بسم الله الرحمن الرحيم .. حياكم الله بالشله نفر نفر 
مقدمه :
بينما انا قاعدن محاولا فك غمازتي اليمنى .. ( بشويش يالمملوح تكفى 
) .. واطلع مرايه من شنطه الوالده الي نستها معي فالسياره يوم نطلتها فالبيت .. واقعد ازبط شنبي وانتف اباطي بشووووويش وتفرصني شوي فاحكها قلت بدال ما اقعد انتف ويوجع خلن احسحسها .. واجيب الولاعه واقعد احرق فذالابط شم فهد ريحه خياس , .. معفوط ياوصخ .. نعم .. خل عنك ذالولاعه وتعال ابقولك شي .. اخلص .. طيب .. وش تبي هاه ؟! بنروح البر ..تعرفون ذاك الشعور .. الي عندما يقرر واحدن رجآل وراعي بر ان يخرج للبر مع 3 زلآيب .. مالذي سيحصل ؟! ومن الي بتجي على راسه ؟! فهد : راعي البر .. سعد : زلابه .. نواف : زلآبه .. معفوط : زلآبه .. في اجتماع فالاستراحه الي مافيها الا دكه ومدري بكم ماخذيناه هالسروق راعيها 
قرر فهد اننا نطلع البر من باتسر .. كلهم يقولون بنردلك .. انا قلت يالله مشينا قدام .. بناء على فضآوتي الي مدري وشلون اقضيها من فضاوتي صرت اروح المقاهي واروح اغازل .. وامابقى شي ما اسويه مهوب حبن فيه والله لالا .. بس فضاوه
الى المصآله :
انا انسان احب اتلكع على الوالده لانها تطرطع هالعجيز فاقولها ماما واسوي نفسي خكري قبالها .. وصلت البيت وروح للوآلده الله يحفظها .. يمه .. نعم .. ابي اغراض للبر .. طيب ؟! .. قوليلي وش اخذ ماعرف شي انا .. الله يلعنكم عيال من تالي ( خربتها الوالده) .. آسف ياماما ما اعرف انا حركات التراث هذي .. وشهو تراثه يالتسلب هذي من عوايدنا , امش خلني اوريك اياها ياخشم البقره ..! ورتني الوالده العفش ورى الملاحيق وقامت ترتب معي وتعلمني .. ذا الهيل حق القهوه وذا الملح حق الغدا .. انا : ماما هذا حق البطاطس .. ترمقني بنظره مزدوجه وترجع وتكمل الاغراض .. 
انتهيت او بالاصح انتهت الوالده من تجهيز العزبه والعفش .. واروح احملهم عالهوندا .. دق علي فهد .. هاه امرك نركب العفش ؟! .. ليه انا باروح بالهوندا .. يابن الحلال بلى هوندا بلا قرف امش اركب فالجيب ولا يكثر انت وذالهوندا .. طيب ,, انتظرته نص ساعه وجاني ونحمل انا وياه الاغراض .. وقال يالله نمشى ؟! قلت اصبر شوي اسمل عالوالده واجيك .. رحت سلمت عليها .. وقلت : ماما باايو .. طس بقريح جعل ماتعدا السويدي ماما ماينفع كذا .. (( عاد اشتغلت اللعانه عندي ))
ماما تخيلي لو اموت .. ويدق عليك واحد من الربع ويقول ترى معفوط توفى (( الوالده ضاق صدرها )) وانتي تنصدمين وترمين التلفون وتد .... الوالده : بس بس رح خلاص الله يحفظكم .. قبله عفويه عالراس وانزل .. فهد : وينك ياخوي تاخرت .. ياخي وش اسوي الوالده مطرطعه شوي .. ياخي امك عصبيه قبلها مطرطعه اخاف يجيها سكر ولا شي .. ماشفت امك عاد انت هي ووجهها معفط ورايحن فيها كن احد مسوي عمليه استشهاديه فخشمها .. خلاص اسفين عن الغلط .. طيب ,, مشينا ومرينا العيال .. وقضينا منهم عيال الكلب مابغوا ينزلون لنا .. مسكنا الخط .. ,
.
.
السياره هاديه .. اغلبنا راقدين .. وفهد يسوق وباين انه مسرح .. قلت هات اسوق عنك .. تسوي خير والله .. ونلبق وجيت ابمشي قلت انتظرو انتظرو , ابقضي حاجتي وراجع لكم .. بوبزت والتفت ورى والقاهم يصورني .. يلعن امهم قاعدين يزومون بالجوالات واعطيهم ظهري واكمل .. خلصت وارفع الصروال المغآطي .. واقول جايكم ياعيال الكلب .. والله لا العن خامسكم .. ركبت واقعد افتش جوالاتهم واتاكدت انهم ماقدرو يزومون صح .. حمدت الله اني مصلي الفجر ولا كان زومو مشيت والكل راقد ... ياولد مليت انا خلنا نسوي شي يصحصحهم .. طاااااااااااااااط .. بوري + لفه قويه قاموا مرتاعين وش فيه ؟!!! ... لا ابد نمله بتقطع الشارع الله يلعن ام سماجتك ياشيخ وينزلونن .. ويركبوني ورى .. واستلم الدار نواف (( الدار : دركسون على وزن ماكرفون : مايك )) .. وصلنا واقوم واقومهم .. وننصب الخيمه اثرنا ناسين العمود الي بالنص وراح فهد لاقرب محطه يسال بينا انا منسدح ورافعن رجلي بدال العمود لان الشباب حسوا بالحر وترجوني ارفع رجلي وصل ومعه عمود نزلت رجلي وركبه ما امداها تنزل للارض الا وجايني شد عضلي ويقعدون يحاولون يعالجونن بس للاسف رجلي طوليه ماقدروا .. جابو راعي ونش وراعي تريله .. الونش ربطوا اصابع رجلي فيه والتريله على فخذي ويشد الونش والتريله ظاغطتن على فخذي الي صار ان الشد انفك ودفعنا لراعي التريله فلوسه .. وراعي الونش فلوسه وفلوس الونش الي انقطع اول مره
.
.
صلينا العصر وطبخنا الغدا .. تغدينا ودقينا دقن مهوب صاحي .. قعدنا نريح .. فجاه نقز لنا سعد .. ياشباب .. ( الولد يستحي بزياده ) .. نعم .. ابي اتغوط .. خذ الجركل واقرب شجره يافتى ..ماعرف وشلون لين الولد مايعرف سلوم البر ( بشويش يافتى البراري) .. واروح اعلمه .. وانا ما اناظر هو فاضخن ثوبه وانا مغطي عليه .. حاولت التفت .. شافني .. قال ان التفت مره ثانيه والله لا اخذ واحد من هالمرميات (الي طالعتن منه ) والزها في جبهتك .. اسف بس كنت اشوف الاوضاع ماشيع ولا تبي مساعده شي ,, خلص ورجعنا للمخيم .. لقيناهم شرعوا فالصلاه مدري وش الي خلاهم يصلونها في وقتها فجاه بالعاده يخلونها لين قبل اذان الصلاه الجايه وان ماامداهم ان الله غفور رحيم لحقنا عليهم وصلينا وقضينا .. وبدينا نتفنجل ونتبليل وبدت السوالف .. وهات من الرخيص انت وياه والارانب كثرت شوي خشو على سوالف الجن وما الجن .. صح ان القصه من مخ فهد الكلب بس انها تخوف يعني هبت هبوب الشمال وبردها شين ماتطفي النار لو حنا شعلناها ( كان يلقيها الزلابه نواف ) .. ويقول من تاليفي .. سلكنا له وقلنا خل الولد ينبسط شوي .. كملنا الجلسه .. دخت والله واروح ارقد ويدور في بالي قصت السكني الي ينظر الواحد ينام عشان يقتله .. قلت ايييه رحنا وطي بالاقدام ... قريت ايه الكرسي ونخمت نخمتين على شمالي .. ورقدت .. ولا صار شي ولله الحمد
.
.
صحيت الصبح وقعدت اقلد صوت الديك .. ولاحد عبرني .. اقوم اتبيثر عليهم .. اتوطى في بطونهم على بالي ان مافيه مكان اقدر امشي عشان اطلع .. اه ياكلب .. وخر .. الخ ولا قاموا ياشيخ .. قلت خلني اصلح لهم احلى فطور واقومهم رحت وازبط الفطور والبيض والتسبده واظبط الشاهي والحليب .. واروح اقومهم .. قومو .. ماحد عبرني ! .. قلت طيب طيب واروح اجمع جرايد امس .. واشب فيها واحسحس رجول ذا .. واحسحس ابط ذا .. ذاك حسحسنا شنبه بعد صجه وملعنه جدف قاموا الملاعين .. ولقوا الفطور ولبوه لب .. كنهم ماقد شافوا خير عيال الكلب .. بس اشوى اني منقنق على صحن كبده ونص بيض .. كلو .. وقالوا متى بنمشي اليوم ؟! قال فهد بعد المغرب ان شاء الله .. كوويس .. ,, رحنا نطعس ياولد 
مسك الطاره فهد .. وطعسبنا ليين ارتجت روسنا .. طبعا ولاشك لايخفى عليكم ان بعض الناس حبوا القزازه وخمت روسهم التنده لكن الشكوى لله ما باليد حيله .. وصلنا على حدود العصر .. وقلنا تاخرنا مافيه وقت نصلح لنا غدا .. حطينا في روسنا نصلي ونررجع للديره واقرب مطعم شاورما وتسدنا .. ركبنا العفش وانا ابيت ان اسوق او استلم الطاره .. وقفنا عند مطعم .. وطلبنا لنا .. ودقينا فالسياره .. بمجود وصولنا احسسنا بوجع ومغص وامساك وكل شي في بطوننا .. من السياره لمستشفى سلمان سيدا دخلنا واتصلنا عالاهل وعلمناهم اننا في سلمان ..وكل واحد نفسي نفسي .. وتم تسجيل حالتنا كاول حاله فالمملكه بحيث ان غوآئطنا لونها وردي ولا زالت الدراسه علينا مستمره ..
.
.
طلعنا من المستشفى وخلصنا من الاجراءات والابحاث العلميه ..ما امداني احط رجلي برا المستشفى .. الا والقى العلماء واناسن واجدين هذا منا والثاني مناك .. واصوات تتعالى : وش انت ماكل ؟ من وين اكلتو ؟ وشلون طعمه ؟ وش احسست فيه ؟ هل المغص قوي لا ضعيف ؟ .. وذاك ماسكني والثاني فاتح باب السياره يبيني اركب معه .. لاحول ولا قوه الا بالله ذالقلق ذولي عطيتهم مقفاي ويسقط غائطاً واحد اثري صرت اتغوط لا ارراديا لعنه الله عليهم من بكرا لقيت نفسي بالصفحه الاولى من الرياض والجزيره والمختلف وفواصل الخ وحمدت الله على الشهره هذي وقلت ابدخل المنتدى .. دخلت ولقيت بقسم التلفزيون البديري منزل موضوع .. الحقو معفوط يدخل موسوعه جينس للارقام القياسيه .. ودخلت الشله من باتسر والقى موضوع مقرشع لمصالته اولا .. وبتهمه التبييض ثانيا .. وانا احلف بالله من هذا المنبر انه من كتابت يدي لاني سمعت ان كل يومين عادي وهذا 3 يوم لي عقب ذاك الموضوع لذلك اتمنى من المشرفين ابقاءه
.
.
مايستفاد :
- اذا طلعت البر اطلع مع ناسن نشاما مهوب زلايب مثل هاللي معنا ..
- اذا فكرت انك تاكل من مطاعم المحطه نصيحه لاتاكل .. طرش فطور البارح ودق به احسن لك
- لا زالت الدراسه جاريه علينا وعلى غوائطنا الورديه او كما يقال ( بنكي )
عذا عالقصور .. 
07-05-2009, 07:20 PM
|[ مشروع كشته طافين حيلها ]|
رد: |[ مشروع كشته طافين حيلها ]|
.. 
... بس ياخي امك وراها كييذا عليك ياخي انا ماقد شفت ام تقول جعلكم تصدمون ولا جعلكم تموتون تلعب علينا كل امهات العيال اللي اعرفهم اذا جو يطلعون تقلوهم امهامتهم توقعوا لاتسرعون شوي شوي انتبهوا لانفسكم ولموافق 
...
العرض العادي
