غير البشر

باااااك ,,,
:
نكمل ماتبقى من قوصة عبيد وتصريفته بعد مادخل عليه أبوه وأهو يصيح وعلى أن صلاة الظهر قريبة

تفل ابو عبيد على ولده ثلاث تفلات يحسب إن ولده ملتبس , مسّح عبيد دموعه وتفلات ابوه , وتوضأ علشان يستعد لصلاة الظهر , يوم غسل رجله اليسرى تذكر البنت وعلى طول رجع وتوضأ من جديد , راح عبيد يصلي الظهر , طلع من الصلاة تغدى ورقد إلين ما اذن العصر , قام عبيد من النوم وتوضأ وعين من الله خير , وراح المسجد , صلى عبيد اربع ركعات وقرأ بالركعه الاولى سورة الفاتحة والاخلاص < شكلكم تستنون وش قرأ بالركعه الثانية
طلع عبيد من الصلاة واول ما حط رجله على عتبة المسجد , وهو يشوف البنت ولا شعورياً راح للبنت وهو مقرط على اصبعه الكبير << من الحياء

عبيد : انتي وش تطلبيني الله ياخذك
البنت : خمسه ريال < خفيفة دم
عبيد { بكل ثقل } : ما عندي صرف
البنت : انت عبيد اللي يسولفن عنك البنات , إنك مزيون وتطيّر العقل .. وتعرف تغنّي
عبيد : ايه انا بس تراني عسكري الحين علشان كذا وجهي صايرن اسود وصوتي متغير لاني صرت كبير < الله يلعن من علمك وشلون تصرف يا طعس
البنت : لا انت كذا تخقق
عبيد : احترمي نفسك يا بنت وبلاش غزل على العصرية
البنت : وش يا بنت , شايف مالي اسم يا حبيبي , اسمي جمانه يا عبيد < باستحقار
عبيد : وش عندهآ جمآنه مراد
البنت : يالله بس بااي

راحت جمآنه , ورجع عبيد للبيت , وراح لإمه وقال لها يا يمه انتي تبين تزوجيني والا ترى بتزوج مسيار , إم عبيد انخرشت وبلعت العافية , وقالت يصير خير يا ولدي .

ام عبيد بعد ما سمعت كلام عبيد قفلت معها الاخلاق وراحت لابو عبيد وقالت إن ما زوجنّا الولد تراه يبي ينحرف ويبي يفضحنا بين الله وخلقه , ابو عبيد فكر شوي وقال يعني تبينا نزوّجه !

طلع ابو عبيد من الصاله وراح لغرفة نوم عبيد ويوم دخل عليه الا والله ولده حاط على قناة الرسالة ؟ وش السالفة .. وش فيه عبيد لا يكون يبي يشتغل بالهيئة , فصل ابو عبيد فيش التلفزيون وقال لعبيد .. حالك متغير يا ولدي بالعادة ادخل عليك والقاك حاط على قناة ستار اكاديمي وقاعد تصفق لامل بشوشه وشاهيناز بس هالمرة حاط على قناة الرسالة , لا يكون ناوي تصير مطوّع

عبيد : لا يا يبه يقولون ان الرساله تبي تنقل الحفل الختامي لستار اكاديمي < يبي يكحلها عماها
ابو عبيد : اقول يا ولدي خلنا من ستار اكاديمي , انت تبي تعرس الحين والا قاعد تلعب عليّ وانا ابوك ؟
عبيد : كبرك انا يوم العب عليك
ابو عبيد : لا والله اصغر مني يا ولدي , بس لا تستخف دمك لا العن مثواك المثوى .. انت تبي تعرس والا لا ؟
عبيد : ااااااااااااااااااي والله يا يبه .. تكفى < راح فيها عبيد من سمع طاري العرس
ابو عبيد : طيب منهي اللي تبي تاخذها يا ولدي .. عساها بنت عمك صيته
عبيد : لا تخسى يا يبه . والله لو ما يبقى في الديره الا صيته , لاقعد طول عمري مثل ماجد عبدالله وما اعرس
ابو عبيد : طيب منهي هاللي انت حاط عينك عليها ؟
عبيد : جمااااااااااااااااااااااااااااااانه يا يبه
ابو عبيد : جمانه ! افى ياذا العلم , وبنت عمك وش فيها يوم إنك تصد عينك عنها
عبيد : مالك شغل

ابو عبيد طلع من غرفه ولده وهو قاعد يفكر بجمانه , راح ابو عبيد لام عبيد وقال لها باسم البنت اللي يبيها ولدهم وقررت ام عبيد انها تروح لبيت البنت علشان تشوفها من قرّيب , راحت ام عبيد ويوم دخلت على بيت البنت وإلا والله ذيك الوحده اللي مكحله عيونها ولابسه ذاك البرقع وبيدها دلة قهوة وتقول لها إقلطي يا مرحباً الف , انهبلت ام عبيد وقالت بينها وبين نفسها { اللي هذا اولها يا حلو تاليها } دخلت ام عبيد للبيت وتقهوت وعينّت من الله خير وبدت تقط الميانه مع ام جمانه , ومع السوالف خشت جمانه المجلس وقعدت جنب امها , وبدت تتميلح عند ام عبيد << حركات بنات
طلعت ام عبيد بعد ما خلصت دلال ام جمانه , وراحت لابو عبيد وقالت له بالسالفة كلها , وإن البنت ما عليها قاصر وأن مافيها طقت عصى وبدت ترفّع فيها وفي إمها.
بهاللحظة دخل عبيد للبيت وسمع كلام امه عن جمانه , استانس عبيد وتقطعت عضلات وجهه من كثر ماهو مبتسم . بالاخير قرروآ يزوجون عبيد .
اخيراً , تزوجوآ عبيد وجمآنه وفي ليلة الدخله , دخل عبيد وهو ماسك يد البنت , ويوم مسك يدها والا والله ماهي يد بنت نعومه , جروح ومشخات , ويد فيها مناكير والثانيه ما فيها
رفع عبيد الغطوه عن جمآنه , والا والله ماهي جمانه اللي خابرها عبيد ,
وجهها تقول ركبة سيلاني مشطف الميه سنة , إنهبل عبيد وبدأ يلطم على نفسه , ولا شعورياً قال الشرهة ماهي عليك الشرهة على اللي يتوضأ على شأنك
وبعدها أطلق عبيد المثل المشهور { في الشارع عروسه وفي البيت جاموسة }

قفلة

بكرة الاربعاء ياسرع الاسبووع مايمشي
< وش عنده هالبارد ,

غريب احساس

هههههههههههههه

ياحسافه تعبه على الوضوء.. كل صلاه وهو متوضي مرتين..
خساير ماء على الفاضي..

<--- هذا الي قاهره..

غير البشر

أشكرك بعنف على التواجد وأنشالله أنك أستمتعت ,,

عاليه المقام

غير البشر

TOooOTi

الله وش هالسولافة

حسيت اني اتعابع هذاك ابو سعبولات الي اسمة الشرهان.. يجلس يوصف كل شئ

سلمت

غير البشر

البنت التي كويسه

غير البشر

وش تحس فيه

غير البشر

it`s me

هههههههههههههههههههههههههههههههههههههههههههههههه تسان اختصرتها من اول وفكيت عمرك تدور تدور وكل شوي نقيض وحالته حاله هالعبيد واخرتها صارت وجه نعله تصدق لوني منك قلبته الى موضوع نقاشي حطيت القصه والمحاور هااه وش رايكم الي يتزوج ع عمااه ويناقض الليل مع النهار على شوفة برقع < يامصلتس

شكراً اوي ع القصه