مضطهدة كلمتي !

حبيب الشعب · 17-02-2009, 08:18 AM

بسم الله الرحمن الرحيم

غريب ومسافر لحالي ودروب الايام تعابه
أدور المنزل العالي أزايم الحمل وارقى به
ما احب انا المركز التالي الاول اموت واحيا به
وش عاد لو ثمن غالي روحي على العز وثابه
ماهمني جمع الاموال زهاد بالمال واصحابه
من وشسمه اعيش بامثالي ادرس وادرس من كتابه

السلام عليكم ورحمة الله وبركاته

أهلاً وسهلاً سعادة القاضي فرزاتشي .. كيف حالك يابعدهم ؟
سعادة القاضي القدير .. تعرضت المدعوه " المنقهره " للظلم في يوم 2-2 من هذه السنة الميلاديه .. عندما دخلت على موضوع تغييرات اليوزرات وطلبت تغيير يوزرها إلى "نئطه " أو " نئطتين " او " ثلاث نئاط " وكان المجال لسطير أنه يضعني بالشكل المذكور أو بـ " ." " .. " أو " ..." .. بعدها قام يرد رد كله استهزئ في المذكورة أعلاه بقوله :
" مرفوض
ولمن خلصت الاختبارات راجعينا بلا عاهات ونفسيات يرحم ابوكم .
اجل نئطه ولا نئطتين ولا 3 وهلما جرا .. وينا فيه ؟! "

لماذا ؟ أولم يُذكر ان في هذا المنتدى ديمقراطيه تزن الكثير ؟!
أين هذه الديمقراطيه في هذا الرد الوحشي ؟! لو ذكر لي مثل ماذكر للأخ " يوسف" لكان الأمر عادياً بالنسبة إلي .. لكن فيه رده هذا أراد فرض سيطرته علي !! مع العلم إني وقتها كنت معطله لكن لم أسطي أن ارد خوفاً من الكلبشه

بعد هذة الحادثة وفي نفس الشهر بتاريخ 15 -2 جاء المدعو سطير وقام بكلبشتي بحجة اني قلت كلمة غير وصخه بتاتاً وهي لعبة قديمة أشك إن احداً لم يكن يلعبها في صغره .. وهي لعبة " زقربع " أنظر ياسيدي الفاضل إلى محرك البحث " قوقل " عندما بحثت عن هذة الكلمة ..
وجدتها في مواقع كثيرة ووجدتها ايضاً في أشهر المواقع بالمملكة العربية السعوديه .. وأكاد أجزم إنه لا يوجد " نجدي " يستعمل الإنترنت بكثره لا يعرف هذا الموقع يقول :-

وفي منتدى أخر :

اقتباس:

" مروق انت دحدر...رح اللعب زقربع في حبشه ... ملكع يالبى قليبك بشوف كاني حولك سيرت عليك "

وبعدها يقول لي " انذرناك بالمرهـ الأولى " أتعلم ياسيدي القاضي كيف كان أنذاره ؟! قام بالتعديل على الرد وقال " انذار ! " مع العلم ان الموضوع كان عباره عن شات !! يعني بين قوسين مستحيل أني ارجع للوراء لأشاهد ردي مرة اخرى وماانتبهت إنه قال لي إنذار والله الا بعدين ! وهناك من الأعضاء من يقولونها صريحه .. لكن مسكت على هالضعيّفه !!

وبعد ذلك

ألف علامة استفهام حول ذلك .. ماهذا الظلم العلني والصريح ؟! يقول الأسطورة انه سوف يتم فك الكلبشه في تمام الساعه الثامنة .. وعند الثامنة والعشر أجد نفسي أغرد خارج السرب ؟ <--- كلام قوي قسم بالله
أنتهت فترة الإيقاف ومازال الإيقاف عندي ! ماذا يدلك هذا ياعـادل ؟

سيدي القاضي .. اريد وقفه جادة بشأن هذا الموضوع .. وعن الظلم الذي تعرضت له

لك مني خالص الود ..

حبيب الشعب

V · 17-02-2009, 01:28 PM

بإنتـظار دفاع خصـمك - الاسطـوره - وبعـدها سيتـم النظـر في القضيّـه

A S 6 O R H · 17-02-2009, 02:04 PM

وعليكم السلام ورحمة الله وبركاته

" واذا قضى صبرك .. جّرب صبر غيرك "

كانك تحداني فـ أنا أقبل تحديك .. وأنسى الغرام اللي عن الماضي وأتحداك
ماني قايل عسى الله يهنيك .. الله يحرمك كل ما كان و وهناك
عسـى العمى يا خاين العهد يعميك .. ذاك الغرام اللي عن الماضي أعماك
عسـى ما تسمـع قريـبٍ ينـاديـك .. حيثك تجاهل صوت محـبـوب ناداك
عسـى الشـلل يعـوق رجلٍ تمـشيـك .. لـيـن تــنـدم ليه غـيـرت ممــشــاك

بسم الله الرحمن الرحيم .. وعلى بركته نستعين .. هـ التهم اللي موجهه لي ما تستاهل أني اطلع أوراقي .. لـ أنها بـ أذن الله منتهيه لـ الحق .. وبكل غرور وتكبر الحق معي بـ اذن الله .. يا سعادة القاضي مثل ما هو أمامي فيه كذا شكوى عني .. بحاول أرد على كل تهمه موجهه لي .. بس حاول أنت يا سعادة القاضي أن المحكمه ما تصير مرتع لكل متسول تسول له نفسه وتطن في راسه أنه ينزل قضية وهو متطمئن أن ما راح يجيه شين تسايد .. أنا ما أملي عليك يا سعادة القاضي وش المفروض تسويه .. بس لكل واحد منا وقت هو حر فيه ومخصص له .. ما يصير ما يمدينا نخلص من أشغالنا الا فيه شريحة من اممممم وش أقولك يعني ما تجي مثل عامة الشعب ممكن أقل ممكن أكثر .. هـ الشريحه تجي نافختن ريشها ع بالها عربده قدام الزقرت .. الله يرحم أيامن مضت نعلمه وشلون يطيرون الحمام ع أصوله .. ولا نخليهم سكات ينضحك عليهم بـ الحتسي .. ما علينا ما علينا من المسائل الشخصيه .. معليش سجيت بـ حديثي .

طبعا ً أن كان لي تهم باطله يا قاضي يا ليت كلن ياخذ حقه .. ومن الحين منيب متنازل عن حقوقي

# أول تهمة موجهه لي #

هذا ردي عليها .. بموجب كلامي اللي نزلته بـ موضوع تغيير اليوزرات

اقتباس:

السلام عليكم ورحمة الله و بركاته
صباح / مساء الخير .
اللي يبي يغير يوزرهـ يا طويلين العمر لازم يصير قد اللي يبي يسويه .. لـ انه لو غير يوزرهـ معصي يغيرهـ مرتن ثانيه بـ النسبة لي .. ولا هوب كل واحدن يغير يوزرهـ .. نقعد نشوف عاهاتن فيذا كلما خربت نفسيتها حطت حرتها فيذا اليوزر تبي تغيرهـ .

الرد رقم " 4 " من هـ الموضوع يا سعادة القاضي .. كان فيه طلب تغير أسم وتم تغير الأسم .. ووفقا ً للكلام اللي عليه خط من الأقتباس ما غيرت لها يوزرها المرة الثانيه .. وأكيد برد عليها عشان ما يصير لها حجة .. وبقولها كملي كلامي " ولا هوب كل واحدن يغير يوزره " .. اللي سجل بيوزره يتحمله .

# التهمة الثانيه #

بوجة نظري كـ إداري .. كلمتك تستحق العقوبة .. تكرما ً مني ليس إلا تم انذارك المرة الأولى .. ومنب مكلفن أو أشتغل عند أبوتس اللاحقتس وأقول أنتبهي لردودك وتراي أنذرتك .. الكل يحاسب نفسه .. وعلى فكرة " الملحق " لا تقارنينه بغيره .. والله لو أفضل منتدى وأكبر منتدى وأشهر منتدى بـ العالم كله .. ما ودي تفكرين انك تقارنين .. لـ أننا وبكل بساطه .. نختلف عن غيرنا .. والحمد لله اللي يميزنا عن غيرنا " أعضائنا الوفيين " وأرجو أنك تركزين ع الوفيين .. وأذا أشهر منتدى بـ المملكة العربية السعودية ع قولتس .. مشو ع السلبيات وسوو غلط .. المفروض أننا ما نمشي ع سلبياتهم .. ناخذ الايجابيات ونرد السلبيات .

# التهمة الثالثه #

أتوقع أن البرنت إدانة عليها يا سعادة القاضي مهوب علي .. لـ أن التوقيف أوتوماتيك مثل ما هو واضح بـ البرنت ومسجل لها .. وش السبب ومتى راح ينفك بـ التاريخ وبـ الوقت .. يعني مدري وش هـ الذكاء يومها تنزل الادانة عليها .. أقصد البرنت .. ودي أعرف هـ البرنت مأخوذ متى ؟! هو اليوم الأول أو الثاني من الكلبشة يعني الله أعلم فيها ..بس لنا عقول نفكر فيها .. وكلبشتها مدتها يومين .. يوم راح يمر الوقت فيه ع الوقت اللي طالع لنا بـ البرنت .. ويوم ما راح يمر فيه لـ انه يبي ينفك تلقائي .. بس أشوف أن التوقيف اوتوماتيك مثل ما سعادتك عنده علم بها الأمر ان الكلبشات اوتوماتيك تنفك بموجب السبب اللي يطلع للعضو معاه الوقت و التاريح أول ما يتكلبش .. يعني مهيب معقوله وصلنا لـ عام 2009 .. والعالم تحسب التوقيف يوم كامل .. يعني بوقفه الساعه 1 الظهر بكرا الظهر بدخل النت عشانه هو ووجهه وأفك الكلبشه خخخخخخخخخ .. معليش اللي كيذا متوقع ترا غلط عليه .. الكلبشة يتم تحديدها أوتوماتيك .. وشكرا ً ع البرنت اللي صار من صالحي خخخخخخخ

لايستفزك شىء.. كل شيء معقول
حتى ولوما أبيك .. صدقني أبيك ..!

V · 18-02-2009, 03:55 AM

بـعـد النظـر في القضيّـه وترتيـب الأوراق اتضـح لنا مايـلي :

- للكلبشـه نظـام اوتوماتيكي .. يعني راح تفـك الكلبشـه من تلقـاء نفسـها بعد مضي المدّه المدرجـه ونسبة الخطأ 0 % تستغفليـن ميـن يالمنقهـره ؟
- للملحـق سياسـه خاصّـه .. وليس بالضروره أن نكون ( كربـون) عن اشهـر موقـع بين الأوسـاط النجديّـه
- تغييـر الإسـم زي ما وضحـه خصمـك .. هو مرّه وحـده وإنتـي قـد غيّـرتيـه
فانتهـت فرصـتك
- لا أرى أي مشكـلة تستدعـي تدخل القاضـي في ردّه عليـك في موضوع اليوزرات

قررت المحكمه متمثـله بي انا محمّـد بن أبيـه مايـلي :

كلبشـة العضـوه ( المنقـهره ) لمدّة 10 أيّـام
لإطلاقها التهم بغير حق وبيان عدم صحتها .. !
كثرت مشاكلك يالمنقهره انتبهي لنفسك يبه

.
.

يا جمـاعه لحـد يدخلي المحكمـه بقضايـا .. خسـرانـه !!

17-02-2009, 01:28 PM	#2
V مراقب عام و قاضي الملحق	رد: مضطهدة كلمتي ! بإنتـظار دفاع خصـمك - الاسطـوره - وبعـدها سيتـم النظـر في القضيّـه توقيع » V . . ناظريني لين تحسدني العيون وان حكوا حسادي فيني وقالوا انك تعشقيني آه يا محلا السوالف والظنون 28 / 8 / 2009

18-02-2009, 03:55 AM	#4
V مراقب عام و قاضي الملحق	رد: مضطهدة كلمتي ! بـعـد النظـر في القضيّـه وترتيـب الأوراق اتضـح لنا مايـلي : - للكلبشـه نظـام اوتوماتيكي .. يعني راح تفـك الكلبشـه من تلقـاء نفسـها بعد مضي المدّه المدرجـه ونسبة الخطأ 0 % تستغفليـن ميـن يالمنقهـره ؟ - للملحـق سياسـه خاصّـه .. وليس بالضروره أن نكون ( كربـون) عن اشهـر موقـع بين الأوسـاط النجديّـه - تغييـر الإسـم زي ما وضحـه خصمـك .. هو مرّه وحـده وإنتـي قـد غيّـرتيـه فانتهـت فرصـتك - لا أرى أي مشكـلة تستدعـي تدخل القاضـي في ردّه عليـك في موضوع اليوزرات قررت المحكمه متمثـله بي انا محمّـد بن أبيـه مايـلي : كلبشـة العضـوه ( المنقـهره ) لمدّة 10 أيّـام لإطلاقها التهم بغير حق وبيان عدم صحتها .. ! كثرت مشاكلك يالمنقهره انتبهي لنفسك يبه . . يا جمـاعه لحـد يدخلي المحكمـه بقضايـا .. خسـرانـه !! توقيع » V . . ناظريني لين تحسدني العيون وان حكوا حسادي فيني وقالوا انك تعشقيني آه يا محلا السوالف والظنون 28 / 8 / 2009

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

		الساعة الآن 11:42 AM. Powered by vBulletin® Version 3.8.3, Copyright ©2000 - 2010, Jelsoft Enterprises Ltd. TranZ By Almuhajir Content Relevant URLs by vBSEO 3.3.0 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47