سلمى

HEPSI

أولي

سلمى انتي خطيره مره

لي بآك ان شاء الله =)

غرام

شسمه يابنت الحلال والله حنا يا اهلي نظامنا مدري شلون قايل
اذا كانت البنت حلوه تغطي واذا شينه عادي مسموح لها تكشف
يعني حرام مايبون يكسرون خاطرها كفايه انها شينه وبعد تغطي <-- عز الله بتدبل تسبد اهلها
بس عني انا قسم بالله ما اغطي لو يطيرون اهلي للسماء همن يرجعون يوقعون بالارض همن يرجعون يطيرون
يعني بالله ( بالعقل ) احد يحصل له جلسه زكرت توسع الصدر وخذ لك سوالف ومهاوش وتزبيد ويروح يقعد مع البنات <--- يعععع
يحلفون اني لاقعدت مع عيال خالي وجت امي تناديني تضّيع بيننا ,, كل اللي قدامها اشناب


وجهه نظري وغصبن عنكم بتحترمونها

موافق عليها

صدق اني لحست ولا فهمت شي تقريبا بس احب اقول وش قهوه بزمزيمه وين علوم الرجال يعني اختفت الدله الصفرا المهيله بعدين ترا مايصب وهو ملزق الفنجال بثم الترمس << يبو وش جاك انت تبي تعلمهم المراجل

سلمى كا العاده موضوع بدقيقتن بس متقن كفو عليك يقول المثل مهب اللي تو علمتك ايهاه حق قال شف وجه العنز واحلب لبن لا لا واحد ثاني اي ايه يقول المثل ( النحله ياتقرصك ياتاخذ عسلها ) يعني انتي ياسلمى برا تقرصين بس بالاسره ناخذ عسلك ترا المثل حسيته وقلته بعدين عن سالفه الهواشات انا اشوف ان لو كل واحد قدم ورده للثاني ماراح يكون فيه حماس فقو هيد هياط



والله يا انا اعتبر انسان كويس بالوصل مع عيال خالاتي وكييذا اما عيال عمي والله ما اشوفهم الابالمناسبات والعلاقه بيينا شبه رسميه لانهم كلهم شبان بس لامن جاك ولد خاله زي شبكشي يعني سواليف وطلعات وجيات وكل شي يعني الدعوه فري بيني وبينه حتى اننا بعض المرات ننام وحنى مالبسنى شي شبكشي تذكر يوم انك تغير ملابسك بالغرفه ولاتقفل الباب همن ادخل عليك مدرعم واشوف كل شي همن تنقز وتغطى بالبطانيه وتقول لا لا شرفي




ايه ايه ياشينها ذي اصبر اصبر نتغطى يعني تخيلوا منول كنت اقول ياولد وادخل مدرعم ينقالي ابشوف بس والله الاشكال حافظها يعني تخلي ذاك اليوم اسلم على بنات عمي وهن كل وحده متلحفه بجلال وسبحان الله اعرفهن من ورا الجلال عاد اقولهن من زينكن والله اني اعرفكم وكل وحده بعيارتها بعد ياشين السرج على البقر << يسلم ذا ولا يهزء

اما اصبر نتغطى وانا ابقعد اصبر عند الباب لين يتغطون هي ياولد ثنيتن وبعدها خش اللي يبي يتغطى يتغطى واللي مهب ممديه كيفه يالله عاد ياحظهم لامني جيت ومريت يبون يشوفون موافق والله من قدهم انا احس ان الناس ماتجي عندنا بالبيت الا عشان تشوفني يعني تخيلوا اذا صرت مسافر اقاربنا كلهم يقطعهونها مع اهلي لين ارجع

اُنشودة المـَطـَر

سوسو

.......

انا لاني عايشه من صغري قريب من خوالي فالميانة طايحة لابعد الحدود سواء هم او بناتهم
لدرجة ان خوالي الي ما بعد تزوجوا اناديهم باساميهم
ووحده من بنات خالاتي هي الاقرب لانها كبري واعتبرها اكثر من اختي
وعماني برضو مو رسميات لكن عشاني ما اشوفهم الا من فترة لفترة فاستحي شوي لكن بالصيف لا اجتمعنا بالديرة تطيح الميانة برضو والله احلى شي لا قعدت مع عماني واسمع سوالفهم << ايام الصيفية
الاولاد صدق ما نتغطى عنهم لكن موب نقطها ولا نقعد معهم وهم من اول ما يعرفون ان فيه احد خلاص ما يقعدون يروحون المجلس ولا الملحق



سلمى

VIOLETA

جحه آنني آحبك قد كثير

عيآل عمي مآآعرفهم آبدآ يعني مآفي آي علآقه تربطنآ فيهم غير آلآسم وطبعآ ثلآث آربآعهم مآآعرفم فعلآقتنآ جدآ رسميه
آمآ آولآد خوآلي آلكبآر آتغطى عنهم يعني حدي آكشف عن آللي بـ ثآني ثآنوي وعلآقتنآ بعد عآديه لآني آستحي منهم
وآنتِ جحه وش نظآمك !!.

Tayseer

اسره متحفظه جدا
هذا نظامنا

MţωlЗђ ƒέκ

معصي أكشف لهم
شوفي عاد نجي للغطاء والحوسه وكذا .. احنا جماعتنا موليه الله يستر عليهم <- يقالها طلعت منهم
يعني ولد خالي الحين في مستوى ثاني جامعه ونص البنات يقولون صغير ماراح نتغطى عنه وانا متآكده انه سنتين و معرس بس وش نسوي اذا الكل سااكت لا واذا اجتمعو وطلعنا من عندهم انا واختي قالو ليه ومن هالحكي واهم فالينها وطق حنك معه مرآت اقول يااحظهم ومرات اقول بقر مايفهمون <- كأني خربتها ؟

(( آهليين بنت عموو : آهليين بنت عمو ))


إذا سلم اكيد برد عليه .. واذا دخلت واهو بمكان بقول له ( ...... آخبارك ) وطبعاً كل شخص عن الثاني يفرق لكل وااحد ميانته ولكل واحد حد .. وكلهم مااكشف لهم < -- ياليل صجيتينا


(( القهوه ياولد العم ))

مآ أجلس معهم حتى لو ابوي فيه او اي من ينوبه واذا دخلو واحنا نتقهوى قمت الا اذا مو مطولين ..

(( صبر نتغطى .! ))
<-- الظاهر حفظو صوتي وصار يتكرر في مساامهعم وانا موب حولهم من كثر مااقولها
احيناً اذا درو اني فيه قالو اصبر نتغطى <-- يقال لهم يطنزون علي


:

وعيال اخوالي ماشفتهم لي 5 سنين , اللي اتغطى عنهم ولا يعرفون شكلي لـأنهم منعزلين شوي ومايجون عند الحريم مثل عيال عماني


سلمى :
يااجعل يدين نزلت هالموضوع وارسلت لي الرابط وقالت ردي ماتمس النار
على فكره ترى مالي خلق ارد وقسم بس علشآنك

تؤبـر تسبدي

يآملحس ياسلمى يجوز لي حكيتس

وش اتغطى عنه اكبر ولد عم عندي في ثالث ابتدائي

الله يسلمس احنا من الناس المحافظين يعني لامن بلغتي وحسو ان شكلس نضج شوي غطوس

عاد انا كل طفولتي ومراهقتي مع اولاد كنت اكره البنات احس انهم ماصلات وتسذابات

ويوم اني وصلت اظاهر بثاني متوسط كان في العيد وكنا عند خوالي وتوها امي تسلم على ولد خالي وسحبته عشان تحبه

فهو يحسب كلنا كذا قام حبني انا بعد همين بعد شوي قالو تغطي خلاص فنفس اليوم

فكانت هذيتس قبلة الوداع

وولد عمتي ياني فاصخه الحياء معه دايم لاجتمعنا في استراحات يدخل عندنا ونجلس بالجلال ومايسولف معه الا

انا وقبلي هواش معه حتى ان امه عمتي تقول استحو على وجيهكم وهو يقول بنت خالي عادي

بس الحين ماعاد صرت اشوفه ياخساره

يعني الغالب عندنا لامن بلغو تغطو وبعض الاحيان يتغير هالشي على حسب دلاخة الولد يعني يجي بعض الاحيان يبلغ الولد ويحس انه رجااال خلاص وخرو عنه بس ويقول خلو البنات يتغطون عني خلاص كبرت

أكثر شي اذا وصل الولد لاولى ثانوي يتغطون عنه

واكثر شي اذا وصلت البنت لثاني متوسط !!

وانا اشوفه ازين شي

دوس سلمى ياسبدي

R e B e L

بيـرُوت

اتخيلني طاقه الصحبه مع محمد ولا خالد ويجيني محمد يصكني هـ الكف الحلاقه اللي يحبه قلبي

ابد نظامنا نظام تقليدي بحت الولد يلبد بالمجلس والمقلط والبنت تسرح وتمرح بين ثنايا البيت
من اول ايه ياحزمي الضامي كنا عادي يعني ياولد العم اقلط بحسبة كل اللي كبري واكبر عيال
بس الظروف اقوى من الزمن ولو بيدي جلست الا عشعشن عندهم احد يحصلها جلسة ابضايات وتقول لأ .؟!
تكفون تشبعت من سواليف بنات خالتي لاعرست بحط كيذا وبكوشتي بسوي كيذا

سلمى

f a m o u s

على فكرة أحس الموضوع مأخوذ بتقليديه واعتياديه ..
يـعني مع الكلام هذا كله // نسينآ أن ولد العم وولد الخآل .. لآ يقآل عنهم محرم

يـعني لآ فرق بين الغريب وبين إبن العمـ إلا الطفولة والقرابه
وبالعكس اذا بنت عمي اعتبرها مثل اختي .. فالمفروض أكرمها وما اكشف علياه .. لأني ما ارضى احد غريب يشوفها .. ليه ارضى على نفسي اشوفها

يعني بيننآ أيآم حلوه بالصغر .. وما راح ننساها // بس البنت في فترة ما تتغير ملآمحها وتتغير شخصيتها وكل شي فيها
فأنت ما يجوز لك تخالطها وتفكر تنآظر فيها

ومثل ما قلتي يا سلمى .. أنا اشوفها الان من تقاليد العائلة ..
البعض يأخذها بمنطق أن ولد العم وولد الخال مثل أخ البنت
والبعض يأخذها بمنطق العادة منذ الصغر

::

بأمآنه بالنسبة لي .. اتنحى عن الاختلاط مع بنات العم او الخال .. ومن ناحية الكشـف هذي مستحيله
أنا من نفسي ما اقبلها سواء كآنت كبيرة أو صغيره ..
أما الكلام بـ[ كيف الحال ] إذا تصادفنا .. ممكن تصير معي إذآ كانت كبيره عني
لو كآنت صغيره مشكله


::

الموضوع مجملاً أننا أخذنا الموضوع بتسآهل ع فكرة .. في مشآكل تحصل من الاختلاط بين الاقارب
والعوائل وعاداتهم تختلف .. وتفكير الابناء يختلف
فآلله يكفينا الشر

::

وبالنهاية عيونيـ مآ أبيهآ تتكحـل إلآ بنظره شخص واحد يخليه لي ربي
<-

حسنـآء الثقـبة

المبتسم

بالنسبة لي حافظ أشكال بنات عمي وخالي وحتى بنات الجيران.... أيام

ما كنت صغير ... لا يروح فكركم بعييييد...

بس الحين بعد ما كبرنا الوضع طبعاً إختلف يعني الحين ما أقابل ولا وحدة من

قريباتي ولا يكشفون علي .. حتى لمن أقابلهم بالصدفة إذا زارونا بالبيت

يوم يشوفوني يشردوا ... ما أدري ليه... ؟؟؟ تهقون عشاني حلو يستحون

مني... .. لكن إذا قابلت أي وحدة بالصدفة وكانت متغطية أسلم عليها

وأسألها عن أخبارها بس... وبالنسبة لأقاربنا أعمامي وخوالي الحمد لله

دايماً نتقابل بإستمرار سواء بإجازات نهاية الإسبوع أو الأعياد....

من وجهة نظري أعتقد أنه لمن الواحد يتقابل مع بنات عمه او خاله بإستمرار

وما يتغطون عنه ما يقدر يتزوجهم بعدين لأنه يحس إنه متعود على هذي

البنت كل شوي يقابلها ويشوفها وما رح يتغير في حياته شي وأغلب إللي

تزوجوا بنات عمهم أو خالهم هم إللي كانوا ما يقابلوهم ولا يشوفوهم قبل الزواح ...
وبصراحة ما في شي أسمه أعتبرهم زي خواتي أو أعتبرهم زي أخواني هذا

الكلام غلط وما يجوز... <<<<<<<<< قلبت الموضوع صار للنقاش..

فيه حديث بما معناه .. أنه سئل الرسول صلى الله عليه وسلم عن الحمو

فقال عليه الصلاة والسلام (الحمو الموت)...


سلى كعادتك مبدعة.....