وراء كل رجل عظيم امراه عظيمه

منسم 2009 · 11-05-2009, 06:02 PM

بسم الله الرحمن الرحيم

السلام عليكم

تقول العرب ..وراء كل رجل عظيم أمرأه عظيمه ....وهذا ديدن المرأه على مر التاريخ اتدرون يا ساده ياكرام لماذا ..يقال لكل مائة سنه (( قرن )) ..يقال ان احد حكماء البتريغ ..((وهم قوم عاشو في شمال المملكة ..في عهد دولة الانباط ..وكانو ذو باع كبير في العلم والثقافه ..في مكان يقال له الشويحطيه بالجوف ..حاليا .))]هذا الرجل الحكيم : كان جالس يألف بكتاب له اسمه(( المرأه هي العمر )) واثتاء ما كان يكتب ]يريد ان يثبت في مؤلفه ان المرأه بالفعل هي العمر ويربطه بالعمر بالقوه ..فاخذ يفكر كيف ذلك ..وكانت زوجته ..تمشط شعرها وتظفرها قرون فطرت ( جات على باله ) له فكره ...؟؟
ان يجعل من شعر زوجته هو العمر ..فقال لها كم تضعين في كل قرن خصله ..قالت مائة خصله ..فقال اذن كل قرن مائة عام ....وهكذا اصبح كل مائه عام قرن بمعنى نحن الان بالقرن ,,اربع طعش الف خصله هجريه .
ويقال كل رجل عظيم ..وله قدر تحصل وراه امرأه ..جالسه تعمل له مساج عشان ينجح ..وما انا منهم ببعيد ... تعالو نشوف كيف اصبح لي شأن قبل فتره يا ربع ..سريت بدري من الاستراحه وكنت تعبان مرره ..حتى اني ما قدرت ااصل فراشي ونمت بالحواش اول ما دخلت البيت ..وكانت نومه عميقه مريحه هادئه مرره ..ومع [الفجر صحيت مفزوع من حلم شفته في المنام ..شفت زوجتي ..هدعه الله يحفظ ازواج المسلمين ..جالسه وراء تحك ظهري بعمله معدنيه ..والدم ينزف مني ..بكثره كنهر جاري ...وكان اصفر فاقعاً ..يسر الناضرين قمت وتعوذت من الشيطان ..وصليت الفجر ..وهالحلم مازال في راسي افكر فيه ..ولحس
عقلي من جد ....وش تفسيره يا ترى ..؟؟
اتصلت على مفسر الاحلام ..ويكثرهم هالايام
قلت يا شيخ انا سالفتي كذا كذا ..قال : ان صدقت رؤياك ..فان لك شأن عظيم ..في حياتك
قلت ياربي وش هشأن العظيم الي بيصر لهطول عمري قهوجي مرمط .. ما اعرف غير الهيل والقهوه .. ..يعني وش ابي اصير؟؟مدير القهوجيه ..والا بصير قهوجي عند الملك عبدالله ..وراحت الافكار تسرح
فيني ..يمنه ويسره ..مضى اسبوع اسبوعين ولا شفت اي شأن عظيم ..صار ..كل همي هالشأن العظيم ..
وهك اليوم رحت للدوام ..واول ما وصلت الا المدير يناديني !!!
..قلت بس ؟؟
هذا هو الشأن العظيم[...!!
ورحت له بسرعه مطبق(( تقول العرب مطبق مسرع سرعه جنونيه قد تسبب حادث في اي لحظه ))
واول ما جلست ..قال اسمع يا مطلق ..قلت بشر يا ابو صالح
قال بصراحه ؟
قلت ما يحتاج تكمل ..اكيد رفعوني قهوجي عند الملكعبدالله ..
قال الملك مرره وحده والله يانت طموحك كبير ..
قلت اجل مدير القهوجيه ؟
قال وش تخربط انت ؟؟
قلت اجل وش السالفه قال السالفه الله يصلحك ..هاليومين مانت مضبوط ..وش سالفتك ..؟
قهوتك ما طيب الكيف ..ما هي مضبوطه وش الطير (( كلمه شماليه تقال عند الغضب من الي امامك فتقول ما طيرك ..ما دهاك ههه)) الي حاشاك ماكنت كذا يا مطلق
قلت يا ابن الحلال اعذرني تري مشغول شوي ..ومالك الا بطيب الخاطر..وابشر راح تشرب ..ان شاء الله القهوه الي تعدل لك راسك ..
بلاه ما يدري وش الي مبهدل عمري ..
وتروح الايام وتجي الايام ..وانا انتظر هشأن العظيم ...
ومره وانا رايح لمزرعه ..بصراحه كنت حصران الله يكرمكم وقفت ابي اقضي حاجتي ..وتذريت (( اختفيت )) لي وراء شجره ..والا اسمع صوت واحد يقول ..مبروك مبروك ..

قلت بس هذا الشأن العظيم ..الله يقطع بليسك ما جاني هشأن العظيم غير هنا ..
.وقمت له بسرعه ..من شدة الفرح
وقلت الله يبارك فيك ..وابشر بالبشاره ..بس قلي وش الشأن العظيم الي صار لي ..؟؟
..قال يا دلخ وش شأنه ..؟؟..مبروك ..هذا سواقنا النقالي ..ما شفت وين راح
قلت : اقول اسري ..هوينا لا الان اترفس بطنك ..تراها قافله
قلت بلا شأن عظيم بلا خرابيط ..صار لي سنه وانا انتظر ..ما شفت شيء
قلت ليش ما ادق على شيخ ثاني يمكن عند علم وافهم ....شكل هذاك ما عنده سالفه[
. اعطتنيه زوجتي عدهه عن طريق بنت خالته رجوه ...اتصلت عليه وقلت له الحلم من دقطق لسلام عليكم ...(( وعليكم السلام ورحمة الله وبركاته )) فقال لي ..ان صدقت رؤياك فان لك شأن عظيم
قالت يابن الحلال غيرك قالها شف غير هالسالفه ....قال ما قالك وش تسوي؟؟[
قلت لا ..؟؟
قال ما عنده سالفه ..اسمع بقولك ؟؟
جب عمله معدنيه قديمه ..من عهد الدوله العثمانية .. ..وكل يوم بعد الفجر تخلي زوجتك تحك ..ظهرك ..لان الشأن سوف يخرج من زوجتك ...وسوف يصلك من خلال تلك العمله
بس زوجتك لازم تعاملها معامله فوق المعتاد ..ولا ترفض لها طلب ..والا لن يتحقق ذلك الحلم والشأن ..
وان شاء الله بعد فتره راح تجد الشأن العظيم
رحت اسأل واطقس عن عمله عثمانيه قديمه ..قالوا لي فيه شايب ..بالشويحطيه عمره فوق ..الميه تحصل عنده اكيد ..رحت له الا بالفعل ..ومن غشامتي علمته بالسالفه ..ويالتني ما قلت لها ..قال وصلت على خير .. العمله متوفره .. وقيمتها عشرين الف ..النصاب يابي يستغلني ..الطماع قلت الف ريال تبي ..قال لا ابي عشرين ولا بلا هالبيعه ..الظاهر انه سمع بسالفة مكاين سنجر ..ويحس عملته تبي
تصير زيهن ..
قلت خل عملتك لك
رحت لحلاق تركي حبيب بحاراتنا اسمه مراد ..وقلت له ابي عمله عثمانيه - وما علمته
السالفه - وخفت يستغلني زي شايب الشويحطيه ..قال متوفره بتركيا ..تحصلها ...بالمكان الفلاني ..طبعا انا ما عندي فلوس .عشان اسافر ..فاضطريت ابيع ..الددسن حقتي موديل اربع ]ثمانين غماره . بدون مكيف ...تحت المكرفون ..8 الاف وست ميه ..كله من اجلالشأن العظيم ..ولا تهون سنجر
وحجزت لتركيا ..على اقرب رحله ..ورحت للمكان الي قال لي له التركي وشتريت ..درزن
عملات .عثمانيه.... قلت يمكن نحلم بالمستقبل ..تكون متوفره مو رح سافر ثاني مره ..ولما جيت برجع ..قالوا لي ما فيه حجز .الا بعد اسبوعين ..قلت وش يجلسني .؟[
قلت يا ولد ما لك الا بر ومن تركيا الى سوريا الى الاردن حت وصلت الديره؟؟[
وصلت هك الليله االمغرب تعبان مررره ..وبعد صلاة العشاء رحت للنوم ..اتقلب ابي
انام ..بس ما فيه فايده ..ما غمضت عيني كيف ابي انام وهشأن العظيم يلاحقني
ولما قرب الفجر ..رحت صحيت المؤذن حق مسجدنا قبل الاذان بنصف ساعه .؟؟[
حريص ما شاء الله على الصلاة
بس دخل الوقت .قلت يالله اذن ..واذن
وبعد عشر دقايق من الاذان قلت للمؤذن صل ؟
قال شوي ما جاء الامام ...خل المسلمين يجون وش معجلك قلت بلاك ما تدري وش وراي ...قلت الامام دق علي وقال لي ...ما راح يجي صل بس صل صل المؤذن...وحرصت عليه يقرأ سور قصيرهبعد الصلاه على طول رحت للبيت .. وانا بطريق فسخت ثوبي وفنيلتي استثماراً
للوقت ...وتجي زوجتي وتقعد تحكك بظهري ..بالعمله العثمانيه يالله متعه الحك بالعمله العثمانيه ..احس متعه غريبه ونشوه اكاد اخمر معها ..وهي تحك وانا اتصبر[
من اجل الشأن لازم اصبر ..تحمل يا مطلق ..بكره يصير لك شأن ..وتشتري ددسن جديده غمارتين موديل 2009 ..وتقهر جارنا ابو فالح ..
حكي يازوجيتي العزيزه ..
زيدي في الحك من اجل شأن ..يكرم ظهر مطلق ملفي ..
..لا يبلغ المجد حتى يلعق الصبر
حتى صار جلدي احمر ..وخافت زوجتي قالت جلدك احمر ..قلت لا عليك حكي ..حتى يقطر دمي ....وهي تحك وبدأت من شدت الألم اتوجع واصرخ ..قلت ما عليك اصبر من اجل العظمه وكل فجر على هالحال ..حتى طلع اللحم من ظهري ..وكل يوم انتظر الشأن العظيم
وكل يوم احضر عند المدير ..هاه جاك خطاب ما جاك شيء عن وضعي قال لالالا ما فيه شيء
زهقت من هالحال ..اتصلت على الشيخ ..قلت له ياخي لي سنه ولا صار لي شان عظيم ..قال يمكن انك ما دلعت زوجتكقلت هذي معك فيها حق
ورحت للبيت
وناديت زوجتي هدعه ..وقلت امري ياحياتي ..وش الي تبينه ..قلت لي سنه اقولك ابي رشرش
]مثل حق جارتنا ام فالح ..
ابشري يا عمري ..عيوني لو تبيهن بطلعهن لك ؟؟
تسلم عيونك ..بس وش اسوي فيهن ...ابي رشرش ...
]ورحت لسوق الغنم لشبك ابو مسعد ..وكان عندي في شبكه 16 عنز وثلاث
خرفان ..وحرج عليهن ابو مسعد وجابن لي عشر الآف ريال قلت بع يا عمي بكره نعوضهن اضعاف ...ورحت للبيت على طول .واخذت زوجتي ام ملفي لسوق ..وشرت رشرش اخيرا حققت املها ..بس تستاهل ....وقامت ادور فيها السوق لين دار راسها ..ورحت بها الى مطعم النزل ..وعشيتها ..واول ما وصلن كانت
تعبانه مره ..وقمت ادلك رجليها من اجل الشان العظيم تسلم الف هدعه هههههه[
طبعا انا المسئول الان عن غسيل الملابس وعن التشطيف ..والطبخ والنفخ ,,هي تجلس
وتدلع ..اهم شيء تشوف لنا الشأن العظيم ..وتزرعه بظهري
وكل يوم على هالدلع ..وبعد الفجر ..تبدأ عملية الحك ..حتى صار ظهري شارع هاي وي ..واحد
رايح واحد جاي ..جلسن على هالحال سنه كامله ..ما شفنا ..شأن عظيم ..ولا شان كبير
بعد سنه وثلاث شهور ..جاني اتصال غريب ما اعرفه ..رديت عليه قالو معك الراجحي لازم
تحضر .. ..قلت ابشروا هذا هو الشأن العظيم ..اكيد جايني ورث والا شرهه والا غيره ..رحت
]للبيت وطلعت بشتي المقطن الي ما عمره انغسل ....وتكشخت ولبست شماغ العقل .. وقلت لزوجتي ما عندك ..عود اتبخر ..قالت ما فيه عمري كله انت بخرته بشعري ..قالت ما فيه غير
فتشه (( عطر العجز راحته فتاكه )) جدتك مزلوهه الله يرحمها ..قلت هاتي مع اني ما احبها تسوي لي حساسيه
بالانف ..وانفلونز بالجلد ههه..رحت للبنك ..وكل ما اقابل ..واحد احصله طاق لطمه ..قلت اكيد ..بيتلطمون ..الغيره ..تصنع الكثير .. لكن واثق الخطوه يمشي ملكاً ، ودرعبت (( الدخول بقوه بدون انذار مسبق ))على طول للمدير واول ما دخلت سلمت عليه سلام ..بارد من قدي يا عم وجلست على طولوحطيت رجل على رجل ..احتريه ( انتظره ) يقول جيبو قهوه . الا يناظر نظره غريبه ....ويطق لطمه ..قلت
ليه طاق لطمه ماني عاجبك قال لا بس انا مزكم ولا ابي اعديك ..قلت بيني وبين نفسي هين كلكم حاقدين علي ...قال من انت وش تبي ..قلت انا مطلق ملفي ..الان قهوجي ..وفي المستقبل القريب ..قهوجي الملك عبدالله

قال ما شاء الله عندك طموح ..بس امر اخدمك بشيء ..قلت انتم داقين علي
قال راح لخدمة العملاء اسالهم قلت...بيني وبين نفسي.. افا انا اروح لخدمة العملاء ..قلت هين بكره انت من يتقرب لي ويتزلف .. ..رحت لخدمة العملاء[
قالوا ايه اتصلنا عليك ...وانا اطلع كيس البلديه ..قلت..اكيد بيقول ..جاك ورث من ولد عمك الي بامريكا
قال ياخوي انت بيناتك الشخصيه تبي تحديث وانت زمان ماحدثت..قلت مو مشكله بحدثها بس كم ..جاني ورث من ولد عمي ؟؟قال ورث ايش ما لك ورث ولا غيره ..
قلت يا رجال تاكد ؟؟
قال متاكد ..ياابن الحلال ؟؟
قلت يابن الحلال تراي كل يوم احك ظهري حتى الدم صب ..وطلع اللحم ..
وفسخت ثوبي ووطلعت له ظهري عشان يتاكد
وتتجمع علي الناس ..ويضحكون ..قالوا وش هالمهبول وجو ني السكرتيه وخذوني لمستشفى الصحة النفسيه وانا اقول انا لي لشأن عظيم ، انا لي لشأن عظيم ، ان لي لشأن عظيم
وهم يقولون ان لك لعقل مجنون هههههههههه

================
هذي نهاية التعلق بالاحلام ..عاد لا تتعلقون واجد بالاحلام تصيرون مثلي ..وما يردكم الا مستشفى شهار ..
دمتم سالمين
سي يو
=========================

موافق عليها · 11-05-2009, 06:31 PM

مغلق لانه منقول
حتى يثبت العكس

11-05-2009, 06:02 PM	#1
منسم 2009 طـازهـ	وراء كل رجل عظيم امراه عظيمه *بسم الله الرحمن الرحيم* السلام عليكم تقول العرب ..وراء كل رجل عظيم أمرأه عظيمه ....وهذا ديدن المرأه على مر التاريخ اتدرون يا ساده ياكرام لماذا ..يقال لكل مائة سنه (( قرن )) ..يقال ان احد حكماء البتريغ ..((وهم قوم عاشو في شمال المملكة ..في عهد دولة الانباط ..وكانو ذو باع كبير في العلم والثقافه ..في مكان يقال له الشويحطيه بالجوف ..حاليا .))]هذا الرجل الحكيم : كان جالس يألف بكتاب له اسمه(( المرأه هي العمر )) واثتاء ما كان يكتب ]يريد ان يثبت في مؤلفه ان المرأه بالفعل هي العمر ويربطه بالعمر بالقوه ..فاخذ يفكر كيف ذلك ..وكانت زوجته ..تمشط شعرها وتظفرها قرون فطرت ( جات على باله ) له فكره ...؟؟ ان يجعل من شعر زوجته هو العمر ..فقال لها كم تضعين في كل قرن خصله ..قالت مائة خصله ..فقال اذن كل قرن مائة عام ....وهكذا اصبح كل مائه عام قرن بمعنى نحن الان بالقرن ,,اربع طعش الف خصله هجريه . ويقال كل رجل عظيم ..وله قدر تحصل وراه امرأه ..جالسه تعمل له مساج عشان ينجح ..وما انا منهم ببعيد ... تعالو نشوف كيف اصبح لي شأن قبل فتره يا ربع ..سريت بدري من الاستراحه وكنت تعبان مرره ..حتى اني ما قدرت ااصل فراشي ونمت بالحواش اول ما دخلت البيت ..وكانت نومه عميقه مريحه هادئه مرره ..ومع [الفجر صحيت مفزوع من حلم شفته في المنام ..شفت زوجتي ..هدعه الله يحفظ ازواج المسلمين ..جالسه وراء تحك ظهري بعمله معدنيه ..والدم ينزف مني ..بكثره كنهر جاري ...وكان اصفر فاقعاً ..يسر الناضرين قمت وتعوذت من الشيطان ..وصليت الفجر ..وهالحلم مازال في راسي افكر فيه ..ولحس عقلي من جد ....وش تفسيره يا ترى ..؟؟ اتصلت على مفسر الاحلام ..ويكثرهم هالايام قلت يا شيخ انا سالفتي كذا كذا ..قال : ان صدقت رؤياك ..فان لك شأن عظيم ..في حياتك قلت ياربي وش هشأن العظيم الي بيصر لهطول عمري قهوجي مرمط .. ما اعرف غير الهيل والقهوه .. ..يعني وش ابي اصير؟؟مدير القهوجيه ..والا بصير قهوجي عند الملك عبدالله ..وراحت الافكار تسرح فيني ..يمنه ويسره ..مضى اسبوع اسبوعين ولا شفت اي شأن عظيم ..صار ..كل همي هالشأن العظيم .. وهك اليوم رحت للدوام ..واول ما وصلت الا المدير يناديني !!! ..قلت بس ؟؟ هذا هو الشأن العظيم[...!! ورحت له بسرعه مطبق(( تقول العرب مطبق مسرع سرعه جنونيه قد تسبب حادث في اي لحظه )) واول ما جلست ..قال اسمع يا مطلق ..قلت بشر يا ابو صالح قال بصراحه ؟ قلت ما يحتاج تكمل ..اكيد رفعوني قهوجي عند الملكعبدالله .. قال الملك مرره وحده والله يانت طموحك كبير .. قلت اجل مدير القهوجيه ؟ قال وش تخربط انت ؟؟ قلت اجل وش السالفه قال السالفه الله يصلحك ..هاليومين مانت مضبوط ..وش سالفتك ..؟ قهوتك ما طيب الكيف ..ما هي مضبوطه وش الطير (( كلمه شماليه تقال عند الغضب من الي امامك فتقول ما طيرك ..ما دهاك ههه)) الي حاشاك ماكنت كذا يا مطلق قلت يا ابن الحلال اعذرني تري مشغول شوي ..ومالك الا بطيب الخاطر..وابشر راح تشرب ..ان شاء الله القهوه الي تعدل لك راسك .. بلاه ما يدري وش الي مبهدل عمري .. وتروح الايام وتجي الايام ..وانا انتظر هشأن العظيم ... ومره وانا رايح لمزرعه ..بصراحه كنت حصران الله يكرمكم وقفت ابي اقضي حاجتي ..وتذريت (( اختفيت )) لي وراء شجره ..والا اسمع صوت واحد يقول ..مبروك مبروك .. قلت بس هذا الشأن العظيم ..الله يقطع بليسك ما جاني هشأن العظيم غير هنا .. .وقمت له بسرعه ..من شدة الفرح وقلت الله يبارك فيك ..وابشر بالبشاره ..بس قلي وش الشأن العظيم الي صار لي ..؟؟ ..قال يا دلخ وش شأنه ..؟؟..مبروك ..هذا سواقنا النقالي ..ما شفت وين راح قلت : اقول اسري ..هوينا لا الان اترفس بطنك ..تراها قافله قلت بلا شأن عظيم بلا خرابيط ..صار لي سنه وانا انتظر ..ما شفت شيء قلت ليش ما ادق على شيخ ثاني يمكن عند علم وافهم ....شكل هذاك ما عنده سالفه[ . اعطتنيه زوجتي عدهه عن طريق بنت خالته رجوه ...اتصلت عليه وقلت له الحلم من دقطق لسلام عليكم ...(( وعليكم السلام ورحمة الله وبركاته )) فقال لي ..ان صدقت رؤياك فان لك شأن عظيم قالت يابن الحلال غيرك قالها شف غير هالسالفه ....قال ما قالك وش تسوي؟؟[ قلت لا ..؟؟ قال ما عنده سالفه ..اسمع بقولك ؟؟ جب عمله معدنيه قديمه ..من عهد الدوله العثمانية .. ..وكل يوم بعد الفجر تخلي زوجتك تحك ..ظهرك ..لان الشأن سوف يخرج من زوجتك ...وسوف يصلك من خلال تلك العمله بس زوجتك لازم تعاملها معامله فوق المعتاد ..ولا ترفض لها طلب ..والا لن يتحقق ذلك الحلم والشأن .. وان شاء الله بعد فتره راح تجد الشأن العظيم رحت اسأل واطقس عن عمله عثمانيه قديمه ..قالوا لي فيه شايب ..بالشويحطيه عمره فوق ..الميه تحصل عنده اكيد ..رحت له الا بالفعل ..ومن غشامتي علمته بالسالفه ..ويالتني ما قلت لها ..قال وصلت على خير .. العمله متوفره .. وقيمتها عشرين الف ..النصاب يابي يستغلني ..الطماع قلت الف ريال تبي ..قال لا ابي عشرين ولا بلا هالبيعه ..الظاهر انه سمع بسالفة مكاين سنجر ..ويحس عملته تبي تصير زيهن .. قلت خل عملتك لك رحت لحلاق تركي حبيب بحاراتنا اسمه مراد ..وقلت له ابي عمله عثمانيه - وما علمته السالفه - وخفت يستغلني زي شايب الشويحطيه ..قال متوفره بتركيا ..تحصلها ...بالمكان الفلاني ..طبعا انا ما عندي فلوس .عشان اسافر ..فاضطريت ابيع ..الددسن حقتي موديل اربع ]ثمانين غماره . بدون مكيف ...تحت المكرفون ..8 الاف وست ميه ..كله من اجلالشأن العظيم ..ولا تهون سنجر وحجزت لتركيا ..على اقرب رحله ..ورحت للمكان الي قال لي له التركي وشتريت ..درزن عملات .عثمانيه.... قلت يمكن نحلم بالمستقبل ..تكون متوفره مو رح سافر ثاني مره ..ولما جيت برجع ..قالوا لي ما فيه حجز .الا بعد اسبوعين ..قلت وش يجلسني .؟[ قلت يا ولد ما لك الا بر ومن تركيا الى سوريا الى الاردن حت وصلت الديره؟؟[ وصلت هك الليله االمغرب تعبان مررره ..وبعد صلاة العشاء رحت للنوم ..اتقلب ابي انام ..بس ما فيه فايده ..ما غمضت عيني كيف ابي انام وهشأن العظيم يلاحقني ولما قرب الفجر ..رحت صحيت المؤذن حق مسجدنا قبل الاذان بنصف ساعه .؟؟[ حريص ما شاء الله على الصلاة بس دخل الوقت .قلت يالله اذن ..واذن وبعد عشر دقايق من الاذان قلت للمؤذن صل ؟ قال شوي ما جاء الامام ...خل المسلمين يجون وش معجلك قلت بلاك ما تدري وش وراي ...قلت الامام دق علي وقال لي ...ما راح يجي صل بس صل صل المؤذن...وحرصت عليه يقرأ سور قصيرهبعد الصلاه على طول رحت للبيت .. وانا بطريق فسخت ثوبي وفنيلتي استثماراً للوقت ...وتجي زوجتي وتقعد تحكك بظهري ..بالعمله العثمانيه يالله متعه الحك بالعمله العثمانيه ..احس متعه غريبه ونشوه اكاد اخمر معها ..وهي تحك وانا اتصبر[ من اجل الشأن لازم اصبر ..تحمل يا مطلق ..بكره يصير لك شأن ..وتشتري ددسن جديده غمارتين موديل 2009 ..وتقهر جارنا ابو فالح .. حكي يازوجيتي العزيزه .. زيدي في الحك من اجل شأن ..يكرم ظهر مطلق ملفي .. ..لا يبلغ المجد حتى يلعق الصبر حتى صار جلدي احمر ..وخافت زوجتي قالت جلدك احمر ..قلت لا عليك حكي ..حتى يقطر دمي ....وهي تحك وبدأت من شدت الألم اتوجع واصرخ ..قلت ما عليك اصبر من اجل العظمه وكل فجر على هالحال ..حتى طلع اللحم من ظهري ..وكل يوم انتظر الشأن العظيم وكل يوم احضر عند المدير ..هاه جاك خطاب ما جاك شيء عن وضعي قال لالالا ما فيه شيء زهقت من هالحال ..اتصلت على الشيخ ..قلت له ياخي لي سنه ولا صار لي شان عظيم ..قال يمكن انك ما دلعت زوجتكقلت هذي معك فيها حق ورحت للبيت وناديت زوجتي هدعه ..وقلت امري ياحياتي ..وش الي تبينه ..قلت لي سنه اقولك ابي رشرش ]مثل حق جارتنا ام فالح .. ابشري يا عمري ..عيوني لو تبيهن بطلعهن لك ؟؟ تسلم عيونك ..بس وش اسوي فيهن ...ابي رشرش ... ]ورحت لسوق الغنم لشبك ابو مسعد ..وكان عندي في شبكه 16 عنز وثلاث خرفان ..وحرج عليهن ابو مسعد وجابن لي عشر الآف ريال قلت بع يا عمي بكره نعوضهن اضعاف ...ورحت للبيت على طول .واخذت زوجتي ام ملفي لسوق ..وشرت رشرش اخيرا حققت املها ..بس تستاهل ....وقامت ادور فيها السوق لين دار راسها ..ورحت بها الى مطعم النزل ..وعشيتها ..واول ما وصلن كانت تعبانه مره ..وقمت ادلك رجليها من اجل الشان العظيم تسلم الف هدعه هههههه[ طبعا انا المسئول الان عن غسيل الملابس وعن التشطيف ..والطبخ والنفخ ,,هي تجلس وتدلع ..اهم شيء تشوف لنا الشأن العظيم ..وتزرعه بظهري وكل يوم على هالدلع ..وبعد الفجر ..تبدأ عملية الحك ..حتى صار ظهري شارع هاي وي ..واحد رايح واحد جاي ..جلسن على هالحال سنه كامله ..ما شفنا ..شأن عظيم ..ولا شان كبير بعد سنه وثلاث شهور ..جاني اتصال غريب ما اعرفه ..رديت عليه قالو معك الراجحي لازم تحضر .. ..قلت ابشروا هذا هو الشأن العظيم ..اكيد جايني ورث والا شرهه والا غيره ..رحت ]للبيت وطلعت بشتي المقطن الي ما عمره انغسل ....وتكشخت ولبست شماغ العقل .. وقلت لزوجتي ما عندك ..عود اتبخر ..قالت ما فيه عمري كله انت بخرته بشعري ..قالت ما فيه غير فتشه (( عطر العجز راحته فتاكه )) جدتك مزلوهه الله يرحمها ..قلت هاتي مع اني ما احبها تسوي لي حساسيه بالانف ..وانفلونز بالجلد ههه..رحت للبنك ..وكل ما اقابل ..واحد احصله طاق لطمه ..قلت اكيد ..بيتلطمون ..الغيره ..تصنع الكثير .. لكن واثق الخطوه يمشي ملكاً ، ودرعبت (( الدخول بقوه بدون انذار مسبق ))على طول للمدير واول ما دخلت سلمت عليه سلام ..بارد من قدي يا عم وجلست على طولوحطيت رجل على رجل ..احتريه ( انتظره ) يقول جيبو قهوه . الا يناظر نظره غريبه ....ويطق لطمه ..قلت ليه طاق لطمه ماني عاجبك قال لا بس انا مزكم ولا ابي اعديك ..قلت بيني وبين نفسي هين كلكم حاقدين علي ...قال من انت وش تبي ..قلت انا مطلق ملفي ..الان قهوجي ..وفي المستقبل القريب ..قهوجي الملك عبدالله قال ما شاء الله عندك طموح ..بس امر اخدمك بشيء ..قلت انتم داقين علي قال راح لخدمة العملاء اسالهم قلت...بيني وبين نفسي.. افا انا اروح لخدمة العملاء ..قلت هين بكره انت من يتقرب لي ويتزلف .. ..رحت لخدمة العملاء[ قالوا ايه اتصلنا عليك ...وانا اطلع كيس البلديه ..قلت..اكيد بيقول ..جاك ورث من ولد عمك الي بامريكا قال ياخوي انت بيناتك الشخصيه تبي تحديث وانت زمان ماحدثت..قلت مو مشكله بحدثها بس كم ..جاني ورث من ولد عمي ؟؟قال ورث ايش ما لك ورث ولا غيره .. قلت يا رجال تاكد ؟؟ قال متاكد ..ياابن الحلال ؟؟ قلت يابن الحلال تراي كل يوم احك ظهري حتى الدم صب ..وطلع اللحم .. وفسخت ثوبي ووطلعت له ظهري عشان يتاكد وتتجمع علي الناس ..ويضحكون ..قالوا وش هالمهبول وجو ني السكرتيه وخذوني لمستشفى الصحة النفسيه وانا اقول انا لي لشأن عظيم ، انا لي لشأن عظيم ، ان لي لشأن عظيم وهم يقولون ان لك لعقل مجنون هههههههههه ================ هذي نهاية التعلق بالاحلام ..عاد لا تتعلقون واجد بالاحلام تصيرون مثلي ..وما يردكم الا مستشفى شهار .. دمتم سالمين سي يو =========================

11-05-2009, 06:31 PM	#2
موافق عليها مراقب عام	رد: وراء كل رجل عظيم امراه عظيمه مغلق لانه منقول حتى يثبت العكس توقيع » موافق عليها 14\2\2010

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

		الساعة الآن 11:38 PM. Powered by vBulletin® Version 3.8.3, Copyright ©2000 - 2010, Jelsoft Enterprises Ltd. TranZ By Almuhajir Content Relevant URLs by vBSEO 3.3.0 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47