بطاقــة زفــاف !؟

سلمى · 12-01-2009, 10:39 PM

السـلام عليكم

اسرتي كيفكم مع البرد
نحتاج نسخن شوي , مع موضوع
نلاحظ بوقتنا الحالي , ان الرقابه على البنت , وكذلك الولد موب زي اول , يعني نقدر نقول
اهمال اسرة , اكثر من انه , حرية بطابع الثقة !!
وطبعاً مثل ماهو طبيعي ومعروف ان الأسرة هي المسؤولة ,
عن اغلب حياة عيالها من ولادتة إلى مرحلة إعداده
للزواج ....
طبعاً في هالفترة الي عاشها عند أهله !
ينتج شخصيتة النهائية الي يتعايش معها طول حياته المستقبلية
وعلى اساسها يربي عياله ويتعامل فيها مع زوجتة / زوجها ...

وبعدها الطبيعي ,,, يخطب الولد , وتنخطب البنت
وفي هالفترة , يتم الإستعداد لمراسم الزواج , والعش الأسري الجديد ,,,,

وبعــد طباعة بطاقات الزفاف ...!!!!!
توزع البطاقات
صديق العريس ؟!
يقرأ اسم عروس صديقه !!!
ينصدم !!
نفسها البنت الي تطلع مع شباب !!
نفسها البنت الي تغازل فلان وعلان !!
نفسها البنت الي تتنقل مابين شباب الشلة من كوفي لمطعم لجوال !!!

وش بيكون موقفك لو كنت بمكان صديقه !!

( سوا بنت او ولد حطوا نفسكم بمكان صديقة وقولوا وش بتتصرفون )

والتعليق مفتوح لكم على مثل هذا الموقف وعلى هذه القضية !!

* فكرة الموضوع محفوظة لــ كابتشينو

....
.......
..

كابتشينو · 12-01-2009, 10:59 PM

بانتظاركم

شكرا سلمى

VIOLETA · 12-01-2009, 11:08 PM

وعليكم آلسلآم

اقتباس:

وش بيكون موقفك لو كنت بمكان صديقه !!

آلله لآ يحطنآ في موقف مثل هذآ آن شآء آلله ,,
مآأقدر آسوي شي لو كنت بمكآنه يعني هذآ مآضيهآ ,, يعني آذآ قدرت آقبل فيهآ وهي لهآ مآضي كله آكشن وآحبهآ بستمر معهآ لين تتغير وآذآ مآنفع معهآ هذآ آلنصيب

جحه + كآبتشينو

MţωlЗђ ƒέκ · 12-01-2009, 11:15 PM

ماادري والله احس الموضوع شوي كبير ..
بس لو لو يعني والله لايجيب لي هـ الموقف ..
طبعاً بستر عليها ..!
واحتمال الموقف يغير الكلام هذا كله .
الله لايجيب مثل هـ الشي

:

سلمى ..
مُبدعه حتى والفكره مو منك
،’,
كابتشينو ..
تسلم على هيك افكار

كابتشينو · 12-01-2009, 11:22 PM

نقاشاتكم يا اخوان

يعني هل راح تسكت و تستر عليها اذا البنت كانت تطلع .. و عقلت يوم كبرت

بعكس اذا كانت تطلع الى اخر فتراته المقاربه للزواج .. لان حينها اتوقع الكل ما راح يسكت و يتستر عليها

و هل الولد عكس البنت اذا كانت الفعله منه ..؟

اتوقع اشياء كثيرهـ يمكن تختلف و خاصه في مجتمعنا

المبتسم · 12-01-2009, 11:25 PM

وعليكم السلام ورحمة الله وبركاته,,,

اقتباس:

المشاركة الأصلية كتبت بواسطة سلمى

وش بيكون موقفك لو كنت بمكان صديقه !!

بصراحة الموقف صعب لكن على حسب هذا الشخص لو إنه شخص عادي بالنسبة لي ما اتدخل في الموضوع ولا لي علاقه فيه...

لكن لو كان شخص عزيز ويهمني امره رح أوصل له المعلومة بطريقة

غير مباشرة ... بتقولون لي كيف..؟؟

أقولكم والله ما أدري....

وعموماً لي عودة للموضوع وبرد بشكل مفصل أكثر أن شاء الله...

مع تحياتي.....

بيـرُوت · 12-01-2009, 11:50 PM

سلمى ياسلمى
ياختي اوكي صيري انسانه مجتهده وكلش بس عاد وش ذنب الناس اللي بينك وبينهم عيش وملح وحركات ودنيا
I miss u

ماعلينا من الفلم الهندي اعلاو
بالنسبه لي ياختي موقف صعب بالمره صعب
يعني ان بغيتي تجين تحللينها بكذا وجه راح تحتارين ..
اولها : هل تضمنين ان الطرف اللي بنصحه راح يصدقني او ينتصح مني .؟
خبرك بعض البنات من يوم ماتقول [ قبلت بك بعلاً ] ينفصل فيش العقل والتفكير بعقلانيه !!
وخبرك بعض البنات لو بتقولين لها هالشيء راح تفهم انك غيرانه منها ! ويمكن انك سببتي مشكله ونزاع ع الفاضي وشرط لاتقوم عليك الحد وتقاطعك مقاطعه مؤبده الى ان يرث الله الارض ومن عليها
ثانيا : انا .. انتِ .. مانعرف للنوايا , يعني ممكن هالشخص تاب توبه نصوح ! يعني الله يعفو ويفصح ( ان كانت توبه نصوح ! ) , فـ ليه احنا مانعامله بالمثل .؟
ثالثاً : من ناحية المجتمع .. الناس , ( هنا اتكلم عن الواحد لصديقه ) ماراح يكون فيه تقبل للبنت الفلتانه وتابت يعني فلتتها هذه بتصير وصم عار عليها وعلى بناتها وحفيدتها ولأخر عرق ينبض , يعني ممكن الواحد وده ينصح صديقه ولا يخرب بيته بعدين !
وبرضو ودك ان الطيبون للطيبات

لكن هل ممكن واحد يتزوج وحده من غير لا يسأل عنها .؟ ولو كانت هالبنت مثل ماقلتي معقولها ماطلعت دخاخينها ؟

بالنسبه لي ان صار لاسمح الله ! ممكن اني استخير اول واشوف وش ارتاح له < خطبه ؟
او ابحث عنها من ناحية الجانب الديني

جحه , سلمى
تدرين إني أحبك .؟

أبــ Jo$eph ــو · 12-01-2009, 11:56 PM

اقتباس:

نفسها البنت الي تطلع مع شباب !!
نفسها البنت الي تغازل فلان وعلان !!
نفسها البنت الي تتنقل مابين شباب الشلة من كوفي لمطعم لجوال !!!

ألحين كل شي صار على المكشوف ، وراعية \ راعي ذا الحركات معروف ولا يمكن انه يتغطى ببطانية الستر ( بما اننا في الشتا ) ، فأتوقع لو انه سائل عن شريكه صح ، وعارف عنه وعن اهله واهل اهله كل شي ، ما راح يطيح في هـ المشكله

اقتباس:

وش بيكون موقفك لو كنت بمكان صديقه !!

في الحقيقة والواقع هو موقف صعب ! بس لازم الواحد يستجمع قواه العقليه ويفكر بعقلانيه ، لا قدر الله وصرت في مثل هذا الموقف ، اكيد ما راح اسكت ، عرض صديقي وشرفة يهمني ، وبعدين هو عارف عارف ، فيدري من اولها احسن من ايه يدري بعدين .. انتهى"

R e B e L · 13-01-2009, 08:55 PM

هلا هلا سلمى
بقولك رايي لو كنت ولد اوكي؟
لا ما راح أفكر أخرب على أحد أبداً لأن الي يؤذي الناس راح يتأذى بعدين : )

طبعاً طبعاً هذا الموضوع خطير جداً .. هذي سمعه ! وكلنا نعرف وش يعني سمعه أكيد :/

وبالتأكيد كل شخص معرض للغلط سواء كان كبير أو صغير هو معرض للغلط في كل الأحوال

مومعناته الشخص يغلط ويعيش طول عمره على غلطته ! لا كل شي يتصلح وإذا ماتصلح الزمن يصلحه

ترا البنت احترمها الدين ورفعها وشرفها وحط لها حقوق وواجبات والرسول صلى الله عليه وسلم كان يحترم المرأه فوق مانتصور كلنا

ليش الولد إذا غلط ماحد يقوله شي والبنت لا تتحمل كل غلطاتها ! أنا ما اقول نساوي بينهم لكن مو لدرجة أنها ماتنرحم ولا ينغفر لها خطأها !
مابغا اطلع عن الموضوع واتكلم كثير عن المرأة في الإسلام .. لكن هالنقطه تتعلق في سؤال سلمى بشكل كبير

إذا احترمنا المرأة وقدرناها وحطيناها فوق كل اعتبار وسامحناها وعذرناها في أخطائها ما راح نفكر نضرها أو نتدخل في مستقبلها أو نحاول يخرب عليها أمور كبيرة زي الزواج

لكن مايسوي كذا إلا ضعيف الإحساس اسمحوا لي .. يعني أنت ترضا أحد يسوي على أختك نفس هالحركه ؟ إذا إيه فما راح ألومك
عموماً يمكن أنتم مافهمتوا وش مقصد سلمى مادري مو متأكده بس اتوقع هي تقصد ( ماضي ) البنت .. يعني هذا كان ماضي وسوته وانتهينا .. مو يعني هي على طول كذا :/

بس ترا احسن شي الواحد مايتدخل في خصوصيات غيره إلا لما يستدعي الأمر مو حلو نحشر نفسنا في الأمور الي مو متأكدين منها وفيها شبه زي كذا

عموماً هذا رايي .. لك سلمى خذي

تؤبـر تسبدي · 13-01-2009, 09:17 PM

شي يضيق الصدر

لوه قبل الملكه يمكن في مجال

بس كذا لا والله انا خايفه من هالخطوه

هالشي لو كان من ناحية الرجال بيصير شي شبه طبيعي واغلب البنات بيقولون ايييييه

كبر وعقل

بس البنت صعبه شوي

كلهم والله صعبين ويقولون الي يكلم قبل الزواج يعتبر زي الادمان يرجع بعد الزواج من اي مشكله يكلم لانه سلك هالطريق يتهرب فيه من مشاكله قبل الزواج ليش مايسلكه بعد؟

الله لايحطنا في مثل هالموقف

يعني الولد اذا كان راعي حركات اكبر من انه يكلم ومادري ايش مثل انه يسكر ولا شي زي كذا اكيد راح اقول مع انها صعبه بعد

بس البنت مدري عنها يمكن تابت والله تواب رحيم

سلمى حتى بعد والله احبس

حسنـآء الثقـبة · 13-01-2009, 09:55 PM

مـدخل ،‘..}

حمـآم جآنآ مسيآآن ولآ سلآم عليـآآ حمـآم جآنآ مسيآآن ولآ سلم عليـآآ ..

عـآد من آلصبح فيني فلسفـه ومـآلقيت شي آتفلسف فيـه

اقتباس:

وش بيكون موقفك لو كنت بمكان صديقه !!

اقتباس:

( سوا بنت او ولد حطوا نفسكم بمكان صديقة وقولوا وش بتتصرفون )

مـآ آقول الآ آلله لآ يحطنـآ بوقف مثل تسـذآ

أولن بحط نفسـي بمكآن ولد

لآن لو كـآن ولـد آللـي يحآتسي بنآت وتسـذآ ميب فآرقـه معهـم بوآجـد بعكـس آلبنت لآمنهـآ فصخت آلحيـآ

آكـيد لآ صـآر سديقي سـديقي مـآآرآ بعلمـه حتى لو فيهـآ آحرآج شويتين بس آهـم شي آبري ذمتي

ولآ منـه صآر آلموقف مـع وآحد سديقي بس مهب مـرهـ رح آقول قسمـه ونصيب

< مـآلت عليتس آنتي وفلسفتتس بس

- بس آلسـؤآل مهب هنيـآ آلسؤآل لو آنتـ/ـي بتعـرسـ/ـين عـلى نفر/هـ مـن هآلنمونـه تبين آحـد يعلمتس ؟ ووشـ بيكـون موقفـك /ـتس ؟

اقتباس:

* فكرة الموضوع محفوظة لــ كابتشينو

وشـ سآلفه آلمتنـدى كلن قآم يسلف سديقـه موضوع

ع العمـوم عوآفـي جحيح + كآبتشينـو

{.. مخـرج

خليـلووهـ خليـلووهـ ،، خـليلـووهـ خليـلووهـ

< يآليل آلزيرآن

سلمى · 15-01-2009, 10:38 AM

اقتباس:

- بس آلسـؤآل مهب هنيـآ آلسؤآل لو آنتـ/ـي بتعـرسـ/ـين عـلى نفر/هـ مـن هآلنمونـه تبين آحـد يعلمتس ؟ ووشـ بيكـون موقفـك /ـتس ؟

اشوف انا انه على حسب فيه ناس تتوب لله ويبان عليها مظاهر التوبه , يعني مثلا الي يدخن , موب لاصار بيخطب قالوا ناوي يتركه ولا تكره امس

لا لا يعني يصير تاركه قبل مدة ومثبتة الله ,,لاننا مانمشي ع النيه في مثل هالمواضيع
نبي شي ملموس وينقاس عليه

واكيد اذا صار للحين ع ظلاله اتمنى ان احد يعلمني وبكون شاكرة له لأنه
غير مجرى حياتي بعد مشئية الله سبحانة

واصلاً الناس مارح يثبت بعقلها إلى الأشياء قريبة المدى , يعني لو هو تغير
بيثبت بعقول الناس صلاحه وهدايته وبالعكس بينعرف اكثر لانه تغلب على نفسه
زي ( ابو زقم المفحطاتي )

وهذا رايي

***

طيب واذا مثلاً حبها من خلال مكالمته معها بعد الملكة ومرتاح معها؟! وش يسوي !!؟

طمبيـراه · 15-01-2009, 01:19 PM

ياربي ، والله المسأله صعبه
اول شيء بحط نفسي مكان البنت اولاً بعدين الولد
لأن البنت يعني تملكت وخلصت ونفسين استعدت للعرس ولحياتها مع ذا الثور
مايصلح نهدم حيآتها خلاص هي اعرست وصارلها رجل يعفها

ليش نخرب عليها وعليه .. المهم ان اهلها يصيرون ناس كفو لأن البنت مهما سوت في عزوبيتها

بتربي عيالها على نفس تربية اهلها مهب على اللي سوته !

" من ستر على مسلم ستره الله في الدنيا والآخرة " لا تفضحون احد ربي ساترن عليه

شكراً سلمى ، تراي محلمه فيتس اليوم من زود الحب

الحب اللي كان · 23-01-2009, 03:25 PM

والله الموقف صعب صعب صعب بالحييييييييل .. يعني بما اني انا واخوياي على وجه عرس يعني اعمارنا متقاربه .. حطيت نفسي بهالموقف .. والله صعب بالحيل ..!!!!
اول شيء نسأل الله السلامه والستر ... والله يستر علينا اعضاء الملحق ومن يعز علينا فوق الارض وتحت الارض ويوم العرض ..
ثاني .. ان شاءالله مانمر بهالموقف يوم يارب العالمين ..
اول شيء خل اقولكم سالفه صارت لي ايام الثانوي قبل 8 او سبع سنوات تقريباً ..مره جالس بالبيت وجاني واحد من العيال اتقهوى انا وياه .. المهم ايام المراهقه والسواليف .. قال سعد ياخي انا اعرف بنت بحارتكم ومبسوط انا وياها وتطلع معي ونروح ونجي وننببسط .. انا عاد سديراوي ملقوف ما اوفر قلت وش هالبنت ووين بيتهم .. المهم طلعنا ومن شارع لشارع يوم قال شفت البيت ذاك قلت ايه قال هذا بيتهم .. قسم بالله يوم قال لي كذا حسيت ان واحد معطيني كف .. من الصدمه .. ماعاد ادري وش اسوي تمنيت ان الارض بلعتني ولا عشت هالموقف ..البيت طلع بيت أعز واحد من اخوياي هذيك الايام .. يعني من جد كانت علاقتي معه قويه .. لدرجه ان امه تجي تسير على امي .. تقول خويك سعد ذا لازم اروح اشوف امه .. يعني تطورت العلاقه شوي .. تخيلوا معي .. طلع خويي يعرف اخت خويي الثاني الي يعز علي .. يعني كلهم اخوياي بس والله اخو البنت اعز وعلاقتي معه قويه بالحيييل .. اخوان البنت ملاعين جدف .. لو يدرون يمكن يذبحونها .. وابوها مريض فيه جلطـه .. وامها سكر وحالتها حاله .. يعني انا الحين ماعاد ادري وش اسوي .. البنت ذيك الايام كانت بالجامعه .. الحين انا ضاقت بي الارض .. ماعاد ادري وش اسوي والله تمنيت اني مييت ولا جيت هالموقف ..يالله صكت فيني الدنيا .. وش الحل اعلمهم اقولهم .. من هنا من هناا .. تدرون وش سويت طبعاً انا صغير ذاك الايام .. بس الحمدلله يعني افكر بعقل واوزن الامور .. (( كذا علمني ابوي بما اني اكبر عياله ))
رحت شاورت مدرس الدين بالثنوي طبعاً كانت علاقتي معه زينه بالمدرسه .. ضحك وسواليف .. قال لازم تقولهم .. قلت وشلون اقولهم ياخي ابوها يمكن يموت لو درى والبنت تبي موت لو دروا اخوانها .. المهم .. قال اكتب ورقه .. وحطها بسياره خويك .. او حطها عند باب بيتهم ... المهم طلعت جلست اهوجس .. والله ورب البيت الاسبوع ذاك اسبوع الجحيم لي .. المهم انا ماجازت لي الفكره .. قعدت اقلبها براسي يمين ويسار ماش .. الزبده اخر شيء قررت استشير اهم انسان عندي الي هو ابوي .. طبعاً ابوي شبابي وفي مكانه صديقي بعد ..
رحت له وجلست انا وياه وشاورته وعلمته بالسالفه .. المهم سكت هو ويقعد يفكر التفت علي وقال اسكت ولا تقولهم .. اولاً من باب الستر عليها .. ثانياً .. من باب ان البنت تقدر تقلب عليك السالفه . لاني انا قلته له وش رايك ادق على البنت واقولها ترى انا ادري بكل شيء وانتبهي على نفسك .. يعني يقول لي يمكن تروح لاخوها ترى سعد دق علي يغازلني او يتحرش فيني .. الزبده ان ابوي اقنعني وسكت ... وطلعت والى يومكم ماحد يدري .. عاد الصيفيه الي راحت دق علي الرجال خويي الي يعز علي .. وقال لي سعد ترى عرس اختي الاسبوع الجاي الله يحيك .. طبعاً ماقدرت اجي .. لكن تزوجت والله يوفقها ...
نرجع لمحور حديثنا الاول ..

طبعاً الموضوع حساس وفيه سمعه ناس وكذا .. طبعاً اعز اخوياي بيكون عندي خبر عنهم قبل الملكه اذا كانت خطيبته سمعتها ميب زينه بقوله قبل مايتملك .. لان حتى هو عادني من اعز اخوياه وقال لي قبل مايتملك ...
وان كان الرجال والله علاقتي معه عادي او صداقه من بعيد لبيعد .. ابد الله يستر عليه .. ويوفقه بعرســه
....

سـ ع ـد

موافق عليها · 23-01-2009, 03:41 PM

انا عني الصراحه ابقوله مبرووك
وعفى الله عن ماسلف ولانب متكلم من باب الستر على البنت ..
لانه مرحله وعدت ونسأل الله انها تابت من ها الشي وانه كان طيش والحين عقلت
لانها يمكن تكون سعادته معها اكثر من سعادته مع وحده تروكع طول اليوم
واذا كانت سوت الفاحشه فبيكتشف هو الشي هذا في ليله الدخله ..

12-01-2009, 10:39 PM	#1
سلمى خبير ملحقاوي	بطاقــة زفــاف !؟ السـلام عليكم اسرتي كيفكم مع البرد نحتاج نسخن شوي , مع موضوع نلاحظ بوقتنا الحالي , ان الرقابه على البنت , وكذلك الولد موب زي اول , يعني نقدر نقول اهمال اسرة , اكثر من انه , حرية بطابع الثقة !! وطبعاً مثل ماهو طبيعي ومعروف ان الأسرة هي المسؤولة , عن اغلب حياة عيالها من ولادتة إلى مرحلة إعداده للزواج .... طبعاً في هالفترة الي عاشها عند أهله ! ينتج شخصيتة النهائية الي يتعايش معها طول حياته المستقبلية وعلى اساسها يربي عياله ويتعامل فيها مع زوجتة / زوجها ... وبعدها الطبيعي ,,, يخطب الولد , وتنخطب البنت وفي هالفترة , يتم الإستعداد لمراسم الزواج , والعش الأسري الجديد ,,,, وبعــد طباعة بطاقات الزفاف ...!!!!! توزع البطاقات صديق العريس ؟! يقرأ اسم عروس صديقه !!! ينصدم !! نفسها البنت الي تطلع مع شباب !! نفسها البنت الي تغازل فلان وعلان !! نفسها البنت الي تتنقل مابين شباب الشلة من كوفي لمطعم لجوال !!! وش بيكون موقفك لو كنت بمكان صديقه !! ( سوا بنت او ولد حطوا نفسكم بمكان صديقة وقولوا وش بتتصرفون ) والتعليق مفتوح لكم على مثل هذا الموقف وعلى هذه القضية !! * فكرة الموضوع محفوظة لــ كابتشينو .... ....... .. توقيع » سلمى " رحمك الله يا ابي واسكنك فسيح جناتة " التعديل الأخير تم بواسطة سلمى ; 12-01-2009 الساعة 11:08 PM

12-01-2009, 10:59 PM	#2
كابتشينو مراقب صالة الكمبيوتر والجوالات	رد: بطاقــة زفــاف !؟ بانتظاركم شكرا سلمى توقيع » كابتشينو .. I'm trying to find my place , But it might not be here where I feel safe Flickr pMessenger ID : EF720AF0

12-01-2009, 11:15 PM	#4
MţωlЗђ ƒέκ مراقبة صالة الكمبيوتر والجوالات	رد: بطاقــة زفــاف !؟ ماادري والله احس الموضوع شوي كبير .. بس لو لو يعني والله لايجيب لي هـ الموقف .. طبعاً بستر عليها ..! واحتمال الموقف يغير الكلام هذا كله . الله لايجيب مثل هـ الشي : سلمى .. مُبدعه حتى والفكره مو منك ،’, كابتشينو .. تسلم على هيك افكار توقيع » MţωlЗђ ƒέκ ..

12-01-2009, 11:22 PM	#5
كابتشينو مراقب صالة الكمبيوتر والجوالات	رد: بطاقــة زفــاف !؟ نقاشاتكم يا اخوان يعني هل راح تسكت و تستر عليها اذا البنت كانت تطلع .. و عقلت يوم كبرت بعكس اذا كانت تطلع الى اخر فتراته المقاربه للزواج .. لان حينها اتوقع الكل ما راح يسكت و يتستر عليها و هل الولد عكس البنت اذا كانت الفعله منه ..؟ اتوقع اشياء كثيرهـ يمكن تختلف و خاصه في مجتمعنا توقيع » كابتشينو .. I'm trying to find my place , But it might not be here where I feel safe Flickr pMessenger ID : EF720AF0

12-01-2009, 11:50 PM	#7
بيـرُوت طـازهـ	رد: بطاقــة زفــاف !؟ سلمى ياسلمى ياختي اوكي صيري انسانه مجتهده وكلش بس عاد وش ذنب الناس اللي بينك وبينهم عيش وملح وحركات ودنيا I miss u ماعلينا من الفلم الهندي اعلاو بالنسبه لي ياختي موقف صعب بالمره صعب يعني ان بغيتي تجين تحللينها بكذا وجه راح تحتارين .. اولها : هل تضمنين ان الطرف اللي بنصحه راح يصدقني او ينتصح مني .؟ خبرك بعض البنات من يوم ماتقول [ قبلت بك بعلاً ] ينفصل فيش العقل والتفكير بعقلانيه !! وخبرك بعض البنات لو بتقولين لها هالشيء راح تفهم انك غيرانه منها ! ويمكن انك سببتي مشكله ونزاع ع الفاضي وشرط لاتقوم عليك الحد وتقاطعك مقاطعه مؤبده الى ان يرث الله الارض ومن عليها ثانيا : انا .. انتِ .. مانعرف للنوايا , يعني ممكن هالشخص تاب توبه نصوح ! يعني الله يعفو ويفصح ( ان كانت توبه نصوح ! ) , فـ ليه احنا مانعامله بالمثل .؟ ثالثاً : من ناحية المجتمع .. الناس , ( هنا اتكلم عن الواحد لصديقه ) ماراح يكون فيه تقبل للبنت الفلتانه وتابت يعني فلتتها هذه بتصير وصم عار عليها وعلى بناتها وحفيدتها ولأخر عرق ينبض , يعني ممكن الواحد وده ينصح صديقه ولا يخرب بيته بعدين ! وبرضو ودك ان الطيبون للطيبات لكن هل ممكن واحد يتزوج وحده من غير لا يسأل عنها .؟ ولو كانت هالبنت مثل ماقلتي معقولها ماطلعت دخاخينها ؟ بالنسبه لي ان صار لاسمح الله ! ممكن اني استخير اول واشوف وش ارتاح له < خطبه ؟ او ابحث عنها من ناحية الجانب الديني جحه , سلمى تدرين إني أحبك .؟ توقيع » بيـرُوت " لا آمُل في شيء ، لا أخشى شيئـاً ، أنا حر ! "

13-01-2009, 08:55 PM	#9
R e B e L ملحقاوي فاصل	رد: بطاقــة زفــاف !؟ هلا هلا سلمى بقولك رايي لو كنت ولد اوكي؟ لا ما راح أفكر أخرب على أحد أبداً لأن الي يؤذي الناس راح يتأذى بعدين : ) طبعاً طبعاً هذا الموضوع خطير جداً .. هذي سمعه ! وكلنا نعرف وش يعني سمعه أكيد :/ وبالتأكيد كل شخص معرض للغلط سواء كان كبير أو صغير هو معرض للغلط في كل الأحوال مومعناته الشخص يغلط ويعيش طول عمره على غلطته ! لا كل شي يتصلح وإذا ماتصلح الزمن يصلحه ترا البنت احترمها الدين ورفعها وشرفها وحط لها حقوق وواجبات والرسول صلى الله عليه وسلم كان يحترم المرأه فوق مانتصور كلنا ليش الولد إذا غلط ماحد يقوله شي والبنت لا تتحمل كل غلطاتها ! أنا ما اقول نساوي بينهم لكن مو لدرجة أنها ماتنرحم ولا ينغفر لها خطأها ! مابغا اطلع عن الموضوع واتكلم كثير عن المرأة في الإسلام .. لكن هالنقطه تتعلق في سؤال سلمى بشكل كبير إذا احترمنا المرأة وقدرناها وحطيناها فوق كل اعتبار وسامحناها وعذرناها في أخطائها ما راح نفكر نضرها أو نتدخل في مستقبلها أو نحاول يخرب عليها أمور كبيرة زي الزواج لكن مايسوي كذا إلا ضعيف الإحساس اسمحوا لي .. يعني أنت ترضا أحد يسوي على أختك نفس هالحركه ؟ إذا إيه فما راح ألومك عموماً يمكن أنتم مافهمتوا وش مقصد سلمى مادري مو متأكده بس اتوقع هي تقصد ( ماضي ) البنت .. يعني هذا كان ماضي وسوته وانتهينا .. مو يعني هي على طول كذا :/ بس ترا احسن شي الواحد مايتدخل في خصوصيات غيره إلا لما يستدعي الأمر مو حلو نحشر نفسنا في الأمور الي مو متأكدين منها وفيها شبه زي كذا عموماً هذا رايي .. لك سلمى خذي

13-01-2009, 09:17 PM	#10
تؤبـر تسبدي شادن حيله	رد: بطاقــة زفــاف !؟ شي يضيق الصدر لوه قبل الملكه يمكن في مجال بس كذا لا والله انا خايفه من هالخطوه هالشي لو كان من ناحية الرجال بيصير شي شبه طبيعي واغلب البنات بيقولون ايييييه كبر وعقل بس البنت صعبه شوي كلهم والله صعبين ويقولون الي يكلم قبل الزواج يعتبر زي الادمان يرجع بعد الزواج من اي مشكله يكلم لانه سلك هالطريق يتهرب فيه من مشاكله قبل الزواج ليش مايسلكه بعد؟ الله لايحطنا في مثل هالموقف يعني الولد اذا كان راعي حركات اكبر من انه يكلم ومادري ايش مثل انه يسكر ولا شي زي كذا اكيد راح اقول مع انها صعبه بعد بس البنت مدري عنها يمكن تابت والله تواب رحيم سلمى حتى بعد والله احبس التعديل الأخير تم بواسطة تؤبـر تسبدي ; 13-01-2009 الساعة 09:21 PM

15-01-2009, 01:19 PM	#13
طمبيـراه شادن حيله	رد: بطاقــة زفــاف !؟ ياربي ، والله المسأله صعبه اول شيء بحط نفسي مكان البنت اولاً بعدين الولد لأن البنت يعني تملكت وخلصت ونفسين استعدت للعرس ولحياتها مع ذا الثور مايصلح نهدم حيآتها خلاص هي اعرست وصارلها رجل يعفها ليش نخرب عليها وعليه .. المهم ان اهلها يصيرون ناس كفو لأن البنت مهما سوت في عزوبيتها بتربي عيالها على نفس تربية اهلها مهب على اللي سوته ! " من ستر على مسلم ستره الله في الدنيا والآخرة " لا تفضحون احد ربي ساترن عليه شكراً سلمى ، تراي محلمه فيتس اليوم من زود الحب توقيع » طمبيـراه " سبحان الله وبحمده سبحان الله العظيم } مع الخيل ياشقراء http://www.formspring.me/tmbeera

23-01-2009, 03:25 PM	#14
الحب اللي كان مراقب عام	رد: بطاقــة زفــاف !؟ والله الموقف صعب صعب صعب بالحييييييييل .. يعني بما اني انا واخوياي على وجه عرس يعني اعمارنا متقاربه .. حطيت نفسي بهالموقف .. والله صعب بالحيل ..!!!! اول شيء نسأل الله السلامه والستر ... والله يستر علينا اعضاء الملحق ومن يعز علينا فوق الارض وتحت الارض ويوم العرض .. ثاني .. ان شاءالله مانمر بهالموقف يوم يارب العالمين .. اول شيء خل اقولكم سالفه صارت لي ايام الثانوي قبل 8 او سبع سنوات تقريباً ..مره جالس بالبيت وجاني واحد من العيال اتقهوى انا وياه .. المهم ايام المراهقه والسواليف .. قال سعد ياخي انا اعرف بنت بحارتكم ومبسوط انا وياها وتطلع معي ونروح ونجي وننببسط .. انا عاد سديراوي ملقوف ما اوفر قلت وش هالبنت ووين بيتهم .. المهم طلعنا ومن شارع لشارع يوم قال شفت البيت ذاك قلت ايه قال هذا بيتهم .. قسم بالله يوم قال لي كذا حسيت ان واحد معطيني كف .. من الصدمه .. ماعاد ادري وش اسوي تمنيت ان الارض بلعتني ولا عشت هالموقف ..البيت طلع بيت أعز واحد من اخوياي هذيك الايام .. يعني من جد كانت علاقتي معه قويه .. لدرجه ان امه تجي تسير على امي .. تقول خويك سعد ذا لازم اروح اشوف امه .. يعني تطورت العلاقه شوي .. تخيلوا معي .. طلع خويي يعرف اخت خويي الثاني الي يعز علي .. يعني كلهم اخوياي بس والله اخو البنت اعز وعلاقتي معه قويه بالحيييل .. اخوان البنت ملاعين جدف .. لو يدرون يمكن يذبحونها .. وابوها مريض فيه جلطـه .. وامها سكر وحالتها حاله .. يعني انا الحين ماعاد ادري وش اسوي .. البنت ذيك الايام كانت بالجامعه .. الحين انا ضاقت بي الارض .. ماعاد ادري وش اسوي والله تمنيت اني مييت ولا جيت هالموقف ..يالله صكت فيني الدنيا .. وش الحل اعلمهم اقولهم .. من هنا من هناا .. تدرون وش سويت طبعاً انا صغير ذاك الايام .. بس الحمدلله يعني افكر بعقل واوزن الامور .. (( كذا علمني ابوي بما اني اكبر عياله )) رحت شاورت مدرس الدين بالثنوي طبعاً كانت علاقتي معه زينه بالمدرسه .. ضحك وسواليف .. قال لازم تقولهم .. قلت وشلون اقولهم ياخي ابوها يمكن يموت لو درى والبنت تبي موت لو دروا اخوانها .. المهم .. قال اكتب ورقه .. وحطها بسياره خويك .. او حطها عند باب بيتهم ... المهم طلعت جلست اهوجس .. والله ورب البيت الاسبوع ذاك اسبوع الجحيم لي .. المهم انا ماجازت لي الفكره .. قعدت اقلبها براسي يمين ويسار ماش .. الزبده اخر شيء قررت استشير اهم انسان عندي الي هو ابوي .. طبعاً ابوي شبابي وفي مكانه صديقي بعد .. رحت له وجلست انا وياه وشاورته وعلمته بالسالفه .. المهم سكت هو ويقعد يفكر التفت علي وقال اسكت ولا تقولهم .. اولاً من باب الستر عليها .. ثانياً .. من باب ان البنت تقدر تقلب عليك السالفه . لاني انا قلته له وش رايك ادق على البنت واقولها ترى انا ادري بكل شيء وانتبهي على نفسك .. يعني يقول لي يمكن تروح لاخوها ترى سعد دق علي يغازلني او يتحرش فيني .. الزبده ان ابوي اقنعني وسكت ... وطلعت والى يومكم ماحد يدري .. عاد الصيفيه الي راحت دق علي الرجال خويي الي يعز علي .. وقال لي سعد ترى عرس اختي الاسبوع الجاي الله يحيك .. طبعاً ماقدرت اجي .. لكن تزوجت والله يوفقها ... نرجع لمحور حديثنا الاول .. طبعاً الموضوع حساس وفيه سمعه ناس وكذا .. طبعاً اعز اخوياي بيكون عندي خبر عنهم قبل الملكه اذا كانت خطيبته سمعتها ميب زينه بقوله قبل مايتملك .. لان حتى هو عادني من اعز اخوياه وقال لي قبل مايتملك ... وان كان الرجال والله علاقتي معه عادي او صداقه من بعيد لبيعد .. ابد الله يستر عليه .. ويوفقه بعرســه .... سـ ع ـد توقيع » الحب اللي كان flickr وصارن 23 ** لـي أساليب كثيرة للتفـاعل مع الموسيقـى غير الرقـص ..,’ PMID : DDF70A9E** التعديل الأخير تم بواسطة الحب اللي كان ; 23-01-2009 الساعة 04:04 PM

23-01-2009, 03:41 PM	#15
موافق عليها مراقب عام	رد: بطاقــة زفــاف !؟ انا عني الصراحه ابقوله مبرووك وعفى الله عن ماسلف ولانب متكلم من باب الستر على البنت .. لانه مرحله وعدت ونسأل الله انها تابت من ها الشي وانه كان طيش والحين عقلت لانها يمكن تكون سعادته معها اكثر من سعادته مع وحده تروكع طول اليوم واذا كانت سوت الفاحشه فبيكتشف هو الشي هذا في ليله الدخله .. توقيع » موافق عليها 14\2\2010

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

		الساعة الآن 08:19 AM. Powered by vBulletin® Version 3.8.3, Copyright ©2000 - 2010, Jelsoft Enterprises Ltd. TranZ By Almuhajir Content Relevant URLs by vBSEO 3.3.0 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47