فريجه مايكل

محدثتكم فريجه بنت مايكل


طالبه في جامعه الملك سعود.دلوعه ابوها غثيثه امها اخوانها يضربوها كف وهم طالعين ويوم رجعون الفجر شلوتي... احب ارسم خاصتن الحيوانات التي لاترى بالعين المجرد ....اهوى المغامرات بشكل ماتتصوروه يعني اذا جتني اضافه على ايميلي وانا وقتها جالسه بالصاله عند اخواني اقبلها عااادي واشغل الكام بعد هو صحيح اني بترقد بالمستشفى بس عادي اصلا الحياه متعتها كذا

وبعد ان تفضلت سعادتكم قرائه المقدمه التعريفيه ..نرجو منكم مره اخرى ان تكملو قرائه القصه لما فيها من عبر ووعظ ومفايهم كيف تربيه البنات الدلوعات اللي مثلي (ياربيييه شكثر اعاني حتى بقصتي ينضرب فيني المثل <لايكون جدتك اللي تكتب يافريجه قريح؟)..


بعد ان بلغت التاسعه عشر من عمري استعديت للمرحله الاولى من المراهقه استشورت شعري وتظبطت وقلت بسوي نفسي سنعه ورحت سويت عشااء لأخواني دخلت عليهم بالملحق وحلفو علي غير اكملهم رابع بلوت اللي يقول صن واللي يقول ميه والثاني يقول تسلم ليّه وانا ماغيره مرززه الخشه ومنبهره واطالع بقوووه يعنني مندمجه ويوزعون الورق ..قلت200 طالعت بأخوي اللي قبّالي قلت له قول لك شيء زيهم ..وهو فاطس ضحك يالخبله اصلا مافي ميتين .حسيت ان وجهي طاح قلت معاليه توي متعلمه ويوزعون الورق من جديد ويلعبون وفيه واحد منهم قال اشم ريحه كبوت وانا اللي اعصب وقلت والله لآاعلم عليك امي تحسبني خلاص ما اعرف هاااذي الكلمات اجل كبوت حسبي الله ونعم الوكيل على جيل الاولاد احترم نفسك ياخي وشو كبوت تحسبني خلاص ما انفتحت على هاااذي الحاجات قسم بالله مسسسسسسسسسسخره وانا بعلم عليك ابوي الحيين لانك قليل ادب ياخي ياخي انت ما تستحيى انت ماعندك اخوات؟ (لا لا فحمتيه )


انت اصلا اهلك ماعرفو يربوك وشو كبوت هااااه ليه ماتقول شنطه ماتدري ان الكبوت وسخ وفيه زيت الماكينه اللي بسببها تتجمع الجراثيم والاتربه والعواصف الرمليه اللي تأتي من شمال الرياض بسرعه50ك\س..
طبعا مايحتاج اقولكم كيف وصلت لغرفتي بعد هالكلام اللي قلتهبس تدرون منظركم يحزن وانتم تبون تعرفون كيف وصلت
لذلك راح اقول لكم خيارين
1-رفعو ايديهم للسماء وقالو لي روحي الله يستر علينا وعليك لغرفتك
2-رفعو ايديهم بس هالمره مو للدعاء رفعوها ونزلوها بمخمس ..
والاقرب للصحيحه هو الخيار الاول



رقدت على سريري بعد مخمسات اخواني (هوو وقبل شوي ماتقولين الاول صحيح؟)
نمت على جنبي الايمن بجانب ارنوبي اللي جابته لي شوشو(الاسم الحقيقي حصه)بمناسبه خروجي من المستشفى بعد عمليه قيصريه لأستخراج جوال العنيد 1 رماه عليّ اخوي ودخلّه في بلعومي وحاطه سماعات الجوال بأذني واتسمع لملاغه الافم جت وقتها اغنيه محمد عبده (ماهقيت ان البراقع يفتنني ..لين شفت فريجه مبرقعاتي)فزيت من سريري ولبست البرقع وطفيت الليت وطلعت مع الشباك كان الجو برررررررررد واو شو هيدا (تعرفي تاكلي تبن <بشوكه والا ملعقه هاهاهوهواهوهاهوها)


واطالع بالسيارات اللي واقفه واقول اللحين بينزل فارس الاحلام ويشوفني ويغني فيني هالاغنيه انتظرت ومحد جاءوبديت ازكم وانا مازلت منتظره على الشبّاك وشوي سمعت صوت سياره اعن اععععععععن اووووووء رحت للمرايه ونزلت الخصله ورجعت للشباك ادور السياره اللي قبل شوي مالقيت غير سياره الهنود يشيلون الزبايل-الله يكرمكم- رجعت نمت واليوم الثاني كنت حاطه على بانورما وسعمت اغنيه ((يحلمووون اللي فيك يفكرووون ))وافز على دولابي والبس ذاك البرمودا والبدي الوردي النايس ,ورحت للشباك انتظر واحد يمر بس علشان ارقمه وقبل ما انام اصيح لأني نمت وهو ما اتصل علي للحين



انتظرت انتظرت وشوي سمعت صوت سيارت اعن اعععععععععن اووووء فزيت للمرايه وشيكت على الميك اب ورجعت للشباك وللأسف مالقيت غير سياره الزبايل-الله يكرمكم - قلت يافريجه هذا حظك ولازم تقبلين بقضاء ربك والتشبيك قسمه ونصيب طالع فيني البنقالي وعيونه اربع اربع ومحزن يقول ماما ماماه قولي هسبي الله ونئم الوكيل ئلى بيبي انتي وفي هصل خير ان شاء الله (يحسبني حرمه كبيره وانتظر ولدي السربوت)وانا ماني يمه قاعده افكر بالقرار المصيري اشبكه والا ما اشبكه خايفه اني اعلق الولد فيني بعدين اتزوج (ياعيني على الذرابه)


تشجعت وقلت له انا احبببببببببببببك بصوت عاااااااااااالي قال ماما كلو نفر يهب بيبي انتي بس هزا نفر كربان انتي لازم يئلم بابا يضربه ومافي خليه يطلع من البيت بعد سائه12بالليل..قلت ياثور انا احبك انا اموت فيك ......يا ماماه والله في يدري ان انتي في هب بيبي انتي بس لازم يأدب.. ماما كفيل انا مافي خلي بيبي يطلع من البيت انتي ليه مافي يسوي زيها ...فقدت الامل بتشبيك هالسبيكه ..رحت نمت واليوم الثالث لبست لبس شغالتنا وجالسه انتظره على الشباك عد فيه عيال طخمااان كانو يمشون بالشارع بس ما اعطيتهم وجه لأني ابي هالهندي (لتأكيد مقوله الحب من اول نظره)



وشوي ماسمعت غير صوت اعن اععععععععععن اوءءءءءء واركض اخم الشال واحطه على عيوني مثل الهنديات وطلعت مع الشباك وامسك الشباك بحركات اغرائيه .وعيونه طلعت من مكانهاابن اللذينا وكتب رقمه على برميل الزباله-الله يكرمكم للمره الاخيره ماوراي غير انتم؟- بعد ما انتصف الليل وتوسط القمر السماء وتقدمت النجوم للأمام وذهب الناس من الشارع اخذت الرقم (تظبطين تشكيله كوره انتي والا تاخذين رقم؟)


وكلمته 3ساعات ماخلينا شيء ماسولفنا فيه حكينا عن بعضنا وكل واحد قال برنت سريع لنفسه للثاني اكتشفت انه فارس احلامي وانه رجال اجتماعي من الدرجه الاولى وجوائزه
1-اول عامل شال زبايل برج المملكه
2- من العمال اللي شالو زبايل فنادق الشيرتون
3-احدى الناجين من العمليات الارهابيه اللي قام فيها عوده وفريج بحرق زبايل العريجاء
4-تلقّي دعوه من مطعم البيك لشيل زبايلهم
واللحين ومرّشح لدخول موسوعه غينيس لأوسخ انسان على وجه الارض لأنه مايعرف المويه وشهي اصلا حتى يوم يجي مطر يكون وقتها نايم بغرفته
وشركه دودج الروسيه لصناعه الاسلحه الناريه يفكرون انهم ياخذونه ويخلطون ريحته مع ريحة البنات بعد مايطلعون من الجامعه ويكونّون مفاعل نووي.
شقول بس عن اوصافه تهببببببببل وهو نفسه يهبل (والله انتي الهبله)


وظلينا على هالموال 4شهور يكلمني واكلمه لين قال لي الكلمه اللي انتظرتها من زمان (ارُيد ان اتزوجك)وشكثر فرحت وشكثر انبسطت قفلت الجوال بوجهه ونزلت لأبوي اللي كان جالس بالحوش وقهويته وقلت له ان شاءالله بعد تسع شهور يابوووي حفيدك يصب لك القهوه(يعنني المح )...قال لي صبي صبي يابنيتي وهو يقرى الجريده ...اخذت فنجاله وصبيت له وقلت ان شاءالله بعد تسع شهور حفيدك يصب لك القهوه ...قام بسرعه انا قلت بس بيصكني مخمس قدوتن بعياله السمّلق اثريه قام لأن الفنجال انطفق...قال صبي زين يآجعل ايدينتس للكسر(لحد يقول هاذي اللي تقول ان ابوها مدلعها ترى ابوي ذابح اثنين من اخواتي برميه دله يعني تعامله معي اللحين يعتبر دلع )



مسكت الفنجال وانا انفخ ان شاءالله بعد تسع شهور حفيدك يصب لك القهوه ...ويمد لي يده ولآكأن فيه بقره قدامه تلمح له على شيء ..واقضب الفنجال بقووه واصب له وقلت ان شاءالله الله ياخذك بحء النبي ياااااااااااارب (خربتها مع ابوها)
طالع فيني قال تكلميني !!؟ قلت بنفسي لمتى وانا مخليتهم يضربوني قلت ايه اكلمك خير عندك شيء؟ وعلم يوصلك ويتعداك انت وعيالك انا لي علاقه طرديه مع البنقالي اللي يكب الزبايل وبتزوجه وهذا هو برآ عند الباب واعلم مافي حصانكم هاادا اللي يطلع في نمر بن عدوان اركبوه(خانتها علوم المرجله <اجل هادا؟)



وهو اللي يلتفت عليّ ويقول البازوكا يامرهّ..وانا اللي التفت بعد واقول الار بي جي يا صديييق..ويروح اخر الحوش وانا اروح لطرف الحوش الثاني والهندي ورى ظهري ينشف راسي ويصب علي مويه ويحمسني ...وامي ورى ابوي تعطيه اسلحه بيضاء ممنوعه كشفتها وقلت غش غش وش ذا مايصير (كلي تبن بس ابوتس معه بازوكا وانتي اربجي وقفت على سكين يالرفلا؟)



يمه برضاي عليك اطلعي منها ما ابي اتمشكل معك ...واحط يدي بيجبتي وابوي يحط يده بجيبته وابوي اللي يغش ويطلق البازوكا بدري وانا اللي ابعد عنها بسرعه وتهدم بيت جيراننا اللي ورى... طالعت في ابوي بحقد وقلت صدددييييييييييق ورفعت يدي 1.,2.,3.,اطللللللق وابوي اللي يتشقلب هو وامي وتصك في بيت جيراننا اللي قدّام
وابوي يطلق وانا اطلق .ماخلينا بيت بالحاره ماهدمناه وشوي نشوف هليكوبتر فوق بيتنا طلع ظابط منها معه مكرفون انتم محاصرون اوقفو اطلاق القنابل والا قذفناكم ..ووقفنا وطالعنا فيه بعصبيه خييير وش عندك قال لآ لآ ماعندي شيء ..وابوي اللي يعصب ويرميه في بازوكا
طالعت في ابوي قلت اييه ايه حط حرتك في المسكين...ويعصب ابوي ويركض لداخل البيت ويطلع ومعه دله قهوه ويرميها رميه لولبيه وتصيبني (يعرف نقطه ضعفي)



طحت على الارض وفاتحه عيني والدم يصب من راااسي نااديت الهندي بصوت مجروح قلت تحبني ...قال اموت فيك ...قلت اثبت لي طيب
وهو اللي يركض ركض بأتجاه ابوي والشرار يقدح منه وبلآط الحوش يتطاير وراه ..وابوي وامي خافو وركضو..والهندي يركض وابوي يزيد سرعته اكثر وامي تعرقلت وطاحت ويمسكها الهندي ويطالع فيني ..قلت له دعها وشأنها انها عجوزن مغلوب على امرها الحق ذاك السافل الامعه ويشغل الهندي التيربو ويلحق ابوي
..وابوي حاط ثوبه بفمه ويلف بهالحوش والهندي وراااااااااه ماتشوفون غير الفلشرات ..وابوي يوقف فجأه ويطلع قلم خطاط من جيبه ويكتب على ظهره -لآتلومينا يالومينا- ويكمل ركض .مسكه الهندي وقال هات القلم الخطاط .اعطاه ابوي وكمل ركض
ويكتب الهندي على ظهره - لئيونك يافريجه- وكمل طرد لأبوي (حشى مهوب حوش صار مضمار سباق فورملا ون)



...وركض ركض لين وصل عندي ابوي ومسكه ويطالع فيني وصكني بغمزه بمعنى يافريجه استنشقى هواء بسرعه .وانا اللي استنشق استنشق وابادله الغمزه بمعنى اني تنشقت (لاقيتكم صح؟)..وهو يرفع ابوي ويمسكه ويحط خشمه بوسط اباطه طاح ابوي على الارض مغشيا عليه وتصيح امي على اخواني ..جو اخواني ركض طالعو فيني وواحد منهم قال كبوت هاه؟وطى على ظهري وكمل ركض لأمي ..ويمسكهم الهندي ويخلع قميصه وكلهم تصرعوّ ...ويجي عندي ويشيلني على ظهره من وسط نيران الحرب مع مقطع موسيقي حزين (ماناقص الا تقولين كاسيت وتكتبين نكست -بريزون بريك- يافريجه شوتايم )


وياخذني على المجلس ويتصل على شيخ ليكتب كتابنا ..وسوينا العرس برى الرياض 40كيلو وبشكل ادق عند مجمع الزبايل والنفايات وبعد 9شهور رأو الجيران ان سله مهملات صغيره تصب لأبوي القهوه (حملت في برميل زباله)


وبس تعبت

طبيب فاشل

احب ارسم خاصتن الحيوانات التي لاترى بالعين المجرد

مث انتاميبا هيستو لتيكا

آخر كلام

اول شئ اهنيتس على اختيار الموضوع ماحسيتن الا وانا فيذا وه بس على اصاله ( قلوب)
والله وانا اشرع بالرد عليتس مدري وش ظغطت وراح (اللحين بيطلعونن نصابه زياده

بس الحين وش التناقض اللي بالبدايه وشلون دلوعة ابوتس واخوانتس يهبدونتس ليل ونهار
والاشكال اللي زي كذا الى اللحين ما انقرضوا !!

وش حكاية الدلع هينا موضه هي لا سمح الله ... الله يعطيتس العافيه للامانه ماقريت الاجزئين

طبيب فاشل

سج لقالو الحب اعمى

شاربة

طبيب فاشل

][ ذكـرى السنـيـن ][

youSsef