سلمى

RahoOof

.
.

لآ سونآتي يآ ـآمي سونآتي ,

..

ـآلشغآلآت مهوب كلهم نفس ـآلطينة , ـآعرف نآس شغآلتهم يعآملونهـَـَـَـآ زين يعني ولآ يفوتهم ولآ رآتب ,

مع ذلك سحرت بنتهم .. وطيرتهآ في مزرعة عند شآيب ومرته في ـآلبآحة ,

..

مآ ـآقول إن ـآلشغآلآت دآيم مظلومات .. لآ .. فيه كيذآ وفيه كيذآ ..

سلمىآ ..

موضوعك يحكي وآقعنآ هالأيـآم ,

مآ ـآقول ـآلآ ـآلله يكفينآ شرّهم إن شآء ـآلله ,

.
.

myth

.






الله عليك يآ سلمىآ
والله موضوعك عالجرح ,’ وكثير شغآلآت عندنآ بالسعوديه تعآني
والنآس مدري وش بهم صآيرين قآسين ومآعندهم قلب ولا رحمه !!
ما أدري وش تحس فيه صآحبه البيت ( المدآم ) لا ضربت الشغآله علىآ أتفه شي وإلا نآدتهآ بـ ألفآظ يستحي الوآحد يقولهآ
طيب ماتخآفين من الله بكره تنقلب عليك الدنيآ وربي يحط بنآتك , وإلآ إنتي بنفس مكآنهم !
وين الرأفه والرحمه إللي وصآنا عليهآ الرسول صلىآ الله عليه وسلم
وإلا مسلمين بالأسم بس !!

يعني إذآ غلطت الشغآله , مو مشكله مآفي إنسآن مآيغلط .. لآزم نعفو عنهآ
عن عبد الله بن عمر قال: جاء رجل إلى النبي صلى الله عليه و سلم , فقآل: يآ رسول الله كم نعفو عن الخآدم ؟
فصمت ، ثم أعاد عليه الكلام فصمت.. فلما كان في الثالثة قال: " اعفوا عنه في كلِّ يومٍ سبعين مرَّةً "
أرحموآ من فـ الأرض , يرحمكم من في السمآء , الله يرحمنآ برحمته






بالنسبه للشغآلات عندنآ الحمدلله
أنآ أحس أن أمي وأبوي بالجنه إن شآءالله من معآملتهم مع السوآقين والشغآلات
يعني أحيآن قسم بآلله أغآر من الشغآله لدرجه أن أمي دآيم تقولنآ ( هآذولي بنآتي محد شآلني إلا هم )
والحمدلله المعآمله الحسنه بآنت فيهم يعني محترمآت ولا يأذون ولا ينآفخون , الله يتمم عليهم يآرب
كثير حريم يقولون لا جوآ ينصحون أحد عنده شغآله جديده : أدقميهآ أكرفيهآ لا تدلعينهآ , عشآن ماتتمرد << الله يشفيهم
بالعكس , أنآ أحس تعآملينهآ معآمله وسط .. مو مره تعطينهآ الحآبل عالنآبل , بس أهم شي ( لا نظلمهآ )





لا يكون طولت عليك بس ؟
تحمست مع الموضوع ومآحسيت بنفسي


سلمىآ ,’ يعطيك العآفيه





.

Saudi American

what i really think is that Wallah spoil
we don't have to have it
or else we die ?
not really
but the Saudis just got used to it
if it was up to me i wouldn't even
thought about get the nano
or the house keeper to the home
but what can we do
that is the Saudi style i guess

f a m o u s

سـلمـى / أهـنيك كالعادة على طـرح المواضيع الأسريه والاجتمآعيه باستمراريه

بالـنسبة لموضوعكـ [ الخدم ]
هـو مصطلح من قديم الزمان يطرح على الاناس الفقراء المحتاجين . الذين يبحثون عن لقمة العيش ولو بالمهانة والذل .
ولكـل زمان خدم
يوم نقرا القصص والروايات . نعرف الاختلاف الجذري بين الخدم في زماننا هذا . والخدم في الازمنه والعصور القديمه المختلفه

الان اختلف كثير . في القديم كانوا يسمون [ عبيد ] .
وفي عصور كانوا يسمون بـ[ الخدم ] . ولـكن بإخلاص وبأمانة وحب
لكن بالوقت الحالي [ خادمة ] مأجوره . لـفترة معينه .

طـيب . لمـآ نفـكر بعقلانيه . [ إنسانه جايه من بلد فقير . وتبحث عن لقمة العيش وتبحث عن اي وسيلة للوصول الى المال . ]
أنا بطبيعتي لابد إني اتوخى الحذر : إن كنت مجبرا على استدعاء الخدم . سواء بالمراقبة او بالتهديد او بأي طريقة ممكنه . تؤدي الى منع خطورة الخدم
ولـكن بالاساس أنا اقول [ الله يغنينا عنهم ]

بكـل أمانه صارت لنا قصص كثيره مع الشغالات ومن صغري ما اذكر جاتنا خادمة بإسم خادمة
بالعـكس . تجي [ مخربة ]
الاغلـب من هالخدم يبيـعون الامانه لأجل المال .

يـعني الانسان ما يرتاح بصراحه بالبيت وفيه انسان غريب .. اذا كان من جنسه فما بالك اذا كان من الاجانب

::

عمـوما يمكن دخلت بموضوع ثاني .. لكن اللي ابي اوصله :
أننا بعد عناء . استطعنا التخلي عن الخدامة . ولنا فترة مرتاحين بالبيت
كـل شخص يقوم بدوره بالبيت .. على الاقل نشعر بالامان .
بعد المشاكل العديدة اللي واجهتنا من الخدم
مـو سوء فينا والله / بالعكـس اتوقع افضل معاملة بالدنيا مع الخدامات كانت مننا
لكن الظاهر الدلع الزايد


::

بـيت بدون سواق وشغـآله [ قمة ] الامان


شـكرآ سلــمى

فصفص

سلمى آي هيت يو

وش معني منزله موضوعك في هالوقت بالذات هاااه

صدق والله البيت مايسوا بدون شغاله

وفي نفس الوقت فيه ايجابيه وحدهـ يصير حريه اكثر بالبيت

تشوفين كلن يفتح غرفته ولا يحتاج يقفلها والفلوس مرميه بالصاله

واخواني يرمون نفسهم بأي مكان وينامون عادي مافيه اشكاله


وماتعرفين قدر الشغاله الا اذا راحت وشفتي القدور والمواعن بعد الغدا ياوتش

توتس ماليه بطنك وخدرانه وش لك نفس تغسلين ذولا

وغير كذا انتس شباب فيتس طاقه اكثر من الشغاله المسكينه تجيك حول الاربعين

ومع ذلك انتي بتتذمرين وتهاوشين مع اخوانك انت دورك تغسل انا غاسله امس

والشغاله الضعيفه بتاكل هوا وماتقدر تتذمر

الميزه اللي للشغاله بعد هي تاخذ راتب وانا لا

يمكن لو اهلي يعطوني راتب اتحمس للشغل اكثر وما اتذمر


حنــا باختصار شعب عجاز

اللي يقهر الحين يجيك واحد بينكت ويقول فيه زول جت زوجته طقت الباب وطلقها عشان عجزان يفتح لها الباب

الصدز المفروض تقول سعودي مب زول

والقي اللوم على طريقه الحياه عندنا بطر وترف ومب شرط يكون اغنياء لالا
يعني اعطيك مثال عشان توضح الفكره
منب قايله فلان قالي ولا علتان قالي بقولتس اخوي الله يصلحه مرهـ عزم صديقه وتغدو بالملحق ويوم خلصو خمو السماط ورموه في الزباله << زين بعد رموه ماخلوه

المشكله وين ؟ يوم شفنا الزباله والاكل اللي فيها قسم بالله رز يشبع 3 بالراحه ونص دجاجه وعلبه مايونيز كله بالزباله

طيب ليه كذا تكبونه الجواب اكيد عجزانين يوصلونه للمطبخ




<< فجأه حسيت السالفه مالها دخل بالموضوع





طيب خل اقولك سالفه لها دخل


ولد عمتي عايش عندنا بحكم دراسته وينام بالملحق واخواني صاروا ينامون معه
الموهيم يوم الجمعه نزلت كنت ابي القهوه باتقهوا قلت لامي وين القهوه قالت روحي شوفيها بالملحق
وكانوا يصلون الجمعه ومافيه احد رحت الملحق والصدز اني ماقد طبيت الملحق من يوم جا ولد عمتي يعني كنت اخبر الملحق فيه ملامح جلسه ارضيه وزوليه مكرونه ومشب وشاشه تلفزيون قسم يوم جيت دخلت الملحق وشفته آوووه ماي قودنس
شي شي خيالي ماله اي ملامح كله طبقات ملابس مرميه وتي شرتات وجينزات وبطانيات ومخدات واوراق وملازم وسي ديات وفطاير لوزين وعصيرات ولابتوبات وكل متطلبات الحياه الفطريه السعوديه مرميه فيه .. حتى احس اني يوم جيت اجيب القهوه اخذت لي نفس وطبيت في بحر وجلست اسبح اسبح لين وصلت القهوه واعوذ بالله وشلون متحملين حتى بغيت اقترح عليه اقتراح اقوله جب سبرنق وحطه بمدخل الملحق وعلق ثياب الغوص والجزمات الطويلات بالجدار وحط لك دبه اكسجين بس تهقين بيلبسونها ولا بيتعيجزون .. والصدز اصلن مدري وين يجلسون فيه كله جبال واكوام ملابس وبطانيات الا ان كانهم ماخذينها كشته كل يوم يجلسون فوق طعس ثياب ويفلونها مدري عنهم عاد


صح اقولتس انا فوضويه منب مرتبه بس عاد هم وصلوا لمرحله مختس مايستوعب المكان اللي انتي فيه



يعني شفتي شلون كذا حنا سملق


اما لو تروحين لليابان تشوفين كيف طريقه حياتهم تختلف كثير ومن البدايه مربين عيالهم صح في المدارس بعد نهايه الدوام كل صف ينظف فصله ويرتبه ماعندهم شي اسمه عمال وعاملات


اما العلاقِه بين الشغاله والمدام يعتمد على المدام والشغاله

فيه مدام تسلبه وفيه شغاله تسلبه يعني ماتقدرين تلقين اللوم على احد

حنا علاقتنا بالشغاله رسميه جداً جداً وتكاد تكون معدومه يعني بس امي اللي تكلم الشغاله وانا احيانا
واكره شي عندي اذا صارت الشغاله تمون

بس الشغاله الاخيرهـ هي اللي حبيتها صارت علاقتي معها اوكيه اشتقت لها التسلبه








خلاص تعبت


اهم شي بالسالفه وخُلاصة القول شغالتنا بقالها 20 يوم وترجع
وياإيمي وينتس من دونتس خلا البيت





سلمى شكراً لانك خليتيني افضفض

تؤبـر تسبدي

ارجوك يكفي غياب ورد لي حـآلا ..تعبـآن ومحتاج لك يله متى ترد لي

لاتقول مدري ولا يمكن ولا لكن ..الحين ترجع لي يعني الحين ترجع لي


هذي سالفتنا هاليومين / الشغـآلهـ

والله احنا راحت شغالتنا من شوال ولا بعد قدمنا لين الحين

ومعاناة لين جاء بيجينا احد اكثر شي !!كل ذاك اليوم كررف خصوصا اننا اسره مكونه من بنتين وولد

عاد نجي للزبدهـ احنا صح سمعنا قصص كثيرهـ عن هالناس الي يظلمون الشغالات

وانتي ياسلمى ماجبتي الجانب الزين في المجتمع

يعني احنا الحمدلله يارب نعاملهم زين مانقومهم اذا نامو بالعكس امي تهاوشنا لين جينا بنقومها


مع انها تنوم بدري ولا قد تهاوشنا معها الا اذا قامت تتدلع تتكلم امي بس معها وبحسم ولا احد يمد ايده ابد ابد وصح اننا مانسولف معها بس يعني لو هي تبدا عادي نعطيها وجه

وتاكل من اكلنا ولين شرينا شي عطيناها حتى مانرهقها ابدا بالطلبات بالعكس احس انها تمل لانها ماتسوي شي كثير


ومن تالي صرنا احسن من اول بعد صرنا مانخلي الرجاجيل يدخلون عندها ابد في المطبخ ولا يشوفونها

حتى تعودو انه شي غلط انه يشوفها وهالشي ريح الشغاله ومرره ريح رجاجيلنا واحنا ارتحنا

وانا قريت مقالهـ انه في بعض مو كل بعضهم تصير هناك مثلا في اندونيسيا

عندهم دعارهـ او انها تروح مع رجاجيل يدفعون على الليله فلوس

فـ صارو يشوفون ان اهل الخليج يدفعون اكثر من الي هناك

فـ يجون عندنا ويحطون في بالهم رب الاسره او الولد او ان شاء الله السواق

وسمعت قصص كثير عن هالاشياء ..!!

عشان كذا نسوي الي فرضه ربي علينا الا وهو الحجاب وعدم الخلوهـ بينهم ونكون حذرين من تصرفاتهم

لان ربي اعرف في الي فيه خير لنا

ماقولك كلهم لان فيه بعضهم لا والله يحبون الستر وتصير جايه بس عشان تطلب رزقها !!

والله احنا شغالتنا الاخيرهـ ياهي نصابه كانت في البدايه لين مرت من رجال تمسك العبايه من فوق وتغطي عيونها وكل راسها عشان مايشوفها الحياء وامي اذا شافتها تقول ماشاء الله الحياء ذابحها

وفي ايامها الاخيرهـ اذا مرت وهي تسوي مانتبهت للرجال ولين علمناها تناظره وتمشي عاادي ولاكانه فيه شي

والله اننا قبل لاتروح نقول ليش تتدلع ماعندها شي تقوم متى مابغت وتنوم متى مابغت واحنا شويين وش بتنظف ورانا ولا فيه بزرآن ولا شي
ويوم راحت ماقول الا الله يحللها ويبيحها

ومانسى انها اول مرره تجينا دبا زي كذا
كنت اول من النوع الماصل اذا شرو لي اكل ماكله على طوول بعض الاحيان انوم عشان اذا قمت اكله واحطه في الثلاجه

ولين قمت القاها كلت أكلي كله


سلمى ياسبدي والله احبتس واحب مواضيعتس

متألقه دائمـآ مع ان عندي اختبار بكره بس موضوعس جذبني

’ ’ M o i

الحين مب المنقول ممنوع !!

..

بس صدز البيت بدون شغآلة مآيسوى

شغآلتنآ بتروح بعد أقل من شهر
وبنعيش على شغآلة وحدة
يعني لآزمـ أرتب غرفتي كل يومـ
بنفقدتس يآفطومـ

..
شوكرآ سلمى

سلمى

MţωlЗђ ƒέκ

سلمى ..
ودي اكتب فيك معلقه
لاتقولين لا لاني حلفت <- برى


:


الشغالات ومااادراك ماالشغالات

شوفي احنا بيتنا ماافيه ولا شغاله ولا سوااق
ماافيه يشتغل الا انا مكروفه كرف الغزال <<
وطول الصبح وانا على رجل اغسل الثياب
والعصر اغسل مواعين الغداء واقطع دجاج العشاء
وامغرب قهوه رايحه وقهوه جاايه
وباليل انام بلا شرشف وبطانيه
< - يمديكم
احس اني رحمت عمري

المهم والله انا عندي الشغاله شي ثاني
احس انها حبيبتي خخخخخخخخخخخخخخخخ
اتمصلح معها بشكل اوب طبيعي , واذا معي شي اعطيها واذا طلبت شي زدت لهم فيه ,, واذا اي شي اي شي اهم معي فيه اكيد خخخخخخ
المهم اني اعدهم ..
واعاملهن زين
عاد عند امي تبون احلف لكم انها تعاملهم احسن مننا ؟
والله تغديهم وتحط غداهم قبلنا
وتقول لهم يااحبيبتي ومدري وش
يعني دلع × دلع

:

وبالنسبه للسواق ..
آنا ماتتركني امي اركب لحالي لو افحط
وبقول لكم ,, اهم شي لايجي يمني
قسم بالله وع وع وع
وبعد غيره وع اكيد ,, بس ارحم منه
تبين اقول لك سالفه ؟
طيب

مره ساافر سواقنا نيبالي يشوف اخوه بعد الحج
المهم ويروح ابوي ذا اليمني بداله ,, مايجلس بغرفته لا .. بس اذا بغيناه اتصلنا له وجاء .. المهم بعد فتره جاء ابوي من الدواام مخنفر
وش بك ؟
قال انتم قاايلين عند اليمااني كيت وكيت وكيت ؟
قالت امي لا بس اسولف وانا معه مااسولف له ,, ( يعني بالجوال او مع احد رااكب معها )
المهم ذا اليمني نشر الغسيل وفضح سوالف امي خخخخخخخخخخخخخخخ
بعدها حرمت امي تركب معه ,, تقول لو نقعد بدون شي
واشوا رجع النيباالي يااحليله

:

من يدين مانعدمها هـ الموضوع يارب

انتي قسيتي

اُنشودة المـَطـَر

الخدامة انسان ماحالفة الحظ يعيش حياة سهلة .. فاضطر انه يتغرب ويذوق شظف العيش لاكتساب لقمة شريفة
بغض النظر عن بعض نوايا الخادمات السيئة.. لكن الاغلب .. [ يقطعون القلب ]

بالنسبة لي اذكر لما كنت صغيرة ما جات خدامة الا لما دخلت المدرسة
وكانت موكلة بس للمطبخ وتنظيف البيت بس .. باستثناء غرف النوم

مرت سنين.. لما انولد اخوي سافرت الخدامة وهي بأشد الدعاوي لأمي وابوي لدرجة اني اذكر شكلها وما انساه لما حاولت تمسك يد ابوي تبي تحبها .. مو خيلاء مني اذكر هالشي .. لكن الحمدلله بحياة اهلي ما عاملوها باقلية وهذا السبب الي جعلها تبي تقعد .. لكن امي مبدأها دام فيه صغير بالبيت اذا ممنوع خادمة.. تحسباً للظروف .. خوف وعدم ثقة ربما
لما دخل خوي المدرسة استقدمنا خدامة وهي الى الان معنا .. تروح اجازات وترجع
بصراحة ... صديقتي .. اختي .. ما ادري وش اقول لكن بجد لما تسافر اجازات .. يشفني الشوق
لما دخلت المتوسط جبنا سايق لكن كانت شغلته ينظف الحوش - يسقي الزرع - يغسل السيارة
او ابوي يرسله مشاوير بسطيه لكن ما نركب معه احنا ..
قريب جات زوجته وهو الي بغا هالشي .. وصارت عندنا فنصير انا واخوي وامي نروح معه هو وزوجته دوامات الصبح
السواق ديـّن ومحترم وزوجته برضو الله يخليهم لبعض ياهم يحبون بعض حب
لكن برضو انا اصلا ما احب المشاوير الا اذا كان ابوي هو الي معي ولا ما تحلى الطلعة


×

بالنسبة للمهام والمعاملة هم ينظفون البيت واساعدهم انا وامي اكيد.. امي تنظف البيت وراهم وكأنهم ما سووا شي لكن غرفتي ما اخليهم يدخلونها
اولا امي ما ترضى تقول غرفتك انتي ترتبينها
ثانيا انا عن نفسي احب غرفتي انا اتولاها..

الطلبات : مستحيل وياويل ويلي انا او اخوي لو قلنا لهم : جيبوا لنا موية .. جيبوا لنا كذا
احتراما لسنهم..ما اتخيل نفسي اتأمر على وحده اكبر مني .. غير كذا كلمة : لو سمحت ِ - او - شكرا : ترى تسوي فيهم الشي الكثير والله

سمعنا كثير عن سوالف الخدم وصارت لناس نعرفهم .. اقربهم خالتي الي ابدا مو موفقة مع الخدامات

لكن الحمدلله بالنسبة لنا نحترمهم ويحترمونا .. يكفي ان زوجة السواق تهاوشني اذا سمعت اغاني .. لانها ملتزمة



سلمى : سكت الكلام لكِ قلبي يا قلبي

HEPSI

يا ربي ياكرهي لهم :/

خصوصاً الاندونيسيات ساحرات و شر اعوذ بالله

يعني نو واي تلقين لك اندونيسيه صاحيه

تجي ساحره وانا ما جت ساحره صارت سراقه

وانا ما صارت كل الثنتين صارت داشره <

جد والله الفلبينيه ارحم صح انها تخنفس وتعصب

بس كافيه شرها وماتعرف للسحر ..

يعني عندنا شغاله فلبينيه ياحياتي عسل تهبببل

اخلاقها مره حلوه ..

تروح وترجع لنا كم مره بس قهر طاري لها تسافر هالعطله =(




شوفوا الملح ياناس مبين من ابتسامتها انها كيوت صح


::

أنا عني ان شاء الله اذا تزوجت ماراح اجيب

شغاله ابداً , انا اكرف لبيتي مايحتاج

خصوصاً اني متعقده منهم :/

يعني حنا قد صار لنا موقف من الشغالات تقدرون تقولون مصيبه

جتنا منهم ..

من بعدها تأدبنا وصرنا ما نهملهم بنوب من اللي جانا .. لدرجه ان اي مكان بالبيت احتمال

تكون فيه الشغاله حطينا فيه كام , بوصي معايا هنا ..




وبس حسينا بالامان من بعدها ولله الحمد =) ..

::

سلومه

دايماً مواضيعك روعه مثلك ..

لكِ ..

الحب اللي كان

اول شيء سلمى والله يانتي شعله ماشاءالله عليك يعني احس بكره لاتزوجتي بتمشي امورك بدون شغاله خخخخخخخخ والله يابعدي حنا سالفتنا سالفه مع الشغالات .. يعني صح فيه من اخواني بثاره مهيب طبيعيه بس والله مهما كان نظل محترمين ونراعي شعورها .. ونراعي كل شيء بالنسبــه لي انا ما اذكر قد احتكيت مع شغاله ابد من اول عمري يعني اي شيء ابيه اروح لامي .. او اخواتي او اروح انا اخلصه يمكن بحكم اني انا اكبر واحد بالعايله .. بعدين لاتنسون يعني انا من خمس سنوات متغرب عن اهلي وساكن لحالي يعني الشغالات محترم معهم حتى بالويك اند اذا جيتهم .. والله اني اجيب لاخواني واجيب لها هي .. من باب العدل او الشفقه .. واحيانا والله اعطي اخوي فلوس واقول له رح عطها ..بس على حسب الشغاله وقدرتها على التحمل احيانا يجون دلوعات مايبون يشتغلون .. اذكر مرتين انحاشوا شغالات من عندنا ...

وطبعاً الوضع بالبيت يعني امي ماشاءالله لا الله الا الله ماتبي احد من العيال يكلمها او يقول لها شيء .. بس مره اذكر دخلت البيت .. والقى اخوي الصغير حموّدي يصييح .. وش فيك قال طقتني .. المهم رحت سالتها ليه كذا قعدت تنافخ وتقول هذا بزر ومدري وشو انا عاد هنا ماتحملت ..يعني وربي انا انسان منيب عصبي تقدرين تقولين بارد شوي .. بس ذيك المره ماتحملت .. حتى مجرد ترفع صوتها .. وامسك العقال ولينت ظهرها لين قالت امين .. وجتني من بكره تعتذر بعد رحمتها المسكينيه بس غصب علي ..

واذكر مره جتنا شغاله .. مؤقته طبعاً اندنوسيه .. البنت دلوعه .. وفيها ريح ..
واذكر كنت اجازه انا وجالس بالبيت .. وكنت اواصل لين الضحى وانام .. اذكر كانت تجي تتميلح عندي ... والله لولا الله ولطفه .. ولا كان ارتكبت الفاحشه خخخخخخخخ


الزبده الشغالات لوانا ماعندي مبدأ انهم يجون عشان يريحون امي .. ولا كان انا ما اقبلهم ..
يعني ودي اعيش في بيت بدون شغاله تحس بالامان .. يعني مو معقوله يجيك انسان غريب ويعيش في بيتكم ماتدري وش حياته وش وضعه وش سالفته ..يعني اذكر سمعت سالفه ناس جابوا شغاله .. فلبينيه .. المهم .. جاها وجع في بطنها ذا الشغاله وراحت الطوارئ ومدري وشو ... الزبده .. تخيلوا وش صار ...


طلعت رجال .. بعد الكشف بالصدفه تبين لهم ان الفلبينيه طلعت ولد ..
تخيلتوا الموقف .؟؟؟ طلعت رجال ..


طبعاً الكلام يطول عن الشغالات .. لكن هذا الي عندي الحين ..

إيه صح .. المدخل حقك

في غيبتك كل الليالي سهر !
تعب وارهاق وقهر !
مدري يادنيا متى الظروف تـٌمر!
ملينا من قولة صبر !

سلمى ههههههههههه طيب هذا انا احنا عزوبيه .. والحمدلله عايشين بدون شغاله وبدون شيء صح عندي هندي يجيب يدخل كل يوم ينظف الشقه يعني عقب حوسة الشباب والسهره ..
بس والله عادي .. يعني اطبخ واغسل واسوي كل شيء .. عادي .. الانسان يكون بطبعه رآيق ومايكون متملل .. يعني ليه يالي تشتغل تضيق صدرك .. وتقوم نفسيتك قافله .. صح خل كل شيء بس لاتفوت شغل اليوم لبكره والحمدلله والله ان الحـٍركه زينه مهيب تضر ابد ابد ..
تقبلي تحياتي بكل ود ... سـ ع ـد

براين بن جون

والله يا فيه ظلم كبير للشغالات

واعرف كثير من الحريم يعاملن شغالتهن معاملة شينة

وما يعطونهن رواتبهن ويخصمون منهن

وبعد كل هذا يجن الحريم ويقولن ( الشغالات غربلهن الله ما يقومن بشغلهن !! )