــال لــه : ويييييييييييييـن رجلينـــي ..؟؟؟؟؟؟؟؟؟ قــال الكنــدره بحيــاء : تبـي الصــدق يافليسكــو .. أنـا لمـا قطعــت يدينــك فكــرت إنــك بعــدين لمــا تمـشـي وفجــاه تطيــح عـلى الأرض فأكيــد انــك بتطيــح علـى وجهــك لأن ماعنــدك يــدين تســاعـدك إنــك تحمــي نفـسـك .. عـشــان كـذا قطعــت رجلينــك عـشـان ماتمــر فـي مثـل هالمـوقـف البــايـخ ....!! قـال فليسكــو بعصبيــه : الله يلعــن ابــوك ياالغبي والله أنك ثور .. هاللحيـن قطعــت يدينــي ومشيتهــا لك .. لكـن تقطــع رجلي عشــان ما أطيـح على وجهــي يابـن الكلــب هـذي اللي والله مــا تخــش المـــخ .. هــذا وانـا أغمــي علـي نـص سـاعـه قطعــت يدينـي ورجلينــي .. أجــل لـو أغمــي علـي ساعــه وش بتســوي يالكلــب .. الظـاهر ما بيبقــى فينــي إلا حــواجبـي بــس .................. قـال الكنـدره : يافليسكــو لا تتضــايـق وتــراك بتنســى مـع الوقـت لمــا تتــوظـف وتتـزوج ............ رد فليسكــو بقهــر : ياخـــوي أنــت حمــار .. وش اللي تنسـى مـع الوقــت .. والله لـو إنـي مضيـّـع خمسيــن ريــال .. بعــديـن وش لـون أتــوظـف وأنــا بـدون رجليــن ويـدين .. إلا إذا كان باتــوظــف شـنطـــه ..!! وبينمــا فليسكــو وكنـدره يتكلمــون سمعــوا صــوت طيــاره ... ورفعــوا روسهــم وشــافــوا طيــارة إنقــاذ ... ونـــط الكنــدره وفصــخ فنيلتــه وقــام يلــوح ويأشـــر للطيــاره اللـي انتبــه ركابهــا للكنــدره ونــزلـوا في الجــزيـره لإنقــاذ الكنــدره واخــوياه ...... وتــم إنقــاذ الشبــاب .. وبعــد إجــراء الإسعــافـات الأوليــه تــم إرجــاع مصطفــى المصــري وجــورج الإمـريكي لبلــدانهــم ..... أمــا فليسكــو ونــاديـن فدخلــوهم غــرفـة العنــايـه المـركـزه .. وطبيــش كان معــاهم كمــرافــق .......... واكتـشـف الأطبــاء إن المضيفــه اللبنــانيــه نــاديــن حـيـّــه وانهــا تنبـض نبضــات خفيفــه وانهــا كانت في غيبــوبــه .. وإن الكنــدره لمــا كان يســوي لهــا تنفــس صنــاعــي كل فتــره ســاهــم في إبقــاؤهــا علـى قيــد الحيــاة ............. وأيضــاً إكتـشـف الأطبــاء إن نــاديـن حــامــل فـي أيامهــا الأولــــى ..!!!!!!!!! دخـل الكنــدره علـى فليسكــو اللي كان علـى السريـر بعـد إن تــم إيقــاف النــزيـف اللي كان يعــاني منــه .. وعلــم الكنــدره فليسكــو بســالفـة نــاديــن ..... واستغــرب فليسكــو والكنــدره مــن حمــل نــاديــن ... وحلـــف الكنــدره بأغلــظ الأيمـــان إنــه ماســوى أي شــي لـنــاديــن .......!!! رجــع فليسكــو والكنــدره ومعــاهم نــاديــن اللـي قــرر الكنــدره إنــه يتــزوجهــا .......... ورجـــع فليسكــو مــع أهلـــه .. أمــا الكنـدره فأخـذ نــاديـن معــاه لبيــت أهلــه فـي انتــظار أن تضــع حملهــا ويتــزوجهــا ................ وبعــد مرور التســع شهــور أخــذ الكنــدره نــاديـن وتوجـــه فيهــا للمستشفــى بعــد ماحســت بأعــراض ولاده ...... دخلــت نــاديـن لغـرفــة الولاده .. بينمــا الكنــدره كان واقــف عنــد البــاب في انتظــار خــروجهــا ...... وبعــد لحــظات سمـــع الكنــدره صـــوت طفـــل يبكــي ويقــول : دااااااااااااادي ...!!!!!!! دارت الدنيــا بالكنــدره وجلــس على أقــرب كــرســي وتــذكــر إنـه هـو فليسكـــو لمــا عالجــوا الشــايب جــورج ســـدحـوه جنـب نــاديــن وراحــوا يســولفـون مــع مصطفــى وكيــف بعـدها صـار الحـادث لفليسكـــو وسـاعده الكنـدره وبعـدها جـات طيـارة الإنقــاذ .... وان هالمــده كلهــا كان جــورج جنــب نــاديــن لحــالهـم ........ !! حــط الكنــدره راســه بيــن يـدينــه وقــال بـقهــر : والله لألعــن والديــــك يافـليسكـوووووووووووووووو ووووووووووووووو ..!!!!!!!!!!!!!!!!!!!!!!! !!!!!!!!!!!!!!!!!!!!!!!!! التعديل الأخير تم بواسطة مصطفى ثنين شاهي ; 07-12-2008 الساعة 08:47 PM*

07-12-2008, 08:53 PM	#2
youSsef قضبناهـ الباب	رد: اتحداك ماتضحك من قصة فليسكو لا تنقل (الموضوع) يا المملوح يروح لـ (الطفايه) يا الغالي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

		الساعة الآن 07:20 PM. Powered by vBulletin® Version 3.8.3, Copyright ©2000 - 2010, Jelsoft Enterprises Ltd. TranZ By Almuhajir Content Relevant URLs by vBSEO 3.3.0 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47