المريض وش يسوي .. :)

DL5 · 26-05-2009, 03:00 PM

مساء الخير ولاحساس والطيبه ..

آآه الدنيا لسى بخير دامني انا فيها والدنيا لسى تزقح دامني انا اتنكس فيها

قبل يومين وعلى غير العادة قمت من النوم وتروّشت لأنها ماسكتـن معي غلط
ويوم اني شغّلت الدش إلا ويصير " السخّان " خربان

قلت مابدهاش : متروّشـن متروّش الله لايعووووووووق

تروّشت وانا اتنافض .. أدخل بطرف ظهري من جهه
واطلع من الجهه الثانية بشكل سريع وخطّافي << طيّب وش اللي حادّك !

المهم .. ثلاث ساعات إلا والبرد جايني يركض وداخلن فيني

عرض وينفضني وينفضني ليييين " دريت " أن الله حقّ

وانا اللي أطيح في فراشي من الصبح إلى أذان العشاء تقولون حالة نفاس ..

واخواني واخواتي والعائلة كلّها مستلجه معي

لدرجه ان اول مره اشوف آخوي يبتسي لعيوني

واول مره اشوفه ينام عندي ينقالوه خايف علي

يالبيه يا انا ودي امرض كل ابو يوم حسيت اني مهم بالعائلة

اللي يجيب لي زنجبيل واللي يصلّح لي كموّن واللي يحط لي شيّـن مر
مدري وش هو واذا سألتهم عن هاللي يحطـونه لي

قالوا : أذكر الله أنت ووجهك أنت ماتبي العافيه

<< طيب أبي العافيه بس لاتضيّعون مستقبلي وتجتهدون علي
ثم أصير " عاهه مُستديمه " !

ومن يوم يأذن المؤذن وانا اللي أصايح عليهم عطوني السجّاده

صايرن تقل شايب حاسّ بالموت

وكل شوي رجلي اليسار تتحرك بشويش

وانا اللي أطالع فيها بطرف عيني أحسّ ياوراها " انهيار عصبي
أنها مسويّه فيني مقلب

ويوم جا الليل واظلمت الدنيا

<< أبي أعطيكم جوّ وادخّلكم في الموضوع أكشن

وانا اللي انخرش ماعاد فيه أحد حولي .. لاحسّ ولا خبر

لا خالد ولا عبدالله ماعاد فيه إلا ( الرب الحبيب )

عظامي ارتخت والعَرَق بدى يسيل
وكل ماحاولت أقوّم نفسي عشان أروح للمطبخ

وآخذ لي شويّة " حلتيت على كمون أسود "

<< ترى مدري وش ذا والله بس أشوف الوالده اليوم تعطي خالتي الوصفه

يعني لو قدّر الله ومرض ولدها إلينها تلتّه بها ويقوم زي الحصان

ويوم اني شلت نفسي شوي شوي ولساني يلهج بذكر الله << الموت حق وكلنا ذايقينه

واروح للمطبخ وعيوني مابلا أربع أربع تقولون فناجيل
ومرّتن أطلّع ليمون اسود عجزت أعرف وصفة طويلة العمر
ويوم اني ماعرفت وصفتها الشعبيه

(( للعلم ترانا قراوى ومانعرف إلا العلاجات الشعبية
يعني الحبوب البيض هاللي تاكلونها إذا مرضتم مانعرفها $:))

وانا اللي أرجع لفراشي واتكرفس فيه شويّ إلا ويبدى يرتجف جسمي
مرّتـن ثانيه وابدى اتنافض ورجلي اليسار خمّتها أم العبيد

زي العاده وبدت تتحرك

<< يازين رجلي اليمين عويقله الله يتمي بها بس هاليسار دايم عوجى
وراكبن راسها الهبال - الله يقطع عدوّها

وانا اللي أقحص بكل قوتي واخذ همّتي واروح اتوضى
وادوّر سجّادتي واكبّر وادلّي أصلي

على الأقل إذا متْ ليني أموت على خاتمه حسنه وربي – إن شاء -
بيغفر لي ذنوبي وممشاي مع زلايب الاستراحه .. وقعدت أروكع

وكل شوي يجيني الشيطان يقول أقطع صلاتك ورح ارقد ومرّتن يقول لي راح اسمع " أم كلثوم " عشان صوتها عذب وكلاسيكي ويؤدي مُباشرة إلى الراحه النفسيه اللي تُبعدها عن المشقة وتُدخلها في سلسلة من التراكُمات الجذرية المُهدئة للأعصاب

<< يسمع بالتنكيت شيطاني

وكل ماجاني نفثت عن شمالي ثلاث .. وكمّلت في عبادتي

ربع ساعة إلا واشوف سوادن أقبل عليّ من عند الباب

وانا اللي يجيني الشيطان مرّه ثانيه ويقول :

( هذا ملك الموت جاك ياورع وخل الهياط ينفعك) << أمش يالتفكير

وانا اللي أختبص واقطع صلاتي
وتصير أمي ... واشوفها طاقتها " ابتسامه "

وش السالفه ؟

قالت آلحين أنت تصلي ؟
قلت : وش رايك يعني .. سجّاده ومرفّع كمومي وشوفي نور الطُهر وجلاء الإيمان مالي خشّتي .. أكيد يعني ( أصلّي ) !

قالت : طيب فيه أحد يصلّي .. وقبلته ( جنوب ! )

قلت " في نفسي " : المرض وعمل عمايلو !

قالت : وش لون صحّتك آلحين ؟ ( امي احسها تسلك لي )

قلت : والله مهوب طيّبه !

قالت : تبي حلتيته ؟

(( فيه أحد يعرفها هذي ياجماعه ؟! أخاف أنها بنت مضيّعتن
اهلها في ملاهي والا شي ))

قلت : لا .. فكيني تكفين .. أبي العافيه بس من دون شعبيات بطني غدى تقولين ( مكينة صرّاف الراجحي .. فيه إيداع بس مافيه سحب )

طحت في فراشي مرّه ثانيه

وتمنيت أني أدفع ما وراي ودوني وتجيني العافيه

لدرجه ان الزلايب حقين الاستراحه البارح
مبسوطين وفالينها ومن زود الوناسه البارح يدق علي واحد من الأغبياء
ويقول لي شفني قاعد اهز مصري (يكلمني ويقول شفني)
دنيا وصخه

العافيه ياناس نعمه .. وما يقدّرها إلا اللي يفقدها

العافيه يوم اننا نحسّ فيها ضيّعناها في مايُغضب الله عزّ وجلّ

ويوم ان المرض يهدّنا نصير مانفكّر إلا بطاعته !

طيب ليش مانختصر الطريق على انفسنا

ونجمع العافيه بِمُسبِباتِها ونقرنها بطاعة الله ؟!

ونملّحها بالمُباحات اللي ماتنهشّ الحسنات وتاكلها في غمضة عين !

مايستفاد من الموضوع :/

1/ لو تخنز وتطلع ريحتك لاتتروش بالشتاء
2/ ربك وصلاتك لاتقصر بها واعرف ان الله حق يازلابه مهوب لاطحت مسكت معاك على دين
3/ اخوانك يحبونك واذا مرضت بياقفون معك بس حاول قدر المستطاع تتغلى عليهم ولاتعطيهم وجه
4/ الميرمية وطقة الشعبيات ترا لها فوائد مهيب صاحيه يعني لاحسيت
انك مصخن حاول انك تزرط منهن لين تطيب
5/ باي

سلمى · 26-05-2009, 09:27 PM

دلخ حياك من جديد
والحمد لله ع السلامة طهوراً طهوراً ان شاء الله
والله العذاب اذا خربت الصخانة

اي والله صدقت الواحد مايصير مصري مايصلي ويذكر الله إلا بالأختباارات
او إذا بغى شي , مع اني مره سمعت الشيخ العريفي , يقول مايخالف لعل وعسى

اذكر مصرية يوم حنا بثالث متوسط كانت اختباراتنا برمضان , وتفطر
واذا انهبلنا وهيك قالت اختبارات عادي حلال

اقتباس:

اخوانك يحبونك واذا مرضت بياقفون معك بس حاول قدر المستطاع تتغلى عليهم ولاتعطيهم وجه

هههههههههههههههه قصدك يصيرون قلق وكل واحد يدخل شوي ويتمسخر
ووش دعوة كل الناس تمرض مهب بس انتي وبلا دلع
احد يتدلع بالمرض

الدلخ تسلم امتعتنا

DL5 · 26-05-2009, 10:19 PM

اقتباس:

المشاركة الأصلية كتبت بواسطة سلمى

دلخ حياك من جديد
والحمد لله ع السلامة طهوراً طهوراً ان شاء الله
والله العذاب اذا خربت الصخانة
الله يسلمتس
اي والله صدقت الواحد مايصير مصري مايصلي ويذكر الله إلا بالأختباارات
او إذا بغى شي , مع اني مره سمعت الشيخ العريفي , يقول مايخالف لعل وعسى
مصري
اذكر مصرية يوم حنا بثالث متوسط كانت اختباراتنا برمضان , وتفطر
واذا انهبلنا وهيك قالت اختبارات عادي حلال
دآجه ذي المصريه

هههههههههههههههه قصدك يصيرون قلق وكل واحد يدخل شوي ويتمسخر
ووش دعوة كل الناس تمرض مهب بس انتي وبلا دلع
احد يتدلع بالمرض
آنا
الدلخ تسلم امتعتنا
الله يسلمك

سلمى وقسمك انتس نور الموضوع

myth · 26-05-2009, 11:01 PM

.

دلخ الحمدلله عالسلآمه

من جد يآشين التروش بالمويه البآرده زين مآ طلعت على هوآ بآرد وجآك أبو وجه

عندي لك علآج وحده بوحده .. لا حسيت ببرد وسخونه أدهن سرتك و بطن قدمك من تحت بفكس وألبس شرآبات

وأدهن جسمك بعد وتلفلف ببطآنيه وخلك بمكآن حآر , عشآن تعرق ويطلع المرض وتقوم من النوم مآفيك إلا العآفيه

حيآك الله

.

so-what · 27-05-2009, 12:19 PM

اقتباس:

قبل يومين وعلى غير العادة قمت من النوم وتروّشت لأنها ماسكتـن معي غلط
ويوم اني شغّلت الدش إلا ويصير " السخّان " خربان
***

وآخذ لي شويّة " حلتيت على كمون أسود "

من يومين والحراره واصله 49 وانت تتنافض , لاقينا انت ووجهك طيب طيب بفرض انك كاتب هالموضوع يوم الشتاء تبي تقنعني انك مريض من البرد منتب مريض خلقه وترا الكمون لون واحد اللي هو ذاك اللون المخيس اللي الحين طلع له مسمى خاص يعني مثلا يقولك البلوزه اللي لونها كموني وتراه بالماريه يشبه لون الوشمسه فعلى اي اساس تقول كمون اسود

طيب طيب اخر شي ..

اقتباس:

المريض وش يسوي ..

ماينزل مواضيع سامجه

DL5 · 27-05-2009, 01:57 PM

اقتباس:

المشاركة الأصلية كتبت بواسطة r u b a

.

اقتباس:

المشاركة الأصلية كتبت بواسطة r u b a

دلخ الحمدلله عالسلآمه
الله يسلمتس
من جد يآشين التروش بالمويه البآرده زين مآ طلعت على هوآ بآرد وجآك أبو وجه
يوه
وشهو آبو وجه

عندي لك علآج وحده بوحده .. لا حسيت ببرد وسخونه أدهن سرتك و بطن قدمك من تحت بفكس وألبس شرآبات

وأدهن جسمك بعد وتلفلف ببطآنيه وخلك بمكآن حآر , عشآن تعرق ويطلع المرض وتقوم من النوم مآفيك إلا العآفيه
آبشري يا جدتي

حيآك الله

الله يحييك

.

نورتي

DL5 · 27-05-2009, 01:59 PM

اقتباس:

المشاركة الأصلية كتبت بواسطة so-what

من يومين والحراره واصله 49 وانت تتنافض , لاقينا انت ووجهك
على شحم
طيب طيب بفرض انك كاتب هالموضوع يوم الشتاء تبي تقنعني انك مريض من البرد منتب مريض خلقه
لا
وترا الكمون لون واحد
مين قآل لك يا فوزية الدريع

البلوزه اللي لونها كموني
هه ظريف
طيب طيب اخر شي ..
مش خشتك

ماينزل مواضيع سامجه
يآإ صبــر اللآرض

ما نورتنا آبدا

OXYGENH · 28-05-2009, 10:20 AM

هلا هلا

اقتباس:

آآه الدنيا لسى بخير دامني انا فيها والدنيا لسى تزقح دامني انا اتنكس فيها

تسسسمع بـ الثقّـه آنت

يوووووه جـد جـد يآشيـنه لمّـآ تصيـر المُـويه بـآرده تقُـوم تبـرد آطرآفك ووتصـآفق آسنـآنك من زود البّـرد

لُـووووولـز الونـآسه آنّـك لين مرضـتْ تحـس آنّـك بفـندق 5 ستـآرز 11:
والكُـل يسـوّي لك اللي تبـي , يعنـي آبُـوه من تدليـع

اقتباس:

العافيه ياناس نعمه .. وما يقدّرها إلا اللي يفقدها

العافيه يوم اننا نحسّ فيها ضيّعناها في مايُغضب الله عزّ وجلّ

ويوم ان المرض يهدّنا نصير مانفكّر إلا بطاعته !

صـآدق والله

دلـخ

الحمـدلله ع الســلآمه بس

DL5 · 28-05-2009, 10:12 PM

اقتباس:

المشاركة الأصلية كتبت بواسطة لحد يكلمني :$

هلا هلا

هلا بك

تسسسمع بـ الثقّـه آنت
لا بس أسلم عليها من بعييد
يوووووه جـد جـد يآشيـنه لمّـآ تصيـر المُـويه بـآرده تقُـوم تبـرد آطرآفك ووتصـآفق آسنـآنك من زود البّـرد
وصفك دنيئ
لُـووووولـز الونـآسه آنّـك لين مرضـتْ تحـس آنّـك بفـندق 5 ستـآرز 11:
والكُـل يسـوّي لك اللي تبـي , يعنـي آبُـوه من تدليـع
لا هنت 6 ستـآرز

صـآدق والله

دلـخ

الحمـدلله ع الســلآمه بس

الله يسلمك

A S 6 O R H · 08-06-2009, 02:33 PM

دلخ أوعدني بردود تبرد التسبد وأوعدك برد مني يحوم تسبدك ويخليك تسحب علي وتستلم باقي الردود وترد عليهم ولا ودك تخلص أبد عشان ما توصل لـ ردي .. الدلخ لا تبخل علينا بـ الردود .. ردود أمهات كلمة ورد غطاها ما تنفع .. لا تخلي القاري أنه ما عاد يتعب روحه ولا يجي يرد عليك بس يكتفي أنه يقراء و يمشي .. خل العالم تجي تدور يوزر دلخ عشان ترد عليه قبل لا تشوف موضوعه .. خلهم يتعودون أن دلخ يعطي كلن حقه :١١ .. لا تبخل بـ الردود لـ أنها لمعجبينك مهوب لي .. وأكيد ما ردوا ألا لـ أن موضوعك جاز لهم .. أنتظر عودتك والرد عليهم من جديد :١١ .

ليالي الجروح · 02-07-2009, 02:57 PM

سلاماااات
يوه جتني نوبة حزن الله يصلحك ذكرتني بمعاناتي مع السخانه هع
الله يهداك وياالزلايب اخوياك

يالله مع السلامه

حـنـفـي · 02-07-2009, 09:14 PM

dl5

أنا بصراحة أحب أقرء المواضيع بس ماأحب أكتب ,, موضوعك حلو وبداية موفقه .. بس أنت بديت الموضوع بسرعه وأنهيته بسرعه .. يعني مثلا فصل الموضوع يعني مثلا ً ليش تروشت هل لأن الجرب لعب فيك حبشه وأبطاك متزاعله مع بعض وكل مارفعت أبطك الأبط الثاني يجيه صرع ووجهك يجيه شد عضلي ,, ولا لأنك وأنت نايم أحتلمت على هياء الشعيبي يوم تمثل دور لبنانيه ,, ولا متروش بعد ماراحت الدوره منك ,, يعني لو تفصل يكون الموضوع أحلا ,,

واعذرني على الإطاله وكلامي الي ماله اي فائدة ,,

محبك في الله

حنفي

صح يالخال · 10-07-2009, 02:35 AM

أسمع يالخبل والله إنو موجوعك جميط جدا

وأتمنى أسوف مواضيعخ الحديدة والزبيطة

وأسمنى لط التوبيخ والنخاح

مع سحياثي / الجمبو الشوداتي

26-05-2009, 03:00 PM	#1
DL5 طـازهـ	المريض وش يسوي .. :) مساء الخير ولاحساس والطيبه .. آآه الدنيا لسى بخير دامني انا فيها والدنيا لسى تزقح دامني انا اتنكس فيها قبل يومين وعلى غير العادة قمت من النوم وتروّشت لأنها ماسكتـن معي غلط ويوم اني شغّلت الدش إلا ويصير " السخّان " خربان قلت مابدهاش : متروّشـن متروّش الله لايعووووووووق تروّشت وانا اتنافض .. أدخل بطرف ظهري من جهه واطلع من الجهه الثانية بشكل سريع وخطّافي << طيّب وش اللي حادّك ! المهم .. ثلاث ساعات إلا والبرد جايني يركض وداخلن فيني عرض وينفضني وينفضني ليييين " دريت " أن الله حقّ وانا اللي أطيح في فراشي من الصبح إلى أذان العشاء تقولون حالة نفاس .. واخواني واخواتي والعائلة كلّها مستلجه معي لدرجه ان اول مره اشوف آخوي يبتسي لعيوني واول مره اشوفه ينام عندي ينقالوه خايف علي يالبيه يا انا ودي امرض كل ابو يوم حسيت اني مهم بالعائلة اللي يجيب لي زنجبيل واللي يصلّح لي كموّن واللي يحط لي شيّـن مر مدري وش هو واذا سألتهم عن هاللي يحطـونه لي قالوا : أذكر الله أنت ووجهك أنت ماتبي العافيه << طيب أبي العافيه بس لاتضيّعون مستقبلي وتجتهدون علي ثم أصير " عاهه مُستديمه " ! ومن يوم يأذن المؤذن وانا اللي أصايح عليهم عطوني السجّاده صايرن تقل شايب حاسّ بالموت وكل شوي رجلي اليسار تتحرك بشويش وانا اللي أطالع فيها بطرف عيني أحسّ ياوراها " انهيار عصبي أنها مسويّه فيني مقلب ويوم جا الليل واظلمت الدنيا << أبي أعطيكم جوّ وادخّلكم في الموضوع أكشن وانا اللي انخرش ماعاد فيه أحد حولي .. لاحسّ ولا خبر لا خالد ولا عبدالله ماعاد فيه إلا ( الرب الحبيب ) عظامي ارتخت والعَرَق بدى يسيل وكل ماحاولت أقوّم نفسي عشان أروح للمطبخ وآخذ لي شويّة " حلتيت على كمون أسود " << ترى مدري وش ذا والله بس أشوف الوالده اليوم تعطي خالتي الوصفه يعني لو قدّر الله ومرض ولدها إلينها تلتّه بها ويقوم زي الحصان ويوم اني شلت نفسي شوي شوي ولساني يلهج بذكر الله << الموت حق وكلنا ذايقينه واروح للمطبخ وعيوني مابلا أربع أربع تقولون فناجيل ومرّتن أطلّع ليمون اسود عجزت أعرف وصفة طويلة العمر ويوم اني ماعرفت وصفتها الشعبيه (( للعلم ترانا قراوى ومانعرف إلا العلاجات الشعبية يعني الحبوب البيض هاللي تاكلونها إذا مرضتم مانعرفها $:)) وانا اللي أرجع لفراشي واتكرفس فيه شويّ إلا ويبدى يرتجف جسمي مرّتـن ثانيه وابدى اتنافض ورجلي اليسار خمّتها أم العبيد زي العاده وبدت تتحرك << يازين رجلي اليمين عويقله الله يتمي بها بس هاليسار دايم عوجى وراكبن راسها الهبال - الله يقطع عدوّها وانا اللي أقحص بكل قوتي واخذ همّتي واروح اتوضى وادوّر سجّادتي واكبّر وادلّي أصلي على الأقل إذا متْ ليني أموت على خاتمه حسنه وربي – إن شاء - بيغفر لي ذنوبي وممشاي مع زلايب الاستراحه .. وقعدت أروكع وكل شوي يجيني الشيطان يقول أقطع صلاتك ورح ارقد ومرّتن يقول لي راح اسمع " أم كلثوم " عشان صوتها عذب وكلاسيكي ويؤدي مُباشرة إلى الراحه النفسيه اللي تُبعدها عن المشقة وتُدخلها في سلسلة من التراكُمات الجذرية المُهدئة للأعصاب << يسمع بالتنكيت شيطاني وكل ماجاني نفثت عن شمالي ثلاث .. وكمّلت في عبادتي ربع ساعة إلا واشوف سوادن أقبل عليّ من عند الباب وانا اللي يجيني الشيطان مرّه ثانيه ويقول : ( هذا ملك الموت جاك ياورع وخل الهياط ينفعك) << أمش يالتفكير وانا اللي أختبص واقطع صلاتي وتصير أمي ... واشوفها طاقتها " ابتسامه " وش السالفه ؟ قالت آلحين أنت تصلي ؟ قلت : وش رايك يعني .. سجّاده ومرفّع كمومي وشوفي نور الطُهر وجلاء الإيمان مالي خشّتي .. أكيد يعني ( أصلّي ) ! قالت : طيب فيه أحد يصلّي .. وقبلته ( جنوب ! ) قلت " في نفسي " : المرض وعمل عمايلو ! قالت : وش لون صحّتك آلحين ؟ ( امي احسها تسلك لي ) قلت : والله مهوب طيّبه ! قالت : تبي حلتيته ؟ (( فيه أحد يعرفها هذي ياجماعه ؟! أخاف أنها بنت مضيّعتن اهلها في ملاهي والا شي )) قلت : لا .. فكيني تكفين .. أبي العافيه بس من دون شعبيات بطني غدى تقولين ( مكينة صرّاف الراجحي .. فيه إيداع بس مافيه سحب ) طحت في فراشي مرّه ثانيه وتمنيت أني أدفع ما وراي ودوني وتجيني العافيه لدرجه ان الزلايب حقين الاستراحه البارح مبسوطين وفالينها ومن زود الوناسه البارح يدق علي واحد من الأغبياء ويقول لي شفني قاعد اهز مصري (يكلمني ويقول شفني) دنيا وصخه العافيه ياناس نعمه .. وما يقدّرها إلا اللي يفقدها العافيه يوم اننا نحسّ فيها ضيّعناها في مايُغضب الله عزّ وجلّ ويوم ان المرض يهدّنا نصير مانفكّر إلا بطاعته ! طيب ليش مانختصر الطريق على انفسنا ونجمع العافيه بِمُسبِباتِها ونقرنها بطاعة الله ؟! ونملّحها بالمُباحات اللي ماتنهشّ الحسنات وتاكلها في غمضة عين ! مايستفاد من الموضوع :/ 1/ لو تخنز وتطلع ريحتك لاتتروش بالشتاء 2/ ربك وصلاتك لاتقصر بها واعرف ان الله حق يازلابه مهوب لاطحت مسكت معاك على دين 3/ اخوانك يحبونك واذا مرضت بياقفون معك بس حاول قدر المستطاع تتغلى عليهم ولاتعطيهم وجه 4/ الميرمية وطقة الشعبيات ترا لها فوائد مهيب صاحيه يعني لاحسيت انك مصخن حاول انك تزرط منهن لين تطيب 5/ باي

26-05-2009, 11:01 PM	#4
myth متألق سينمائي	رد: المريض وش يسوي .. :) . دلخ الحمدلله عالسلآمه من جد يآشين التروش بالمويه البآرده زين مآ طلعت على هوآ بآرد وجآك أبو وجه عندي لك علآج وحده بوحده .. لا حسيت ببرد وسخونه أدهن سرتك و بطن قدمك من تحت بفكس وألبس شرآبات وأدهن جسمك بعد وتلفلف ببطآنيه وخلك بمكآن حآر , عشآن تعرق ويطلع المرض وتقوم من النوم مآفيك إلا العآفيه حيآك الله . توقيع » myth show me the right path

08-06-2009, 02:33 PM	#10
A S 6 O R H مشرف عام	رد: المريض وش يسوي .. :) دلخ أوعدني بردود تبرد التسبد وأوعدك برد مني يحوم تسبدك ويخليك تسحب علي وتستلم باقي الردود وترد عليهم ولا ودك تخلص أبد عشان ما توصل لـ ردي .. الدلخ لا تبخل علينا بـ الردود .. ردود أمهات كلمة ورد غطاها ما تنفع .. لا تخلي القاري أنه ما عاد يتعب روحه ولا يجي يرد عليك بس يكتفي أنه يقراء و يمشي .. خل العالم تجي تدور يوزر دلخ عشان ترد عليه قبل لا تشوف موضوعه .. خلهم يتعودون أن دلخ يعطي كلن حقه :١١ .. لا تبخل بـ الردود لـ أنها لمعجبينك مهوب لي .. وأكيد ما ردوا ألا لـ أن موضوعك جاز لهم .. أنتظر عودتك والرد عليهم من جديد :١١ . توقيع » A S 6 O R H منتديات الملحق // الاهمية بـ [ الكيف ] مهوب [ الكم ] مساحة إعلانية بـ عنوان : وراك ما قلتا لنا يوزر " A S 6 O R H " موجود بـ الملحق فقط . PMiD : D97F0A48* للضرورة مسن بس : t_1@w.cn

02-07-2009, 02:57 PM	#11
ليالي الجروح طـازهـ	رد: المريض وش يسوي .. :) سلاماااات يوه جتني نوبة حزن الله يصلحك ذكرتني بمعاناتي مع السخانه هع الله يهداك وياالزلايب اخوياك يالله مع السلامه

02-07-2009, 09:14 PM	#12
حـنـفـي بيشد حيله	رد: المريض وش يسوي .. :) dl5 أنا بصراحة أحب أقرء المواضيع بس ماأحب أكتب ,, موضوعك حلو وبداية موفقه .. بس أنت بديت الموضوع بسرعه وأنهيته بسرعه .. يعني مثلا فصل الموضوع يعني مثلا ً ليش تروشت هل لأن الجرب لعب فيك حبشه وأبطاك متزاعله مع بعض وكل مارفعت أبطك الأبط الثاني يجيه صرع ووجهك يجيه شد عضلي ,, ولا لأنك وأنت نايم أحتلمت على هياء الشعيبي يوم تمثل دور لبنانيه ,, ولا متروش بعد ماراحت الدوره منك ,, يعني لو تفصل يكون الموضوع أحلا ,, واعذرني على الإطاله وكلامي الي ماله اي فائدة ,, محبك في الله حنفي

10-07-2009, 02:35 AM	#13
صح يالخال طـازهـ	رد: المريض وش يسوي .. :) أسمع يالخبل والله إنو موجوعك جميط جدا وأتمنى أسوف مواضيعخ الحديدة والزبيطة وأسمنى لط التوبيخ والنخاح مع سحياثي / الجمبو الشوداتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

		الساعة الآن 03:25 PM. Powered by vBulletin® Version 3.8.3, Copyright ©2000 - 2010, Jelsoft Enterprises Ltd. TranZ By Almuhajir Content Relevant URLs by vBSEO 3.3.0 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47