قالها نور الدوري للنمور و كملها حديد : بغيناهم ولقيناهم

مُحمّد · 10-04-2009, 06:57 AM

بسم الله الرحمن الرحيم

نحن على موعد جديد مع متعة الكرة السعودية في نهائي الدوري الاقوى بين الدوريات العربية اثارة مابعدها اثاره .. في ليلة كروية جميلة .. يلتقى قطبي الكرة السعودية ..في ملحمه كرويه عنوانها حصاد موسم كامل ,, لا تقبل القسمه ع اثنان ياقاتل يامقتول ,, ولايختلف اثنين على أنهما الافضل في الدوري السعودي في السنوات الاخيره خاصه أن الفريقين دايم متواجدين بالنهائي ومكوشين ع البطولات <- اذكر الله لاينزلون درجه اولى ,, ففي مساء يوم الآحد القادم يحل الاتحاد عميد الكرة السعودية ضيفا ثقيلا على شقيقه الهلال زعيم الكرة السعودية في ..{ نهائي دوري المحترفين السعودي }.. فالهلال يريد تعزيز زعامته والاتحاد يحاول تقليص الفرق بينه وبين الهلال في عدد البطولات فهذا المباراة هي قمة في كل شيء انها قمة الكرة السعودية انه النهائي " الحلم " لكلا الفريقين فلمن يكون الذهب ~.

** جدول الدوري ** ~

** ~ بطاقة اللقاء ** ~

اليوم // يوم الأحــد
التاريخ // 16 / 4 / 1430هـ الموافق 12 / 4 / 2009 م
الزمان // 30 : 8 مساء ً
المكان // استاذ الملك فهد الدولي بالرياض [ درة الملاعب]

** ملعب اللقاء ** ~

**

**

**
**

** حكم المبآراه ** ~

جان جي ,, شكله والله العالم موب غريب الوكاد إنه جا قبل ذي

** اوضاع الفريقين ~.

الإتحاد // بدا نادي الإتحاد في أول لقائاته لدوري المحترفين مع الرائد وكانت بدايه حقيقيه لمتصدر الدوري حيث أستطاع التغلب بنتجيه كبيره 5_1 ,, وبعدها أتجه لملاقاة الوطني ( عقدة الموسم الماضي ) وأنتصر عليه 2_1 ,, ومن ثم أستضاف الحزم على أرضه وآنتصر الإتحاد في مباراه سهله كانت .. وأنتهت 3_0 ,, وبعدها أنطلق للعاصمه لملاقاة النصر في مباراه شهدت أحداث ,, وكانت بدون جمهور نضير للأحداث الذي سبقتها ,, رغم منع الجمهور إلا أنها كانت مباراه ملحمه وكانت أول تعثر للإتحاد بنتيجه التعادل الإيجابي 2_2 ,, وبعدها أستضاف الإتحاد فريق الشباب العنيد ولكن أستطاع التغلب عليه بنتيجه 2_1 ,, وبعدها أتجهت الأنضار لديربي الغربيه الي دائما يكون من طرف واحد وأستطاع الإتحاد بخبرة لاعبيه أن يخطف النقاط في آخر دقيقه برجل متعب ( خبر آيه ياعمده ) ,, وبعدها طار الإتحاد آلى آبها في مباراه كانت أن تزيح الإتحاد عن الصداره وأستطاع قلب الطاوله في وجه المضيف آبها 2_1 ,, وبعدها عادت النمور إلى جده وآستضافة فريق نجران وأنتهت 3_2 ,, وبعدها أتي فرسان مكه ( الوحده ) وأنتصر الإتحاد 2_1 ,, وبعدها أتجه للدمام لملاقاة الأتفاق في مباراه أنتهت بالتعادل الإيجابي 1_1 رغم النقص من فريق الإتحاد ,, وبعدها كان الدور على أبها في مباراه سهله حقق الإتحاد الفوز بنتيجه 3_0 ,, وبعدها أستضاف فريق الهلال الوصيف والمطارد الشرس .. في مباراة الفرص الضائعه وأنتهت بالتعادل السلبي 0_0 ,, وبعدها أتجه إلى بريده لملاقاة الرائد وتغلب عليه الإتحاد 2_0 ,, وبعدها جا الوطني وصفقه الإتحاد بنتيجه قاسيه 7_2 ,, ومازال الأتحاد بالصداره وكل الأنديه بعدو ,, وبعدها أتجه للرس لملاقاة الحزم البثر بأرضه في مباراه فقد الإتحاد كابتنه وروح الفريق محمد نور بعد تعرضه للكرت الأصفر الثالث بمباراة الوطني ,, أستطاع الإتحاد بعد طلعة الروح التعادل مع الحزم بنتيجه كبيره 3_3 ,, وبعدها أستضاف النصر بجده لا جديد تغلب عليه 1_0 ,, وبعدها كان الديربي الغربيه المنتظر مع الأهلي ( ياحمار ديربي الغربيه يعني مع نجران ؟؟ ) ,, وكانت أول تعثر حقيقي لمسيرة الإتحاد بالدوري وكانت من جاره التقليدي ,, وغضب الجمهور الإتحاد غضب شديد على هذي النتيجه ولكن صرح محمد نور عقب هالمباراه أن الدوري للإتحاد قبل مباراة الهلال لكن ماشفنا شي للحين <- ياخي أصمل ياقروي يافصحى ,, وبعدها أنطلقت النمور للرياض لملاقاة الشباب حيث عادة الروح الإتحاديه تمطر الشباك الشبابيه بنتيجه قاسيه 4_0 ,, ومن ثم أستضاف الإتفاق وتغلب عليه بنتيجه أيضا كبيره 3_0 ,, ومازال الإتحاد ياكل القاصي مع الداني ,, وبعدها طار لنجران في مباراه شهدت غياب 7 لعيبه دولين من الإتحاد بسبب المنتخب لكن لم تؤثر عليه وفاز بنتيجه كبيره بعد 4_1 ,, وفي الجوله القبل الآخيره طار لمكه لمواجة الفرسان وتغلب عليه بـ 3_1 ,, وتبقى الجوله الأخير مع الزعيم حيث سيلعب الإتحاد بفرصتين أما التعادل أو الفوز وبكذا ياأعزائي نكون غطينا مسيرة الإتحاد بالدوري فهمتوا كان بها مافهمت راسلني ع الخاص وبرسلك جدار منزلي تصك راسك فيه الين تموت

** ابرز اللعيبه ** ~

**رئيس الإتحاد ** ~

** ~ التشكيله المتوقعه للعميد ** ~

** المدرب ** ~

** الزعيم **

الهلال // أنطلق الزعيم في أول مبارياته لدوري المحترفين والذي كانت ضد أبها وكانت في أرض الخصم إلا أنها مباراه سهله وأنتهت 3_0 ,, وبعدها أستضاف فريق الرائد وتغلب عليه بـ 2_0 ,, وبعدها أنطلق لنجران الجديد في هالجوله إنه اترقع من نجران 2_1 وكان أول تعثر للهلال بثالث جوله .. وبعدها لعب مع الوطني بتبوك وتغلب عليه بـ 3_1 ,, وبعدها أستضاف الأهلي في مباراه شبه ممله أنتهت بالتعادل السلبي 0_0 ,, وبدا الهلال في نزف النقاط .. إلا أن حان ديربي الرياض بينه وبين النصر ,, إلا أن دايم هالمباريات تكون الإنطلاقه الحقيقيه للهلال فاز الهلال بهالديربي ولا هوب شي جديد 2_1 ,, وبعدها طار للحزم وأنتصر بأرضه 2_1 ,, ومن ثم أستضاف الوحده وأنتهت بالتعادل السلبي 0_0 ومازال الزعيم ينزف ومافاق إلا بأخر الدوري وبعدها طار للشرقيه لملاقاة الآتي فاق في مباراه شهدت عودة طارق التايب المصاب مدري الموقف وحده من الثنتين ومع عودة الليبي عادة روح الزعيم المعروفه ,, ورجعت روح الإنتصار ,, حيث واجه الشباب وصكه بهدفين من صناعة الليبي 2_0 ,, وبعدها أستضاف الحزم في مباراه سهله تغلب عليه 3_0 ,, وبعدها طار لجده لكلاسيكو الكره السعوديه الي أنتهى بالتعادل السلبي 0_0 ,, وبعدها واجه آبها وأنتصر عليه بنتيجه كبيره 4_1 ,, وبعدها راح لبريده وواجه الرائد في حظور جماهيري كبير وتغلب عليه بنتيجه 2_0 ,, وآخذ الهلال يقلص الفارق مع المتصدر العميد ,, إلا أن واجه نجران وسحقه بـ سباعيه 7_0 ,, وبات الفرق بينه وبين المتصدر نقطه واحده ,, إلا أن واجه الوطني بأرضه وانتهت بنتيجه التعادل المخيبه لجماهير الهلال 0_0 وبعدها لقاء الديربي الرياض الهلال و النصر الي كان النصر هالموسم كمحطة البنزين يجي الهلال يشحن طاقته على حساب النصر ويتصدر وبعدها طار لجده لملاقاة الأهلي وكالعاده جاب هدف وسكر المناطق الخلفيه وفاز 1_0 ,, وبعدها واجه فريق الشباب الي رئسيه أكل طق لين قال أمين والسبب مافتحو مرماهم وأنتهت بالتعادل الإيجابي 1_1 ,, تعتبر هالمباراه رجعت الصدراه للإتحاد ,, وبعدها واجه الوحده في مباراه شهدت غياب نجوم الهلال بسبب المنتخب ,, كان الزعيم أن يفقد المنافسه على الدوري إلا أن جا الفرج براس العنبر بآخر دقيقه وأبقت الآمال والحظوظ للزعيم للمنافسه ,, وبعدها أستضاف الإتفاق وحسم النتيجه مبكرا بـ 2_0 ,, ويعلن بعدها الهلال عن حسم الدوري يوم الآحد ,, بإختصار الوعد يوم الأحد

التشكيله المتوقعه للهلال

** ~ آبرز اللعيبه ** ~

..

**رئيس الهلال ** ~

عبدالرحمن بن مساعد

** المدرب ** ~

** الآتجاه المعآكس ** ~

محمد الدعيع // النادي الهلال
تاريخ الميلاد: 2 أغسطس 1972

العمر: 34
مبروك زايد // نادي : الإتحاد
تاريخ الميلاد: 11 فبراير 1979
العمر: 30

** ~

محمد نور // نادي الإتحاد
الخانه // وسط

تاريخ الميلاد: 26 فبراير 1978
العمر: 31
ياسر القحطاني// نادي الخرج <- مداعبه مداعبه لحد يزعل
الخانه // راس حربه
تاريخ الميلاد : 10 أكتوبر 1982
العمر / 26
** ~

ماجد المرشدي // نادي الهلال
الخانه // قلب دفاع
تاريخ الميلاد: 1 نوفمبر 1984
العمر: 24

حمد المنشري // نادي الإتحاد
الخانه // قلب دفاع
تاريخ الميلاد: 22 يونيو 1982
العمر: 26

** مشوار الفريقين الموسمين اللي راحت ~.

كأس ولي العهد 2005
الذهاب 1 - 0 للهلال
الإياب 1 - 1 التعادل
دوري ابطال العرب 2005
الذهاب 0 - 1 للإتحاد
الإياب 2 - 1 للإتحاد
كأس دوري خادم الحرمين الشريفين 2004/2005
الذهاب 4 - 2 للهلال
الإياب 2 - 1 الإتحاد
المربع الذهبي 2005
0_1 للهلال
كأس دوري خادم الحرمين الشريفين 2005/2006
الذهاب 2 - 2 التعادل
الإياب 0 - 1 للإتحاد
المربع الذهبي 2006
2 - 1 للهلال
كأس دوري خادم الحرمين الشريفين 2006/2007
الذهاب 2 - 1 للهلال
الاياب 2 - 1 للهلال

مُحمّد · 10-04-2009, 06:58 AM

** قرآءت فنيه لكـبآتنه الملحق ~

س/ تحليلك وتوقعك لنتيجة المبارآه ؟؟
أتوقـع راح يتكرر سيناريـو المباراة الأخيـره في دوري العـام .. معنويات الزعيـم .. فوق
والإتّي حبيبنا تلقى ضربة موجعه بعد اصابة العمده
ولاتنسـى عامل الأرض والجمهور وانا بأحضر يعني حضوري اكبر دافع للزعيـم إنه يحقق للإنتصار ومن هالمنبر انا اوجّـه لك الدعوه يا اخ برعي للقدوم إلى الرياض وتذكرتك وسكنك كلهاعلى حسابي كم برعي عندي انا ولو تجيب عبسي ومشكلتي معك اكون لك شاكر
نرجع لمحور حديثنا .. من الناحيه التكتيكيه
راح اتكلم عن الهلال فقط بحكم متابعتي له فقط
بالنسبه للحراسه ابو دعيّـع كالعـاده
مصـدر امان .. وبينشـب لزلايب الإتحـاد
زي ما نشـب العـام وجعـل جـدّه تمسـي باكيـه .. الـزوري متطوّر وظهيـر عصري بس لو يناول بسرعـه ولا يتفلسـف
يصيـر إكّـه المرشـدي بعـد رجوعـه من الإصـابه وبعـد ما انتفـخ راسـه بالخليجيّـه
وهو ماهـو هـو !
لكن بطبيعة الحال نار المرشـدي ولا جنّـه
ابـو مفرّج لبـى سيقانـه
هوسـاوي وآه يا هوسـاوي
انا دائمـا اقـول لمشكلتـي عايلتـكم
طلعـت اثنيـن ذهـب
نـور .. اسـامه
نامـي نرجـع له بعديـن
بالنسبـه للمحاور رادوي كويّـس
وعزيـز بعـد لكن عزيـز يقطـع
يكاتـف .. لكن مايسلّـم صح
فكثيـر كور يتعب في إنّـه يقطعهـا
وفي الأخيـر يرجّعهـا لأقدام المنافـس
وهـذا الشي ماهو مجـدي !
سـول متحسّـن مستواه كثيـر
وكنـت ولا زلـت مراهـن عليـه
لاعـب كل كنتـرول له صـح
يحضّـن على الكـوره صح
يرفـع راسـه
بس عليـه شطحـات مدري وش تحس فيـه
لكن انا افضّـله على الفريـدي
فلهامسـون
لاعب تكتيكي .. يحرث
لياقـته ممكـن تكون نقطه قوّه في وسط الهلال
وسرعتـه بعـد
التايـب
كل المرتدات على الهـلال تكون منّـه
تكفـى يا طارق .. المضمـون
ياسـر اتمنى في هذه المباراة
ينسى إنه يجيب هدف حلو
ويجيب هدف بإلي هي بـه
نهاية دوري .. ومانبـي نقول
تفداك البطولات يا ياسـر

س/ مين برآيك الأجدر لنيل اللقب الإتحاد أم الهلال ؟؟
زي ما قـال ابو فيـصل
كلهم يستاهـلون يعنـي
بكل صراحه ولا يزعلون مني الأخوان
الكره السعوديّـه حيّـه بالهلال والاتحاد
اما البقيّـه .. بقيّـه

س/الهلال مر خلال الفتره الماضيه بعده ازمات لعل ابرزها اقاله كوزمين .. هل تعتقد انه قادر ع التآقلم مع مدربه الجديد لينكز في خلال هالفتره القصيره ؟؟
أولا مافيـه ازمـه مرّت على الهـلال في هذه الفتـره إلا ازمـة كوزميـن اما الأشيـاء الأخـرى اكبـر من إنا نسمّيـها أزمـات وإقالـه كوزميـن ماهـي ازمـه .. أزمـات
رحيـل المدرّب .. أزمـه
البحـث عن مدرّب أزمـه
التأقـلم من المدرّب الجديـد أزمـه
بالنسبـه للمدرّب الجديـد
على الـورق .. جيّـد
وبصراحـه شفت له كم تغيير
حسّيـت بالفـرق بيـنه
وبيـن الحسيـني
بالتالـي اثـره واضـح

س/ رايك الشخصي بأفضل لاعب بالمنتخب نامي ؟؟
مُـجتهـد !
لكـن دون طموحـات (الهلالييـن)
بس ترى شي حلو إن يكون بالفريـق
نقطـة ضعف ( نكبـه )
عطنـي فريـق مافيـه نكبـه !
في اليوفينتـوس عندنا مولينارو
لا غـاب أفقـده
مافيـه احد العّـن واسـب فيـه
(يالله يا رب باص النادي يريوس عليه بالغلط خخ )

**************

س /الهلال مر خلال الفتره الماضيه بعده ازمات لعل ابرزها اقاله كوزمين .. هل تعتقد انه قادر ع التآقلم مع مدربه الجديد لينكز خلال هذه الفتره القصيره وتحقيق المزيد من البطولات !

ج1/ أكبر مؤثر على الفريق بالفترة الي تلت اقالة كوزمين . هو تعامل الجمهور مع الفريق نفسه
للامانة تحولت اقالة كوزمين الى مصيبة للنادي . وكأن الفريق لن يستقيم الا بكوزمين
ما اقول ان اقالة كوزمين غير مؤثره / بالعكس لها تأثير . ولكن الاهتمام في جلب مدرب بحـجم كوزمين
هو الحل الامـثل . بدلاً عن الاستمرار بالحسرة والتظلم
أي ان الهلال فريق يستطيع التأقلم مع المدربين بسرعه . والمدرب يستطيع التأقلم مع الفريق بسرعه
لوجود العناصر المساعده بالفريق

س /الآتحاد منذ انطلاقه الدوري وهو متمسك بالصداره ولم يتنازل عنها سوى جوله واحده خلى الهلال يتونس ثم شالها منه .. برآيك بحكم مباريات الفريقين بالدوري من يستحق لقب الدوري ( بعد النصر طبعا ) !

ج2 / بالارقـآم . الاتحاد يلعب بالفوز والتعادل . اذاً هو الاجدر

س / بحكم إنك نصراوي صميم ليلة الأحد قلبك مع مين !؟

ج3 / قلـبي مع حسن ربيع

س /تحليلك وتوقعك لنتيجه المباراه !

ج4 / ببسـآطة مباراة [ قمـة ] منتظرة من قبل انطلاق دوري المحترفين
التوقعـآت فيها صعبة . لأن بمثل هذي الظروف العام الماضي تفوق الهلال بأرض الاتحاد ومن قبـل تفوق الاتحـآد بأرض الهلال ..
يـعني كأننا نقول هالمباراة فاصلة

الخطط المتوقعة أو أسلوب ومنهجية المباراة . ممكن نقول بيكون هنـآك تحفظ .
بحكم ظروف المباراة / كنـهآئي الدوري
لأن من الصعب تتصور مباراة نهائية تكون مباراة مفتوحه ..
غـآلبا ما تكون مباريات لعب على المرتدة . واقفال الخطوط الخلفية ..

مـع اننا نتمنى نشوف مباراة مفتوحه .. ويلعب الفريقين بروح الفوز ولا غير الفوز ..

**************

هههههههههههههههههههههههههههه بنده الشرهه مب عليك على الي يسألك ويدخلك جو المقابلات للأسف ياجماعه بنده تركت تحليل المباراه واتجهت لتحليل النشره الجويه

س / توقعاتك وتحليلك للنهائي المرتقب ؟؟ ( الإتحاد واللهلال للمعلوميه الي راح يلعبو )

أتوقع اللعب أكثر شي على أطراف الملعب ..يعني محنب شايفين تجمهر ..حتى الجمهور مب جاي لأن كلهم أذكياء زيي متوقعين المباراة بتصير نايمة
وأتوقع قبل تبدا المباراة بيجي واحد من جمهور الهلال لابس فنيلة الاتحاد ويقعد يرقص في وسط الملعب ,,ليش مدري!
وفي الدقيقة 35 بينزل مطر حفيف ينعش اللاعبين ويخليهم رطبين وكيذا

وفي الدقيقة 60 بيوقف المطر (جعلها الله أمطار خير وبركه) أما في الدقيقة 80 بيرجع المطر ينزل بس على أخف من قبل << ياذا المطر اللي اشغلها
بيجلس خمس دقايق ويوقف
الحين كلهم تقولون ورا بندا ذي انشغلت بالمطر ونست المباراة!
زي ماتعرفون الأجواء تأثر على مستوى اللاعبين لذلك اتوقع بيصير طيحات واجد..يعني يجي واحد يركض بالكورة في أمان الله وفجأة يزلق ويطيح ثم يقول (حلوة الحركة؟!)
وستنتهي المباراة بدون أهداف بس طبعاً لأنه نهائي بيسوون شوط اضافي (كيفني وأنا فاهمة؟!) و نفس الشي محد بيجيب أقوال فبيحطون ضربات ترجيح..ويبتلون يلعبون يبتلووووون
لييين يجيب سول حق الهلال قول بعد انتظار طويل...ويفوزون الهلال ومبروك عليهم الكاس
ايه ونسيت اقولكم ان اللي بيطيح بسبب المطر هو اللاعب الليبي المعروف طارق التايب

س/ من الآحق بنظرك في إستحقاقه للدوري 2009 الإتحاد أم الهلال ؟؟

خلال الدوري تأثر مستوى الهلال بطرد المدرب من السعودية.. والاتحاد تأثر لأن جده ماجاها مطر هالسنة
ولكن يستحق الاتحاد الفوز لأنهم اممممم ايه لأن دايم اللي مايفوز يرحمونه ويقولون لا صدق انتم اللي تستحقون الفوز ويرجع السبب اننا مانحب نجرح مشاعر أحد

س / نقاط ضعف الهلال والإتحاد ؟؟ <- فحطي هنا

نقاط ضعف الهلال انهم حساسين مررره..يعني أي كلمة تزعلهم..يعني لو أروح الحين اضحك عليهم وأقولهم تراكم زلايب منتب جايبين الكاس بيزعلون ..
وهذا الشي مب زين لأن اذا صاروا زعولين هالشي بيأثر على مستواهم عرفت قصدي
أما الاتحاد عصبيين مره الله يهديهم يعني دايم محمد نور يعصب ويتنرفز من ياسر القحطاني..واذا ياسر درى ان نور معصب عليه قام زعل وخنفس..
فيبتلون طول المباراة مايكلمون بعض..وولا واحد منهم راضي يتنازل ويعترف بغلطة..وهالشي مب زين وين أخلاق الاسلام؟!
فأتمنى ماتصير ذا الحركات في المباراة الجاية..ونشوف كل اللاعبين مثل الأخوان يسولفون ويضحكون مع بعض والفوز والمباراة آخر همهم

<< وش رايك يسحبون عـ المبااراة ويقلبونها عزيمة عشا أحسن!

أخيرا نظره فنيه للمباراه ؟؟ <- هي كذا صح ؟؟

المواهب الفنية كثيرة في كلا الفريقين..فطارق التايب يتمتع بصوت آخاذ فأتمنى اسمع خبر تنزيله لألبوم جديد
أما ياسر القحطاني فلديه موهبة الرقص الشرقي وأيضاً اتوقع له النجاح في هذا المجال
ومن طرف الاتحاد عندنا محمد نور اللي يتقن لعب الأدوار الشرير في أفلام الأكشن

**************
,,,

ذا مدري شفيه مسوي في أمها وأخلاق وقام بأخر رده يوزع ورود ويبارك للإتحاد ع الفوز
س / الهلال مر خلال الفتره الماضيه بعده ازمات لعل ابرزها اقاله كوزمين .. هل تعتقد انه قادر ع التآقلم مع مدربه الجديد لينكز خلال هذه الفتره القصيره وتحقيق المزيد من البطولات !

الهلال دربه بالدوري هالموسم 4 مدربين
كوزمين كان اكثر واحد
وكاتالين مباراة الشباب (تعادل 1-1)
والحسيني (الوحده 1-0 ) + الاتفاق (2-0)
اتوقع ليكنز توجده لاضافه ثقه نفسيه للاعبين انه فيه مدرب رسمي
واكيد ان الفريق تأثر بقوة لان المدرب ماكمل اسبوعين وقدامه مباريات حاسمه !

س / برآيك هل يستحق الهلال لقب الدوري وهو ماتصدر إلا جوله وحده ؟؟

ان فاز على الاتحاد يستاهل
وان مافاز فالاتحاد يستاهل بعد

س / وش شعورك لو فاز الإتحاد ؟؟
شئ متوقع بالنسبه لي في ظل الظروف اللي يمر فيها الهلال ,,
اعتقد واجزم ان مسأله فوز الهلال صعبه جدا جدا !
لكن مجرد انه وصل لهالمباراة في مثل هالظروف اعتقد انه انجاز متميز ماقصروا فيه نجوم الهلال
عن نفسي مبسوط بالمركز الثاني

س/ هل سنشاهد اللاعب الخفي ؟؟

لااعتقد ذلك .. في انباء عن اصابته

س /تحليلك وتوقعك لنتيجه المباراه !
الاتحاد 2-0
او في اسوألأ الاحوال 0-0

الاتحاد يدخل هالمباراة بفرصتين ولا احلى
ماينقصه الا عماد متعب وعندي ان الجماهير الاتحاديه مبسوطه من اصابته
بوشروان - هزازي - الصبياني
كلها اسماء هجوميه قوية ممكن تسبب القلق للهلال
المرشدي وعودته من الاصاباه وضحت عليه اللياقه التعبااانه
نامي والزوري الارهاق من مشاركات المنتخب + اصاباته بعد مباراة الاتفاق
اتوقع مافيه دفاع الا هوساوي والدعيع
احتمال غياب ياسر بشكل كبير للأسف
يعني العنبر بيطقها اساسي
الاتحاد افضل باستقرار الجهاز الفني
واللاعبين بقياده نور
مالهم عذر لو ضاع الدوري وهذا مااعتقد ولا نسبه 0.1% يصير !
خصوصا ان مدرب الهلال مايعرف اللاعبين صح الى الان !

ميخالف موسم لنا وموسم للاتحاد كلنا حبايب <-- يقالها على كيفه خخخ

ومبروك مقدما للاتحاد

**************

س/ تحليلك وتوقعك لمباراة النهائي ؟؟
شوف حبيبي قسدي اخوي النهائي لا يقبل القيسماه على تو يعني يا يفوز الهيلال يا يفوز الايتحاد ولا تحسب اني غيباه انا اقسد الفوز بالدوري مو الفوز بالمباراة لانها مباراة دوري وثلاث نقاط ولعيون فوقاه عيون اللاعب رقم ثمانياه الحلو ابو جسم خقق اتوقع فوز الازرق والابيض الهيلالي < شكرا فوقاه

س/ مين الأقرب لكسب بطولة الدوري الإتحاد أم الهلال ؟
الاتحاد لانهم كلبين سود ويخوفون والسود اقوياء يومااه يارب ما تجي اسابه للاعب رقم ثمانياه الي اسمه رادوي < شكرا فوقاه

س// كلمه توجهيها للقنااص ؟
ايذا سجلت هدف وفاز الهيلال نعزمك على دي جي انا وبنات المنتدى ( سلمى وفصفص تعالوا تراه دي جي اسلامي )

س// رايك الشخصي برادوي لاعب الهلال ذاك الطويل الأبيض ؟
يحرك فيني انوثتي ولعبه حلو ماراه وهو حلو بالمره يكفي عضلاته والعضلات الي في بطنه ونظراته وانا متاكداه الحين يوم اني حطيت عيني عليه بتجي يمنية ابليس ( يونيك احبكي ) وتاخذه مني

**************
وآخيرا كلمة شكر لمشكلتي إني حلوه يعطيك العافيه ع الترتيب والتصاميم لو ماساعدتيني كان التقديم نزل بعد المباراه ,, من القلب شكرا

غرام · 10-04-2009, 07:02 AM

* مثبت ولـ الذهب بعد اكتمال الردود <--

برعي ماقصرت
باذن الله اتحاديه 2 /1

موافق عليها · 10-04-2009, 07:54 AM

اول شي من يبي اشتريله تذكره معي ليوم الاحد من السدحان
اوه ياها المباراه هذي المباراه صدق صدق ممكن ترتقي بالحماس اللي فيها لمباريات في دوري الابطال .. يعني اتوقع ان المدربين يبون يكونون خارج الحسابات اذا لعب كل مدرب بخطته المعتاده ولاقعد يخنبق تبي تصير المباراه بيدين الاعبين لان في مثل هذي المباريات اتوقع ان الحماس هو اللي يبي يحسمها اولا الهلال ماشاء الله نقدر نقول انه مكتمل العناصر وابو دعيع في المرمى الله لايضره يعني نجي من ناحيه الاسماء الهلال اقوى من الاتحاد بس الاتحاد اذا لعب مع نور غير نشوف اتحاد بروووح والروح اكيد انها اهم من المهارات نجي لعناصر الهلال واحد واحد وبقعله الاتحاد ابوعبدالعزيز محمد الدعيع الحارس الافضل على تاريخ الكوره السعوديه لا لا بتاريخ اسيا كلها حارس نقدر نصفه مع بوفون وسار وكان وانت مرتاح محمد الدعيع الاعب الذي لايشيب نقدر نقول انه قوه الهلال في كل المباريات اذا كان في يومه تبطي تجيب عليه هدف وان شاء الله يوم الاحد يكون في يومه .. نامي الله يستر منك ياخي مدري منول اقول معليك تسد الخانه بس مدري وش جايك من تالي ممحوق بزياده .. هوساوي السنتر الاقوى كلبشه يالبى قلبه نشبه الى ابعد درجه .. المرشدي المدافع الانيق ان شاء الله ان الاخطاء اللي في المباراه اللي راحت كلها تروح .. الزوري اخ بس ياليت تكفى تجلس مع نامي تعلمه شلون الواحد يصير ظهير .. رادوي عزيز جدران يعني يتعب الواحد قبل لاياصل الدفاع وانتم موجودين عزيز لا اوصيك نبي نور يتفل هماه رادوي اذا لقيت فرصه تفشخ افشخ ماعليك من احد سول ولهامسون التايب نبي تمريرات صح نبي اقوال نبيكم تتمتعون وتمتعون مع اني احس ان سول يبي يحسمها القحطاني اتمنى انك تترك الاستعراض بها المباراه على جنب وتسجل هدف لاني ابعلمك طريقه جديده للفرحه بالهدف والله انها احلى من حركه السهم

شليويح حركاتك ذي ماتمشي علينا ينقالك يعني عادي لامنها راحت للاتحاد مجهز العذر ياخي انت دايم متشائم واذا فاز الهلال قعدت تهايط

برعي ياحيوان يجي منك يالاتحادي المخيس

~●{ D α L 3 · 10-04-2009, 08:15 AM

., وعليكم السلام ورحمة الله وبركاته ,.

صباح المواضيع الفنتكه [ ]

صباح الحماس ياحلوين ..

اول شي اتمنى يكون اللقاء ممتع وقوي وبعيدا عن الاشياء الي موب زينه

برعي | تعليقك رهيب وموضوعك عنيد <
شكلي بقلبها جوالات نوكيا خخ

المهم نجي للموضوع

يالبى راسك ياشييييخ

اتمنى يكون له بصمه بالمباراه ويتحفنا بحركته

منيرآآآه مالومك لو خقيتي على رادوي
بس موب ازين من ويلي

خخخخخ

اشك ردي بينحذف
بس صراحه احلى شي بموضوعك بنده يالبى قليبها

اقتباس:

ايه ونسيت اقولكم ان اللي بيطيح بسبب المطر هو اللاعب الليبي المعروف طارق التايب

هههههههههههههههههههههههههههههههههههههههههههههه

انا من قلبي اتمناها اتحاديه وان شاء الله 2- 1

ايه صح قبل مانسى

لا اله الا الله

يلا برب بروح البحر

عصفوره مصفوقه بغضاره · 10-04-2009, 08:42 AM

صبـــآآح الخير

نستنى الاحد بكل شوق

اكيد اتمنآآها هلاليه

الهلال
داخل متحمس للمباراه
عنده اوراق رابحه كثيره خط هجوم رائع فيه ياسر وسول اللي بدا يدخل بجوآ المباريات
وسط قوي مساند للهجوم بوجود عزيز ورادوي
وخط الدفاع من اقوى ـآآ الخطوط بالفرق
واخيرآآ حارس مرمى ـآآ من افضل الحراس
لكن عند الهلال ضعف بالاظهره ناحيه محمد نامي

الهلال تعثر قليل بس المدرب بس رجع جمع اوراق وقدر ينافس بقووه

الاتحاد
داخله وعنده فرصتين للفوز ياتعادل يافوز بعكس الهلال اللي له فرصه وحده
عنده خط هجوم قوي واكيد خسر بأصابة العمده
وخط الوسط قوي بقياده نور اللي له دور كبير بالاتحاد
بس خط الدفاع عنده ضعيف

،،،،

اتوقعهآآ هلاليه 2-1
واتمنى ان نستمع بالكلاسيكو

طبعآآ هذا تحليلي للمباراه
ماسويتوا مع مقابله سويتها بنفسي

ومضه :ـ

يله ياجماهير الهلال لا تتركون فريقكم
انا لو اقدر كان اول من يسنتر هناك بس قهر مايحطون ملاعب عوائل

جفن ضب · 10-04-2009, 12:55 PM

بالتوفيق للهلال

والنتيجه معروفه انشالله

S O O M A · 10-04-2009, 01:43 PM

اتحادية

و بالثلاثة بعد

اتوقع 3-1 للاتحاد

و بالتوفيق

تراي موب اتحادية بس اتوقع هعع

بكيراوي · 10-04-2009, 02:31 PM

مباراة قويه قويه الهلال دايم برى الرياض ازين عشان كذا الله يعين

باذن الله هلاليه لانه يستاهله وحتى الاتحاد يستاهله

برعي

سرآب · 10-04-2009, 02:42 PM

ننتظر هذآ المبارة من آول الموسم وهذآ هي جت ومعها المتعة والاثارة

الهلال يدخل ويتحدى الصعاب بفرصة الفوز فقط عآمل الارض والجمهور يمكن يساعدة في تخطي هذة المرحلة
اما الاتحاد يدخل بفرصتين مثل الموسم السابق يمكن يآثر علية الجمهور شوي لكن الاتحاد كبير بجمهور وبدونة

المدربين يدخلون في ضغط شديد من قبل الجمهور والاعلآم الرياضي ومن منهم سيتحدى ويقاتل من آجل الدرع
الهلال والاتحاد مايفرقون كثير في الاداء بس من يحالفة الحظ يوم القمة ويحرز الدوري

الهلال في هذة المبارة يريد ان يحرز الدوري للسنة الثانية على التوالي
ويقودهم عميد لاعبين العالم محمد الدعيع لاخوف من المرمى في وجودة ابو عبدالعزيز

في الدفاع يوجد افضل لاعبين المنتخب هوساوي والمرشدي لاخوف عليهم والثقة انشاء الله موجودة
في الاظهرة عبدالله الزوري لاعب هجومي دفاعي يقدر يسيطر على المنظقة اليسار وآتوقع المدرب بيركز علية في بدايات الهجمات
اما نامي لاعب كبير ويكفى انة لاعب المنتخب بس الثقة عنده معدومة وانشاء الله يقدم مستوى كبير
المحآور عآد مانقدر نتكلم محور سعودي روماني بنكهة هلالية , عزيز يانة بيقدم مستوى وبيخلي نور يآكل زق ولايتحرك مثل الذهاب
اما رادوي يلبى قلبة ياشيخ يسوي الهوايل

في الوسط طارق التايب ويلهمسون والفريدي مهارة عالية وتكتيك ملعون والدين والتفاهم اهم شي
في خط الهجوم مانقدر نقول شي افضل لاعب اسوي يملك الخبرة والمهارة العالية وراسة لك علية بوجود هزآزي الله يعينك يازآيد

الاتحاد بيدخل المبارة وعيونة على الكاس وبيرد الثائر حق السنة الماضية
يدخل بفرصتين يعني هدف يصعب المهمة على الزعيم

يملك حارس من افضل حارس المنتخب
ودفاع قوي بوجود المنتشري وتكربس اهم شي يكونون متفاهمين
في الاضهرة الصقري لاعب دفاعي ويملك عرضيات يمكن تهدد مرمى الدعيع
والمولد اللي شق الدعيع وجاب القول قبل سننتين
في المحاور كريري وحديد يصعب صلبين ويملكون الخبرة المهة على طارق ويلمسون

في خط الوسط محمد نور يلبى قلبة ذآك الآسود هو يفكر يسوي شي لكن عزيز بيحرمة وينرفزة مثل الذهاب
رينادو لاعب سريع وعندة مهارة عالية وتسديدات في المرمي
خط الهجوم مانقدر نتلكم بوجود هزآزي يملك السرعة والراس اللي بيجيب القول للاتي

×| نقآط مهمة |×

* اتمنى من مدرب الهلال يلعب محمد الشلهوب عشان ترجع لة الثقة ويمكن من ذي المبارة بينطلق الى الامام ولاننسى قدم مستوى في مبارة السعودية والعراق
* محمد نور يملك اعصابة شوي لايجي التايب آو عزيز ينرفزة ويطلع من جو المبارة مثل الذهاب شفناه آكبر همة يسحب
*على الاتحاد ان يطب مبكر يشوف وضع الملعب والاجواء ويمتص خوف الجمهور
* الهلال يحآول يكون دفاعي هجومي عشان اذا جاب الاتحاد قول بتصعب علية المهمة والاتحاد بيسكر ملعبة
* على كل عضو في الملحق انة يحضر المبارة النارية ولايفوتة ص عمرة
* توقعاتي للمبارة 2 - 1 للزعيم ياسر و هوساوي للهلال و هزازي للاتحاد

برعي .. مشكلتي

الله يعيطكم العافية على التقديم الروعة والتنسيق الملعون والدين
امسكوآ

.

R80 · 10-04-2009, 03:08 PM

اخيراً

باسم الله الرحمن الرحيم ..

هالمباراة اعطيها 65% اتحاديه وَ 35% هلاليه << تراني ناجح بالرياضيات

لكن بعض المرات وفي بعض الضروف تنقلب التوقعات وممكن تكون الـ 35% تغلب الـ 65%

نبدى بالاتحاد ..

الاتحاد بدى الدوري بفريق كامل واجانب مميزين .. ومن بداية الدوري تقريبا ومستواهم ثابت ويخوفون عيال الكلب

والله مدري وش اقول بس الحمدالله ابومصير مصاب

هالمباراة بنشوف فيها هواش وتفلّت في وسط الملعب مابين نور وعزيز

هالمباراة بالنسبه للهلال هي الدعيّع .. الدعيّع وبس

اقول انا الحين اكتب الرد وانا تحت ضغط نفسي .. عشت جو المباراة من الحين

لي رجعه بس مدري متى ..

<< ومازلت قامط أم العافيه ومتشاائم !

حسنـآء الثقـبة · 10-04-2009, 05:21 PM

صبـآحكـم بندول كـولد آند فلو .،. مسـآكـم هستـوب

.
.

" آلهـلآل & آلآتـي "

كـلآسيكـو يتكـلم عن نفسـه
نهـآئي يهيـض آللـي مـآيتهيـض
كـلن محتـريه من آلقـدسـآوي الى آلخرطـومي

اقتباس:

* اتمنى من مدرب الهلال يلعب محمد الشلهوب عشان ترجع لة الثقة ويمكن من ذي المبارة بينطلق الى الامام ولاننسى قدم مستوى في مبارة السعودية والعراق

آللـه لآ يقوله
مبـآرآهـ لآ تحتمـل آلتوقعـآت وجـبر خوآطـر
بآختصـآر نبي شعـآرنآ يكون " تسـآنكم نمـور فحنـآ آسـود " مهب يمكن اسود

.
.

شطحـه تحليليـه : <-- الله لا يخلينـآ

* نقـآرن آلآهـدآف آللـي عـ آلـهلآل وآلآهـدآف آللـي لـ آلآتحـآد
نـلآحـظ آنـه متكـآفئة نسبيـاً يعنـي هجومهـم قوي ،، وحنـآ دفـآعنـآ آقـوى
تسـآنه يبي يدل على شي آو يعطينـآ ملآمـح لملحمـه يوم آلآحـد

- قحـط بآلآقـوآل يعنـي آللـي بيفوز نتيجته بتكـون 1-0 1-2 مب آكثـر

- رآح يكـون آلآستحـوآذ ع آلكـرهـ 60 الـى 70 % <-- مـآسويت فينـآ خير يآلقـوهـ آلعـآشرهـ ،، آتحـآديـه وبآلتـآلي تبي تكثـر هجمـآته آللـه يستر

بسـ مـآننسـآ آن عندنـآ آلبطـل آلمغوآر آلدعيع

- آنتهت آلشطحـه -

شـلون يـآسر بيلعب ؟!
مب مسـوي عمليـه ؟!

قريت بآحـدى آلصحف آلريآضيـه آنه مسوي عمليـه ودختورهـ يقول آنهـآ خطير ويبيلهـآ تسم من يوم آلين يلتـأم آلجـرح .. وعبد آلرحمـن بن مسـآعد يقول آصـآبته خفيفه وبيلعـب آنشـآلله
نصـدق كلآم مين هـآلحين !! .. مب يلعبونـه هجـوم وهو مصـآب وعقب لآخسـرنآ يقولون يـآسر كـآن مصـآب ويتحججـون فيه
.
.
متفـآئلين خير بآلتـآيب آن شـآء آلله

آتـوقعهـآ : 1-0 آتحـآديه
آتمنـآهـآ : 2-1 هـلآليـه

.
.
بـرعـي * مشكـلتي

دوكـم ع هيك آلتقـديم آلبطـل

سرآب · 10-04-2009, 05:58 PM

اقتباس:

آللـه لآ يقوله , مبـآرآهـ لآ تحتمـل آلتوقعـآت وجـبر خوآطـر

وش جبر الخوآطر تستهبلين انتي
يآوخيتي لاعب يقدم مستوى وتحطة في الاحتياط مشكلة
خلة يعيد الثقة في نفسة من هـ المبارة لاعب عنده شي بيقدمة
اجل يلعب الفريدي ذآك البارد

اقتباس:

شـلون يـآسر بيلعب ؟!مب مسـوي عمليـه ؟!

وش عمليتة انتي و وجهتس يآخويتي سوآ العملية وخلص من زمان
بس يمكن مايشارك لان العلمية في منطقة حساسة ولا يمكن يعرف يركض
لكن هو قالها في برنامج [ في المرمى ] لو العب برجل وحدة لعبت
لاعب يحب الفداء لعيني وعيونك

,

حسنـآء الثقـبة · 10-04-2009, 06:55 PM

^
^
خلهـم آثنينهم يستريحـون بآلآحتيـآط ويوسعون صدور بعض بس لآ يقربون آلمستطيـل آلآخضـر

مـآنبـآ تهـور ،، نبـآ آلكـآس

30 :00 & 1:10 & 1:38

" آذكروآ آللـه ع آلـدعيع "
عنـدك آلخبل آلتـآيب وآلآخبـل منـه سـ - _ - ـول
وشـ تبي بآلشـلهوب ترجّـع ثقتـه بنفسـه

سرآب · 10-04-2009, 07:33 PM

لبى قلبة عزيز قطعتة في آول المقطع

حسناء افهميني تكفين
انا قلت اتمنى انة يشارك بس مااتوقع ان المدرب يطببة
حتى لو لعب موب لازم كل المبارة لو نص ساعة
يكفى مااهلك كاس العالم 2006 الا هوو

وكم من بطولة للهلال من رجلينة .. صدق انة مستوآهـ طآيح بس يقدر يسوي شي
هذآ انتي قلتيها سول كم مبارة لاعب مع الهلال حوالي 10
ومابدع الا المبارتين اللي راحت الشهلوب بس يبغى لة فرصة ويآخذ الثقة

.

10-04-2009, 06:57 AM	#1
مُحمّد خبير ملحقاوي	قالها نور الدوري للنمور و كملها حديد : بغيناهم ولقيناهم بسم الله الرحمن الرحيم نحن على موعد جديد مع متعة الكرة السعودية في نهائي الدوري الاقوى بين الدوريات العربية اثارة مابعدها اثاره .. في ليلة كروية جميلة .. يلتقى قطبي الكرة السعودية ..في ملحمه كرويه عنوانها حصاد موسم كامل ,, لا تقبل القسمه ع اثنان ياقاتل يامقتول ,, ولايختلف اثنين على أنهما الافضل في الدوري السعودي في السنوات الاخيره خاصه أن الفريقين دايم متواجدين بالنهائي ومكوشين ع البطولات <- اذكر الله لاينزلون درجه اولى ,, ففي مساء يوم الآحد القادم يحل الاتحاد عميد الكرة السعودية ضيفا ثقيلا على شقيقه الهلال زعيم الكرة السعودية في ..{ نهائي دوري المحترفين السعودي }.. فالهلال يريد تعزيز زعامته والاتحاد يحاول تقليص الفرق بينه وبين الهلال في عدد البطولات فهذا المباراة هي قمة في كل شيء انها قمة الكرة السعودية انه النهائي " الحلم " لكلا الفريقين فلمن يكون الذهب ~. جدول الدوري ~ ~ بطاقة اللقاء ~ اليوم // يوم الأحــد التاريخ // 16 / 4 / 1430هـ الموافق 12 / 4 / 2009 م الزمان // 30 : 8 مساء ً المكان // استاذ الملك فهد الدولي بالرياض [ درة الملاعب] ملعب اللقاء ~ حكم المبآراه ~ جان جي ,, شكله والله العالم موب غريب الوكاد إنه جا قبل ذي اوضاع الفريقين ~. الإتحاد // بدا نادي الإتحاد في أول لقائاته لدوري المحترفين مع الرائد وكانت بدايه حقيقيه لمتصدر الدوري حيث أستطاع التغلب بنتجيه كبيره 5_1 ,, وبعدها أتجه لملاقاة الوطني ( عقدة الموسم الماضي ) وأنتصر عليه 2_1 ,, ومن ثم أستضاف الحزم على أرضه وآنتصر الإتحاد في مباراه سهله كانت .. وأنتهت 3_0 ,, وبعدها أنطلق للعاصمه لملاقاة النصر في مباراه شهدت أحداث ,, وكانت بدون جمهور نضير للأحداث الذي سبقتها ,, رغم منع الجمهور إلا أنها كانت مباراه ملحمه وكانت أول تعثر للإتحاد بنتيجه التعادل الإيجابي 2_2 ,, وبعدها أستضاف الإتحاد فريق الشباب العنيد ولكن أستطاع التغلب عليه بنتيجه 2_1 ,, وبعدها أتجهت الأنضار لديربي الغربيه الي دائما يكون من طرف واحد وأستطاع الإتحاد بخبرة لاعبيه أن يخطف النقاط في آخر دقيقه برجل متعب ( خبر آيه ياعمده ) ,, وبعدها طار الإتحاد آلى آبها في مباراه كانت أن تزيح الإتحاد عن الصداره وأستطاع قلب الطاوله في وجه المضيف آبها 2_1 ,, وبعدها عادت النمور إلى جده وآستضافة فريق نجران وأنتهت 3_2 ,, وبعدها أتي فرسان مكه ( الوحده ) وأنتصر الإتحاد 2_1 ,, وبعدها أتجه للدمام لملاقاة الأتفاق في مباراه أنتهت بالتعادل الإيجابي 1_1 رغم النقص من فريق الإتحاد ,, وبعدها كان الدور على أبها في مباراه سهله حقق الإتحاد الفوز بنتيجه 3_0 ,, وبعدها أستضاف فريق الهلال الوصيف والمطارد الشرس .. في مباراة الفرص الضائعه وأنتهت بالتعادل السلبي 0_0 ,, وبعدها أتجه إلى بريده لملاقاة الرائد وتغلب عليه الإتحاد 2_0 ,, وبعدها جا الوطني وصفقه الإتحاد بنتيجه قاسيه 7_2 ,, ومازال الأتحاد بالصداره وكل الأنديه بعدو ,, وبعدها أتجه للرس لملاقاة الحزم البثر بأرضه في مباراه فقد الإتحاد كابتنه وروح الفريق محمد نور بعد تعرضه للكرت الأصفر الثالث بمباراة الوطني ,, أستطاع الإتحاد بعد طلعة الروح التعادل مع الحزم بنتيجه كبيره 3_3 ,, وبعدها أستضاف النصر بجده لا جديد تغلب عليه 1_0 ,, وبعدها كان الديربي الغربيه المنتظر مع الأهلي ( ياحمار ديربي الغربيه يعني مع نجران ؟؟ ) ,, وكانت أول تعثر حقيقي لمسيرة الإتحاد بالدوري وكانت من جاره التقليدي ,, وغضب الجمهور الإتحاد غضب شديد على هذي النتيجه ولكن صرح محمد نور عقب هالمباراه أن الدوري للإتحاد قبل مباراة الهلال لكن ماشفنا شي للحين <- ياخي أصمل ياقروي يافصحى ,, وبعدها أنطلقت النمور للرياض لملاقاة الشباب حيث عادة الروح الإتحاديه تمطر الشباك الشبابيه بنتيجه قاسيه 4_0 ,, ومن ثم أستضاف الإتفاق وتغلب عليه بنتيجه أيضا كبيره 3_0 ,, ومازال الإتحاد ياكل القاصي مع الداني ,, وبعدها طار لنجران في مباراه شهدت غياب 7 لعيبه دولين من الإتحاد بسبب المنتخب لكن لم تؤثر عليه وفاز بنتيجه كبيره بعد 4_1 ,, وفي الجوله القبل الآخيره طار لمكه لمواجة الفرسان وتغلب عليه بـ 3_1 ,, وتبقى الجوله الأخير مع الزعيم حيث سيلعب الإتحاد بفرصتين أما التعادل أو الفوز وبكذا ياأعزائي نكون غطينا مسيرة الإتحاد بالدوري فهمتوا كان بها مافهمت راسلني ع الخاص وبرسلك جدار منزلي تصك راسك فيه الين تموت ابرز اللعيبه ~ رئيس الإتحاد ~ ~ التشكيله المتوقعه للعميد ~ المدرب ~ الزعيم الهلال // أنطلق الزعيم في أول مبارياته لدوري المحترفين والذي كانت ضد أبها وكانت في أرض الخصم إلا أنها مباراه سهله وأنتهت 3_0 ,, وبعدها أستضاف فريق الرائد وتغلب عليه بـ 2_0 ,, وبعدها أنطلق لنجران الجديد في هالجوله إنه اترقع من نجران 2_1 وكان أول تعثر للهلال بثالث جوله .. وبعدها لعب مع الوطني بتبوك وتغلب عليه بـ 3_1 ,, وبعدها أستضاف الأهلي في مباراه شبه ممله أنتهت بالتعادل السلبي 0_0 ,, وبدا الهلال في نزف النقاط .. إلا أن حان ديربي الرياض بينه وبين النصر ,, إلا أن دايم هالمباريات تكون الإنطلاقه الحقيقيه للهلال فاز الهلال بهالديربي ولا هوب شي جديد 2_1 ,, وبعدها طار للحزم وأنتصر بأرضه 2_1 ,, ومن ثم أستضاف الوحده وأنتهت بالتعادل السلبي 0_0 ومازال الزعيم ينزف ومافاق إلا بأخر الدوري وبعدها طار للشرقيه لملاقاة الآتي فاق في مباراه شهدت عودة طارق التايب المصاب مدري الموقف وحده من الثنتين ومع عودة الليبي عادة روح الزعيم المعروفه ,, ورجعت روح الإنتصار ,, حيث واجه الشباب وصكه بهدفين من صناعة الليبي 2_0 ,, وبعدها أستضاف الحزم في مباراه سهله تغلب عليه 3_0 ,, وبعدها طار لجده لكلاسيكو الكره السعوديه الي أنتهى بالتعادل السلبي 0_0 ,, وبعدها واجه آبها وأنتصر عليه بنتيجه كبيره 4_1 ,, وبعدها راح لبريده وواجه الرائد في حظور جماهيري كبير وتغلب عليه بنتيجه 2_0 ,, وآخذ الهلال يقلص الفارق مع المتصدر العميد ,, إلا أن واجه نجران وسحقه بـ سباعيه 7_0 ,, وبات الفرق بينه وبين المتصدر نقطه واحده ,, إلا أن واجه الوطني بأرضه وانتهت بنتيجه التعادل المخيبه لجماهير الهلال 0_0 وبعدها لقاء الديربي الرياض الهلال و النصر الي كان النصر هالموسم كمحطة البنزين يجي الهلال يشحن طاقته على حساب النصر ويتصدر وبعدها طار لجده لملاقاة الأهلي وكالعاده جاب هدف وسكر المناطق الخلفيه وفاز 1_0 ,, وبعدها واجه فريق الشباب الي رئسيه أكل طق لين قال أمين والسبب مافتحو مرماهم وأنتهت بالتعادل الإيجابي 1_1 ,, تعتبر هالمباراه رجعت الصدراه للإتحاد ,, وبعدها واجه الوحده في مباراه شهدت غياب نجوم الهلال بسبب المنتخب ,, كان الزعيم أن يفقد المنافسه على الدوري إلا أن جا الفرج براس العنبر بآخر دقيقه وأبقت الآمال والحظوظ للزعيم للمنافسه ,, وبعدها أستضاف الإتفاق وحسم النتيجه مبكرا بـ 2_0 ,, ويعلن بعدها الهلال عن حسم الدوري يوم الآحد ,, بإختصار الوعد يوم الأحد التشكيله المتوقعه للهلال ~ آبرز اللعيبه ~ .. رئيس الهلال ~ عبدالرحمن بن مساعد المدرب ~ الآتجاه المعآكس ~ محمد الدعيع // النادي الهلال تاريخ الميلاد: 2 أغسطس 1972 العمر: 34 مبروك زايد // نادي : الإتحاد تاريخ الميلاد: 11 فبراير 1979 العمر: 30 ~ محمد نور // نادي الإتحاد الخانه // وسط تاريخ الميلاد: 26 فبراير 1978 العمر: 31 ياسر القحطاني// نادي الخرج <- مداعبه مداعبه لحد يزعل الخانه // راس حربه تاريخ الميلاد : 10 أكتوبر 1982 العمر / 26 ~ ماجد المرشدي // نادي الهلال الخانه // قلب دفاع تاريخ الميلاد: 1 نوفمبر 1984 العمر: 24 حمد المنشري // نادي الإتحاد الخانه // قلب دفاع تاريخ الميلاد: 22 يونيو 1982 العمر: 26 مشوار الفريقين الموسمين اللي راحت ~. كأس ولي العهد 2005 الذهاب 1 - 0 للهلال الإياب 1 - 1 التعادل دوري ابطال العرب 2005 الذهاب 0 - 1 للإتحاد الإياب 2 - 1 للإتحاد كأس دوري خادم الحرمين الشريفين 2004/2005 الذهاب 4 - 2 للهلال الإياب 2 - 1 الإتحاد المربع الذهبي 2005 0_1 للهلال كأس دوري خادم الحرمين الشريفين 2005/2006 الذهاب 2 - 2 التعادل الإياب 0 - 1 للإتحاد المربع الذهبي 2006 2 - 1 للهلال كأس دوري خادم الحرمين الشريفين 2006/2007 الذهاب 2 - 1 للهلال الاياب 2 - 1 للهلال

10-04-2009, 06:58 AM	#2
مُحمّد خبير ملحقاوي	رد: بضبط نفس و تكتيك يوم الآـد يآ كاسنا من بيجيك !! ( كلاسيكو الهلال والإتحاد ) قرآءت فنيه لكـبآتنه الملحق ~ س/ تحليلك وتوقعك لنتيجة المبارآه ؟؟ أتوقـع راح يتكرر سيناريـو المباراة الأخيـره في دوري العـام .. معنويات الزعيـم .. فوق والإتّي حبيبنا تلقى ضربة موجعه بعد اصابة العمده ولاتنسـى عامل الأرض والجمهور وانا بأحضر يعني حضوري اكبر دافع للزعيـم إنه يحقق للإنتصار ومن هالمنبر انا اوجّـه لك الدعوه يا اخ برعي للقدوم إلى الرياض وتذكرتك وسكنك كلهاعلى حسابي كم برعي عندي انا ولو تجيب عبسي ومشكلتي معك اكون لك شاكر نرجع لمحور حديثنا .. من الناحيه التكتيكيه راح اتكلم عن الهلال فقط بحكم متابعتي له فقط بالنسبه للحراسه ابو دعيّـع كالعـاده مصـدر امان .. وبينشـب لزلايب الإتحـاد زي ما نشـب العـام وجعـل جـدّه تمسـي باكيـه .. الـزوري متطوّر وظهيـر عصري بس لو يناول بسرعـه ولا يتفلسـف يصيـر إكّـه المرشـدي بعـد رجوعـه من الإصـابه وبعـد ما انتفـخ راسـه بالخليجيّـه وهو ماهـو هـو ! لكن بطبيعة الحال نار المرشـدي ولا جنّـه ابـو مفرّج لبـى سيقانـه هوسـاوي وآه يا هوسـاوي انا دائمـا اقـول لمشكلتـي عايلتـكم طلعـت اثنيـن ذهـب نـور .. اسـامه نامـي نرجـع له بعديـن بالنسبـه للمحاور رادوي كويّـس وعزيـز بعـد لكن عزيـز يقطـع يكاتـف .. لكن مايسلّـم صح فكثيـر كور يتعب في إنّـه يقطعهـا وفي الأخيـر يرجّعهـا لأقدام المنافـس وهـذا الشي ماهو مجـدي ! سـول متحسّـن مستواه كثيـر وكنـت ولا زلـت مراهـن عليـه لاعـب كل كنتـرول له صـح يحضّـن على الكـوره صح يرفـع راسـه بس عليـه شطحـات مدري وش تحس فيـه لكن انا افضّـله على الفريـدي فلهامسـون لاعب تكتيكي .. يحرث لياقـته ممكـن تكون نقطه قوّه في وسط الهلال وسرعتـه بعـد التايـب كل المرتدات على الهـلال تكون منّـه تكفـى يا طارق .. المضمـون ياسـر اتمنى في هذه المباراة ينسى إنه يجيب هدف حلو ويجيب هدف بإلي هي بـه نهاية دوري .. ومانبـي نقول تفداك البطولات يا ياسـر س/ مين برآيك الأجدر لنيل اللقب الإتحاد أم الهلال ؟؟ زي ما قـال ابو فيـصل كلهم يستاهـلون يعنـي بكل صراحه ولا يزعلون مني الأخوان الكره السعوديّـه حيّـه بالهلال والاتحاد اما البقيّـه .. بقيّـه س/الهلال مر خلال الفتره الماضيه بعده ازمات لعل ابرزها اقاله كوزمين .. هل تعتقد انه قادر ع التآقلم مع مدربه الجديد لينكز في خلال هالفتره القصيره ؟؟ أولا مافيـه ازمـه مرّت على الهـلال في هذه الفتـره إلا ازمـة كوزميـن اما الأشيـاء الأخـرى اكبـر من إنا نسمّيـها أزمـات وإقالـه كوزميـن ماهـي ازمـه .. أزمـات رحيـل المدرّب .. أزمـه البحـث عن مدرّب أزمـه التأقـلم من المدرّب الجديـد أزمـه بالنسبـه للمدرّب الجديـد على الـورق .. جيّـد وبصراحـه شفت له كم تغيير حسّيـت بالفـرق بيـنه وبيـن الحسيـني بالتالـي اثـره واضـح س/ رايك الشخصي بأفضل لاعب بالمنتخب نامي ؟؟ مُـجتهـد ! لكـن دون طموحـات (الهلالييـن) بس ترى شي حلو إن يكون بالفريـق نقطـة ضعف ( نكبـه ) عطنـي فريـق مافيـه نكبـه ! في اليوفينتـوس عندنا مولينارو لا غـاب أفقـده مافيـه احد العّـن واسـب فيـه (يالله يا رب باص النادي يريوس عليه بالغلط خخ ) ********** س /الهلال مر خلال الفتره الماضيه بعده ازمات لعل ابرزها اقاله كوزمين .. هل تعتقد انه قادر ع التآقلم مع مدربه الجديد لينكز خلال هذه الفتره القصيره وتحقيق المزيد من البطولات ! ج1/ أكبر مؤثر على الفريق بالفترة الي تلت اقالة كوزمين . هو تعامل الجمهور مع الفريق نفسه للامانة تحولت اقالة كوزمين الى مصيبة للنادي . وكأن الفريق لن يستقيم الا بكوزمين ما اقول ان اقالة كوزمين غير مؤثره / بالعكس لها تأثير . ولكن الاهتمام في جلب مدرب بحـجم كوزمين هو الحل الامـثل . بدلاً عن الاستمرار بالحسرة والتظلم أي ان الهلال فريق يستطيع التأقلم مع المدربين بسرعه . والمدرب يستطيع التأقلم مع الفريق بسرعه لوجود العناصر المساعده بالفريق س /الآتحاد منذ انطلاقه الدوري وهو متمسك بالصداره ولم يتنازل عنها سوى جوله واحده خلى الهلال يتونس ثم شالها منه .. برآيك بحكم مباريات الفريقين بالدوري من يستحق لقب الدوري ( بعد النصر طبعا ) ! ج2 / بالارقـآم . الاتحاد يلعب بالفوز والتعادل . اذاً هو الاجدر س / بحكم إنك نصراوي صميم ليلة الأحد قلبك مع مين !؟ ج3 / قلـبي مع حسن ربيع س /تحليلك وتوقعك لنتيجه المباراه ! ج4 / ببسـآطة مباراة [ قمـة ] منتظرة من قبل انطلاق دوري المحترفين التوقعـآت فيها صعبة . لأن بمثل هذي الظروف العام الماضي تفوق الهلال بأرض الاتحاد ومن قبـل تفوق الاتحـآد بأرض الهلال .. يـعني كأننا نقول هالمباراة فاصلة الخطط المتوقعة أو أسلوب ومنهجية المباراة . ممكن نقول بيكون هنـآك تحفظ . بحكم ظروف المباراة / كنـهآئي الدوري لأن من الصعب تتصور مباراة نهائية تكون مباراة مفتوحه .. غـآلبا ما تكون مباريات لعب على المرتدة . واقفال الخطوط الخلفية .. مـع اننا نتمنى نشوف مباراة مفتوحه .. ويلعب الفريقين بروح الفوز ولا غير الفوز .. ********** هههههههههههههههههههههههههههه بنده الشرهه مب عليك على الي يسألك ويدخلك جو المقابلات للأسف ياجماعه بنده تركت تحليل المباراه واتجهت لتحليل النشره الجويه س / توقعاتك وتحليلك للنهائي المرتقب ؟؟ ( الإتحاد واللهلال للمعلوميه الي راح يلعبو ) أتوقع اللعب أكثر شي على أطراف الملعب ..يعني محنب شايفين تجمهر ..حتى الجمهور مب جاي لأن كلهم أذكياء زيي متوقعين المباراة بتصير نايمة وأتوقع قبل تبدا المباراة بيجي واحد من جمهور الهلال لابس فنيلة الاتحاد ويقعد يرقص في وسط الملعب ,,ليش مدري! وفي الدقيقة 35 بينزل مطر حفيف ينعش اللاعبين ويخليهم رطبين وكيذا وفي الدقيقة 60 بيوقف المطر (جعلها الله أمطار خير وبركه) أما في الدقيقة 80 بيرجع المطر ينزل بس على أخف من قبل << ياذا المطر اللي اشغلها بيجلس خمس دقايق ويوقف الحين كلهم تقولون ورا بندا ذي انشغلت بالمطر ونست المباراة! زي ماتعرفون الأجواء تأثر على مستوى اللاعبين لذلك اتوقع بيصير طيحات واجد..يعني يجي واحد يركض بالكورة في أمان الله وفجأة يزلق ويطيح ثم يقول (حلوة الحركة؟!) وستنتهي المباراة بدون أهداف بس طبعاً لأنه نهائي بيسوون شوط اضافي (كيفني وأنا فاهمة؟!) و نفس الشي محد بيجيب أقوال فبيحطون ضربات ترجيح..ويبتلون يلعبون يبتلووووون لييين يجيب سول حق الهلال قول بعد انتظار طويل...ويفوزون الهلال ومبروك عليهم الكاس ايه ونسيت اقولكم ان اللي بيطيح بسبب المطر هو اللاعب الليبي المعروف طارق التايب س/ من الآحق بنظرك في إستحقاقه للدوري 2009 الإتحاد أم الهلال ؟؟ خلال الدوري تأثر مستوى الهلال بطرد المدرب من السعودية.. والاتحاد تأثر لأن جده ماجاها مطر هالسنة ولكن يستحق الاتحاد الفوز لأنهم اممممم ايه لأن دايم اللي مايفوز يرحمونه ويقولون لا صدق انتم اللي تستحقون الفوز ويرجع السبب اننا مانحب نجرح مشاعر أحد س / نقاط ضعف الهلال والإتحاد ؟؟ <- فحطي هنا نقاط ضعف الهلال انهم حساسين مررره..يعني أي كلمة تزعلهم..يعني لو أروح الحين اضحك عليهم وأقولهم تراكم زلايب منتب جايبين الكاس بيزعلون .. وهذا الشي مب زين لأن اذا صاروا زعولين هالشي بيأثر على مستواهم عرفت قصدي أما الاتحاد عصبيين مره الله يهديهم يعني دايم محمد نور يعصب ويتنرفز من ياسر القحطاني..واذا ياسر درى ان نور معصب عليه قام زعل وخنفس.. فيبتلون طول المباراة مايكلمون بعض..وولا واحد منهم راضي يتنازل ويعترف بغلطة..وهالشي مب زين وين أخلاق الاسلام؟! فأتمنى ماتصير ذا الحركات في المباراة الجاية..ونشوف كل اللاعبين مثل الأخوان يسولفون ويضحكون مع بعض والفوز والمباراة آخر همهم << وش رايك يسحبون عـ المبااراة ويقلبونها عزيمة عشا أحسن! أخيرا نظره فنيه للمباراه ؟؟ <- هي كذا صح ؟؟ المواهب الفنية كثيرة في كلا الفريقين..فطارق التايب يتمتع بصوت آخاذ فأتمنى اسمع خبر تنزيله لألبوم جديد أما ياسر القحطاني فلديه موهبة الرقص الشرقي وأيضاً اتوقع له النجاح في هذا المجال ومن طرف الاتحاد عندنا محمد نور اللي يتقن لعب الأدوار الشرير في أفلام الأكشن ********** ,,, ذا مدري شفيه مسوي في أمها وأخلاق وقام بأخر رده يوزع ورود ويبارك للإتحاد ع الفوز س / الهلال مر خلال الفتره الماضيه بعده ازمات لعل ابرزها اقاله كوزمين .. هل تعتقد انه قادر ع التآقلم مع مدربه الجديد لينكز خلال هذه الفتره القصيره وتحقيق المزيد من البطولات ! الهلال دربه بالدوري هالموسم 4 مدربين كوزمين كان اكثر واحد وكاتالين مباراة الشباب (تعادل 1-1) والحسيني (الوحده 1-0 ) + الاتفاق (2-0) اتوقع ليكنز توجده لاضافه ثقه نفسيه للاعبين انه فيه مدرب رسمي واكيد ان الفريق تأثر بقوة لان المدرب ماكمل اسبوعين وقدامه مباريات حاسمه ! س / برآيك هل يستحق الهلال لقب الدوري وهو ماتصدر إلا جوله وحده ؟؟ ان فاز على الاتحاد يستاهل وان مافاز فالاتحاد يستاهل بعد س / وش شعورك لو فاز الإتحاد ؟؟ شئ متوقع بالنسبه لي في ظل الظروف اللي يمر فيها الهلال ,, اعتقد واجزم ان مسأله فوز الهلال صعبه جدا جدا ! لكن مجرد انه وصل لهالمباراة في مثل هالظروف اعتقد انه انجاز متميز ماقصروا فيه نجوم الهلال عن نفسي مبسوط بالمركز الثاني س/ هل سنشاهد اللاعب الخفي ؟؟ لااعتقد ذلك .. في انباء عن اصابته س /تحليلك وتوقعك لنتيجه المباراه ! الاتحاد 2-0 او في اسوألأ الاحوال 0-0 الاتحاد يدخل هالمباراة بفرصتين ولا احلى ماينقصه الا عماد متعب وعندي ان الجماهير الاتحاديه مبسوطه من اصابته بوشروان - هزازي - الصبياني كلها اسماء هجوميه قوية ممكن تسبب القلق للهلال المرشدي وعودته من الاصاباه وضحت عليه اللياقه التعبااانه نامي والزوري الارهاق من مشاركات المنتخب + اصاباته بعد مباراة الاتفاق اتوقع مافيه دفاع الا هوساوي والدعيع احتمال غياب ياسر بشكل كبير للأسف يعني العنبر بيطقها اساسي الاتحاد افضل باستقرار الجهاز الفني واللاعبين بقياده نور مالهم عذر لو ضاع الدوري وهذا مااعتقد ولا نسبه 0.1% يصير ! خصوصا ان مدرب الهلال مايعرف اللاعبين صح الى الان ! ميخالف موسم لنا وموسم للاتحاد كلنا حبايب <-- يقالها على كيفه خخخ ومبروك مقدما للاتحاد ********** س/ تحليلك وتوقعك لمباراة النهائي ؟؟ شوف حبيبي قسدي اخوي النهائي لا يقبل القيسماه على تو يعني يا يفوز الهيلال يا يفوز الايتحاد ولا تحسب اني غيباه انا اقسد الفوز بالدوري مو الفوز بالمباراة لانها مباراة دوري وثلاث نقاط ولعيون فوقاه عيون اللاعب رقم ثمانياه الحلو ابو جسم خقق اتوقع فوز الازرق والابيض الهيلالي < شكرا فوقاه س/ مين الأقرب لكسب بطولة الدوري الإتحاد أم الهلال ؟ الاتحاد لانهم كلبين سود ويخوفون والسود اقوياء يومااه يارب ما تجي اسابه للاعب رقم ثمانياه الي اسمه رادوي < شكرا فوقاه س// كلمه توجهيها للقنااص ؟ ايذا سجلت هدف وفاز الهيلال نعزمك على دي جي انا وبنات المنتدى ( سلمى وفصفص تعالوا تراه دي جي اسلامي ) س// رايك الشخصي برادوي لاعب الهلال ذاك الطويل الأبيض ؟ يحرك فيني انوثتي ولعبه حلو ماراه وهو حلو بالمره يكفي عضلاته والعضلات الي في بطنه ونظراته وانا متاكداه الحين يوم اني حطيت عيني عليه بتجي يمنية ابليس ( يونيك احبكي ) وتاخذه مني ************ وآخيرا كلمة شكر لمشكلتي إني حلوه يعطيك العافيه ع الترتيب والتصاميم لو ماساعدتيني كان التقديم نزل بعد المباراه ,, من القلب شكرا

10-04-2009, 07:02 AM	#3
غرام خبير ملحقاوي	رد: بضبط نفس و تكتيك يوم الآحـد يآ كاسنا من بيجيك !! ( كلاسيكو الهلال والإتحاد ) * مثبت ولـ الذهب بعد اكتمال الردود <-- برعي ماقصرت باذن الله اتحاديه 2 /1 توقيع » غرام انا انكسرت برغبتي ,, والضوء لولا الآنـكسار [] مآبان لك بين الزوايـا المظلمه موجآت نور !! اسـآلوني بآحتـرآم آجاوبكم بآحـترآم اسآلوني بقله ذوق بسفهكم

10-04-2009, 07:54 AM	#4
موافق عليها مراقب عام	رد: بضبط نفس و تكتيك يوم الآحـد يآ كاسنا من بيجيك !! ( كلاسيكو الهلال والإتحاد ) اول شي من يبي اشتريله تذكره معي ليوم الاحد من السدحان اوه ياها المباراه هذي المباراه صدق صدق ممكن ترتقي بالحماس اللي فيها لمباريات في دوري الابطال .. يعني اتوقع ان المدربين يبون يكونون خارج الحسابات اذا لعب كل مدرب بخطته المعتاده ولاقعد يخنبق تبي تصير المباراه بيدين الاعبين لان في مثل هذي المباريات اتوقع ان الحماس هو اللي يبي يحسمها اولا الهلال ماشاء الله نقدر نقول انه مكتمل العناصر وابو دعيع في المرمى الله لايضره يعني نجي من ناحيه الاسماء الهلال اقوى من الاتحاد بس الاتحاد اذا لعب مع نور غير نشوف اتحاد بروووح والروح اكيد انها اهم من المهارات نجي لعناصر الهلال واحد واحد وبقعله الاتحاد ابوعبدالعزيز محمد الدعيع الحارس الافضل على تاريخ الكوره السعوديه لا لا بتاريخ اسيا كلها حارس نقدر نصفه مع بوفون وسار وكان وانت مرتاح محمد الدعيع الاعب الذي لايشيب نقدر نقول انه قوه الهلال في كل المباريات اذا كان في يومه تبطي تجيب عليه هدف وان شاء الله يوم الاحد يكون في يومه .. نامي الله يستر منك ياخي مدري منول اقول معليك تسد الخانه بس مدري وش جايك من تالي ممحوق بزياده .. هوساوي السنتر الاقوى كلبشه يالبى قلبه نشبه الى ابعد درجه .. المرشدي المدافع الانيق ان شاء الله ان الاخطاء اللي في المباراه اللي راحت كلها تروح .. الزوري اخ بس ياليت تكفى تجلس مع نامي تعلمه شلون الواحد يصير ظهير .. رادوي عزيز جدران يعني يتعب الواحد قبل لاياصل الدفاع وانتم موجودين عزيز لا اوصيك نبي نور يتفل هماه رادوي اذا لقيت فرصه تفشخ افشخ ماعليك من احد سول ولهامسون التايب نبي تمريرات صح نبي اقوال نبيكم تتمتعون وتمتعون مع اني احس ان سول يبي يحسمها القحطاني اتمنى انك تترك الاستعراض بها المباراه على جنب وتسجل هدف لاني ابعلمك طريقه جديده للفرحه بالهدف والله انها احلى من حركه السهم شليويح حركاتك ذي ماتمشي علينا ينقالك يعني عادي لامنها راحت للاتحاد مجهز العذر ياخي انت دايم متشائم واذا فاز الهلال قعدت تهايط برعي ياحيوان يجي منك يالاتحادي المخيس توقيع » موافق عليها 14\2\2010

10-04-2009, 08:42 AM	#6
عصفوره مصفوقه بغضاره طـازهـ	رد: بضبط نفس و تكتيك يوم الآحـد يآ كاسنا من بيجيك !! ( كلاسيكو الهلال والإتحاد ) صبـــآآح الخير نستنى الاحد بكل شوق اكيد اتمنآآها هلاليه الهلال داخل متحمس للمباراه عنده اوراق رابحه كثيره خط هجوم رائع فيه ياسر وسول اللي بدا يدخل بجوآ المباريات وسط قوي مساند للهجوم بوجود عزيز ورادوي وخط الدفاع من اقوى ـآآ الخطوط بالفرق واخيرآآ حارس مرمى ـآآ من افضل الحراس لكن عند الهلال ضعف بالاظهره ناحيه محمد نامي الهلال تعثر قليل بس المدرب بس رجع جمع اوراق وقدر ينافس بقووه الاتحاد داخله وعنده فرصتين للفوز ياتعادل يافوز بعكس الهلال اللي له فرصه وحده عنده خط هجوم قوي واكيد خسر بأصابة العمده وخط الوسط قوي بقياده نور اللي له دور كبير بالاتحاد بس خط الدفاع عنده ضعيف ،،،، اتوقعهآآ هلاليه 2-1 واتمنى ان نستمع بالكلاسيكو طبعآآ هذا تحليلي للمباراه ماسويتوا مع مقابله سويتها بنفسي ومضه :ـ يله ياجماهير الهلال لا تتركون فريقكم انا لو اقدر كان اول من يسنتر هناك بس قهر مايحطون ملاعب عوائل

10-04-2009, 12:55 PM	#7
جفن ضب قضبناهـ الباب	رد: بضبط نفس و تكتيك يوم الآحـد يآ كاسنا من بيجيك !! ( كلاسيكو الهلال والإتحاد ) بالتوفيق للهلال والنتيجه معروفه انشالله

10-04-2009, 01:43 PM	#8
S O O M A مراقبة برواز الملحق للصور والفيديو	رد: بضبط نفس و تكتيك يوم الآحـد يآ كاسنا من بيجيك !! ( كلاسيكو الهلال والإتحاد ) اتحادية و بالثلاثة بعد اتوقع 3-1 للاتحاد و بالتوفيق تراي موب اتحادية بس اتوقع هعع توقيع » S O O M A ياخفوقي علامك؟ جامح بالغلايق.. بعد سود الليالي يستهل الصباح قدر الله يبلي عبده اليوم ضايق فرج الله بلوى خافقي بالبراح .. ومع الخيل ياشقرا http://www.formspring.me/OODA

10-04-2009, 02:31 PM	#9
بكيراوي خبير ملحقاوي	رد: بضبط نفس و تكتيك يوم الآحـد يآ كاسنا من بيجيك !! ( كلاسيكو الهلال والإتحاد ) مباراة قويه قويه الهلال دايم برى الرياض ازين عشان كذا الله يعين باذن الله هلاليه لانه يستاهله وحتى الاتحاد يستاهله برعي توقيع » بكيراوي flickr أمي ليا شافت خيالي تهلي *** ولا الغضي لاشافت غيري تتحلاهـ

10-04-2009, 02:42 PM	#10
سرآب خبير ملحقاوي	رد: بضبط نفس و تكتيك يوم الآحـد يآ كاسنا من بيجيك !! ( كلاسيكو الهلال والإتحاد ) ننتظر هذآ المبارة من آول الموسم وهذآ هي جت ومعها المتعة والاثارة الهلال يدخل ويتحدى الصعاب بفرصة الفوز فقط عآمل الارض والجمهور يمكن يساعدة في تخطي هذة المرحلة اما الاتحاد يدخل بفرصتين مثل الموسم السابق يمكن يآثر علية الجمهور شوي لكن الاتحاد كبير بجمهور وبدونة المدربين يدخلون في ضغط شديد من قبل الجمهور والاعلآم الرياضي ومن منهم سيتحدى ويقاتل من آجل الدرع الهلال والاتحاد مايفرقون كثير في الاداء بس من يحالفة الحظ يوم القمة ويحرز الدوري الهلال في هذة المبارة يريد ان يحرز الدوري للسنة الثانية على التوالي ويقودهم عميد لاعبين العالم محمد الدعيع لاخوف من المرمى في وجودة ابو عبدالعزيز في الدفاع يوجد افضل لاعبين المنتخب هوساوي والمرشدي لاخوف عليهم والثقة انشاء الله موجودة في الاظهرة عبدالله الزوري لاعب هجومي دفاعي يقدر يسيطر على المنظقة اليسار وآتوقع المدرب بيركز علية في بدايات الهجمات اما نامي لاعب كبير ويكفى انة لاعب المنتخب بس الثقة عنده معدومة وانشاء الله يقدم مستوى كبير المحآور عآد مانقدر نتكلم محور سعودي روماني بنكهة هلالية , عزيز يانة بيقدم مستوى وبيخلي نور يآكل زق ولايتحرك مثل الذهاب اما رادوي يلبى قلبة ياشيخ يسوي الهوايل في الوسط طارق التايب ويلهمسون والفريدي مهارة عالية وتكتيك ملعون والدين والتفاهم اهم شي في خط الهجوم مانقدر نقول شي افضل لاعب اسوي يملك الخبرة والمهارة العالية وراسة لك علية بوجود هزآزي الله يعينك يازآيد الاتحاد بيدخل المبارة وعيونة على الكاس وبيرد الثائر حق السنة الماضية يدخل بفرصتين يعني هدف يصعب المهمة على الزعيم يملك حارس من افضل حارس المنتخب ودفاع قوي بوجود المنتشري وتكربس اهم شي يكونون متفاهمين في الاضهرة الصقري لاعب دفاعي ويملك عرضيات يمكن تهدد مرمى الدعيع والمولد اللي شق الدعيع وجاب القول قبل سننتين في المحاور كريري وحديد يصعب صلبين ويملكون الخبرة المهة على طارق ويلمسون في خط الوسط محمد نور يلبى قلبة ذآك الآسود هو يفكر يسوي شي لكن عزيز بيحرمة وينرفزة مثل الذهاب رينادو لاعب سريع وعندة مهارة عالية وتسديدات في المرمي خط الهجوم مانقدر نتلكم بوجود هزآزي يملك السرعة والراس اللي بيجيب القول للاتي ×\| نقآط مهمة \|× * اتمنى من مدرب الهلال يلعب محمد الشلهوب عشان ترجع لة الثقة ويمكن من ذي المبارة بينطلق الى الامام ولاننسى قدم مستوى في مبارة السعودية والعراق * محمد نور يملك اعصابة شوي لايجي التايب آو عزيز ينرفزة ويطلع من جو المبارة مثل الذهاب شفناه آكبر همة يسحب *على الاتحاد ان يطب مبكر يشوف وضع الملعب والاجواء ويمتص خوف الجمهور * الهلال يحآول يكون دفاعي هجومي عشان اذا جاب الاتحاد قول بتصعب علية المهمة والاتحاد بيسكر ملعبة * على كل عضو في الملحق انة يحضر المبارة النارية ولايفوتة ص عمرة * توقعاتي للمبارة 2 - 1 للزعيم ياسر و هوساوي للهلال و هزازي للاتحاد برعي .. مشكلتي الله يعيطكم العافية على التقديم الروعة والتنسيق الملعون والدين امسكوآ . توقيع » سرآب .. * مدام القمر معي .............,,مالي و مال النجوم !! ڪشڪـوول سـابـقـا

10-04-2009, 03:08 PM	#11
R80 شادن حيله	رد: بضبط نفس و تكتيك يوم الآحـد يآ كاسنا من بيجيك !! ( كلاسيكو الهلال والإتحاد ) اخيراً باسم الله الرحمن الرحيم .. هالمباراة اعطيها 65% اتحاديه وَ 35% هلاليه << تراني ناجح بالرياضيات لكن بعض المرات وفي بعض الضروف تنقلب التوقعات وممكن تكون الـ 35% تغلب الـ 65% نبدى بالاتحاد .. الاتحاد بدى الدوري بفريق كامل واجانب مميزين .. ومن بداية الدوري تقريبا ومستواهم ثابت ويخوفون عيال الكلب والله مدري وش اقول بس الحمدالله ابومصير مصاب هالمباراة بنشوف فيها هواش وتفلّت في وسط الملعب مابين نور وعزيز هالمباراة بالنسبه للهلال هي الدعيّع .. الدعيّع وبس اقول انا الحين اكتب الرد وانا تحت ضغط نفسي .. عشت جو المباراة من الحين لي رجعه بس مدري متى .. << ومازلت قامط أم العافيه ومتشاائم !

10-04-2009, 06:55 PM	#14
حسنـآء الثقـبة ملحقاوي فاصل	رد: بضبط نفس و تكتيك يوم الآحـد يآ كاسنا من بيجيك !! ( كلاسيكو الهلال والإتحاد ) ^ ^ خلهـم آثنينهم يستريحـون بآلآحتيـآط ويوسعون صدور بعض بس لآ يقربون آلمستطيـل آلآخضـر مـآنبـآ تهـور ،، نبـآ آلكـآس 30 :00 & 1:10 & 1:38 " آذكروآ آللـه ع آلـدعيع " عنـدك آلخبل آلتـآيب وآلآخبـل منـه سـ - _ - ـول وشـ تبي بآلشـلهوب ترجّـع ثقتـه بنفسـه

10-04-2009, 07:33 PM	#15
سرآب خبير ملحقاوي	رد: بضبط نفس و تكتيك يوم الآحـد يآ كاسنا من بيجيك !! ( كلاسيكو الهلال والإتحاد ) لبى قلبة عزيز قطعتة في آول المقطع حسناء افهميني تكفين انا قلت اتمنى انة يشارك بس مااتوقع ان المدرب يطببة حتى لو لعب موب لازم كل المبارة لو نص ساعة يكفى مااهلك كاس العالم 2006 الا هوو وكم من بطولة للهلال من رجلينة .. صدق انة مستوآهـ طآيح بس يقدر يسوي شي هذآ انتي قلتيها سول كم مبارة لاعب مع الهلال حوالي 10 ومابدع الا المبارتين اللي راحت الشهلوب بس يبغى لة فرصة ويآخذ الثقة . توقيع » سرآب .. * مدام القمر معي .............,,مالي و مال النجوم !! ڪشڪـوول سـابـقـا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قالها نور الدوري للنمور و كملها حديد : بغيناهم ولقيناهم	مُحمّد	طقها والحقها	401	13-04-2009 08:27 PM

		الساعة الآن 05:05 PM. Powered by vBulletin® Version 3.8.3, Copyright ©2000 - 2010, Jelsoft Enterprises Ltd. TranZ By Almuhajir Content Relevant URLs by vBSEO 3.3.0 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47