رامي

اُنشودة المـَطـَر

المبتسم

رامي وانا أخوك والله جبتها على الجرح بموضوعك...
لي عودة إن شاء الله لموضوعك... بس الحين أنا في عجلة من أمري...

MţωlЗђ ƒέκ

رآمي
ولكمو وينك من زمان عننا

:

بالاول احب انبهك أنو عيالنا أغبيا يبي لهم فوق الـ 6 ساعات ست ثانيه يالله يستوعب
شوف الدليل اننا والهند في نفس المستوى
أو ان فينا شطاره زايده , ونحب المدرسه علشان كذا حاطينها 6
انا اذكر اني اذا رجعت من المدرسه اول تجيني غلقه
يعني تقدرون تقولون فتحيه تحب المدرسه
اضآفه لـ أني احب اذاكر واتحداك تسألني الحين جدول الضرب ومااجاوبك اياه كله <- اذا جاوبت اللي بعد 2 صكني كف

انا شفت وهم قالو لي في التعليم !
ابيها تجي أسم تصميم مااش ماركبت
دخلت وعرفت السالفه

ويوم يرجع من المدرسه تسأله ياولدي وش استفدت يقول ولا شىء
وش بلآك نسيت حصة الوطنيه ؟
كل العيال بيجون فاهمينها والدليل شق بالرجل يقوطِر دمآآن

قاله المدير ايه صح بس ولدك يستحق النجاح من وجهة نظر المدرس
صدقني منجحينه يبون الفكه ..!
مايهمهم جاب معدل جاب درجات ان شاء الله جاب عفريت ومااعرف يكتب اسمه اهم شي انه وصل مرحله وعدآها مايهم نجآحه فيها !!
آعرف مدآرس كثيره مااشيه بالاسلوب الفاشل هذا !!

اما عدد الايام احنا 4 اشهر يعني 240 يوم
اما الطلاب اللي بالخارج اقصى عدد وصل الى 210 يوم فقط
اقرب دوله لنا الهند 233 يوم
ترى فيه غلط
الـ 4 شهور = 120 يوم
يعني غلط بـ 2 المفروض تكون ( 1 ) بكل اللي بعدها

الشرهه موب عليكم الشرهه على اللي درسوكم
لا وتلاقيه مصري
لو يدرس في مصر والله مايتعدى راتبه الـ 300 ريال
قل له احمد ربك معيشينك <- شفت اجوا الدراسه كذا صح ؟
والبآل موب مع الأستآذ ابد , بس ننتبه للغلطه !

ثم يوم خلص قال لي يالله علمهم يا رامي يا بطل وش هو الجواب ؟
قلت له استاذ ممكن اروح الحمام

ههههههههههههههههههههههههههههههههههههههه
ههههههههههههههههههههههههههههههههههههههه
ههههههههههههههههههههههههههههههههههههههه
وقسم تقطعت مصرآني من هـ الموقف
وبعدين فالح يبيكم تبدعون اذا جاكم آحد
واذا محد جاي يعني عادي موب لازم تميز ؟
أذكر مره كنت في الصف , وجآت وحده من الاستآذات والله مااقد شرحت
ابد تجي تسولف وتقول لنا وش سوو بناتها وتطلع
لا ونسيت اقول لكم تقول لنا عن مضار الاندومي
يعني حصتها فلله
جاء يوم من الأيام جات لنا الحصه الاولى وتها طاايره ماابعد كدتها
قالت بنات رااجعو الدرس اللي رآح واقرو الدرس الجديد
علشان بتجينا المديره والتوجيه ويحضرون لي فيه
عآتي ماعبرنآها لأن ماعندها ماعِند جدتي
يوم جاء وقت حصتها الا وتجي وتوقف وتشرح ..!
عيوننا كذا ( ) من جد مفهين لـأقصى ردجه ,
ماانتصور شكلها وااقفه بجنب السبوره وتكتب ابد
بس ماعليه عدا ذاك اليوم والسنه اللي بعدها عادت نفس الحركه يعني عاتي
الدنيا سعه يااخي وش فيها اذا ماشرحت أها علمني ؟
هذاني نجحت الحمد لله


1. من هو السبب الرئيسي في تدني مستوى التعليم في السعوديه ولماذا ؟
للأسف المدرسين ..
بتقول لي ليه ..!
انا اقول لك ,, الحين مو لو أن المدرس يجيك صاارم وشااد عمره على هـ الطلاب تلاقي الطالب يمشي في مادته مثل الألف ؟
الله يذكرها بالخير استاذه عندنا , وربي كل الصف شاطر بالموآد العربيه منها " "
تخيل صآآآآآآآآآآآرمه مره مره , بس والله تضحك وش احليلها بس كل شي تشوفه في وقته حلو ..
اتحدآك يجي احد ماحل الوآجب في حصتها , لا وبعد نذاكر الدرس الجاي
ومدرسة الدين والله في حصتها انوااااااااع السوالف وحتى بالأختبار نغش واهي تشوف
يعني الشي الأول والأخير اشوفه من المدرسـ / ـه
بس مو معنآته أنو البيت ماله دور لا آكيد بس المساله نسبه وتناسب !!

2 . كم تتوقع الساعات المناسبه لكي يتقبل الطالب الماده العلميه الموجهه اليه ؟
والله شوف ،، عيالنا اول الصبح نايمين يعني ماتحسب من الوقت اللي هي ساعه
قبل الفسحه متنشطين يجهزون اكلهم وبعدها نشااط الأكل بااقي فيهم , اذا قربنا للظهر تلاقي رووسهم على الطاوله من الخدره ينرحمون من الصبح واهم يكرفون الضعيفين
يعني كل اللي درسوه 3 ساعات وجينا مثل فانزويلا

3 . اذكر لنا موقف الله لا يهينك مضحك ولا اي شىء مر عليك ولا سمعت به ؟
انا اختي الصغيره ماغيرها اللي تبي بطاقة صرآف ذيك . ايه ايه هي ادري عرفتوها
تدرسها مدرسه مصرييييه E وقسم انها كووووووويسه
من يوم جتهم وآختي اشوا في هـ الماده يعني تناقشك شوي
المهم تسولف اهي وبنت خالتي قالت لها ان المدرسه تعلمنا انقليزي وتشرح لنا على مجسمات ومدري وش يعني ان المدرسه كويسه
راحت بنت خالتي نشبة في ابلتها في مدرسه ثانيه الا تبيها تشرح على مجسم واتصلو على امها يقولون لها بنتك تبي مجسم ماندري وشو له
قالت اسفهوها وانا اعلمها وش تبي في البيت

:

رآمي موضوعك رآق لي
ونقول يالله عساه يوصل للجهات المعنيه
لكْ , ولآ عاد تقطع

رامي

اُنشودة المـَطـَر

صحيح كلامك ولكن الغلط الرئيسي تقريبا او اغلب الخطأ من الدكاتره
يجيك الواحد يشرح على قد فهمه هو ماهو على قد فهم الطلاب والطلاب عاد يفهم نص المعلومه ويمكن مايفهمها بعد
وفي الاخير يلقى نفسه ناجح بـ 60 واللهم صلي وبارك

اقتباس:

على حسب كثافة المادة ، يعني مو معقول رياضيات حصتين ورا بعض السادسه والسابعه احيان، وبعض العقول تقفل بعد مرور 45 دقيقة ؟! يعني اذا كانت المادة كثيفة اتوقع شوي شوي ، حتى لو نص ساعة في اليوم ممكن يجي احد ويقولي طيب كيف بنغطي المنهج طيب سنين واحنا ندرس اشياء كثير كثير كثير ، ما شفت الا يمكن 20 بالمية بالريضيات فادتني قِس على هذا بقية المواد

الغلط الكبير واللي من جد مايسويه واحد بالابتدائي انك تحط الرياضيات او اي ماده علميه صعبه بعد الحصه الخامسه
لان يجيك الطالب خلاص هلكان وتعبان ومايعرف الله وين حاطه وتجي تقوله جذر 5 كم ؟
احلق شنبي ان حب الماده ولا فهم له بعد

ومواقفك جدا رهيبه وممتعه وجميله واضح عليك ماشاء الله شاطره
الله يوفقك بدراستك وان شاء الله نشوفك في اعلى المراتب

رامي

رامي

متولعه فيك

اي والله بس وش نسوي مشاغل الدنيا و الدراسه واشياء كثيره

اقتباس:

بالاول احب انبهك أنو عيالنا أغبيا يبي لهم فوق الـ 6 ساعات ست ثانيه يالله يستوعب شوف الدليل اننا والهند في نفس المستوى أو ان فينا شطاره زايده , ونحب المدرسه علشان كذا حاطينها 6 انا اذكر اني اذا رجعت من المدرسه اول تجيني غلقه يعني تقدرون تقولون فتحيه تحب المدرسه اضآفه لـ أني احب اذاكر واتحداك تسألني الحين جدول الضرب ومااجاوبك اياه كله <- اذا جاوبت اللي بعد 2 صكني كف

خخخخخخخخخخخخخخخخخخخخخخخخخخخخخ
هو صدق ان الغالب انهم سيئين وخصوصا اللي بالابتدائيه ولا المتوسط اللحين
كل واحد همه كيف يضرب اللي قدامه وكيف يصفقه صفقه تخليه يصيح
ماشاء الله عليك واضح انك تحبين الدراسه مووت بعد

اقتباس:

انا شفت وهم قالو لي في التعليم ! ابيها تجي أسم تصميم مااش ماركبت دخلت وعرفت السالفه

ان شاء الله الموضوع الثانيه تشوفين تصميم + موضوع واشياء ثانيه ان شاء الله

اقتباس:

ترى فيه غلط الـ 4 شهور = 120 يوم يعني غلط بـ 2 المفروض تكون ( 1 ) بكل اللي بعدها

لا هذي الاربع اشهر مدري وش خلاني اكتبها
انا اقصد على طول العام يعني الفصل الاول والثاني


اما موقفك فضيييييييييييع
زمان نحب اللي كذا اللحين لو اسئلك عن مادتها ماتعرفين ولا شىء وخصوصا اذا كانت ماده علميه ماتقولين غير ها ووش
وياكثر اللي مرو علي مثل مدرستك كثيرين والله بس يالله الحمدلله انهم بالاسئله حلوين

اما الابله حقت العربي ياليت كل المدرسين والمدرسات مثلها صدقيني بيكون فيه تطور تعليمي واضح مررره ويكونون الطلاب مثقفين موب مثل اللحين يا كافي
والحمدلله ماحطوك وزيره للتربيه و التعليم اجل 3 ساعات حرام عليك ،
انزين قولي 5 ساعات تنبلع اما 3 لو حطيتي هالقرار بيسمونك حبيبة الشعب

اقتباس:

انا اختي الصغيره ماغيرها اللي تبي بطاقة صرآف ذيك . ايه ايه هي ادري عرفتوها تدرسها مدرسه مصرييييه E وقسم انها كووووووويسه من يوم جتهم وآختي اشوا في هـ الماده يعني تناقشك شوي المهم تسولف اهي وبنت خالتي قالت لها ان المدرسه تعلمنا انقليزي وتشرح لنا على مجسمات ومدري وش يعني ان المدرسه كويسه راحت بنت خالتي نشبة في ابلتها في مدرسه ثانيه الا تبيها تشرح على مجسم واتصلو على امها يقولون لها بنتك تبي مجسم ماندري وشو له قالت اسفهوها وانا اعلمها وش تبي في البيت

هههههههههههههههههههههههههههههههههههههههههههههههههه هههههههههه
اجل تبغى تغير طريقتها عشان خاطر عيونها يا حليلهن البنات ليا غارو من بعض
اما اختك ماشاء الله تحب الفشخره مررررره ، الله يستر عليها ويحفظها ان شاء الله

متولعه فيك مدري وش اقول لك صراحه ، ما اقول غير الله يوفقك ويسعدك ان شاء الله

تيم الله

يا رجال يا كثر ما أنحشت من المدرسة خصوصاً في ثاني ثانوي لدرجة بأن أستاذ الكيمياء و أحنا منتصفين يقول : أنت معنا .. ؟
طبعاً الحمل مو بس على براءة الطالب , النظام كله متخلف من القرارت حتى المدارس , لا اجواء تفتح النفس و لا مناهج و لا تطوير مواهب , الدراسة 12 سنة تحدد شخصية الطالب من ناحية الطريق المظلم , في هالدراسه ممكن تسوي اشياء تعجز عنها لو انك في احد مزارع ديراب ولحالك .

اجل بالله عليك شفت مدارس حكومية اوقات البريك سندويتشات الفطور محقونه حقنّ !! اذكر الكاكو إذا قلبتها لقيت فيها حقن أبر , لأنها تحقن بالجبن .. ههههههههههههههه خبز مدمن ..!
وغير هذا لو شافوك تدخن ( برا ) المدرسة مسكوك وسوا لك محظر ومدري أيش و في قائمة المخالفات اتوقع حتى المخدرات ما عليها فصل , وغير كذا مدرسين ونظام الاستقعاد !!

واذكر بأن مدرس الحديث كان يقول ماراح تنجحون الا اذا شريتوا اشرطتي في المكتبة الفلانيه و تلخصونها وتجيبونها لي عشان انجح كم , الواحد يحمد ربه بأن طلع من هالتعليم وهو بخير ..

وحتى الكليات , دكتور مادة السلامة المهنية عندي يقول عطيتك حرمان , ويوم نشبت له وخليته يطلع اوراق الحضور ومعدلات الغياب ونسبة الساعات طلع عندي محاضرتين يعني اسبوعين اقدر اغيب فيها لأن المادة علينا مره بالاسبوع , و قال لمي : خلاص انا عطيتك اسبوعين اكراميه لك ( صح يا ابو اكراميه ) ..

سلمى

ريمي

رامي

يا سفابك ! ، سلمى ، ريمي

الله يعطيكم الف عافيه ماقصرتو والله يكثر خيركم
اتشرف بردودكم والله على راسي

فيتو

للأسف التعليم لدينا يعاني الكثيير ويحتاج للكثير من العمل .. ولو قعدنا نتكلم من اليوم

إلى باكر ماراح نقدر ننتهي من مشكلة التعليم عندنا .. تجي للمدارس الحكوميه المدرسين أغلبهم لايستحقون

أن تطلق عليهم اسم مدرس والسبب المدرس نفسه ليس مهيئ للتدريس بمعنى تفكير أغلب المعلمين منصب

على إنهاء المنهج بأي وسيله وأخذ الرااتب فقط .. أما كيف يوصل المعلومه للطالب بأسهل الطرق أو التأكد

من إيصال المعلومه بالشكل السليم أعتقد أن مثل هذا التفكير غير موجود لدى المعلم .. المعلمين يجب قبل

أن يعين المدرس أن يوجد هنالك دورات تهيئ المعلمين ويكون هناك خبرات من وزارة التعليم تسخر لهؤلاء

المعلمين بعض من الأساسيات التي يجب أن يسير أو ينتهجها المعلم في التعليم ...

في الحقيقه قبل أن لاأختم كلامي وحديثي عن التعليم أود أن ألمح إلى التعليم في بعض المدارس الأهليه إن

لم يكن مجملها للأسف التعليم لديها بالعاميه ( سووووووووواليف ) ... والكل يعرف ذالك عموما لو حاولت

اتحدث المزيد عن هذه المشاكل التعليميه سأطيل ..

سأبرز المشاكل والعلاج من وجهة نظري رغما أني غير مؤهل لمثل ذالك ...

*** المشكله الاولى والرئيسيه من وزارة التعليم نفسها أو من يكون مكانها من الجامعات التي تتبعها المعاهد لأنو الرقابه شبه معدومه وليس هنالك تواصل ودعم قوي ...

*** الشده والصرامه على المعلمين غير موجوده أنواع سبل الراحه متوفره لدى المعلم مع أنه من المفترض أن تكون للطلاب ومع ذالك يكون العكس ...

*** مديري المدارس في الغالب هم من كبار السن ويحملون الفكر القديم وكل شئ لديهم ( مايخالف ولا عاد تتعودها ) ...

*** التباين في المدارس من ناحية التعامل ونوعية المدرسين والطلاب فلو أمعن النظر فيها سيجدون فروق كثيره وهذه مشكله ...


العلاج يجب أن تدرس المشاكل في التعليم لدينا وأن تحل مع أنني أشك في ذالك

لأن التعليم لدينا في حالة يرثى لها ....



تحياتي لك كاتب الموضوع ....