~ SelF EsteeM ~ مراسلكم من الملحق"

ريمي · 03-04-2009, 02:41 PM

ريمي · 03-04-2009, 03:15 PM

،،،

احترام الذات قضية بينك وبين نفسك وهي شي أكبر من إنك تشوف وجهك بالمرايه ، وتقول ( اللااااااااااااه أنا حلو ) أو مر عليك موقف ومدحوك وقلت : ( ايه ايه وقسم إني قوي ياحبني لي)
تقديرك لنفسك واحترامها يعتبر من تكوين الشخصية ، و يكاد يكون المحور الأساسي لها، لأنك على قد ما تحترم ذاتك تقدر تبرز مواهبك و وتنتج وتشارك في مجتمعك

وهذا بدوره يعكس شخصيتك ورأي الناس فيك اللي تشوفه في نظراتهم و انتقاداتهم. وفي الكفة الثانيه، ضعف احترام الذات يسلب الثقة في النفس ، حتى في اتخاذ اصغر القرارات البسيطة
وهذا الشي يخليك تحتقر نفسك وتدرك انك ما تقدر تجاري اللي حولك ، وتنطوي على نفسك !!
شوفوا البس كيف يقدر ذاته ويشوف نفسه أسد

بعد ذا البربره كلها ، يجيني واحد مواصل ومفهي ويقول وش احترام الذات هـ اللي انت ماسك خط تسبحن علينا به ؟
وعشان نقصر عليه الطريق نجاوبه ونقول:
احترام الذات متعلق بالطريقة اللي تشوف بها نفسك ، وتقدرها و تقيمها على اساس خبراتك وتجاربك اللي مختزنها في ذاكرتك ،،
والغالب من الناس يشوف نفسه بنظره سطحيه تتركز على المنظر ، وان مظهره هو اللي يعزز احترام الآخرين له
بس في الحقيقة ان احترام الذات وابرازها بالشكل الصحيح يختبئ ورا قدرتك على رؤية نفسك من منظار قيمتها.

فكل حاجه تسويها وقدرت انك تثبت ( لنفسك ) انك تستحقها ،
هذا يزيد من احترامك لنفسك واحترام الاخرين لك ، وتدرك إنك متميز وفريد وتستحق انك تحقق احلامك ، وهذا اللي نبيه
فإذا اعتبرت نفسك ذكي ، راح تشوف المواقف اللي مريت بها وتجاوزتها بذكاء وحكمة ، واذا اعتبرت نفسك غبي تبي تنط لك المواقف المش كويسه واللي اثبت فيها انك من جنبها
وهذا بدوره يزيد ثقتك بنفسك او ينقصها

علماء النفس يذكرون أن تقديرك لذاتك ينشأ معك من الطفولة ، تبعاً للبيئة اللي تعيشها ، والنماذج اللي تقتدي فيها بالحياة ، من ابوين من اخوان من أصحاب من شخصيات ،
يعني ما فيه احد ما عنده احترام لذاته ، هذا شي مغروس فينا من صغرنا لكن البعض يتأثر بالشخصيات اللي حوله ،
والبعض الآخر تقل عنده ( ما ابي اقول انعدمت مع الوقت ) نتيجة الانتقادات اللي تتوجه له والمواقف اللي يمر وبها ولا يستفيد منها لـتزيد احترام ذاته
تبي تقولون كيف احترام الذات وتقديرها ملازمنا من صغرنا ! انا اقول لكم كيف :
قس على نفسك يومك طفل ، أو بلاها ، الواحد منكم ما يذكر وش هو متغدي امس عشان يذكر طفولته
ويمكن ينقز واحد يقول انا ما عشت طفولتي ( مع اني ما ادري وش دخلها في الموضوع ) . فخلونا نلاحظ الأطفال اللي حولنا ، اذا سوا شي كنا ننتظره انه يسويه من زمان ،
مثلا ً يبدأ يآكل بنفسه ، أو التخلي عن البامبرز ويبدأ في استعمال بيت الراحة او يروح المدرسه لحاله، تحصله ينتظر اي مكآفأه من اي نوع ، على الاقل عبارات عبارات تقولها له ،
فواضح ان الطفل يملك احترامه لذاته لكن يخونه التعبير لنفسه ، فينتظرها من الاخرين اللي حوله.
عرفنا ان الطفل يملك احترام الذات ، بس من واجبنا كأهل نطوره ونخلي احترامه يكبر معه ، ونقدر نختصر كيف نسوي الشسمه في كم نقطه :
( الاتصال الجيد ، التقبل والتشجيع ، النجاح والانجاز)
- الاتصال الجيد : ساعده في كسب الأصدقاء ، واسمع آرائه الايجابية والسلبية عنهم ، اسمع له بكل اهتمام ، تكلم عن تجاربك مع الاصدقاء و اسمع رأيه ، فالطفل يدرك أنه مهم ويستحق الاهتمام اذا سمعت له
- التقبل والتشجيع : اذا كان المفحط يحتاج للتعزيز ، يحتاج لواحد يعزز له في مرتبة يمين ( هز الحديد ! الشارع شارعك !) ، يطيره بالعجه ، فالأطفال من باب أولى ،
ابحث عن الجمل والتعبيرات اللي تحفزه لتقديم الأفضل ، قارنه مع نفسه ( درجتك هذي احسن من الدرجة اللي قبلها ، موب عادتك تقل أدبك ، ... ) ،
لأنك لو قارنته مع غيره ممكن يسيء الفهم ويتحطم ويتغير سلوكه للأسوأ
- النجاح و الانجاز : بيّن له و ساعده كيف يضع له اهداف ويصل اليها بنجاح ( مثلا القراءة المستمرة ) ، خله يكتشف الجوانب القوية في نفسه ، حسسه بالمسؤولية

ممكن تشوفون هالورعه وش تقول عن نفسها :

هنا بليز

ومن المعروف إن الحرمان بالصغر له تأثير سلبي في جميع مراحل حياته لذلك جسدت لنا العبدة الصغيرة ذلك أيضاً :

هنا بليز برضو

(الصورة متعوب عليها )

بعد الطفولة تجينا مرحلة من أجمل مراحل العمر ( ايه صدقتك خخخ ) ، مرحلة المراهقة ، مرحلة البثور والحبوب أم روس بيضا ( وش ذا الوصف المروح يابوجوزيف) يزداد وعيك بذاتك فيها ، مرحلة تقدر تستفيد منها وتعزز لنفسك ،
والعكس تقدر تحطمك وتخليك ما تسوى شي مثلك مثل عدمك ، مثل اي رجل كرسي في البيت تقريباً زي ذا الوجه >>
تبدأ تجيك أفكار سلبية عن نفسك ، وتبدأ تركز على عيوبك أكثر من ما تركز على مميزاتك ، يعني تحاول تعوض عن عيوبك بطرق ثانية وتنسى تطوير واكتشاف مميزاتك ، يعني مكانك سر ما استفدت شي !

ركز على الانجاز بدل ما تهتم بالكمال ، حاول التعرف على شخصيتك من زوايا متعددة ، اعرف نقاط ضعفك وقوتك ، ولأن هذي المرحله تكون ذروة مراحل اكتشاف المواهب حاول تقدم على اشياء جديدة لين تعرف وش انت من لحية
وخل عنك التفكير وقت النوم تراه يعدم صحتك ، وإذا عرف المراهق انه مبدع في حاجه معينه او عنده موهبه يفجر طاقته فيها ، هذا يحفز احترام الذات عنده للأفضل ، يحس انه يقدر يفيد ويستفيد من اللي حوله

كل هذا كوم ومشكله الحريم مع احترام الذات كوم ثاني ! الكآبة واضطرابات التغذية و ضعف الانتاج في العمل و عدم الرضا على الشكل سببه الرئيسي ضعف احترام الذات ،

ما يخفى علينا دور الاعلام في هذا الشي من خلال الاعلانات لمواد التجميل او طرق تخفيف الوزن ، فيظهرون المرأة كئيبه وغير راضيه عن نفسها فتتأثر، ولا ننسى نظرة اللي حولها لها وسخريتهم ، والاهانات اللي تسمعها
طيب ، اذا فيه شخص يحس ان احترامه لذاته موب ذاك اللي ، يعني ناقص شوي أو أدرك انه يحتاج لدعم احترامه لذاته ، وش يسوي ؟
فيه بعض الممارسات اللي يقدر يسويها عشان يستعيد احترام ذاته ويقوي الصفه هذي فيه :

- ممكن انه يتخذ خطوات قصيرة ويسوي لنفسه خيارات صغيره ترجع الثقة في النفس والثقة في اتخاذ القرارات ، وكل ما زادت ثقتك بنفسك كل ما قدرت تمد رجلك لخطوة اكبر
- وفيه حاجة ثانيه يقدر يسويها اللي هي مواجهة المخاوف ، وتناسي الاخفاقات ( بس تآخذ درس منها ! ) ، والصعوبه موب في الفشل ،الصعوبه هي محاولات النجاح ، فإذا نجحت ووصلت لهدفك ، راح تدرك النفس انها قادرة على التحدي ، وهذا يزيد من ثقتك في نفسك وتعزيز احترام ذاتك.
- مكآفأة النفس لحظة النجاح ! وادراك انها تستحق الأحلام اللي تحلم بها ، وتستحق تحقيقها
- مقارنة نفسك بالآخرين ، و رؤية انجازاتهم ، موب عشان تتحطم و تقول لنفسك ايه هذا فلان شف وش سوا والا شف وش صار موب انا الله يخلف علي ! خل فيه تحدي بينك وبين هدفك ، وجاهد انك تكون الافضل
ولا تنتقد نفسك لأنك فشلت في محاولة ، اعرف ان اخفاقك هذا نتيجة لغلط في الخطة اللي انت مسويها ، راجعها وشف وين الخلل
- حدث نفسك حديث ايجابي ، وخل عنك السلبيات ( هذا اللي يخليكم توسوسون خخخخ ) ،مثلا ً: اليوم انا في كامل اناقتي ، ألقيت محاضرتي بكامل نقاطها وبنجاح ، أمي وأبوي راضين علي يا جعله دوم ، ومن ذا الكلام يعني
لازم يكون واضح عندك ان القلق هو الشعور المعاكس لاحترام الذات والثقة بالنفس ، وهو مو بالشعور السيء ولا الشعور الجيد ، ولكن هذا مؤشر يعلمك ان فيه شي خطأ وانك في حاجة للتصرف السريع والوصول إلى حل

بالمختصر القلق هو الوقود اللي يشعل نار الاستجابة للتعامل مع الخطأ ومن ثم تقديركك واحترامك لذاتك عند النجاح.

و لكم من قعر السؤال باقة

* هل تعتبر مسألة تقدير الذات شي ماله أهمية بحياتك ،، وإلا شي من أولوياتك ؟
* ماهي المرحلة العمرية اللي ممكن تتعمق فيها مسؤوليتك بتقدير ذاتك أكثر ،، من وجهة نظركـ ؟
* موقف حسيت إنك صدق تعزز عمرك وتريش بها وإنها تستحق هالتقدير؟

بالأخير تأكد إنك اذا بغيت احترام الآخرين لك ، قدر ذاتك و احترمها بالأول ، لتُحتَرَم

ريمي · 03-04-2009, 03:28 PM

شخموطة ~

بو جوزيف / لولاك ذا الموضوع ما أكتمل ياوخيي ،، وانت كنت الداعم القوي للقروب

كثر الله خيرك ورزقك الحرمة اللي تراعيك وتداريك ويرزقني إني أحضر عرسك وارقص لك واسوي لك نقوط

ثم ربي يرزقك منها الذرية الصالحة وأخذ عييلك واربيهن لك وأعلمهم الثقة بالنفس

رهوف / أبدعتي عزيزتي ،، بكل ما أوتيتي من قوة فديتك

مبادراتك كانت هي برضو الداعم والمشجع لأعضاء القروب ،، حماسك شي موب طبيعي

غلا / إنتي إنسانة مره كويسه وأنا أحبك

وأهم شي إنك تحبين عبادي

وكل يوم تخقين معه

كنتي معنا خير عون ياخلفهم أنتي

رغم إنهم خارج نطاق القروب لكن ماقصروا معنا :

تسونامي / مساعدتك هذي شرف كبير للقروب يابعدي أنتي ،، شكراً قد السما ،،

تلاوين / أكبر شكراً بالعالم

من أكبر بثرة بكل العالم

من جد مدري وش اقول ،، غير شكراً وماهيب توفيك حقك يابعد هالزمان

أنا / شكراً يا أنا على تنزيل الموضوع والبحث الدؤب

وسهر الليالي عالتصاميم الخاقوقية ،، واللي لولاها ذا الموضوع ما أسفهل وزان

لـ كلياتكون

سلمى · 03-04-2009, 10:12 PM

السلام عليكم
وش هالشغل والحركات
الواحد ينبسط وهو يقرأ الموضوع ,, حتى الخلفية مبهجة

***
كثير منا يُغفل مرحلة الطفولة , ويرددون دايم ان الطفل ما يفهم وبيكبر وينسى
وحنا جانا اكثر منهم ضرب وسب وصرنا رجال وحريم ,,, وعيال هالجيل مدلعين
ومن هالكلام البعيد كل البعد عن الصحة

لكنهم ماعرفوا ان الـ ( 8 ) سنوات الأولى من حياة اي شخص هي الركيزة الأساسية
بتكوين شخصيتة !!!
يعني كلنا تتأسس شخصيتنا بمرحلة الـ 8 سنوات الأولى والي يجي عقبها
هذا يسمى تطوير وارتقى وتغير بحكم السن والخبرات ,,,
حتى لو نلاحظ ان اكثر المشاكل النفسية لو نرجعها لمصدرها نلقاها من الطفولة ؟!
وكل واحد لو يسأل نفسة ويجلس بينه وبين روحة ويفكر ويشوف ؟!
يعني ان تقدير الذات يُغرس في الطفل في هالمرحلة ,
ومانقول انه اذا كبر خلاص راحت علية الفرصة ؟!
لكن نقول ان غرسها يحتاج جهد ووقت اكثر وتحتاج ارادة قوية من الشخص ..
( الطفولة تصنعك ... او تكسرك )
بيدك الخيار !

***

كيف نقدر ذواتنا ؟!

# اهم شي انك تتقبل نفسك , وتتقبل ماضيك والي وصلت له الحين !
# انك ماتصير ضحية للماضي وتأنيب الضمير وجلد الذات ... فكر بالقادم وانك لازلت تتنفس , بالتالي قادر على التغيير ..
# من غير المعقول انك تطلب من الآخرين احترامك وانت ما احترمت نفسك ....
جرب تحترم نفسك وبتشوف انك بتفرض هالأحترام بطريقة غير مباشرة على من حولك !
حتى بتلقاهم يقولون عيب نغلط معه هالأدمي محترم !
# تعرف على امكانياتك وقدراتك عشان ماتنصدم بالواقع !
# نوعية لبسك ومظهرك بيعطي الآخرين نظرة عنك ! لأنه من غير الممكن تبي تروح
لكل الناس وتتكلم معها عشان تثبت لها انك محترم !!
لكن من خلال مظهرك اذا كان مشخلع ...
ولا لبس مُحتشم اكيد هذا بيعطي فكرة اولية عن من انت !!
# احتفل مع نفسك بأي شي تسوية مهب شرط احد يحتفل فيك ولا ماتفرح؟
# اذا وصلت مرحلة حزن ولا احباط تحتاج تشجع نفسك وتحمس ذاتك بذاتك ,,,
عن طريق تذكر انجازتك , وكلام التقدير الي تسمعه من الي حولك , وكيف ساعدت
فلان وفلان وصرت قدوتهم ,,, بتلقى نفسك تفرح ويتغير مزاجك من جديد
# لا تتأثر بأنتقاد اي شخص كان ... !! لانك ماتعرف دوافعهم تجاهك ! ولا فيه
احد عارفك كثر نفسك , عشان كذا ريح نفسك , واذا شفتك احد تثق فية ممكن تتقبل منه
ولا الباقي خذهم دافع عشان تستمر ...
# فيه ناس تحسد وتنقهر من نجاح الآخرين , ويضيع وقتها وهي تناظر الي عند غيرها !!
اجعل من نجاح الآخرين دافع لنجاحك , وتحدي لتثبتك لنفسك انك قادر

***

* هل تعتبر مسألة تقدير الذات شي ماله أهمية بحياتك ،، وإلا شي من أولوياتك ؟

من اساسياتي

* ماهي المرحلة العمرية اللي ممكن تتعمق فيها مسؤوليتك بتقدير ذاتك أكثر ،، من وجهة نظركـ ؟
اعتبر تقدير الذات له صفت الأستمرارية من الطفولة إلى الآن
لأنه لو بمرحلة بتخلى عنه اُعتبر ماقدرت ذاتي !!
واكيد اهلي لهم دور

* موقف حسيت إنك صدق تعزز عمرك وتريش بها وإنها تستحق هالتقدير؟
اذا شفت ان الي اتعلمة اطبقة بواقعي وبسلوكي
واذا قالي احد انه استفاد وتعلم مني

***

الكلام كثير بس هذي اغلب الأساسيات
واتحفتونا وطرحكم مبسط وواضح
وجميل
اهنيكم ,,,
بالتوفيق

S O O M A · 03-04-2009, 10:41 PM

طرح رائع
الله يعطيكم العافية يارب

حقيقة اختيار موفق للموضوع ماشالله عليكم
و اتوقع ان في ناس كثير تفتقد لهالشي
و اعتقد ان هالشين يربى مع الطفل من صغره
يعني الأهل هم اللي يبذرون هالشي بالطفل
صحيح تقدير الذات و الثقة بالنفس شي حلو و شي مطلوب
لكن لازم تكزن بحدود المعقول
لان الزيادة عن الحد ممكن تنقلب للغرور

اقتباس:

* هل تعتبر مسألة تقدير الذات شي ماله أهمية بحياتك ،، وإلا شي من أولوياتك ؟

لا طبعا هالشي مهم جدا للشخص بالعموم
لكن صراحة انا افتقد لجزء من تقدير الذات
يعني قد اهمش ذاتي احيانا على حساب غيري
مدري يمكن يسميه البعض غباء لكن احس ان هالشي تربى معي من صغري

اقتباس:

* ماهي المرحلة العمرية اللي ممكن تتعمق فيها مسؤوليتك بتقدير ذاتك أكثر ،، من وجهة نظركـ ؟

مثل ماقلت بالبداية تقدير الذات يربى مع الشخص من صغره يعني لو هو حس بهالشي من وهو صغير بيكبر معه و بيلازمه بكل مسؤولياته

اقتباس:

* موقف حسيت إنك صدق تعزز عمرك وتريش بها وإنها تستحق هالتقدير؟

مدري احس اني احيان اعتز بنفسي و اقدرها بس ارجع و احبط نفسي واقول ان اللي سويته ما يسوى عليه كل هالاعتزاز و التميلح مدري ليش؟!!!

الله يعطيكم العافية وما قصرتوا

وتسلم اناملكم جميع

HEPSI · 04-04-2009, 01:32 AM

يا اني من زمان استنى موضوعكم

بس جد وش هالزين لا لا ما نئدرش على كذا

موضوعكم مره شي ومره مهم وأساسي ,

بالنسبه لتقدير الذات اشوفه شي فطري ونسبي يزيد وينقص بالشخص

تبعاً لشخصيته .. وطريقة تعامل اهله مع من طفولته ..

≡

* هل تعتبر مسألة تقدير الذات شي ماله أهمية بحياتك ،، وإلا شي من أولوياتك ؟

أكيد شي من أولوياتي ..

* ماهي المرحلة العمرية اللي ممكن تتعمق فيها مسؤوليتك بتقدير ذاتك أكثر ،، من وجهة نظركـ ؟

من 15 وطآلع =) ..

* موقف حسيت إنك صدق تعزز عمرك وتريش بها وإنها تستحق هالتقدير ؟

اممم كثير والله ..

ابسطها كل ماخرب جهازي وزينته بنفسي احسني اذكى من اي احد لووول

وبعد لما سويت لصديقتي ايقونه مخفيه لماسنجرها

حسيتني وااو ذكيه وقعدت اريش بعمري ..

≡

قروب ريمي | ~

يعطيكم الف عافيه ,

موضوع مره روعه , متعوب عليه من جد

لكم

كابتشينو · 04-04-2009, 02:49 AM

وش هالزين

على أنغام ابو نورهـ أقرى الموضوع .. حركه و وناسه و أنت تقرا و اشياء كويسه تكلمتوا عنها .. يعطيكون العافيه

الحمدلله إن ربي رزق الثقه فيني يومني صغير .. أجل أنا معي شهادت بس " ذبه ولد خالتي " من يومي بزر و انا أروح الحمام لحالي ، لا حفايض ولا خرابيط غير النوم {.. أرجل اخواني من يومي صغير

أتذكر فيه موقف .. خقيت فيه مع نفسي {.. الموقف كنت بالتمهيدي آخر سنه

كان الدرس يتكلم عن النبات و طبعا عـ قدنا ساق اوراق مادري ايش .. المهم المعلمه وقته تسأل الطلاب و الطالبات .. و محد غيري يجاوب ، كل شوي أجاوب " ما شاء الله علي عبقري " ، عاد شكله قفلت الاخلاق أ.بدريه ، وقالت خلاص خلهم يجاوبون ، لا تجاوب يا حوبينيلي بسس

و اللي يعزز الثقه في الواحد .. الأهل ، و خاصه وأنت صغير يزرعون فيك الثقه ، هالشيء بيفرق وآآجد والله

زرعوا الثقه فيني من الصغر ، كـ مثال : كنت أقضي للبيت أغلب الاوقات و خاصه ايام الابتدائي رابع خامس كذا ، طبعا كنت أحمل مرات مبالغ تعتبر كبيرهـ 500 300 كذا ، و مرات أخذ البطاقه و كنت أوقع سواء بتوقيع أبوي أو أمي ، " محفظيني تواقيعهم " ، يعني تحس انك قد المسؤوليه و كفو له ، وهالشيء يعزز من نفسك و يخليك تعطي أكثر و أكثر ..

و حتى الاخو الكبير او الاخت الكبيرهـ ، تقدر تأثر على اخوانها الصغار ، تدعمهم بكل شيء ، لو سوا شيء بسيط و حلو عززله ، هديه صغيّرهـ ، و عدل على شغله و علّمه .. خله يبدي رايه ، لا تهمل وجودهـ .. كل هذي الاشياء تعزز وجودهـ وتكسبه ثقه

و مسأله الشهادهـ مسأله مهمه ، بعض الاهل يبي من ولدهـ يجيب مثلا 99% .. الولد مرات يكون مستواهـ مثلا عـ 90% ، اوكي انت ادعمه و ساعدهـ و باركله ، لكن ما تحطمه .. قله سويت اللي عليك و المرهـ الجايه شد حيلك ، بعض الاهل يقيسون التقرير عـ الولد ، تلقى الهديه ما يشمه الا لو جاب 99% ، صحيح لو دج هشه و شد عليه ، لكن لو جاب نسبه تراهـ مماثله لمستواهـ ادعمه و حمسه بأنه يجيب نسبه أعلى ، لا تطلب شيء كبير من أول مرهـ ، و هالشيء يفرق واجد مع الشخص ، و خاصه إنه مسأله تربطه مع الاهل و الاصدقاء

كلام كثير فـ بالي ودي اقوله ، لكن تكلمت عن كم نقطه مهمه شفتها ، و جا وقت الأسئله

اقتباس:

* هل تعتبر مسألة تقدير الذات شي ماله أهمية بحياتك ،، وإلا شي من أولوياتك ؟

من أولوياتي ،

اقتباس:

* ماهي المرحلة العمرية اللي ممكن تتعمق فيها مسؤوليتك بتقدير ذاتك أكثر ،، من وجهة نظركـ ؟

ما فهمت السوال مرهـ ، لكن لكل عمر أهميه ، وكل ما كبر الشخص زادت المسؤوليه عليه ، أتوقع الشخص بعد مرحله الـ 17 18 قدار إنه يتحمل المسؤوليه من نفسه ، لكن أهم شيء يكون الأساس صح وهو إن الشخص يتحمل المسؤوليه من الصغر .

اقتباس:

* موقف حسيت إنك صدق تعزز عمرك وتريش بها وإنها تستحق هالتقدير؟

حفله أطفال جمعيه إنسان

هدوء · 04-04-2009, 03:54 AM

اقتباس:

* هل تعتبر مسألة تقدير الذات شي ماله أهمية بحياتك ،، وإلا شي من أولوياتك ؟

اكيد انه شي من اهم الامور .. يعني الانسان اذا صار مايقدر نفسه وشوله عايش

اقتباس:

* ماهي المرحلة العمرية اللي ممكن تتعمق فيها مسؤوليتك بتقدير ذاتك أكثر ،، من وجهة نظركـ ؟

اتوقع المرحله اللي بعد الجامعه

اقتباس:

* موقف حسيت إنك صدق تعزز عمرك وتريش بها وإنها تستحق هالتقدير؟

اقتباس:

ما اتذكر بس اذا تذكرت شي ابرجع

أبــ Jo$eph ــو · 04-04-2009, 10:59 PM

سلمى م9

اقتباس:

دايم ان الطفل ما يفهم وبيكبر وينسى
وحنا جانا اكثر منهم ضرب وسب وصرنا رجال وحريم

شوفيني من عيال هالجيل ولا نيب دلوع ولا شي ، صح الضرب مهوب حل ، بس بعض الأحيان لازم يلجأ له الواحد ، و أبشري ادا جاني عيال علمتك وش المواقف ،

اقتباس:

#انك ماتصير ضحيةللماضي وتأنيب الضمير وجلد الذات ... فكر بالقادم وانك لازلت تتنفس , بالتالي قادرعلى التغيير ..

افضل شي قلتيه ، ولا يهون الباقي

اقتباس:

#لا تتأثر بأنتقاد ايشخص كان ... !! لانك ماتعرف دوافعهم تجاهك ! ولا فيه
احد عارفك كثر نفسك , عشان كذا ريح نفسك , واذا شفتك احد تثق فية ممكن تتقبلمنه
ولا الباقي خذهم دافععشان تستمر...

صح ، ما تدرين وش دوافعهم ، وغير كدا يمكن أنه غير مؤهل انه ينتقدك ! واحسن شي تتعاملين مع الاشكال هدي انك تآخدين منه اللي يفيدك ويطورك ، والباقي مكانه معروف .

شاكر لك مرورك < ردود 2002

_________________________

أنسام الروح

اقتباس:

لكن لازم تكزن بحدود المعقول
لان الزيادة عن الحد ممكن تنقلبللغرور

شوفي ، هي ما تنقلب لغرور الا ادا ما كان فيه تحكم في الجرعات اللي تآخدينها ، وفيه شي ثاني ، ادا بدأ تقديرك لداتك يطلع برا محيط نفسك ، يعني تبدين تحسسين الناس باللي سويتيه ، لكن احترام وتقدير الدات يكون بينك وبين نفسك ، وهدا الشي بدوره يخليك تنتجين و تطورين زياده ، بعكس الغرور ، ما يدفعك انك تخطين خطوة للأمام خوفا ً من الفشل .

أنسام ، اهم شي قدري داتك ادا طبختي ، على فكره ترا أنتظر الطبق القادم .

_________________________

تسونامي

اقتباس:

تبعاً لشخصيته .. وطريقة تعامل اهله مع من طفولته

أنت ِ الحين فتحتي علينا باب الشخصيه تتبع احترام الدات ؟ والا احترام الدات يتبع الشخصيه ( لا تشرهون توي هه طالع من الاختبار ) ؟! انا رايي ان تقدير الدات يبني الشخصيه ويخليك واثق من نفسك ،

اقتباس:

ابسطها كل ماخرب جهازي وزينته بنفسي احسني اذكى من اي احد لووول

وبعد لما سويت لصديقتي ايقونه مخفيه لماسنجرها

حسيتني وااوذكيه وقعدت اريش بعمري

مثلي قبل شوي ، سلمت الورقه أول واحد ، حسيتني اقوى وأدكى شي ( وين اقوى شي معه وانت نص الاسئله مخليها فاضيه ؟ ) ،

اهم شي افادك الموضوع لو بالشي القليل

_________________________

كابتشينو

اقتباس:

من يومي بزر و انا أروح الحمام لحالي

تسحب السيفون والا ما تطوله ؟ <- بيقول لا افرنجي

اقتباس:

و مسأله الشهادهـ مسأله مهمه

مثل ما قلت كثير من الأهالي وخاصه الأبوان تشوفهم مسكرين على عيالهم ، خصوصا في الثانوية ، على قولتك يبيه يجيب نسبه ، وش فايدة النسبه ادا تعقد الولد هه وش الفايده ؟ وادا بكره صار مدير والا مسؤول ما يعرف يقول كلمتين على بعض في الاجتماعات ! وين تبيه يثق في نفسه وهو ما يعرف يحاور ولا يتصرف مع الناس ، الله يهديهم بس ،

شد حيلك جعلك تجيب 99,99 <- منيب قايل ميه عشان ما ترتاع

_________________________

هدوء <- يناظر الصوره ويهوجس يروح يطلبها صداقه والا لا

اقتباس:

اتوقع المرحله اللي بعدالجامعه

طمرتي أنتِ مره ، بعد الجامعه تكون اغلب شخصيتك قد انصقلت ، خلاص ما عاد يكون فيها تغييرات الا خفيفه يعني على حسب الجو اللي عايشه فيه ، لكن لو تشوفين المراحل اللي قبلها خصوصا ايام الثانوي تكون فيها شخصيتك ما زالت رطبة وتقدرين تعدلين فيها و تبدلين ، فهدي مسؤوليتك ولازم تتحملينها انك تزيدين ثقتك بنفسك عن طريق تقدير داتك واحترامها .. في الاخير هدي وجهت نظرك وانت ِ حره اللهم اني بلغتك ،

منوره <- جالس يكتب الرد وعيونه ما شالها من على الصوره

( حرف الدال اللي عليه نقطه ما يشتغل عندي ، عشان كدا تشوفوني اتكلم زي أخواننا المصريين )

تـــلآوين · 05-04-2009, 06:08 PM

من كثر ماادخل موضوعكم واستمتع
احسب اني رديت عليه من زمان

"تقدير الذات"
انا اشوف ان تقدير الذات مفتاح لـ ابواب النجاح كلهآ
وبأي مرحلة من مراحل العمر ,
اذا انا ادركت ذاتي وشجعتها وماانتظرت احد
يقدرها الاكيد اني بهالحاله بطمع اني اقدرها دائما
وبكذا راح اشتغل على نفسي دائما واحاول اغيرها واوصلها للقمة
وطبعا مو معناته اني مااقدر نفسي الا بأشياء كبيره قمت فيها
فيه اشياء لو تقولها للناس قالوا لك [الحمدلله والشكر فرحان بنفسه]
بس إنا طبعا بنكون اذكى شوي لما انا اللي بقدر ذاتي
وانا اللي ابحكم على اللي سويته هنا انا اللي بحدد
مقياس الاستحقاق مب الناس !
لذلك الواحد ماينتظر تقدير الناس له تقديرك لذاتك ينبع منك اولا
وانت ادرى فيها

‘,

* ماهي المرحلة العمرية اللي ممكن تتعمق فيها مسؤوليتك بتقدير ذاتك أكثر ،، من وجهة نظركـ ؟
كل ماتقدمت عمرا كل مااحتجت لتقدير الذات اكثر واكثر "

* موقف حسيت إنك صدق تعزز عمرك وتريش بها وإنها تستحق هالتقدير؟
مدري مااتذكر بس اللي اعرفه اني دايما ادرك ان ذاتي
تستحق مني التقدير دائما
وبأبسط المواقف ~

اقتباس:

بالأخير تأكد إنك اذا بغيت احترام الآخرين لك ، قدر ذاتك و احترمها بالأول ، لتُحتَرَم

الله عليكم
فيه مواقف شبه يومية تصير لما تشوف تصرفات معينه
من اشخاص من حولك تدري انهم
ماقد سمعوا بتقدير الذات
والا لو انهم محترمين انفسهم ومقدرينها
ماصدرت منهم
بعض السلوكيات ..

مـُذهلين
اعجبني موضوعكم كثير ~

لكل من ساهم بالموضوع
سـلِمتم

أبــ Jo$eph ــو · 08-04-2009, 06:50 PM

اقتباس:

من كثر ماادخل موضوعكم واستمتع
احسب اني رديت عليه من زمان

الله يمتعك بحلاله ،

اقتباس:

بس إنا طبعا بنكون اذكى شوي لما انا اللي بقدر ذاتي
وانا اللي ابحكم على اللي سويته هنا انا اللي بحدد
مقياس الاستحقاق مب الناس !

صحيح ، مهوب شرط ان الناس يكونون مطلعين على اهدافك او الاشياء اللي تبي تنجزها ، فأنت ِ اللي تحددين هل الشيء اللي سويتيه هدا يستحق انك تفخرين به و يكون له صدى في نفسك أو لا !

اقتباس:

فيه مواقف شبه يومية تصير لما تشوف تصرفات معينه
من اشخاص من حولك تدري انهم
ماقد سمعوا بتقدير الذات
والا لو انهم محترمين انفسهم ومقدرينها
ماصدرت منهم
بعض السلوكيات ..

مثل وش ؟ جيبي لك موقف والا موقفين اطرحيهم هنا خل نشوف ونعلق ، خلي كيبورد يغرد علينا ،

V · 08-04-2009, 10:13 PM

بسم الله

أولا أحب احييكم على اختيـاركم الرائـع !
موضـوع حديـث .. عميـق .. متشعّـب !
بالنسبـه لتقديـر الـذات أظـن إنها ترتبـط ارتبـاط كلّـي
بمرحلـه الإنشـاء .. و أقصـد إنشـاء الشخصيّـه
وغالبـا أتوقـع تكـون بيـن أواخـر الطفولـه وغرّة المراهقـه
ودور الأهـل كبيـر حول موضـوع تقديـر الذات .. بحكم إن التشجيـع
هو العنصّـر الأسـاسي للشخـص علشـان يقـدّر ذاتـه
الثقـه موجـوده .. بالتـالي تقديـر الذات موجـود
وإذا انعدمـت .. تأكّـد إن الشخـص لا يقـدر ذاتـه !!
ويا زيـن القنـاعـه
.
.

* هل تعتبر مسألة تقدير الذات شي ماله أهمية بحياتك ،، وإلا شي من أولوياتك ؟

بالتأكيـد من الأولويّـات .. ما كفايـه عُـقـد

* ماهي المرحلة العمرية اللي ممكن تتعمق فيها مسؤوليتك بتقدير ذاتك أكثر ،، من وجهة نظركـ ؟

أتوقـع بكـل مرحلـه .. !

* موقف حسيت إنك صدق تعزز عمرك وتريش بها وإنها تستحق هالتقدير؟
لا طلعـت الدرجـات غالبـا

.
.

يعطيـكم العافيـه جميعـا ..

تـــلآوين · 09-04-2009, 04:30 AM

بآك > ماصدقت احد يقولها ارجعي

اقتباس:

مثل وش ؟ جيبي لك موقف والا موقفين اطرحيهم هنا خل نشوف ونعلق ، خلي كيبورد يغرد علينا ،

هي المواقف اللي تصير تدخل ضمن كذا موضوع
الاحترام بصفة العامه وترتبط بناس من حولنا ‘‘
مثـلآ عقب ماكتبت ردي عليكم , من بكره يوم رحت الجامعه
شفت موقف بجد عقبها قلت وينهم عن [ موضوعكم ] !
وقسم بالله ان مجتمعنا من جرف لدحديرهـ > دخلت بموضوع ثاني
المهم /
مسألة احترام [ الدكتور اللي يشرح واكبر منك هذا اول شي وغير كذا
تقدير العلم اللي قاعد يعطيك اياهـ اختفت ملامحها بشكل مُلفت حاليا]|
الشاهد على موضوعكم / انه طول المحاضره والبنات ضحك وازعاج
وهي عشانها محترمتهم مكتفية بس بأنها تعطيهم نظرات
وهم والله ماحولك احد الله عاد من زين السوالف فشلونا عند هالأجانب > قلبت عليهم ,
يعني بجد بنات بهالمستوى ووصلوا المرحلة الجامعية ومو قادرين يحترمون
استاذهم وش يدل عليـه !؟
[ مااحترموا انفسهم ولا عطوها اي تقدير ]
وهذا صورهـ بعد من صور تقدير الذات , انهآ تلتزم بالسلوكيات والاخلاق
الرفيـعه , يعني تقدير ذاتي مايقتصر على اني اشجعها او كذا
تقدير ذاتي بأني اشوفها تسير على نهج سليم وافخ ـر
بهالدرجة اللي وصلت لها ,,
ومتشكرين مرهـ ثانيه ~

وشسمه ترا اذا ناديتوني مره ثانيه منيب اخالف عادي > لايكثر

R e B e L · 12-04-2009, 04:03 PM

صحيح تقدير الذآت وحبها اهم شي إذا ماحبينا أنفسنا مين نحب
تكلموا فيها كثير علماء النفس أن تقدير الذات بس ( بالشكل الصح ) لو شخص اتقنه كان صار انجح الانجحين في حياته بس مشكلتنا نقدر ذاتنا بالشكل الي نحبه ونخرب على أنفسنا بدال ما نحاول نرتقي فيها أكثر

اقتباس:

هل تعتبر مسألة تقدير الذات شي ماله أهمية بحياتك ،، وإلا شي من أولوياتك ؟
* ماهي المرحلة العمرية اللي ممكن تتعمق فيها مسؤوليتك بتقدير ذاتك أكثر ،، من وجهة نظركـ ؟
* موقف حسيت إنك صدق تعزز عمرك وتريش بها وإنها تستحق هالتقدير؟

_ أولوياتي
_ مرحلة مابعد المرآهقة ..
_ والله دايماً ماحب اضيق صدري واعطي نفسي وجه بزياده وكذا هذا الي مأكلني تبن بس والله شي حلو مريح نفسيّاً

يعطيكم العافيه وبالتوفيق .. لكم

أبــ Jo$eph ــو · 14-04-2009, 12:01 AM

فرفوري

اقتباس:

بالنسبـه لتقديـر الـذات أظـن إنها ترتبـط ارتبـاط كلّـي
بمرحلـه الإنشـاء .. و أقصـد إنشـاء الشخصيّـه

كلام سليم ، يبين انك شخص واعي وفاهم الدنيا كيف تمشي ، وتعرف من وين تؤكل الكتف ، ياخي انت داهيه من دهاة العرب ولا يهونون الغرب ، أنت ياخي شي زين ، أنت سمرمدي ( خانني التعبير يا فرزاتشي ) .

اقتباس:

بالتأكيـد من الأولويّـات .. ما كفايـه عُـقـد

على طاري الأولويات ، فيه أكله يمنية اسمها ( عُقدة ) ! ما ادري وش سبب تسميتها ! الظاهر انها تعقد البطن .

فرزاتشي خلاص محد معسّب بك ولا معقدك
________________
تلاوين أكل أكل ،

اقتباس:

[ مااحترموا انفسهم ولا عطوها اي تقدير ]
وهذا صورهـ بعد من صور تقدير الذات , انهآ تلتزم بالسلوكيات والاخلاق
الرفيـعه , يعني تقدير ذاتي مايقتصر على اني اشجعها او كذا
تقدير ذاتي بأني اشوفها تسير على نهج سليم وافخ ـر
بهالدرجة اللي وصلت لها ,,

مثل ما ذُكر:

اقتباس:

فإذا اعتبرت نفسك ذكي ، راح تشوف المواقف اللي مريت بها وتجاوزتها بذكاء وحكمة ، واذا اعتبرت نفسك غبي تبي تنط لك المواقف المش كويسه واللي اثبت فيها انك من جنبها
وهذا بدوره يزيد ثقتك بنفسك او ينقصها

اذا شفت نفسك تحترم الآخرين وتقدرهم ، كذا تثبت انك أهل تجلس معهم وهم بالمقابل يبي يحترمونك ويقدرونك ، و هذا يزيد تقديرك لذاتك والشعور بها .

تلاوين كل يوم تعالي سبحني علينا وش تسوون في الجامعه ،

_______________
ريبل

اقتباس:

إذا ماحبينا أنفسنا مين نحب

حبوني انا ،

اقتباس:

_ والله دايماً ماحب اضيق صدري واعطي نفسي وجه بزياده وكذا هذا الي مأكلني تبن بس والله شي حلو مريح نفسيّاً

لا تستحين من نفسك ياخيتي ، عطيها حقها ، ما بين الواحد ونفسه كلافه ،

03-04-2009, 10:12 PM	#4
سلمى خبير ملحقاوي	رد: ~ SelF EsteeM ~ مراسلكم من الملحق" السلام عليكم وش هالشغل والحركات الواحد ينبسط وهو يقرأ الموضوع ,, حتى الخلفية مبهجة ***** كثير منا يُغفل مرحلة الطفولة , ويرددون دايم ان الطفل ما يفهم وبيكبر وينسى وحنا جانا اكثر منهم ضرب وسب وصرنا رجال وحريم ,,, وعيال هالجيل مدلعين ومن هالكلام البعيد كل البعد عن الصحة لكنهم ماعرفوا ان الـ ( 8 ) سنوات الأولى من حياة اي شخص هي الركيزة الأساسية بتكوين شخصيتة !!! يعني كلنا تتأسس شخصيتنا بمرحلة الـ 8 سنوات الأولى والي يجي عقبها هذا يسمى تطوير وارتقى وتغير بحكم السن والخبرات ,,, حتى لو نلاحظ ان اكثر المشاكل النفسية لو نرجعها لمصدرها نلقاها من الطفولة ؟! وكل واحد لو يسأل نفسة ويجلس بينه وبين روحة ويفكر ويشوف ؟! يعني ان تقدير الذات يُغرس في الطفل في هالمرحلة , ومانقول انه اذا كبر خلاص راحت علية الفرصة ؟! لكن نقول ان غرسها يحتاج جهد ووقت اكثر وتحتاج ارادة قوية من الشخص .. ( الطفولة تصنعك ... او تكسرك ) بيدك الخيار ! *** كيف نقدر ذواتنا ؟! # اهم شي انك تتقبل نفسك , وتتقبل ماضيك والي وصلت له الحين ! # انك ماتصير ضحية للماضي وتأنيب الضمير وجلد الذات ... فكر بالقادم وانك لازلت تتنفس , بالتالي قادر على التغيير .. # من غير المعقول انك تطلب من الآخرين احترامك وانت ما احترمت نفسك .... جرب تحترم نفسك وبتشوف انك بتفرض هالأحترام بطريقة غير مباشرة على من حولك ! حتى بتلقاهم يقولون عيب نغلط معه هالأدمي محترم ! # تعرف على امكانياتك وقدراتك عشان ماتنصدم بالواقع ! # نوعية لبسك ومظهرك بيعطي الآخرين نظرة عنك ! لأنه من غير الممكن تبي تروح لكل الناس وتتكلم معها عشان تثبت لها انك محترم !! لكن من خلال مظهرك اذا كان مشخلع ... ولا لبس مُحتشم اكيد هذا بيعطي فكرة اولية عن من انت !! # احتفل مع نفسك بأي شي تسوية مهب شرط احد يحتفل فيك ولا ماتفرح؟ # اذا وصلت مرحلة حزن ولا احباط تحتاج تشجع نفسك وتحمس ذاتك بذاتك ,,, عن طريق تذكر انجازتك , وكلام التقدير الي تسمعه من الي حولك , وكيف ساعدت فلان وفلان وصرت قدوتهم ,,, بتلقى نفسك تفرح ويتغير مزاجك من جديد # لا تتأثر بأنتقاد اي شخص كان ... !! لانك ماتعرف دوافعهم تجاهك ! ولا فيه احد عارفك كثر نفسك , عشان كذا ريح نفسك , واذا شفتك احد تثق فية ممكن تتقبل منه ولا الباقي خذهم دافع عشان تستمر ... # فيه ناس تحسد وتنقهر من نجاح الآخرين , ويضيع وقتها وهي تناظر الي عند غيرها !! اجعل من نجاح الآخرين دافع لنجاحك , وتحدي لتثبتك لنفسك انك قادر ***** * هل تعتبر مسألة تقدير الذات شي ماله أهمية بحياتك ،، وإلا شي من أولوياتك ؟ من اساسياتي * ماهي المرحلة العمرية اللي ممكن تتعمق فيها مسؤوليتك بتقدير ذاتك أكثر ،، من وجهة نظركـ ؟ اعتبر تقدير الذات له صفت الأستمرارية من الطفولة إلى الآن لأنه لو بمرحلة بتخلى عنه اُعتبر ماقدرت ذاتي !! واكيد اهلي لهم دور * موقف حسيت إنك صدق تعزز عمرك وتريش بها وإنها تستحق هالتقدير؟ اذا شفت ان الي اتعلمة اطبقة بواقعي وبسلوكي واذا قالي احد انه استفاد وتعلم مني ***** الكلام كثير بس هذي اغلب الأساسيات واتحفتونا وطرحكم مبسط وواضح وجميل اهنيكم ,,, بالتوفيق توقيع » سلمى " رحمك الله يا ابي واسكنك فسيح جناتة "**

04-04-2009, 01:32 AM	#6
HEPSI مراقبة هوم سينما	رد: ~ SelF EsteeM ~ مراسلكم من الملحق" يا اني من زمان استنى موضوعكم بس جد وش هالزين لا لا ما نئدرش على كذا موضوعكم مره شي ومره مهم وأساسي , بالنسبه لتقدير الذات اشوفه شي فطري ونسبي يزيد وينقص بالشخص تبعاً لشخصيته .. وطريقة تعامل اهله مع من طفولته .. ≡ * هل تعتبر مسألة تقدير الذات شي ماله أهمية بحياتك ،، وإلا شي من أولوياتك ؟ أكيد شي من أولوياتي .. * ماهي المرحلة العمرية اللي ممكن تتعمق فيها مسؤوليتك بتقدير ذاتك أكثر ،، من وجهة نظركـ ؟ من 15 وطآلع =) .. * موقف حسيت إنك صدق تعزز عمرك وتريش بها وإنها تستحق هالتقدير ؟ اممم كثير والله .. ابسطها كل ماخرب جهازي وزينته بنفسي احسني اذكى من اي احد لووول وبعد لما سويت لصديقتي ايقونه مخفيه لماسنجرها حسيتني وااو ذكيه وقعدت اريش بعمري .. ≡ قروب ريمي \| ~ يعطيكم الف عافيه , موضوع مره روعه , متعوب عليه من جد لكم توقيع » HEPSI

08-04-2009, 10:13 PM	#12
V مراقب عام و قاضي الملحق	رد: ~ SelF EsteeM ~ مراسلكم من الملحق" بسم الله أولا أحب احييكم على اختيـاركم الرائـع ! موضـوع حديـث .. عميـق .. متشعّـب ! بالنسبـه لتقديـر الـذات أظـن إنها ترتبـط ارتبـاط كلّـي بمرحلـه الإنشـاء .. و أقصـد إنشـاء الشخصيّـه وغالبـا أتوقـع تكـون بيـن أواخـر الطفولـه وغرّة المراهقـه ودور الأهـل كبيـر حول موضـوع تقديـر الذات .. بحكم إن التشجيـع هو العنصّـر الأسـاسي للشخـص علشـان يقـدّر ذاتـه الثقـه موجـوده .. بالتـالي تقديـر الذات موجـود وإذا انعدمـت .. تأكّـد إن الشخـص لا يقـدر ذاتـه !! ويا زيـن القنـاعـه . . * هل تعتبر مسألة تقدير الذات شي ماله أهمية بحياتك ،، وإلا شي من أولوياتك ؟ بالتأكيـد من الأولويّـات .. ما كفايـه عُـقـد * ماهي المرحلة العمرية اللي ممكن تتعمق فيها مسؤوليتك بتقدير ذاتك أكثر ،، من وجهة نظركـ ؟ أتوقـع بكـل مرحلـه .. ! * موقف حسيت إنك صدق تعزز عمرك وتريش بها وإنها تستحق هالتقدير؟ لا طلعـت الدرجـات غالبـا . . يعطيـكم العافيـه جميعـا .. توقيع » V . . ناظريني لين تحسدني العيون وان حكوا حسادي فيني وقالوا انك تعشقيني آه يا محلا السوالف والظنون 28 / 8 / 2009

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
? Did you know \|\|~ ( مراسلكم من الملحق )	HEPSI	منتدى الأسرة والنقاشات الجادة	40	23-04-2009 02:40 AM

		الساعة الآن 04:45 PM. Powered by vBulletin® Version 3.8.3, Copyright ©2000 - 2010, Jelsoft Enterprises Ltd. TranZ By Almuhajir Content Relevant URLs by vBSEO 3.3.0 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47