تؤبـر تسبدي

بسم الله الرحمن الرحيم







<<عشان محد يقول انهم فتنه


كللللووووش مباركن عرس الاثنين
معروف عندنا اول بنت في العايله اذا كبرت ووصلت تقريبا للـ 19 او العشرين يسمونها في عيون الزبون
ومعروف الولد من يتوظف واذا صار عنده ابوه يساعده في المهر والبيت
او انه يجيبه من عرق جبينه
ومن معتقدات البنات :
اول شي قالو نبي نتزوج شايب عشان يدلعناويموت بسرعه ونورثه واتوقع (كلام الليل يمحيه النهار)
وبدال لا راح تكون له زوجة بتكون له ممرضه

ثاني شي ابي يكون بيني وبينه 5 سنين او 6 سنين عشان ماتعجز قبله كون تركيبة جسمها وهرمونات الحمل والولاده لهادور كبير

ونادر الي يقول ابي يكون بيني وبينه سنه او سنتين عشان يكون فيه تفااهم الافكار وحده والاحلام وحده

وتصيركل مرحله باحداثها نمرها مع بعض لانهم يخافون من عدم تحمله للمسؤوليه

وفيييه الاغرب الي يتزوجون شباب اصغر منهم وتختلف اسباب كل وحده بس معضهم يكون طاف عليها قطار الزواج

وهذي الحاله من وجهة نظري بيترتب عليها مشاكل واهم مشكله النقص الي ممكن ماتتواجد غالبا عند اي متزوجين

و فيه الي يقول فوق الثلاثين عشان مايصير طايش

وتختلف الاراء ولا راح نقدر نحصرها كلها
مع العلم ان كل مرحله عمريه لها خوااصها ويزيد اهتمامهم من ناحية !
وراح اذكرها :
1- من الحمل للميلاد حب الله
2- من الميلاد الى السابعه حب الوالدين
3- من السابعه الى الرابعة عشر العائله ,الاصدقاء , الاستمتاع
4- من الرابعه عشر للواحد والعشرين من يماثلوننا وبنفس اهدافنا يعني الاصدقاء
5- من الواحد والعشرين الى الثامنه والعشرين حب الذات
6-من الثامنه والعشرين الى الخامسه والثلاثين العلاقات والامور العاطفيه
7-من الخامسه والثلاثين الى الثانيه والاربعين الحب لشخص ما يعتمد علينا
8-من الثانيه والاربعين الى التاسعه والاربعين العوده للمجتمع
9-من التاسعه والاربعين الى السادسه والخمسين العوده للعالم
10- من السادسه والخمسين لمابعد ذلك خدمة الله

انا الحين ابي اعرف وجهة نظر البنات :

1/كم الفارق المناسب في العمر بين الزوجين وياليت تقولين لنا اسبابك ؟
2/ترضين تتزوجين واحد اصغر منك؟
3/تتوقعين لتقارب العمر او التباعد دور في زيادة التفاهم بين الزوجين؟
4/كم العمر الي تشوفينه مناسب لزواجك ؟
5/بتعزميني
6/اذا جاك خاطب وقالك انه بيتوظف بعد ترم او سنه وقالك (لاحظي قالك)انه عنده ضمانات انه بيتوظف تقبلين تكونين مربوطه به
لين يتوظف وبعدها تتملكين وطبعا ماراح توافقين على اي خاطب يجيك فوقتها؟

ومن ناحية الشباب :
1/متى تطلب من الاهل الزواج وتحس انك مقتدر على الزواج وش الي يخليك تقرر انك تتزوج هالوقت؟
اذا حصلت على وظيفه او بيت او رغبة في الاستقرار؟
2/اذا اقدم خاطب لاختك وشي الاشياء الي تعرف منها ان الي خاطبها رجال يستاهل؟
3/هل وظيفته هي الي تحدد شخصيته؟ ولا حالته الاجتماعيه مثلا ؟
4/ كم الفارق العمري الي تطلبه؟ وش اسبابك؟
5/ بتعزمني ولا اقول لا لا اخاف تغار مرتك همين تتزاعلون بسبتي << وش عندها منيرآآآهـ

حطيت لكم اسود لانكم عيال <=لاعمرتس تبررين

وتم هذا بحمدلله وبفضله

وشسمهـ الله يوفقكم ويعيشني لييين ازوجكم كلكم همين اتزوج انا
<=مسلسل تركي

R e B e L

ام غمازات

صباح الخير
تدرين اني من امس وانا احوس هنا وتوي اشوف موضوعك

هالنوعيه من البنات ودي اعجنهم عجن ، مادري من وين يفكرون
صراحه ، يعني اسمه شايب بعد كم سنه بيطيح عليكم محد بيبلش فيه
غيركم بس انا بقولك هاللي يفكرون كذا ترى اغلبيتهم مراهقات

1

اقتباس:

/كم الفارق المناسب في العمر بين الزوجين وياليت تقولين لنا اسبابك ؟

من 8 الى 10 سنوات.. لانه لو كانوا قريبين بالعمر او العكس لو كان فيه فرق شاسع بينهم كذا بيكون فيه اختلاف كثير بالتفكير، وبيصعب على كل واحد فهم الثاني.

اقتباس:

2/ترضين تتزوجين واحد اصغر منك؟

انا بالنسبه لي ماشوف فيها شي ، بس اضمن انه مايمسكها علي بعدين
وغير كذا المجتمع ماراح اسلم من كلامهم وتعليقاتهم

اقتباس:

3/تتوقعين لتقارب العمر او التباعد دور في زيادة التفاهم بين الزوجين؟

علقت على هالنقطه بأول سؤال.

اقتباس:

4/كم العمر الي تشوفينه مناسب لزواجك ؟

عمري انا ؟ ولا عمر ابو الشباب اللي يناسب لعمري ؟ مافهمت

اقتباس:

5/بتعزميني

ايه

اقتباس:

6/اذا جاك خاطب وقالك انه بيتوظف بعد ترم او سنه وقالك (لاحظي قالك)انه عنده ضمانات انه بيتوظف تقبلين تكونين مربوطه به

قد صارت بس طبعا رفضت

تؤبر تسبدي يعطيك العافيه على الموضوع والله يوفقك ويرزقك
بالزوج الصالح اللي فيه كل شي تتمنينه

سلمى

HEPSI

يختي والله انهم فتنه ونص



/


1/كم الفارق المناسب في العمر بين الزوجين ؟

يعني ماتزيد عن سبع سنوات ..



2/ترضين تتزوجين واحد اصغر منك؟

لا لا ابداً .. يقعد يزعجني عجوزه عجوزه :/



3/تتوقعين لتقارب العمر او التباعد دور في زيادة التفاهم بين الزوجين ؟

أكيـد ..

يعني اشوف ماما مثلاً بينها وبين البابا شي 16 سنه ومابينهم تفاهم ابد < لا يكثر بس



4/كم العمر الي تشوفينه مناسب لزواجك ؟

من 26 الى 30


5/ بتعزميني ؟

لا =p



6/ تقبلين تكونين مربوطه به لين يتوظف وبعدها تتملكين؟ ؟


امم ما ادري, بس احس عادي ..

كلها فتره الخطبه والملكه وهو متوظف .. اهم شي ما اتزوجه وهو قاعد بالبيت




لك تسبدي

تـــلآوين

اهلن توتو ~

كنت منهم بس مب عشان الورث مدري احس الشايب شخصيّه > لعد تحسين

اقتباس:

انا الحين ابي اعرف وجهة نظر البنات :

قدام

اقتباس:

1/كم الفارق المناسب في العمر بين الزوجين وياليت تقولين لنا اسبابك ؟

احس من 5 - 10 حلو مرهـ

اقتباس:

2/ترضين تتزوجين واحد اصغر منك؟

لآ - احس لابد وتصير مشاكل اكبر من حجمها سوا من المجتمع او بين الزوجين نفسهم

اقتباس:

3/تتوقعين لتقارب العمر او التباعد دور في زيادة التفاهم بين الزوجين؟

التفاهم والتقارب يعتمد ع شخصية كل من الزوجين احيانا يصير الفرق بينهم كبير ومع ذلك مشاكل
والعكس صحيح بعد ..
مع كل هذا ماانكر ان العمر عامل مساعد بالتقارب والتفاهم بين الزوجين

اقتباس:

4/كم العمر الي تشوفينه مناسب لزواجك ؟

بعد ما اتخرج

اقتباس:

5/بتعزميني

امممممم بشوف >

اقتباس:

6/اذا جاك خاطب وقالك انه بيتوظف بعد ترم او سنه وقالك (لاحظي قالك)انه عنده ضمانات انه بيتوظف تقبلين تكونين مربوطه به

مدري والله
اخاف انتظره ويسحب علي
الرجال مالهم امان

توتو يسلمو عـ الموضوع

طمبيـراه

اهنن اهنن تؤبر .. تجوزلي سواليف العرس مالعرس

احسن شيء 8 سنوات 9 سنوات 10
عشان اعيّره انه شايب
واكيد جسمي بيوطى عليه العمر وكلش فيه بيتهدل وينزل
وذا الرجل للحين توّه مابعد بان عليه الكبر
ويجون عيالي يقولون ابوي اصغر منتس !!
وو ابيه اكبرر بعد عشان يصير اعقل واركز ويقدر يقود حياآتنا

ويصير قد تليّع من العزوبيه وجيته با الحسره وطلعة الروح

عشان يحس بقيمة الزوآج

اقتباس:

2/ترضين تتزوجين واحد اصغر منك؟

لا مارضى الله لايحدني .. اخاف احقره
ابي احسني طفله معه عشان احس برجولته

اقتباس:

3/تتوقعين لتقارب العمر او التباعد دور في زيادة التفاهم بين الزوجين؟

إيه له علاقه .. يعني البنت اللي تتزوج واحدن بعمر 24 وهي بعمر 23 كلهم توّهم
فيهم طيش اكيد بيصير فيه ملازخ وطق وطقيق وقولة روحي لبيت اهلتس منيب كفو من يختارتس زوجه .. وطبيعة الرجل بنظري طايش ومايعقل الا لاطق الثلاثين .. والبنت اشوفها من عمر 19 وهي عاقله با القليل اعقل من الرجال بها العمر

اقتباس:

4/كم العمر الي تشوفينه مناسب لزواجك ؟

عن نفسي .. با الـ 19 احسن شيء

5/بتعزميني

مانيب حاطه عرس

اقتباس:

6/اذا جاك خاطب وقالك انه بيتوظف بعد ترم او سنه وقالك (لاحظي قالك)انه عنده ضمانات انه بيتوظف تقبلين تكونين مربوطه به لين يتوظف وبعدها تتملكين وطبعا ماراح توافقين على اي خاطب يجيك فوقتها؟

بشوف اول ابوه .. ان كان يقدر يدبر ولدّه في حال انه مالقى وظيفه ووهقني

ووالقرار لهلي بحكم انهم يقدرون يقدرون شلون بتصير حياتي



شوكراً توؤبر

أبــ Jo$eph ــو

رحمتك ما رد عليك ولا شاب وبما أني من الشباب اللي هنا ، ويمكن إني أصغرهم وأوذفهم يشرفني أن أكون الناطق عنهم ، لأنهم يستحون من طاري العرس ، من شافو الأسئله وهم قاضبين الباب يخافون ينخدش حياءهم ، الا على الطاري ما شفتي ردودهم في مواضيع ثانيه تهتم بالأمور هذي ؟ كلها براءه ، الصراحة الموضوع صعب صعب ما يقدرون يتكلمون ،

وظيفة و عمل أو أي مصدر دخل <--> زواج ، ما أتخيل واحد يآخذ مصروفه من أبوه كل يوم الصبح ، له ولزوجته وعياله . أما متى أقرر إني أتزوج هـ الوقت اذا شفت إني قادر على الزواج .

اقتباس:

2/اذا اقدم خاطب لاختك وشي الاشياء الي تعرف منها ان الي خاطبها رجال يستاهل؟

سؤالك هذا فيه لبس ، ما أدري أنت تقصدين مقومات الرجل ، أو كيف اعرف عنه يعني من أسأل عنه ، اذا كان المقصود الأول ، اللي ما فيه خير لأهله ما فيه خير للناس ، وإذا تبين الجد أنت شوفي كيف يتعامل الشخص مع أخواته في البيت وتبي تعرفين كيف راح يتعامل مع زوجته ، أنا جربت وشفت ،
وإذا كان قصدك الثاني ، أصدقائه ، الأصدقاء يعرفون عنه أكثر مما يعرفونه أهله ، فـ ممكن أنه يسوي نفسه مثالي قدام أهله ، بس يبين المستور قدام ربعه .

اقتباس:

3/هل وظيفته هي الي تحدد شخصيته؟ ولا حالته الاجتماعيه مثلا ؟

هذي أشياء تكمل بعضها ، ما تنفصل ، الحاله الاجتماعيه تحدد شخصيته ، وأكيد وظيفته لها طابع على الشخصية.

اقتباس:

4/ كم الفارق العمري الي تطلبه؟ وش اسبابك؟

خخخخخ مدري بس احس ان هذا الشي ما يفرق اللي من ربي حياه الله ، بس موب تجي اكبر مني مره اجلس بعد كم سنة اشرّي لها من حبوب الضغط والسكرويصرفون لي عضوية دائمة في الصيدلية مع ان الصيدلية شي أساسي في حياة المتزوج ، ولا تجي بزر تبيني ألعب معها فتّاحيّه وردة سكّاريّه ورده !! بين وبين

اقتباس:

5/ بتعزمني ولا اقول لا لا اخاف تغار مرتك همين تتزاعلون بسبتي << وش عندها منيرآآآهـ

لازم تجين ، من يطق اذا ما جيتي؟ --> وش يبي ذآآآآ ،

تؤبـر تسبدي

تؤبـر تسبدي

أم غمآزآآآت

صبآآح او مساء الورد

اقتباس:

هالنوعيه من البنات ودي اعجنهم عجن ، مادري من وين يفكرون صراحه ، يعني اسمه شايب بعد كم سنه بيطيح عليكم محد بيبلش فيه غيركم بس انا بقولك هاللي يفكرون كذا ترى اغلبيتهم مراهقات

اي والله هذولي البنات مدري وش يحسون احس انهم مايفكرون لبعدين ابد

اقتباس:

من 8 الى 10 سنوات.. لانه لو كانوا قريبين بالعمر او العكس لو كان فيه فرق شاسع بينهم كذا بيكون فيه اختلاف كثير بالتفكير، وبيصعب على كل واحد فهم الثاني

.

كيف من كل النواحي ماراح يتفاهمون يعني لا اذا صارو قريبين ولا بعيدين في العمر؟

اقتباس:

انا بالنسبه لي ماشوف فيها شي ، بس اضمن انه مايمسكها علي بعدين وغير كذا المجتمع ماراح اسلم من كلامهم وتعليقاتهم

ماينفع والله بيكرشك بعدين

اقتباس:

عمري انا ؟ ولا عمر ابو الشباب اللي يناسب لعمري ؟ مافهمت

عمرك انتي

اقتباس:

قد صارت بس طبعا رفضت

وش اسبابك؟


ياهلا بتس مري فيذا دايم

تؤبـر تسبدي

سلمى

هلا وهلا وهلا والف هلا يانا احبتس حب احس انس مثلي تحبين الي احبه واحب الي تحبينه


ماشاء الله كفيتي ووفيتي بعد حكيتس محدن معرس لا على شايب ولا رجال صدزي ولاتسذبي بعد

اقتباس:

,,, واصغر مني عادي ,, بس بيصير بالثانوي

انا عندي اخذ واحد اكبر مني بـ 15 سنه ولا اخذ اصغر مني
معرسن علي يعني معرس علي والله يعوقه بشر



هلا بتس

تؤبـر تسبدي

tsoname


مانتبهت ان في ردس حكي الا يوم شفت الفيسات وش ذا الالوان حتى لو ظللت ياله تبان

انتي الي ماتتزوجين الا 26 او 30؟ولا هو؟ اذا كان انتي كذا ترا مرره كثير لو تتزوجين وانتي صغيره صدقيني احسن

كلما كبرتي كلما كبرت نظرة الزواج فعينك يعني قصدي بتصيرين تخافين منه وتتوترين

انتي شوفي العرايس في الزواجات تشوفين الصغيره تمشي وتضحك ومبسوطه بلاها ماحست ولا تفكر وش وراها وتمر بكل شي بسهولهـ عليها

بس الكبيرره لا ياسبديه تشوفينها شوي وتصيح



تزوجي بس وانتي صغيره والضمان عندي واذا تطلقتي انتي السبب اجل <-

انا ازوجس بسيد سيدووهـ

tsoname لك انتي بعد

تؤبـر تسبدي

تؤبـر تسبدي

تؤبـر تسبدي

أبــ Jo$eph ــو

أشوا فيه احد رحمني اجل

اقتباس:

الصراحة الموضوع صعب صعب ما يقدرون يتكلمون ،

وش الصعب فيه وانت كيف حليت اجل ولا انت ذهين يعني

اقتباس:

سؤالك هذا فيه لبس ،

والباقي مفصخ <=

اقتباس:

ما أدري أنت تقصدين مقومات الرجل ، أو كيف اعرف عنه يعني من أسأل عنه ، اذا كان المقصود الأول ، اللي ما فيه خير لأهله ما فيه خير للناس ، وإذا تبين الجد أنت شوفي كيف يتعامل الشخص مع أخواته في البيت وتبي تعرفين كيف راح يتعامل مع زوجته ، أنا جربت وشفت ،

غريبه انا اشوف في الغالب ان بالعكس معاملته ممكن تختلف 180 درجة مع زوجته ويمكن ماتختلف على حسب زوجته

اقتباس:

وإذا كان قصدك الثاني ، أصدقائه ، الأصدقاء يعرفون عنه أكثر مما يعرفونه أهله ، فـ ممكن أنه يسوي نفسه مثالي قدام أهله ، بس يبين المستور قدام ربعه .

حلو

اقتباس:

خخخخخ مدري بس احس ان هذا الشي ما يفرق اللي من ربي حياه الله ، بس موب تجي اكبر مني مره اجلس بعد كم سنة اشرّي لها من حبوب الضغط والسكرويصرفون لي عضوية دائمة في الصيدلية مع ان الصيدلية شي أساسي في حياة المتزوج ، ولا تجي بزر تبيني ألعب معها فتّاحيّه وردة سكّاريّه ورده !! بين وبين

كل عمر له متطلباته بس كآآآلهم يحبون السوق في كل وقت وفي أي مزآآج وفي أي ظرف

اقتباس:

لازم تجين ، من يطق اذا ما جيتي؟ --> وش يبي ذآآآآ ،

ياحبى يابرك يعني يآآ منيرآآآهـ يــآآ طقآقآآهـ ؟


نورت