وش زود أمي نوره كل شهر تشوفنا مضاوي ؟

لماره العياره · 13-05-2009, 06:13 AM

السلام عليكم

في كل بداية خميس وكعاده شهريه اتخذتها جدتي نوره (أدام الله في عمرها وكفاها من شر حريم عيالها ) نجتمع في استراحه المغصوب عليهم وليس المغضوب وسبب التسميه ان كل من يحضر جاي غصب يحمل معه إبتسامه ( تغصيبيه ) كذلك حوافظ وصواني وطوافير ( غصبيه ) والأهم من ذلك كلها انك تقشع لزقة مخابز القادسيه كي لا تحين الفرصه لمضاوي مرت عمي محمد عادتها المفضله وهي ( التنقد )

مضاوي مرت عمي محمد وأمي نوره لا تحلى الجلسه بهم فعمي محمد فهّم حرمته مضاوي حينما إلتقى بها أول مره في ليلة الدخله أن أمه هي المرأه الأولى في البيت والجميع هم التاليين ويبدو ان مضاوي سبهه وفهمت صدق ان عمي محمد متزوج امه وهذا اللي خلى مضاوي دايما شيل وحط مع امي نوره .. ايه يا خاله وتقولين ليش ما يجينا مطر شوفي بنات عيالتس وش لابسين الله لا يخزينا عبايات مخصره وتنانير تناقز مطلعين شحومهم الله لا يخسف بنا وبعضهن مفصلات اللبس يدهننه بفازلين عشان يدخلن فيه حريم يلبسن بناطيل مخزيه ( مع لحظة التفاته على لمار ورمقها بنص عين ومد البوزر شبرين نحو اليمين ) .. وأمي نوره ما ادري متى بتسفهها لازم ترد بنات مع بنات والله لو يتفصخن ما فيها شي دامهم مع حريم مثلهم ما علينا حرج خلي الناس في حالهم يا مضاوي لا تضيقين صدورهم البنات جايات مستانسات يحترن هالشهر عشان يجتمعن وانتي تنكدين عليهم و خعتهقهصخثاقهثاقثهقهاقهثصقاهالثاصث .. ومضاوي ولقت حتسي هذا وهو حر الدنيا وتتشكين تبين مطر وش لون لا جاتس حر الاخره علميهم انصحيهم تراتس محاسبه يوم الدين وانتي اللي تبين تاخذين اثمهم وخخهثعقهثغقغعصثقف ( ولا تنتهي هذه الروايه الا بدخول عماني عشان نسلم عليهم )

بعدها يحين المشهد الأخر مشهد خروج حريم عماني واجتماعهم من دون أمي نوره لأن امي نوره جالستن تعرفنا على عماني كأننا مب كل شهر نشوفهم الله ابوهم ومن ثم مرور 60 بزر وهم إفراز مصطلح احفاد امي نوره اللي تصوم الشهر كله عشان تفطر على شوفتهم ) ليعود المشهد مرة اخرى إلى الصالة اللي توهم داخلين فيها حريم عماني مع ترامس القهوه وصوانيها ويحين الوقت لمواضي بممارسة وسيلتها المفضله + لعن خير المبزره وكرش كل بزر مع امه حين يطلب من امه فطاير الجبن اللي في ذيك الصينيه وخلي عزيز يعطيني البيتزا ليش هو معه ثنتين وانا لا

جميع ما تم خنبقته فوق ما هو الا مثال لحالتي مع المنتديات ففي كل بداية شهر أحط رحالي في منتدى وأحلف وأقر على نفسي ان هذا المنتدى هو محطتي الأخيره في مرحلة اللفلفه وقضى وقت الفراغ لين تجي الوظيفه ( والا الرجال الله ياخذه ما طاع يجي ) وأمي نوره هي اصحاب المنتديات اللي قبلي شيل وحط معهم ومواضي مرت عمي اللي هي انا الله يطول في عمري ويفك عني الخصلة الشينه وال60 بزر ما يحتاج اعلمكم من هم هههههههه فحياني الله بينكم وبياني وتراي متابعه من زمان <-- نصبة التسجيل اللي طافين بها هاليومين

myth · 13-05-2009, 08:06 AM

.

أهلن لمار حياك الله

ويارب تستقرين بالملحق .. لين ربي يرزقك الوظيفه وإلا يجيك المعرس

نايس ستوري

.

جفن ضب · 13-05-2009, 08:51 AM

هههههههههههههههههههه

بداية موفقه

حياك لمار

وخلي عنك البناطيل المخزيه

بدر · 13-05-2009, 11:24 AM

حياك انتي وشجرة العايله اللي ناثرتهم فوق

اللاذع · 13-05-2009, 12:45 PM

اقتباس:

وال60 بزر ما يحتاج اعلمكم من هم هههههههه

واحد من الـ 60 بزر اللي تكلمتي عنهم الله ياخذ قلبتس يالسبهه
اجل جايبتن لنا قصة استراحتكم وامتس نوره على شان تشبهينها بالمنتديات ووجودتس فيها الله يحوم تسبدتس على هالمثال الخايس اللي تسنه وجهتس تسيف ما تستحين ولا تخيلين يالبقره
هذا والله اليوزر اللي يستحق الواحد يرحب فيه ويكتب له .. عياره من الدرجه الاولى وكاتبه ملعونة جدف من اللي يشدون الواحد اذا قرى اخر حرف ووده ان القصه ماقضت عسى عدوتس للضعفه على هالفكر اهب <--- ماشاء الله لا تقولين نضلنا وتروحين تشتكين لأمتس نوره وموضيكم ويدعون علي
حياتس ربي ولا تحرمينا من مثل هالموضوع بالتكيه ترانا ننبسط عليه ولو اني اقرى وبس لكن يجيب لتس الله احدن يرد

مآتستبسطنيشً~ · 14-05-2009, 04:02 AM

يآهلآ يآهلآ بلمآرهً

حيآتس آلله آنتي وجدّتكم وعمّتكمً وصوآنيكمً وورآعينكمً

وًخليّنآ نشوفتس في كل شنقً من هآلمنتدىً

سلمى · 14-05-2009, 07:41 AM

لماره

اقتباس:

بعدها يحين المشهد الأخر مشهد خروج حريم عماني واجتماعهم من دون أمي نوره لأن امي نوره جالستن تعرفنا على عماني كأننا مب كل شهر نشوفهم الله ابوهم

هههههههههههههههههههههههههههه من جد يختي مرض برتوكول فاشل
تحتك بأبو متعب

اقتباس:

مرور 60 بزر وهم إفراز مصطلح احفاد امي نوره اللي تصوم الشهر كله عشان تفطر على شوفتهم )

ههههههههههههههههههه ماشاء الله ع الناس امرضونا ببزرانهم هذا لاقالوا المصريين عندنا كومة لحم تحسين فيران قطاوة اي شي مهب اوادم اهم
شي يجيبونهم ويخلونهم يرعون من خشاش الأرض
ربوهم ياناس الدعوة مهب تجميع عيال

اقتباس:

وكرش كل بزر مع امه حين يطلب من امه فطاير الجبن اللي في ذيك الصينيه وخلي عزيز يعطيني البيتزا ليش هو معه ثنتين وانا لا

ههههههههههههههههههههههههههههههههه المشكلة تلقين هالمبزرة ببيوت اهلهم
مايكلون شي تحسين نظامهم يوفرون على ابوهم , واذا راحوا لعزيمه ولا استراحة
الواحد تقل جرادة , لو تحطين له قراطيس اكلها
تلقين بخشتة شي يعلكة وبيدينه شي , وامه مغبية له بمنديل شي

***

لماره ان شاء الله اخر محطة هنا عندنا ولا تبرحين هالمكان
اعجبتيني

لماره العياره · 14-05-2009, 09:39 AM

في مقدمه الحضور
و على كرسي المنصه
وبين يدي الخطاب
تظهر رساله مغلفه
تسللت اليها باطراف اصابعي
لأجد وردة منكم لي
تحسستها ولمسته
واستنشقت عبيرها وابتعدت عن اشواكها
فاشواك الورد توجع كثيرا وتصبب اليدين من الدمان وتجلعني اضيع لزاق الجروح حقي تساني اقول الله ياخذ بزارين اخواتي ما ادري من لاعب عليهم ومفهمهم ان لزاق الجروح حلاو يتناوبون عليه لين يقضي اجل الأول يبترص بطنه يوجعه عشان تحط له امه لزقه يوم هاشت عليه راح مسك السكين وجرح نفسه يحطه السافل خخخخخخخ

ربا جعل ربي يسلمتس يا بعدهم ويرزقنا جميع ان شاء الله ولا تهقين لا جاني رجلي باقابلتس انتي وخشتس خخخخخ

جفن ضب والله ان اسمك يذكرني بشي مدري وشو الاكيد انه شي يحوم التسبد خصوصا لا شب علينا ابوي وجاب لنا ضببه وقال اطبخوه احس اني انثى وتحوم تسبدي وحامل وابدى احس بشعور غثيان مادري وراه بس حياك ربي وابشر باترك البناطيل المخزيه لاني شايفتن من تالي شورتات تطير العقل

اللاذع يا شايب ابليس يا المنفهدز ربي يمحقك قل امين لعنبو بليسك اللي كبرك كلهم معتكفين في المساجد رجل في الدنيا ورجل في القبر وانت قاعدن تدج وتهج في المنتديات ومواقع العرس عرست عليك عجوزن شمطاء كبرك الله ياخذك وهي معك امس افتح موقع عيش سفاري ام بي سي ثري لاختي الصغيره والقاك منزل قصيدتك فيها خخخخخخخخخخخخخخخخخخ اجل عمرك ما تعدى الخمس وعشرين ورى هالمليحه اللي كاتبت لك ما كملت السطر وجدعت عقب الميه
الله مير يسلمك والله عاد ما توقعت القاك فيذا يا اخي غديت تخوف انت تشكل خطر علينا انتشارك ذا مب طبيعي خصوصا ان بيني وبينك قصة حب سابقه ( وهي اللي تضرب بالسمعه عرض الحائط ) دامك واحد خبير فيذا تكفى توسط لي عند ربعك يدلون يحبوني ولا يهاوشوني ويحسروني تراي حبيبه واباري الساس واباري الشبك الشبك الشبك واقول يا الله سترك تحس اني ابطيت معك خلاص يا جدي انتهى وقتك يا شين الشياب لا كبروا يبدون يتحسسون من كلش ويتشرهون واجد لا ما احد حب رووسهم

بدر يا طول اسمك بعد والله اللي ما تتعب في تسجيل الدخول الله يحييك

سلمى وه يا زينها هالبنت يا ناس وانتي بعد معجبتني يا زينتس زيناه بس وراتس هابتن ريحتس ما عاد لتس صوت انخطبتي هااااااااااه ؟ ترى حنا عيونا بارده علمينا الله يعينتس بعد بس اسمعي علقيه صح عشان ما يقعد يعلقتس همن يلعب عليتس <-- الله ياخذتس تراه رجلها .. مبروك جحه وعقبال ما تفرحينا باكبر عيالتس ان شاء الله

موافق عليها · 14-05-2009, 11:37 PM

ماشاء الله وش ها الزين
لما نعنبو حيتس ياكثر قرقتس وياكثركم وياكثر بزارينكم
بس مدري هل فيه علاقه بينا وشو اللي 60 برز احفاد امك نوره ماش هينا يبيلنا وقفه اعترفي من انتي .. مابقى الا تقولين جدي ابو علي

لماره العياره · 15-05-2009, 04:10 AM

اقتباس:

لما نعنبو حيتس ياكثر قرقتس

لما اشوفك انسى معاك كل همومي ولما اشوفك لما اشوفك
لا أبد الستين بزر ذي مع تكملة العلاقه بيني وبين المنتديات
وش ذا الكشخه مراقب جاي يرحب فيني ولوه ما رحب بس انه جاء ولا بعد حاط كلابه وااااااوك يا الخقه

براين بن جون · 17-05-2009, 01:59 PM

يا هلا وغلا

ومرحبا

ونتمنى لك المتعة والفائدة

وحياك الله

لماره العياره · 18-05-2009, 02:13 AM

انت من لاعب عليك وقايل لك ان هالرد يخقق تراه يحوم التسبد اللي يحوم تسبدك يا الشاذ ( المقلط في حرم التكيه يعني ما تقدر ترفع قضيه خخخخخخ ) ارحم روحك ترى خشمك ما كبر الا من مطارد العيال شف ان صرت تلاحق البنات بيدلي يصغر خشمك وتراها قايلتن لي د/سميره حقت المركز الصحي

ما هقيت اني بالقى فايده بس ان شاء الله اننا نلقى المتعه انت وخشمك

حنظله · 21-05-2009, 05:07 AM

اقتباس:

نايس ستوري

آي ثينك يور هاف كومباند قود

13-05-2009, 06:13 AM	#1
لماره العياره قضبناهـ الباب	وش زود أمي نوره كل شهر تشوفنا مضاوي ؟ السلام عليكم في كل بداية خميس وكعاده شهريه اتخذتها جدتي نوره (أدام الله في عمرها وكفاها من شر حريم عيالها ) نجتمع في استراحه المغصوب عليهم وليس المغضوب وسبب التسميه ان كل من يحضر جاي غصب يحمل معه إبتسامه ( تغصيبيه ) كذلك حوافظ وصواني وطوافير ( غصبيه ) والأهم من ذلك كلها انك تقشع لزقة مخابز القادسيه كي لا تحين الفرصه لمضاوي مرت عمي محمد عادتها المفضله وهي ( التنقد ) مضاوي مرت عمي محمد وأمي نوره لا تحلى الجلسه بهم فعمي محمد فهّم حرمته مضاوي حينما إلتقى بها أول مره في ليلة الدخله أن أمه هي المرأه الأولى في البيت والجميع هم التاليين ويبدو ان مضاوي سبهه وفهمت صدق ان عمي محمد متزوج امه وهذا اللي خلى مضاوي دايما شيل وحط مع امي نوره .. ايه يا خاله وتقولين ليش ما يجينا مطر شوفي بنات عيالتس وش لابسين الله لا يخزينا عبايات مخصره وتنانير تناقز مطلعين شحومهم الله لا يخسف بنا وبعضهن مفصلات اللبس يدهننه بفازلين عشان يدخلن فيه حريم يلبسن بناطيل مخزيه ( مع لحظة التفاته على لمار ورمقها بنص عين ومد البوزر شبرين نحو اليمين ) .. وأمي نوره ما ادري متى بتسفهها لازم ترد بنات مع بنات والله لو يتفصخن ما فيها شي دامهم مع حريم مثلهم ما علينا حرج خلي الناس في حالهم يا مضاوي لا تضيقين صدورهم البنات جايات مستانسات يحترن هالشهر عشان يجتمعن وانتي تنكدين عليهم و خعتهقهصخثاقهثاقثهقهاقهثصقاهالثاصث .. ومضاوي ولقت حتسي هذا وهو حر الدنيا وتتشكين تبين مطر وش لون لا جاتس حر الاخره علميهم انصحيهم تراتس محاسبه يوم الدين وانتي اللي تبين تاخذين اثمهم وخخهثعقهثغقغعصثقف ( ولا تنتهي هذه الروايه الا بدخول عماني عشان نسلم عليهم ) بعدها يحين المشهد الأخر مشهد خروج حريم عماني واجتماعهم من دون أمي نوره لأن امي نوره جالستن تعرفنا على عماني كأننا مب كل شهر نشوفهم الله ابوهم ومن ثم مرور 60 بزر وهم إفراز مصطلح احفاد امي نوره اللي تصوم الشهر كله عشان تفطر على شوفتهم ) ليعود المشهد مرة اخرى إلى الصالة اللي توهم داخلين فيها حريم عماني مع ترامس القهوه وصوانيها ويحين الوقت لمواضي بممارسة وسيلتها المفضله + لعن خير المبزره وكرش كل بزر مع امه حين يطلب من امه فطاير الجبن اللي في ذيك الصينيه وخلي عزيز يعطيني البيتزا ليش هو معه ثنتين وانا لا جميع ما تم خنبقته فوق ما هو الا مثال لحالتي مع المنتديات ففي كل بداية شهر أحط رحالي في منتدى وأحلف وأقر على نفسي ان هذا المنتدى هو محطتي الأخيره في مرحلة اللفلفه وقضى وقت الفراغ لين تجي الوظيفه ( والا الرجال الله ياخذه ما طاع يجي ) وأمي نوره هي اصحاب المنتديات اللي قبلي شيل وحط معهم ومواضي مرت عمي اللي هي انا الله يطول في عمري ويفك عني الخصلة الشينه وال60 بزر ما يحتاج اعلمكم من هم هههههههه فحياني الله بينكم وبياني وتراي متابعه من زمان <-- نصبة التسجيل اللي طافين بها هاليومين التعديل الأخير تم بواسطة لماره العياره ; 13-05-2009 الساعة 06:15 AM

13-05-2009, 08:06 AM	#2
myth متألق سينمائي	رد: وش زود أمي نوره كل شهر تشوفنا مضاوي ؟ . أهلن لمار حياك الله ويارب تستقرين بالملحق .. لين ربي يرزقك الوظيفه وإلا يجيك المعرس نايس ستوري . توقيع » myth show me the right path

13-05-2009, 08:51 AM	#3
جفن ضب قضبناهـ الباب	رد: وش زود أمي نوره كل شهر تشوفنا مضاوي ؟ هههههههههههههههههههه بداية موفقه حياك لمار وخلي عنك البناطيل المخزيه

13-05-2009, 11:24 AM	#4
بدر شادن حيله	رد: وش زود أمي نوره كل شهر تشوفنا مضاوي ؟ حياك انتي وشجرة العايله اللي ناثرتهم فوق توقيع » بدر

14-05-2009, 04:02 AM	#6
مآتستبسطنيشً~ ملحقاوي فاصل	رد: وش زود أمي نوره كل شهر تشوفنا مضاوي ؟ يآهلآ يآهلآ بلمآرهً حيآتس آلله آنتي وجدّتكم وعمّتكمً وصوآنيكمً وورآعينكمً وًخليّنآ نشوفتس في كل شنقً من هآلمنتدىً توقيع » مآتستبسطنيشً~ .. ~{ ربّي آشرح ليٍ صدري ويسّر لي أمريٍ..’ *ياترى بيستمرّ ولاإييه !! ..

14-05-2009, 09:39 AM	#8
لماره العياره قضبناهـ الباب	رد: وش زود أمي نوره كل شهر تشوفنا مضاوي ؟ في مقدمه الحضور و على كرسي المنصه وبين يدي الخطاب تظهر رساله مغلفه تسللت اليها باطراف اصابعي لأجد وردة منكم لي تحسستها ولمسته واستنشقت عبيرها وابتعدت عن اشواكها فاشواك الورد توجع كثيرا وتصبب اليدين من الدمان وتجلعني اضيع لزاق الجروح حقي تساني اقول الله ياخذ بزارين اخواتي ما ادري من لاعب عليهم ومفهمهم ان لزاق الجروح حلاو يتناوبون عليه لين يقضي اجل الأول يبترص بطنه يوجعه عشان تحط له امه لزقه يوم هاشت عليه راح مسك السكين وجرح نفسه يحطه السافل خخخخخخخ ربا جعل ربي يسلمتس يا بعدهم ويرزقنا جميع ان شاء الله ولا تهقين لا جاني رجلي باقابلتس انتي وخشتس خخخخخ جفن ضب والله ان اسمك يذكرني بشي مدري وشو الاكيد انه شي يحوم التسبد خصوصا لا شب علينا ابوي وجاب لنا ضببه وقال اطبخوه احس اني انثى وتحوم تسبدي وحامل وابدى احس بشعور غثيان مادري وراه بس حياك ربي وابشر باترك البناطيل المخزيه لاني شايفتن من تالي شورتات تطير العقل اللاذع يا شايب ابليس يا المنفهدز ربي يمحقك قل امين لعنبو بليسك اللي كبرك كلهم معتكفين في المساجد رجل في الدنيا ورجل في القبر وانت قاعدن تدج وتهج في المنتديات ومواقع العرس عرست عليك عجوزن شمطاء كبرك الله ياخذك وهي معك امس افتح موقع عيش سفاري ام بي سي ثري لاختي الصغيره والقاك منزل قصيدتك فيها خخخخخخخخخخخخخخخخخخ اجل عمرك ما تعدى الخمس وعشرين ورى هالمليحه اللي كاتبت لك ما كملت السطر وجدعت عقب الميه الله مير يسلمك والله عاد ما توقعت القاك فيذا يا اخي غديت تخوف انت تشكل خطر علينا انتشارك ذا مب طبيعي خصوصا ان بيني وبينك قصة حب سابقه ( وهي اللي تضرب بالسمعه عرض الحائط ) دامك واحد خبير فيذا تكفى توسط لي عند ربعك يدلون يحبوني ولا يهاوشوني ويحسروني تراي حبيبه واباري الساس واباري الشبك الشبك الشبك واقول يا الله سترك تحس اني ابطيت معك خلاص يا جدي انتهى وقتك يا شين الشياب لا كبروا يبدون يتحسسون من كلش ويتشرهون واجد لا ما احد حب رووسهم بدر يا طول اسمك بعد والله اللي ما تتعب في تسجيل الدخول الله يحييك سلمى وه يا زينها هالبنت يا ناس وانتي بعد معجبتني يا زينتس زيناه بس وراتس هابتن ريحتس ما عاد لتس صوت انخطبتي هااااااااااه ؟ ترى حنا عيونا بارده علمينا الله يعينتس بعد بس اسمعي علقيه صح عشان ما يقعد يعلقتس همن يلعب عليتس <-- الله ياخذتس تراه رجلها .. مبروك جحه وعقبال ما تفرحينا باكبر عيالتس ان شاء الله

14-05-2009, 11:37 PM	#9
موافق عليها مراقب عام	رد: وش زود أمي نوره كل شهر تشوفنا مضاوي ؟ ماشاء الله وش ها الزين لما نعنبو حيتس ياكثر قرقتس وياكثركم وياكثر بزارينكم بس مدري هل فيه علاقه بينا وشو اللي 60 برز احفاد امك نوره ماش هينا يبيلنا وقفه اعترفي من انتي .. مابقى الا تقولين جدي ابو علي توقيع » موافق عليها 14\2\2010

17-05-2009, 01:59 PM	#11
براين بن جون ملحقاوي فاصل	رد: وش زود أمي نوره كل شهر تشوفنا مضاوي ؟ يا هلا وغلا ومرحبا ونتمنى لك المتعة والفائدة وحياك الله توقيع » براين بن جون 0 من عيوني كل ما تآمر عليه غير قلبي وش تبي مني وجاك قلبي اللي من عرفتك وانت فيه ماخذه مني قبل لا اقول هاك

18-05-2009, 02:13 AM	#12
لماره العياره قضبناهـ الباب	رد: وش زود أمي نوره كل شهر تشوفنا مضاوي ؟ انت من لاعب عليك وقايل لك ان هالرد يخقق تراه يحوم التسبد اللي يحوم تسبدك يا الشاذ ( المقلط في حرم التكيه يعني ما تقدر ترفع قضيه خخخخخخ ) ارحم روحك ترى خشمك ما كبر الا من مطارد العيال شف ان صرت تلاحق البنات بيدلي يصغر خشمك وتراها قايلتن لي د/سميره حقت المركز الصحي ما هقيت اني بالقى فايده بس ان شاء الله اننا نلقى المتعه انت وخشمك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

		الساعة الآن 04:19 PM. Powered by vBulletin® Version 3.8.3, Copyright ©2000 - 2010, Jelsoft Enterprises Ltd. TranZ By Almuhajir Content Relevant URLs by vBSEO 3.3.0 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47