ساقي البوح

.
.

السلام عليكم ورحمه الله وبركاته

معجبيني ومعجباتي .. اسعد الله اوقاتكم بكل خير

اقدم لكم آخر مانثره رصاصي

shoes



Gun



لا نقبل بالنقد .. ونبي الاطراء >> طالع على محمد عبده المغرور

,

يوسُـف

يا اخي هذا اللي ينزل رسمه ويقول لا أقبل النقد من جد مب ربعنا الله من المصاله رسمتن تجيب الوجع ولا قلت له وش ذا الخياس زعل .. يا اخي انا ما أدري ليش أخق تلقائياً مع الرسم بالرصاص وشف اغلب رسماتي ما أرسمها الا بالرصاص مثل رسمة عبدالرحمن بن سعود .. ما أحب الرسم الملون ولي أهداف من هذا أهمها أن الرسم الرصاص الصوره تصل للمتلقي من قوة إجادة الرسمه بعكس الألوان فهي تعوّض النقص اللي حاصل في الصوره .. بالضبط نفس المُصور واستخدام التصاميم فيها ..

بالنسبه لـ الرسمه الأولى .. تذكرني بكنادر لعبت فيها وسجلت 4 أهداف واحد بالراس بس تكفى لا تعلم أحد وترى بعد الهدف الثالث سجدت لله شكراً أسال الله عدم الرياء .. لا صحيح عندي مُلاحظه صدقيه .. الحين الكوره الصغيره مصقال ولا كوره كوره ان تسانها كوره لوّك جادعها على يمين الكندره ومكبرها بحيث انها توضح انها كوره وفي نفس الوقت ما تغطي على الكندره <<-- يا شين اللي شابك بين الصوره والرسمه .. الرسمه الثانيه عندك ذاك الشي اللي تسنه رصاصه ان كانها رصاصه فهي حجمها كبير مررره وان كانها شي ثاني فانت بطل مُجمل الرسمتييين مجنونه خُصوصاً اني أخق مع هالنوع من الرسمات بالتحديد ليش مدري

ساقي البوح لله درك وثكلتك أمك كم انت مبدع يا شيخ قسم بالله من جد انا واللي مثلك محظوظ الملحق فينا بخصوص الرسم بـ الرصاص واصل واصل لا توقف الله يرحم لي أمك والعب عليك ما ثكلتك أمك بس أبتل يا اخوي لا تقعد تغلى علينا عشاننا ريشنا بك تقوم تهف ترى حركات المبزره ذي منب أدانيها .. على فكره أبو صلوح ترى باقي دراهمك معي وللحين ما خذتها ..

S O O M A

ماشالله رسم متقن

احب الرسم الذي بالرصاص << ماتقلد

لا و الله جد احب هالنوع من الرسم

و بالرسمة الثانية جاني شعور كذا هايدي ماوكلي سالي مدري ليش<<< لا عمرك تشعرين

يعطيك العافية وسلمت اناملك

اُنشودة المـَطـَر

مادري ليه كل العالم تعرف ترسم إلا أنا ؟؟

صالح ما شاء الله عليك الرسمتين كلهم شي
بس الاولى احلى بكثير والله طالعه كنها مدري لما شفتها تذكرت كرتون نصف بطل مدري ليه بس الزبده انها رهيبة الاولى مره

الثانيه حلوة بعد بس كن الصرّه مدري مخربه على راس الساكتون
يعني لو هي وراها احس بتطلع احلى
ماني فنانة لكن شوف حنا نتذوق الاكل ومحنا طباخين صح ؟
ونتذوق الموسيقى ومحنا موسيقيين << ورا ما تاكلين تراب

رسمات حلوة تسلم يدك صالح

MţωlЗђ ƒέκ

يلعن بليس كل ماجيت أنزل لي رَسمه جاء احد يحسسني أني جالسَه أشخمطْ
وش ذا يعني ليه كلكم تعرفون آالا أنا ؟
أن شاء الله أدرس بالعطلَه رَسمْ واجي اقهركُمْ <= برى تكفين لو تدرسين 10 سنين


:

ساقي وش اقول عَن الرسمه الأولى ؟!
ابداعيه
خطيره
فنيه
كل كلمه حلوه والله حطها فيها
يوم شفتها اشتهيت اللبس جَزمتِي ( الله يكرمكمْ )
يعني ماشاء الله أحس الصُورهْ كاملَهْ , مايبي لهَآ تعديل ابدْ !
الصُورَه الثآنيَهْ دقيقَهْ , بس اللِي ورى وشسمَه يعني مدري أحسَه موب حلوُ مثل دقَة المُسدس أو هـ الليّ تثورونْ بْه
المًهم , ماشاء الله عَليكْ فنآنْ

~●{ D α L 3

وعليكم السلام ورحمة الله وبركاته

ماشاء الله , شي شي جميل والله ~

مدري احس اني لو قلت شي زياده بظلم اللوحتين ,

بس والله حلو ..




عوافي ,.

ساقي البوح

.
.

هلا وغلآ يوسف

صدقت والله .. انا احب تكون الردود يعني
توجيه واظهار السلبيات والايجابيات بالعمل .. يعني نحاول
نتجنب بأكبر قد على الأخطاء الي واجهتنا مسبقاً ..

والرسم بالرصاص
يمكن هو النوع الوحيد الي عرفت استخدمه والى الآن اتمنى ان
ارتقي واصل مرحله الابداع ..
يعني اعتبره سهل .. لانه تقدر تتلاعب في تدرج الظل وتعطي الرسمه
اكثر إخراج ..

بالنسبه للرسمه الاولى .. الكوره الصغيره نسميها عندنا
بحايل مزقاط فما ادري عندكم !
والكوره الكبيره .. هذي سلمك الله كوره التنس الي تجيك لونها فسفوري ض

والرسمه الثانيه .. الي فيها رصاص ايه

والله يعطيك العافيه اخوي يوسف على التواجد
وان شاء الله ما ابخل عليكم >> حس انه مهم

سلمى

السلام عليكم

اهلين ساقي البوح حياك
ماشاء الله دايم تتحفنا بمواضيعك الحلوة .

بالنسبة للرسمة الأولى
اعجبتني التفاصيل الدقيقة بالحبال حقات الشوز

***

والرسمة الثانية بعد ماشاء الله اتقنت ,
اتمنى نشوف لك لوحة فلسفية شوي
يعني المعنى فيها غير مباشر

وسلامتك

ساقي البوح

انسام الروح

يا هلا والله اختي ..
تشرفني اطلالتك .. وبخصوص الرسمه الثانيه
ذكرتك بسالي يمكن لان الرسمه مستوحاه فكرتها بعدها السالف

,

ساقي البوح

.
.

انشوده المطر

من يقوله كل العالم يرسمون .. يمكن يعرفون يرسمون
لكن مو كل العالم مثل ابداعاتي ومهارتي بالرسم >> ابعد لا بالشبشب

واعجابك من ذوقك والله ..
بالنسبله للرسمه الثانيه .. مافكرت اني اظهر راس المسدس
ويمكن صعبه علي لو بخليها وراه ومايكون لها فايده

وياهلا فيكِ .. ورايك اكيد يهمني
يعطيكِ العافيه

ساقي البوح

MţωlЗђ ƒέκ

ههههههههههههههه اما تدرسين
واهم شي لا يسيطر عليكِ الاحباط .. لانه حتى لو عندك
موهبه رسم بسيطه تقدرين تنمينها ..
وشوفي دروس للرسم .. طريقه تجنبك الاخطاء
يعني رسم تخطيط لكل جزء في الرسمه .. ومع المواصله
اكيد بتتيسر الامور ..

الرسمه الاولى .. والله يشرفني كلامك .. واعتز فيه
بس مالاحظتي ان كثره التعرجات فيها سببت خلل في الرسمه !

الرسمه الثانيه .. الي ورا المسدس .. انا ماهتميت فيه
لان الي كان اساس الرسمه المسدس .. والباقي مجرد خلفيه
واخراج .. والمشكله ماعندي اي فكره اضيفها للخلفيه علشان كذا
تجاوزت هالجزء بسرعه ..

يعطيكِ العافيه على التواجد ..
واسعدني ردك ..

,

ساقي البوح

d a l 3

الله يسلمك ويرفع من قدرك
شرفني تواجدك

يعطيكِ العافيه

,

ساقي البوح

.
.

سلمى

ياهلا والله وغلآ فيكِ ..
كلامك والله يشرفني ..

والله اني احاول بقدر الامكان اني اجيب فكره مميزه
للرسمه .. بس انشاء الله الجايات احلى
وعاد انا احمد ربي اني ارسم من هالنوع
غيري تشوفينه فنان على مستوى صح .. ومضيع
وقته برسم الانمي .. وصرآحه انا اكرهه رسم الانمي كره شديد

وياهلا فيكِ .. وشاكر لك
,

TOooOTi

هلا بالفن .. هلا بالابداع .. هلا بخليفة بيكاسو و دافينشي << كذا زين

وش ذا الزين بدعت والله بالظل والنور

انتظر الاحلى بعيداَ عن البنادق

ساقي البوح

^^

اي والله زين نوعاً ما

الله يسلمك اختي .. ومرورك زاد رسماتي تألقاً ..